Indege y’indwanyi y’u Bwongereza yo mu bwoko bwa Typhoon n’indi y’Igisirikare cy’u Budage mu mpera z’icyumweru gishize zahagurukijwe igitaraganya ku birindo bya gisirikare bya Ämari muri Estonia zigiye guhagarika indege itwara abagenzi yari iherekejwe n’indege z’indwanyi z’u Burusiya .
Mu rwego rwo gukomeza kurinda umutekano mu kirere muri aka karere, indege zombi za NATO zahagurukijwe ku itariki ya 17 Werurwe kugira ngo zijye guhagarika indege itwara abagenzi y’u Burusiya, Tu-134, izwi ku izina rya Crusty muri NATO, yari iherekejwe n’indege 2 z’indwanyi za Sukhoi Su-27, n’indege ya gisirikare ya AN-12 Cub. Izi ndege z’u Burusiya zahagaritswe ziri kugurukira hafi y’ikirere cya Estonia.
Ingabo zirwanira mu kirere z’u Bwongereza n’iz’u Budage zirimo gukora imyitozo ijyanye no kurinda ikirere ikaba ari imyitozo ya mbere ibihugu byombi bihuriyemo. Guhagarika izi ndege z’u Burusiya biri m rwego rwo kwizezaa ko u Bwongereza n’u Buaage bifatanyije n’ibindi bihugu bigize NATO biri kumwe na Estonia muri iki gihe hari umwuka mubi hagati y’umuryango n’u Burusiya.
Richard Leask, Umuyobozi w’umutwe w’Abongereza ukoresha izi ndege z’indwanyi yagize ati: “Twihutiye guhagarika indege yari yegereye ikirere cya Estonia. Twahise tumenya indege y’u Burusiya hanyuma turayikurikirana igihe yagurukaga hafi y’ikirere cya NATO”.
Ati: “Inshingano za NATO zo kurinda ikirere zikorwa kugira ngo indege iyo ari yo yose ihagarikwe kugira ngo tumenye abo ari bo kandi tunabungabunge umutekano w’indege ku bakoresha ikirere cyose. Iki ni kimwe mu bigize kuba umuderevu w’indege z’indwanyi kandi ni cyo twe na bagenzi bacu b’Abadage twatorejwe hamwe kugira ngo dushobore gukora. ”
Ingabo zirwanira mu kirere z’u Bwongereza zoherejwe muri Operation Azotize muri Estonia kandi zizatangira kuyobora iki gikorwa zisimbura Abadage muri Mata. Ibikorwa bihuriweho bizakomeza kugeza mu mpera za Mata.
Tanga igitekerezo