You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ABOUT THE AUTHOR<br />
QORAAGA BUUGGA<br />
Mary Harper, qoraaga buuggani, waa suxufiyad ka<br />
tirsan BBC-da oo ku takhasustay wax-ka-qorista<br />
arrimaha Afrika. Waxay wax badan ka qortay, kana<br />
warrantay Somalia,laga soo bilaabo dagaalladii<br />
sokeeye ee 1991-kii, iyo meelaha kale ee xiisadaha<br />
iyo dagaalladu ka taagan yihiin Afrika.<br />
Maqaalado badan oo ay qortay Mary Harper ayaa lagu<br />
soo daabacay jaraa'idka ay ka midka yihiin the<br />
Economist, The Times iyo Washington Post. Waxay<br />
shaadooyin sare oo jaamicadeed amma Digriiyo ka kala<br />
qaadatay Jaamicadda Cambridge iyo Machadka<br />
Daraasooyinka Bariga iyo Afrika ee ku yaal London(the<br />
School of Oriental and African Studies, London).<br />
Mary Harper waxay ku hadashaa waxna ku qortaa afafka<br />
Ingiriisiga iyo Faransiiska. Waxa kale oo ay ku<br />
hadashaa af-Boortaqiiska iyo afka loo yaqaan Wolof oo<br />
ah af Afrikaan, inta baddanna lagaga hadlo dalka<br />
Senegal.<br />
Cunwaankeeda bogga Website-ka ee Internet-ku<br />
waa:<br />
1
SOMALIA OO KHALAD LAGA FAHMAY?<br />
Diin, Dagaal, iyo Rajada Dal iyo Dawladnimo<br />
Burburtay.<br />
Waxa qortay: Mary Harper<br />
Waxa ugu horraantii la daabacay buuggan sannadkii<br />
2012-kii, waxana dabacday shirkadda Zed Books, ee<br />
cunawaanka: 7 Cynthia Street, London N1 9JF, UK, iyo<br />
cunwaaka Maraykanka ee Room 400, 175 Fifth Avenue,<br />
New York, NY I00I0, USA.<br />
Bogga Website-ka Internet-ka: www.zedbooks.co.uk.<br />
Xuquuqda qoraalka waxa iska leh Mary Harper:<br />
Copyright(c)Mary Harper 2012.<br />
Si waafaqsan sharciga xuquuda qoraallada, iyo<br />
lahaanshaha hal-abuurka iyo ikhtiraaca ee Act 1988<br />
(Cpyright, Designs and Patents Act 1988). Bogga<br />
Website-ka Internetka ee Mary Haper:<br />
www.maryharper.co.uk<br />
Waxa tifaftiray buuggan ururka African Arguments, oo<br />
ah urur soo saara oo tifaftira taxane ah buugaag<br />
koob-kooban oo ku saabsan Afrikada maanta iyo<br />
isbedellada ka socda.<br />
XUSUUS:<br />
Dhammaan xuquuqdani waa sharci, una dhawrsoon meelo<br />
gaar ah. Waxa reebban in buuggani amma qaybo ka<br />
2
tirsan, in la daabacdo, amma laga samaysto nuqliyo,<br />
amma la min-guuriyo, amma lagu takri-falo, qaab<br />
kasta, ha noqdo si toos ah, amma elektaroonic, amma<br />
sawir photocopy ah, amma qaabab kaleba, haddii aan<br />
ruqsad amma ogolaansho laga haysan marka hore<br />
shirkadda Zed Books Ltd.<br />
3
TUSMADA BUUGGA (CONTENTS)<br />
Muuqaallo|.... Mahadnaq|…..Ereyga qoraaga|……<br />
Xilli-taariikheedyo|…….<br />
Hordhac ………………………………………………………….<br />
1 Beelaha iyo Dalka …………………………………<br />
2 Taariikhda ……………………………………………………<br />
3 Xarakada Islaamiyadda ………………………<br />
4 Qaran Fashilmay? ……………………………………<br />
5 Budhcad-Badeedda ……………………………………<br />
6 Somalia iyo Adduunka Dibadda ……<br />
Gabagabo …………………………………………………………<br />
Xusas|… Bugaagta iyo qoraallada tixraaca|….<br />
4
MUUQAALLO (Illustrations)<br />
Khariidado (Maps)<br />
1.1 Somalia........................................<br />
1.2 ‘Soomaali-Weyn’ iyo dhulalka ay kala degaan<br />
qabaa’ilka/beelaha waaweyn.....................<br />
1.3 Qaybaha waaweyn ee dhulka Soomaalida<br />
1.4 Meelaha ay gaadheen weerarrada Budhcad-badeedda<br />
Soomaalidu, 2005–2010..........................<br />
Shax (Figure)<br />
1.1 Shaxda qabaa’ilka/beelaha iyo lafaha Soomaalida..<br />
Sawirro (Photographs)<br />
1 Qof dumar ah iyo ilmo yar oo ku jira xeryaha<br />
Muqdisho ee dadkii macaluushu soo barakicisay...<br />
2 Dumar ka tirsan askarta ciidamada dawladda kumeel-gaadhka<br />
ah.................................<br />
3 Wiil ka mid ah dadkii barabaxay magaalada<br />
Muqdishu oo ku ciyaaraya ul uu qori oo kale ka<br />
dhiganayo.......................................<br />
4 Ciidammada al-Shabaab ee jooga Muqdishu.<br />
5 Muqdishu, bixitaankii al-Shabaab ka dib,<br />
September 2011.................................<br />
6 Sarriflayaal, Hargeysa.........................<br />
7 Dumar ka tirsan booliska Somaliland............<br />
8 Nin Soomaali ah oo budhcad-badeed ah...........<br />
9 Mid ka mid ah ciidammada al-Shabaab oo cunno baco<br />
ku jirta u qaybinaya dad jooga Shabeellada Hoose<br />
oo ka tirsan meelaha macaluushu ka jirto,<br />
September 2011................................<br />
5
10 Barakacayaal safaf ugu jira cunno loogu<br />
qaybinayo magaalada Muqdishu..................<br />
11 Ganacsade Soomaali ah oo jooga suuqa weyn ee<br />
Eastleigh ....................................<br />
6
MAHADNAQ (ACKNOWLEDGEMENTS)<br />
Buuggani waxa uu siyaabo dhawr ah uga kooban yahay<br />
dedaalka dhawr qof oo ka qayb qaatay. Maxamed Cadde<br />
oo ka tirsan laanta af-Soomaaliga ee BBC-du waxa u si<br />
hagar la’aan ah ugu hurey waqti badan oo ka mid ah<br />
waqtigiisa, aqoontiisa iyo xidhiidhada uu leeyahay;<br />
la’antiina iimana suurto gasheen in aan buuggani<br />
qoro.<br />
Sidoo kale waxa ka dhigan saaxiibkay Maxamed<br />
Macallimuu oo jooga Muqdishu. Stephanie Kitchen waxa<br />
uu bilowgiiba ku kalsoonaaday oo uu ku qancay hawsha<br />
aan wado, waxanu mar walba i siinayey dhiirrigelin<br />
iyo ballanqaad. Waxa kale oo aad mahadnaq u<br />
jeedinayaa tifaftirayaashii kale ee ila shaqeeyey oo<br />
ay ka mid yihiin Ken Barlow, Alex De Waal, Richard<br />
Dowden iyo Robert Molteno.<br />
Saaxiibaday iyo dadka kale ee aannu wada shaqaynno<br />
ee laanta af-Soomaaliga ee BBC-da, kuwa haatan jooga<br />
iyo kuwii horeba, waxan ka korodhsaday wax badan. Way<br />
ka fara badan yihiin wax halkan lagu soo koobi karo<br />
qof-qof, laakiin waxan jecelahay in aan si gaar ah u<br />
xuso Axmad Siciid Cige, Cabdullaahi Xaaji, Yuusuf<br />
Xassan, Bashkash Jugsoodhacay, Yoonis Cali Nuur,<br />
Saciid Cali Muusa, Yuusuf Garaad Cumar, Cabdirasaaq<br />
Xaaji Maxamed Siraad, iyo Xusseen Aw Jaamac Jibriil<br />
Xagar. Waxa kale oo aan jecelahay in aan u<br />
mahadceliyo Maxamad Caddow, Cabdirashiid Ducaale,<br />
Cabdulqaadir Xaashi Cilmi, Cabdillaahi Faarax, Julie<br />
Flint, Sally Healey, Ian Hoare, Karen O’Brien, iyo<br />
James Wyle.<br />
Mahadnaq ugu weyn waxan u jeedinayaa dhammaan<br />
qoyskayga. Hooyaday Gay Harper, oo iyadu i gelisey<br />
amma igu abuurtay xiisihii ugu horreeyey ee Somalia,<br />
halkaasi oo ay shaqo u tagtay horraantii sannadihii<br />
1990-meeyadii xilliyadii dagaalladu ugu xumaayeen,<br />
kana ahayd kalkaaliye caafimaad magaalada Muqdishu.<br />
7
EREYGA QORAAGA (AUTHOR'S NOTE)<br />
Ka suxufi ahaan wax badan la socdey arrimaha Somalia<br />
ka dhacayey labaatankii sano ee ugu danbeeyey, waxa<br />
ii suurtogashay oo aan nasiib iyo fursad u helay in<br />
aan la kulmo, waxna ka korodhsado, dadweyne ka kala<br />
tirsan qaybaha kala geddisan ee mujtamacyada<br />
Soomaalida, heer kasta, min madaxweynayaal, budhcadbadeed,<br />
maalqabeenno milyanneerra ah, ilaa kuwa<br />
saboolka ah ee wax walba ka farabaxeen.<br />
Dadkaasi la'aantood, marnaba iima suurtogasheen in<br />
aan hawshani qabto oo aan buuggan qoro, dadkani oo<br />
aan qaarkood xattaa halis ku geliyey naftoodii amma<br />
noloshoodii shaqo, inay ila soo xidhiidhaan oo ay ila<br />
hadlaan, waxna ii sheegaan.<br />
Hawshani aan qabtay shaqadeedu waxay inta badani ku<br />
tiirsan tahay suxufiyiinta Soomaalida ee geesiyaasha<br />
ah, kuwaasi oo ku dhex nool meelo ku sugan xaalado<br />
khatar ah, haddana diyaar u ahaa inay ila<br />
socodsiiyaan maalin kasta waxyaabaha dhacaya. Mar<br />
mar, waxa dhacday xattaa inay iyagu ila soo<br />
xidhiidhaan iyaga oo shucuurtoodu kacsan tahay oo<br />
yaabban, si ay iila socodsiiyaan in maalintaas aanay<br />
jirin wax dagaallo ah oo dhacay, xaaladdaasi oo iyaga<br />
u ah mid qeyra-caadiah oo aanay u baran, ahna 'wax<br />
cusub oo war noqon kara'.<br />
Qaar ka mid ah suxufiyiintani, waxay ku kalliftay<br />
inay debadaha u haajiraan, qaar kalena waxay ku<br />
waayeen naftoodii.<br />
Xogta iyo macluumaadka ku jira buuggani ee aan soo<br />
ururiyey, waxay ka kooban yihiin wixii aan anigu kala<br />
soo kulmay waayo-aragnnimadaydii ee aan ku soo arkay<br />
Somalia iyo qurbajoogta Soomaalida, wixii aan ka<br />
maqlay Soomaalida iyo dadka daneeya dalkaasi, iyo<br />
wixii laga qoray ilaa hadda ee aan ka akhriyey.<br />
8
In kasta oo aan xusayo, aanan tixraacayo kutub iyo<br />
qoraallao sare oo akademi ah oo hore looga qoray<br />
Soomaalida, hadda buuggani waa mid kooban ee ma aha<br />
mid laga fili karo in uu wax kasta ka bixiyo sawir<br />
buuxa, amma isdabayaal oo faahfaahsan, xaaladaha<br />
Somalia oo dhan dhinac kasta; Iyadda oo aan rajaynayo<br />
in aan jilciyey, oo uu qoraalkani fududeeyo fahamka<br />
xaaladaha Soomaalida.<br />
Hasse ahaatee, xog-baadhistii iyo soo-ururintii<br />
macluumaadka buuggani waxa si weyn u xaddidey oo<br />
xannibaad ku noqday dagaallada iyo xiisadaha Somalia,<br />
macluumaadka halkan ku jirana looma wada qaadan karo<br />
qaar si kasta u dhammaystiran. Waxa jira dhacdooyin<br />
iyo arrimo kale oo badan oo u baahan in la qoro oo la<br />
tebiyo, iyo doodo badan oo kale in la soo bandhigo.<br />
9
Xilli-Taariikheedyo (Chronology)<br />
Qarnigii 7-10 AD Dad baayac-mushtar ah oo ka kala<br />
yimid dalal Carabta iyo Faarisiyiin<br />
(Iraaniyiin)ayaa soo degey magaalooyinka<br />
xeebaha; waxa kale oo ay faafinayeen diinta<br />
Islaamka.<br />
Qarnigii 17 AD Cummaan oo xilliyadaasi awod maamul ku<br />
yeelatay xeebaha koonfureed ee Soomaalida.<br />
1875 Masar oo qabsatay magaalooyin ka tirsan<br />
xeebaha iyo qaybo ka mid ah berriga dhulka<br />
Soomaalida.<br />
1897 Kala qaybsashadii Somalia ee guumeysiga.<br />
Ingiriiska, Itoobiya, Faransiiska, iyo<br />
Talyaaniga ayaa kala qaybsaday gobolkaasi.<br />
1900 – 1920 Hoggaamiyihii loo yaqaannay ‘Wadaadkii<br />
Waallaa’ ee Sayyed Maxamed Cadulle Xassan oo<br />
kala horjeestay dagaallo jihaad ah dalalkii<br />
isticmaarka ee qabsaday Somalia, gaar ahaanna<br />
Ingiriiska iyo Itoobiya.<br />
1934 Talyaaniga oo dagaal ku qaaday Itoobiya.<br />
1940 Talyaaniga oo qabsaday maxmiyaddii Ingiriiska<br />
ee Somaliland Protectorate.<br />
1941 Dalalkii Isbahaysiga ee dagaalkii labaad ee<br />
adduunka oo jebiyey Talyaaniga. Maamulkii<br />
milateriga ee Ingiriiska oo la wareegay<br />
dhammaan qaybihii Soomaalida, marka laga<br />
reebo maxmiyaddii uu haystey Faransiisku.<br />
1943 Aasaaskii xisbigii ugu horreeyey ee ugu<br />
weynaa ee Somalia ee Leegada SYL (Somali<br />
Youth League).<br />
1946 ‘Qorshihii Bevin’ amma ‘Bevin Plan’.<br />
Wasiirkii Arrimaha Debadda ee Ingiriiska ee<br />
waqtigaasi, Earnest Bevin, oo ku taliyey in<br />
10
la mideeyo dhammaan qaybaha Soomaalida oo<br />
maamul qudha la wada hoos keeno, taladaasi oo<br />
lagu gacan-saydhay.<br />
1950 Qaybtii Talyaanigu xukumi jirey ee Somalia<br />
Italiana oo la hoos keenay wilaayadda<br />
Jamciyadda Qaruumaha ka Dhaxaysa, si ku-meelgaadh<br />
ahna loogu igmaday in Talyaanigu sii<br />
maamulo muddo toban sano ah. Maxmiyaddii<br />
Ingiriiska ee Somaliland Protectorate<br />
sideedii hore ayaa lagu celiyey oo Ingiriiska<br />
ayay hoos timid mar kale, Ogaadeeniyana waxa<br />
dib loogu celiyey Itoobiya.<br />
26 June 1960 Madaxbannaanidii Somaliland.<br />
1 July 1960 Madaxbannaanidii qaybtii Talyaaniga ee<br />
Somalia Italiana iyo ku-biiriddii Somaliland,<br />
halkaasi oo ay ka dhalatay Jamhuuriyaddii<br />
Somalia.<br />
1963 Jabhad mucaarad ah oo ka bilaabantay<br />
Ogaadeeniya oo keentay dagaal kooban oo dhex<br />
mara Somalia iyo Itoobiya.<br />
1963 – 1967 Jabhad Shifto ah oo soomaali ah ayaa<br />
olole gobannimodoon oo ay doonayeen inay kaga<br />
madaxbannaanaadaan Kenya ka wadday gobolka<br />
waqooyi-bari ee Kenya.<br />
21 October 1969 Dawladdii rayidka ahayd oo lagu<br />
afgenbiyey inqilaab milateri oo uu<br />
hoggaaminayo General Maxamad Siyaad Barre.<br />
Waxana la soo rogey habka ‘Hantiwadaagga<br />
cilmiga ku dhisan’ oo uu tageerayey Midowgii<br />
Soofiyet.<br />
1973 – 1975 Qoritaankii af-Soomaaliga iyo ololihii<br />
la-dagaallanka wax-qoris-la’aanta iyo waxakhris-la’aanta.<br />
1974 – 1975 Abaaro xun iyo macaluul ba’an oo keenay<br />
dadweyne fara badan oo ku barabaxay miyiga<br />
waqooyiga, kuwaasi oo loo raray koonfurta<br />
11
Somalia, loona sameeyey iskaashatooyin<br />
beeraley iyo kuwo kalluumaysato.<br />
1977 Qaybtii Faransiisku haysatay ee French<br />
Somaliland oo madaxbannaanaatay, noqotayna<br />
Jamhuuriyadda Djibouti, oo uu madaxweyne ka<br />
noqday Xassan Guuleed Abtiddoon oo ka soo<br />
jeedey qawmiyadda Soomaalida. Waxa kale oo<br />
dagaal qaadday Jabhaddii Ogadeen oo ku<br />
qaadday Itoobiya.<br />
1977 – 1978 Dagaalkii Itoobiya iyo Somalia. Waxa la<br />
jebiyey Somalia ka dib markii Midowgii<br />
Soofiyet uu taageeray dhinicii kale. Waxa<br />
kale oo dhicisoobey inqilaab la isku deyey in<br />
lagu rido Siyaad Barre.<br />
1982 Waxa samaysmay jabhadihii SSDF ee waqooyibari,<br />
iyo SNM oo iyana ka samaysantay dhinaca<br />
waqooyi-galbeed. Labaduba waxay degeen<br />
Itoobiya oo ay saldhig ka dhigteen.<br />
1988 Waxa la sameeyey jabhaddii USC oo ka<br />
samaysantay Rooma.<br />
26 January 1991 Madaxweyne Siyaad Barre oo xukunkii<br />
laga tuuray, waxana ka tuurtay jabhaddii USC.<br />
Dagaal-kooxeedyo ayaa ka bilaabmay magaalada<br />
Muqdishu iyo meelo kale oo ka tirsan Somalia.<br />
18 May 1991 SNM ayaa ku dhawaaqday madaxbannaanida<br />
Somaliland.<br />
May 1992 – 1993 Hawlgakii ‘Operation Restore Hope’<br />
ee Qaramada Midoobay ; 30,000 oo ka kooban<br />
ciidammada Maraykanka iyo dalal kale ayaa<br />
bilaabay hawgallo nabad-ilaalineed.<br />
May 1993 Hawlgalkii ‘Operation Restore Hope’ oo lagu<br />
wareejiyey UNOSOMII.<br />
5 June 1993 Ciidamadii hoggaamiye-kooxeedkii Maxamad<br />
Faarax Caydiid oo diley in ka badan labaatan<br />
12
askari oo ka socdey Pakistan, kana tirsanaa<br />
ciidamadii nabad-ilaalinta ee Muqdisho<br />
joogey.<br />
October 1993 Dhacdadii ‘Black Hawk Down’ ee magaalada<br />
Mudishu lagu soo ridey diyaaraddii<br />
helikobtarka ee Maraykanka. Boqolaal Soomaali<br />
ah iyo siddeed-iyo-toban askari oo Maraykan<br />
ah ayaa iyagana la diley.<br />
1994 Ciidamadii Maraykanka oo ka baxay Somalia.<br />
1995 Ciidamadii nabad-ilaalinta ee Qaramada<br />
Midoobey oo ka baxay Somalia.<br />
1998 Gobolka waqooyi-bari ee Puntland oo ku<br />
dhawaaqay maamul-goboleed u gaar ah.<br />
2000 Shirweynihii dib-u-heshiisiineed ee Carta oo<br />
lagu qabtay dalka Djibouti. Cabdulqaasim<br />
Salaad Xassan ayaa wufuuddii shirkaasi u<br />
dooratay in uu noqdo madaxweyne qaran oo kumeel-gaadh<br />
ah.<br />
2002 – 2004 Shirweynihii nabadda ee Mbakagathi oo<br />
lagu qabtay dalka Kenya, looguna doortay<br />
Cabdullaahi Yuusuf in uu noqdo madaxweynaha<br />
dawlad Federaal ah oo ku-meel-gaadh ah.<br />
2006 Midowgii Maxkamadaha Islaamiga ah oo qabsaday<br />
gobollada koonfurta iyo badhtamaha Somalia<br />
intooda badan.<br />
December 2006 Itoobiya oo gashay Somalia. Midowgii<br />
Maxkamadaha oo laga tuuray xukunkii.<br />
2007 Dawladdii ku-meel-gaadhka ee Federaalka oo u<br />
guurtay magaalada Muqdishu. Waxana halkaasi<br />
la geeyey ciidammo nabad-ilaalineed oo ka<br />
socda Ururka Midowga Afrika.<br />
2008 NATO oo oggolaatay in la geeyo ciidammo ka<br />
tirsan ciidammadeeda badda biyaha Somalia, si<br />
ay uga ilaaliyaan budhcad-badeedda.<br />
13
2009 Ciidamadii Itoobiya oo ka baxay Somalia.<br />
Hoggaamiyihii hore ee Midowgii Maxkamadaha<br />
Islaamiga ah, Sheikh Shariif Sheikh Axmad, oo<br />
shirkweynihii nabadda ee Djibouti loogu<br />
dooratay in uu noqdo madaxweyne ku-meel-gaadh<br />
ah.<br />
2010 Ururka Islaamiyiinta ee al-Shabaab oo haysta<br />
koonfurta iyo badhtamaha Somalia inteeda<br />
badan ayaa shaaciyey oo ku dhawaaqay inay<br />
taabacsan yihiin, kuna xidhan yihiin al-<br />
Qaacida.<br />
11 July 2010 Afar-iyo-toddobaatan qof oo lagu diley<br />
magaalada Kampala ee dalka Uganda iyaga oo<br />
daawanaya ciyaartii kubadda cagta ee adduunka<br />
ee kama-danbaysta ahayd. Al-Shabaab ayaa<br />
sheegatay inay iyadu qaadday weerarkaasi isqarxinta<br />
ahaa.<br />
July 2011 Qaramada Midoobay oo ku dhawaaqay xaalada<br />
macaluuleed oo ka jirta qaybo ka tirsan<br />
gobollada koonfurta iyo badhtamaha Somalia.<br />
October 2011 Kenya oo ciidamadeeda milaterigu ay<br />
galeen koonfurta Somalia, iyaga oo<br />
ujeeddadoodu ay tahay inay ka saaraan al-<br />
Shabaab gobolkaasi.<br />
14
HORDHAC (Introduction )<br />
Somalia waxay ka mid tahay kuwa sumcaddoodu ugu<br />
lidato adduunka. Marka la xusayo, inta badan waxay u<br />
taagan tahay oo loogu halqabsadaa “qaran<br />
guuldarraysatay”. 1 Maraykanka iyo dalalka kaleba waxay<br />
ku tilmaamaan inay hoy u tahay al-Qaacida. Hey’adaha<br />
gargaarka (oo ay ka mid tahay hey’adda qaabilsan<br />
qaxootiga ee UNHCR, sida uu ku dhawaaqay madaxa<br />
hey’addaasi, Antonio Gutters, bishii July 2011),<br />
waxay sheegeen in Somalia ay ka taagan tahay<br />
“dhibaatadii ugu xumayd ee banii’aadminnimo ee<br />
adduunku”. 2<br />
Kuwa kale, waxay ku tiriyaan dalalka adduunka ‘ugu<br />
kharriban ee ugu musuqmaasuq badan”. 3 Ceebaha Somalia<br />
waxa ka mid ah xataa (sida lagu soo qoray jariidadda<br />
Economist, sannadkii 2004), inay caan ku tahay<br />
baasaaboorrada ‘been-abuurka ah” kuwa ugu horreeya<br />
adduunka. 4<br />
Warbixinnada warbaahinta caalamiga ahi marka laga<br />
hadlayo Somalia, waxay ku tilmaamaan dal “ budhcadbadeeddu<br />
ay buxisay badixiisa” 5 , (waxa tusaale loo<br />
soo qaadan karaa maqaalad uu qoraaga Peter Hughes ku<br />
soo saaray jariidadda Daily Telgragh, bishii May 13<br />
ee 2011.<br />
magaalo-madaxda Muqdishana waxa loo yaqaannaa<br />
“meesha ugu khatarsan adduunka” 6 . Ereyga “muqdishu”<br />
waxa uu erey-bixinta dadka qaar ula mid mid yahay<br />
macne ahaan meel kharriban oo run ahaantii u taagan<br />
xaalad dhibaato. Waxa jirtey xataa in riwaayad<br />
Ingiriis ah oo la sameeyey sannaddii 2011 in loogu<br />
magac-daray Mogadishu. Riwaayaddaasi kama hadlayn<br />
Somalia, waxayse ku saabsanayd dugsi sare oo dhibaato<br />
ay ka taagan tahay oo ku yaal magaalo weyn oo ka mid<br />
ah Ingiriiska. Markii muddaharaadyado rabshada wattaa<br />
ay ka dhaceen degaanno ka tirsan dalkan Ingiriiska<br />
15
ishii August ee 2011, weriye ka tirsan BBC-da oo ka<br />
soo warramayey rabshadahaasi gaar ahaan xaafadda<br />
Tottenham ee London waxa uu ku tlmaamay inay xaafaddu<br />
u ekaatay amma la mid noqotay Muqdishu.<br />
Mar aan su’aalo ka weydiiyey koox ka tirsan caruurta<br />
dalkan Ingiriiska waxa ay ka yaqaannaan Somalia, wiil<br />
dhalinyaro ah oo ka mid ah kooxdaasi ayaa si fiican u<br />
jilay qori boobe ah oo rasaasi si darandoorri ah uga<br />
dhacayso. Wuxu sheegay in ciyaalka saxiibbadiisa ah<br />
ee ay iskuulka ku wada jiraan ay ka cabsadaan waxa uu<br />
ugu yeedhay “Malis” amma “Maaliga”, sbabtuna inay<br />
tahay in jinsigaasi ay yihiin dad ama kooxo budhcad<br />
ah oo dembiilayaal ah. “Noloshaadu waxay ku jirtaa<br />
halis oo waa ku deysey haddii aad wax ku darsato<br />
dadkaasi “Maliga” ah, ayuu yidhi wiilkaasi. Wiil kale<br />
oo sagaal jir ah waxa uu isna ku sheegay Somalia inay<br />
tahay meel “dadku ay sabool yinhiin laakiin ay<br />
haystaan qoryo fara badan’. Gabadh yar ayaa iyana igu<br />
tidhi Somalia waa meel ay ka buuxaan budhcad-badeed,<br />
mid kalena waxay tidhi waa meel caruurta laga dhigto<br />
askar dagaallanta.<br />
Somalia waxay buuxiay dhammaan shuruudihii dal<br />
Afrikaan ah oo dhibaatooyin hadheeyeen. Waxa ka jira<br />
dagaallo, waxa ka jirta macaluul. Waxa laga helaa<br />
muqaallada iyo sawirrada ugu habboon ee soo jiita<br />
warbaahinta: hub aad loo isticmaalo, dhallinyaro<br />
mooryaan ah oo adegsada hub,oo mukhaadaraad ku<br />
waashay, oo xayraansan oo ku wareegaya baabuur<br />
LandCruiser ah oo dusha laga jaray, dumar lafo ah oo<br />
xammbaarsan caruur tag daran oo macaluulaysa, iyo<br />
diqsi fara badan oo ku xoonsan wejiyadooda.<br />
Muqaalladan iyo sawirrada noocan ahi waxay si weyn u<br />
soo ifbaxeen oo Somalia telifishannada caalamka soo<br />
gashay mar kale bishii July ee 2011 ka dib markii<br />
Qaramada Midoobay ay ku dhawaaqday xaaladmacaluul ah<br />
oo ka taagan gobollada qaar ee dalkaasi.<br />
16
1 Qof dumar ah iyo ilmo yar oo ka mid ah dad soo<br />
baracay ee ku jira xeryaha magaalada Muqdishu ee<br />
dadkii macaluushu saamaysay, August 2011 (Mohamed<br />
Moalimuu)<br />
Muuqaalladan iyo magacyada halhayska looga dhigay,<br />
waxay ka indha-saabeen adduunka,in la arko dhinayada<br />
kale ee Somalia. In ka badan labaatan sano oo<br />
dalkaasi ay ka taagnaayeen khilaafyo iyo<br />
dhibaatooyin, waxay ku kalliftay in Soomaalidu<br />
dhinaca kale ay kasbadaan waayo-aragnnimo, lana<br />
yimaaddaan habab cusub oo siyaasadeed iyo kuwa<br />
dhaqaale. Waxay si cuntanto oo dhakhso ah u dabbaqeen<br />
adeegsiga tiknoolojiyada casriga ah, iyaga oo ku<br />
17
dabbaqaya hab-dhaqankii farsamo ee xattaa ka<br />
horreeyey isticmaarka. Waxayna taasi u suurtogelisey<br />
inay sameeyaan adeegyada xawaaladaha lacagta ee ugu<br />
horumarsan, uguna wax-ku-oolsan qaaraddaasi, iyo<br />
weliba adeegyada isgaadhsiinta telifoonnada moobiilka<br />
ah ee casriga ah, isla markaasina ugu jaban Bariga<br />
Afrika.<br />
Buuggani waxa uu soo bandhigayaa doodo ah in wax<br />
badan oo kale laga kasban karo waayo-aragnnimada<br />
Soomaalida iyo sida ay u macaamilaan ee ay wax u<br />
qabsadaan; iyo in dalkaasi leeyahay dhinacyo badan oo<br />
kale oo cuntama, oo aan ahayn uun iska-horimaadyo<br />
dagaal, gaajo, budhcad-badeed, iyo islaamnnimo xagjir<br />
ah. Waxa kale oo qoraalkani uu ka baaraandegayaa,<br />
soona bandigaya sida ay ku timid in in ka badan<br />
labaatan sano Somalia aanay yeelan dawlad dhexe oo<br />
wax-ku-ool ah.<br />
Waxa kale oo buuggani uu eegayaa kaalinta ay ku<br />
yeesheen arrimaha Somalia quwadaha waaweyn ee debaddu<br />
iyo hey’adaha caalamihga ahi. Waxanu isweydiinayaa<br />
bal in kaalintaasi iyo sida ay u waajaheen Somalia,<br />
gaar ahaanna dawladda Maraykanka iyo dalalka ay isku<br />
bahda yihiin, inay waxtar u noqotay dalkaasi, iyo<br />
inay qayb ka qaadatay burburkii koritaanka<br />
qarankaasi, sida ay ku doodaan ee ay qabaan khubaro<br />
fara badani.<br />
In kasta oo Somalia ay jiraan waxyaabo badan oo<br />
shaqeeyaa, haba u shaqeeyaan inta badan siyaabo aan<br />
caadi ahayne, haddana waa in aan la yaraysan baaxadda<br />
dhibaatooyinka yaalla. Laga soo bilaabo burburkii<br />
dawladdii dhexe ee 1991 iyo sannadihii colaadeed ee<br />
xigey, Somalia waxay ahayd dal aan sidiisa u taagnayn<br />
ka-qaran siyaasadeed oo wadajira. Dalku waxa uu u<br />
kala jajabay qaybo ka kooban gobollo iskood isku<br />
18
maamula oo xuduudahoogu mar walba isbedelaan. Qaar ka<br />
mid ah gobolladaasi waa kuwo xassillon marka la<br />
barbar dhigo kuwa kale, gaar ahaanna Jamhuuriyadda la<br />
magac-baxday Somaliland, hasse ahaatee aan weli<br />
haysanin aqoonsi caalami ah. Laakiin Somaliland waxa<br />
ka jira nidaam dawladnnimo oo ku dhisan hab<br />
dimoqoraddi ah, marka loo eego qaybaha kale. Waxa<br />
kale oo ka jira dhaqaale kobcaya, iyo habab kale oo<br />
ijtimaaci ah oo si buuxa u shaqaynaya.<br />
Arrinta Somaliland waa mid muran weyni ka taagan<br />
yahay, in kasta oo ay dhinac kastaba u shaqayso una<br />
jirto si madaxbannaan oo iskeed u taagan. Haddana<br />
marka la eego mawqifka rasmiga ah ee dawladda kumeel-gaadhka<br />
ah ee Somalia iyo caalamkuba waxay u<br />
arkaan Somaliland inay tahay qayb ka tirsan guud<br />
ahaan Somalia. Mararka loo baahdo in la kala xuso,<br />
waxan ku kala tilmaami doonaa labadaasi dal 'Somalia'<br />
iyo 'Somaliland'. Mararka qaarna, gaar ahaan marka<br />
aan ka hadlayo wixii ka horreeyey 1991-kii, ereyada<br />
'Somalia' iyo 'Somali' waxan u adeegsan doonaa<br />
magacyo koobaya labadaasi.<br />
Ilaa sannadkii 2011, dad badan oo ka kala ah<br />
Soomaali, shaqaalaha ajanebiga ee hey'adaha<br />
gargaarka, diblomaasiyiin, aqoonyahanno, iyo kuwa<br />
kaleba, marka ay xusayaan dalkaasi waxay fikri ahaan<br />
uga hadlaan oo ay u kala saaraan saddex qaybood oo<br />
kala gooni ah, kalana ah 'Koonfur-dhexe', Puntland<br />
iyo Somaliland, xattaa haddii ay weli u aqoonsan<br />
yihiin rasmi ahaan dal qudha.<br />
Gobollada kale ee Somalia,intooda badani uma<br />
habaysna qaab sugan oo iskood u taagan, kumana<br />
shaqeeyaan nidaam sugan oo caalamka kale si sahal ah<br />
u fahmi karo. Inta badan waxa ka jira xaalado<br />
degganaansho la'aan ah oo aan la sadaalin karin,<br />
waxana mar walba isbedela awodaha maamulka. In badani<br />
19
waxay u aragtaa in xaaladaha noocani ahi ay khatar ku<br />
yihiin Soomaalida lafteeda, dalalka deriska la ah iyo<br />
caalamka intaba.<br />
Somalia waxa mar kasta loo yaqaannaa 'qaran<br />
fashilmay', taasi oo macnaheedu yahay in aanay<br />
dalkaasi ka jirin wax nidaamsan oo si hagaagsan u<br />
shaqeeya, isla markaasina aanay ka jirin nabadgelyo<br />
amma horumar midna. Marka la qiimaynayo xaaladahani<br />
loogu magac-daray Somalia, waa in lagu xisaabtamaa oo<br />
la xusaa duruufihii hore ee ka jiri jirey dalkaasi<br />
intii ka horraysey burburkii dawlad dhexe oo<br />
shaqaysa. Waxa weligeedba si joogto ah u jirey xoogag<br />
gooni ah oo ka durugsan awodda dhexe, dalkuna waxa uu<br />
mar walba ku jirey xaalad uu qarka u saaran yahay in<br />
uu kala burburo, xattaa intii ay ka talinaysey<br />
xukuumaddii qalafsanayd ee kelidii-taliyihii Siad<br />
Barre, intii u dhaxaysey 1969 ilaa 1991.<br />
Dedaalkii Siad Barre ee uu isku deyayey inuu abuuro<br />
awod dawladeed oo meel dhexe oo qudha laga wada<br />
maamulo oo kelideed-talis ah, iyo awod shakhsiyadeed<br />
oo isaga u gaar ah, arrimahani waxay aakhirkii<br />
sababeen dhicitaankiisii; dagaal keenay burbur oo<br />
lala galo Itoobiya sanadihii 1970-neeyadii.<br />
Takooriddii la takooray qabaa'ilka qaar ee xoogga<br />
badnaa iyo qaybihii kale ee danaynayey awodda<br />
maamulkuna waxay keeneen in ku dhegenaanshihii awodda<br />
xukunka ee Siad Barre ay bilawdo inay kala furfuranto<br />
xattaa sanado badan ka hor intii aan laga tuurin<br />
xukunka bishii January ee 1991.<br />
Sababahaasi awgood, waxay noqonaysaa arrin khaldan<br />
in lagu doodo in Somalia ay weligeedba hore u ahaan<br />
jirtey dal xassilloon, iyo qaran si buuxda u<br />
shaqaynaya oo leh hab dimoqoraadi ah amma nidaam<br />
kaleba.<br />
20
Waxa loo baahan yahay in loo helo Somalia qaab cusub<br />
oo dawladnnimo oo ay dabbiqi karto, kaasi oo<br />
suurtogal ay tahay in uu iskugu jirey qaababka<br />
casriga ah iyo kuwii dhaqankooda ee ismaamulka,<br />
qaabkaasi oo tixgelinaya isla markaasina ogolaanaya<br />
in gobollada kala geddisani ay yeeshaan maamulhoosaadyo<br />
madaxbannaan ilaa heer.<br />
Taariikhda jahawareerka leh ee beryahan danbe soo<br />
martay dalkaasi iyo nidaam-darrada xun ee ka<br />
taagnayd, waxay keeneen in siyaasadaha caalamku<br />
ay fikrado xun ka qaataan dalkaasi oo si khaldan u<br />
fahman, kuwaasi oo saamayn weyn ku yeeshay, wax<br />
weynna u dhimay Somalia, Geeska Afrika, iyo inta ka<br />
shishaysaba. Fikradahaasi khaldani waxay sii<br />
xoogeysteen gaar ahaan sanaddii 2006 markii ay soo<br />
ifbaxeen isbahaysigii maxkamadaha ee loo yaqaanney<br />
Isbahaysiga Maxkamadaha Shareecada Islaamka(UIC), ee<br />
ay qabsadeen degaanno badan oo ka tirsan dalkaasi,<br />
ilaa iyo intii ciidamada Itoobiya oo Maraykanku uu<br />
taageerayey, ee caawinayey dawladdii taagta darnayd<br />
ee ku-meel-gaadhka ahayd ay galeen dalkaasi ee ay ka<br />
saareen maamulkii Isbahaysiga Maxkamadaha Islaamiga<br />
ah.<br />
Dawladda Maraykanka iyo dalalka kale ee ay<br />
bahwadaagta yihiin si khalad ah ayay u fasirteen<br />
dhacdooyinkani. Waxay si khaldan isku mid ka soo<br />
qaadeen dhaqdhaqaaq siyaasadeed oo islaami ah oo<br />
gudaha ka dhashay iyo isbahaysiga guud ee caalamiga<br />
ah ee al-Qaacida. Taasina waxay keentay in magacii<br />
dalkaasi ay si dadban ugu meelmarto oo ay u faafto in<br />
uu noqday hoy cusub oo ka soo ololaystaan<br />
dagaalyhaniinta jihaad-doonka ah ee adduunka iska soo<br />
urursanayaa.<br />
Marka la eego qaabkii hore ee Isbahaysigii<br />
Maxkamadaha Islaamiga ahi (UIC) ay ku samaysmeen,<br />
umay taagnayn urur cusub oo wada dagaal Islaami ah.<br />
21
Maxkamadihii Shareecadu waxay sannado dhawr ah ka<br />
hirgeliyeen degaannadii ay ka abuurmeen ee Somalia,<br />
ku-dhaqanka nidaam deganaansho iyo caddaalad, ka dib<br />
markii maamulkii dawliga ahaa uu burburay. Waxay soo<br />
rogeen hirgelinta xukun-ciqaabeedyo aad u qallafsan<br />
oo ay ka mid yihiin addimada oo la jaro amma lugaha<br />
iyo gacmaha oo qofka laga gooyo, laakiin waxa kale oo<br />
ay hirgeliyeen nabdgelyo ay helaan dadweynaha intooda<br />
badani. Waxa suurto gashay markii ugu horraysay, ilaa<br />
dagaalladii sokeeye, in dadku ay mari karaan jidadka<br />
magaalada Muqdishu iyaga oo aan wax cabsi ah qabin.<br />
Hasse ahaatee waxa timid oo rumowdey markan cabsidii<br />
ugu weyneyd ee ay qabeen Maraykanka iyo bahdiisii. Ka<br />
sib markii la jebiyey isbahaysigii maxkamadaha<br />
islaamiga ah sannadkii 2007-dii, qaybo ka tirsanaa<br />
dhaqdhaqaaqaasi ayaa dib isku soo abaabulay oo noqday<br />
miliishiyooyinka al-Shabaab ee dagaal-wadayaasha<br />
Islaamiga ah, kuwaasi oo isla markaasina khatar ku ah<br />
adduunka kale ee debadda. Dagaalyahaniin ajenebi ah<br />
ayaa debadda kaga soo biiray islaamiyiintii<br />
Soomaalida ee gudaha, waxayna al-Shabaab bishii<br />
February ee 2010 markii ugu horraysay ay si cad u<br />
caddaysatay ku-xidhnaanshaha al-Qaacida.<br />
Sababta oo ah in loo arkay inay hoy u noqotay al-<br />
Qaacida iyo ururrada kale ee ku xidhan, ayaa waxa ay<br />
keentay in la soo geliyo Somalia tilmaamaha iyo<br />
mawqifyada adag ee ay reer Galbeedku ka qaaten<br />
xaaladihii ka abuurmay 9/11. Waxa lagu tilmaamay inay<br />
noqotay 'Ciraaqdii Afrika', iyo 'Afqaanistaantii<br />
Afrika'. Iyo weliba in sida Ciraaq iyo Afqaanistaan<br />
oo kale, in Soomaaliyana ay noqotay meel aad loo<br />
daneeyo marka la qiimaynayo ee indhaha lagu hayo<br />
hadba sida siyaasadaha debadda ee Maraykanku<br />
hoggaaminayaa ay u guulaystaan amma u<br />
guuldarraystaan.<br />
22
Kenya ayaa iyana si xad-dhaaf ah u isticmaashay oo<br />
uga faa’iideysatay halhayska "La-dagaallanka<br />
Argagixisada" bishii October ee 2011, waqtigaasi oo<br />
markii ugu horraysey taariikhdeeda ilaa<br />
gobannimadeedii ay weerar milatery ku qaaddo dal kale<br />
oo debadeed. Ciidamada Kenya waxay galeen koonfurta<br />
Somalia, iyaga oo ujeeddadoodu ay tahay inay meesha<br />
ka saaraan al-Shabaab oo joogitaankooda agagaarka<br />
xadka Kenya iyo xeryaha qaxootigu uu khatar weyn oo<br />
nabadgelyo ku noqday Kenya. Ciidamada Kenya waxa<br />
caawinayey diyaaradaha dagaalka ee Maraykanka ee loo<br />
yaqaanno nooca 'drone-ka' ee iyaga is-wada, kuwaasi<br />
oo ka soo kaca saldhigyo ku yaalla Ethiopia, kuna<br />
qaada weerarro door ah bartilmaameedyo la rumaysan<br />
yahay in al-Shabaab ay ku sugan yihiin.<br />
Sida in badan oo caalamka ka tirsani ay u arkeen<br />
Somalia, waxay muujinaysaa in lagu guuldarraystay in<br />
la fahmo in aanu dalkaasi ahayn mid lagaga talogeli<br />
karo in uu si moogaansho ah uun isku dhiibayo oo uu<br />
ogolaanayo faragelin arrimihiisa gaarka ah lagula<br />
kaco iyo in kolba wax lagu tijaabiyo oo lagu eego.<br />
Waa in aan loo arag Somalia aalad Shax ah amma<br />
"Chess" oo aan waxba kala ogeyn marka laga hadlayo<br />
"Dagaalka Argagixisada". Soomaalidu waa dad leh ab<br />
iyo taariikh, baraarug weyn iyo ujeeddo adag.<br />
Qaar ka mid ah Somalidu waxay yaqaannaan sida looga<br />
faa'iideysto xaaladda dalku ku sugan yahy ee lagu<br />
magacaabay 'qaran fashilmay', iyo in dalkaasi uu<br />
noqday meel argagixisadu ka abuuranto oo hoy u ah.<br />
Siyaasiyiinta iyo qabqablayaasha dagaalka waxay<br />
caadaysteen in si xeeladi ku jirto ay ugu eedeeyaan<br />
kuwa ay iska soo horjeedaan inay yihiin Islaamyiin<br />
xagjir ah, si ay u kasbadaan oo ay u helaan taageero<br />
debadeed oo dhaqaale iyo mid milateri.<br />
Somalia waxay weligeedba ahayd meel fool adag oo<br />
23
dhibaato ku ah ajanebiga debaddu inay fahmaan oo ay<br />
