Tukin zing khan Copa America match hmuhnawm takah Argentina chuan si khat faiin Uruguay an hneh a, goal awm chhun hi 56th mins- Aguero tauh luh a ni.

Argentina hian game hnih khel tawhin Group B hmahruaitu an ni a, an match hmasa berah 2-2 a Paraguay an draw pui hnuah tukin khan Uruguay si khat faiin an hneh a. Paraguay pawhin si khat faiin Jamaica an hneh thova, anni pahnih hian point 4 ve ve neiin Argentina nen hmahruaitu an ni mek. Jamaica hian hneh an la nei ve lova, Uruguay hian point 3 an nei mek bawk a ni.

Argentina 1-0 Uruguay

Sergio Aguero 56'

Argentina : Romero, Zabaleta, Garay, Otamendi, Rojo, Biglia, Mascherano, Messi, Pastore (Banega - 79' ), Di María (Pereyra - 89' ), Agüero (Tévez - 82' )

Uruguay : Muslera, Maxi Pereira, Giménez de Vargas, Godín, Pereira, González, Arévalo Rios, Rolan, Lodeiro (Hernández - 69' ), Rodríguez (Sánchez - 64' ), Cavani

Inkhel hmuhnawm takah hian goal khat chiah a lut a, goal awmchhun hi 56th mins-a Pablo Zabaleta cross tha zet near post-a Aguero tauh luh a ni. Uruguay an khel tha thawkhat hle a, si phurh rulhna chance tha tak tak an nei a.

Diego Rolan chuan pen 8 lek atangin a pet over hlauh mai. Hun tawp dawn lamah Diego Godin pawhin chance tha zet a nei a, a tauh tha zet chu an lo dan sak a, Hull player Adel Hernandez pet tha zet chu Sergio Romero chuan a lo dang bawk a ni.

Argentina hian Messi, Di Maria leh Aguero te hoin na takin an nawr a, Messi chuan goal hnihna khung theihna chance tha zet nei mahse Muslera chuan a lo dan sak hlauh a ni. Inkhel pumpui thlirin Argentina hian chak an phu zawk a, ball possession pawh 59%-31% a ni a, shots erawh Uruguay hian nei hnem zawkin vawi 14 an neih laiin Argentina erawhin vawi 12 an nei a, mahse shot on target erawh Uruguay hian vawi 3 chiah an neih laiin Argentina chuan vawi 7 an nei. Argentina hian point la hlawh chhuak ve lo leh Caribbean atanga an sawm Jamaica chu an hmachhawn leh dawn a ni.