Nuwe trekker in SA getoets
Deutz-Fahr Africa in SuidAfrika se trekkers word landwyd op plase aan verskeie toetse onderwerp. Die doel is om te bepaal hoe dié trekker in Afrika se toestande sal vaar.
Deutz-Fahr se Agrotron 6175 (6G-model) is deel van ’n data-insamelingsprogram in Suid-Afrika waarin hierdie trekker se vermoë getoets word.
Die data word aan die fabriek in Duitsland gestuur.
Verskeie boere het toestemming verleen dat hierdie trekker met werktuie op hul plase getoets word.
■ Mnr. T. Botha van die TLG Boerdery in Noordwes het die trekker met ’n 9-tandwerktuig met rollers op sy plaas getoets.
■ Mnr. A. Mouton van Rooipan in Noordwes het die Agrico 36-skottelwerktuig en ’n 5-skaarploeg van 18” getoets.
■ Mnr. N.L. Visser van Branden- burg in die Noord-Kaap het ’n vyfskaarploeg getoets.
■ Mnr. H.J. Visser van Brandenburg in die Noord-Kaap het ’n kantelwa van 10 ton getoets.
■ Mnr. J.H. van Zyl van Spioenkop in die Noord-Kaap het ’n 11-tandwerktuig getoets.
■ Mnr. N.L. Visser van Platklip in die Noord-Kaap het ’n Grimme-aartappeluithaler getoets.
VOORDELE
Die 6175G lewer 130 kW en het ’n standaardvermoë van 6 200 kg vir die agterhyser en ’n opsie van 9 700 kg. Dit is ook beskikbaar met ’n voorhyser met ’n vermoë van 3 850 kg.
Deutz-Fahr se nuwe 6-reekstrekker spog nie net met ’n moderne nuwe voorkoms nie, maar ook met ’n uitmuntende operateurskajuit en hanteringsvermoë.
Wat brandstofverbruik betref, het die toetse se resultate bewys hoekom Deutz-Fahr een van die voorlopers in die mark is.
Die 6G-reeks is in verskeie konfigurasies beskikbaar en dit kan vooraf vir die klant op die doeltreffendste manier by sy boerdery aangepas word. Dié reeks is in verskeie groottes beskikbaar, van 104 kW tot 130 kW, en selfs groter op aanvraag.
Na gelang van die boer se behoefte, kan ’n trekker in dié reeks met vier verskillende toptransmissies bestel word – van vier ratte met ses kragoorskakelings in elke rat, tot die TTV-ratkas van ZF met ’n ses liter-Deutz-enjin met ses silinders wat voldoen aan vlak 3 van die Europese uitlaatgasstandaarde.
WAARDE
Boere wonder waarskynlik hoe die Deutz-Fahr-produk die beste waarde gaan bied vir die swaarverdiende rande wat hy per kilowatt betaal in verhouding tot sy boerdery. Die antwoord is eenvoudig: Deur met goeie bemarking seker te maak die regte produk in die Deutz-Fahr-reeks pas by ’n verbruiker se spesifieke behoeftes. Deutz-Fahr doen meer vir minder. Teen gister se pryse is môre se tegnologie altyd tot die boer se beskikking.
Die gehalte-eienskappe eie aan die Deutz-Fahr-produk was duidelik sigbaar in die toetse. Die trekkers is regstreeks van die invoerder af beskikbaar. Só kan die boer altyd die beste prys vir sy boerdery beding. Met meer as 30 dienshandelaars landwyd is gehaltediens en spoedige naverkoopsdiens net ’n oproep ver.
Deutz-Fahr voeg beslis waarde toe tot alle boerderye. NAVRAE: Webwerf: www.deutzfahr.co.za; Facebook: https://www. facebook.com/DeutzFahrSA/; e-pos: info@df-africa.co.za; tel. 0861 128 128.