wax ka qabtaan. Sumcadda iyo sawirka ugu weyn ee<br />
caalamku ka haysto dalkaasi waxa si cad u muujiyey<br />
filimkii Hollywood ee Black Hawk Down. Filimkaasi<br />
waxa uu ka sheekaynayaa sidii bishii Oktoobar ee 1993<br />
ay miliishiyooyinkii taageersanaa qabqablihii<br />
dagaalka ee Mohamed Farah Aideed ay u dileen siddeed<br />
iyo toban askari oo ka tirsanaa ciidammadii<br />
Maraykanka ee joogey Muqdishu, ka dib markii la soo<br />
ridey laba diyaar oo Helikobtarro ah, nooca loo<br />
yaqaan Black Hawk oo Maraykanku lahaa. Shilkani waxa<br />
uu ku yeeshay Maraykanka saamayn weyn oo riiq argagax<br />
ah ku reebtay, ka dib markii dadweynaha Maraykanku ay<br />
telifishannada ka daawadeen meydadkii<br />
askarta Maraykanka oo qaawan oo jidadka magaalada ay<br />
jiid-jiidayaan dadweyne ku orinaya oo Somaaliyeed.<br />
Hawlgal markii hore ku bilaabmay<br />
gargaar bani'aadminnimo oo ujeedadiisu ahayd in lagu<br />
quudiyo dad Afrikaan ah oo macaluuli haysey, ayaa<br />
isku rogey dhibaato weji-gabax ku riddey dawladda<br />
Maraykanka. Muddo bilo ah gudahood ka dib markii<br />
shilkaasi dhacay, ciidammadii Maraykanku waxay ka<br />
baxeen Somalia, waxana bedeley halkoodii hawlgal ah<br />
ciidammado ka socda Qaramad Midoobey, kaasi oo aan<br />
sidoo kale isaga laftiisu guulaysan, isla markaasina<br />
si dhakhso ah isna uga baxay dalkaasi. Taasina waxay<br />
dalkaasi geyeysiisey in sannadaao badan uu caalamku<br />
ka indha saabto oo uu daayaco. Waxayna noqotay in<br />
Somalia inteeda badan faraha laga qaado, iyagana la<br />
isku daayo oo adduunku dhabarka u sii jeediyo, taasi<br />
oo aakhirkii keentay in kalluumaysatadii ay isku<br />
rogaan budhcad-badeed, Islaamiyiintii qunyar-socodka<br />
ahaana inay noqdaan xagjir ku xidhan al-Qaacida.<br />
Ra'yulcaamka guud ee reer Galbeedku ka qaatay<br />
shilkii 'Black Hawk Down' waxay ku noqotay mid fajac<br />
iyo xanuun leh: Sideebaa ummad sabool ah oo reer-<br />
24
guuraa ahi ay u awodeen inay ku khasbaan dawladdii<br />
ugu quwad weyneyd adduunku inay faraha ka qaaddo<br />
hawlgal markii hore ujeeddadiisu ahayd faragelin<br />
ban'aadminnimo? Laakiin haddana tani ma ahayn<br />
markii ugu horraysay ee Somalia ay ka hortimaaddo ee<br />
ay isku taagto xoogagga waaweyn ee adduunku.<br />
In kasta oo aan sidaa loo aqoon, amma aanay u magac<br />
dheerayn sida taariikhda 'Looltankii Weynaa' ee<br />
Afghanistan oo kale, halkaasi oo muddo gaadhaysa ilaa<br />
100 sanadood ay imbaraadooriyadihii Ruuska iyo<br />
Ingiriisku ay isku deyayeen laakiin ku guulaysan<br />
waayeen inay xoog ku muquuniyaan dalkaasi, haddana<br />
taariikhda casriga ah ee Somalia waa mid ay ku ladhan<br />
tahay dadkeeda oo isla qabweyn, iskana caabbiya kana<br />
xeel badiya xoogagga ugu waaweyn ee hadba soo<br />
waajaha. Laga soo bilaabo xilliyadii ugu horreeyey ee<br />
reer Yurub ay gaadheen qaaradda Afrika, Soomaalidu<br />
waxay soo jiiteen qorayaasha iyo mufakiriinta oo aad<br />
u daneeyey.<br />
Marka la eego waxyaabihii uu ka qoray sahamiyihii<br />
Ingiriiska ahaa ee Richard Burton, ( buuggiisii<br />
‘Lugtii/Socdaalkii ugu Horreeyey ee Bariga Afrika’<br />
ee ugu horraantii la aabacay sanaddii 1856), wuxu ku<br />
tilmaamay Soomaalida 'jinsi kulul oo ka kooban<br />
jamaahiir kacsan' 7 . Aqoonyahanka culuunta bulshada ee<br />
la yidhaa Professor Ioan Lewis, laguna tilmaami in uu<br />
yahay caalimka ugu weyn ee dersey waxna ka qoray<br />
Soomaalida, wuxu isna ku qoray (buuggiisii ‘Fahmidda<br />
Somalia iyo Somaliland’ ee 2008), in Soomaalidu 'ay<br />
si qaawan oo cad u quudhsadaan dadyowga kale'. 8<br />
Xaalad hore oo u dhiganta shilkii ' Black Hawk Down'<br />
waxay tahay taariikhda loo yaqaan 'the Mad Mullah'<br />
amma 'Wadaadkii Waallaa', naanaystan oo Ingiriisku<br />
ugu yeedhi jirey Sayyed Mohamed Abdulle Hassan oo ay<br />
col ahaayen, waxanu Sayyed Mohamed Abdulle Hassan<br />
25
ahaa hoggaamiye-dagaal oo gabayaa ah. Waxanu dagaal<br />
kula jirey ciidamadii isticmaarka labaatankii sano ee<br />
ugu horreeyey qarnigii labaatanaad. Waxa uu<br />
hoggaaminayey dagaal uu ku macneeyey Jihaad amma<br />
dagaal diini ag oo lagu qaadayo gaalada. Sida<br />
Soomaalida maanta oo kale, ujeeddada dagaalkiisu<br />
waxay ahayd in uu golbolka ka xoreeyo oo ka ilaaliyo<br />
reer Yurub, Itoobiya iyo Kiristaanku inay ku yeeshaan<br />
saamayn. Wuxu awodey in uu dhawr sano iska caabiyo<br />
xoogaggaasi, laakiin aakhirkii dhulalkii Soomaalidu u<br />
badnayd ee ay degeysey waxa kala qaybsaday oo<br />
xukunkoodii la wareegay amma qabsaday dawladdihii<br />
Itoobiya, Ingiriiska, Talyaaniga iyo Faransiiska.<br />
James Rennell Rodd oo ahaa hoggaamiyihii maamulkii<br />
Ingiriiska ee qaabilsanaa Somalia, waxay noqon lahayd<br />
in uu sidoo kalena wax ka qoro xaaladaha maanta ee<br />
Somalia haddii uu soo gaadhi lahaa, (marka loo eego<br />
waxyaabihii hore ee uu ka qoray dagaalladii<br />
waqtigaasi. Waxana ka mid ahaa qoraalladiisaasi<br />
‘Xusuus-Qoraalladii Diblomaasiyadda iyo Arrimaha<br />
Ijtimaacia ah ee 1894 – 1901, iyo 1923’), waxanu ku<br />
qoray mar uu ka faalloonayey xaaladihii dagaal ee<br />
waqtiaas 'nafo badan oo qaali ah ayaa lumay, waxana<br />
khasaaray kharash malaayiin ah oo ku baxay hawlgallo<br />
aan la mahadin oo lagu qaaday cadow aan muuqan oo aan<br />
la malayn karayn, oo na baday dhibaatooyin baaxad<br />
leh, in ka badan muddo labaatan sano ah'. 9<br />
Wadaadkaasi lagu naanaystan jirey 'Mad Mullah' amma<br />
'Wadaadkii Waallaa' waxa uu dagaalkiisa u adeegsan<br />
jirey af iyo addinba. Gabaygiisa iyo masafooyinkiisa,<br />
waxa uu u isticmaali jirey kicinta iyo qiiro-gelinta<br />
taageerayaashiisa, ilaa maantadanna isaga iyo<br />
fikradihiisii waxay leeyihiin saamayn iyo hiigsi.<br />
Soomaaliduna waxay si xushmad iyo xiiso leh u soo<br />
xigataa gabayadiisii. Ma aha inay ku xusayaan<br />
dagalladii lala galay Ingiriiska, laakiin waxay ku<br />
26
dabbaqaan oo ay barbar dhigaan xaaladaha taagan<br />
haatan iyo xidhiidhka dalkaasi manta la leeyahy<br />
Maraykanka iyo xulafadiisa.<br />
Soomaalidu waa dad weli sii haysta dhaqan-afeedkii,<br />
iyadoo gabayaa iyo maansooyinku ay si weyn uga<br />
muuqdaa nolol-maalmoodkooda; in badanina waxay u<br />
adeegsadaan gabayada iyo hal-haysyada maahmaahyada,<br />
halqabsi iyo hal-tusaale ay u daliishadaan doodaha<br />
iyo xallinta dhibaatooyin badan.<br />
Inta badan intii hore la iskugu deyey faragelin<br />
debadeed taariikhda Somalia, waxay badankoodu ku<br />
danbeeyeen wax dib ugu noqda qaramadii shisheeyaha oo<br />
lagu khasaar, waxyeello kalen ka timaaddo. Faham<br />
la'aanta weyn ee xaaladaha dalkaasi waxa macnaheedu<br />
uu yahay oo ay keenaysaa in xattaa marka adduunku<br />
debadd uu daacadda ka yahay ee uu doonyo in uu si<br />
dhab ah wax uga qabto dhibaatooyinka<br />
banii'aadminnimada, sidii dhacay sannadkii 1990-dii<br />
oo kale markii dagaalkiisa sokeeye iyo abaarihii<br />
dabiiciga aha ee dhaliyeen macaluusha, in haddana<br />
gurmadkaasi uu ku danbeeyey in uu qayb ka qaato<br />
burbur kale oo dheeraad ah iyo kala qaybsanaan ku sii<br />
dhacda dalkaasi, iyo iska horimaadyo hor leh, halkii<br />
loola jeedey in lagu horumariyo nabadaynta.<br />
Inta badan dedaalladii debadeed ee ku saabsanaa in<br />
lagu dhiirrigeliyo Soomaalidu inay wax ka qabtaan oo<br />
ay xal u helaan dhibaatooyinkooda, waxay sidoo kale<br />
ku danbeeyeen in lagu fashilmo. Ilaa 2007-dii, waxa<br />
la qabtay in aan ka yarayn afar iyo toban shirweyne<br />
oo qaran oo dib-u-heshiisiineed, oo dhammaan Lola<br />
jeedey in lagu soo afjaro khilaafaadkii tirada<br />
badnnaa ee ka dhashay dhicitaankii Siyad Barre ka<br />
bacdi. Shirarkaasi faraha badnnaa ee kharasyada<br />
badanina ku baxeen waxa mar kasta maalgelinayey<br />
dalalka debadda iyo hey'adaha caalamiga ah, waxana<br />
27
mar kasta lagu qabanayey Somalia debaddeeda. Mararka<br />
qaar waxay jiitamayeen sannado, kumana yeelan wax<br />
saamayn ah oo sidaas ah xaaladihii gudaha.<br />
Laga soo bilaabo sannadihii 1990-kii, hoggaamiyayaal<br />
badan oo Soomaali ah ayaa waqti badan ku lumiyey<br />
wadahadallo keliya oo ku saabsan sidiii Somalia loogu<br />
soo dabbaali lahaa nidaamkii degganaanshaha, halkii<br />
ay ku dhaqaaqi lahaayeen ficil ahaan wax-qabad la<br />
taaban karo oo wax ugu filan horumarinta nolosha<br />
dadweynaha caadiga ah. Waxase haatan la-yaabis leh<br />
in weli quwadaha debaddu ay diyaar u yihiin inay sii<br />
wadaan bixinta kharshayada shirarkaasi. Xaqiiqada ah<br />
in Soomaalidu ay haddana awodi karaan inay weli ku<br />
sii qanciyaan dalalka iyo ururrada debaddu inay sii<br />
maalgeliyaan oo ay bixiyaan kharshaadka shirarkooda<br />
qaran ee dib-u-heshiinta, ayaa waxay tani tusaale u<br />
tahay sida qaar ka tirsan Soomaalidaasi ay ugu fiican<br />
yihiin inay ka faa'iidaystaan xaaladaha jira. Waxay<br />
helaan sannado badan oo ay kasbadaan khibrad iyo<br />
xeelado ay ku maalaan ajanebiga, gaar ahaan marka ay<br />
jiraan xaalado degdeg ah oo u baahan gurmad mucaawano<br />
amma taageero ku aaddan ka-shaqaynta nabadgelyada.<br />
Labaatan sano oo laga hadlayey wada hadallo<br />
nabadgelyo oo lagu qabto hudheello iyo goobo kale oo<br />
raaxo oo ka baxsan Somalia, waxay keeneen oo qudha<br />
sii-kala-qaybsanaan kale oo weyn oo ku timaadda<br />
hoggaanka Soomaalida dhexdooda, iyo dadweynihii looga<br />
tegey inay ku sii jiraan khilaafaadkii iyo<br />
jahawareerkii taagnaa.<br />
Sababtuna waa dhab ahaantii hoggaamiyayaashooda iyo<br />
guud ahaan caalamka oo gabay inay dib u soo celiyaan<br />
degganaanshihii, sidaasi darteedna Soomaalidu waxay<br />
abuurteen hababkooda iyo qaababkii ay ku badbaadin<br />
lahaayeen jiritaankooda. Sida loo arko dalkaasi ee ah<br />
' qaran fashilmay' ayaa ah mid gaaban oo si khatari<br />
ku jirto wax u xaddideysa. Ka sakow qaska taagan iyo<br />
28
maqnaanshaha xukuumad dhexe, waxa jira haddana<br />
dhinacyo badan oo kale oo mujtamacaasi leeyahay oo<br />
weli si wax-ku-oolnnimo ah u sii shaqaynaya, xattaa<br />
gobollada ay sida weyn u saameeyeen khilaafaadka iyo<br />
dagaalladu. Dhinacyadaasi, oo ay ka mid yihiin<br />
ganacsiga iyo isgaadhsiintu, waxay noqdeen kuwa<br />
badbaada oo sii kobca, gaar ahaanna xawaaladaha<br />
lacagayowga, telifoonnada moobiilka, iyo ganacsiga<br />
xoolaha nool.<br />
Daraasadda iyo ka-baaraandegga ku saabsan xaaladaha<br />
Somalia, haddii laga fikiro uun maqnaansha dawlad<br />
dhexe oo keliya, waxa indhaha laga lalinayaa<br />
qiimayntii kale ee dhinacyada iyo qaababka<br />
ijtimaaciga ah, kuwa siyaasadda iyo dhaqaalaha ee<br />
gaarka u Somalia, qaababkaasi oo laga yaabo inay<br />
noqdaan kuwa weliba dalalka kale ee ay saameeyeen<br />
dagaallada iyo burburkii dawladahoogii ay ka dayan<br />
karaan oo ka faa'iideysan karaan.<br />
In loo arko dalka oo dhan sida ay ku sugan tahay<br />
caasimadda Muqdishu oo kale oo laga dhigo muraayadda<br />
laga fiirinayo, waxay keenaysaa in sifooyin badan oo<br />
laga bixiyo Somalia ay muujinayaan sawir ah in dalka<br />
oo dhammi uu yahay mid dagaal joogto ahi uu meel<br />
kasta ka jiro dhexdooda. Hasse ahaatee qaybo<br />
ballaadhan oo kale ayaa deggan oo nabad waafi ahi ay<br />
ka jirtaa, kuwaasi oo leh maamulkooda, nidaamsharciyoodkooda<br />
iyo dhaqaalahooda. Xaaladaha<br />
Jamhuuriyadda la magac- baxday Somaliland ayaa ah<br />
kuwa si fiican u hirgalay oo hagaagey, halkaasi oo<br />
qaxooti badan oo hore uga yaacay dagaalladii ba'naa<br />
ee sokeeye ee dhammaakii 1980-kii ay dib ugu soo<br />
noqdeen hoygoodii. Qayb kale oo iyana deggan marka<br />
loo eego inta kale waa gobolka waqooyi bari ee<br />
Puntland ee deriska ah, kaasi oo samaystay<br />
ismaamulkiisa daakhiliga ah, in kasta oo uu in muddo<br />
ahu ahaa fadhiisin weyn budhcad-badeedda.<br />
29
Waa wax aan la filayn in iska horimaadyadii iyo<br />
dagaalladii ka holcay badhtamaha iyo Soomaaliyada<br />
koonfureed sannadkii 2007, inay ahaayeen natiijooyin<br />
ka dhashay faragelin caalami ah oo ujeeddadeedu ahayd<br />
in meesha laga saaro urur isagu awodey in uu keeno<br />
xassilooni iyo deganaasho ilaa heer ah, markii ugu<br />
horraysey gobolladaasi, laga soo bilaabo horraantii<br />
1990-kii. Sababaha uu ugu guuleystey ururkii<br />
Maxkamadaha Islaamiga ahaa dedaalkiisii ahaa in uu<br />
soo celiyo kala- danbayntii iyo degganaanshihii, waxa<br />
loo aanayn karaa inta badan inay ugu wacnayd in uu<br />
marka horeba ka soo aasaasmay oo uu ka soo abuurmay<br />
min hoos ilaa kor. Sida ururka Xamaas ee<br />
Falastiniyiinta oo kale iyo Ikhwaanul-Muslimiinka<br />
Masar, Maxkamadihii Shareecadu waxay ku kasbadeen<br />
taageradii ay heleen, adeegyadii aasaasiga ahaa ee<br />
ay u qabteen dadweynihii la daayacay. Iyaga oo<br />
buuxinayey foogge bannaanaa, Maxkamadahaasi waxay<br />
bilaabeen inay qabtaan qaar ka mid ah adeegyadii iyo<br />
hawlihii aasaasiga a ahaa ee ugu muhiimsanaa ee uu<br />
qaban laha maamul dawli ahi, dal aan dawlad lahayd.<br />
Sida muuqata muhimadda kowaad ee mujtamacu ma ahayn<br />
wejiga islaamiga ah ee maamulkaasi, laakiin waxa ay<br />
ahayd xaqiiqada timid ee ah in muddo kooban oo lix<br />
bilood ah oo maxkamaduhu ay hayeen awodda<br />
xukunka, in nabadgelyadii ay ka soo raysay oo ay ka<br />
fiicnaatay sidii ay sanado oo hore ahaan jirtey. Tani<br />
waxay dhinacyo badan kala mid tahay xaaladdii ka<br />
jirtey dalka Afghanistan xilliyadii maamulkii<br />
Taliban, xilliyadaasi oo in kasta oo aanay jirin<br />
adeegyo dadweynaha loo qabatay, in haddana uu jirey<br />
nidaam iyo sharci ilaa heer ah, ka dib sannado badan<br />
oo qas iyo deganaansho la'aan ah.<br />
Dadweynuhu wax badan oo qiimo culus ugu fadhiya ayay<br />
u hureen sidii loo heli lahaa nabadgelyo, welina<br />
dedaalkaasi waxay ka sii wadaan qaybo badan oo ka<br />
30
tirsan Somalia oo kooxaha Islaamiyiinta ee xagjirka<br />
ahi ay maamulaan, kuwaasi oo ka sii fog Isbahaysigii<br />
Maxkamadaha Islaamiga ah (UIC). Xukun shareeco oo aad<br />
u qallafsan, oo uu ka mid yahay qisaas amma dil toos<br />
ah, ayaa si furan dadweynaha hortiisa loogu fuliyaa<br />
qaybahaasi. Qaadka oo ah geed lagu mirqaamo oo caan<br />
ah, si weynna uga mid noqday dhaqanka Soomaalida,<br />
ayaa isna la mamnuucay. Dumarka ayaa lagu khasbay<br />
inay si buuxda isku dedaan oo ay xidhan dhar culus oo<br />
ah xijaab madow. Waxa kale oo dadweynaha laga<br />
mamnuucay inay daawadaan filimmada iyo ciyaaraha<br />
kubadda cagta ee lagu soo bandhigo goobaha<br />
dadweynaha, lagana fiirsado fiidiyayaasha.<br />
Xattaa marka aanay jirin wax u muuqaa kara<br />
nidaamsanaan caadi ah amma xaalado deganaansho oo<br />
dadweyne, waxa si habboon u shaqeeya oo socda qaybo<br />
ka mid ah dhaqdhaqaaqa dhaqaale iyo nolosha<br />
ijtimaaciga ah. Somalia waxay ka mid tahay dalalka<br />
Afrika ee xiisadaha iyo dagaalladu sida ba'an u<br />
aafeeyeen, laakiin haddana waxay ka mid ahayd<br />
dalalkii ugu horreeyey oo uu ka hirgalo adeegga<br />
telifoonnada moobiilku. Iyada oo ku burburtay<br />
dagaalladii sokeeye, waxay haddana ka mid noqotay<br />
dalalka Afrika ee si fudud ay uga hirgashay<br />
isgaadhsiintu, si sahal ahna uga gudubtay cahdigii<br />
telifoonnada xadhkaha ee dhulka mara oo ahaa qaar<br />
qaylo kulul, oo haddan aan la isku hallayn karayn.<br />
Isticmaalka adeegyada Internet-ka ayaa isna noqday<br />
hab kale oo casri ah oo si degdeg ah uga dhex<br />
hanaqaada jaalliyadaha Somaalida ee ku kala nool<br />
caalamka. Baahida loo qabo is-wargelin xogeed iyo<br />
macluumaad, wada ganacsi iyo inay wada xidhiidhaan oo<br />
wada macaamilaan, ayaa noqotay mid aan lahayn oo aan<br />
ku xidhnayn wax xuduudo ah oo kala xanniba.<br />
31
Soomaalidu waa dad jecel inay wada sheekaystaan, kana<br />
hadlaan gaar ahaan arrimaha siyaasadda. Qurbajoogta<br />
faraha badan ee ku kala baahsan min Maraykan ilaa<br />
Australia, min Khaliijka ilaa dalalka Scandinavia,<br />
waxay si firfircoon oo xiiso leh u isticmaalaan<br />
adeegyada casriga ah ee hawada sare ee Internet-ka.<br />
Qaababkani tiknoolojiyada casriga ah iyo adeegyada<br />
isgaadhsiinta ee intooda badan u gaarka ah Soomaalida<br />
waxay lama-huraan u noqdeen socodsiinta hababka<br />
baaxadda leh ee xidhiidhadooda ganacsiga caalamiga ah<br />
ee adduunka ay ku leeyihiin. Somaalidu waxay<br />
dhoofisaa oo ay iib geysaa xoolahooda nool, ilaa<br />
Kenya dhexdeeda, ilaa dhinaca kale ee Badda Cas ee<br />
dalalka Khaliijka. Qaadka waxa isna laga keenaa<br />
Itoobiya iyo Kenya, kumana eka meelaha loo dhoofiyaa<br />
Somalia gudaheeda oo qudha, waxase la gaadhsiiyaa<br />
dalalka kale ee adduunku ee Soomaalidu ay ku nool<br />
yihiin.<br />
Marka si ahaan loo eego, waa wax fajac ah amma layaab<br />
leh, in Somalia ay tahay mid aan ilaa heerkaas u<br />
shaqayn sidii 'qaran dawli' ah oo casri ah. Iyada oo<br />
ka duwan dalalka kale ee Afrika intooda badan, ma aha<br />
dal u kala qaybsan qawmiyado kala geddisan amma<br />
qabaa'il kala jinsiyado ah. Marka loo eego dalalka<br />
Afrika ee ka hooseeya Saxaaraha, waxa u gaar ah<br />
Soomaalida inteeda badan oo ay wadaagaan af qudha,<br />
cunsur amma asal mid ah, dhaqan ay is kaga mid yihiin<br />
iyo diin qudha. Waa wax aan la filayn in tusaalaha<br />
kale ee muhimka ah ee loo soo qaadan karo<br />
mujtamacyada isku midka ah ee wax walba wadaagaa<br />
Afrika, in uu yahay dalka Botswana, oo ka mid ah<br />
dalalka Afrika ee qarannimadoodu sida weyn u<br />
hanaqaadday.<br />
Hasse ahaatee midnnimada Somalia waxa ka hor imanaya<br />
oo lid ku ah qaab-beeleedka mujtamacyadaasi u<br />
samaysan yihiin, oo ah mid asal ahaan wax kala<br />
32
qaybiya. Qaabkaasi beelaha iyo qabaailku waa mid aan<br />
xad lahayn oo marba marka ka danbaysa sii kala<br />
qaybsamaya, carqalad weynna ku ah dedaallada ku<br />
saabsan in la sameeyo dawlad dhexe. Waqtigii buuggan<br />
la qorayey, dawladda ku-meel-gaadhka ahi waxay ku<br />
shaqaynaysey oo ay ku dhisnayd qaab ah in dalka ay ka<br />
jiraan afar qabiil amma beelood oo waaweyni, in kasta<br />
oo ay jiraan dad badan oo khilaafsan aragtidani.<br />
Beeluhu waxay haddana u sii kala qaybsamaan qolooyin<br />
amma jilibbo iyo jufooyin, kuwaasi oo haddana hoos u<br />
soo daadega, ilaa ay mararka qaar gaadho heer qoysas<br />
kooban oo baho ah, oo gooni isku taaga, lana baxa<br />
magac ardaa amma juffo. (Sida uu soo xigtey Scott<br />
Peterson qoraalladiisii 2002), waxa jirta maahmaah<br />
Soomaaliyeed oo caan ah oo si fiican u tilmaamaysa<br />
kala qaybsanaanta dabiiciga ah ee mujtamaca:<br />
Aniga iyo tolkay, iyo adduunka kale oo is-haya;<br />
Aniga iyo ehelkay, iyo tolkii kale oo is-haya;<br />
Aniga iyo walaalkay, iyo ehelkii kale oo is-haya;<br />
Aniga iyo walaalkay oo is-haynna. 10<br />
Nidaamka qolooyinka amma beeluhu waa mid aad u<br />
murugsan oo xattaa Soomaalidu ay ku jahawareerto,<br />
qaar ka mid ah Soomaalidaasina ay kuba gacansaydhaan<br />
kaalinta qaab-beeleedka la siiyo iyo inay wax ahmiyad<br />
ahba leedahay. Mana jecla xattaa inay sheegaan qolada<br />
amma beesha ay ka soo jeedaan. Waxa cad in qaabbeeleedku<br />
uu ka xoog weyn nidaam kasta oo kale oo<br />
siyaasadeed oo la soo rogo, guud ahaanna uu isla<br />
markiiba dhaqan rogayo wejigaasi siyaasadeed, qaabbeeleedkaasi<br />
oo ah mid ka xoog weyn, kana jiritaan<br />
fog qaab kasta oo dawladeed. Hasse ahaate qaabbeeleedku<br />
ma aha wax mar walba halkiisa taagan oo aan<br />
isbedeleen. Waa isbahaysi firfircoon oo taddawur<br />
33
samaynaya, amma hore u socda, oo si joogto ah ula<br />
qabsada xaaladaha iyo duruufaha, mar walbana isla<br />
qaabaynaya oo la qabsanaya xaaladaha siyaasadeed ee<br />
dalka.<br />
Qolannimada iyo isbahaysigu beeluhu waxay sii<br />
xoogeystaan oo ay yeeshaan ahmiyad weyn xilliyada<br />
dagaallada iyo colaadaha. Soomaali badan oo reermagaal<br />
ah ayaa sheegay in aanay aqoon qolada amma<br />
beelaha ay ka soo kala jeedeen saaxiibadood iyo<br />
jaararkoodu, ka hor dagaalladii sokeeye. Mar kasta oo<br />
kooxaha dagaalka ee beelaha kala geddisan ku dhisani<br />
ay abuurmaanba, waxay noqonaysaa in Soomaalidana ay<br />
ku kallifto, oo aanay helin wax kale oo aan ahayn in<br />
cid walba ay la safato beeshooda, oo ay kala raacaan<br />
kooxahaasi, waqtiyada dagaalladu ay qarxaan. Sooifbixitaankii<br />
ururrada islaamiyiinu, waxa uu waxooga<br />
hoos u dhigay ahmiyaddii beelaha, laakiin waa ka fog<br />
tahay wax la hubo inay si buuxda oo joogto ah u<br />
tirtir karaan ku- abtirsiga beelaha.<br />
Siyaad Barre laftiisu waxa uu aaminsanaa in sida<br />
qudha ee uu wax ku xukumi karaa inay tahay in la aaso<br />
oo meesha laga saaro qabyaaladda amma siyaasadda<br />
beelaha ku dhisan. Ka dib markii uu xukunka si xoog<br />
ah ku qabsaday sannaddii 1969-kii, waxa uu isku deyey<br />
in laga gudbo qabyaaladda isaga oo soo rogey qaab<br />
hantiwadaag ah. Waxa kale oo uu hirgeliyey af-<br />
Soomaaliga oo la qoro sannadihii 1970- yadii, waxanu<br />
qaaday loole xoog leh oo heer qaran ah oo dadweynaha<br />
lagu barayo wax- qorista iyo wax- akhrinta. Kuwanina<br />
waxay ahaayeen dedaal uu ku doonayey in uu abuuro<br />
dareen waddaninnimo oo qarannimo.<br />
Laakiin nidaamkii diktaatooriga amma keli- taliska<br />
ahaa ee Siyaad Barre waxa uu ahaa qaab si fudud oo<br />
la arki karo awodda xukunka u siiya beeshiisii<br />
34
Daaroodka ee uu ka soo jeedey. Aakhirkiina<br />
siyaasaddaasi beelaysantahay ayaa sabab u noqotay<br />
dhicitaankiisii. Waxay ahayd colaaddii iyo nacaybkii<br />
weynaa ee loo qaaday beelaha Daaroodka, ee ay u<br />
qaadeen beelihii kale ee isku arkayey inay yihiin<br />
dadkii xaqa u lahaa degaannada Muqdishu, colaaddaasi<br />
ayaa dhalisay kacdoonkii aakhirkii jebiyey Siyaad<br />
Barre iyo ka-bixitaankiisii magaalo- madaxda, bishii<br />
January ee 1991.<br />
Xaqiiqo kale oo daliil u ah degganaansho la'aanta<br />
asal ahaan ka jirtey Somalia xilliyadii<br />
diktraatooriyaddii Siyaad Barre, waxa weeye in shan<br />
bilood oo keliya ka bacdi ay qaybihii Waqooyiga ee<br />
dallkaasi ay goosteen, iskoodna ugu dhawaaqeen<br />
jamhuuriyadda madax baannaan ee Somaliland.<br />
Xuduudaheeguna waxay ilaa xad ku sarjarnaayeen kuwii<br />
maxmiyaddii hore ee Ingiriiska, ee iyana loo<br />
yaqaanney 'Somaliland', maxmiyadaasi oo gooni ka<br />
ahayd Koonfurta oo Talyaanigu guumaysan jirey, loona<br />
yaqaanney 'Somalia', qaab gooni ah oo aad uga duwan<br />
maxmiyaddii Ingiriiskana loo maamuli jirey.<br />
Arrin kale oo ka hor imanaysa degganaanshaha Somalia<br />
inay noqoto qaran dawli ah oo taabbogal ah, waxa<br />
weeye iyana xaqiiqada ah in dadweyne ay wadaagaan<br />
dhiig, dhaqan iyo af, ay ku baahsan yihiin oo ay<br />
deggan yihiin dhulal ka baxsan xuduudaheega. Xiddigta<br />
cad ee shanta gees leh ee ku taalla calanka buluugga<br />
ah ee Soomaalida, waxay u taagan tahay 'Soomaali-<br />
Weyn' oo koobaysa soohdimo iyo qaybo ballaadhan oo ay<br />
ka mid yihiin gobollada af-Soomaaliga lagaga hadlo ee<br />
Itoobiya, Djibouti iyo Waqooyiga Kenya, iyo weliba<br />
Somaliland iyo Somalia.<br />
Tani dhibaatooyin kuma keenayso Somalia oo keliya,<br />
balse waxay saamaynaysaa oo kale dalalka xadka tooska<br />
ah la leh ee jaarka ah, kuwaasi oo mid walba daka<br />
deggan ay ka mid yihiin dadweyne badan oo dhalasho<br />
35
ahaan Soomaali ah oo aan xassilloonayn amma aan la<br />
maamuli karayn. Qas iyo dhibaatooyin ka dhaca<br />
Somaliyana, waxay ka dhigan yihiin dhibaatooyin<br />
saameeya dhammaan dalalka gobolka Geeska Afrika.<br />
Waxa jira faraqyo waaweyn oo asaasi ah oo u dhexeeya<br />
sida Soomaalidu u shaqayso ee ay u dhaqanto, iyo<br />
sifooyinka calaamadaha la yaqaanno ee lagu<br />
xisaabtamo, lana qiimeeyo marka laga cadlayo<br />
casrigani, nooca loo aqoonsan karo qaran dawli ah.<br />
Ajanebigu waxay kala kulmaan dhibaato iyo fool-adkaan<br />
sidii ay u fahmi lahaayeen Soomaalida, waxana jira<br />
faraq weyn u dhexeeya qaabka loo wadey dedaalladii ku<br />
saabsan in la waajaho oo xal loo helo dhibaatooyinka<br />
Somalia, iyo duruufaha dhabta ah, amma xaqaaq'iqa<br />
jira ee ay ku dhaqmaan noloshooda dadweynaha<br />
Soomaalidu. Dadka ugu habboon inay wax ka qabtaan<br />
dhibaatooyinkooda, marka xal loo raadinayo Somalia,<br />
waa Soomaalida laftooda. Tani waxa caddayn u ah oo<br />
haatanba markhaati u noqotay ilaa xad sida loogu<br />
guuleystey jamhuuriyadda la magic-baxday Somaliland.<br />
Waa wax aan la filayn in gobolkii inta badan<br />
quwadaha debaddu ay iska dhaafeen ee aan helin wax<br />
buuran oo kaalmo shisheeye ah, in uu haatan ka mid<br />
yahay qaybaha ugu deggan, xaqiiqo ahaanna ugu<br />
diimoqoraaddisan dhammaan dalalka gobolka Gesska<br />
Afrika. Casharro ayaa laga baran karaa waayoarragnnimaada<br />
laga soo kasbaday Somaliland, in kasta<br />
oo aan casharradaasi si toos loogu wada dabbaqi<br />
karaynin Somalia inteeda kale oo labaatankii sano ee<br />
u danbeeyey jid kale oo kan ka duwan qaadaysey.<br />
Dalalka debaddu kaalin ayay ku leeyihiin oo ay ka<br />
qaadan karaan arrimaha Somalia, sababta oo ah gaar<br />
ahaan jiritaanka kooxo ku xidhan ururka al-Qaacida,<br />
iyo budhcad-badeedda oo saamayn khatareed oo caalami<br />
ah yeeshay. Laakiin ilaa inta si cad oo buuxda loo<br />
36
fahmayo, loona waajahayo hab iyo qaab ka duwan kuwii<br />
hore, waxay ku sii jirayaan arrimaha Somalia, murug<br />
iyo jahawareer, xaalado walaac leh iyo khatar ay ku<br />
hayso adduunka debadda, waxana sii adkaanaysa sidii<br />
dalkaasi loogu heli lahaa xal wax-ku-ool ah, oo wax<br />
ugu filan Soomaalida iyo inta kale ee aan Soomaali<br />
ahayn labadaba.<br />
37
CUTUBKA 1-aad: Beelaha iyo Dalka (Clan and Country)<br />
In kasta oo Somalia ay ka mid tahay qaaradda<br />
Afrika, haddana debadda waxay ku xidhan tahay, hoosna<br />
kaga began tahay dalalka iyo dunida Carabta (eeg<br />
khariidadda 1.1). Muuqeedu wuxu u eg yahay foolka<br />
amma iligga Jeerta; waana xagal toos ah oo fiiqan,<br />
kuna taal dacalka ugu shisheeya ee gobolka Geeska<br />
Afrika. Ku-dhawaanshaha dhulkaasi uu ku dhaw yahay<br />
Jasiiradda Carbeed (amma Khaliijka), iyo xeebta dheer<br />
ee uu leeyahay oo gaadhaysa ilaa 30,000 oo kiloomitir<br />
oo badweynta Hindiya kaga dhereran tahay dhinaca<br />
bari, dhinaca waqooyina uu kaga beegan yahay khooriga<br />
istaraatijiga ah ee Khooriga Cadmeed, ayaa macnaheedu<br />
uu yahay in Soomaalidu ay qarniyaal badan isku<br />
arkayeen inay ka mid yihiin duni ka baxsan amma ka<br />
shishaysa Afrika.<br />
Soomaalidu waa dad debadda ku xidhan oo dhoofa amma<br />
safra oo socdaal badan, in kasta oo ay yihiin<br />
mujtamac ilaa heer aan si sahal ah dadka iyo<br />
dhaqammada kale u dhex geli Karin. Waxay dhaqan dheer<br />
u leeyihiin badmareennimada, waxayna sannado badan<br />
raaci jireen maraakiibta caalamiga ah ee badaha.<br />
Malaha dhaqanka iyo weliba xeebtooda oo ku taal meel<br />
istaraatiji ah, ahna tan ugu dheer Afrika, ayaa loo<br />
aanayn karaa oo laga heli karaa sababaha ugu weyn ee<br />
u suurtogeliyey inay qarnigani kow-iyo-labaatanaad<br />
noqdaan budhcad-badeedda ugu firfircoon adduunka,<br />
kuwaasi oo ilaa dabayaaqadii sannadihii 2000<br />
qabsanayey sannad walba daraasiin maraakiib ah iyo<br />
boqolaal dad ah oo ay u qabsadaan madax-furasho.<br />
38
Map 1.1 Somalia<br />
39
Ma aha joqoraafiga amma dhul-dhaceeda oo qudha waxa<br />
Somalia ka jeediyey Afrika. Dabcan qaaradda Afrika,<br />
waxa ka jira dadyow amma qawmiyado aad u kala duwan,<br />
laakiin faraqa amma kala-duwanaashaha u dhexeeya<br />
Soomaalida iyo Afrikaanka kale intooda badan ayaa ah<br />
mid gaar ahaan aad u weyn oo muuqda. Tani waxay ka<br />
dhigatay arrin adag oo dhibaato ah, amma xataa aan<br />
suurtogal ahayn, in la meeleeyo amma la helo wax<br />
sugan oo inta badan lagu mitaalo Soomaalida, marka<br />
laga hadlayo siyaabaha loo kala saaro amma loogu kala<br />
abtiriyo dadyowga degaannada Afrika ee ka hooseeya<br />
Saxaaraha. Soomaali badan ayaan isku arkin inay<br />
yihiin Afrikaan; si ahaanna uga geddisan amma ka<br />
baxsan. Waxayna ka sheegaan hadallo iyo sifooyin<br />
qallafsan oo ay ku tilmaamaan dadka amma jinsiyadaha<br />
kale ee ay u yaqaannaan ‘Afrikaanka’, amma ‘Madowga’<br />
amma ‘San-Weynta’.<br />
Mid ka mid ah sababaha ugu wacan dareenkoodan ah<br />
inay isku arkaan inay ka duwan yihiin dadyowgaasi<br />
kale, waxa weeye Soomaalida oo ah dad si sahal ah loo<br />
soo sooci karo inay yihiin dad is leh oo isku hayb<br />
iyo uskun ah, amma xattaa isku ‘asal amma jinsi’ ah. 1<br />
(eeg qoraalka Richard Dowden, Africa: Altered<br />
States, Ordinary Miracles, London, 2008). Iyaga oo ka<br />
duwan sida ay yihiin umadaha kale ee inta badan dal<br />
kasta oo kale dalalka Afrika ee ka hooseeya<br />
Saxaaraha, Soomaalida intooda badani waa dad isku<br />
issir amma jinsi ah, isku diin iyo af ah, siyaabo<br />
badan oo ballaadhanna isku dhaqan ah.<br />
Dabcan waxa jira qaybo ka gaar ah sifooyinkani. Waxa<br />
jira qaybo amma kooxo ka kooban dadka laga tiro badan<br />
yahay Somalia, kuwaasi oo dhaqan ahaan la hayb-sooco<br />
oo ay iska fogeeyaan beelaha tirada badani. Dadkaasi<br />
laga tiro badan yahay qaar ka mid ah, waxa ku dhacay<br />
dhibaatooyin dheeraad ah xilliyadii dagaallada.<br />
Qawmiyadda ugu weyn qawmiayadaasia laga tirada badan<br />
yahay waa qawmiyadda loo yaqaanno Bantu-ga amma<br />
40
Jareerta, kuwaasi oo ka yimid oo ka soo jeeda<br />
addoontii iyo beeraleydii dhulkaasi yimid ee degey.<br />
Ereyga ‘Jareer’ waxa uu macno ahaan u taagan yahay<br />
‘dadkii timo-adagta ahaa’. Inta badan waxay ku nool<br />
yihiin oo ay deggan yihiin dhulka beeraleyda ah ee u<br />
dhexeeya webiyada koonfurta Somalia, iyaga oo ah dad<br />
ka tabcada beeraha, amma ah farsamayaqaanno xirfadley<br />
ah. Laakiin in badan oo ka mid ah dakaasi ayaa la<br />
barabixiyey. Mararka qaar, Soomaalidu waxay dadkaasi<br />
ugu yeedhaan oo ay u yaqaannaan Addoon.<br />
Qawmiyadaha kale ee laga tiro badan yahay waxa ka<br />
mid ah dadka loo yaqaan Banaadiriga, oo ah dad dhaqan<br />
ahaan ganacsato ah, asal ahaanna ka soo jeeda Carab,<br />
kuna nool oo dega xeebaha. Waxa kale oo ka mid ah<br />
kooxo diimeed oo aad u kooban oo Kiristaan amma<br />
Masiixiyiin ah, kuwa xagga mihnadda amma xirfaddooda<br />
gaar ah dhaqan ahaan lagu yaqaan oo ay ka mid yihiin<br />
Tumaallada, Kabatolayaasha iyo dadka ka shaqeeya<br />
magdinta hargaha iyo saamaha, iyo dadka loogu yeedho<br />
amma loogu waco munaasabadaha gaarka ah iyo<br />
ducooyinka. Qawmiyadahaasi laga tiro badan yahay<br />
waxay ku hadlaan af-Soomali, laakiin inta badan gooni<br />
ayay u degaan, waxana yassa oo quudhsada Soomaalida<br />
kale.<br />
Khayraadka (Resources)<br />
Soomaalidu waxay jecel yihiin oo ay ku kaftamaan in,<br />
xataa ka sakow dagaallada badan ee ay soo mareen una<br />
adkaysteen, in haddana ay ku nool yihiin degaan iyo<br />
nolol aad u adag oo dhibaato badan, taasina ay sabab<br />
u tahay inay noqdaan dad had iyo jeer col-u-joog ah<br />
oo heegan u ah dagaal. Dhulku intiisa badan waa dhul<br />
omos ah, oo miyi ah qallalan oo aan la degin, oo si<br />
teel-teel ah ay ugu dhaqan yihiin geela iyo xoolaha<br />
kale ee aan nugulka ahayn amma u adkaysta degaannada<br />
adag, xoolahaasi oo ay raacaan reer miyiga sidoo kale<br />
41
iyaguna ad-adag oo had iyo goor la raadiya biyo iyo<br />
daaqsin. Xoolaha nooli waxay qarniyaal badan ahaayeen<br />
laf-dhabarta dhaqaalaha Soomaalidu uu ku tiirsan<br />
yahay, iyaga oo xidhiidho ganacsi oo badda ah la<br />
lahaa dalalka Carabta, dhinac dhulkana dalalka Kenya<br />
iyo kuwa kale ee gobolka.<br />
Waa wax xiiso leh marka aad daawato xoolaha la<br />
dhoofinayo oo la saarayo maraakiib waaweyn oo ku soo<br />
xidhata dekedda magaalada Berbera ee Somaliland, adhi<br />
badan oo xayn-xayn amma hormooyin ah oo la soo tubay<br />
marinnada dekadda oo lagu rarayo maraakiibta iyo<br />
doonyaha, geela oo inta dabar lagu jebiyey, dhexdana<br />
lagaga xidhay cayn amma xadhko, ka dibna lagu<br />
dallacay oo kor loogu qaaday wiish oo cirka ka soo<br />
laalaada. Inta bandanna waxa loo qaado laba-laba,<br />
lana saaro dheegga markabka.<br />
Xoolahaasi inta badan waxa loo dhoofiyaa Sucuudiga,<br />
halkaasi oo lacag badan lagaga heli karo iibka<br />
xoolaha, gaar ahaanna xilliyada Xajka oo suuqa<br />
xooluhu aad u furan yahay. Hasse ahaatee ka-ganacsiga<br />
xoolahaasi nooli waa mid khatartiisa leh. Sucuudigu<br />
waxa uu marmar ku soo rogaa xoolahaasi Soomaalida<br />
xayiraad amma manuucis in laga dejiyo oo la geeyo<br />
dhulkooda, xayiraaddaasi oo mararka qaar socota<br />
sannado badan. Waxa kale oo ganacsigaasi xoolaha<br />
khatar joogto-ku-dhawaad ahi kaga timaaddaa abaaraha<br />
iyo roob-yaraan.<br />
In kasta oo lacag fiican laga helo iibka lo’da,<br />
adhiga iyo riyaha, haddana geelu waa xoolaha ugu<br />
mudan ee ugu qiimo badan Somalia, waxanu kaalin weyn<br />
ku leeyahay dhaqanka Soomaalida. Caadiyan degaannada<br />
miyiga waxa ka mid ah oo aad ku arkaysaa geel dhex<br />
wareega dhul iskugu jira geed-qodaxeed, dacarley,<br />
tiin iyo dundumoyin. Mararka qaar waxaad akaysaa neef<br />
geel ah oo la seeteeyey amma la dabray, oo si qaab<br />
daran u dhex bood-boodaya, ugana tallaabaya waddada,<br />
42
taasina ay keento in uu xannibo oo uu joojiyo<br />
baabuurtii maraysey waddadaasi. Dhulka kaynta amma<br />
yacayga dhexdiisa, waxaad ku arkaysaa nirgo jooga oo<br />
dhex wareegaya, nirgahaasi oo laga soocay halahii, si<br />
aanay u jiqin. Waxad arkaysaa goosan iyo kadimo geel<br />
ah oo foofay oo raamsanaya, una daaqaya dhinac kasta,<br />
oo ay la joogaan geeljire reer miyi ah oo dhuudhuuban<br />
oo xidhan maryo iyo dhar caadi ah, degtana ku sita<br />
ul, oo eegaya geela. Nin la yidhaa Cabdillaahi Faarax<br />
ayaa igu yidhi:<br />
Annagu haddii aannu nahay Soomaali, annaga iyo<br />
geelayaga lama kala saari karo. Taariikh ahaan<br />
weligayo geela ayaannu ku xidhnayn oon ku noolayn<br />
kana helnaa caano, hilib, lacagta, iyo rarka oo<br />
aannu gaadiid ahaan u iscticmaallo. Waa waxa ugu<br />
weyn amma ugu horreeya ee aannu ku guurno<br />
geeddiga dheer, kuna raranno dhammaan xaamaanta<br />
iyo agabka, geeddigaasi oo maalmo qaata, isaga oo<br />
aan u baahan wax biyo ah. Geelu waa laf-dhabarta<br />
reer miyiga. Soomaalidu aad ayay u jecel yihiin<br />
geela, waayo, si weyn ayay ugu tiirsan yihiin oo<br />
ay ugu xidhan yihiin. In kasta oo tiradii<br />
dadweynaha reer miyiga ahi ay hoos u sii<br />
dhacayso, haddan jacaylka ay u qabaan geelu waa<br />
mid aan weligii dhimanayn. Xattaa waannu ka<br />
gabaynaa geela. (Abdullah Farah, Farmer,<br />
Somaliland).<br />
Geela waxa lagaga baxaa oo la manaafacaadsadaa caadi<br />
ahaan waqtiyada iyo duruufaha adag. Waxa lagu bixiyaa<br />
yaradka, magta dhiiga amma qiime lacageed oo u<br />
dhigma, iyo magta laga xaqo dhaawaca iyo nabarrada.<br />
Geelu wuxu u taagan yahay nolosha aasaasiga ah ee<br />
Soomaalida, waxayna u tiriyaan gabayo iyo heeso gaar<br />
ah oo ay ku ammaanaan, waxayna iska dhigaan oo ay<br />
matilaan geelii oo hadlaya. Geela Soomaalidu xataa<br />
43
waxa uu Internet-ka ku leeyahay bog Facebook ah oo u<br />
gaar ah. 2<br />
Mid ka mid ah sababaha geela loo siiyo mudnaanta ee<br />
uu ugu weyn yahay dadka dhaqda, waxa ka mid ah awodda<br />
uu u leeyahay in uu u adkaysto duruufaha amma<br />
xaaladha adag ee degaannada dalkaasi. John Drysdale<br />
oo khabiir ku ah arrimaha Somalia, waxyaabihii uu ka<br />
qoray geela Soomaalida waxa ka mid ahaa (The Somali<br />
Dispute, John Drysdale, 1964):<br />
Geela Soomaalida, oo ah nooca hal-kurus-laha ah,<br />
waxa uu qadi karaa oo uu biyo-la’aan joogi karaa<br />
waqti dheer, oo ka badan inta noocyada kale ee<br />
geelu xammili karaan. Cimilooyinka ugu kulul ee<br />
ugu qallalan, uma baahna in la arooriyo oo la<br />
waraabiyo wax ka badan saddexdii toddobaadba mar<br />
... Xilliyadaasi jiilaalkana, reer-miyigu waxay<br />
ku nool yihiin gebi ahaan caanaha geela. Xataa<br />
dharabka amma sayaxa aroornimo ma dhaafo<br />
debnihiisa, kuwaasi leefa marka uu dharabsanayo. 3<br />
Jacaylka iyo mudnaanta Soomaalidu siiso geela, waxa<br />
kale oo si weyn uga hadlay Professor Lewis:<br />
Geela maalka loo dhaqdaa, waa kan qudha ee<br />
caanaha ay ka helaan, inta badanna ay ku tiirsan<br />
yihiin geeljiraha iyo raacatadu. Kan la rarto, oo<br />
inta badan aan la fuulin amma aan caadi ahaan<br />
laga dhigan rakuub dadka lagu qaado, marka laga<br />
reebo qofkii buka, waxa lagu gurtaa oo gaadiid<br />
ahaan lagu qaataa aqalka iyo gurgurka kale ee<br />
jilicdasan oo lagu raro, xamaanta iyo dhammaan<br />
agabka kale ee reerku leeyahay, marka laga<br />
guurayo meel ee loo guurayo meelo kale. Saanta<br />
geela waxa laga samaystaa kabaha laga xidho<br />
cagaagga socdaallada dhaadheer ee dalka<br />
dhexdiisa. Laakiin waxa geela lagu qiimeeyo ee<br />
44
ugu weyn ahmiyadda uu u leeyahay reer-miyiga, ma<br />
aha faa’iidooyinkaasi oo qudha. Ka sakow muddada<br />
dheer ee ay jirtay lacagta oo lagu isticmaalo<br />
wax-kala-bedelashada iyo qiimaynta, haddana waxa<br />
ugu weyn ee ugu horraantaba qofka lagu qimeeyo<br />
maalkiisa, mansabkiisa iyo maqaamkiisu waa hadba<br />
tirada geel ah ee uu leeyahay. Mudnaantan tooska<br />
ah ee dhaqanka Soomaalidu uu siiyo geela ee wax<br />
walba ka sarraysiiyo, sida iyo wax ugu fiican ee<br />
lagu fassiri karaa amma loo sharrixi karaa waa in<br />
geeluhu uu yahay waxa wax lagu sarjaro ee lagu<br />
qiimeeyo, marka loo eego macaamilka ijtimaaciga<br />
ah iyo kan dhaqaalaha ee reer-guuraaga<br />
Soomaalida. 4<br />
Ka sakow degaannada iyo cimilada adag ee ay ku nool<br />
yihiin, haddana xoolahaasi adkaysiga badani ma aha<br />
isha qudha ee khayraadka Soomaalidu ku tiirsan tahay.<br />
Dhina Waqooyi-bari ee Somalia, waxa taariikh ahaan<br />
beryihii hore loo yaqaanney ‘dhulkii Bunt’ amma<br />
‘Dhulkii Udugga’, waayo dhulkaasi oomanaha ah waxa si<br />
teel-teel ah uga baxa dhir iyo geedo xabagtooda laga<br />
sameeyo oo laga dhigto foox iyo meydin, kuwaasi oo<br />
laga baayac-mushtarayn jirey muddo qarniyaal ah,<br />
loona isticmaali jirey udug la shitto munaasbadaha<br />
diiniga ah ee Masiixiyiinta iy Muslimiinta adduunka.<br />
Gobolkaas is-maamulka Waqooyi Bari, waxa uu<br />
sannadihii aynnu soo dhaafnay sheegtay oo uu dib u<br />
soo ceshaday magacii Puntland, in kasta oo waqtigii<br />
buuggan la qorayey uu gobolkaasi caan ku ahaa<br />
budhcad-badeedda, oo aanu ku magac-dheerayn udugga.<br />
Sannadihii aynnu soo dhaafnay, waxa laga helay<br />
xeebaha Soomaalida kayd ah saliid iyo gas dabiiciga<br />
ah, laakiin in la soo saaro kuwaasi waxa xannibay<br />
dagaallada, budhcad-badeedda, iyo xaaladaha xagga<br />
siyaasadda ee mugdiga ku jira ee aan la hubin amma<br />
aan lahayn wax lagaga talo galo. Socdaal aan ku tegey<br />
Somaliland sannadkii 2011, waxan kula kulmay kooxo ka<br />
45
kala yimid Norway iyo Saudi Arabia oo halkaasi u<br />
yimid inay eegaan sida ay suurtogal u tahay inay ka<br />
qayb geli karaan mashaariicda was-soo-saarka xagga<br />
tamarta amma shidaalka. Hasse ahaatee, maqnaanshaha<br />
aqoonsi caalami ah oo uu helo dalkaasi ayaa dhibaato<br />
iyo carqalad weyn hadda ka horba ku noqotay<br />
horumarinta qaybtani dhaqaale.<br />
Qaybo ka tirsan Somalia ayaa ah dhul masno ah oo wax<br />
laga beeran karo, gaar ahaanna dhulka koonfurta ee u<br />
dhexeeya labada webi ee dalkaasi ee Juubba iyo<br />
Shabeelle. Dhaqan ahaanna dhulkaasi waxa ku noolaa<br />
dad beeraley ah oo falan jirey galleyda, badarka,<br />
masagada iyo midhaha kale, in kasta oo wax-soosaarkii<br />
beeruhu uu si weyn ugu dhex tabaaloobey<br />
dagaalladii socdey sannadaha badan. Soomaalida reerguuraaga<br />
ahi waxay hoos u eegaan oo ay quudhsadaan<br />
dadka beeraleyda amma qodaalka ah, reer-guuraagaasi<br />
oo u arka nolosha deggan ee qodaalku inay ka hoosayso<br />
dhaqankooda guurguurka ee joogtada ah.<br />
Xilliyadii guumaysiga, waxa laga sameeyey hareeraha<br />
webiyada beero waaweyn oo laga beero muuska , kaasi<br />
oo inta badan loo dhoofin jirey debadda oo loo<br />
iibgeeyo. Ganacsigaasi muusku wuxu socdey dhawr sano<br />
waqtiyadii dagaallada kululi ay jireen ee ku xigey<br />
dhicitaankii Siyaad Barre – run ahaantiina,<br />
ganacsigaasi waxa loo yaqaanney ‘ka-ganacsigii muuska<br />
dhiigga ah’ amma muuskii lagu helay dhiigga dagaalka,<br />
waxanu gacan ka geystey maalgelinta iyo hanti-usamaynta<br />
kooxihii dagaallamayey qaar ka tirsan –<br />
laakiin markii ay sii daba dheeraatay deganaanshola’aantii<br />
jirtey sannadaha badani, waxa burberay<br />
dhammaan ka-ganacsigii caalamiga ahaa ee muuska,<br />
iyadoo weliba badh ka tirsan beerihii muusku ay ku<br />
dhex baaba’een dagaalladii kooxaha hubaysan ee kala<br />
geddisnaa. Muusku waxa uu ka mid yahay raashinka<br />
muhimka ah ee Soomaalidu ay quutaan, waxana inta<br />
badan la raaciyaa cunnada amma soorta muhimka ah.<br />
46
Xeebta dgeer ee Soomaalida waxa ka buuxa kalluun iyo<br />
khayraadka kale ee badda, in kasta oo reer-miyiga<br />
xoolo-dhaqatada ahi ay dhaqan ahaan caayaan oo ay<br />
quudhsadaan dadka cuna kalluunka. Waxa jirta sheeko<br />
amma hal-hays Soomaaliyeed oo ka hadlaya qof reer<br />
miyi ah oo yalaalugo amma hunqaaco qabato mar kasta<br />
oo uu arko amma la kulmo qof ku nool xeebta, sababta<br />
oo ah in mar kasta oo maskaxdiisa ay ku soo dhacdo<br />
qof cunaya kalluun, in si weyn loogu kaco oo ay<br />
hunqaaco qabato. Ka sakow qabka iyo isla-weynida ay<br />
qabaan reer-guraagu, ee ay hoos u eegaan beeraleyda<br />
iyo kalluumaysatada, haddana tobannaan kun oo ka<br />
tirsanaa dadkii xoolo-dhaqatada ahaa ayay ku<br />
kalliftay inay iyaga laftoodu noqdaan beeraley iyo<br />
kalluumaysato, ka dib markii ay ku soo barabaxeen<br />
abaarihii ba’naa ee badhtamihii sannadihii 1970-<br />
neeyadii. ee dawladdu ay u samaysay dakaasi dib-udejin,<br />
abaarahaasi oo baabiiyey xoolohoodii iyo<br />
qaabkoodii noloshooda. Isbedelkan waxay u arkeen mid<br />
ceeb iyo weji-gabax ku ah oo aan u qalmin heerkii<br />
amma hab-dhaqankii noloshooda.<br />
Quudhsiga la iskala weyn yahay istimaalka kalluunku<br />
waxay keentay dhibaatooyin waaweyn xilliyadii<br />
macaluusha, sababta oo ah in Soomalida qaar ay<br />
diidaan inay cunaan kalluunka, xattaa haddii aanay<br />
jirin wax kale oo la heli karaa amma la quuto.<br />
Shaqaalaha ajanebiga ah ee hey’adaha gargaarku waxay<br />
ka hadlaan dhibaatada ka haysata diidmada dadku ay<br />
diidan yihiin ee ay ka soo taagan yihiin inay cunaan<br />
kalluunka, amma siiyaan caruurtooda xilliyadii<br />
dagaallada ee horraantii sannadihii 1990-meeyadii,<br />
xilliyadaasi oo magaalada Muqdisho ay gabaabsi ku<br />
noqdeen noocyadii kale ee raashinka intoodii badnayd,<br />
iyadoo weliba magaaladaasi ku taal meel xeeb ah oo<br />
kalluun ka buuxo badweynta. Waxan xasuusnahay markii<br />
aan tegey garoonka diyaaradaha ee magaalada Muqdishu<br />
xilliyadii uu ugu kululaa dagaalkii sokeeye, oo dadku<br />
47
ay macaluulayeen, laakiin haddana saxarado isdanayaalla<br />
oo ka buuxa khayraadka badda amma kalluun<br />
ayaa lagu rarayey diyaaradaha oo loo dhoofinayey<br />
dalka Saudi Arabia, halkaasi oo lagu iibiyo qiime<br />
lacageed oo aad u sarreeya, loona isticmaalo<br />
faakihaysi.<br />
In kast oo maanta ay sii kodhayso tirada dadka cuna<br />
kallluunka ee Soomaalida ah, haddana khayraadkii<br />
badda ee Somalia waxa soo food saartay dhibaato kale.<br />
Doonyaha iyo maraakiibta kalluumaysiga ee ajanebiga<br />
ahi waxay ka faa’iideystaan burburkii dawladda dhexe,<br />
waxayna xaalufiyaan oo ay dhacaan biyaha Soomaalida.<br />
Budhcad-badeed badan ayaa ku dooda in sababta ku<br />
kalliftay inay ka tagaan xirfaddoodii iyo<br />
shaqooyinkoodii kalluumaysiga, inay tahay boobka<br />
ajanebigu ku hayo khayraadkii badahooga, taasina ay<br />
ku khasabtay inay noqdaan budhcad-badeed. Buugga uu<br />
qoray Martin Murphy ee Somalia: The New Barbary? Waxa<br />
uu kaga hadlayaa ilaa heerka dhibaatadani ay<br />
gaadhsiisan tahay:<br />
Ka dib sannadkii 1991, ma jirin xoog amma ciidan<br />
ilaaliya badahan kalluunka. Doonyo ajanebi ah<br />
ayaa si weyn oo xun u soo galay badahaasi si ay u<br />
urursadaan noocyada kalluunka kala geddisan ee<br />
Tuunada, Libaax-badeedka, ceydinka, loobistarka,<br />
iyo kalluun-cadka ... Doonyaha iyo maraakiibtaasi<br />
kalluumaysigu waxay ka kala imanayeen, amma soo<br />
maalgelinayey, sharikado deggan dalalka ay ka mid<br />
yihiin Yemen, Masar, Saudi Arabia, Pakistan, iyo<br />
kuwa kale oo ku yaal soohdimaha adduunka looga<br />
yaqaan badaha fogfog ee kalluumaysiga adduunka,<br />
kuwaasi oo ay ku jiraan dalalka Taiwan, Shiinaha,<br />
Japan, Kuuriyada Koonfureed iyo Thailand, iyo<br />
qaar ka tirsan dalalka Ururka Midowga Yurub, gaar<br />
ahaanna Spain oo maraakiibtoodu inta badan<br />
sittaan calanka Belize, amma ‘calammo kale oo<br />
lagu danaysto, laguna dal maro’, si ay uga dul<br />
48
oodaan oo ay u baal maraan xeerarka Ururka<br />
Midowga Yurub. 5<br />
Reer-Guuraaga (Nomads)<br />
Waa laga yaabaa in waxa ugu weyn ilaha iyo<br />
imkaaniyaadka Somalia inay yihiin dadkeeda. Sababta<br />
oo ah xaaladaha adage ee ay ku nool yihiin, waa dad<br />
hal-abuur iyo karti wax-soo-saar oo weyn leh, aad u<br />
adkaysi badan oo xammila duruufaha adag, kuna<br />
wanaagsan wax rogrogista amma ganacsiga iyo baayacmushtarka.<br />
Ma jiraan wax badan oo kale oo Soomaalidu<br />
ay ku tiirsan yihiin, oo aan ahayn lafahooga iyo<br />
xidhiidha adag ee dhexdooda ee beelaha. Meel kasta oo<br />
adduunka ay tagaan, way la qabsadaab oo ay ku noolaan<br />
karaan, iyaga oo inta badan gala ganacsi amma<br />
geddisleyn. Ka sakow sannadihii badnaa ee colaadda<br />
iyo dhibaatooyinkii kale ee keenay in Soomaali badani<br />
ay debadda degaan, amma ay ku jiraan sannado badan<br />
xerooyinka qaxootiga amma kuwa barabaxayaasha, in<br />
badan oo ka tirsan Soomaalidaasi waxay weli ku sii<br />
dheggan yihiin, si weynna ugu faanayaan dhinacyo<br />
badan oo ka tirsan dhaqankoodii reer-guuraannimo, in<br />
kasta oo dhaqankaasi uu yahay qaab-nololeed in badan<br />
oo iyaga ka mid ahi ay ka tegeen waa hore.<br />
Waa adag tahay in tirokoob sugan laga sameeyo wax<br />
kasta oo laga helo Somalia, hasse ahaatee waxa lagu<br />
qiyaasaa in inta u dhaxaysa boqolkiiba 60 ilaa 70<br />
Soomaalidu inay yihiin reer-guuraa amma ay ku xidhan<br />
yihiin reer-guuraannimada. 6 Si ka duwan xaaladaha<br />
dalal badan oo kale oo Afrikaan ah oo hoos loo eego<br />
amma la quudhsado mujtamaca iyo dhaqanka reer-miyiga,<br />
Soomaalidu, xataa kuwa ku nool magaalooyinka dalka<br />
gudhiisa iyo debadduba, waxa maankooda ku jira oo ay<br />
qiimeeyaan dhaqanka iyo qaab-nololeedii noocaas ahaa,<br />
waxayna sii wadaan xidhiidhka iyo danihii ay ku<br />
lahaayeen miyiga. Waxan la fadhiistay wax badan oo<br />
49
aan arkay Soomaali aannu is naqaan, magaalooyinka<br />
London, Nairobi, Hargeysa iyo Muqdishu, iyaga oo ka<br />
hadlaya, si hammi ah, geelooga iyo raga ilmaadeerradood<br />
ah ee nasiibka badan ee weli reerguuraaga<br />
sii ah, amma ku sii hadhay noloshii miyiga.<br />
Waxa weli loogu jecel yahay ee la weyneeyaa waa<br />
geela, oo Soomaalidu ay ku sheegto waxa ugu fiican<br />
uguna adag Soomaalida oo dhan. Waxay leeyihiin kaftan<br />
xiiso leh, laakiin maldahan, oo ay hoos u eegaan waxa<br />
ay ku tilmaaman nolosha fadhiga ah ee caajiska ah ee<br />
reer magaalka, sida iyaga oo kale. Professor Ioan<br />
Lewis Waxa uu faahfaahinayaa sida dhaqanka reerguraannimadu<br />
uu xuddun-dhexaad ugu yahay habnololeedka<br />
Soomaalida:<br />
Ma noqon karto wax la buunbuuninayo amma laga<br />
bad-badinayo in miyigu uu yahay laf-dhabarta<br />
dhaqaale ee dadweynaha Soomaalida intooda badan,<br />
iyo in qaab-nololeedka miyiga iyo dhaqankii reerguraagu,<br />
in ay yihiin kuwa ka mudan ee ka<br />
horreeya dhammaan dhinacyada kale ee nolosha<br />
Soomaalida. Iyada oo ka geddisan marka la barbar<br />
dhigo sida ay yihiin mujtamayada reer-guuraaga ah<br />
ee tirada yar ee dalalka kale, reer-guuraaga<br />
miyiga Soomaalidu kama go’na magaalada, kamana<br />
soocna oo kama duwana dhaqan ahaan iyo bulso<br />
ahaanba dadka kale ee magaalooyinka deggan<br />
intooda badan, shaqaalaha rayidka ah amma<br />
shaqaalaha dawladda ee kale ee ay ka midka yihiin<br />
ciidamadu. Laga bilaabo min madaxweynaha ilaa<br />
hoos, heer kasta dawladda iyo maamulka, ilaa kuwa<br />
reer-magaalka ah ee ku nool nolol casri ah ,<br />
waxay ku leeyihiin miyiga walaalo iyo ilmaadeerro,<br />
iyo xoolaha nool oo wax ugu jiraan, oo<br />
ay qaybo ku leeyihiin. Shaqaalaha rayidka ah ee<br />
magaaladu caadiyan waxay maalgeliyaan xoolaha oo<br />
loogu hayo miyiga, una hayaan xigtadooda miyiga<br />
deggani. 7<br />
50
Waxa muhiim ah in la fahmo jiritaanka ‘dhaqanka iyo<br />
dabeecadda’ miyiga ee Somalia, sababtuna waxay tahay<br />
in taasi ay sahlayso oo sharraxayso in la garto<br />
sababaha dalkaasi uu uga horjeedo ee uu uga dhabaradygayo<br />
in la helo nidaam ku dhisan dawlad dhexe.<br />
Sida uu u faahfaahinayo Ioan Lewis, aragtida ku<br />
saabsan ‘nidaam iyo qaab awodeed oo maamul leh,<br />
heerar kala sarreeya, waa aragti bidci ah oo<br />
shisheeye oo debadda ka ah dhaqanka mujtamaca reerguraaga<br />
ee Soomaalida, kaasi oo isagu leh nidaamkiisa<br />
iyo xeerarkiisa dhaqanka ee la xidhiidha hababka loo<br />
gaadho ee loo qaato go’aammada, habkaasi oo ku dhisan<br />
qaab diimoqoraaddi ah oo ilaa heer noqon kara mid aan<br />
ku dhisnayn wax nidaam dhexe ah’. 8<br />
Nolosha iyo dhaqanaaksi reer-guraagu waxa kale oo uu<br />
sharraxayaa sababaha aanay Soomaali badan wax macno<br />
ugu lahayn ee aanay u tixgelin xuduudaha dalalka iyo<br />
aragtida ‘dal’ lafteeda. Reer-guuraagu waxay<br />
wareegaan oo ay u guurguraan dhulalkii qarniyaal<br />
badan ay mari jireen tolkoodii iyo reerahoogu, iyaga<br />
oo aan wax dan ah ka gelin amma aan tixgelin wax<br />
xuduud ah oo kala tusmeeya, in kasta oo dagaalladii<br />
ay arrimahani isku dhex qasseen.<br />
In kasta oo degaannada magaaloobay, iyo dagaalladii<br />
sanadaha badan socdey iyo abaaruhuba ay keeneen in<br />
Soomaali badani ay ka tagto miyigii iyo noloshiisii,<br />
haddana weli waxa caadi ah in qoysaska magaalooyinka<br />
ku nool ay caruurtooda wiilasha ah u diraan miyiga,<br />
si ay halkaasi u soo joogaan dhawr bilood oo ay ula<br />
soo noolaadaan qaraabadooda reer-guuraaga ah, taasi<br />
oo loola jeedo inay ku ‘soo ad-adkaadaan oo ay soo<br />
qabtimaan noloshaasi adag’. Suxufiga Soomaaliyeed ee<br />
Maxamed Cadde, oo iga caawiyey intii aan ku jirey<br />
ururintii macluumaadka buuggan, waxa uu ka hadlay<br />
markii uu yaraa oo laga diray magaalada Muqdishu,<br />
51
loona diray miyiga, si uu ula soo joogo ilmaadeerradiisii<br />
reer-guuraaga ahaa. Waxanu yidhi:<br />
Afar iyo labaatanka saacadood, hal mar ayaannu<br />
wax cuni jirney, cunnadaasi oo ka koobnayd caano<br />
geel oo lis ah. Waxan cuni jirney hilib dhawrkii<br />
caano-maalba mar. Biyaha la cabbaa waxay ahaayeen<br />
‘biyaha dhirta’ oo laga nuugo amma muudsado<br />
xididdada iyo midhaha dhirta. Waxan ku seexan<br />
jirney dhul qaawan oo aan wax gogol ah lahayn, oo<br />
kaynta dhexdeeda laga xaadh-xaadho meel nadiif<br />
ah, oo aan hore loo cagacagayn, oo la jiifsado.<br />
Laakiin marka hore waxaan mar walba iska hubin<br />
jirney in aan wax masas ahi ku jirin halkaasi,<br />
inta aannaan dhinaca dhulka dhigin. Reer miyigu<br />
wax badan iskuma raraan oo waxay qaataan wax yar<br />
oo fudud. Waxay qaataan weyso qori ah oo biyaha<br />
lagu shubto, biyahaasi oo aan loogu talo gelin in<br />
la cabbo, laakiin lagu weyseysto, waayo, salaadda<br />
ayaa ka weyn cabbista biyaha. Waxa kale oo ay<br />
qaataan Barkin qori ah oo marka la seexanayo<br />
habeenkii laga dhigto barkimo madaxa la saaro.<br />
Waxa kale oo ay qaataan hub qori ah, amma ul, iyo<br />
mar walba toorray amma abley dhexda ugu xidhan.<br />
Beryahan, qof walba waxa uu sittaa telifoonka<br />
gacanta ee moobiilka, kaasi oo faa’iido weyn u<br />
leh si ay u ogaadaan wararkii u danbeeyey ee<br />
qiimaha suuqa xoolaha, iyo inay kula xidhiidhaan<br />
tolkood iyo qaraabadooda. Reer-guraagu waxay<br />
xidhaan laba go’ oo cad-cad iyo kabo laga tolay<br />
saanta geela amma shaagga baabuurta ee gaboobey.<br />
Reer miyigu waa dad dabiici ahaan askar oo kale ah,<br />
waxayna ku nool yihiin nolol heegan ah oo dagaal-ujoog<br />
ah. Waa dad ad-adag, oo aan qaadan wax xamaan ah<br />
oo culaysiya, una baratay inay socdaalaan oo ay<br />
lugeeyaan dhul aad u fog. Waa dada la qabsan og<br />
52
xaaladaha nololeed ee dagaal iyo dagaalyahannimada,<br />
ha noqoto dagaallada Islaamiga ah, kuwa<br />
miliishiyooyinka beelaha, amma ciidamada dawladda.<br />
Waxa dhici karta oo kale in qaar ka tirsan reer<br />
miyigu ay u dagaallamaan cid kasta oo ay wax dheeraad<br />
ah ka helayaan amma siinaysa lacagta ugu badan.. Waxa<br />
jirey warar joogto ah oo sheegaya in kooxda<br />
Islaamiyiinta ah ee al-Shabaab ay si toos ah dad uga<br />
soo qortaan oo ay uga soo kaxaystaan ciidamada<br />
dawladda, iyo sidoo kale in ay dhacdo in dawladduna<br />
ay ka soo kaxaystaan qaar ciidammada al-Shabaab,<br />
sababtuna ay tahay hadba ka bixinaya ee ku ballan<br />
qaada mushahar ka sarreeye kan kale.<br />
Dumarka reer miyigu waxay sidoo kale ku jiraan nolol<br />
adag oo culays ah. Inta raggu ku maqan yahay geela<br />
iyo lo’da, waxay sii joogaan reerka oo ay ku hayaan<br />
caruurta iyo dadka da’da ah, kuna sii ilaaliyaan<br />
halaha, adhiga amma idaha iyo riyaha. Khabiirka wax<br />
ka qora arrimaha Somalia ee Michael Walls (The<br />
Emergence of a Somali State, African Affairs, 2009),<br />
waxa uu ku doodayaa in, in kasta oo dumarka<br />
Soomaalidu ay kaalin aasaasi ah ku leeyihiin<br />
dhaqaalaha miyiga iyo kan magaaladaba, in haddana<br />
mudnaanta iyo ahmiyadda mujtamacu uu siiyo<br />
kaalintoodaasi ijtimaaciga ah, inta badan aanay ahayn<br />
tan kowaad ee ay tahay ‘xagga danbe’ amma mid<br />
hoosaysa. Waxana ka mid ah dooddiisa:<br />
In kasta oo aanay ahayn qaabka keliya, haddana<br />
hababka lagu xoojiyo xidhiidhka debadeed waxa ka<br />
mid ah xididnnimada amma kala-guursiga.<br />
Habkaasina waxa ka dhasha aakhirka kaalin weyn oo<br />
laba dhinac amma weji ah, oo in kasta oo aanay<br />
ahayn rasmi, haddana ay yeeshaan dumarku, oo ay u<br />
dhexeeyaan xidhiidhka reerkii ay ka dhasheen iyo<br />
reerka ay u dhexeen. Iyada oo dumarka Soomaalidu<br />
ay muddo dheer lahaayeen kaalin muhim ah oo ah<br />
inay u kala dab-qaadaan beelaha, inay kaalin ka<br />
53
qaataan abaabulka reerka dhaqaalihiisa iyo<br />
xoolaha, iyo inay ka shaqeeyaan oo si dadban u<br />
saaraan culays iyo xoog suurtogelinta in la helo<br />
oo la gaadho arrimaha qaar, haddana talada iyo<br />
go’aannada rasmiga ah ee kama-danbaysta ah, ee la<br />
xidhiidha arrimaha ijtimaaci iyo kuwa siyaasadda,<br />
waxay si weyn ugu xidhan yihiin amma u yaallaan<br />
oo iska leh ragga. 9<br />
Qoraaga Soomaaliyeed ee Nuuraddiin Faarax, waxa uu<br />
si gaar ah u dareensan yahay oo uu ugu baraarugsan<br />
yahay kaalinta dumarka ee mujtamaca Soomaalida.<br />
Cunwaanka uu siiyey buuggiisii ugu horreeey ee uu<br />
qoray, oo uu u bixyey Feedh Qalloocan (From A Crooked<br />
Rib), cunwaankaasi waxa uu ka soo qaatay hal-hays<br />
Soomaaliyeed oo dumarka loogu maahmaaho, dadka qaarna<br />
ay aaminsan yihiin inay maahmaahdaasi asal ahaan ka<br />
timid xadiis nabaw:<br />
Ilaahay, dumarka waxa uu ka abuuray feedh<br />
qalloocan, qofkii isku daya in uu toosiyaana, wuu<br />
jebinayaa.<br />
Buuggu waa sheeko ku saabsan gabadh reer miyi ah oo<br />
la yidhaa Ceebla, oo reerkii ka baxsatay, una<br />
carartay xagga magaalada, lana kulmaysa oo ku<br />
danbaynaysa dhibaatooyin badan oo kala geddisan oo ka<br />
soo maraya guurka raga ay la kulanto. Waxana ka mid<br />
ah faqradaha sheekooyinka buuggaasi:<br />
Si weyn ayay u necbayd kala takroorista loo kala<br />
eexanayo ragga iyo dumarka: fikradda ah in<br />
innamada amma wiilashu ay sidaan magacii iyo<br />
heybaddii qoyska iyo reerka. Xataa ninka<br />
dabbaalka ah amma maraanka ah ee kala dhiman,<br />
waxa uu kelidii la qiimo yahay laba naakood,<br />
marka la bixinayo magta dhiigga. Innamada, wiil<br />
kasta waxa la siiyaa min labaatan ilaa soddon<br />
54
geel ah marka loo xoolo-goynayo. Laakiin dumarku<br />
waa in ay sugaan waxa calafkoodu noqdo ee uu ku<br />
danbeeyo: marka ay helaan dhaxdin ee la<br />
guurasado. Inanku isla marka uu dhasho, waxa<br />
markaaba loogu xuddun-xidhaa hal. ‘Malaha,<br />
Ilaahayba ragga ka jecel dumarka,’ ayay istidhi.<br />
10<br />
Buug danbe oo uu qoray Nuraddiin Farah, oo la yidhaa<br />
Gifts, waxa uu kaga sheegaynayaa xaaladaha iyo<br />
duruufaha la soo gudboonaanya shakhsiyadda sheekadu<br />
ku socoto oo la yidhaa Duniya:<br />
Waa marka ay isku aragto inay tahay qof dumar ah,<br />
kana fikirto waxay ay tahay naagnimo amma<br />
dhedignimadu ... waa markaa marka Duniya ay<br />
qalbi-jabto ee qulubto. Nolosheedii oo dhan, heer<br />
kasta iyo meel kasta, min caruurnimadeedii ilaa<br />
muddakarnimadeedii, xilli kasta oo ay gasho,<br />
waxay gelaysay oo ay taagnayd ‘meelo iyo<br />
marxalado’ kala geddisan, marxaladahaasi iyo<br />
meelahaasi oo mid walba rag uuni maamulayey, oo<br />
ka talinayey, gacantana ku hayey. Miyayna ka<br />
tegin gurigii aabbaheed, si toos ahna ugu<br />
wareegin Subeyr [ninkeedii ugu horreeyey]?<br />
Miyayna haddana ka cararin Subeyr oo aanay u<br />
gelin Shiriye [ninkeedii labaad]? ... Isla<br />
markaasi, intaasi oo dhan, waxa isna jirey<br />
walaalkeed Abshir, oo iyada ka weyn, oo ah nin<br />
macaan oo wanaageeda jecel, oo meel kasta iyo<br />
waqti kasta ku daba-jirey, lana socdey oo ka war<br />
helayey dhammaan dhaqdhaqaaqeeda, tallabo kasta<br />
oo ay qaaddo, iyo wax kasta oo ay yab-yabato:<br />
Abshir oo ah maxadad amma marxalad kale oo ka mid<br />
ah nolosheeda. Haddana waa nin kale. Imika waa<br />
Bosaaso [saaxiibkeed]. Xikmadda sheekada? (Morale<br />
della Storia?) Duniya way barabaxday, sida dumar<br />
kale oo fara badan oo dunida jogaaba ay ku sugan<br />
55
yihiin. Dumar ahaanna, way fara-madhan tahay oo<br />
ma lahayn wax milki amma hanti ah. 11<br />
Ilaa imikadan, wax badani iskama bedelin xalaadda<br />
dumar badan oo jooga Somalia. Wasiirka qaabilsan<br />
arrimaha dumarka ee dawladda ku-meel-gaadhka ah,<br />
Maryam Qaasin, waxay sheegtay sannadkii 2011-kii in<br />
‘khatarta ugu weyn ee qofka dumar ahi ay maanta ku<br />
sugnaan karto Somalia dhexdeeda, waa haddii ay uur<br />
yeelato’, sababta oo ah nabadgelyo la’aanta halkaasi<br />
ka taagan iyo adeegyadii aasaasiga ahaa ee umusha oo<br />
aan jirin. Khatartu maha oo qudha ta ay ku sugnaan<br />
karaan xataa dumarka sida caadiga ah u foosha ee u<br />
umula; Hey’adda Caafimaadka Adduunku (WHO) waxay<br />
iyana sheegtay isla sannadkaasi, in kala-badh in ku<br />
dhawdhaw dadka ay soo gaadhaan dhaawaca xabadaha ee<br />
Somalia, inay yihiin caruur da’doodu ay ka yar tahay<br />
shan jir.<br />
2 Dumar ka tirsan askarta ciidamada dawladda ku-meelgaadhka<br />
ah (Mohamed Moalimuu)<br />
56
Gabayga (Poetry)<br />
Reer-guuraaga Soomaaliyeed waxay leeyihiin dhaqanafeed<br />
xoog leh, waxana laga yaaba in taasi ay ugu<br />
wacan tahay noloshooda maadiga ah oo baahsan, iyo<br />
dhaqaalaha iyo khayraadka noloshoodu ku tiirsan tahay<br />
oo teel-teel ah. Professor Lewis waxa qabaa oo uu<br />
sheegayaa in suugaan-afeedka iyo gabaygu ay yihiin<br />
fanka ugu mudan ee ugu qiimo weyn waxyaabaha laga<br />
helo ee ay leeyihiin ‘Soomaalidu’. Fansuugaaneedkaasi<br />
quruxda badan ee gaarka ee takhasuska<br />
ay u leeyihiin, waa mid ku bannaan qaabka iyo<br />
dhaqanka dad reer-guuraa ah oo u bartay inay mar<br />
walba si sahal ah ula guurguuraan xoolohooda iyo<br />
xamaantooda, laakiin hibo u leh af amma luqad qani<br />
ah. Soomaalidu waa dad u dhashay inay hadlaan oo ay<br />
afka ka hadlaan, gabayo tiriyaan, kuna fiican sheekoxariirada<br />
iyo inay wax isku tebiyaan.’ 12<br />
Soomaalidu waxay si dhakhso ah ula qabsadeen oo ay<br />
dhaqan-afeedkoodii ku dabbaqeen tiknoolojiyada cusub<br />
ee maanta. Waxay si weyn oo xad-dhaaf ah u daneeyaan<br />
dhageysiga idaacadaha iyo telifishannada. Xattaa waxa<br />
la sheegay in xilliyadii dagaallada sokeeye ay ugu<br />
kululaayeen ee sannadihii 1990-meeyadii, in dadku ay<br />
joojin jireen dagaalka waqtiga ay soo galayso<br />
idaacadda af-Soomaaliga ee BBC-du, si ay u<br />
dhageystaan. Waxa kale oo ay aad u isticmaalaan<br />
adeegyada Internet-ka; waxa jira boqolaal barood amma<br />
website oo u go’an wararka Soomaalida, siyaasadda iyo<br />
dhaqanka.<br />
Gabaygu waxa kale oo uu weli ku sii leeyahay nolosha<br />
Soomaalida kaalin weyn oo muhim ah, iyadoo tixraac<br />
amma tusaale iyo hal-qabsi loo soo qaato gabayadii<br />
raggii hore ee dhintay iyo kuwa maanta joogaba, oo<br />
lagaga hadlo ammaanta, faanka, xifaalaynta iyo waxiska-sheegga,<br />
dhiirrigelinta, wax-is-xasuusinta, iyo<br />
57
in lagu dabbaqo marka laga doodayo xaaladaha maanta<br />
taagan.<br />
Gabayaaga ugu caansan waxa ka mid ahaa Sayyed<br />
Mohamed Abdulle Hassan oo loo yaqaanney ‘ Mad Mullah’<br />
amma ‘Wadaadkii Waalla’, oo noolaa intii u dhaxaysey<br />
sannadihii 1860 ilaa 1921-kii. In badan oo ka mid ah<br />
gabayadiisa, waxa uu u adeegsan jirey dagaalka, si uu<br />
u kiciyo oo uu u dagaal-geliyo ciidankiisa, una<br />
cabsi-geliyo cadowgiisa. Waxa kale oo gabayadiisu ka<br />
hadli jireen dhinacyada kale ee nolosha Soomaalida,<br />
kuwaasi oo ay ku jiraan xaaladaha adag ee nolosha<br />
degaannada dabiiciga ah ee ay ku dhex sugan yihiin.<br />
Waxana ka mid ah tixaha gabaygan calaacalka ah ee soo<br />
socda (oo Sayid Maxamed Cabdulle Xassan kaga<br />
calaalcalyo dhul barwaaqo ahaa oo daraawiishtu ka soo<br />
guurtey, ka dibna meeshii ay u soo guureen ee ay<br />
degeen ay ka heshay abaar xumi):<br />
Ramag dhalay lo’ wada riira iyo, raasumaal adhi<br />
ah<br />
Rigta ciirta caanaha la raqi, racawadii maalka<br />
Ragraag sixinta oo gog weyn, lagu rabbaasaayo<br />
Rogob iyo baruur iyo caddiin, ramaqsigii goolka<br />
Raka sare rawaaxi iyo xariir, raarta laga<br />
buuxshay<br />
Ribix waxan ka helay maalintaan, rababkii Ayl<br />
iilley<br />
Ra’yigayga kuma hayn inaan, rug uga guuraaye<br />
Wax rafaad i soo galay markaan, awrta soo raraye<br />
Rabbi niman oqoon bay qubay, raaxadaan qabaye<br />
Rag baa igu cabiidshaye Nugaal, uma risaaloone<br />
Niman baa riddaan igu wadaye, raalli ma ahayne<br />
58
Reerkayga kama soo mareen, rabadinkuu yiille<br />
Sidaan raaska Dhooddi ugu furay, rina ma<br />
dheefayne<br />
Risiq lagama helin geelashii, reysinka ahaaye<br />
Kolba haddaan ka soo ruqay kobtay, ramastu ii<br />
tiillay<br />
Kolaan ruqur jabsado maalintay, rayadu geedowdo<br />
Amaan raran gashado quullihii, raanta le’ekaaye<br />
Curdankii ruguugucay kolaan, rubuc ka soo beegto<br />
Amaan midhaha roobkii ku baxay, regad ka soo<br />
buuxsho<br />
Haddaan Hawd rabaalkiisa aal, dan uma riiqdeene<br />
Waxay ii riyaaqsheen dalkii, reebida ahaaye<br />
Waa meel dugaag roorayaa, ruqumbiyaayaaye<br />
Waa meel raqdii aad tagtaa, ruux dada ey tahaye<br />
Waa meel aan raan geeda weyn, raxan ka daaqayne<br />
Waa meel ris iyo caws rudma ah, laga rifaayaaye<br />
Waa meelaan raandhiis lahayn, ruus ka soo<br />
baxaye. 13<br />
Jacaylka, dagaalka, dumarka iyo geeluba waxay yihiin<br />
arrimo dhammaan si siman uga ka dhex muuqda oo laga<br />
hadlo gabayga Soomaalida. Tixahan soo socda, waxay ka<br />
mid yihiin gabay uu tiriyey nin kale oo gabayaa ahaa<br />
oo la odhan jirey Cumar Xusseen Ostreeliya<br />
(Australia), oo dhintay sannadihii 1960-meeyadii.<br />
Waxa lagu naanaysi jirey ‘Cumar-Ostareeliya’, sababta<br />
oo ah isaga oo si joogto ah uga hadli jirey dalka<br />
Australia oo uu booqasho ku tegey socdaalladiisii<br />
59
adduunka uu ku mari jirey. Gabaygani soo socda oo uu<br />
ku ammaanayo gabadh uu ku hal-qabsanayoo oo la yidhaa<br />
Weris, waxa uu isla mar kaga hadlayaa quruxdeeda iyo<br />
shanqadha ka baxaysa qalabka ay sidato, sida rasaas<br />
dhacaysa oo kale:<br />
……………………………………………………………………………………………………<br />
……………………………………………………………………………………………………<br />
……………………………………………………………………………………………………<br />
……………………………………………………………………………………………………<br />
…………………………………………………………………………………………………… 14<br />
In gabay laga tiriyo oo laga faalloodo xaaladaha<br />
imika taagan, waa arrin khatarteeda leh, noqonna<br />
karta wax xattaa naftaada halis geliya. Cabdirashiid<br />
Cumar, oo ah nin dhallinyar oo gabayaa ah, waxa uu<br />
tiriyey bishii December ee 2009, gabay amma guurow uu<br />
u bixiyey ‘Fatwa’, ka dib markii qof ismiidaamiyey uu<br />
isku qarxiyey xaflad qalin-jebin ahayd magaalada<br />
Muqdishu, oo loo samaynayey arday ka soo qalin<br />
jebisay kulliyadda caafimaadka, halkaasi oo ay ku<br />
dhinteen in ka badan labaatan qof oo ay ku jireen<br />
wasiirro dawladda ka tirsanaa. Ururka al-Shabaab waxa<br />
uu u sheegay ninkaasi in uu amma ka noqdo gabaygaasi<br />
oo uu buriyo, amma tiriyo guurow kale oo uu ku<br />
ammaanayo al-Shabaab, haddii kale in la dili doon<br />
isaga. Cabdirashii arrintaasi waxa uu ku gacansaydhay<br />
hanjabaaddaasi, waxayna ku kalliftay in uu dhuumasho<br />
galo oo uu is-qariyo.<br />
Guurowgaasi ‘Fatwa’ waxa ka mid ahaa tixahan soo<br />
socda:<br />
60
Helley waataan lahaa,<br />
Fa’ looxbaa lagu dhigaa,<br />
Furqaan waa la akhriyaa,<br />
Faruuryaa laga hadlaa,<br />
Faraaxo lagu qabtaa,<br />
Feeraa laga neefsadaa,<br />
Falaax waa faws Ilaah.<br />
………………………………………………………<br />
Fa’dii kale waxan lahaa,<br />
Farood waa ficil dugaag,<br />
Fidniyo dirir waa fasaad,<br />
Fallaar-tuur iyo is-feer,<br />
Firaar laga dheefo mooyee,<br />
Colaad faa’iido malaha.<br />
………………………………………………………..<br />
Fa’dii kale waxan lahaa,<br />
Soomaaliya furuq qabsaday,<br />
Fidnadii jeer hore fag tiri,<br />
Banaadiiqdii la furay,<br />
Fataatiir iyo ciyaar,<br />
firqo lagu jabay dhammaan,<br />
Ayaan kuba fooraroon,<br />
Fekar baan la maahsanaa.<br />
....................<br />
Fa’dii kale waxan lahaa,<br />
61
Furuuc Soomaaliyey,<br />
Fallaagada reer Shabaab,<br />
Waxay fiicnaan filaan,<br />
Waxay qarax faafiyaan,<br />
Fantiyo furuq weeye oo,<br />
Furqaanku u maanicoo,<br />
Fassir loo haynine,<br />
Waar hoy fiirsada dadow... 15<br />
Gabayada dhaqanka iyo heesuhuba waxay yihiin qaar<br />
weli kaalin dhexe ku leh nolosha dhaqanka Soomaalida,<br />
laakiin iyaga laftoodu waa wax qaabkoodu isbedelayo<br />
oo la qabsanaya waqtiga, laguna dabbaqayo hadba<br />
qaababka cusub ah ee socda, gaar ahaanna siiqada amma<br />
heesaha loo yaqaanno riglada (rap), siiqadaasi oo ah<br />
mid gaar ahaan dhaqan-afeedku u jajaban yahay amma<br />
aad ugu bannaan. Tusaale ahaan fannaanka Soomaaliyeed<br />
ee reer Canada, Kaynaan, waa laashin si weyn ugu<br />
caanbaxay fankaasi casriga ah ee loo yaqaan raabka<br />
amma riglada. Dhallinyarada Soomaaliyeed ee iyaguna<br />
deggan dalkan Ingiriisku, waxay isku badhxeen oo ay<br />
isku dareen heesihii dhaqanka iyo qaababka muusikada<br />
casriga ah, markii ay soo saareen hees gaar ah oo ku<br />
baaqaysay sii-deynta laba qof oo lammaane ahaa oo<br />
Ingiriis ah, oo u afduubnaa budhcad-badeed Soomaali<br />
ah oo qabsatay sannadkii 2009.<br />
Dhaqanka gabayadan Soomaalida ee leh hal-abuurka<br />
sare, kaftanka, is-xifaalaynta iyo maahmaahyaha, waxa<br />
iyaguna soo raaca naanaysaha loo bixiyo Soomaali<br />
badan, oo si xiiso leh oo xariifnnimo loo dhigo, kuna<br />
ladhan macne amma sifo maldahan, mararka qaarna si<br />
toos ah oo aan naxli lahayn loogu yeedho qofkaas. Dad<br />
62
waaweyn oo muhim ah ayaa loo yaqaan oo ku magac-dheer<br />
naanaystooda oo qudha. Waxa ka mid ah hogaamiyebeeleed<br />
awod badan oo la yidhaa Shaati-Guduud, iyo<br />
Indha-Cadde oo loogu bixiyey isaga oo caado u leh in<br />
uu hadba indha-caddeeyo oo uu kor u taago marka uu<br />
wax eegaya. Madaxweyne Maxamed Siyaad Barre waxa loo<br />
yaqaanney Afweyne. Macnaha ereyga amma magaca Siyaad<br />
laftiisu waa ‘Barihii amma dhibcihii Madoobaa’, amma<br />
‘Calaamadihii Madoobaa’. Naanaysaha kale ee caanka ah<br />
waxa ka mid ah Gurey oo loogu yeedho qofka bidixlaha<br />
ah, Ganey oo loogu yeedho qofka foolasha qaar ka<br />
maqan yihiin, Rooble oo loo bixiyo qofka dhashay<br />
maalin-roobaad amma roob da’ay, iyo Geelle oo macne<br />
ahaan ah qofkii geela badan lahaa, inta badanna loogu<br />
yeedho dadka amma qofka dheer ee xooggan. Dumarka<br />
laftoodu, mararka qaar waxay leeyihiin naanayso loo<br />
bixiyo, kuwaasi oo inta badan ah ammaan-bilaash amma<br />
ka-badbadis. Waxa ka mid ah Sonkorey oo tilmaamaysa<br />
macaan, Luul oo macnaheedu yahay Dheeman, iyo<br />
naanaysta Cod-Weyn. 16<br />
Soomaalidu waxa kale oo ay leeyihiin magacyo badan<br />
oo ay ugu yeedhaan ajanebiga, oo inta badan quudhsi<br />
ah. Dadka caddaanka ah, waxa loogu yeedhaa Gaalo oo<br />
loola jeedo dadka aan ‘Ilaahay aaminsanayn’ amma<br />
‘kufaarta’ ah. Magacan waxa kale oo loogu yeedhaa<br />
dadka kale ee aan Muslinka ahayn iyagu. Ruusha iyo<br />
Maraykanku waxay leeyihiin magac gaar ah oo loo<br />
yaqaan, kaasi oo ah reer Kaba-Weyne, laguna<br />
tilmaamayo qaradooda amma jidkooda weyn iyo sida<br />
xoogga ah iyo cududda leh ee ay u tallaabsadaan.<br />
Carabta waxa mararka qaar loogu yeedhaa Dheg-Cas,<br />
Shiinahana Indha-Yar.<br />
Qaadka (Qat)<br />
Waxa kale oo ka mid ah dhaqanka Soomaalida, cunista<br />
Qaadka. Caleenta amma geedkan oo lagu mirqaamo, waxa<br />
63
laga beeraa Kenya iyo Ethiopia, Soomaaliduna waxay u<br />
fadhida saacado badan oo ay qayilaan, inta badanna<br />
gelinka danbe iyo fiidkii. Qaadku waa wax aad ugu<br />
faafay Soomaalida, ayna qabatimeen oo intii<br />
dagaallada sokeeye ay socdeen oo dhan, diyaarado lagu<br />
geyn jirey Somalia, diyaaradahaasi oo ku degi jirey<br />
garoomo la xaadh-xaadhay oo aan rasmi ahayn oo ku<br />
kala yaal meelo fog-fog oo khatar ah oo dalka ka<br />
tirsan. Ganacsiga Qaadka waxa laga helaa sannadkii<br />
lacag gaadhaysa tobannaan malyuun oo doollar, umana<br />
muuqan haba yaraatee mid dagaalladii ay saameeyeen oo<br />
ay joojiyeenay.<br />
Marka Qaadku soo dhaco ee uu yimaaddo, waxa abuurma<br />
jawi kacsan oo buuq ah. Xaafadda Eastleigh, oo ah<br />
xaafad ka tirsan magaalada Nairobi oo Soomaalidu ay<br />
degto, waxa timaadda baabuur cararaysa oo si degdeg<br />
ah u soo gala xaafaddaasi, kana yimaadda gobolka Meru<br />
ee badhtamaha Kenya, halkaasi oo laga beero Qaadka.<br />
Marka baabuurtaasi ay soo galaan, waxa abuurma buuq<br />
miyir-la’aan ah oo la is dhexyaaco, iyada oo qaadwalyaashu<br />
ay boobsiyaan inay kala soocaan qaadkaasi<br />
cusub ee soo dhacay, una kala xidhaan qaybo loo kala<br />
diro oo loo kala dhoofiyo Yurub, iyo inta gudaha lagu<br />
iibinayo ee la reebayo. Eastleigh waxay leedahay suuq<br />
u gaar ah oo lagu iibiyo Qaadka, loona yaqaan ‘Suuqa<br />
Qaadka’, suuqaasi oo cammiran, ayna ku yaallaan<br />
sakado meherado iyo tukaammo yaryar oo foodda saqafka<br />
sare ee jiingadda ah laga soo wada lulay amma la<br />
sudhay xidhmooyin ka kooban laamaha Qaadka. Nooca ugu<br />
wanaagsan ee ugu tayo sarreeya Qaadka waxa lagu<br />
iibiyaa xidhmadii ilaa $30 doollar oo Maraykan ah.<br />
Jidadka suuqaasi waxa ka buuxa maqaaxiyo, halkaasi oo<br />
dadku ay si nafis ah ugu fadhiyaan kuraas amma<br />
derbiyada oo ay ku qayilayaan, kuna cabbayaan shaah<br />
iyo sigaar, biyo amma cabbis kale oo fudud.<br />
Maqaaxiyahan shaaha laga cabbo, oo ka mid ah<br />
dhaqanka Soomaalida meel kasta oo adduunka ka tirsan,<br />
64
waxay ka dhigan yihiin oo kale gole yar oo baarlamaan<br />
oo lagu kulmo, si kululna loogaga doodo arrimaha<br />
xagga siyaasadda ee gudaha iyo dhacdooyinka caalamiga<br />
ah. Marka ay afkooda kala qaadaan ee ay hadlayaan,<br />
waxa maraka qaar ka soo qubta calyo doog ah, oo ah<br />
qaadkii ay taqsiisanaayeen, oo debadda u soo duula.<br />
Waxaad moodda waxoogaa sidii lo’ raamsanaysa, iyaga<br />
oo daamankooda ay ka muuqdaan oo ay ka soo buuran<br />
tahay taqsiinta weyn ee ay ku gureen. (Qof ka mid ah<br />
dadka sida weyn u qayila, xaafadda Easleigh ee<br />
Nairobi, ayaa iiga warramay sida uu dareemo iyo<br />
sababta uu u cuno Qaadka):<br />
Waxan ahay muqayil weyn, horyaalka cunista<br />
Qaadka. Annagu haddii aannu nahay Soomaali,<br />
waxannu rumaysannahay in Qaadka uu yahay wax lagu<br />
nafiso oo uu yahay waxa ugu fiican ee buuqa iyo<br />
wareerka iyo daalka la iskaga biiyo. Maskaxda<br />
ayuu si weyn u dejiyaa oo ka saaraa wareerka iyo<br />
walaaca. Qaadku waa shay lagu mirqaamo, laakiin<br />
haddana waa wax lagu nasto oo lagu raaxaysto.<br />
Marka aan Qaadka cuno ee aan mirqaamo, nolol<br />
cajaa’ib leh oo fiican ayaa i hortimaad oo aan<br />
galaa. Marka aanan qayilin, waxan dareemaa cidlo<br />
amma keli oo waan qaloodaa. Cunista Qaadka, waan<br />
ku furfurmaa oo si weyn ayaan ugu sheekeeyaa,<br />
waanu i dejiyaa. Dadka qaar ayaa yidhaa Qaadka<br />
waa lagu dawakhaa amma waa lagu waashaa, laakiin<br />
anigu taasi ma rumaysni. Xataa haddii uu<br />
caafimaadkayga wax u dhimayo, dan kama lihi oo<br />
kama werwero, waayo waan ka helaa oo wuxu iga<br />
dhigaa mabsuud. Had iyo jeer, waannu ku kaftannaa<br />
Qaadka oo aannu isku dacaayadaynna, waxanannu<br />
isku nidhaa ‘ri camal ayaa u egtahay’, iyo ‘geel<br />
camal ayaad u egtahay’. Ragga waaweyn ee<br />
muqayilka ah, sidayda oo kale, qayilaaddu waa<br />
waqtiyada ugu fiican ee ugu raaxada badan<br />
65
noloshayada. (Maleele, Qaad-cun, xaafadda<br />
Eastleigh, Kenya). 17<br />
Suuqyada magaalo-madaxda Hargeysa ee Somaliland, oo<br />
ah qaar cammiran oo dhaqdhaqaa badani ka jiro, waxaad<br />
ku dhex arkaysa dumar xijaaban oo ka soo jeeda<br />
sandaqado iyo buushash lagu sawiray xidhmooyin Qaad<br />
ah. Waxay iibiyaan Qaadkaasi oo ay ragga ugu ridaan<br />
baco midabkoodu yahay buluug. Mid ka mid ah<br />
‘dhibaatooyinka’ amma waxyeellada qaadku uu leeyahay<br />
waa xashiishka. Somaliland inteeda badan waxad ku<br />
arkaysaa bacahaasi oo ka wada dhalaalaya, kuwaasi oo<br />
marka dadka qaadka cunaa ay iska tuuraan, dhirta<br />
qodaxda lihi qabsato, halkaasina ka wada lulmaya<br />
marka dabayshu ku dhacdo.<br />
Dhakhtar qaabilsan cudurrada ku dhaca maskaxda amma<br />
dhimirka, oo magaciisa la yidhaa Aden Ismail, waxa uu<br />
ii sheekay, bukaan-socodka u yimaadda ee uu eego,<br />
inta ay leeg yihiin dadka isku buuqsan ee qaba<br />
waxyeello ka soo gaadhay amma la xidhiidha cunista<br />
qaadka. Waxa uu ii sheegay in uu markaas ka yimid<br />
guri ku yaal Hargeysa oo saddex nin oo walaalo ah<br />
lagu hayo, laguna xidh-xidhay silsilado lagu jebiyey<br />
oo loogu xidhay gidaarrada guriga. Si halkaasi loogu<br />
hayo oo lagaga ilaaliyo inay weeraraan amma waxyeello<br />
u geystaan dadka kale ee qoyska xaafadda, amma laga<br />
ilaaliyo inay debadda u fakadaan oo ay Qaad u<br />
doontaan.<br />
Soomaali-Weyn (Greater Somalia)<br />
Dareenka xoogga badan ee la xidhiidha<br />
Soomaalinimada iyo dhaqanka Soomaaligu waa qaar<br />
dhaafsiisan oo ka shisheeya xuduudaha Somalia iyo<br />
Somaliland; taasi oo in la ogaado jiritaankeedu ay<br />
66
muhiim u tahay in la fahmo ‘dhibaatada Somaalida’ iyo<br />
siyaasadda guud ee gobolka.<br />
Soomaali badan ayaa aaminsan in la khayaameeyey oo<br />
laga dhacay dhul. Somalia waa mid ka duwan dalalka<br />
kale ee Afrika badankooda, dalakaasi oo ay ku wada<br />
nool yihiin qawmiyado jinsi ahaan kala duwan dal<br />
kasta gudihiisa, kuwaasi oo had iyo jeer u tartama<br />
awodda xukunka iyo khayraadka. Laakiin marka la<br />
barbar dhigo dadweynaha Soomaaliyeed, waa qaar ku<br />
kala baahsan dhulalka gobolka Geeska Afrika oo jooga<br />
degaanno wax badan ka shisheeya inta ku qeexan<br />
xuduudaha waddankooda. Haddii waddanka Soomaalida<br />
lagu soo daro dhammaan dhulalka ay degaan ee ay u<br />
badan yihiin Soomaalidu, waxa uu noqonayaa waddan aad<br />
uga ballaadhan inta uu maanta yahay ee Somalia ka<br />
kooban tahay marka lagu daro jamhuuriyadda la magacbaxday<br />
Somaliland. Professor Ioan Lewis waxa uu ku<br />
doodayaa in ‘Soomaalidu ay tahay qawmiyadda jinsi<br />
ahaan ugu baahsan amma ugu filiqsan marka loo eego<br />
keli-keli qawmiyadaha Afrika ... waxayna ku nool<br />
yihiin oo ay had iyo jeer degaan dhul aad u<br />
ballaadhan oo gaadhaya ilaa 400,000 oo mayl oo dhinac<br />
kasta iska leeg.’ 18<br />
Calanka qaranka ee Soomaalida, waxa ku yaal xiddig<br />
cad oo dhexda kaga taal calan midabkiisu yahay cirka<br />
oo kale amma buluuki ah. Shanta gees ee xiddigtaasi<br />
waxay u taagan yihiin shanta gobol ee ‘Soomaali-<br />
Weyn’, dhulkaasi oo aan weligii u jirin dal qudha oo<br />
qaran ahaan loo aqoonsan yahay, laakiin ah mid<br />
Soomaali badani ay u arkaan dhulkoodii hooyo ee ay<br />
xaqa u lahaayeen, mararka qaarna ay u galeen dagaallo<br />
sidii ay taasi u xaqiijin lahaayeen ee ay u samayn<br />
lahaayeen.<br />
Hasse ahaatee fikradda ku saabsan in la isku wada<br />
keeno oo la mideeyo dhammaan Soomaalida oo dhan,<br />
waxay u muuqata wax aan ka badnayn riyo amma khayaal.<br />
67
‘Soomaali-Weyn’ weligeed ma noqon dal mid ah oo qaran<br />
ahaan u jira, xattaa intii ka horraysay intii<br />
Qaaradda Afrika aan la kala qayb-qaybsan ee<br />
isticmaarkii, xilliyadii ‘Saami-qaybsiga Afrika’.<br />
Iyadoo Soomaalidu ay tahay asal ahaan dad reerguuraa<br />
ah, waana dad had iyo goor socda oo xoolahooda<br />
kolba meel u raraya, una wada guura oo u dega reerreer<br />
inta badan isku xidhan oo uu ka dhexeeyo dhiig<br />
dhalasho amma dhaqan guur. Ma jirin baahi weyn oo<br />
dhaqaale, amma siyaasadeed, amma mujtamac oo loo<br />
qabay qaran dawli ah oo mid ah amma mucayan ah oo<br />
Soomaaliyeed, in kasta oo Soomaalida lafteedu ay<br />
yihiin dad isku mid ah, oo gaar ah, oo si weyn la<br />
iskugu soo sooci karo.<br />
‘Soomaali-Weyn’ waxa ku jira qaybo ka tirsan dhammaan<br />
dalalka deriska la ah Somalia, sida awgeedna<br />
fikraddan Soomaali-Weyn waa mid khatar ku ah dhammaan<br />
dalalkaasi jaarka ah. Saddex ka mid ah shanta gees ee<br />
xiddigta Soomaalidu, waxay u kala taagan yihiin<br />
gobollada waqooyi-bari ee Kenya, bariga Itoobiya, iyo<br />
Djibouti, kuwaasi oo dhammaantood ay degaan dad badan<br />
oo asal ahaan Soomaali ka soo jeeda. Labada gees ee<br />
kale ee xiddigtaasi waxay u taagan yihiin Somalia iyo<br />
jamhuuriyadda la magac-baxday Somaliland (eeg<br />
khariidadda 1.2).<br />
68
Khariidadda 1.2 ‘Soomaali-Weyn’ iyo sida ay u kala<br />
deggan yihiin beelaha waaweyni(Lewis 2002 [1980])<br />
Xaqiiqada ah in dadka Soomaalidu ay ku baahsan<br />
yihiin oo ay degaan dhul aad uga ballaadhan waddanka<br />
Somalia ee hoos yimaad dawladda oo keliya, ayaa<br />
keenaysa oo macnaheedu uu yahay in sheegadasha dhulballaadhsiga<br />
ah ee ku saabsan in dib loo soo celiyo<br />
69
oo la isku wada keeno degaannadaasi Soomaalida, in<br />
sheegashadaasi ay marka la eego taariikhda gobolkasi<br />
Geeska Afrika oo dhan ay u horseeday oo ay dhalisay<br />
deganaansho la’aan joogto ah. Riyada ‘Soomaali-Weyn’<br />
waxa qabay oo agtiisa ay ka jirtey dagaal-oogihii<br />
gabayaaga ahaa, Sayyid Maxamad Cabdulle Xassan. In<br />
kasta oo aanu weligii ku guulaysan in uu hirgeliyo oo<br />
uu sameeyo waddan Soomaali-Weyn ah, haddana waxa uu<br />
beeray midhihii iyo fikradda ah in loo dagaallamo<br />
‘Soomaali-Weyn’ oo uu ku beeray maskaxda faacyo badan<br />
oo danbe oo Soomaali ah.<br />
Laga soo bilaabo gobannimadii Somalia ee 1960-kii,<br />
hoggaamiyayaal kale oo uu ku jiro madaxweyne Maxamed<br />
Siyaad Barre ayaa khatar iyo hanjabaado dhulballaadhsi<br />
ah ku hayey dalalka la deriska ah.<br />
Siyasaddaasi waxay mar keentay isku-dhac hubaysan oo<br />
milateri oo mar walba ku dhammaanayey Somalia oo ku<br />
jabta, oo aan ka keenin wax guul ah oo ay ku si<br />
joogto ah ugu soo korodhsato dhulal kale. Dagaallada<br />
ugu xumaa ee ugu burburka weynaa waxa ka mid ahaa<br />
dagaalkii lala galay Itoobiya ee uu ku dhawaaqay<br />
Siyaad Barre sannadkii 1977, kaasi oo ku dhammaaday<br />
in si xun loogu jebiyo Somalia, isla markaasina<br />
sababay oo horseeday dhicitaankiisii.<br />
Riyada ‘Soomaali-Weyn’ waa mid jirta ilaa<br />
maanatadani. Kooxaha Islaamiyiinta ah ee Soomaalidu,<br />
oo uu ka mid yahay ururka al-Shabaab, waxay u<br />
adeegsadaan qaddiyaddan, hub ay ku dagaal galaan iyo<br />
baaq qaylo-dhaan ah oo ay ku kiciyaan dadweynaha, si<br />
ay u helaan taageero. Tani waxa kaga yimid dhibaato<br />
iyaga dib ugu soo noqotay sannadkii 2006-dii, markii<br />
mid ka tirsan hoggamiyayaashii Maxakamadihii<br />
Islaamiga ahaa, Sheikh Xassan Dahir Aweys, uu ku<br />
hanjabay in uu qabsan doono gobolka Soomaalida ee<br />
Itoobiya. Dhammaadkii isla sannadkaasi, Itoobiya<br />
waxay weerartay oo ay gashay Somalia, waxayna<br />
70
xukunkii ka tuurtay Midowgii Maxkamadaha Islaamiga ah<br />
(UIC).<br />
Colaado iyo dagaallo is xigey, iyo weliba<br />
dhibaatooyin ku yimid degaanka ayaa kallifay in<br />
boqolaal kun oo dadweynihii Soomaalida ahaa inay ka<br />
baxaan dalkoodii oo ay noqdaan amma qaxooti, amma<br />
tahriibayaal dhaqaale-raadis ah. Baadhitaan ay<br />
samaysay Qaramada Midoobay sannadkii 2009 (UNDP,<br />
Somalia’s Missing Million: The Somali Diaspora and<br />
its Role in Development, 2009), waxay ku qiyaastay in<br />
ilaa hal milyan oo qof oo ka mid ah guud ahaan tirada<br />
dadweynaha Soomaalida oo dhan ilaa toban milyan, in<br />
ay ku nool yihiin oo ay degeen dalka debaddiisa. 19<br />
Hasse ahaatee tirokoobyadani waxay u baahan yihiin<br />
in si taxadir leh la iskaga hubiyo, sababta oo ah<br />
iyadoo ay dhibaato tahay in tirokoobyo sugan laga<br />
samayn karo Somalia gudaheeda iyo arrimaha Somalia,<br />
iyo iyadoo ay baaba’een in badan oo ka mid ah<br />
diiwaannadii iyo waraaqihii xafiisyada dawladdu<br />
xilliyadii dagaallada.<br />
Soomaalidu waxay tegeen oo ay degeen dalalka deriska<br />
ah ee Kenya, Ethiopia iyo Djibouti, iyo dalalka kale<br />
ee Afrika. Qaar kale waxay tegeen dalalka Yemen,<br />
Khaliijka iyo Saudi Arabia. Waxa kale oo jira<br />
jaalliyado aad u badan oo Soomaaliyeed oo deggan<br />
dalalka Maraykanka, Canada, Australia iyo Yurub, gaar<br />
ahaanna dalka Ingiriiska, Holland, Italy iyo dalalka<br />
Scandinavian-ka. Soomaalidu waa dad runtii caalamka<br />
ku baahsan, waxayna si buuxda uga faa’iideysteen<br />
tiknoolojiyada cusub, si ay u adeegsdaan qalabka<br />
isgaadhsiinta oo ay ku wada xidhiidhaan, iskuna xaal<br />
ogaadeen oo ay is kaalmeeyaan, meel kasta oo ay<br />
adduunka ka kala joogaan. Addeegyada Internet-ka,<br />
telifoonnada moobiilka, iyo awodda ay u yeesheen inay<br />
si dhakhso ah u xawilaan lacagayow iyaga oo<br />
adeegsanayaa tiknoolojiyadaasi casriga ah, ayaa dinac<br />
71
ahaan muujinaya inay jirto wax u dhigma amma u eg<br />
fikradda ‘Soomaali-Weyn’ oo kale, fikraddaasi oo<br />
gaadhsiisan xattaa meel ka baxsan oo ka fog inta ay<br />
koobayso ee ay tilmaamayaan shanta gees ee xiddigta<br />
Soomaalidu. In kasta oo ‘Soomaali-Weyn’ aanay<br />
weligeed ahayn amma noqon marnaba wax dal ahaan u<br />
jirey, laakiin waxay u jirtaa rajo ahaan iyo wax lagu<br />
hirto, taasi oo ay qabaan oo aaminsan yihii Soomaali<br />
badani ilaa maantadani, kuwaasi oo isku arka inay ka<br />
mid yihiin ‘Qaran Soomaaliyeed’ oo weyn oo ka<br />
ballaadhan inta xuduudaha hadda jiraa ay koobayaan.<br />
Dhinaca kale wax jira xoogag iyo waxyaabo ka<br />
geddisan oo burinaya amma ka horimanaya firaddani<br />
dhul-ballaadhsiga, oo kala qaybin ku keenaya isla<br />
dalkaasi gudihiisa. Mid ka mid ah jahawareerka weyn<br />
ee ka jira Soomaalida dhexdeeda iyo ammurahooda, oo<br />
si toos ah lid ugu ah oo ka horimanaysa riyadii<br />
‘Soomaali-Weyn’, waa beelaha amma qabaa’ilka iyo<br />
qaybaha kale ee loo kala baxay, kuwaasi oo keenay in<br />
dalkaasi si weyn u kala jajabo oo u kala qaybsamo<br />
gudihiisa. Xoogaggaasi amma kooxahaasina waxay<br />
ahaayeen kuwa iyagu gacanta sare leh laga soo bilaabo<br />
ilaa sannadihii u horreeyey ee qarnigan kow-iyolabaatanaad.<br />
Soomaaliyana waxay u kala qaybsantay<br />
dalal iyo dawlado yaryar oo dhawr ah, oo qaarkood ay<br />
gaadheen guulo u hirgala oo ka badan kuwa kale marka<br />
la barbar dhigo.<br />
Xaqiiqada ah in Somalia ay kala jajabtay oo kala<br />
qaybsantay, in kasta oo ay yihiin dad isku mid ah<br />
marka loo eego xagga jinsiga, luqada, diinta iyo<br />
dhaqanka, ayaa macnaheedu ay tahay in mar kale sidii<br />
hore ee loo arki jirey, loona dersi jirey<br />
dhibaatooyinka siyaasadeed ee Afrika, in aan lagu<br />
dabbiqi Karin Soomaalida oo aanay la mid ahayn. In<br />
badan oo ka mid ah dhibaatooyinka ka jira Nigeria<br />
amma Sudan, tusaale ahaan, waxa si weyn loogu<br />
aaneeyaa oo sabab looga dhigaa kala geddisnaanta<br />
72
xagga diinta iyo jinsiga, in kasta oo xaaladaha<br />
dhaqaale iyo arrimo kaleba ay kaalin ku leeyihiin.<br />
Xaaladaha iyo sababaha dhalinaya dhibaatooyinka<br />
Somalia, la mid ma aha oo looma raaci karo sababahan;<br />
waxase loo baahan yahay in sidooda iyo gooni<br />
ahaantooda loo derso oo loo fahmo.<br />
Dalkii markii noqday Qarankii Somalia ee madax<br />
bannaanaaday bishii July ee 1960-kii, waxa uu haddana<br />
ka mid noqday dalalka ugu cimri-gaabtay qaaraddaasi,<br />
waxanu taagnaa oo uu u jirey ka qaran ahaan muddo wax<br />
yar ka badan soddon sano. Gobolkii waqooyi-galbeed ee<br />
Somaliland waxay iskood ugu dhawaaqeen inay noqdeen<br />
jamhuuriyad gooni ah sannadkii 1991-kii, in kasta oo<br />
aanay helin aqoonsi caalami ah. Puntland oo ku taal<br />
dhinaca waqooyi-bari, waxay leedahay dawladdeeda iyo<br />
ilaa heer maamul madaxbannaan. Qaybo badan oo kale oo<br />
ka tirsan dalkaasi ayaa iyguna goonidooda u shaqeeya<br />
oo isku maamula, in kasta oo maamulladaasi iyo gacanku-hayntoodu<br />
ay mar walba is bedesho oo kolba cidi<br />
qabsato, kooxaha kala geddisan ee danaha ka leh. Iyo<br />
weliba xuduudaha qaybahaasi u dhexeeya oo aan<br />
sugnayn, isna bedela (eeg khariidadda Map 1.3).<br />
73
Map 1.3 Qaybaha waaweyn ee dhulka Soomaalida<br />
Qaybhaasi qaar ka tirsan waxa ka taliya oo gacanta<br />
ku haya kooxaha Islaamiyiinta ah, qaar kalena waxay<br />
ku kala xidhan yihiin beelaha, qaarna waxay leeyihiin<br />
‘madaxweynayaal’ iyagu iskood isku magacaabay oo<br />
74
qurbaha ku nool, oo amma marmar gaadha halkaasi, amma<br />
aan weligoodba tegin. Sannadkii 2011, qaybo ka tirsan<br />
magaalada Muqdishu iyo meelo kale oo tiro yar, waxa<br />
maamulaysay dawlad taag daran oo ku-meel-gaadh ah oo<br />
ay taageerayaan ciidammo nabad-ilaalineed oo ka socda<br />
Ururka Midowga Afrika. Xaaladahani mar walba is<br />
bedelayaa waxay dhibaato ku noqdeen noloshii caadiga<br />
ahayd ee Soomaalida, kuwasi oo mar walba ay ku<br />
khasabto inay la qabsadaan, una dhaqmaan hadba qaabka<br />
ay la yimaaddan kolba kooxda qabsata gobolka ay ka<br />
tirsan yihiin ee ay deggan yihiin, iyaga oo ogsoon in<br />
mar kasta ay dhici karto in haddana koox kale ay<br />
timaaddo oo ay maamulka qabsato.<br />
Beesha (The Clan)<br />
Waxa ugu weyn ee Soomaalida kala qaybiyaa waa<br />
beelaha amma qabiilka, kaasi oo ka koobma, iskuna<br />
xidha kooxo dad ah oo noqda qaybo gooni-gooni ah amma<br />
ardaayo, una dhigma jufooyinka amma qabaa’ilka kale<br />
ee isku abtirsiinta ah. Jiritaanka xidhiidhka<br />
beelahaasi ayaa mar walba ku ahaa carqalad adag oo<br />
aan la dhaafi Karin, in laga abuuro Somalia qaran<br />
dawli ah oo casri ah. Arrintani waxay qayb ahaan<br />
sharraxaysaa amma tilmaamaysaa sababta loogu<br />
guuldarraystay dedaalladii gudaha iyo kuwii debadda<br />
ee ahaa in la ‘mideeyo’ Somalia oo la wada hoos keeno<br />
maamulka dawlad dhexe oo qudha oo joogta magaalada<br />
Muqdisho.<br />
Intii aan wadey xog-baadhka buuggani, Soomaali dhawr<br />
ah ayaan weydiiyey kaalinta iyo ahmiyadda beesha amma<br />
qabiilka. Jawaabaha aan ka kala helay waxay<br />
muujinayaan sida qodobkan amma arrintani ay u tahay<br />
mid xasaasi ah. Mid ka mid ahi waxa uu iigu jawaabay:<br />
75
Aadbaad u xishood daran tahay, in aad ka hadasho<br />
oo aad i weydiiso qabaa’ilka; ma aha wax jira.<br />
(Cumar Maxamed, Ganacsade, Muqdishu).<br />
Gabadh kale waxay igu tidhi:<br />
Beesha amma qabiiku waa xuddun-dhexaadda dunida<br />
Soomaalida. Iyada ayaa sal u ah wax kasta oo<br />
aannu nahay amma samaynanno (Aisha-Mariam,<br />
kaaliye bulsho, Hargeysa).<br />
Ninkanna, waxay isaga la tahay:<br />
In Soomaalida loo arko oo loo raad-raaco beelbeel<br />
waa wax gaboobey oo taariikhdii hore uun ku<br />
eg. (Yoonis Xassan, ganacsade, Baydhabo).<br />
Nin kalena wuxu igu yidhi:<br />
Haddii aad doonayso Soomaalida in aad fahamto,<br />
sida qudha ee lagu fahmi karaa waa iyada oo la<br />
kala fahmo sida iyo waxa ay kala yihiin beeluhu<br />
(Yuusuf Nuur, Oday-dhaqameed, Muqdishu).<br />
Waxyaabaha ugu muhiimsan ee loo baahan yahay in la<br />
famo marka laga hadlayo qabaa’ilka Soomaalida, waxa<br />
weeye in la ogaado inay yihiin wax hadba is bedelaya<br />
oo isku dhex qassan, oo aan mar walba kala qeexnayn.<br />
Soomaalidu ma aha wax si sahal ah loogu kala soocsooci<br />
karo qaab-beeleedyo sugan oo kala qeexan.<br />
Sabatuna waxa weeye in beel kastaa gudaheeda ay sii<br />
kala qaybsanto, oo ay u sii kala baxaan jili-jilib<br />
iyo juffooyin amma bah-bah, taasi oo sii socota ilaa<br />
heer hoose (eeg shaxda 1.1).<br />
76
Isbahaysiga ka dhexeeya qaybahaasi amma bahahaasi<br />
iyo ardaayadan mar walba sii kala qabsamaya ee aan<br />
dhammaadka lahayni iyo meel ay isku tagaan, haddana<br />
waa qaar mar walba is bedelaya. Taasi ayaana dhibaato<br />
ku ah in dadka ajanebiga ahi ay fahmaan. Meel marka<br />
hore u muuqata inay mid tahay, ayaa u sii kala bixi<br />
kartaa laba jilib amma ka badan, oo iyaga laftoodu is<br />
qaban kara oo iska horiman kara. Kuwii markii hore<br />
ahaan jirey saaxiibada amma tolka ‘walaalaha ah‘ ayaa<br />
isla marakaaba haddana noqon kara col; sidoo kale<br />
kuwo ay ka dhaxaysey ’cadaawadi‘ ayaa noqon karaa<br />
saaxiibbo, si dhakhso ah.<br />
Arrintani waxay dhacday sannaddii 2006-dii, markii<br />
koox ka kooban qabqablayaashii dagaalka iyo rag kale<br />
oo ganacsato ahaa ay isbahaysteen ee ay samaysteen<br />
ururkii Ka-hortagga Argagixisada iyo Dib-u-soocelinta<br />
Nabadda (ARPCT), kuwaasi oo doonayey inay ka<br />
hortagaan oo ay iska caabbiyaan awoddii isbahaysiga<br />
maxkamadaha shareecada ee Muqdishu oo sii faafaysay.<br />
77
Ururkaasi ARPCT waxa la sheegay inuu ka heli jirey<br />
taageero badan iyo lacagba hey’adda mukhabaraadka<br />
Maraykanka ee CIA, heyaddaasi oo laga dhaadhacsiiyey<br />
in maxkamadihii shareecadu ay u taagan yihiin khatar<br />
argagixiso oo Islaami ah. Maraykanka iyo dawladihii<br />
kaleba waxay ku jahawareereen isbedellada lama<br />
filaanka ah ee hoggamiyaashii ururka ARPCT oo marba<br />
dhinac u xaglinayey, mar ay u galaan oo ay ku biiraan<br />
dhaqdhaqaaqii maxkamadaha iyo mar ay sidoo kale ka<br />
soo goostaan oo ay dib ugu soo noqdaan ururkii ARPCT.<br />
Isbedelladaasi joogtada ah ee isbahaysiyadu waa qaar<br />
cudur noqday caam yeelay oo ka jira khilaafyada iyo<br />
dagaallada Soomaalida, waana wax loo baahan yahay in<br />
lagu xisaabtmao, aanu ogaado qof kasta oo isku deyaya<br />
in uu fahmo Somalia.<br />
Laanta af-Soomaaliga ee BBC-da ayaa markii ugu<br />
horraysay ii kala sheegatay oo i kala bartay beelaha<br />
Soomaalida, horraantii sannadihii 1990-meeyadii,<br />
waqtigaasi oo ahaa xilliyadii ay ugu xumaayeen<br />
dagaalladii koonfurta iyo badhtamaha Somalia, ka dib<br />
dhicitaankii Siyaad Barre. Waxan dareemayey sidii<br />
waxan qaadanayo oo an aan ka shaqaynayo cashar ku<br />
saabsan xisaab heer sare ah oo kale, iyaga oo kolba<br />
ii sawiraya shax, sida beelaha iyo jilibbadau u kala<br />
baxaan, si murugsanna u muujinaya xidhhiidhka<br />
isbahaysiyada amma bahaha iska hor iyo daba noqonaya<br />
ee si ku-meel-gaadh ah uga dhex jira qabaa’ilkaasi.<br />
Marka aan is idhaa hadda ayaad si fiican u fahamtay<br />
qaababkaasina, waxa dhacda in mar kasta wax kasta si<br />
degdeg ah isla markaaba isku bedelaan. Reer ayaa u<br />
sii kala baxaya jilib-jilib, juffo-juffo iyo bah-bah,<br />
iyo magacyo aanan hore u maqal. Reer markii hore mid<br />
ahaa ayaa sii kala baxaya oo kala jabaya, oo<br />
dhexdiisii iska hor imanaya, si weynna isku<br />
gumaadaya. Waxa kale oo aan ogaaday in xataa<br />
shaqaalaha kala geddisan ee laanta af-Soomaaligu, ay<br />
qaarba i siinayaan qaabab iyo sawirro kala geddisan<br />
78
isla xaaladahaasi Soomaalida, taasi oo ku xidhan<br />
hadba beelaha ay ka soo kala jeedaan. Mararka qaar<br />
waxa ka dhex dhasha doodo aad u kulul oo ay si kaftan<br />
ah qaarkood isku weeraraan, beelaha gaar, iyo qaar<br />
kale oo aan kaftankaas waxba ku darsan.<br />
Ma aha Soomaalida oo qudha kuwa ka dooda beelaha,<br />
xattaa aqoonyahannada aan iyagu ahayn Soomaali iyo<br />
khubaro kale ayaa iyaguna ku kala qaybsan arrimahani.<br />
Aqoonyahannadaasi qaarkood waxay ka duulaan dhinaca<br />
beelaha marka ay dersayaan ee xog-baadh ku<br />
samaynayaan Soomaalida, qaar kalena waxay ku doodaan<br />
iyo in qodobbo amma arrima kale oo kala geddisan, oo<br />
ay ka mid yihiin xaaladaha dhaqaalaha iyo xidhiidhada<br />
ijtimaaciga ah, inay kaalin weyn oo muhim ah ku<br />
leeyihin qaababka Soomaalidu ay u astaysan tahay.<br />
Iyadoo mawduucan amma arrimaha ku saabsan beelaha<br />
iyo qabaa’ilka Somaalida hore aad loogaga hadlay<br />
qoraallo kale oo badan, ma doonayo in aan wax badan<br />
ku sii talax tago, oo ka badan bogaggan kooban ee soo<br />
socda. Hasse ahaatee waxan kula kulmi doonnaa<br />
cutubyada soo socda qaar ka mid ah, waayo waa lamahuraan,<br />
aniga oo rumaysan in mar walba beeluhu ay<br />
kaalin xuddun-dhexaad ah ku leeyihiin arrimaha<br />
Soomaalida. Sida ay u tidhi caalinka culuunta<br />
Antrooboolojiyada ee Virginia Luling, beeluhu ‘ma aha<br />
wax ku fiican oo qudha inay iyagu dhexdooda<br />
dagaallamaan, (amma wada baayac-mushatreeyaan, amma<br />
siyaasad isku qabtaan), laakiin waa wax ku habboon in<br />
lagu fikiro oo la derso‘. (eeg: Virginia<br />
Luling,‘Genealogy as theory, genealogy as tool:<br />
aspect of Somali”Clanship”, Social Identities). 20<br />
Waa wax aan suurtogal ahayn in la fahmo Somalia,<br />
haddii aan maanka lagu hayn oo aan la fahmin beelaha.<br />
Waxa kale oo muhiim ah in la ogaado shakhsiyaadka<br />
Soomaalidu qabaa’ilka ay ka soo kala jeedaan amma<br />
qofka qoladiisa iyo cidda uu yahay, in kasta oo aan<br />
79
dhammaan qof kasta oo Soomaali ahi aanu diyaar u<br />
ahayn amma aanu doonayn in uu ku sheego qabiilkiisa.<br />
Xattaa in la isku dayo in la magac-dhabo beelaha<br />
muhiimka ah ee Soomaalida ayaa ah arrin keeni karta<br />
dood iyo muran; shirkii nabad-raadinta Soomaaliyeed<br />
ee sannadihii 2002 – 2004 waxa uu soo jeediyey in wax<br />
lagu qaybsado hab-beeleed, kaasi oo maamulladii ugu<br />
danbeeyey ay u isticmaalayeen qaabka loo raacayo<br />
awod-qaybsiga xukunka dalka. Qaabkaasi oo loo yaqaan<br />
‘qaabka 4.5’, waxa uu sheegayaa inay jiraan afar<br />
beelood oo waaweyn oo kala ah Daarood, Dir, Hawiye<br />
iyo Raxanweyn. ‘.5’ amma nus-jabkaasi wuxu u taagan<br />
yahay beelaha yaryar oo dhan. Hasse ahaate habkani ma<br />
noqon mid ay ku wada qancaan dhammaan kooxaha amma<br />
beeluhu, qaarkoodna waxayba u arkeen inay ku tahay<br />
ceeb iyo quudhsi iyaga oo rumaysan in aan la siin<br />
saamigii ay ahayd inay helaan ee ay lahaayeen.<br />
Ahmiyaddii beeluhu ay lahaayeen waxa si ahaan mugdi<br />
geliyey isbedellada dhawaanaha ku soo kordhay<br />
Soomaalida, gaar ahaanna soo ifbixitaanka kooxaha<br />
Islaamiyiinta ah, sida al-Shabaab oo kale. Laakiin<br />
dhaqan ahaan hab-beeleedku waxa uu weligii ahaa waxa<br />
salka u ah qaabka Soomaalida iy xeerarkoodu ay ku<br />
dhisan yihiin, gaar ahaanna reer-guuraaga amma reermiyigu.<br />
Iyaga oo dadweynuhu ay ahaayeen qaar had iyo<br />
goor guurguura oo socda, qaybaha amma lafaha isku<br />
abtirsiinta ah ayaa ah waxa salka u ah ee uu ka soo<br />
unkamo mujtamaca Soomaalidu. Abtirsiintooda ayaana<br />
dadku ay ku ogaadaan cidda ay yihiin, iyo xidhiidhka<br />
amma inta ay isku jiraan cid kasta oo kale. Soomaali<br />
badan ayaa weli korka ka haysa oo taqaan<br />
abtirsiintooda dheer amma fog, ilaa awowoyaashoodii<br />
hore; qaabkana waaxa uu ka mid yahay waxyaabaha salka<br />
u ah dhaqan-afeedkooda, waxanu u suurtogeliyaa in qof<br />
walba uu is ogaado cidda uu yahay iyo meesha uu ka<br />
soo gelayo mujtamaca. Marka reer-miyigu ay kulmaan,<br />
si ay isku aqoonsadaan, inta badan way is tohoydaan<br />
80
oo waxay isweidiiyaan cidda ay yihiin, taasi oo<br />
siyaabaha qaar ula mid ah baasaaboor oo kale.<br />
In aad taqaanno abtirsiintaada, waa arrin muhim ah,<br />
mararka qaarna noqon karta oo keeni karta badbaado<br />
amma geeri. Sida uu John Drysdale ugu faahfaahiyey<br />
buuggiisa, Soomaalidu aad ayay u yaqaannaan<br />
abtirsiintooda:’Qof kasta oo ka mid ah iyaga, laga<br />
soo bilaabo marka uu ilmuhu yahay siddeed jir, waa in<br />
uu yaqaan oo uu kor ka tirin karaa abtirsiintiisa,<br />
ilaa labaatan amma soddon oday, ilaa laga gaadho<br />
odayga ugu danbeeya ee la iskugu wada yimaad.’ 21<br />
Buugaagta badan ee uu ka qoray Somalia, professor<br />
Lewis waxa uu wax badan kaga hadlayaa qabaa’ilka,<br />
waxanu u arkaa in beeshu ay laf-dhabar u yahay<br />
Soomaalida:<br />
Waa abtirsiinta iyo haybta tan hoggaamisa<br />
isbahaysiyada siyaasadeed iyo qaybaha iskooxaysiga.<br />
In kasta oo Soomaalidu ay mararka ku<br />
sheegaan oo ay ku tilmaamaan ahmiyadda<br />
abtirsiinta iyo faai’iidadeedu in ay la mid tahay<br />
uun tan cunwaanka reer Yurub ee looga baahan<br />
yahay in qofku yeesho, haddana si loo fahmo<br />
ahmiyaddeeda runta ah waa in la ogaadaa inay ka<br />
fog tahay oo ay ka weyn tahay abtirsiintu wax u<br />
taagan in uu qofku sheegto dhalashadiisii hore<br />
amma meesha uu ka soo jeedo oo qudha. Abtirsiintu<br />
waxay qeexaysaa maqaam amma kaalinta siyaasadeed<br />
iyo tan xeer-sharciyeed ee qofku ku lahaan karo<br />
guud ahaan mujtamaca Soomaalida dhexdiisa, iyo<br />
meesha uu ka gelayo ee uu ku leeyahay nidaamka<br />
ijtimaaciga ah. 22<br />
Sida uu u sheegayo Ioan Lewis, beeshu waxa kale oo<br />
ay dhaqan ahaan sal u tahay hab-sharciyeedka amma<br />
xeerarka Soomaalida. Xidhiidhka ugu weyn ee beesha<br />
81
dhexdeedu waa tan u dhaxaysa ee isku keenta qoysaska<br />
meel ka soo wada jeeda ee isku raaska ah amma isku<br />
abtirsiinta ah, oo tiro ahaan ka koobmi karaa min<br />
dhawr bqoqol ilaa dhawr kun, waxayna ku bahoobaan<br />
xeerka dhiigga amma magta oo waajib kaga dhiga inay<br />
qaybsadaan oo ay bixiyaan, amma qaataan magtaasi oo<br />
loo yaqaan Diyada. Nidaamkani waxa uu asal ahaan ka<br />
soo jeeda dhaqan reer-guuraaga Soomaalida, oo inta<br />
badan ku dagaallami jirey biyaha iyo baadka yar oo ay<br />
iskaga horyimaaddaan. Qaabka lagu xalliyo khilaafyada<br />
waxa loo yaqaan Xeer, waxana jira guurti odayaal ah<br />
oo loo saaro oo yeesha waxa loo yaqaanno Shir, si ay<br />
uga wada xaajoodaan bixinta magtaasi, inta ay<br />
noqonayso iyo sida loo kala qaybsanayo.<br />
Shirweynayaashii dhawrka ahaa ee nabadaynta<br />
Soomaalida, iyo Golaha Guurtida ee Jamhuuriyadda labaxday<br />
Somaliland, waxay siyaabo badan u taagan<br />
yihiin oo ay ula mid yihiin wax ka yimid oo ka soo<br />
jeeda dhaqankaasi shirka odayaasha. Jiritaanka<br />
nidaamkaasi xeer-Soomaaliga ee dhaqanka oo lagu daray<br />
weliba shareecada, waxay noqdeen wax faa’ido badan u<br />
yeeshay Soomaalida intii ay socdeen dagaalladii iyo<br />
khilaafyadii Soomaalidu ilaa labaatankii sano ee u<br />
danbeeyey. Waxayna galeen kaalintii uu qaadan lahaa<br />
nidaam dawli ahi, kaasi oo sida muuqatay burburay,<br />
kana tirtirmay qaybo badan oo ka mid ah dalkaasi.<br />
Waxa jirtay mara badan oo la isku deyey in laga<br />
gudbo nidaamka beelaha. Soo-ifbixitaankii kooxaha<br />
Islaamiyiinta ahi, waxa uu siyaabaha qaar u hadheeyey<br />
oo uu u yareeyey ahmiyaddii beelaha, waayo,<br />
miliishiyooynika kooxahaasi, marka dusha laga eego,<br />
waxa isku keenayey diinta amma sida ay u kala<br />
taabacsan yihiin faracyada diinta, ee ma ahayn inta<br />
badan xidhiidhka xagga wada-dhalashada. Waxa jira<br />
ururrada diiniga ah ee ay ka midka yihiin al-Shabaab<br />
oo ku xidhan al-Qaacida, Xisbul Islam oo isagu<br />
waxoogaa qunyar-socod ah marka loo eego kan hore oo<br />
82
al-Shabaab ay qabsatay oo la wareegtey sannadkii<br />
2011-kii, iyo ururka darriqada Suufiyadda ee Ahlu<br />
Sunna Wa Jamaaca. Hasse ahaatee dhammaan kooxahani,<br />
gaar ahaanna hoggamiyayaashooda, waxa ilaa heer mid<br />
walba lagu xidhiidhiyaa oo la sheegaa inay ka soo<br />
jeedaan beelaha qaar amma juffooyin gaar ah.<br />
Dedaalkii ugu weynaa oo wax badan laga soo shaqeeyey<br />
sidii loo tirtiri lahaa qabyaaladda waxa uu dhacay<br />
xilligii Siyaad Barre uu wadey ‘hantiwadaagga cilmiga<br />
ah’, sannadihii 1970-neeyadii, markii Somalia ay<br />
isbahaysiga la lahad Midowgii Soofiyet.<br />
Idiyoolojiyadiisii iyo mabaadi’diisii xoogga lahayd<br />
ee waddaniyadda iyo sida weyn ee uu uga soo horjeeday<br />
reer-Galbeedka, ma ahayn wax u adkaysan karayey<br />
nidaamka qabaliga ah, nidaamkaasi oo loo muujin<br />
jirey, ugu yaraan marka dusha laga eego ee loo<br />
sheegayo dadweynaha, in uu yahay wax gaboobay oo laga<br />
baxay waqtigiisii oo haatan carqalad iyo dib-u-dhac<br />
ku ah dhismaha qaran cusub oo casri ah. Si rasmi ah<br />
ayaa loo mamnuucay qabyaaladdii, waxana meelaha<br />
fagaarayaasha lagu gubay, laguna aasay sawirro loo<br />
ekaysiiyey inay u taagan yihiin qabyaaladdi.<br />
Caaqilladii iyo odayaashii beelaha ayaa laga bedeley<br />
magacyadii, waxana loo bixiyey ‘nabaddoonno’, taasi<br />
oo ka mid ahayd tallaabooyinkii la doonayey in lagu<br />
yareeyo oo hoos loogu dhigo awoddooda, iyo in lagaga<br />
gooyo oo aan sinaba loogu xidhiidhin beelahooda ay ka<br />
soo jeedaan.<br />
Siyaad barre waxa uu ku dedaalay in uu ku bedelo<br />
nidaamkii adkaa ee qabaliga ahaa, abuurista<br />
shaksiyado magac yeesha oo laga haybeysto. Waxa uu<br />
isagu isa siiyey oo is gaadhsiiyey darajada ah<br />
‘aabbihii qaranka’; waxana dalka oo dhan lagu<br />
faafiyey sawirro ah ‘Jaalle Siyaad’, kuwaasi oo qaar<br />
badan la barbar sudhay, laguna saddexeeyey Marx iyo<br />
Lenin.<br />
83
Ka sakow sida weyn ee khubadihiisu uga horjeedeen ee<br />
ay u weerarayeen qabyaaladda, haddana dhinaca kale<br />
waxa uu Siyaad Barre si hoose u wadey in uu<br />
horumariyo danaha beeshiissii Marreexaan ee uu ka soo<br />
jeedey iyo cidihii kale ee ay isku bahda ahaayeen.<br />
Isbahaysiga beelahaasi waxa loo yaqaanney ‘MOD’,<br />
kuwaasi oo ka koobnaa qaybaha beelaha Daarood ee<br />
Marreexaanka, Ogaadeenka, iyo Dhulbahantaha.<br />
Tani waxay il-colaadeed oo weyn ka keentay beelihii<br />
kale, waxayna aakhirkii sababtay oo horseedday dagaal<br />
sokeeye. Dhica waqooyi-galbeed, beelihii Isaaqa iyo<br />
kuwa kaleba waxay samaysteen jabhaddii hubaysnayd ee<br />
Dhaqdhaqaaqa Waddaniga ah ee Soomaaliyeed (SNM),<br />
Majeerteenka iyo beelihii kale ee Daaroodkuna waxay<br />
gobolka waqooyi-bari ka samaysteen Jabhaddii<br />
Diimoqoraadiga ee Badbaadinta Soomaalida 9SSDF),<br />
dhinaca koonfurtan Hawiyuhuna waxa samaysteen<br />
Jabhaddii Golaha Midowga Soomaalida (United Somali<br />
Cogress). Sannado ka bacdi, jabhadahani waxau ku<br />
guulaysteen inay xukunkii ka tuuraan Siyaad Barre.<br />
Midowgii Maxkamadaha Islaamiga ahina waxa ay<br />
lumiyeen taageeradii dadweynaha markii ay bilaabeen<br />
inay noqdaan qaar si weyn ugu xidhan oo ka soo jeeda<br />
beel qudha, una adeegaya danaha beeshaasi, ammase hal<br />
juffo oo ka mid ah beeshaasi. In kasta oo bilawgii<br />
isbahaysiga maxkamadahaasi islaamiga ahi uu ka<br />
koobnaa isbahaysi debecsan oo u dhexeeyey<br />
maxkamadihii shareecada ee matilayey dhawr qolo iyo<br />
jilibbo kala geddisan, haddana marba marka ka<br />
danbaysa waxa loo arkay qaar awoddooda ay ku sii<br />
ururayso oo ay ku sii xoogaysanaya xubnaha wada<br />
danaha beesha Cayr ee ka tirsan beelweynta Hawiye.<br />
Waa wax laga doodi karo in guddoomiyaha damaca weyn<br />
amma caaddifadda weyn ee golihii shuurada ee Midowgii<br />
Maxkamadaha, Sheikh Xassan Dahir Aweys, iyo<br />
hoggaamiyaha miliishiyooyinkii maxakamadaha ee alshabaab,<br />
Aadan Xaashi Cayrow, inay wadeen oo ay u<br />
84
taagnaayeen damac iyo dano sare oo beeleed. Laakiin<br />
xaqiiqada ah in loo arkay in taasi ay wadaan ayaa<br />
keentay oo ku fillaatay inay lumiyaan taageeradii<br />
beelo badan oo kale oo aan iyagu ahayn Cayr.<br />
Si kasta oo dadku ay ugu dedaaleen inta tamartood ah<br />
inay baabiiyaan qabyaaladda oo ay ka tirtiraan<br />
siyaasadda Soomaalida, haddana waxay noqotay wax loo<br />
maaro waayey oo aakhirataankii lagu guuldarraystay.<br />
Lagama yaabo in qabyaaladda amma nidaamka beelaha in<br />
la waayo uu meesha ka baxo; waa wax ku dheehan oo ku<br />
kaydsan dhaqanka abtirsiinta oo qof walba yaqaan oo<br />
uu abtirsan karo, kuna jira oo lagu xuso gabayada iyo<br />
meelo kaleba. Dadku dib ayay u soo noolayn karaan oo<br />
ay u hawlgelin karaan sidii ay isku aqoonsan jireen<br />
ee beel-beelnimada, mar kasta oo taasi ay u baahdaan;<br />
waxay ka dhigan tahay caymis amma dammaanad oo kale<br />
iyo qaab-dhsimeed ijtimaaci ah oo jira amma diyaar ah<br />
oo mar walba taagan, iyo xidhiidh is-aamineed oo uu<br />
ku socdo ganacsiga iyo baayac-mushtarka keleba. Qofku<br />
keli ahaantii waxa uu kala xulan karaa heerka uu<br />
doonayo in uu ka bilaabo cidda uu yahay, kor amma<br />
dhexda, amma jilibka ugu hooseeya, taasi oo ku xidhan<br />
hadba cidda uu u sheegayo meesha uu ka soojeedo.<br />
Siyaabaha qaar, Soomaalida waxa xaddidada oo<br />
xannibaad ku noqda beesha ay ka tirsan yihiin, taasi<br />
oo ku xidhiidhin karta amma raacsiin karta koox gaar<br />
ah, amma urur diimeed oo aanay doonayn amma wax niyo<br />
ah u hayn inay ka mid noqdaan. Tusaale ahaan<br />
xidhiidhka lala xidhiidhiyo beesha Ceyr ururrada<br />
Islaamiga ah ee xagjirka ah, waxa macnaheedu ay tahay<br />
oo ay keenaysaa in qof kasta oo ka tirsan beeshaasi<br />
Ceyr, in loo arko oo loogu yeedho xagjir, sababtuna<br />
ay tahay beesha lala xidhiidhinayo ee uu ka soo jeedo<br />
qofkaasi, ee aanay ahayn waxa uu isagu shakhsi ahaan<br />
rumaysan yahay amma aaminsan yahay.<br />
In qof walba uu dabada ku hayo beel uu ka soo jeedo,<br />
waxay u tahay badbaado iyo khatar labadaba. Beelaha<br />
85
waxa ka dhex dhalan karaa colaad iyo dagaallo kooxeed<br />
oo hubaysan, sidii dhacday dabayaaqadii sannadihii<br />
1980-maadkii iyo 1990-maakii. In kasta oo beelaha<br />
Hawiyuhu ay markii hore ku midaysnaayeen inay ka<br />
horjeestaan Siyaad Barre, haddana ka dib markii uu<br />
dhacay Siyaad Barre waxay isla markiiba si dhadhso ah<br />
u kala qaybsameen dhexdoodii jilibbo iyo qabaa’il<br />
iska soo horjeeda, taasi oo keentay inay ka dhex<br />
dhacaan dagaalladii ugu xumaa ee dhiigga badani ku<br />
daatay ee lagu dagaallamay jidadka iyo xaafadaha<br />
magaalo-madaxda Muqdishu, sidii qolo walba qolada<br />
kale uga qabsan lahayd. Muqdishu waxay noqotay<br />
magaalo kala qaybsan, oo yeelata ‘khad cagaaran’ oo u<br />
kala qaybiya koonfur oo ay qabsatay beesha Habar-<br />
Gidir oo uu hoggaaminayo qabqablihii dagaalka ee<br />
Maxamed Faarax Caydiid, iyo qaybta waqooyi oo ay<br />
haysatay beesha Ab-Gaal oo uu hoggaaminayey Cali<br />
Mahdi Maxamad. Sidaa si la mid ah, laakiin ka<br />
waxyeello yarayd, ayaa ka dhacday Somaliland. Isaaqu<br />
waxy ku midaysnaayeen SNM si loola dagaallamo Siyaad<br />
Barre, laakiin markii dalkaasi uu ku dhawaaqay inuu<br />
yahay jamhuuriyad madaxbannaan oo gooni u taagan,<br />
dhawr dagaal oo yaryar ayaa ka dhex dillaacay isla<br />
beelihii Isaaqa dhexdooda.<br />
Ujeeddada cutubkani waxay ahayd in uu muujiyo inay<br />
jiraan waxyaabo badan oo kale oo ku saabsan Somalia<br />
oo la dersi karo, ee aanay ahayn uun dagaallo,<br />
macaluul, xagjirnimo Islaami ah iyo budhcad-badeed,<br />
waxyaabaha ka jira dalkaasi. Warbixinnada warbaahinta<br />
badankooda, iyo in badan siyaasadaha debaddu ma<br />
arkaan wax ka fog oo ka durugsan intaasi. Ilaa ay<br />
hoos ugu daadegayaanna, ma gaadhi karaan xaqiiqada ka<br />
jirta Somalia, sidoo kalena waxba kama tari karaan<br />
wax-ka-qabashada dhibaatooyinka faraha badan ee<br />
yaalla dalkaasi. Xaqiiqada ah in qarannimadii Somalia<br />
ay bilawday inay kala burburto xattaa dhicitaankii<br />
Siyaad Barre ka hor, ayaa macnaheedu uu yahay in<br />
86
xalku aanu ku jirin nidaam ah dawlad dhexe oo ku<br />
kooban Muqdishu. Dawladda Maraykanka iyo dawlado kale<br />
ayaa haatan si gaabis amma tartiib-tartiib ah ugu soo<br />
baraarugaya arrintani, waxayna soo rogeen sannaddii<br />
2010 qaab amma siyaasad ‘laba weji’ amma laba waddo<br />
ah, oo lagula dhaqmo Somalia, siyaasaddaasi oo ah in<br />
la kordhiyo taageerada la siinayo gobollada deggan ee<br />
ilaa heer ‘guulaystay’amma hirgalay, sida Somaliland<br />
iyo Puntland, iyo dhinaca kale in isla markaasi la<br />
sii wado taageerada loo fidiyo dawladda ku-meelgaadhka<br />
ah ee fadhida Muqdishu.<br />
87
CUTUBKA 2aad: TAARIIKHDA (History)<br />
Burburkii ku dhacay dawladnimadii iyo qarannimadii<br />
Somalia sannadihii danbe, si fiican looma fahmi karo<br />
haddii aan dib loogu noqon oo aan la tixraacin<br />
taariikhdii hore ee dalkaasi. Wejiyo iyo xaalado<br />
badan oo ku xeernaa amma sabab u noqday dhicitaankii<br />
Siyaad Barre iyo guuldarradii ku xigtey ee lagu<br />
fashilmay in la sameeyo dawlad dhexe oo shaqaysa,<br />
waxa qayb ahaan loo aanayn karaa itijaahii ay u<br />
socdeen iyo wejiyadii ay lahaayeen dhacdooyinkii hore<br />
ee taariikhda Somalia, iyo weliba in si qota dheer<br />
loo fahmo dhaqanka iyo mujtamaca Soomaalida, sida<br />
lagu xusay cutubka 1aad ee buuggan.<br />
Laakiin waxa adag in la fahmaa waa awod-darrida<br />
muuqata amma doonis-la’aanta dawlado badan oo ajanebi<br />
ah, hey’adaha caalamiga ah iyo siyaasiyiinta<br />
Soomaalida oo aan u soo jeedin inay garawsadaan in<br />
khaladaadkii hore ee dhacay amma jirey uun ay iyaguna<br />
ku soo celcelinayaan oo ay sii wadaan. Waxay u<br />
muuqdaan inay fuushan yihiin sallaan amma aalad<br />
halkii hore uun ku leexaysanaysa amma ku<br />
wareegaysanaysa, waxayna awodi laayi’iin amma aanay<br />
doonayn inay ka degaan leexadaasi oo ay la yimaaddaan<br />
hab kale oo cusub, ka sakow xaqiiqada ah inay jiraan<br />
tusaalooyin looga shidaal qaadan karo amma loo raaci<br />
‘toosinta iyo hagaajinta xaaladaha Somalia’,<br />
tusaalooyinkaasi oo ay ka mid yihiin dhinacyada qaar<br />
ee Midowgii Maxkamadahii Islaamiga ahaa, iyo waayoaragnimada<br />
Somaliland laga soo kasbaday.<br />
Dib-u-eegista taariikhda Soomaalida ee aan halkan si<br />
kooban ugu soo nakhtiimayno, waxa ka soo baxaya oo ay<br />
ifinaysaa dhinacyo iyo qaabab gaar ah, iyo isla<br />
arrimihii iyo dhaqankii soo taagnaa oo soo<br />
noqnoqonaya, oo guud ahaan isla saamayntii hore oo<br />
kale ku leh xaaladaha weli jira ilaa sannadkan 2011.<br />
88
Intii aan ku jirey hawlaha diyaarinta iyo xogbaadhka<br />
qoraalkii buuggan, waxan akhriyey buugaag<br />
badan oo laga qoray Somalia tobannaan sano ka hor.<br />
Markii aan akhriyey buugaagtaasi, waxa igu soo<br />
dhacaysey inay fiicnaan lahayd in dad badan oo kale<br />
ay iyaguna akhriyaan, waxna ka bartaan taariikhda<br />
dalkaasi. Waxay u muuqataa in aan wax weyn iska<br />
bedelin ilaa 1960-kii, waqtigaasi oo John Drysdale uu<br />
qoray (Somali Dispute, 1960) sidatan:‘Iyada oo<br />
noqotay wax lama-filaan ah, taariikhda Soomaalida<br />
waxa ka soo baxay inay jiraan cillado xunxun iyo<br />
khaladaad waaweyn, kuwaasi oo aan ka dhalan habka<br />
dhaqan ahaan Soomaalidu ay isku maamulaan, laakiin ka<br />
yimid dabbaqaadda iyo socodsiinta habab shisheeye oo<br />
dawladnimo oo aanay fahmin Karin amma aan ku<br />
bannaanayn, kuwaasi oo si aan ula-kac ahayn wax ugu<br />
dhimay habsami-u-socodkii nidaamka maamulka.’ 1<br />
Guumeysigii ka hor (pre-colonial)<br />
Guud ahaan saddex weji amma dhinac oo waaweyn ayay<br />
leedahay taariikhdii hore ee Somaalidu: xidhiidhkii<br />
iyo macaamilkii Somaalidu la lahaan jirtey adduunka<br />
dibadda, xiisadihii iyo dagaalladii dhici jirey, iyo<br />
is-fidintii amma dhul-ballaadhsigii Soomaalida.<br />
Xeebta dheer iyo dhul-dhaca meesha ay ku taallo ee ah<br />
cidhifka waqooyi-bari ee dalalka Afrika ee ka<br />
hooseeya Saxaaraha, ayaa macnaheedu waxa uu ahaa in<br />
Somalia aanay weligeed ka mid ahayn dunidii loo<br />
yaqaanney ‘Qaaradda Madow’ (qaaraddi aan la gaadhi<br />
jirin amma aan wax xidhiidh ah lala lahayn). Somalia<br />
waxay qarniyaal badan xidhiidh la lahayd qaybaha kale<br />
ee debadda, waxayna hoy ay degaan u ahayd qawmiyadaha<br />
dadyowga kale, gaar ahaanna xeebaha Somalia.<br />
Culimadii hore ee ururinta taariikhda iyo<br />
sahamiyayaashii Carabta ee safri jirey, waxay u<br />
yaqaanneyn Soomaalida dad col-u-joog ah oo<br />
89
dagaalyahan ah, oo boqolaal sano ka hor bilaabay si<br />
tartiib-tartiib ah inay u dhul-ballaadhsadaan, kana<br />
soo faafaan dhinaca xeebaha, una faafaan dhinacyada<br />
galbeedka ilaa Itoobiya, iyo koonfur ilaa dhulalka<br />
imika loo yaqaan waqooyiga Kenya, iyaga oo hadba<br />
meesha ay tagaan ka bara-kicinaya dadkii kale ee<br />
degganaa.<br />
Sida uu u sharraxayo caalinka Professor Ioan Lewis<br />
(A Modern History of Somalia, 2002), xidhiidhkii<br />
dheeraa ee taariikheed ee dalkaasi uu la lahaa dunida<br />
Carabta, ayaa waxa xidhiidhkaasi uu keenay in<br />
Soomaalida qaar ay ku abtirsadaan in asalkoodu ka soo<br />
jeedo qabiilada Quraysh ee Nebigii diinta Islaamka,<br />
Nebi Maxamed:<br />
Dhaqan ahaan ... Soomaalidu waxay inta badan isku<br />
meeleeyaan xidhiidhada ay la lahaayeen Carabta,<br />
waxayna ku faanaan caadada ah inay sheegtaan inay<br />
ka soo jeedaan abtirsiinta nasabka ah ee Carabta<br />
iyo ahlu-beytka qoyskii Nebi Maxamed. Hasse<br />
ahaatee dooddani oo Soomaalida maanta ee<br />
Somaalinnnimada weyneeyaa ay ku tilmaamaan wax<br />
khayaal ah, haddana waa mid dhinac kasta iyo mar<br />
kasta ka mid ah dhaqanka Soomaalida, iyo sida<br />
weyn ee ay ugu xidhan yihiin diinta Islaamka. 2<br />
Sida uu qabo Ioan Lewis laftiisu, Soomaali badan<br />
ayaan si dhab ah u rumaysnayn inay si toos ah uga soo<br />
jeedaan Nebi Maxamed, in kasta oo ay u riyaaqaan<br />
fikradda ah in uu jiro xidhiidh xagga dhiigga amma<br />
dhalashada ahi. Culimada qaar, oo u ka mid yahay<br />
Harold Nelson (Somalia: A Country Study (Washington,<br />
DC: American University Press, 1982)), waxay iyaguna<br />
gaadheen heer ka sii fog kan Professor Ioan Lewis,<br />
waxayna iyagu su’aalo amma dood ka qabaan in<br />
Soomaalidu assal-ahaanba ay wax xidhiidh ah la<br />
leeyihiin gebi ahaan Carabta. Qoraallada Harold<br />
90
Nelson-na waxa ka mid ah: Xidhiidhka ‘Soomaalidu’ ay<br />
isku xidhaan inay ka soo jeedaan abtirsiintii hore ee<br />
Carabta, waxa laga yaabaa taasi in aan loo heli Karin<br />
qiil adag oo lagu daafaco haddii si qota dheer loo<br />
baadho, waxana suurtogal ah inay ka timid uun<br />
Soomaalida oo Islaamnimadu ku fog tahay, oo si weyn u<br />
doonaya inay isku xidhiidhiyaan umaddii Nebiga.’ 3<br />
Ka sakow in ay tahay wax dhab tahay iyo in kale, in<br />
Soomaalidu ay asal ahaan ka soo jeedaan Carab,<br />
haddana rumaysnaanta ay rumaysan yihiin in uu jiro<br />
xidhiidh qota dheer oo u dhexeeya iyaga iyo dunida<br />
Carabta ayaa laga dhex arki karaa oo sharrxaysa<br />
sababaha Soomaali badani ay iskugu arkaan inay ‘ka<br />
duwan yihiin’ Afrikaanka gobollada ka hooseeya<br />
Saxaaraha, iyo sababaha dad sidaa u badan oo Soomaali<br />
ahi ay u eegayeen ee ay uga dhursugayeen tobannaankii<br />
sano ee la soo dhaafay dunida Carabta oo ay ka helaan<br />
fursado iyo qaxootinnimo amma magangelyo.<br />
Saamayn weyn oo fara badan ayay Carabtu ku lahayd<br />
Somalia, muddo boqolaal sano ah. Laga soo bilaabo ugu<br />
yaraan qarnigii toddobaad, waxa jirey jaalliyado amma<br />
qawmiyado Carbeed oo baayac-mushtar ahaa oo ganacsi<br />
awgii u degey magaalooyinka xeebaha Soomaalida, sida<br />
Muqdishu, Saylac iyo Berbera, taasi oo keentay inay<br />
is-dhex galaan oo ay kala guursadaan Soomaalidii iyo<br />
Carabtii, oo uu dhex maro xidhiidh dhiig, isla<br />
markaasna dedejiyey in diinta Islaamku ay ku sii<br />
xididdaysato halkaasi, taasi oo Soomaalidu u<br />
qaadatay, una dabbaqday si gaar ahaan iyaga ku<br />
bannaan oo ah ‘qaab Soomaaliyeed’, kuna habboon<br />
caqiidadooda Islaamnimo. Magaalada Saylac oo lahaan<br />
jirtey deer adag oo ku wareegsan oo laga ilaaliyo,<br />
kuna taal dhina waqooyi-galbeed ee xeebta, waxay<br />
ahayd xarun caan ah, oo saldhig u ah barashada diinta<br />
Islaamka iyo ganacsiga. Waxa magaaladaasi laga<br />
dhoofin jirey bunka laga keenyo buuraleyda Abasiiniya<br />
(Itoobiya), iyo addoonta laga keeno gudaha qaaradda,<br />
91
kuwasi oo lagu soo bedelan jirey marka debadda loo<br />
dhoofiyo hub, dhar, bir, weel dhoobo ah, timir, iyo<br />
badeecado kale, kuwaasi oo keeni jireen doonyo,<br />
lagana soo dejin jirey magaalada Saylac.<br />
Waxa sidoo kale jirey saamayn iyo xidhiidho kale oo<br />
qaarkood ka horreeyeen xataa kuwa Carabta. Masaaridii<br />
hore, Giriiga iyo Roomaankii waxay u safri jireen<br />
dhulkii loo yaqaanney ‘Dhulkii Punt’(bilaadul-bunt?)<br />
amma dhulkii udugga, ee waqooyi-bari Somalia, si ay<br />
uga soo iibsadaan xabagta udugga ah ee fooxa iyo<br />
meydiga amma lubaanka. Waxa kale oo xeebahaasi degey<br />
ganacsato Faarisiyiin ah (Persian) qarniyadii<br />
sagaalaad iyo kii tobnaad. Boortaqiisku waxay iyaguna<br />
weerareen qaar ka mid ah magaalooyinkii xeebahaasi.<br />
Waxa kale oo jirey xidhiidho Somaalidu ay la lahaan<br />
jirtey imbaraadooriyadihii Cusmaaniyiinta (Ottoman<br />
Empire) ee Turkiga, Cummaan, Hindiya, iyo kuwa<br />
kaleba.<br />
Xilligii Guumeysiga (Colonial)<br />
Qarnigii sagaal-iyo-tobnaad, Soomaalida waxa lagu<br />
soo daray qorshihii reer Yurub ee ‘lagu kala<br />
qaybsanayey Afrika’, in kasta oo aanay lahayn khyraad<br />
badan oo loogu xisho oo qawdihii wax guumeysanayey ay<br />
ka gurtaan. Soomaalidii, waxay is arkeen iyaga oo<br />
indhaha lagu hayo oo ay ku soo jeedaan dalalkii<br />
Ingiriiska, Talyaaniga, Faransiiska iyo Itoobiya oo<br />
jaar la ahayd oo loo arkayey dawlad quwad weyn oo ka<br />
jirta gobolkaasi. Sababtuna waxay dhinac ahaan ahayd<br />
istaraatiji ahaan meesha ay ku taal oo muhiim ah, iyo<br />
weliba Soomaalida oo ah dad socod badan oo guurguura,<br />
oo mar walba marka ka danbaysay iyaga laftooduu sii<br />
qabsanaya oo ku sii faafaya dhulal kale oo dheeraad<br />
ah. Waxa bilaabantay inay iyaguna wax-iska-caabbin<br />
kala kulmaan xoogag kale, markii ay ku sii faafayeen<br />
ee ay u sii durkayeen dhinaca koonfureed iyo<br />
92
galbeedka. Sida uu u sharraxayo Tom Farer(War Clouds<br />
on the Horn of Africa: A Crisis Detente, New York,<br />
1976), Dawladii isticmaarka Ingiriiska ee maamulaysey<br />
Waqooyiga Kenya ‘ waxay soo afjartay 900 boqol oo<br />
sannadood oo umadda Soomaalidu ay ku sii socotey oo<br />
ay ku sii durkasey ilaa xeebaha Bariga Afrika. Iyaga<br />
oo uu ka horyimid xooggii iyo quwaddii Ingiriisku,<br />
Soomaalidii waxa lagu khasbay inay ogolaadaan inay ku<br />
joogsadaan webiga Tana oo ay ka dhigtaan aaggooda<br />
koonfureed. Halkaa ayaanay ku ekaatay.’ 4<br />
Ingiriisku waxa kale oo uu ku lug lahaa dhinaca<br />
waqooyi-galbeed ee dhulka Soomaalidu, in kasta kulug-lahaanshaasi<br />
uu ahaa sife amma qaab ka duwan kuwa<br />
hore. Ingiriisku ma wada doonayn inuu si buuxda u<br />
wada qabsado gobolkaasi, laakiin waxa uu ka rabey oo<br />
uu danaynayey xoolaha uu uga baahan yahay raashinka<br />
saldhigii uu ku lahaa Cadan oo wax yar uga jirta<br />
gobolkaasi dhinaca kale ee badda. Ilaa maantadanna,<br />
xoolaha Soomaalida waxa laga dhoofiyaa baddaasi.<br />
Intii u dhaxaysey sannadihii 1884 ilaa 1889,<br />
Ingiriisku waxa uu la saxiixday qabaa’ilkii dhulkaasi<br />
degganaa, heshiisyo dhawr ah oo is xigxigey,<br />
heshiisyadaasi oo keenay in la sameeyo Maxmiyaddii<br />
Ingiriiska ee Somaliland.<br />
Ingiriiska waxa halkaas kala kulmay wax ka dheeri ah<br />
oo ka badan wixii uu rabay ee uu ku gorgortamayey.<br />
Imaanshihii iyo joogitaankiisii ciidda Soomaalidu<br />
waxay si weyn uga cadhaysiisay Sayyid Mohamed Abdulle<br />
Hassan oo ahaa hoggaamiye dagaal iyo gabayaa, waxanu<br />
bishii June ee 1903 Ingiriiska u diray warqad<br />
hanjabaad ah (tixraac: War Office, Official History<br />
of the Operations in Somaliland, vol.1, 1907) oo u<br />
dhignayd sida soo socota:<br />
Haddii dhulkani uu ahaan lahaa mid beero la qoto<br />
leh, amma ay ka buuxaan daaro ka dhisan amma<br />
93
hanta kale oo taalla, waxay noqon lahayd wax<br />
mudan oo u qalma in aad ku dagaallantaan.<br />
Dhulkani waa wada kayn jiq ah, taasina idinka<br />
wax faa’iido ah idiin ma leh. Haddii aad<br />
doonaysaan ood iyo dhagax, halkan waad ka helin<br />
kartaan oo way ka buuxaan. Waxa kale oo ka buuxa<br />
dundumooyin badan. Milicduna aad ayay u<br />
kulushahay. Waxa qudha ee aad iga heli kartaan<br />
waa dagaal, ee ma aha wax kale. 5<br />
‘Mad Mullah’ amma ‘Wadaadkii Waallaa’ waxa uu kaga<br />
dhabeeyey kelmaddiisiii amm hadalkiisii, waxanu ku<br />
dhawaaqay dagaal jihaad ah, oo uu muddo labaatan sano<br />
ah la dagaallamayey Ingiriiska iyo dawladihii kale ee<br />
isticmaarka, ka hor intii aan ugu danbaystii la jebin<br />
ee aan laga adkaan sannadkii 1920-kii.<br />
Intii uu wade ololaha dagaal oo dhan, Sayyed Maxamed<br />
waxa uu cadowgiisa ku hayey dagaal kulul oo af iyo<br />
adinba ah, isaga oo isku tilmaami jirey in uu la mid<br />
yahay awr didaa amm buubaa ah oo aan laylsanayn oo<br />
keni adag, oo aan dabar iyo hoggaan midna aan aqoon. 6<br />
(Tixraac: Abdi Sheikh-Abdi, Divine Madness).<br />
Warqad kale oo uu u qoray badhsaabkii Ingiriiska<br />
sannadkii 1917-kii oo joogey magaalada Berbera,<br />
Sayyed Mohamed Abdulle Hassan waxa uu ku gacansaydhay<br />
eedayn ahayd in ciidamadiisa daraawiishtu ay<br />
taakulayn ka heleen Turkiga, waxanu ugu baanay oo uu<br />
Ingiriiska oo uu ugu soo hal-qabsaday guulihii<br />
milateri ee isbahaysigii Turkiga iyo Jarmalku ay ka<br />
soo hoyeen dagaalladii ay la galeen Ingiriiska<br />
(Tixraac: Douglas Jardine, The Mad Mullah of<br />
Somaliland, 1923), waxanu ku yidhi warqaddiisaasi:<br />
Waxad ogtihiin, aniguna aan ogahay, wixii<br />
Turkigu idinku dhigay, iyo wixii Jarmal idin<br />
baday idinka, haddii aad tihiin dawladda<br />
94
Ingiriiska. Waxay idinla noqotay oo aad u<br />
haystataan in aan jilcay oo aan taag-darreeyey,<br />
ayna igu khasabtay in aan debadda ka raadsado<br />
saaxiibbo. Haddii taasi wax ka jiraan oo ay run<br />
tahay in aan debadda ka doonto taageerana,<br />
sababta qudha ee igu kallifaysaa waa Ingiriiska<br />
iyo dhibaatada aad nagu haysaan. Waa idinka kuwa<br />
isbahaysi la galay dadyowgii adduunka oo dhan,<br />
sharmuudooyinki amma dhillooyinii iyo dadkii<br />
fasahaadka, iyo kuwii madiidinka ahaa, waayo waa<br />
idinka kuwa jilicdasan ee taagta darani. Haddii<br />
aad tihiin dad xoog leh oo tamar haya, idinka<br />
ayaa isku filnaan lahaa oo wax iska celin lahaa,<br />
sidayada oo kale, idinka oo madaxbannaan oo xor<br />
ah. Waxay calaamad u tahay oo ay muujinaysaan<br />
taagdarradiinna, isbahaysigan aad la gasheen<br />
Soomaalida, kuwa qabbaanka amma shaaqiga idiin ah<br />
ee idiin adeega iyo Carabta, Soodaanta iyo<br />
Kufaarta, khaniisiinta iyo Yamaniinta,<br />
Nuubiyiinta, Hindida, Bunuushta, Faranji, Ruush,<br />
Maraykan, Talyaani iyo Seerbiyiin, Boortaqiis,<br />
Jabbaan, Giriig iyo buti, Siig iyo Baaniyaal,<br />
Moors, Afqaaniyiin iyo Masaari. Waa niman xoog<br />
badan, Idinkuna maadaama aad itaal daran tihiin,<br />
waa in aad baridaan iyaga oo aad xod-xodataan<br />
amma u shukaanstaan sidii dhillada oo kale. 7<br />
Markii ciidamadiisu ay dileen Abbaanduulihii wattey<br />
ciidamada Ingiriiska, Richard Corfield, sannadkii<br />
1913, Sayyed Maxamed Abdulle Hassan waxa uu tiriyey<br />
gabay xun oo uu si weyn ugu tiiqtiiqsanayo, kuna<br />
faanayo. Isaga oo Koofil ku hal-qabsanayan, waxa uu<br />
yidhi:<br />
Adaa Koofilow jiitayaan, dunida joogayne<br />
Adigaa jidkii lagugu wadi, jimic la’aaneede<br />
95
Jahannama la geeyow haddaad, aakhiruu jahato<br />
Nimankii jannnow kacay war bay, jirin inshaalleye<br />
Jameecooyinkii iyo haddaad, jowhartii aragto<br />
Sida Eebbahay kuu jirrabay, mari jawaabteeda<br />
Daraawiish jikraar nagama deyn, tan iyo jeerkii<br />
dheh<br />
Ingiriis jabyoo waxaa ku dhacay, jac iyo baaruud<br />
dhen<br />
Waxay noo janjuunteenba waa, jibashadiinnii dheh<br />
Jigta weerar bay goor barqa ah, nagu jiteeyeen<br />
dheh<br />
Anigana Jikrey ila heleen, shalay jihaadkii dheh<br />
Jeeniga hortiisey rasaas, igaga joojeen dheh<br />
Jiiraayadey ila dhaceen, jilic afkoodii dheh<br />
Siday kuugu jeexeen magliga, jararacdii sheego<br />
Billaawuhu siduu kuu jarjaray, jiirarka u muuji<br />
Nafjeclaysigiibaan ku idhi, jaallow iga daa dheh<br />
Jajalleecadii baa wadanaha, jeex ka soo ruqay<br />
dheh<br />
Jeedaaladiibaa indhuhu, kor u jllaadmeen dheh<br />
Jimic kagama helin tuugmadaan, jiriyey ruuxii<br />
dheh<br />
Markaan juuq idhaahdaba afkey, iga jifeeyeen dheh<br />
Dhaaxaan jibaadayey dheg baan, jalaq la ii siin<br />
dheh<br />
Goortaan jarreerana gefoo, nolol ka jaanqaaday<br />
Sida jananadii hore tashigu, igu jaguugnaa dheh<br />
96
Taladii jinnigu ii hormaray, jaasadeed helay dheh<br />
Jiidaha xanuunka leh markii, la igu jeeraarshey<br />
Jibaadka iga soo baxay dadkii, jiifka qaban waa<br />
dheh<br />
Markay rubadu jaw tidhi or bay, iga ag jiibsheen<br />
dheh<br />
Jidhkaygii bahal baa cunoo, jiitey hilibkii dheh<br />
Jurmidiyo baruurtii dhurwaa, jugux ka siiyaa dheh<br />
Jiljilladiyo seedaha tukay, igaga jaadeen dheh<br />
Haddaan lays jikaareyn tolkay, laga jil roonaa<br />
dheh<br />
Weligood waxaa lagu jaraa, jilibdhig duullaan<br />
dheh<br />
Daraawiidh waa jibindhowga iyo, jowga soo bixi<br />
dheh. 8<br />
Dagaalladii wax-iska-caabbinta ee Sayyedku waxay<br />
ahaayeen qaar aad u kulul, kuwaasi oo ku kallifay<br />
dawaladdii Ingiriisku inay sannadkii 1919 u adeegsato<br />
weerarro xagga cirka ah oo ay diyaarado ku garaacdo<br />
isaga, waxayna ahayd markii ugu horraysay ee<br />
Ingiriisku uu diyaarado ku duqeeyo meelo ka tirsan<br />
gobolka Saxaaraha ka hooseeya ee Afrika. Ku-dhawaad<br />
boqol sano ka dib waqtigaasi, quwadaha shisheeyuhu<br />
waxay weli xagga cirka ka duqaynayaan dhaqdhaqaaqyada<br />
Jihaad-wadayaasha ah ee Soomaalida: Dhawrkii sano ee<br />
la soo dhaafay, dawladda Maraykanku waxay qaadday<br />
dhawr weerar oo xagga cirka ah oo ay ku qaadday<br />
bartilmaameedyo ku yaalla Somalia oo lagu sheegay<br />
inay ku xidhan yihiin al-Qaacida.<br />
97
Tom Farer waxa uu wax ka qoray sida Sayyed Mohamed<br />
Abdulle Hassan uu u wadey ee uu ugu hawl geli jirey<br />
fikradda ‘Soomaali-Weyn’ ee ahayd in Soomaalida oo<br />
dhan la mideeyo oo laga dhigo dal qudha: ‘Waxa uu<br />
baraarujiyey oo uu kobciyey fikradda ah in uu jiro<br />
xidhiidh ka dhexeeya dhammaan Soomaalida oo dhan, oo<br />
ka shisheeya amma ka weyn ka abtirsiinta beelaha iyo<br />
xidhiidhka dhiigga, fikraddaasi oo gogol-xaadh amma<br />
tixraac u noqonaysa arrimaha ilaa waqtigan taagan ...<br />
sidaa awgeed, in kasta oo laga adkaaday, haddana ma<br />
goblamin oo ma wada guuldarraysan.’ 9<br />
Wax yar ka bacdi markii uu ku jabay Sayyedkii<br />
dagaalladii uu kala horjeeday isticmaarkii<br />
Ingiriiska, Faransiiska, Talyaaniga iyo Itoobiya,<br />
waxa uu u dhintay xanuun. Dhulalkii ballaadhnaa ee<br />
Afrika ee uu u dagaallamayey, dhulalkaasi oo Soomaali<br />
badani ay u arkayeen inay yihiin dhulkoodii xaqa<br />
ahaa, waxa waqti horeba loo kala qaybiyey shan<br />
meelood oo kala gaar ah oo kala hoos yimaad<br />
dawladihii istcmaarka:<br />
NFD (Northern Frontier District): Qaybtani waxay<br />
ka koobnayd degaannada waqooyi-bari ee Kenya oo<br />
waqtigaasi Ingiriisku guumaysan jirey. Markii<br />
Kenya ay madaxbannaanida qaadatay sannadkii 1963,<br />
dawladdii markaas fadhidey Nairobi waxay diiddey<br />
inay aqbasho rabitaankii dadweynihii u badnaa<br />
Soomaalida ee degganaa gobolkaasi oo doonayey<br />
inay ka go’aan Kenya, kuna biiraan Jamhuuriyaddii<br />
cusbayd ee Somalia ee xornnimada qaadatay.<br />
Ogadeeniya (The Ogaden): Qaybtani waxay noqotay<br />
gobol ka tirsan Imbaraadooriyaddii Itoobiya, ka<br />
dib markii Itoobiya ay qabsatay sannadihii u<br />
dhexeeyey 1887 ilaa 1895, in kasta oo weli uu sii<br />
ahaa gobolkaasi dhul lagu muransan yahay oo la<br />
isku haysto. Gobolkaasi oo markii hore loogu<br />
yeedhi ‘Ogaden’, markii danbe gobolkaasi iyo<br />
98
degaannada kale ee Soomaalidu ay u badan tahay ee<br />
Itoobiya waxa loo bixiyey ‘Kililka Shanaad’ iyo<br />
‘Gobolka Soomaalida’.<br />
‘Cote Francaise des Somalis’ amma ‘Xeebta<br />
Soomaalida ee Farasiiska’: Dhulkaasi oo<br />
Faransiiku haysan jirey waxa uu madaxbannaanaaday<br />
sannadkii 1977 oo uu noqday Jamhuuriyadda<br />
Djibouti.<br />
Maxmiyaddii Ingiriiska ee Somaliland (British<br />
Somaliland): Maxmiyaddii Ingiriisku waxay<br />
madaxbannaani qaadatay 26-kii bishii June ee<br />
1960, waxayn ku biirtay shan maalmood oo qudha ka<br />
bacdi xornimadeedii oo ay la midoodey Somalia oo<br />
Talyaanigu hore u guumaysan jirey, si ay u<br />
abuuraan Jamhuuriyaddii Somalia. Laakiin waxay<br />
haddana ka go’day 18-kii bishii May ee 1991 oo ay<br />
noqotay Jamhuuriyadda la baxday Somaliland, iyada<br />
oo la soo noqotay isla xuduudaheegii ay lahaan<br />
jirtey waqtigii ay ahayd Maxmiyadda Ingiriiska.<br />
Dhinaca Bari ee dalkaasi, waxa ka taagan khilaaf<br />
ay isku haystaan gobolka la jaarka ah ee<br />
Puntland.<br />
Soomaaliyadii Talyaaniga (Somalia Italiana):<br />
Qaybtani oo uu guumaysan jirey Talyaanigu, lana<br />
hoos keenay, laga soo bilaabo 1950kii, Jamciyadda<br />
Qaruumaha ka Dhaxaysa maamulkii Talyaaniga ee<br />
halkaasi ka jirey, waxay iyana xornnimo qaadatay<br />
1-dii bishii July ee 1960, iyaga oo isku biiray<br />
qaybtii Ingiriisku xukumi jirey ee Somaliland,<br />
halkaasina waxa ka samaysan tahay Jamhuuriyaddii<br />
Somalia.<br />
Kala-qaybintii Somalia loo kala qaybiyey shan<br />
meelood oo gumeysigii kala xukumo, wax macne ah uma<br />
99
samayn Soomaalida oo intooda badani ay ahaayeen dad<br />
reer-guuraa ah, kuwaasi oo aan wax sidaa ah oo<br />
qiimo leh aan u arkayn xuduudaha iyo dawlado dhexe.<br />
Gabayaagii Soomaaliyeed ee Faarax Nuur, waxa uu ku<br />
jahawareeray tartankii kululaa ee dawladihii<br />
shisheeyaha ahaa ay ugu jireen dhulka Soomaalida.<br />
Waxana ka mid ahaa gabayadiisii, tixahan soo socda:<br />
Ingiriis, Talyaaniyo iyo Amxaar, wey akeekamiye<br />
Arligaa la kala boobayaa, nin u itaal roone<br />
Waa duni la kala iibsadoon, La na ogeysiinne<br />
Waa duni ninkaad aammintaa, kuu abees yahaye<br />
Waa duni akhyaartii lahayd, iib-ku-doon tahaye<br />
Anse ila ah aakhiru-samaan, Iligyadiisiiye<br />
Haddaad niman islaamiyo tihiin, Aadan ubadkiisa<br />
Odayaal Ilaahay ka go’in, haynna oodina e .<br />
Xilliyadii dagaalkii labaad ee adduunka, waxay ahayd<br />
markii ay ugu dhaweyd Soomaalida, inay rumowdo<br />
riyadoodii ay ku taamayeen ee ahayd in la helo<br />
‘Soomaali-Weyn’. Sannadihii 1930-meeyadii,<br />
hoggaamiyihii Fashiistada ahaa ee Talyaaniga, Benito<br />
Mussolini, waxa uu u dagaallamay in uu ka sameeyo<br />
Afrikada Bari Imbaraadooriyad Talyaanigu xukumo oo<br />
noqota ‘Africa Orientale Italiano.’ Intii u dhaxaysey<br />
sannadihii 1936 ilaa 1941-kii, Tatyaanigu waxa uu<br />
qabsaday saddex qaybood oo ka mid ah xiddigta<br />
Soomaalida (ee shan-geesoodka), kuwaasi oo kala ahaa<br />
bariga Ethiopia, Maxmiyaddii Somaliland, iyo<br />
Soomaaliyadii Talyaaniga. Ka dibna Ingiriiska ayaa ku<br />
soo qaaday dagaallo rogaal-celin ah, waxanu<br />
Ingiriisku qabsaday sannadkii 1941-kii, afar qaybood<br />
100
oo ka mid ah xiddigtii Soomaalida, kuwaasi oo kala<br />
ahaa: Ogaadeeniya, Soomaalidii Talyaaniga,<br />
Somaliland, iyo waqooyi-bari Kenya.<br />
Wasiirkii arrimaha debadda ee Ingiriiska ee<br />
waqtigaasi, Ernest Bevin, waxa uu soo jeediyey in<br />
dhammaan Soomaalida la wada hoos geeyo maamul qudha<br />
oo meel keliya ah, Loona diyaar-gareeyo sidii loo<br />
gaadhsiin lahaa madaxbannaani. Bishii June ee<br />
sannadkii 1946-kii, waxa uu Ernest Bevin aqalka hoose<br />
ee baarlamaanka Ingiriiska u soo jeediyey in dhulalka<br />
lagaga hadlo af-Soomaaliga ...<br />
... la isku wada geeyo, lagana dhigo dhul leh<br />
maamul guud oo hoos yimaadda Jamciyadda Qaruumaha<br />
ka Dhaxaysa, oo markaasi ay u suurto gasho<br />
dadweynahaasi reer-guuraaga ahi inay maamushaan<br />
noloshooda dhaqaale, iyaga oo aan la kulmi wax<br />
carqalad ah oo weyn oo ku timaad, waxana dhici<br />
karta inay helaan fursad dhab ah oo ay ku<br />
samaystaan nolol dhaqaale oo fiican, sida looga<br />
yaqaan dalkaasi ... Waxa keliya ee aan doonayo in<br />
aan sameeyaa waa sidii aan reer-guuraagaasi<br />
masaakiinta amma saboolka ah, aan u siin lahaa<br />
fursad ay wax ku taransadaan oo ay nolol ku<br />
samaystaan ... Cidna dani uguma jirto in laga<br />
manciyo amma la iska hortaago dadkaasi saboolka<br />
ah iyo lo’dooda halkaasi ku sugani inay helaan si<br />
fiican oo ay u noolaadaan.<br />
‘Qorshihii Bevin’ weligii ma noqon mid hirgala,<br />
sababtuna waxay ahayd iyaga oo quwadihii kale ee<br />
waaweynaa ee soo baxay dagaalkii labaad ee adduunka<br />
ka dib ay ka dhega-adaygeen oo ay ka horjeesteen,<br />
kuwaasi oo kala ahaa Faransiiska, Ruushka, iyo<br />
Dawladdii Maraykanka. Afartii gobol ee ku hoos jirey<br />
waqtigaasi maamulkii milateriga ee Ingiriisku,<br />
sidoodii hore ayay ku soo noqdeen, marka laga reebo<br />
101
qaybtii uu Talyaanigu xukumayey, qaybtaasi oo<br />
sannadkii 1950-kii la hoos keenay wilaayadda Qaramada<br />
Midoobey, maamulkeendana loo wakiishay in Talyaanigu<br />
sii wado muddo toban sano ah, muddadaasi ka bacdi oo<br />
ay madaxbannaani ku gaadhi karaan.<br />
Waxa laga yaabaa in waxa ugu xanuunka badnaa<br />
Soomaalida, inay ahayd in Itoobiya lagu wareejiyey<br />
dhulal ay u arkayeen dalkoodii ay iyagu xaq ay u<br />
lahaayeen. Soomaali badani weli waxay ku canaantaa oo<br />
ay kaga cabataa Ingiriiska in uu uu Ogaadeeniya ku<br />
wareejiyey Itoobiya sannadkii 1948-kii, haddana in uu<br />
badhtamihii sannaddii 1950-kii sidoo kale ku<br />
wareeijiyey isla Itoobiya dhulalkii daaqsinta ahaa ee<br />
Hawd iyo Riseef Eeriya ‘Reserved Area’.<br />
Waxa dhibaato iyo madax-farad joogto ku noqotay<br />
dawladda Itoobiya, arrinta dadweyne Soomaaliyeed oo<br />
aad u fara badan oo deggan Itoobiya. ‘Gobolka<br />
Soomaalida’ ee bariga Itoobiya, waxa tobannan sannaba<br />
uu ku jirey xaalado dagaal oo si joogta ay u wadaan<br />
jabhado mucaarad ahi, kuwaasi oo mar walba gacan ka<br />
helayey cid kasta amma dawlad kasta oo ka talinaysey<br />
Somalia. Dhinacyada qaar marka laga eego, maqaamkii<br />
gaarka ahaa ee la siiyey Itoobiya xilliyadii<br />
isticmaarka, waa mid ilaa hadda sii jira. Itoobiya<br />
waxay tahay ‘saaxiib gaar ah’ oo uu leeyahay<br />
Maraykanku, marka loo eego ‘la-Dagaallanka<br />
Argagixisada’, gaar ahaanna dhinaca Somaalida.<br />
Itoobiya waxay gacan ka geysatey fulinta qorshihii<br />
Maraykanka ee ‘hawlgalkii kharribnaa’ ee laga<br />
sameeyey Somalia sannadkii 2006-kii ee Itoobiya ay<br />
kaga saartay halkaasi Midowgii Maxkamadaha Islaamiga<br />
ah (UIC), kuwaasi oo Maraykanku u arkayey Islaamiyiin<br />
xagjir ah oo khatar ah.<br />
Itoobiya waxay iyana dhinaceeda lahayd oo ay wadatey<br />
danaheeda istaraatiji oo sabab u ahaa inay baabiiso<br />
Maxkamadihii Islaamiga ahaa; maxkamadahaasi waxay u<br />
102
arkaysey inay isbahaysi la leeyihiin Eitrea oo<br />
mararkaasi ka hor dagaal ahli ah la gashay Itoobiya.<br />
Gobannimadii (Independence)<br />
Sannadihii 1940-meeyadii iyo 1950-meeyadii, qaybtii<br />
Soomaalida ee Tayaanigu xukumi jirey waxa ka<br />
bilaabmay dhaqdhaqaaqyo xisbiyo siyaasadeed; waxana<br />
samaysmay sannadkii 1943-kii, Ururkii Dhallinyarada<br />
Soomaaliyeed ee SYC (Somali Youth Club), ururkaasi oo<br />
markii danbe isku bedelay mid ka mid ah xisbiyadii<br />
waaweynaa ee siyaasadda, noqdayna xibigii Leegada ee<br />
SYL (Somali Youth League). Isla markaasi, soomaalida<br />
waxa ilaa heer loo diyaarinayey madaxbannaani.<br />
Doorashooyin ah dawladaha hoose ayaa la qabatay<br />
sannadkii 1954-kii, sannadkii 1956-kiina Talyaanigii<br />
waxay Soomaalida ku wareejiyeen maamulka intiisii<br />
badnayd. Sannadkii 1960-kiina waxa xornnimo qaatay<br />
Somaliland iyo Soomaaliyadii Talyaaniga labadaba,<br />
kuwaasi oo midoobay 1-dii bishii July, noqdayna<br />
Jamhuuriyaddii Somalia. In badan ayaa u arkayey oo ay<br />
ka go’nayd in tallaabadani ay ahayd bilawgii, oo ay<br />
ku xigi doonaan dhulalkii kale ee Soomaalida oo ku<br />
soo biira, oo ay midoobi doonto ‘ummadda’<br />
Soomaaliyeed, yeelanna doonto dawlad keliya.<br />
Dadkii rajadaasi qabey ee ay ka go’nayd waxa ka mid<br />
ahaa raiisal-wasaarihii Somalia ee waqtigaasi,<br />
Abdirashid Ali Sharmarke, oo markii danbe noqday<br />
madaxweyne (Tixraac: Dr Abdirashid Ali Shramarke, The<br />
Somali Peninsula: A New Light on Imperial Motives,<br />
London, 1962), waxanu yidhi:<br />
Nasiibdarrada na haysata waxa ka mid ah, dalalka<br />
aannu deriska nahay, oo sida dalalka kale ee<br />
Afrikaanka ah aannu ka rabno oo isku deyeynno in<br />
aannu ka wada shaqaynno dhismaha horumarka iyo<br />
xidhiidh fiican oo siman oo aannu yeelanno, in<br />
103
aanay ahayn jaarkayaga. Jaarkayagu waa dadkii<br />
nala dhashay ee Soomaalida ah, oo<br />
muwaadinnimadoodii amma dhalashadoodii laga beenabuuray,<br />
aanay been-abuureen ‘habab la dejiyey’<br />
oo ku salaysan xuduudo aan loo kala aabbo yeelin.<br />
Waxay ku khasabtay dadkaasi inay kolba dhinaca<br />
uga tallaabaan oo ka gudbaan xuduudo macmal ah oo<br />
been-abuur ah, dhulkoodii daaqsinta. Waxay degaan<br />
isla dhulkayaga oo kale, waxayna ku tiirsan<br />
yihiin dhaqaalaha miyiga, sida aannu annaguba u<br />
nahay ee aannu ugu tiirsannahay. Isku af ayaannu<br />
ku hadalnaa. Waxannu nahay isku diin, isku dhaqan<br />
iyo isku caadooyin. Sideebaannu walaalahayo ugu<br />
arki karnaa oo aannu ugu aqoonsan karnaa dad<br />
ajanebi ah. 11<br />
Soomaaliyadii cusbayd ee madaxbannaanaatay waxay<br />
marka hore indhaha ku haysay gobolka NFD ee waqooyibari<br />
ee Kenya oo markaas isticmaarku xukumayey.<br />
Dawladdii Somalia waxay ku doodi jirtey in ‘iyagoo<br />
isku issir iyo af ah, dadka reer NFD ee gobolka<br />
waqooyi bari inay yihiin dad la dhashay oo la ab iyo<br />
tafiir ah dadweynaha Jamhuuriyadda Soomaaliyeed,<br />
laakiin Kiiniya ay ku yihiin dad shisheeye oo ajanebi<br />
ah.’ Waxayna u soo jeedin jireen dawladdii Ingiriiska<br />
ee waqtigaasi xukumaysey halkaasi in dhulkaasi ‘lagu<br />
soo daro oo lala mideeyo Jamhuuriyadda Somalia, marka<br />
ay Kiiniya xornimadeeda qaadato.’ 12 (Tixraac: The<br />
issue of the Northern Frontier District, White Paper<br />
Isuued by the Somali Government, Mogadishu, 1963).<br />
Guddi gaar ah oo Ingiriisku u saaray inay soo<br />
baadhaan arrinani waxay waxay ogaadeen sannadkii<br />
1926-kii, in dadweynaha ku nool gobolkaasi oo in ka<br />
badan boqolkiiba 60 ay yihiin Soomaali, inay dhammaan<br />
si wadajir ah u doonayaan inay ka go’aan Kenya,<br />
aakhirkana ku biiraan Somalia. Laakiin dadweynaha<br />
reer Kenya intooda badan, iyo dalalkii kale ee<br />
Afrikaanka ahaa ee madaxbannaanida cusub qaatay, iyo<br />
104
kuwii kale ee xornimadoodu soo dhaweyd, ayaa ka<br />
horjeestey arrintani, iyaga oo ka cabsi qaba in tani<br />
ay dhiirrigelin doonto dhaqdhaqaaqyada kale ee gooniu-goosatada<br />
ah ee ka jira qaaradda. Waxayna noqotay<br />
in arrintii la laalo, taasi oo cadho weyn ka keentay<br />
Somalia, una goysey si ku-meel-gaadh ah xidhiidhkii<br />
diblomaasi dawladda Ingiriiska sannadkii 1963-kii.<br />
Sidii Itoobiya oo kale, Kiiniya waxay sannado badan<br />
dhibaatooyin waaweyn kala kulantay dadweynaha<br />
Soomaaliyeed ee ku dhaqan dalkeeda. Waxyaabihii uu<br />
hore uga qoray arrimahani John Drysdale sannadkii<br />
1964-kii, ayaa ilaa maantadani jira oo leh isla<br />
saamayntii iyo ahmiyaddii ay waqtigaasi lahaayeen,<br />
waxana ka mid aha qoraalkaasi: ‘Kiiniya iyo Itoobiya<br />
labadaba waxa soo foodsaaray dhibaatada dad aan la<br />
xukumi karayn, aan diyaar u ahayn wada-shaqayn,<br />
kacsan oo dagaallama, oo reer-guraa ah oo si sahal ah<br />
oo dhakhso badan hadba meel u guura, iyaga oo aan la<br />
ogaan, oo marna soo gala marna ka baxa Jamhuuriyadda<br />
Somalia, iyaga oo hubaysan amma aan hubaysnayn,<br />
kuwaasi oo si buuxda u maareeya amma ugu nool<br />
duruufaha degaannadooda lama-degaanka ah.’ 13<br />
Mas’uul sare oo ka tirsanaa dawladdii isticmaarka ee<br />
Ingiriiska, Lord Rennel Rodd, oo sannado badan ku<br />
qaatay Geeska Afrika, waxa uu rumaysnaa isna in<br />
siyaasadda dawladdiisa ee ku waajahan Somalia ay<br />
keeni doonto mustaqbalka dhibaatooyin adag. Waxanu<br />
qoray:<br />
Haddii aynnu sidaa u danayn lahayn ... (aduunkuna<br />
si macquul ah u eegi lahaa), dhammaan Soomaalida<br />
... waxa suurtogal ahayd in la wada hoos keeno<br />
maamulkeenna. Laakiin adduunku si macquul ah uma<br />
eegi arrintani, innaguna sidaas umaynaan danayn.<br />
Sidaasi awgeedna, qaybta keliya ee Afrika ee sida<br />
weyn dadkeedu ay isku wada mid yihiin ayaa la<br />
kala qayb-qaybiyey oo loo kala jarjaray, si ka<br />
105
dhigan oo kale dhibaatadii Julius Caesar<br />
(Hoggaamihi milateri ee Imbaraadooyiaddii<br />
Roomaanka oo noolaa intii u dhaxaysay 100-44 sano<br />
ka hor dhalashadii Nebi Ciisse) ee gobolladii<br />
Gaul (degaannadii iyo qabaa’ilkii dhinaca galbeed<br />
ee Yurub ee waqtigaas), gobolladaasi oo noqday<br />
goobo ay ku herdamaan oo ay ku dagaallamaan reer<br />
Yurub ilaa labadii kun ee sannadood ee u<br />
danbeeyey. Somaliland-na, amma dhulka<br />
Soomaaliduna, waxa dhici karta in uu noqdo<br />
goobtii dalalka Afrikada Bari ay ku herdamayeen. 14<br />
(Tixraac: Sir Gerald Reece, The British Survey,<br />
Colonial Office, 1952).<br />
Ka sakow niyad-jabka Soomaalidii ay ka qaadeen inay<br />
ku guulaysan kari waayeen abuuristii ‘Soomaali-Weyn’,<br />
sanadihii koobnaa ee ugu horreeyey gabannimadii ka<br />
dib, waxa samaysmay hab baarlamaani ah oo dimoqoraadi<br />
ah oo firfircoon, oo ka dhex hirgalay Jamhuuriyaddii<br />
cusbayd. Doodaha kulul ee baarlamaanka dhexdiisa,<br />
ololayaasha doorashooyinka ee ay ku looltamayeen<br />
musharrixiin iyo xisbiyo tiro badan, arrimahani waxay<br />
u muuqdeen qaar ku bannaan dhaqanka firfircoon ee<br />
Soomaalida oo jecel doodaha iyo af-ka-hadalka.<br />
Sannadkii 1969, waxa jirey 1,002 laba musharrax oo ka<br />
soo kala jeeda 62 xisbi oo u tartamayey kuraasta<br />
baarlamaanka dalka oo tiradoodu ahayd 123 kursi.<br />
Sagaalkii sanadood ee u horreeyey gobannimadii<br />
dalkaasi, waxay ahaayeen kuwa ilaa heer cuntama oo<br />
xiiso leh, ka sakow dhibaatooyin ka imanayey iskudhacyo<br />
qabaa’il, khilaafyo u dhexeeyey labadii<br />
mustacmaradood amma qaybood ee hore ee isku darsaday,<br />
tacliin-la’aan, iyo dhibaatooyin kale. Caalinka xagga<br />
culuunta siyaasadda ee Ali Mazrui (oo u dhashay reer<br />
Mombasa, Kenya), waxa uu qoray in xilliyadaasi<br />
Somalia ay noqotay ‘ dalka ugu dhawdhaw Afrika ee ku<br />
dhaqmaa siyaasad furfuran intii ka danbaysey<br />
guumeysigii.’ 15<br />
106
Nidaamkii Keli-Taliska ahaa (Dictatorship)<br />
Wax walba waxay isbedeleen sannadkii 1969-kii.<br />
15-kii bishii Oktoobar ee sannadkaas, waxa la diley<br />
madaxweynihii Abdirashid Ali Sharmarke, waxana diley<br />
nin ka tirsanaa bileyska, dilkaasi oo u muuqday inuu<br />
ahaa aargudasho aano qabiil oo hore. Wax ka yar<br />
toddobaad gudihii, ayaa aroornimadii hore ee 21-kii<br />
bishii Oktoobar ay ciidammadii milaterigu qabsadeen<br />
meelihii muhiimka ahaa magaalada Muqdishu, waxana la<br />
mamnuucay xisbiyadii siyaasadda, waxana la xidhxidhay<br />
siyaasiyiin sarsare. Laga soo bilaabo waqtigaas, waxa<br />
xukumayey dalkaasi Gole Sare oo Kacaan oo uu<br />
hoggaaminayo madaxii ciidamada, General Mohamed Siad<br />
Barre. Hogaamiyihii inqilaabkaasi aan dhiiggu ku<br />
daadanna, waxa uu awodda xukunka haystay muddo ka<br />
badan labaatan sano.<br />
Hab ah ‘Hantiwadaag Cilmi Ku Dhisan’ ayaa la soo<br />
rogey, waxana habkaasi ku ladhnaa isku-daygii<br />
tirtirista qolo-qolonnimada amma qabyaaladda, habbeeleedkaasi<br />
oo ka mid ah waxyaabaha aasaasiga u ah<br />
mujtamaca Soomaalida. Siyaad Barre waxa uu sheegay oo<br />
uu ku tilmaamay inay ku tahay cudur amma habaar aan<br />
loo adkaysan karayn kacaanka hantiwadaagga ah, waxanu<br />
yidhi: ‘Qabyaaladda iyo waddaninnimadu ma wada socon<br />
karaan. Waa nasiibdarro in qabiilku uu yahay mid aad<br />
ugu weyn ummaddeenna. Haddii Soomaali oo dhammi ay<br />
Cadaabta gelayso, waxay ku cadaab-tegayaan waa<br />
qabyaaladda.’<br />
Hal-ku-dhegyada ugu waaweyn ee Soomaaliyadii cusbayd<br />
ayaa noqday ‘Qabyaaladdu waa mid wax kala qaybisa,<br />
Hantiwadaaggu waa mid wax mideeya.’ Soomaalida waxa<br />
laga mamnuucay inay iskugu yeedhaa amma isku<br />
aqoonsadaan beelaha ay ka soo kala jeedaan, waxana<br />
lagu amray inay isku wacaan Jaalle, ereygaasi oo<br />
macnihisu yahay saaxiib amma macag. Sawirro laga<br />
107
dhigay inay u taagan yihiin qabiilka amma qabyaaladda<br />
ayaa la soo sameeyey, ka dibna la aasay amma la<br />
gubay, si tusaale looga dhigo tirtiristii<br />
qabyaaladda. Iyadoo la raacayo habkii dalalkii kale<br />
ee Shuuciga ahaa ee isbahaysiga cusub ay la yeelatay<br />
Somalia, ee Midowgii Soofiyet iyo Kuuriyada Waqooyi,<br />
waxa dadweynihii lagu dhiirrigeliey inay ka qayb<br />
qaataan mahrajaanno iyo mashaariicda iska-wax-uqabso.<br />
Waxa la qaaday tallaabooyin kale oo dheeraad<br />
ah oo la rabey in lagu cidhib-tiro ‘dhaqamadii<br />
gaboobey’ ee uu watey nidaamka qabaliga ah ee dhaqanafeedka<br />
amma wax-qoris-la’aanta, waxana la soo rogey<br />
markii ugu horraysey qoritaanka af-Soomaaliga,<br />
sannadkii 1972. Waxa ku xigey olole ballaadhan oo la<br />
qaaday sannadkii 1974-kii, oo lagu faafinayey<br />
barnaamijyadii dadweynaha ee wax-qorista iyo waxakhrinta.<br />
Sida uu ku tilmaamay Professor Ioan Lewis<br />
qoraalladiisii, waxa la xidhay dugsiyadii sare ee<br />
dalka intoodii badnayd, iyadoo in ka badan soddon kun<br />
oo qof oo ka kooban ardaydii iyo macallimiintii loo<br />
kala diray degaannadii miyiga, si ay u soo baraan<br />
dadweynaha reer-miyiga ah wax-qorista iyo waxakhrinta,<br />
daryeelka caafimaadka iyo nadaafadda<br />
aasaasiga, iyo mabaadi’da hantiwadaagga. Waxana ka<br />
mid ahaa waxyaabihii uu qoray:<br />
Iyaga oo la sii siiyey qalab ka kooban bustayaal,<br />
sabuurado isku laab-laabmaya (oo aan laakiin<br />
hagaag u kala furmayn), caagado biyo ah iyo agab<br />
kale, iyo weliba qaddar gunno ah oo dhan laba<br />
shilin maalintii, ardaydaasi iyagu fursadda<br />
gaarka ah hore ugu helay waxbarashadii<br />
magaalooyinka dhexdooda, waxay noqotay inay ula<br />
tagaan oo ay u gudbiyaan midhihii kacaanka<br />
jaallayaashoodii miyiga ee hore loo daayacay,<br />
ayna marti u noqdaan, lana joogaan qoysaskii reer<br />
miyiga, martigelintaasina ugu abaalgudaan inay<br />
baraan dadkaasi wax-akhrinta iyo wax-qorista.’ 16<br />
108
Xilliyadaasi ayay bilaabantay in xaaladaha Somalia<br />
ay si weyn u xumaadaan oo ay u qasmaan. Sannadihii<br />
1974 ilaa 1975-kii, waxa dalkaasi ka dhacay waxa<br />
waqtigaas lagu tilmaamay abaarihii ugu ba’naa<br />
taariikhda dalkaasi. Sannadkii 1977, iyadoo uu soo<br />
cusboonaaday dedaalkii ku saabsanaa in la helo<br />
‘Soomaali-Weyn’, isla markaasina ay suurtogal ahayd<br />
in meesha ay ku jirtey ujeeddo ah in dadka laga<br />
jeediyo dhibaatooyinkii gudaha ka taagnaa, Siyaad<br />
Barre waxa uu ku dhawaaqay dagaal lagu qaaday<br />
Itoobiya, oo looga gol lahaa in lagu qabsado gobolka<br />
Ogaden. Waa markaasi dagaalladaasi ay qarxeen markii<br />
Midowgii Soofiyet uu si weyn oo la yaab leh u bedeley<br />
xidhiidhkii isbahaysi ee dhincyadii dagaallamayey,<br />
waxanu tuuray Somalia oo uu laalay isbahaysigii uu la<br />
lahaa, ka dib markii hoggaamiyihii kacaankii<br />
Maarkiistaha amma Shuuciga ahaa ee cusbaa ee<br />
Itoobiya, Mengisyu Haile Mariam, oo sannadkii 1974-<br />
kii afgenbiyey Boqor Haile Selassie, uu dawladdii<br />
Soofiyet-ka weydiistey taageero. Dawladdii Soofiyetku<br />
waxay siisay saaxiibkoodii cusbaa ee Itoobiya<br />
taakulayn iyo hub milateri oo aad u fara badan, taasi<br />
oo keentay in la jebiyo Somalia sannadkii 1978-kii.<br />
Burburkii ka abuurmay abaarihii iyo dagaalladii waxay<br />
horseedeen inay sii korodho tiro badan oo ka tirsan<br />
Soomaalidu inay ku kacaan oo ay ka horjeestaan<br />
madaxweynahoogii. Sannadkii 1978-kiina, koox ka<br />
kooban saraakiishii milateriga ayaa isku deyey<br />
inqilaab dhicisoobey oo ay kula kaceen Siyaad Barre,<br />
kacdoonkaasi oo caalamad u ahaa amma muujinayay<br />
niyad-jabka sii badanaya.<br />
Waxa bilaabantay in dalku uu kala daato oo uu sii<br />
kala burburo. Dedaalkii Siyaad Barre uu ku doonayey<br />
in uu ku tirtiro qolo-qolonnimada iyo qabyaaladda<br />
waxa uu noqday dhibaato isagii dib ugu soo noqotay oo<br />
saamaysay ; sannadihii 1980-maadkiina, waxa samaysmay<br />
109
dhawr jabhadood oo ku dhisan gobolaysi iyo beelo.<br />
Kuwa ugu horreyey kooxahan waxa ka mid ahayd<br />
jabhaddii SNM (Somali National Movement). Jabhaddaasi<br />
waxay markii hore ahayd oo ay ku bilaabanatay beelo<br />
badan oo isbahaystay, markii danbana urur u taagan<br />
danaha beelihii Isaaqa ee ka soo jeedey Maxmiyaddii<br />
hore ee Ingiriiska ee Somaliland, kuwaasi oo ka<br />
dagaallamayey waxa ay u arkeen fogeyn la foogeeyey oo<br />
la takrooray, iyo cadaadis iyo ciqaab ay kula kacday<br />
dawladdii Siyaad Barre.<br />
Jawaabta ay dawladdii ka bixisay arrintani iyo<br />
tallaabooyinka ay kala hor tagatay jabhaddani<br />
mucaaradka, waxay ahaayeen qaar si xad-dhaaf ah u<br />
qallafsan oo waxshinnimo. Ciidamadii dhulka iyo kuwii<br />
cirka ee Siyaad Barre waxay duqayn xoog leh ku<br />
sameeyeen magaala-madaxdii gobolka ee Hargeysa, oo<br />
sida duqayntaasi ay magaaladii u baabiisay lagala mid<br />
dhigay oo loogu magac-daray ‘Dresden-tii Afrika’<br />
(Dresden of Africa). Waxay noqotay wax naadir ah oo<br />
far-ku-tiris ah in la helo gidaar amma guri taagan oo<br />
bed qaba oo duqayntaasi ka badbaaday, waxana la<br />
burburiyey amma la bililiqaystay dhammaan guryihii<br />
iyo dhismayaashiii, iyo saqafyadii, mid kasta.<br />
Magaaladii waxay noqotay meel gabaahiir ah oo la<br />
burburiyey, si xunna loo fadhataystay, dadweynihii ku<br />
noolaana ay aakhirkii ka qaxeen oo ay u lugeeyeen<br />
ilaa Itoobiya, qaxaasi oo ahaa, sida uu ku tilmaamay<br />
Mark Bradbury buuggiisii ‘Samaysankii Somaliland’<br />
(Becoming Somaliland, London, 2008), mid weyn oo<br />
qeyra-caadi ah amma oday-ka-sheegee ah, wanu qoray:<br />
‘Qaxii ay qaxeen dadweyne ku dhaw-dhaw ilaa 500,000<br />
oo qof oo rayid ah oo ka qaxay waqooyiga Somalia, una<br />
qaxay Itoobiya sannadkii 1988, waxay dhacdadani ka<br />
dhignayd dhacdooyinka ugu waaweyn ee ugu darnaa dad<br />
xaddigaasi leh oo si xoog ah mar qudha loogu kallifay<br />
in ay barakacaan, taariikhda Afrika.’ 17<br />
110
Bishii May ee 1988, weerarradii Jabhaddii SNM ay ku<br />
qaadday Magaalooyinka Hargeysa iyo Burco, waxay bilaw<br />
u ahaayeen dagaalladii sokeeyey ee Somalia, kuwaasi<br />
oo socdey muddo ka badan labaatan sanadood ah. Waxa<br />
kale oo jirey jabhado kale oo ka samaysmay meelo kale<br />
oo ka tirsan dalka. Sannado hore, dhinaca waqooyibari<br />
waxa ka samaysantay jabhaddii SSDF (Somali<br />
Salvation Democratic Front), dhinaca koonfur iyo<br />
badhtamaha Somalia-na waxa ka dhisantay jabhaddii USC<br />
(United Somali Congress) oo inta badan u taagneyd<br />
danaha beelaha Hawiye. Beelihii Ogaadeenna waxay<br />
samaysteen dhaqdhaqaaqii SPM (Somali Patriotic<br />
Movement). Bishii August ee 1990-kii, jabhadihii<br />
SNM, SPM, iyo USC waxay ku shireen Itoobiya, waxayna<br />
ku heshiiyeen inay samaystaan isbahaysi midaysan oo<br />
ay isku bahaystaan dagaalka ay kala horjeedeen Siyad<br />
Barre.<br />
Xilligaasi, dawladdii dhexe waxa haysatey oo ay ku<br />
jirtey xaalad la yaab leh oo aan la filayn oo la mid<br />
ah tan haatan timid labaatan sano ka bacdi<br />
waqtigaasi, xaaladdaasi oo ahayd xukunka dawladdii<br />
dhexe oo ku soo ururay, kuna koobnaaday wax aan sida<br />
uga durugsanayn magaalo-madaxda. Waxa aad u soo<br />
yaraaday oo soo koobmay dhulkii uu gaadhsiisna awodda<br />
xukunka ee Siyaad Barre, oo gaadhay ilaa heer<br />
mucaaradkiisii ay ugu yeedhaan ‘Duqii Magaalada<br />
Muqdishu’. Jabhadihii mucaaradka ahaa waxay ku soo<br />
durkeen oo ay hareereeyeen magaaladii, 26-kii bishii<br />
ee 1991-kiina, Siyaad Barre waxa farahiisa ka baxay<br />
xukunkii magaalo-madaxda, waxana ka saartay halkaasi<br />
jabhaddii USC.<br />
Burburkii Dawladda (State Collapse)<br />
Dhicitaankii Siyaad Barre ma noqon dhammaadkii<br />
dagaalka. In kasta oo xukunkii laga tuuray kelidiiteliye<br />
had iyo jeer naxariis darnaa oo qallafsanaa,<br />
111
haddana laga soo bilaabo sannadkii 1990-kii,<br />
dadweynaha Soomaaliyeedd intooda badani waxay<br />
ahaayeen kuwa aan haysan hoggaan dhexe oo si wax-kuool<br />
ah u shaqeeya, waxayna ku noolaayeen dawladla’aan.<br />
Isla markii Siyaad Barre laga turay xukunka, wax<br />
markiiba iyagu dhexdooda isku jeestey ururkii USC.<br />
Waxa burburtay midnimadii Hawiyaha, iyaga oo laba<br />
beelood oo ka mid ah beelaha Hawiyaha, kalana ah<br />
Abgaal iyo Habar Gidir, ay dhex martay colaad aad u<br />
qadhaadhi oo ay isku noqdeen cadow xun, iskuna<br />
bilaabeen dagaallo. Qof Ingiriis ah oo la yidhaa<br />
Murray Watson, oo ka tirsanaa shaqaalihii hey’adaha<br />
gargaarka, ayaa goobjoog ka ahaa oo ka hadlay<br />
dagaalladii maalmihii ugu horreeyey halkaasi ka<br />
dhacay, sannadkii 1991-kii. Waxanu yidhi:<br />
Dagaallo badan iyo taxshhiirado ayaa ka dhacaya<br />
agagaarka qasriga madaxtooyada. Waxan hadda soo<br />
maray cusbitaalka oo maalin kasta la keeno konton<br />
ilaa lixdan qof oo dhaawac ah. Maalin kasta,<br />
dhakhtarradu waxay sameeyaan qalliin addimada oo<br />
la jaro ah, min toban ilaa shan-iyo-toban qalliin<br />
oo noocaasi ah. Dhiig ayaa igaga yaal oo soo<br />
gaadhay lugahayga. Ma malayn kartid dilka xun ee<br />
halkan ka dhacay. Waxan ka soo qaaday sawirro<br />
meydadka jidka daadsanaa hadda. Ma jiraan imika<br />
meydad badan oo sii yaallaa, waayo, eyda ayaa<br />
cuntay intoodii badnayd. Laakiin weli waxa sii<br />
yaalla gacmo dad oo ka dhex muuqda ciidda.<br />
Hareeraha waddada waxa ku yaalla xabaalo degdeg<br />
ah oo lagu aasay dadka isla goobihii ay ku<br />
dhinteen. Dadka wax ku dhaceen ee dhintay amma<br />
dhaawacmay, intooda badani waa dad rayid ah ; waa<br />
dumar, waa rag da’ah, waa caruur.<br />
Tani waxay ahayd Somalia iyo hab-beeleedkeeda oo<br />
sida ugu weyn iyagu isku baabiinayey amma is-cidhib<br />
112
tirayey. Dhicitaankii Siyaad Barre, halkii uu ka<br />
horseedi lahaa nabad, iyo in la dhiso nidaam sugan oo<br />
dawli ah oo ku dhisan dimoqoraadiyad iyo caddaalad,<br />
waxa ka dhashay oo uu keenay dagaallo aan caqli ku<br />
fadhiyin, dagaalladaasi oo saamayntii<br />
dhibaatooyinkoodii ugu xumaa ay ku dhaceen<br />
dadweynihii rayidka ahaa.<br />
Nidaamkii diktaatooriga ahaa ee keli-taliska, waxa<br />
bedeley qabqablayaal dagaal, oo ahaa hoggaamiyayaalbeeleed<br />
awod badan, oo ay taageerayaan maalqabeenno<br />
baayacmushtar ah iyo kooxo hubaysan oo miliishiyooyin<br />
ah, kuwaasi oo Somalia inteedii badnayd u rogey<br />
degaanno kala gooni ah oo ay kala xukumaan<br />
qabqablayaal dagaal. Kooxahaasi waxay ahaayeen kuwa<br />
iyagu midba midka kale la dagaallamayey, amma midba<br />
midka kale la samaysanayey gaashaanbuur isbahaysi,<br />
isbahaysigaasi oo haddana si dhakhso ah u burburayey<br />
muddo yar ka bacdi. Xaaladaha noocan ah ee aan la<br />
sadaalin karin, ee sida dhakhsa ah isku bedeleyey,<br />
waxay jahawareer ku noqdeen cid kasta, gudaha iyo<br />
debadda Somalia labadaba.<br />
Mar aan booqday Somalia, horraantii sannadihii 1990-<br />
meeyadii, aad ayay u yarayd in aad aragto qof aan<br />
hubaysnayn, yar iyo weyn ragga, oo aan qori sidan.<br />
Hubku waxa uu noqday mid daruuri ah oo loo baahan<br />
yahay sida shaadhka la gashado oo kale, kana<br />
muhiimsan kabaha. Wiilal yaryar oo dagaalyahanno ah<br />
oo indhuhu soo baxsan yihiin, dhididna ka soo boodey,<br />
ayaa eryayey oo watey buurbuur nooca dagaalka ee<br />
Soomaalida ah oo loo yaqaanno baabuurta ‘Tiknikada’.<br />
Waa baabuur dusha laga jaray amma Land Cruiser-ro ah,<br />
oo qoryo waaweyn la saaray, aanay la socdaan<br />
miliishiyo aad u hubaysani. Taxshiiradaha iyo<br />
rasaasta joogatada ahi waxay dileen tobannaan kun oo<br />
qof, in badan oo kale way dhaawaceen, waana la<br />
barakiciyeen, waxayna dagaalladaasi baabiiyeen<br />
113
magaaladii Muqdishu oo ka mid ahayd magaalooyinka ugu<br />
qurux badan Afrika.<br />
Nin ka mid ah raggii isku deyey in la joojiyo<br />
burburkaasi, waxa uu ahaa Cumar Salaad, oo<br />
mas’uuliyado sare ka soo qabtay xukuumaddii Siyaad<br />
Barre, laakiin waqtigani ka mid ahaa mucaaradka oo uu<br />
ku biiray. Waxanu yidhi:<br />
Waxaan soo arkay ee aan u soo joogey waxay<br />
ahaayeen wax aad u fool xun, aad iyo aad u fool<br />
xun. Waxa socdey dil, waxa socdey boob, waxa<br />
socdey qas. Dadku guryaha ayay boobayeen oo<br />
xadayeen, dumarka ayaa la kufsanayey. Waxay ahayd<br />
wax argagax leh oo aad u fool xun. Waxan ku<br />
dedaalayey inta karaankay ah in aan gacan ka<br />
geysto badbaadinta dadkii qaraabada iyo asaxaabta<br />
ahaa. Miliishiyooyinka beeluhu waxay ku<br />
dagaallamayeen oo ay haysteen dhammaan noocyada<br />
hubka : qoryaha boobayaasha culculus ee<br />
mashiingaannada, kuwa fudud ee reyfallada,<br />
madaafiicda lidka diyaaradaha oo la saaray buur<br />
Land Cruisero ah, iyo xataa sawaariikhda Katuusha<br />
ah. Muddo yar ayaa gebi ahaan badhtamihii<br />
magaalada lagu baabiiyey oo laga wada dhigay<br />
burbur ciid iyo quruurux ah.<br />
Waxan tegey Tiyaatarkii Qaranka , oo ahaa dhisme<br />
aad u qurux badan oo bilicsan, kaasi oo si weyn<br />
loo fadhataystay, lana qaawiyey gebi ahaan. Waxan<br />
sii qaaday qaar ka tirsan ilaalaladaydii oo aan<br />
geeyey tiyaatarkii, waxanan amar ku siiyey inay<br />
xabbado dusha u ridaan oo ay dulmariyaan<br />
budhcadda wax bililiqaysanaysa. Tani waxay ka<br />
cabsiisay tuugadii oo yaacay. Ka dibna laba ka<br />
mid ah ilaaladaydii ayaan halkii kaga tegey si ay<br />
halkaasi u joogaan, una badbaadiyaan tiyaatarka.<br />
Waxan tegey meel maqaaxi amma hudheel ah oo wax<br />
laga cuno magaalada Muqdishu. Waxanan halkaasi ku<br />
114
arkay dadkii oo afka iyo gacmaha iska marinya<br />
waraaqihii sirta ahaa ee xafiisyada dawladda.<br />
Xataa waxay la aadayeen oo ay ku isticmaalayeen<br />
musqulaha. Ninkii hudheelka lahaa ayaan siiyey<br />
waxoogaa lacag ah, waxanan ka ururiyey oo aan ka<br />
qaaday waraaqahaasi qaaliga ahaa ee muhimka ahaa.<br />
Laakiin haddana waxan arkay hudheelladii kale ee<br />
magaalada oo dhan oo waxaasi iyo wax la mid ahi<br />
ay ka socdaan. Ka dibna waxa soo ururiyey oo aan<br />
badbaadiyey waraaqo badan, intii aan gaadhi<br />
karayey. Aakhirkiina waxan isku keenay wax noqday<br />
ilaa 175 fayl oo ah dhakumantiyadii rasmiga ahaa<br />
ee dawladda.<br />
Dilkii iyo burburkii waxa soo raacday gaajo. Waxay<br />
si dhakhso ah iskugu bedeshay xaalad macaluuleed, oo<br />
ban’iidam abuuray. Inta badan dhulkii masnada ahaa ee<br />
wax ka bixi jireen ee Somalia, ee u dhaxeeyey labada<br />
webi ee Jubba iyo Shabeelle, ayaa noqday dhul ay ku<br />
dagaallamaan kooxihii iska soo horjeedey. Dadkii<br />
beeraleyda ahaa ee degganaa halkaasi, waxay noqdeen<br />
wax la laayey, wax la barakiciyey oo lagu kallifey<br />
inay qaxaan, amma wax lagu khasbay inay ku biiraan<br />
miliishiyooyinka. Waxa bilaabantay in dadku ay u<br />
dhintaan macaluul, gaar ahaanna qaybo ka tirsan<br />
gobollada koonfureed iyo kuwa dhexe ee Somalia. Cumar<br />
Salaad waa u qiiroodey oo maroora-dillacay markii uu<br />
iiga sheekaynayey markii ugu horraysay ee u soo<br />
booqday degaannadii ugu darnaa ee macaluushu<br />
saamaysay, degannadaasi oo loo yaqaanney ‘Saddex-<br />
Geeskii Geerida’, waxanu yidhi:<br />
Waxan arkay boqolaal caruur ah oo daadsan, safaf<br />
dhaadheer, waddada laamiga ah hareeraheeda. Way<br />
wada qaawanaayeen, waxayna ahaayeen lafo qalfoof<br />
ah, laakiin may dhimanin. Weli waa sii<br />
noolaayeen, laakiin waxay qarka u saarnaayeen<br />
inay dhintaan. Markii aan warsaday waxa caruurta<br />
intaasi leeg halkani keenay ee ay ka qabaanayaa<br />
115
waddada, waxa la ii sheegay in waalidkoodu uu ku<br />
wada dhintay macaluushii. Waan ilmeeyey. Waxa ugu<br />
daran ee aan arkay waxa uu ahaa ilmo yar, oo<br />
qalfoof ah, oo jaqaysaa naaskii hooyadeed oo meyd<br />
ah. Waan hunqaacay. Ka bacdina waxan go’aansaday<br />
in aan soo kaxeeyo suxufiyiin iyo weriyayaal<br />
ajanebi ah oo aan keeno degaankan, si ay adduunka<br />
ugu faafiyaan wararka waxyaabaha ka dhacayaa ee<br />
ka taagan Somalia.<br />
Xattaa dadkii iyagu wax badan hore uga soo shaqeeyey<br />
dhulalka ay ka jiraan dagaallada iyo macaluusha, sida<br />
Tony Vaux oo kale oo ka tirsan shaqaalaha hey’adaha<br />
gargaarka, waxa aad u taabatay xaaladdii ay ku arkeen<br />
Somalia, waxanu yidhi Tony :’Tani waxay ahayd<br />
xaaladdii ugu xanuunka badnayd ee i soo marta intii<br />
aan socdaalayey ee aan wareegayey oo dhan ee aan u<br />
shaqaynayey hey’adda OXFAM in ka badan labaatan sano,<br />
socdaalladaasi oo ay ku jiraan kuwii aan ku tegey ee<br />
aan ku soo arkay xaaladihii Itoobiya sannadkii 1984-<br />
kii. Heerka dhibaatada ee xaaladda Somalia, waa mid<br />
aad u weyn oo ba’an marka loo eego kuwaasi kale.<br />
Dhibaatada banii’aadminnimo ee halkasi ka jirtaana<br />
waa mid aan aslanba la rumysan karin.’<br />
Markii sawirradii iyo muuqaalladii aafadaasi lagu<br />
baahiyey ee ay ka soo baxeen telifishannada caalamka,<br />
waxa bilaabmay olole caalami ah oo dadweyne oo loo<br />
sameeyey in la qaado tallaabooyin, oo wax la qabto.<br />
Laakiin xaaladahani waxay ahaayeen qaar adag, oo aan<br />
caadi ahayn, oo khatar ah. Somalia waxay ahayd dal<br />
aanay ka jirin dawladi, oo ay ka socdaan dagaallo xun<br />
oo soo noqnoqonaya, oo aan la sadaalin karin, oo<br />
baahsan. Guud ahaan waxa adkaatay sidii loo heli<br />
lahaa qaab lagu gaadhsiiyo dadka baahan gargaar<br />
banii’aadminnimo. Xaaladdu waxay ahayd mid aad u xun<br />
oo gaadhay ilaa heer ah in la toogto maraakiibtii<br />
siddey gargaarka, xataa ka hor inta aanay soo gaadhin<br />
berriga.<br />
116
Faragelintii Dibadeed (Intervention)<br />
Qiyaastii siddeed-iyo-toban bilood ka bacdi markii<br />
Muqdishu ay duntey, Golaha Ammaanka ee Qaramada<br />
Midoobay waxa uu bishii April ee 1992 ogolaaday in la<br />
geeyo Somalia ciidammo nabad-ilaalineed oo gaadhayaa<br />
ila saddex kun, hawlgalkaasi oo loo yaqaanney UNOSOM.<br />
Waxase isla markiiba caddaatay in loo baahan yahay<br />
wax intaa ka badan oo ka ujeeddo dheer.<br />
Madaxweynihii Maraykanka ee waqtigaasi, George Bush,<br />
oo xilligiisii sii dhammaanayey, ayaa qaaday<br />
tallaabadii u horraysay, isaga oo soo jeediyey in<br />
ciidamada Maraykanku ay qaadaan oo ay hoggaamiyaan<br />
hawlgal aad uga ballaadhan kaas hore oo ay fuliso<br />
Jamciyadda Qaruumha ka Dhaxaysaa, si loo suurtogeliyo<br />
oo loo hubiyo in si bed qabta loo gaadhsiin karo<br />
gargaarka banii’aadminnimo dadka macaluulaya, kuwa<br />
barabaxay, iyo kuwa dhaawac ah ee Somalia. 3-dii<br />
bishii December ee 1992, ayaa markii ugu horraysay<br />
taariikhda Golaha Ammaanka ee Qaramada Midoobey, uu<br />
Goluhu ansixiyey faragelin Jamciyadda Qaruumaha ka<br />
Dhaxaysaa ay iskeed ugu dhaqaaqdo iyada oo<br />
adeegsanaysa xoog milateri oo lagu qaado dal iyo<br />
qaran madaxbannaan. UNOSOM waxa lagu bedeley UNITAF.<br />
Horraantii sannadkii xigey waqtigaas, waxa la<br />
bilaabay hawlgal loo bixiyey ‘Operation Restore Hope’<br />
amma Hawlgalkii Soo-celinta Rajada; waxana Somalia u<br />
duulay oo tegey ilaa lix boqol oo suxufi oo ka kala<br />
socda warbaahinta debadda, si ay warbixinno uga soo<br />
sameeyaan hawlgalladii u muuqday wax aan la malayn<br />
Karin oo riyo amma khayaal ah oo xaqiiqada ka fog, ee<br />
ciidamada Maraykanku ay si cajiib ah ugu degayeen,<br />
goor habeennimo ah, xeebta badda Muqdishu, iyaga oo<br />
isku dhigayey oo u libiqsanayey kamarooyinka<br />
sawirrada iyo filimmada markii ugu horraysey ee ay<br />
cagaha dhigayeen dalkan ay u yimaaddeen inay<br />
117
‘badbaadiyaan’. Ciidammo ka badan 25,000 oo Maraykan<br />
ah ayaa ka qayb qaadaneyey fulinta hawlgalkani.<br />
Hawlgalkii ‘Operation Restore Hope’ ee Soo-celinta<br />
Rajadu waxa uu gaadhay guulo bilaw ah, isaga oo<br />
suurtogeliyey in taakulayntii gargaarka iyo<br />
gaadiidkii sideyba, in ay gaadhaan meelihii loogu<br />
talo galay, iyada oo aanay soo weerarin, oo aanay<br />
boobin amma dhicin miliishiyo-beeleedku.<br />
Laakiin Jamciyadda Qaruumaha ka Dhaxaysa iyo<br />
Maraykanka midna si buuxda uma fahmin murugsanaanta<br />
xaaladaha ka jira gudaha. Waxa bilaabmay in<br />
xaaladihii ay si dhakso ah isku bedelaan oo sii<br />
xumaadaan, kana sii daraan. Waqtigaasi, hawlgalkaasi<br />
oo loo yaqaanney UNOSOM II, waxa uu noqday kan ugu<br />
ballaadhan adduunka ee ay fuliso Jamciyadda Qaruumaha<br />
ka Dhaxaysaa, waxana ku hawllana hawlwadeenno<br />
gaadhaya ilaa 30,000 oo qof iyo kharash ku dhaw-dhaw<br />
US$1.5 bilyan oo doollar sannadkii.<br />
Kooxaha qaar ee Soomaalida ayaa bilaabay inay u<br />
arkaan ciidamadaasi hubaysan ee ajanebiga ah ee<br />
nabad-ilaalintu inay la jiraan amma ka tirsan yihiin<br />
beel ka mid beelihii ay is-hayeen ee ka soo horjeedey<br />
iyaga, sidaasi awgeedna ay mudan yihiin in lagala<br />
hortago dagaal, gaar ahaanna marka ay ku kacaan falal<br />
daandaansi ah. Waxana arrintaasi ay keentay in la<br />
dilo bishii June ee 1993, in ka badan labaatan askari<br />
oo Baakistaaniin ah oo ka tirsanaa ciidamadii nabadilaalinta,<br />
ciidamadaasi oo wadey hawlo hub-baadhis<br />
ah, oo ay isku deyeen inay ku qaadaan<br />
miliishiyooyinkii General Aideed.<br />
Dilkii askartaasi reer Pakistan waxay jawaab xun oo<br />
xoog leh ka keentay abbaanduulihii Maraykanka ahaa ee<br />
hawlgalkaasi ‘Operation Restore Hope’, Admiral<br />
Jonathan Howe, oo ku dhawaaqaya dagaal uu kaga<br />
dhabeeyey oo aanu waxba ula hadhin dhinac kasta in<br />
lagu qaado General Caydiid, isaga oo madaxa General<br />
118
Caydiidna saaray oo sheegay inuu ku doonayo lacag<br />
dhan US$20,000 oo doollar oo la siinayo qofkii soo<br />
qabta amma soo sheega. General Caydid waxa u noqday<br />
nin ku bannaan magacan naanaysta ah ee uu leeyahay oo<br />
macnihiisu uu yahay ‘ninkii aanay ceebtu raaci karayn<br />
ee aan qaadanayn’; waxanu isna dhinaciisa kaga<br />
dhawaaqay in uu isna ku bixinayo US$20,000 oo doollar<br />
oo abaalmarin ah ciddii keenta madaxa Admiral Howe oo<br />
sidiisii ah, amma ‘Animal’ Howe oo ah sida ay ugu<br />
yeedhi jireen Soomaali badani.<br />
Ciidammadii Maraykanku waxay sii xoojiyeen<br />
hawlgalladoodii, iyaga oo hadba joojiya oo baadha<br />
Soomaalida maraysa dariiqyada amma suuqa, olole<br />
baadhitaanna ku qaada suuqa Bakaaraha oo weerara,<br />
suqaasi oo isku meel lagu iibin jirey hubka iyo<br />
rasaasta, iyo dharka, bakaashka iyo alaabta guryaha,<br />
hilibka iyo khudaarta. Suuqa Bakaaraha oo ah kan ugu<br />
weyn magaalada Muqdishu, waxa uu noday<br />
bartilmaameedka ugu weyn, suuqyada laga adeegto ee<br />
adduunka. Sannado badan ayaa waxa suuqaasi ku socdey<br />
weerarro baadhitaan iyo duqayn. Intii u dhaxaysay<br />
laga soo bilaabo badhtamihii sannadihii 2000 ilaa<br />
dabayaaqadii sannadahaasi, suuqaasi Bakaaraha waxa<br />
weerarro joogto ah ku hayey ciidamada dawladda<br />
Soomaalda iyo kuwa nabad-ilaalinta ee Ururka Midowga<br />
Afrika, iyada oo loo arkayey meel ay al-Shabaab ku<br />
dhuumato, isla markaasina u ah il muhim ah oo<br />
dhaqaale ka soo galo.<br />
Xiisadihii u dhexeeyey General Caydiid iyo<br />
ciidamadii Maraykanku waxay meel sare oo dagaal<br />
gacan-ka-hadal ah gaadheen bishii Oktoobar ee 1993,<br />
oo u dhacay dagaalkii loo bixiyey ‘Dagaalkii ugu<br />
Horreeyey ee Muqdishu’ amma ‘Black Hawk Down’. Laba<br />
diyaaradood oo Maraykan ah oo ah nooca helikobtarrada<br />
loo yaqaan Black Hawk ayaa la soo ridey oo la soo<br />
dhigay jidadka magaalaada. Hawlgal balaadhan oo kale<br />
oo milateri, oo la doonayey in lagu soo furto oo lagu<br />
119
soo badbaadiyo askartii saarnayd diyaaradaaasi la soo<br />
ridey, waxa lagu diley oo ku dhintay siddeed-iyotoban<br />
askari oo Maraykan ah, kuwaasi oo meydadkoodii<br />
la jiidjiidey jidadka. Tirada dhabta ah ee Soomaalida<br />
ku dhimatay dagaalladaasi ba’naa lama oga, laakiin<br />
waxa lagu qiyaasaa boqoaal.<br />
Dhacdadani oo dib u soo celisay xusuusihi<br />
dagaalladii Vietnam, waxay ku noqotay dawladda<br />
Maraykanka culays aan la xamili karayn oo aan la sii<br />
wadi karayn. Madaxweynihii cusbaa ee xilka la<br />
wareegey, Bill Clinton, waxa uu amar ku bixiyey in<br />
ciidamadaas laga soo saaro halkaasi oo dib loogu soo<br />
celiyo dalkooda; intoodii badnaydna waxa la soo<br />
dhamaystirey oo ay tegeen sannadkii xigey waqtigaasi.<br />
Ciidamadadii nabad-ilaalinta ee Qaramada Midoobey oo<br />
noqday ciidammo aad u daaley oo niyad-jabay, waxay ku<br />
dedaaleen inay sii wadaan hawlgalladoodii,<br />
dedaalkaasi oo aakhirkii u muuqday mid aan wax-ku-ool<br />
noqon oo aan shaqayn. Markii aan booqday magaalada<br />
Muqdishu sannadkii 1994, ciidamadaasi nabad-ilaalinta<br />
ee loo yaqaanney ‘blue helmet’ ( amma caanka ku ahaa<br />
midabka koofiyadaha milateri ee ay xidhan yihiin oo<br />
ah bey-bey amm buluuki), waxay ahaayeen kuwa dhammaan<br />
aan lagu arkin meel ka baxsan xeryaha amma<br />
saldhigyada Qaramada Midoobey. Waxan arkay tiro yar<br />
oo ka tirsan ciidammadaasi nabad-ilaalinta oo ku<br />
gabbanaya, cabsi awgeed, jawaanno ciid ah oo la<br />
teeday goobaha kontoroolka ee magaalada oo ay dhufeys<br />
ka dhigtaan. Laakiin waqtigani waxay ahaayeen<br />
ciidammo runtii ahaantii jabay, jabkaasi oo ka soo<br />
gaadhay isla dadkii ay u yimaaddeen markii horeba<br />
inay badbaadiyaan. Intii ka hadhay ciidamadii nabadilaalintuna<br />
si dhakhso ah ayay uga baxeen halkaasi,<br />
iyaga oo u kala tegey Somalia iyo axwaasheeda, amma<br />
arrimaheedu halka ay ku danbaynayaan.<br />
120
Faragelintii milateri ee Maraykanka iyo Qaramada<br />
Midoobay ee Somalia ee sannadihii 1990-meeyadii, waxa<br />
ay noqon karayaan tusaalaha ugu xiiso badan amma ugu<br />
fiican ee la soo qaadan karo marka laga hadlayo<br />
doodda ah ‘Somalia oo khalad laga fahmay’, amma sida<br />
khaldan ee loo waajahay. Hawlgalkani waxa uu u<br />
taagnaa oo tusaale u ahaa qaabkii hore ee khaldanaa<br />
ee madax-adaygga ahaa, ee noqday in loo adeegsado<br />
ciidammo ajanebi ah iyo ujeeddo fiican, dhismaha<br />
dawlad iyo dal. Tusaalooyinkii ugu danbeeyey ee<br />
Ciraaq iyo Afqaanistaanna, waxay u muuqdaan in aanay<br />
noqon casharro wax laga bartay oo waayo-aragnimo laga<br />
kasbaday. Mark Bradbury waxa uu tilmaan ka bixinayaa<br />
sida ay saamayn fog ugu yeelatay guuldarradii lagu<br />
guudarraystay siyaasadda debadda ee ku aaddanayd<br />
Somalia, sida ay saamayn ugu yeelatay meelo kale oo<br />
Afrika ah oo dhibaato weyni oo tan xigtey ay ka<br />
dhacday, ahna xasuuqii Rwanda ee sannadkii 1994:<br />
Madaxweyne Bush, oo dhiirrigelin ka helay<br />
guulihii dalalkii isbahaysigu ay ka soo hooyeen<br />
Khaliijka, hawlgallada milateri iyo gargaarka<br />
banii’aadminnimo waxay u ahaayeen fursad kale oo<br />
maraykanku ku muujin karo kaalintiisa caalamiga<br />
ah, ee ah in uu yahay bileyskii caalamka, marka<br />
laga hadlayo ‘nidaamka adduunka cusub’ ...<br />
Ergeyga joogtada ah ee dawladda Maraykanka u<br />
fadhiyey Qaramada Midoobey, oo ahayd waqtigaasi<br />
Madelaine Albright, waxay sheegtay in ujeeddada<br />
faragelintaasi ay ahayd ‘ wax aan ka yaran in la<br />
dib loo soo celiyo oo loo dhiso ummad dhan oo<br />
laga dhigo ummad heybad leh oo shaqaynaysa, oo<br />
jirta oo lafaheeda wax u qabsanaysa, kana mid ah<br />
oo u tirsan ummadaha adduunka’... Hawlgalkii<br />
UNOSOM waxa uu ahaa mid aan si fiican looga<br />
fikirin, si liidatana loo maamulayey oo aan wax<br />
lala socodsiin, kaasi oo saamayn weyn ku yeeshay<br />
Somalia iyo jawaabihii amma tallaaboyinkii<br />
121
caalamiga ahaa ee laga qaadayey amma wax lagaga<br />
qaban lahaa dhibaatoyinka kale ee meelo kale ka<br />
dhaca. Hammigii amma aragtidii George Bush ee<br />
ahayd in loo dejiyo nidaam cusub aduunkan cusub,<br />
waxa hammigaasi lagu aasay jidadka magaalaa<br />
Muqdishu. Niyad-la’aantii uu Maraykanku kaga<br />
maagey ee ka gaabsaday in uu wax ka qabto<br />
xasuuqii ka dhacay dalka Rwandan, waxa ugu wacnaa<br />
oo ay ahayd natiijo si toos ah uga dhalatay<br />
waayo-aragnimaaasi ka soo martay Somalia. 18<br />
Waa wax lala yaabo oo aan la filayn in iyada oo<br />
General Caydiid uu dagaal kula jiro Maraykanka iyo<br />
Jamciyadda Qaruumaha ka Dhaxaysa, in haddana ay<br />
jireen dad ka tirsan beeshiisa Habar-Gidir, inay<br />
lacag fiican ka samaynayeen ‘cadowga’, iyada oo<br />
suurtogal ay tahay in badh ka mid ah lacagayowgii<br />
caalamiga ahaa (amma hantidii garaarka ee caalamka)<br />
in loo leexiyey General Caydiid oo lagu maalgeliyey<br />
dagaalladii uu wadey. Dadkaasi qaarkood waxay ka<br />
shaqaynayeen maamulka hawgalladaasi oo ay ku dhex<br />
jireen, iyo UNOSOM oo ay u ahaayeen turjumaanno,<br />
waxana dhici karta inay u gudbiyeen kooxdii General<br />
Caydiid, warar iyo xog hoose oo ku saabsan<br />
hawlgalladaasi nabad-ilaalinta.<br />
Sida aalaaba ka dhacda xaalado badan oo kale oo<br />
colaadeed, hawlwadeennadii banaamijyada gargaarka<br />
banii’aadminnimo ee Somalia, waxa la soo gudboonaatay<br />
inay mar walba ‘la macaamilaan shaydaanka’, si ay<br />
shaqadoodu u socoto oo ay hawshooda u gutaan. Waxay<br />
guryo iyo xafiisyo ka kiraysteen rag ganacasato ah oo<br />
maalqabeenno ah, kuwaasi oo qaar ka mid ahi ay<br />
maalgelinayeen oo ay hanti siinayeen qabqablayaashii<br />
dagaalka. Miliishiyooyinka dagaalku waxay<br />
cusbitaallada ku khasbi jireen, iyaga oo hubkood<br />
adeegsanaya si ay xoog wax ugu helaan, in iyaga loogu<br />
horraysiiyo oo marka hore la daweeyo, lagana hor<br />
mariyo dadka kale ee rayidka ah.<br />
122
Hey’adaha gargaarku waxay ku bixiyeen lacag<br />
kumannaan doollar ah oo ay siiyeen Soomaali hubaysan,<br />
si loo ilaaliyo nabadgelyada shaqaalahooga,<br />
hantidooda, baabuurtooda, iyo ilaalinta qaybinta<br />
taagulaynta gargaarka. Kooxdii haysatey ee xukumasey<br />
dekeddu, waxay lacag badan ka sameeyeen cashuurihii<br />
ay ka qaadayeen shixnadaha garaarka ah ee soo degaya,<br />
iyo gargaarkaasi banii’aadminnmo oo badh loo leexiyo<br />
suuqa, si loo iibiyo oo ay macaash iyagu ay qaataan<br />
uga helaan, amma u qaybiyaan taageerayaashooda iyo<br />
miliishiyada u dagaallamaysa. Mark Bradbury waxa uu<br />
mar kale ka hadlayaa saamaynta amma natiijada xun ee<br />
aan loo kasin ee ka soo baxday faragelintii caalamiga<br />
ahayd sida ay ku danbaysey:<br />
Ilaa hadda wax badan ayaa laga qoray siyaabaha<br />
gargaarka caalamiga ahi uu u dhex geli karo ee uu<br />
uga mid noqon karo dhibaatooyinka dagaallada,<br />
gargaarkaasi oo loo looltamo amma loo tartamo<br />
sidii loo leexsan lahaa ee loo bililiqaysan<br />
lahaa, iyo sidii dhaqaale loogu heli lahaa<br />
dagaallada amma loo sii wadi lahaa qaabab amma<br />
farsamooyin lagu ugaadhsado oo si xoog ah wax<br />
loogu dhaco. Horraantii sannadihii 1990-meeyadii,<br />
Somalia waxay ahayd tusaalaha ugu fiican ee loo<br />
soo qaadan karo marka arrimahani la dersayo.<br />
Faragelintii weyneyd ee UNOSOM ee dhinaca<br />
koonfurtu waxay sii xoojisey qaababkii iyo<br />
farsamooyinkii ay wax ku dhici jireen<br />
qabqablayaasha dagaalku, iyo inay soo baxaan oo<br />
soo bataan nooc cusub oo ganacsato ah. Waxa kale<br />
oo faragelintaasi ka dhashay in Muqdishu ay sii<br />
ahaato meel khilaafyo iyo dagaallo ay weli ka<br />
oogan yihiin. 19<br />
Xaaladani waxay ahayd mid sii socotey ilaa<br />
sannadahaasi dagaallada oo dhan. Warbixin uu soo<br />
saaray Guddiga Qaramada Midoobey ee la-socodka<br />
arrimaha Somalia (Tixraac: Warbixintii bishii March<br />
123
ee 2010) waxa lagu sheegay in ilaa kala-badh cunnadii<br />
gargaarka ee la geeyey Somalia, in loo leexiyey<br />
qandaraaslayaal musuqmaasuq ah iyo kooxaha<br />
Islaamiyiinta ee dagaallamaya. 20 In kasta oo hey’adda<br />
Qaramada Midoobey u qaabilsan cunnada adduunka ee WFP<br />
ay markii hore diiddey oo ay beenisay eedaymahani,<br />
haddana waxay sheegtay inay joojinayso la-macaamilkii<br />
saddexda nin ee qandaraaslayaasha Soomaalida ah ee<br />
lagu dhex magacaabay warbixintaasi.<br />
Dawlad ‘Magac-u-yaal ah’(Virtual Government)<br />
Markii hawlgalladii UNOSOM ay sida buuxda u<br />
fashilmeen, dawladihii ajanebiga ahaa waxay dabbaqeen<br />
oo ay la yimaaddeen tabo iyo xeelado kale oo gebi<br />
ahaan ka duwan habkii hore, waxayna ka doorbideen<br />
inay ka joogaan debadda oo aanay dhex gelin Somalia.<br />
Ka sakow waxoogaa ka mid ah hey’adaha Qaramada<br />
Midoobey iyo hey’adaha aan Dawliga ahayn ee NGO-yada<br />
oo halkaaasi ku hadhay, dalkaasi waxa uu inta badan<br />
noqday mid isaga iyo arrimihiisa loo kala tegey oo<br />
faraha laga qaaday. Dagaalladii halkoodii ayay ka sii<br />
socdeen, waxana halkeedii ka sii jirtey la’aanta amma<br />
maqnaanshaha dawlad dhexe. Waxa kale oo dalkii ka<br />
yaacay intii ka bixi karaysay ee aan ahayn wixii ay<br />
noqotay inay dagaallamaan amma ay u suurtogashay inay<br />
lacag fiican ka helayaan hawlaha xaaladahaasi<br />
nidaamdarrada iyo sharci-la’aanta ah ee ka jirey<br />
dalkaasi.<br />
Waxa dhammaaday cahdigii amma xilligii faragelinta<br />
tooska ah; waxana hadda la soo gaadhay waqtigii la<br />
abaabulayey qabashada shirar dhaadheer oo is-dabajoog<br />
ah oo nabadeed, kuwaasi oo uu caalamku wadey, laguna<br />
qabanayey meelo bed qaba oo ka durugsan Somalia, oo<br />
kala ah Itoobiya, Kiiniya iyo Djibouti. Shirarkaasi<br />
oo ay ka soo qabgelayeen wufuud boqolaal ah oo ka<br />
kala socda qabaa’ilka, dhinacyada siyaasadda, iyo<br />
124
kooxaha markaasi danaynayey Somalia, waxay ahaayeen<br />
qaar jiitama muddo bilo ah amma mararka qaar sannado.<br />
Waxa ku baxay kharash aad u fara badan oo aan la<br />
malayn Karin, oo malaayiin doollar ku kacay ururradii<br />
iyo hey’adihii maalgelinayey ee Jamciyadda Qaruumaha<br />
ka Dhaxaysa, Ururka Midowga Afrika, Ururka Midowga<br />
Yurub, iyo kuwo kaleba. In kasta oo shirarkaasi ay ku<br />
guuldarraysteen inay nabad ka dhaliyaan Somalia,<br />
haddana waxa laga yaaba inay wax ka tareen qaboojinta<br />
amma khafiifinta dareenkii is-canaanashada dalalka<br />
iyo hey’adaha debadda, iyadoo dawladaha ajanebiga<br />
haatan loo arkayey inay isku hawlayaan oo ay ku<br />
dedaalayaan inay ‘wax ka qabtaan’ arrimaha Somalia,<br />
iyaga oo aan ku sugnaan khatar ah faragelin badan oo<br />
toos ah oo dalka dhexdiisa lagu sameeyo.<br />
Shirarkaasi dib-u-heshiisiinta qaran, waxay shaqo<br />
weyn oo muhim ah u noqdeen dad badan oo ka tirsan<br />
wufuuddii Soomaalida, kuwaasi oo qaarkood lagu soo<br />
xulay si khaldan oo sharci-darro ah oo aan wakiilnimo<br />
sax ah ku fadhiyin, ayna iskood iskaga soo xusheen<br />
Jamciyadda Qaruumaha ka dhaxaysa iyo hey’ahada kale.<br />
Waxana lagu dejiyey wufuuddaasi oo loo suurtogeliyey<br />
inay ku jiraan, raashin fiicanna ka cunaan hudheello,<br />
kuwaasi oo kharashkooda cid kale bixinaysay. Waxa<br />
waxaasi oo dhan ka muhiimsanaa oo meesha ku jirtey<br />
iyana, inay hadda joogaan meel debadda ah oo ka fog<br />
khatartii iyo dhiiggii daadanayey ee Somalia. Waxa<br />
kale oo ugu jirey dano gaar ah shirarkan jiitamaya,<br />
ilaa inta suurtogal ah ee ay sii socon karaan.<br />
Dawladda Kiiniya waxa ka muqatey inay khaati iska<br />
taagtey mid ka mid ah shirarkaasi dabada dheeraaday<br />
oo socdey muddo ka badan laba sano, waxayna dawladda<br />
Kiiniya u samaysay wufuuddii ‘xaflad sii-sagootin<br />
ah’, taasi oo ulajeedadeedu ahayd in si reermagaalnimo<br />
amma asduran loogu sheego wufuuddaasi<br />
martida ahayd in la gaadhay waqtigii ay tegi<br />
lahaayeen ee ay ku noqon lahaayeen dhulkoodii.<br />
125
Sabab ka mid ah sababaha shirarkaasi ay ugu<br />
danbeeyeen guuldarrada waxay ahayd in, in kasta oo<br />
afka laga sheegi jirey hab federaal ah, in haddana ay<br />
u muuqdeen inay danaynayaan oo xoogga la saarayo<br />
abuurista nidaam ku dhisan dawlad dhexe oo<br />
saldhigeedu yahay magaalada Muqdishu. Dhawr dawladood<br />
oo ‘ku-meel-gaadh’ ah oo ka soo baxay shirarkaasi<br />
ayaa la sameeyey, laakiin midina ma noqon wax<br />
shaqeeya oo wax-ku-ool ah, oo wax ugu filan Somalia.<br />
Maamulkii uu hoggaaminayey madaxweyne Cabdullaahi<br />
Yuusuf sannadkii 2005-tii, uma suutoobin xataa in uu<br />
tago oo uu dego magaalada Muqdishu, iyada oo ay aad u<br />
weyneyd colaadda iyo cadaawadda loo hayey.<br />
Dawladdiisii waxay markii hore fadhiisin ka dhigatay<br />
magaalada Jowhar oo ilaa sagaashan kiiloomitir<br />
dhinaca waqooyi kaga began Muqdishu. Haddana waxay ku<br />
kalliftay in dawladdii ay u guurto meel kale oo ka<br />
sii fog, oo ah magaalada Baydhabo ee koonfurta, ka<br />
dib markii Cabdullahi Yuusuf ay isku dhaceen ee ay<br />
kala boodeen mid ka mid ahaa qabqablayaashii<br />
waaweynaa ee Jowhar.<br />
In kasta oo maamulladaasi ku-meel-gaadhka ahaa ay<br />
ahaayeen qaar caalamku u aqoonsan yahay inay yihiin<br />
dawladihii sharciga ahaa ee Somalia,, haddana run<br />
ahaantii may ahayn wax ka badan dawlado ‘magac-uyaal’<br />
ah, waayo, waxba faraha kumay hayn oo may<br />
maamuleen. Tusaale ahaan ra’iisal-wasaarihii mid ka<br />
mid ah maamulladaasi, Cumar Cabdirashiid Cali<br />
Sharamaarke, waxa uu sannaddii 2009 aniga ii<br />
qaxiijiyey oo uu ballanqaaday in uu tirtiri doono<br />
budhcad-badeedda, muddo laba sanadood ah gudahood.<br />
Laakiin, iyadoo dawladdiisu aanay wax awod ah ku<br />
yeelan qaybaha Somalia ee budhcad-badeeddu ay ka<br />
hawlgalaan, ballan-qaadkiisaasi waxa uu noqday mid<br />
madhan.<br />
126
Arrimaha kale ee ka sii daran kuwan ee ah wax<br />
khayaal ah oo xaqiiqada ka fog, waxa weeye ragga ku<br />
jira ee deggan hudheellada magaala-madaxda Kiiniya ee<br />
Nairobi, ee sheegtay inay u yihiin ‘madaxweyneyaal’<br />
iskood iyagu isku magacaabay qaybo kala duwan oo ka<br />
mid ah Somalia. Bishii Oktoobar ee 2010, waxan aniga<br />
oo yaabban fadhiistay barxadda hudheelka Andalus ee<br />
ku yaal xaafadda Eastleigh oo Soomaalidu u badan<br />
tahay, halkaasi oo ay kolba igu dhaafayeen oo ay i ag<br />
marmarayeen wufuud ka kala soctey ‘dawladaha’ kala<br />
geddisan ee Soomaalida, iyaga oo mid walba ku taagan<br />
yahay suudh amma lebbis heer sare ah, oo raqabadda<br />
suudhadhkaasi ku soo dhejistey ‘calamada’ qaybaha<br />
amma dhulalka ay kala sheeganayaan. Qaar badan oo ka<br />
tirsan ‘golaha dawladda’ amma wasiirada dawladahaasi<br />
is-magacaabay, waxay ka yimaaddeen Soomaalida qurbajoogta<br />
ah ee deggan dalalka Yurub iyo Maraykanka.<br />
Qaarkood weligood ma tegin dhulalkan ay kala<br />
sheeganayaan inay xukumaan oo ay dawlad u yihiin.<br />
Qaar ka tirsan mudanayaasha baarlamaanka ‘runta’ ah<br />
ee Soomaalida, oo laga sugayey inay ka hawlgalaan<br />
baarlamaanka magaalada Muqdishu, waxay fadhiyaan<br />
magaalada Nairobi oo ay ku qaataan waqti aad uga<br />
badan inta ay joogaan Somalia, halkan Nairobi oo ay<br />
si nabadgelyo ah ugu nool yihiin, halkii ay u<br />
badheedhi lahaayeen inay dhex joogaan xabbadda iyo<br />
hoobiyayaasha maalin walba socda ee dhacaya.<br />
Maamullada Kale (Alternative Authority)<br />
Intii ay jiitamayeen shirarkaasi dib-u-heshiisiintu,<br />
lana dhisayey dawladahaasi is-xigxigey ee ku-meelgaadhka<br />
ahaa, waxa jirey maamullo kale oo soo baxayey<br />
oo ka dhismayey Somalia. Sida aan ku soo qaadi doonno<br />
cutubka 4-aad ee buuggan, gobollada qaar waxay<br />
127
samaysteen maamulladooda goonida ah, kuwaasi oo ay ku<br />
jirto jamhuuriyadda la magac-baxday Somaliland, iyo<br />
gobolka is-maamulka ee Puntland. Qaar kale waxay<br />
samaysteen nidaamyo degaan oo ay ku socodsiiyaan<br />
sharci iyo nidaam, sida ka jirtey qaybo ka tirsan<br />
magaalada Muqdishu iyo degaannada ku hareeraysan,<br />
qaybahaasi oo maxkamado shareeco oo ku kala xidhan<br />
beelo iyo juffooyin kala geddisan ay ilaa heer ka<br />
wadeen nidaam sharci oo wax lagu kala socodsiiyo,<br />
laga soo bilaabo sannadihii 1990-meeyadii. Iyada oo<br />
aanay jirin dawlad dhexe oo shaqaysaa, waxa sii<br />
korodhay awoddii maxkamadaha. Waxayna isku yimaaddeen<br />
sannadkii 2006-dii, si ay samaystaan Midowgii<br />
Maxkamadaha Islaamiga ah. Laakiin waxa kala tuuray oo<br />
xukunkii ka ridey lix bilood oo qudha ka bacdi intii<br />
ay awodda hayeen, Itoobiya oo ku soo qaadday weerar<br />
uu Maraykanku ku taageerayey.<br />
Qaar ka tirsan hoggaamiyayaashii Midowga Maxkamadaha<br />
Islaamiga ah (UIC), waxay u carareen debadda, waxayna<br />
tegeen dalka Eritrea, halkaasi oo iyaga iyo rag kale<br />
oo mucaarad ahaaba ay isku urursadeen, kuna sameeyeen<br />
Isbhaysigii Dib-u-xoraynta Somalia. Kuwii kale, oo ay<br />
ku jiraan miliishiyooyinkii maxkamaduhu, waxay galeen<br />
ayga amma duurka koonfurta Somalia, dhulka kaymaha ah<br />
ee u dhaw xuduudda Kenya, halkaasi oo ay dib isku soo<br />
abaabuleen, kuna soo sameeyeen dhaqdhaqaaqa Islaamiga<br />
ah ee al-Shabaab, magacaasi af-Carabiga macnihiisu<br />
yahay ‘Dhallinyarada’. Ururkani waxa uu noqday mid<br />
aad u fog amma xagjir ah, oo u taagan khatar weyn oo<br />
caalami ah. Siyaabaha qaar marka loo eego,<br />
siyaasadihii uu hoggaaminayey Marakanku ee ku<br />
waajahnaa Maxkamadihii Islaamiga ahaa (UIC) ayaa<br />
abuuray isla wixii loola jeedey in lagaga hortago oo<br />
lagu burburiyo; falalkii siyaasadhaasina waxay kaalin<br />
ka qaateen in uu sii fogaado dhaqdhaqaaqaasi.<br />
Dabayaaqadihii sannadihii 2000, al-Shabaab iyo<br />
miliishiyooyinkii kale ee diiniga ahaa waxay awodeen<br />
128
inay qabsadaan oo ay xukumaan qaybo badan oo ka<br />
tirsan koonfurta iyo badhtamada Somalia, iyadoo<br />
dawladdii uu caalamku aqoonsanaana ay ku kooban tahay<br />
uun degmooyin tiro yar oo ku yaal magaalo-madaxda<br />
Muqdishu. Dagaalyahanno ajanebi ah ayaa ku soo biiray<br />
ololihii dagaalka, dhaqdhaqaaqii al-Shabaabna waxay<br />
bilaabeen inay debadda geeyaan, oo u dhoofiyaan<br />
dagaalkii meelo kale. Bishii July ee 2010, laba qof<br />
oo ka tirsanaa dadka is-miidaamiya ee al-Shabaab ayaa<br />
isku qarxiyey oo ku diley ilaa afar-iyo-toddobaadtan<br />
qof magaalo-madaxda dalka Uganda ee Kampala, dadkaasi<br />
oo daawanayey ciyaarihii kama-danbaysta ahaa ee<br />
kubadda cagta ee adduunka.<br />
Labaatan sano oo ay socdeen dedaalladii caalamiga<br />
ahaa ee la doonayey in xal loogu helo dhibaatooyinka<br />
Somalia, waxay noqdeen qaar aan wax sidaas ah tarin<br />
oo aan ku guulaysan, dhinacyada qaarna waxayba<br />
noqdeen qaar dhibaatooyin waaweyni ka yimaaddaan.<br />
Dalkuna waxa uu noqday mid kolba sii gala dhibaato<br />
kale oo midiba mid kale u sii dhiibta, iyagoo<br />
dagaalladu ay noqdeen wax joogto ah nolosha dadweyne<br />
badan.<br />
Laakiin sawirka amma muuqaalka dalka oo dhammi ma<br />
wada aha sidan. Qaybo ka tirsan dhulka Soomaalida<br />
ayaa ahaa nabad, laakiin waxa abuurmay oo soo baxay<br />
faac aan aqoon wax aan dagaal ahayn, gaar ahaanna<br />
koonfurta iyo badhtamaha Somalia. Marka aan la<br />
sheekaysto dadka ku nool magaalada Muqdishu amma<br />
meelaha kale ee dagaalladu ay aafeeyeen sannado<br />
badan, waxa ugu horreeya ee ay ka hadlaan waa qaylada<br />
rasaasta iyo duqaynta. Laakiin marka aan la<br />
sheekaysto iyagana Soomaalidii ka timid<br />
degaannadaasi, ee socdaalka gaaban ku tegey amma ku<br />
joogey Hargeysa, amma Nairobi amma London, waxa ugu<br />
horreeya ee ay ka hadlaan waa sida ay u fiican tahay<br />
ee ay uga raysteen inay ka soo fogaadeen qayladii<br />
129
asaasta, sawaariikhda amma bambooyinka, iyo<br />
hoobiyayaashii.<br />
Qofka aan ugu yaraan maalin walba la hadlaa<br />
magaalada Muqdishu waa weriyaha BBC-da, Mohamed<br />
Ibrahim Mucallimuu. Ka bacdi marka aannu isa<br />
salaanno, waxa uu ii tiriyaa oo uu ii akhriyaa<br />
dhammaan waxyaabihii maalintaasi dhacay ee jirey.<br />
Sidii caadiga ahayd, waxa uu ii tiriyaa inta qof ee<br />
la diley, inta dhaawacantay, haddii ay ku jiraan<br />
caruur amma dumar uur leh. Waxa uu iiga warramaa<br />
cidda bilawday dagaalka, inuu ahaa daal culus iyo<br />
inta uu leekaa, inta saacadood iyo daqiiqo ee uu<br />
socdey, isaga oo mararka qaar telifoonka igu<br />
maqashiinaya qaylada rasaasta iyo gawda duqaynta. Waa<br />
qof had iyo goor deggan, aan dhac-dhac lahayn,<br />
ixtiraam badan oo macaan oo si fudud loola xidhiidhi<br />
karo. Laakiin maalin ayuu ila soo hadlay oo uu guriga<br />
iga soo wacay, isaga oo codkiisu u muuqdo inuu naxsan<br />
yahay oo uu gariirayo. Halkii uu awal isla markaaba<br />
wax iigu sheegi jirey daqiiqado kooban, waxay ku<br />
qaadatay markan waqti dheer in uu warramo. Waxa uu ka<br />
hadlay sida uu ku soo arkay kooxo dad ah oo khasab<br />
lagaga soo saaray guryahoodii, ayna ka soo saartay<br />
dawladda oo burburisay dhismayaashii guryahaasi, oo<br />
ay ku sheegtay meel ay ku soo dhuuntaan oo ay gabbood<br />
ka dhigtaan al-Shabaab. Waxa uu ii sheegay in uu soo<br />
arkay goysaskii oo la soo tubay, kuna nool meel<br />
bannaan oo cidlo ah, oo aanay ku haysan wax hoy ah.<br />
Halkaasi waxan ku soo arkay, ayuu yidhi, wiil yar.<br />
Waxa uu sidaasi ula yaabay ee uu ka argagixiyey<br />
Mucallimuu waxa uu ahaa wiilkaasi yar oo ul ka<br />
samaystay wax uu qori uu ekeysiiyey, oo uu ku<br />
ciyaarayo. Wax wiilasha yaryari ay sameeyaan adduunka<br />
oo dhan, ayaa sidaa weyn uga yaabiyey Mucallimuu, si<br />
ka badan oo ka daran waxyaabaha ka dhasha dagaallada<br />
maalin walba ka dhacay ee uu ku arko hareerihiisa.<br />
130
Maalintii danbe markii aan shaqada tegey, waxan<br />
helay email iiga yimid Mucallimuu oo sawir la socdo.<br />
Waan furtay, waxanan arkay canuggan yar ee gashan<br />
shaadhka cas oo ku ciyaaraya wax uu qori u<br />
ekeysiiyey, bacaadka dhexdiisa.<br />
3 Wiil ka mid ah dadkii barabaxay magaalada Muqdishu<br />
oo ku ciyaaraya ul uu qori oo kale ka dhiganayo.<br />
Aqoonyahanka Soomaaliyeed ee Said S Samatar, oo<br />
deggan dalka Maraykanka, waxa uu rumaysan yahay in<br />
dagaalladii sannadaha badan socdey ay maskaxdii iyo<br />
dhaqankiiba ka bedeleen dadweyhihii. Qoraal uu<br />
sameeyey sannadkii 2010, waxa uu bixinayaa sawir amma<br />
muuqaal ka dhigan sidii oo dunidii oo dhammi ay<br />
jahawareertay amma waalatay oo kale:<br />
Waxa aan hore loo arag ee hadda ka hor aan inna<br />
soo marini waa dhibaatadani weyn ee cusub ee sida<br />
lama-filaanka ah ugu habsatey, una sii shidday<br />
dagaalladan socda ee ahliga ah ee Somalia, oo<br />
noqoday qarax baahsan oo saameeyey amma taabtay<br />
dhinac kasta iyo meel kasta, oo ah dagaallo aan<br />
131
lahayn ujeeddo iyo ka-jeeddo midna, kuwaasi oo<br />
noqday waalli weyn oo caam yeeshay amma ay ka<br />
siman yihiin dadweynihii, si guudna u baabiiyey<br />
qiyamkii, iyo caadooyinkii iyo xeerarkii soo<br />
jirey ee la yaqaanney, ee lagu xallin jirey<br />
khilaafyada, ee xilliyada adag ee dheeraa la soo<br />
tijaabiyey. Natiijada iyo waxyaabaha ka dhashay<br />
burburka xeerarkaasi dhaqanka ee ay ku macaamili<br />
jireen beeluhuna, waxay u muuqdaan inay yihiin<br />
mujtamcii oo khalkhalay amma si weyn u argagaxay,<br />
una jahawareeray, oo raggii iyo dumarkiiba ay<br />
isku dhaceen, oo si indho-la’aan ah iniba inta<br />
kale gacanta ula tagtay, birtana la iska aslay oo<br />
la isku diley si qaab-darro ah oo aan la isku<br />
aabbo yeelin, rasaasna la mariyey wax kasta oo<br />
dhaqaaqa, si waalli iyo miyir la’aan ah oo ku<br />
xasuusinaysa dhacdooyinka ka hadlaya dhaantada<br />
amma ciyaarta waallida ah ee laga heli karo<br />
bogagga buugga uu qoray Dostoevsky oo kale ....<br />
Inta aan qoraalkani samaynayey gudaheeda oo<br />
qudha, waxa dhici karta in marka la isku<br />
celceliyo tirada dadka maalin kasta lagu dilo<br />
magaalo-madaxda Muqdishu, inay gaadhayso soddon<br />
ilaa afartan qof maalin kasta, iyada oo cidina<br />
aanay garanayn cidda dishey amma sababta loo<br />
diley. Dilka ayaa ah wax kasta! Haddii maanta uu<br />
qof sitta sameecad/makarafoon uu ka soo dego<br />
samada amma cirka, oo uu weydiiyo dadweynaha reer<br />
Muqdishu:’Waar bal maxaad isku dileysaan ee aad<br />
xabadda u rideysaan?’, shaki la’aan jawaabtu<br />
waxay noqonaysaa:’Waa caadi oo noloshiibaa sidaas<br />
noqotay.’ Ma aha wax lala yaabo in dalalka<br />
Afrika, Somalia ay u taagan tahay oo ay uga<br />
dhigan meelaha laga dardaar weriyo ee ay tahay in<br />
laga digtoonaado amma la iska ilaaliyo oo aan la<br />
tegi Karin. 21<br />
132
Dhinacyo badan marka laga eego, tusaalaha Somalia<br />
waxa kale oo uu u taagnaan karayaa waxyaabaha loo<br />
baahnayahay in laga digtoonaado ee ay tahay ‘in aan<br />
la samayn’, marka laga hadlayo siyaasadaha debadda<br />
amma faragelinta banii’aaminnimo. Dulmarka kooban ee<br />
aan ku soo samaynnay taariikhda dalkaasi, waxay<br />
muujisay sida dhibaatooyinkaasi ay u dhaceen ee kolba<br />
ay iskaga soo daba nqonqonayeen ilaa iyo xilliyadii<br />
guumeysiga, iyo sida dedaalladii badnaa ee la isku<br />
deyayey in waxa laga qabto dhibaatooyinkaasi ay u<br />
gelayeen kolba isla khaladaadkii oo soo noqnoqda, oo<br />
la galo marba marka ka danbaysa, tobannaankaas<br />
sannadood oo dhan.<br />
Waxayaabihii ay arkeen ee ay talooyinka ka dhiibteen<br />
mas’uuliyiintii hore ee Ingiriiska xilliyadii<br />
isticmaarka, waa qaar ilaa maantadani taagan oo waxku-ool<br />
ah, oo leh isla ahmiyaddii waqtigaasi ay<br />
lahaayeen oo kale, horraantii qarnigii labaatanaad.<br />
Dabcan wejiyadii iyo qaabakii dhibaatooyinkaasi ay<br />
lahaayeen waqtigaasi waa qaar imika isbedeley oo<br />
siyaabo kale u jira, xilliyadii kala geddisnaa ee<br />
kala danbeeyey taariikhda Somalia. Laakiin waxa weli<br />
jira waxyaabo aasaasi ah oo ay ka siman yihiin amma<br />
iskaga wada mid yihiin, kuwaasi oo ay tahay in aan la<br />
iska idha-tirin amma aan la yaraysan.<br />
Dedaalladii debadda iyo gudaha ee ku saabsanaa sidii<br />
nabad looga dhalin lahaa Somalia, ee wax loogu qaban<br />
lahaa dadweynaha baahan, dedaalladaasi waxa ay<br />
noqdeen qaar iyaga laftoodii ay mar walba dhibaato ka<br />
ka soo noqoto. Ka sakow guudarrooyinkaasi<br />
fashilaadda, dhinacyadii iyo dadkii isku deyayey<br />
dadaalladaasi xal-raadiska ahaa, waxay u muuqdeen<br />
inay ku xayirmeen oo ay galeen dabin ah dhibaatooyin<br />
aan dhinacna looga bixi karayn oo soo noqnoqonaya, oo<br />
ah qabashada ‘shirar nabadeed’, iyo samaynta<br />
‘maamullo amma dawlado ku-meel-gaadh ah’.<br />
133
Dad aad u fara badan ayaa iska indhatiray xaqiiqada<br />
ah in sanadihii badnaa ee aanay jirin dawlad<br />
shaqaysaa, in haddana la helay waayo-aragnnimo xiiso<br />
leh oo lagu guulaystay, laguna kasbaday nabadda iyo<br />
deganaashaha ka jirey meelo gudaha ah, kuwaasi oo ka<br />
yimid la-qabsashada dadku ay la qabsadeen sida loo<br />
noolaado ee la isku maamulo, marka iyo meesha aan<br />
dawladi ka jirin. Tusaalooyinkanna waa qaar noqonaya<br />
casharro faa’iido leh oo la adeegsado, dhalinayana<br />
fikrado cusub, siyaabaha wax looga qaban karo<br />
dhibaatooyinka ka taagan qaybaha kale ee Somalia, iyo<br />
xattaa qaybaha kale ee dunida.<br />
Sannadihii badnaa ee deganaansho la’aanta iyo dawlad<br />
la’aantu, waxa kale oo ay keeneen inay dhashaan kooxo<br />
dagaal oo badan oo kala nooc ah, oo kuwoodii ugu<br />
danbeeyey ay yihiin asal ahaan Islaamiyiin. Cutubka<br />
soo socda ayaa eegi doona oo dersi doona sida<br />
kooxahaasi dagaalka ee Islaamiyiinta ah ee Somalia ay<br />
u soo ifbaxeen, una soo taddawureen. Cutubyadaasi<br />
waxay muujin doonaan in aanu ururka al-Shabaab ee ku<br />
xidhan al-Qaacida, iyo ururrada kale ee dagaalka ee<br />
Islaamiyiintu, in aanay ahayn wax mar qudha uun<br />
abuurmay, amma soo baxay oo ka dhashay meel aan loo<br />
fadhiyin oo aan la iska filayn, laakiin ay yihiin wax<br />
leh taariikh iyo asal dib loo raaci karo faacyo<br />
badan, amma tobannaan sano.<br />
134
CUTUBKA 3aad: XARAKADA ISLAAMIYADDA (ISLAMISM)<br />
Somalia 2011-kii: Waqooyi-Galbeed arrimahooda gooni<br />
ayay u wateen, oo ay u maamulanayeen jamhuuriyadda la<br />
magac-baxday Somaliland oo ah mid hirgashay, marka<br />
loo eego qaybaha kale, labaatankii sano ee la soo<br />
dhaafay. Qaybaha kale ee waqooyiga Somalia, si buuxda<br />
ugamay wada goosan xidhiidhkii Somalia inteeda kale,<br />
laakiin waxay samaysteen maamulladooda goonida ah oo<br />
u shaqeeya si dhinac ahaan madaxbannaan oo kale.<br />
Qaybo ka tirsan magaalo-madaxda Muqdishu, waxa<br />
maamula dawladda ku-meel-gaadhka ah oo jiritaankeedu<br />
ku tiirsan yahay taageerada ciidamada Midowga Afrika<br />
ee ka kala socda dalalka Uganda iyo Burundi; qaybo<br />
badan oo kale oo ka mid ah badhtamaha iyo koonfurta<br />
Somalia, waxa ka taliya miliishiyooyinka al-Shabaab<br />
oo qirta inay taabacsan yihiin amma daacad u yihiin<br />
ururka al-Qaacida, kuna soo rogey sharciyo iyo<br />
xukunno aad u qallafsan qaybahaasi ay maamulaan,<br />
sharciyadaasi oo ku khasbay dadweynaha inay wax weyn<br />
ka bedelaan qaabkii caadiga ahaa ee ay u dhaqmi<br />
jireen noloshooda. Dumarka waxa lagu soo rogey inay<br />
xidhaan dhar adag oo culus, iyo xijaab wejigooda<br />
qarinaya; ragguna inay madaxa iska xiiraan oo ay<br />
timaha iskaga jaraan quruurado la jejebey haddii<br />
timahoodu ay dheeraadaan (eeg warbixinta ururka<br />
xuquuqda banii’aadamka ee Human Rights Watch ee<br />
bishii April 2010). 1 Telifoonnada moobiilka ahna waa<br />
laga jejebiyaa haddii ay ciyaaraan amma garaacaan<br />
dhawaaqyo muusiko ah, kuwa lagu eedeeyo gogol-dhaafna<br />
waa la arjumaa, iyada oo dhagax lagu dilo laguna<br />
aasso ciid, oo lagu soo kiciyo dadweynaha.<br />
Degaannada ay xukumaan ururka al-Sahabaab ma aha<br />
qaar midaysan oo wada hoos yimaad maamul keliya oo<br />
dhexe oo Islaami ah oo adag. Magaalo iyo tuulo kasta,<br />
sida loo maamulo ee loo dhaqo ayaa kala duwan,<br />
waxayna ku xidhan tahay hadba kooxda xagjirka ah ee<br />
135
waqtigaasi ka talisa goobtaas. Ninkan, oo aan isagu<br />
rabin in halkan lagu xuso magaciisa, waxa uu ka<br />
hadlay xaaladda xukunka al-Shabaab ee magaalada<br />
Jowhar oo ilaa sagaashan kiiloomitir dhinaca waqooyi<br />
ka xighta Muqdishu. Waxanu yidhi:<br />
Waxa ugu horreeya, ugu weyn ee aan rabo in aan<br />
ka Sheego xaaladda nololeed ee Jowhar waa nabad<br />
ka jirto magaalada. Ma leh budhcad amma mooryaan<br />
wax dhaca, waayo waxa gacmaha ka jaraysa al-<br />
Shabaab, amma wax taas ka xun ayaa lagu<br />
samaynayaa haddii la qabto. Runtiina cabsida laga<br />
qabo ciqaabta noocan ah, waa shaqaysay.<br />
Xaaladda nabadgelyo ee fiicnaatay, macnaheedu<br />
waxa weeye in dadku ay si xor ah u socon karaan<br />
magaalada Jowhar; waxay aadi karaan meel kasta oo<br />
ay rabaan, xataa habeen-badhka. Taasi waa wax aan<br />
ka jirin oo aan suutogal ahayn qaybaha kale ee<br />
gobollada dhexe iyo kuwa koonfurta Somalia ee<br />
aanay maamulin miliishiyooyinka al-Shabaab.<br />
Xornnimada qudha ee aannu haysannaa waa in aannu<br />
socsocon karno. Laakiin ma jirto xorriyatul-qawl<br />
oo ma hadli karno. Dadku ma sheegi karaan waxa ay<br />
doonayaan, xaqiiqo ahaanna kama caban karaan al-<br />
Shabaab, waayo meel kasta waxa u jooga basaasiin.<br />
Haddii uu qof wax ka sheego, waxa hubaal ah in<br />
qofkaas, rag iyo dumar mid kasta, in loo soo<br />
dirayo telifoon hanjabaad ah, oo al-Shabaab ay u<br />
soo dirayso. Waxa dhacda in dagka la dilo, haddii<br />
lagu soo eedeeyo inay wax u basaasaan dawladda<br />
ku-meel-gaadhka ah, Itoobiyaanka amma Maraykanka.<br />
Magaaladan, dadka maskaxda ayaa ayaa si ahaan<br />
looga haystaa oo laga kontoroolaa.<br />
Ma jirto wax madadaalo ah oo lagu haysto oo ka<br />
sii jirta magaalada. Waxay u muuqataa in al-<br />
Shabaab aanay rabin in aannu helno wax aanu isku<br />
maaweelinno amma ku istareexno. La nooma ogola<br />
136
wax muusig ah in aannu daarno, waxana naga<br />
mamnuuca in aannu daawanno filimada oo aannu<br />
tagno meelaha lagu daawado fiidiyayaasha oo ah<br />
waxyaabaha ugu waaweyn ee aannu isku maaweelin<br />
jirney. Waxa la noo ogol yahay telifishannada<br />
qaar ee Islaamiga ah in aanu ku daawan karno<br />
guryahayaga, laakiin taasi waa takroorid iyo<br />
cidlo gooni-gooni ah.<br />
Waxyaabaha dhallinyarada reer-Jowhar ay jeclaan<br />
jireen waxa ka mid ah inay caado u lahaayeen inay<br />
aadaan qolalka amma goobaha dadweynaha u furan ee<br />
lagu soo bandhigo fiidiyayaasha iyo filimada, si<br />
ay u soo daawadaan ciyaaraha kubadda cagta. In<br />
badan, imika waabay iska dhaafeen guud ahaan<br />
xiisihii ay u hayn jireen ciyaaraha, waayo wax<br />
macno iyo xiiso ah ma leh in ciyaarahaasi kubadda<br />
cagta lagu dhex daawada guryaha dhexdooda oo<br />
qudha.<br />
Tuulooyinka gobolkayagan, waxa dhex mari jirey<br />
tartan kubadda cagta ah. Waxay ahayd wax xamaasad<br />
iyo xiiso badan in la daawado ciyaarahaasi.<br />
Laakiin imika, ma jiraan oo waa la manuucay<br />
tartannadii, in kasta oo wiilasha loo ogol yahay<br />
inay sameeyaan ciyaaro aan rasmi ahayn oo<br />
kubbadeed. Al-Shabaab waxay dadka ku dhiirrigelisaa<br />
inay ku tartamaan ganidda leebka amma<br />
fallaadha iyo qaansada. Waxan u malaynayaa in<br />
ujeedada tani ay ka leeyihiin ay tahay inay ku<br />
tababaraan dhallinayra sidii ay u yeelan<br />
lahaayeen shiish heer sare, una noqon lahaayeen<br />
dagaalyahanno fiican.<br />
Weli waxa ka sii jira Jowhar dugsiyo, laakiin<br />
xaaladdoodu aad ayay u adag tahay oo dhibaato ka<br />
jirtaa. Waxa la kala saaraa wiilasha iyo<br />
gabdhaha, al-Shabaabna inta ay dugsiyada tagaan<br />
ayaa waxay ka jeediyaan wacyi diini ah iyo<br />
137
hanuunin. Toddobaad kasta, mar amma laba jeer<br />
ayay aadaan dugsiyada oo ay ardayda yaryar la<br />
hadlaan, ugana sheekeeyaan ahmiyadda jihaadka.<br />
Arrintani waxay khilaaf iyo isku-dhac ka dhex<br />
abuurtay dadka kala da’da ah, sababta oo ah<br />
caruurtu waxay dugsiyada ka yimaaddaan iyaga oo<br />
jibbaysan oo ku dhawaaqaya sida ay ula dhacsan<br />
yihiin ee ay u fiican tahay in la galo dagaalka<br />
jihaadka. Waxay la murmaan waalidkkooda oo ay<br />
diidaan inay dhageystaan amma maqlaan waanada<br />
waalidka ee ah dagaalku inuu yahay wax xun.<br />
Al-Shabaab waxay ku soo rogtay Jowhar nidaam<br />
cusub. Dumarka looma ogola inay guryaha ka baxaan<br />
oo ay bannaanka aadaan haddii aanay is dedin oo<br />
aanay wejigooda qarin. Waa inay xidhaan dhar<br />
shuko amma xijaab ah oo ka weyn oo culus. Mararka<br />
qaar waxad arkaysaa indhahooda oo si dirqi ah oo<br />
dedeg ah ay wax yar kugu soo eegayaan, mararka<br />
kalena haba yaraatee waxba kama arkaysid. Mana<br />
aha suurtogal in aad kala garato in qofkaas<br />
dumarka ahi ay tahay qof yar, qof da’-dhexaad ah,<br />
amma qof weyn. Xattaa dumarkii reer miyiga ahaa<br />
waa inay xidhaan dharkan dhibta ah ee noocan ah<br />
marka ay imanayaan magaalada iyo tuulooyinka<br />
hareeraha ee ay keenyaan caano ay iibiyaan.<br />
Sidoo kale, raggu ma badbaadin. Kooxan xagjirka<br />
ah, waxay nagu amraan in aannu la baxno gadh<br />
dheer, waxana naga mamnuuc ah in aannu xidhanno<br />
saraawiil dhaadheer. Waa in ilaa kuraanta amma<br />
kubka hoostiisu na muqataa oo aan la dedin.<br />
Waa sahal in aad dadka ka garato oo aad soo<br />
soocdo dagaalyahannada ka tirsan al-Shabaab,<br />
Jowhar dhexdeeda. Waxay u lebbistaan sida Taliban<br />
oo kale. Waxay xidhaan lebbiska dhaadheer ee loo<br />
yaqaan Shalwaar-ka oo ka kooban qamiis dheer iyo<br />
surwaal hoos ka soo gaaban, oo isku midab ah.<br />
138
Dusha waxay ka xidhaan dharka milateriga,<br />
madaxana waxay had iyo jeer ku duubtaan<br />
cimaamadaha Falastiiniyiinta oo kale. Qaarkood<br />
waxay sittaan calanka madow ee al-Shabaab.<br />
Al-Shabaab si weyn uma joogto Jowhar, waayo<br />
taageerayaasha intooda badani waxay jiraan meelo<br />
kale oo ay ka soo dagaallamayaan oo dalka ka mid<br />
ah. Magaalada waxa ilaaliya afartan ilaa konton<br />
ka mid ah ciidamada al-Shabaab, laakiin intaasi<br />
ku filan, waayo waxay leeyihiin basaasiin fara<br />
badan oo la shaqeeya. (Qof ku nool magaalada<br />
Jowhar, March 2011).<br />
Bilawgii (Origins)<br />
In badan ayay ku noqotay wax lama-filaan ah waxa loo<br />
arkay ee loo muujiyey soo-ifbixitaan degdeg ah oo<br />
Islaami dagaal-ooge ah, oo ka dhashay Somalia, iyo<br />
furin horle amma aag cusub oo al-Qaacida ah oo ka<br />
furmay halkaasi. In kasta oo kooxaha mitidka ah ee<br />
Islaamiyiintu ay haatan yeesheen saamayn weyn oo aan<br />
hore loo arag, gaar ahaan marka la eego baaxadda<br />
dhulka ballaadhan ee ay ka haystaan dalka, haddana<br />
nidaamka Islaamiga ah ee loo adeegsado ujeeddooyin<br />
siyaasaddu, oo ay ku jirto in lagu baaqo in la qaado<br />
dagaal jihaad ah si loo gaadho ujeeddooyinkaasi, ma<br />
aha wax ku cusub Somalia. Waa arrin dib ugu noqonaysa<br />
oo loo abtirin karo in ka badan ilaa boqol sano ka<br />
hor. Waxana jira sababo macquul ah oo mucayan ah,<br />
sababaha haatan ay u soo if-baxday arrintani.<br />
Taariikhdu waa wax soo noq-noqonaysaa mar kasta iyo<br />
marba marka ka danbaysa. Kooxaha Islaamiyiintuna waa<br />
qaar marna dhasha oo soo if-baxa, marna burbura oo<br />
meesha ka baxa. Waxana isbedelayaa magacyadooda,<br />
laakiin isla noocii dadka iyo fikradihii, amma isla<br />
mabaadi’dii ayaa mar walba soo if-baxa.<br />
139
In kasta oo aanay ahayn wax sinaba aan looga hortegi<br />
karayn in sanadkii 2011, in qaybo badan oo ka tirsan<br />
Somalia ay qabsadaan oo ay hoos yimaaddaan<br />
miliishiyooyinka xagjirka ah ee al-Sahabaab, haddana<br />
soo-ifbixitaankii al Shabaab ma ahayn mid meel madhan<br />
oo lama-filaan ah ka yimid amma ka dhashay. Laakiin<br />
waxa isweydiin leh sababaha kooxdani ay ugu<br />
guulaysatey inay qabsato dhulalka sidaasi u<br />
ballaadhan, uguna soo rogtey dadweynaha afkaartii ay<br />
iyagu watteen, iyada oo kooxaha kale ee Islaamiyiinta<br />
ah ee ka jiri jirey halkaasi ay ku guulaysan waayeen<br />
hadda ka hor in ay taasi oo kale sameeyaan? Ma waxa<br />
weeye sababtu in Somalia aanay sannado badan ka jirin<br />
dawlad dhexe? Mise waa in al-Qaacida ay noqotay wax<br />
amma urur caalami ah, mar kastana ku jirta Internetka,<br />
oo meelo badan oo adduunka ah oo kala geddisan ku<br />
faafinaysa kicin iyo Islaamnimo Xagjir ah oo dagaalooge<br />
ah, isla markaasina si degdeg ah u wada<br />
xidhiidhinaysa xubnaha qurbajoogta ee madluunka ah ee<br />
la takrooray, iyo taageerayaasha jihaadka ee gudaha<br />
amma dhulkii hooyo?<br />
Inta aynaan dib u raacin taariikhda soo-ifbixitaanka<br />
iyo taddawurka kooxaha Islaamiyiinta ah ee Somalia,<br />
waxa muhim ah in la xuso oo la ogaado in Soomaalida<br />
badankoodu, in kasta oo ay wada yihiin Muslim, in<br />
haddana aanay ku dhaqmin amma taageerin Islaamnimada<br />
xagjirka ee mitidka ah. Waxay leeyihiin qaababkooda<br />
iyo hababkooda u goonida ah ee ugu dhaqmaan diinta,<br />
sida ay u leeyihiin oo kale qaabab ay u maareeyaan<br />
dhinacyo badan oo ka mid ah noloshooda. Qarniyo badan<br />
ayay soo ahaayeen dad Muslim ah, waxayna guud ahaan<br />
ku soo dhaqmayeen oo ay ahaayeen Sunniyiin, qaybtaasi<br />
Islaamka oo ah qayb qunyar-socod ah oo leh dulqaad<br />
sugan, una leh dulqaadkaasi iyo ixtiraam mad-habaha<br />
iyo dariiqooyinka kale ee kala geddisan ee diiniga ah<br />
ee la kala haysto.<br />
140
4 Ciidammada al-Shabaab ee jooga Muqdishu (Mohamed<br />
Moalimuu)<br />
Soomaalidu waxay dhaqaan ahaan caado u leeyihiin<br />
inay weyneeyaan oo ay ka haybeystaan mashaayikhda iyo<br />
weliyada dariiqada Suufiyadda, waxayna kala taabacaan<br />
oo ay ku kala jiraan saddex farac amma jameeco oo<br />
dariiqadaas Suufiyadda ka wada tirsan, kalana ah<br />
Qaadiriya, Axmadiya, iyo Saalixiya. Sida uu ku<br />
doodayo caalimka Ioan Lewis (buuggiisa Saints and<br />
Somalis: Popular Islam in a Clan-based Society),<br />
Soomaalidu waxay sii xoojiyeen qaybaha Islaamka ee<br />
iyaga ku bannaan amma ku habboon dhaqankood. Waxana<br />
ka mid ah qoraalkiisa: ‘Dariiqada Suufiyadda – marka<br />
la barbar dhigo Shareecada – ayaa noqonaysa marka loo<br />
eego mabaadi’deeda asalka ah amma asaasiga ahi, tan<br />
ku bannaan ee ku habboon mujtamaca Soomaalida:<br />
Mabaadi’daasi ayaa ah kuwa sida weyn loo dabbaqay ee<br />
141
loo qaatay, looguna dhaqmay, iyada oo waxyaabaha<br />
xukunka Shareecadu ay farayso inta badan aan la<br />
tixgelin oo aanay ahayn qaar lagu dabbiqi karo oo<br />
lagu socodsiin karo mujtamac ka kooban qabaa’il.’ 2<br />
Hasse ahaatee arrimahaasi waxay sabab hordhac ah iyo<br />
tixraac u noqdeen hab-siyaasadeedka Islaamiga ah ee<br />
dagaal-oogaha ah, amma ujeedooyinkiisa u adeegsada<br />
dagaal, ee Somalia. Mid ka mid ah tusaalihii ugu<br />
horreeyey, uguna caansanaa waa dagaalkii Jihaadka ee<br />
Sayyid Mohamed Abdulle Hassan uu kaga horjeedey<br />
xoogaggii isticmaarka, horraantii qarnigii<br />
labaatanaad. In kasta oo hawlgalladiisii jihaadku ay<br />
aakhirkii fashilmeen oo aanay guulaysan, haddana<br />
gabayadii Sayyidka iyo afkaartiisii waxay noqdeen<br />
kuwa sii jira oo yidiilo ku abuura Soomaalida,<br />
sababta oo qayb ahaan ah isku-milanka amma isku-darka<br />
diinta iyo wadaniyadda oo daruuri noqday, iskuna<br />
xidhmay. Jihaadkii Sayyidku waxa uu noqday tusaale<br />
ay ku daydaan dhaqdhaqaaqyada kale ee diiniga ah ee<br />
Soomaalida ee dagaal-doonka ahi, kuwaasi oo qaarkood<br />
ay lahaayeen qorshe amma ujeeddo la mid ah kuwii<br />
Sayyidka oo ah: in dalka laga saaro faragelinta<br />
debadeed iyo in la abuuro ‘Soomaali-Weyn’.<br />
Hogaamiyaha awodda weyn ee Islaamiga ah, Shiikh<br />
Hassan Dahir Aweys, oo kaalin weyn ka soo qaatay<br />
kooxaha diiniga ah ee dagaal-oogayaasha ah ee<br />
Soomaalida ilaa sannadihii 1990-yadii, siyaabo badan<br />
ayay warbaahinta reer-Galbeedku ugala mid dhigtay oo<br />
ay ugu ekeysiisay ‘Wadaadkii Waalnaa’ amma ‘Mad<br />
Mulla-hii’ maanta ee waqtigan, isaga oo la baxay gadh<br />
cas oo uu si weyn u xinneeyo, jeediyana khudbado<br />
siyaasad iyo diini ah oo xamaasad iyo kicin badan.<br />
Islaamku kaalin weyn ayuu ka soo qaatay wacyiga iyo<br />
baraarugga siyaasadeed ee dadweynaha, ilaa laga soo<br />
gaadhayey sannadihii xornimada ee 1960-kii iyo intii<br />
ka danbaysayba. Caqiidadda Islaamku waxay ahayd in<br />
142
adan wax soo-jireen ah oo kaalin muhiim ah ku leh<br />
haybta Soomaalinnimada, siyaabo badanna lama-huraan<br />
ay u noqotay inay qayb ka qaadato abuuritaanka<br />
qarankii cusbaa ee dawliga ahaa ee Soomaalida ee<br />
madaxbannaanaaday oo casri ah. Tani waxay ahayd xilli<br />
xiiso leh oo la soo gudboonaaday Afrika, oo<br />
dadweynuhu ay kaga xoroobayaan waqtigii iyo<br />
taariikdii guumaysiga, isla markaasina ay dhaadayaan<br />
oo ay isku deyayaan inay helaan afkaar cusub oo<br />
siyaasadeed, kuwa diimeed, iyo kuwa khusaynaya<br />
dhinacyada kale ee noloshooda. Soomaalidu waxay ka<br />
dhaadatey oo ay ka qaadatay dalalka Carabta ee u dhaw<br />
aragtida iyo afkaarta cusub ee la xidhiidha habsiyaasadeedka<br />
Islaamiga ah. Qaar badan ayaa wax ku<br />
soo bartay dalalka Carabta, kuwaasi oo ay saameeyeen,<br />
soona jiiteen kooxaha iyo ururrada ay ka midka yihiin<br />
Ikhwaanu-Muslimiinka Masar.<br />
Inqilaabkii Siyaad Barre ee 1969-kii iyo soorogitaanka<br />
habkii ‘Hantiwadaagga Cilmiga ah’ ee<br />
xigey, waxay burburiyeen wax badan oo ka mid ah<br />
firfircoonidii iyo dhaqankii ahaa in si madaxbannaan<br />
loo fikro sannadihii gobannimada ka bacdi. Diinta<br />
lafteedu kama badbaadin oo kama reebbanayn<br />
cadaadiskan. Xilliga ugu xumaa ee ugu xasaasisanaana<br />
waxa uu ahaa sannadkii 1975-kii, markii qaar ka<br />
tirsan madaxda culumaa-u-diinku ay ka hadleen ee ay<br />
si weyn uga horjeesteen soo-rogitaankii xeer cusub oo<br />
ahaa xeerka qoyska oo khilaaf iyo muran badan keenay,<br />
xeerkaasi oo waxyaabah badan ee ku jira ay ka mid<br />
ahayd xuquuq dheeraad ah oo la siinayo dumarka.<br />
Dawladdu waxay cambaarayntaasi loo soo jeediyey kaga<br />
jawaabtay iyada oo dishey toban wadaad oo ka mid ah<br />
culumadii ugu af-dheeraa, isla markaasina la<br />
xidhxidhay daraasiin kale.<br />
Dilkaasi lagula kacay culumadu, waxa uu keenay in<br />
qaar badani oo ka mid ahaa kooxihii diintu inay kala<br />
dhuuntaan oo ay si qarsoodi ah u hawlgalaan, qaar<br />
143
kalena ay dalka iskaga baxaan oo ay debadda u<br />
yaacaan. Markaasi ayay diintu noqotay xoog iyo qaab<br />
wax-iska-caabbineed oo lagaga horjeesto Siyaad Barre.<br />
Waxa la-yaab leh oo lama-filaan ah in firadihii iyo<br />
mabaadi’dii ururrada diiniga ah ee debadda ka<br />
samaymay qaarkood ay si weyn oo soke ugu<br />
dhadhawaayeen oo ay u ekaayeen mabaadi’dii uu<br />
aaminsanaa ee xuddunta u ahaa noocii hantiwadaagga ee<br />
Siyaad Barre. Sida ku qoran warbixin uu soo saaray<br />
machadka dalka Noway ee NIBR (Norwegian Institute for<br />
Urban and Regional Research), waxa warbixintaasi ay<br />
tilmaamaysaa sida ururka al-Islaax ee Soomaalidu,<br />
kooxdaasi oo dalka Saudi Arabia ka soo aasaasantay<br />
sannadkii 1978, sida ‘ay si toos ah u quudhsadeen<br />
siyaasadda salka ku haysa habka beelnimada, si weynna<br />
ay u wadeen in Islaamka iyoislaamnimadu ay ka<br />
sarreeyaan beelaha iyo beelnimada’. 3<br />
Dhicitaankii Siyaad Barre ka bacdi, iyo burburkii<br />
dawladnimadii Somalia ee ku xigtey, waxa soo if-baxay<br />
oo dalkii ku faafay kooxo diini ah. Guddida la-<br />
Socodka Xiisadaha Caalmiga ah ee ICG waxay ka hadleen<br />
(eeg warbixinta ay kaga hadleen Islaamiyiinta Somalia<br />
ee 2005) soo if-bixitaanka ururadaasi: ‘waxa mar<br />
qudha si lama-filaan ah oo jahawareer ah u soo baxay<br />
ururro abaabulan oo diimeed, oo mid walba iska<br />
dhigayo in uu u taagan yahay dariiqo amma mabaadi’<br />
mucayan ah oo gaar ah. Waxa ay ka midaysan yihiin ee<br />
u dhexeeyaana uu yahay inay doonayaan in Somalia lagu<br />
soo rogo xukun Islaami ah oo ‘dhab ah’ oo aan la<br />
badhxin.<br />
Hasse ahaatee inta badan kooxahii awodda lahaa ee<br />
sanadihii 1990-yadii, badankoodu waxay ahaayeen kuwa<br />
ku dhisan qabaa’il amma beel-beel. Waa waqtigii<br />
nidaamyada qabqablayaasha dagaalku ay ka jireen<br />
Somalia. Waxayna noqotay in diinta iyo kooxaha<br />
diiniga ahi inay markooda sugaan, inta wax<br />
144
isbedelayaan. Umana suurtogelin ilaa laga soo<br />
gaadhayey qarnigii koobiyo-labaatanaad in kooxaha<br />
diiniga ahi ay awodaan inay kaalin sare ku lahaadaan<br />
khilaafaadka iyo dagaallada dalka. Waxaba laga yaaba<br />
inay sugayeen ilaa intii uu dhacayey weerarkii 9/11<br />
iyo intii al-Qaacida ay soo baxaysey ee ay noqonaysay<br />
dhaqdhaqaaq caalami ah oo lagu daydo, iyo weliba<br />
xagga horumarka adeegyada Internet-ka, telifoonnada<br />
moobiilka, iyo qalabyada kale ee isgaadhsiinta ee<br />
casriga ah, kuwaasi oo dhiirigelin karaa, damacna<br />
gelin kara, isla markaasina xidhiidhin kara dadka<br />
jihad-doonka ah.<br />
Ururka Al-Itixaad (Al-Itihaad)<br />
Kooxda ugu xoogga weyneyd kooxaha diiniga ah ee ka<br />
soo baxay Somalia sannadihii 1990-yadii waxay ahayd<br />
al-Itixaad al-Islaamiya. Waxay ka abuurantay dhawr<br />
urur-goboleed oo isku darsamay oo dhammaan taabacsan<br />
mad-habta Wahaabiga ee lagaga dhaqmo dalka Sucuudiga,<br />
oo aad u adag, aadna uga duwan dariiqooyinka waaweyn<br />
ee diiniga ah ee Soomaalidu ku dhaqanto. Ururkii al-<br />
Itixaad waxa uu baaba’ay markii la gaadhay<br />
badhtamihii 2000, laakiin siyaabo badan waxa uu u<br />
noqday gogoldhig horseeday dhalashada ururka al-<br />
Shabaab iyo kooxaha kale ee xagjirka ah, oo uu ku<br />
jirey isna ururkii Xisbul Islaam ee la jebiyey<br />
sannadkii 2011, aanu ka adkaaday ururka al-Shabaab,<br />
kuna biiray oo lagu daray al-Shabaab.<br />
Qaar ka tirsan xubnihii al-Itixaad waxay ka mid<br />
noqdeen hoggaamiyayaasha waaweyn ee Midowgii<br />
Maxkamadaha Islaamiga ah, ururka al-Shabaab iyo kooxo<br />
kale. Waxa ku jira dadkaasi Ahmed Abdi Godane, oo loo<br />
yaqaan Abu Zubeyr, oo waqtigii lagu jirey qoraalka<br />
buuggani, guud ahaan loo arkayey amma loo aqoonsanaa<br />
in uu yahay hoggaamiyaha al-Shabaab. Waxa kale oo ka<br />
mid ahaa xubin kale oo muhim ka ah ururka dhexdiisa<br />
145
oo ahaa Hassan Turki. Hoggaamiyihii hore ee al-<br />
Itixaad, Shiikh Hassan Dahir Aweys, ayaa isna sii<br />
ahaa xubin muhim ah oo ka tirsan dhaqdhaqaaqa<br />
Islaamiga ah ee Soomaalida, iyo weliba si ahaan<br />
hoggaamiyaha ruuxiga ah. Kaalintiisu waxay dhinacyada<br />
qaar u eg tahay oo la mid tahay tan Dr Hassan al-<br />
Turaabi ee Sudan oo ahaa maskaxdii ruuxiga ahayd ee<br />
ka danbaysay aragtida dawladda ee ‘Kacaanka Islaamiga<br />
ah ee Joogtada ah’.<br />
Dhinacyo badan marka laga eego, al-Shabaab waxay<br />
noqonaysaa uun ururkii al-Itixaad oo halkii laga sii<br />
ambaqaaday amma laga sii wadey, marka loo eego<br />
afkaarta iyo aragtida ay taabacsan yihiin ee ay<br />
wattaan: labada kooxoodba waxay aaminsan yihiin in<br />
aanay diintu ka reebanayn siyaasadda oo aan la kala<br />
sooci Karin, waxa kale oo ay ka siman yihiin<br />
quudhsiga iyo dhaleecaynta dariiqada Suufiyadda ee<br />
Somalia oo ay u arkaan mid aan ku bannaanayn<br />
Islaamka. Sida weyn ee al-Shabaab ay uga soo<br />
horjeeddo dhaqanka Suufiyadda, waxa muujinaya ilaa<br />
heerka ay socdeen ee ay ku buriyeen weyneyntii iyo<br />
heybaddii culimada waaweyn ee suufiyadda, kuna<br />
burburiyeen dhawr ka tirsan qabuurihi culimadaasi,<br />
iyo maqaamyadii musheekhda waaweyn.<br />
Al-Itixaad waxay bilawgii ka samaysay meel u dhaw<br />
magaalada Boosaaso ee waqooyi-bari ‘imaarad’ Islaami<br />
ah, oo ay ka dhigteen saldhig ay ku tababaraan ilaa<br />
kun qof oo dagaallama. Laakiin waa laga saaray<br />
gobolkaasi, sannaddii 1992-kiina waxay saldhig ka<br />
samaysteen magaalada Luuq oo ku taal gobolka Gedo ee<br />
koonfurta Somalia, una dhaw xuduudda Itoobiya. Kooxo<br />
ka tirsan miliishada al-Itixaad ayaa ka gudbi jirey<br />
xadka, una tallaabi jirey dhinaca bari ee Itoobiya,<br />
halkaasi oo ay ku biiri jireen jabhadda ONLF (Ogaden<br />
National Liberation Front), jabhaddaasi oo sannado<br />
badan u dagaallamaysey xuquuqda Soomaalida Itoobiya.<br />
146
Guddida Baadhitaanka Dhibaatooyinka Caalamiga ah ee<br />
ICG waxay faahfaahin ka bixinaysaa sida ururka al-<br />
Itixaad uu u helayn fursad amma foogge bannaanaaday<br />
oo uu buuxiyo, sida kooxihii kale ee diiniga ahaaba<br />
ay u heleen fursado kuwaa la mid ah ka dib markii<br />
dawladdii dhexe ay burburtay ee meesha ka baxday:<br />
‘Dhawrkii sano ee xigey burburkaasi, kooxdani waxay<br />
noqotay tan ugu weyn ee milateri iyo xoog<br />
siyaasadeedba, ee ka jirta gobolka Gedo, sababta oo<br />
ah inta badan nidaamkii iyo dhisibiliinkii adkaa ee<br />
ay lahaayeen, marka loo eego xaaladihii jahawareerka<br />
iyo sharci-la’aanta ee taagnaa.’ 5<br />
Ururku waxa kale oo uu al-Shabaab kala mid ahaa<br />
nooca qawaaniinta ay soo rogeen. Khabiir ku xeeldheer<br />
arrimaha Somalia oo magaciisa la yidhaa Ken<br />
Menkhaus (wuxu qoray buugga Somalia: State Collapse<br />
and the Threat of Terrorism), waxa uu sifaynayaa sida<br />
‘Imaaraddii’ ay ka sameeyeen Luuq ‘ay uga mamnuuceen<br />
cunista Qaadka oo ah caleen lagu mirqaamo oo<br />
Soomaalida caado u ah, iyo weliba beeritaanka buuriga<br />
amma tubaakada. Waxa kale oo lagu soo rogey dumarku<br />
inay is-dedaan oo ay xidhaan shuko amma xijaab.’ 6<br />
Sidii Midowgii Maxkamadaha Islaamiga ah oo kale,<br />
jabkii iyo dhicitaankii al-Itixaad waxa uu yimid ka<br />
dib markii ay u jeesteen ee faraha la galeen qaybaha<br />
Soomaalidu ay degto ee dalka Itoobiya. Badhtamihii<br />
1990-yadii, waxay bilaabeen kicin iyo abaaul ku<br />
saabsan xoraynta gobolkaasi, waxayn ka fuliyeen<br />
magaalada Diridhaba ee Bariga Itoobiya iyo weliba<br />
magaalo-madaxda Addis Ababa, weerarro bambaane amma<br />
garnayl oo dhawr qof ay ku dhinteen. Iyadoo<br />
weerarradani ka jawaabaysa, Itoobiya waxay qaadday<br />
duqayn xagga cirka ah oo ay ku qaadday Luuq, kuna<br />
burburisay awodii al-Itixaad.<br />
Al-Itixaad waxa kale oo ay isku soo jeedisay<br />
Maraykanka. Dhawr maalmood ka bacdi markii la<br />
147
weeraray dhismayaashii Twin Towers bishii September<br />
ee 2001, George Bush waxa uu soo saaray amar fulineed<br />
oo lagu xayirayo hantida ilaa toddoba-iyo-labaatan<br />
urur amma sharikadood iyo shaksiyaad gaar ah, kuwaasi<br />
oo uu sheegay inay ku xidhan yihiin argagixisada. Al-<br />
Itixaad waxay liiskaasi kaga jirtey lambarka tobnaad.<br />
Midowgii Maxkamadaha Islaamiga ah (Union of Islamic<br />
Courts)<br />
Sannadihii badnaa ee dagaallada qabaa’ilka iyo<br />
qabqablayaasha dagaalku ay ka socdeen Somalia, waxa<br />
haddana jirey qaabab kale oo ku saabsana dhawrista<br />
nidaamka iyo socodsiinta sharciyada oo ka shaqaynayey<br />
Somalia. Jiritaanka xeerar dhaqan oo soo-jireen ahaa,<br />
gaar ahaanna ay leeyihiin dadweynaha reer-guraaga<br />
amma reer-miyiga ah, ayaa ka dhignaa nidaam<br />
dadweynuhu ay yaqaannaan oo si weyn ugu habboon inay<br />
ku dhaqmaan kagana badbaadaan saamaynta burburkii<br />
dawladnimada.<br />
Waxa kale oo jirey nidaamyo abuurmayey si ay u<br />
buuxiyaan fursadihii iyo fooggayaashii bannaanaaday.<br />
Qaybo ka mid ah dalkaasi, waxa ka abuurmay maxkamado<br />
shareeco oo noqday kuwa ugu muhiimsan ee sameeya<br />
nidaam iyo caddaalad. Bilawgii, awoddoodu waxay ku<br />
koobnayd meelo xaddidan amma qaybo yaryar; tusaale<br />
ahaanna magaalo-madaxda Muqdishu, awodda maxkamad<br />
kastaa waxay ku ekayd dhawr sakadood oo qudha oo<br />
magaalada ka tirsan. Maxkamadahaasi qaar ka tirsani<br />
waxay soo baxeen wax yar ka bacdi dhicitaankii Siyaad<br />
Barre, waxana ka mid ahaa maxkamadihii ka dhismay<br />
degaannada waqooyi ee Muqdishu ee uu xukumayey<br />
hoggaamiye-beeleedkii Ali Mahdi Mohamed. Laga soo<br />
bilaabo horraantii sannadihii 1990-yadii, waxay ka<br />
hirgeliyeen degaannadaasi qaabab sharci oo ay wax ku<br />
socodsiiyaan, oo ay ka mid yihiin sharciyada ciqaabta<br />
148
ee shareecada iyo addimada qofka, amma gacmaha iyo<br />
lugaha, oo dadka laga jaro.<br />
Bilawgii, maxkamaduhu umay taagneyn wax ka badan<br />
qaybo yaryar oo aan lahayn xidhiidh sidaa u weyn, oo<br />
mid walba dhinaceeda u madax bannaan tahay,<br />
goonideedana u jirto, mid walbana ay ku kooban tahay<br />
oo xukunkeedu uu gaadhsiisan yahay oo qudha qaybta<br />
amma xaafadda ay ka dhex jirto. Laakiin sannadba<br />
sannadka ka danbeeya, markii la waayey wax dhaama oo<br />
iyaga bedela oo soo baxa, maxkamadihii waxa noqdeen<br />
qaar awoddoodu sii korodhay, mar walbana soo-dhaweyn<br />
ka helay dadweynaha oo awalba khaati ka taagnaa oo ka<br />
daaley boobka tuugada budhcadda ah iyo<br />
qabqablayaashii dagaalka.<br />
Maxkamaduhu waxay sii xoogeysteen oo ay bilaabeen<br />
inay noqdaan awod wax bedeli karta markii ay ku<br />
midoobeen ka-hortagga cadow ay wadajir u yeesheen oo<br />
ahaa Isbahaysigii Dib-u-soo-celinta Nabadda iyo la-<br />
Dagaallanka Argagixisada ee Maraykanku taageerayey,<br />
isbahaysigaasi oo ay samaysteen koox ka kooban<br />
qabqablayaashii dagaalka, sannadkii 2006. Intii ka<br />
danbaysay dhacdadii 9/11 ee saamaynta ku yeelatay<br />
adduunka, ‘Isbahaysigaasi’ waxa u suurtogashay inay<br />
si fudud oo sahal ah uga dhaadhiciyaan oo ay u tusaan<br />
Maraykanka iyo xulafadiisa, in maxkamadihii<br />
shareecadu ay yihiin khatar weyn oo ‘argagixiso’, una<br />
noqon karaan abbaan amma hoy ay ka abuurmaan<br />
Islaamiyiin xagjir ahi. Waxa suurtogal ah, in haddii<br />
aanay samaysmi lahayn kooxdaasi ‘la-dagaallanka<br />
argagixisada’, isla markaasina aanu Maraykanku u<br />
fidin kalsooni iyo sumcad sidaas u weyn, in<br />
maxkamaduhu aanay weligood midoobeen, waxayna iska<br />
sii ahaan lahaayeen badanaa kooxo yaryar oo goonigooni<br />
ah oo aan wax xidhiidh ah lahayn, oo mid walba<br />
goonideeda ugu adeegta qayb gaar ah oo ka mid ah<br />
dadweynaha Soomaalida. Marka ay midoobeen waxay ahayd<br />
oo keliya markii ay iska horyimaaddeen cadow guud oo<br />
149
ay wada yeesheen oo noqday isbahaysigii<br />
qabqablayaasha dagaalka, markaasi ayayna joojiyeen oo<br />
ay ka gudbeen inay sii ahaadaan maxkamado<br />
xidhiidhkoodu dabacsan yahay oo keli-keli ah, una<br />
gudbeen inay yeeshaan midow xooggan oo ururnnimo,<br />
lehna hab iyo qaab-dhismeed awodeed amma maamul oo<br />
cad.<br />
Iyada oo la-yaab iyo lama-filaan weyn ku noqotay<br />
adduunka debadda, Midowgii Maxkamadaha Islaamiga ah<br />
ee (UIC), waxay milateri ahaan jebiyeen oo ay ka<br />
adkaadeen isbahaysigii qabqablayaasha dagaalka ee<br />
magaalada Muqdishu, nuskii danbe ee sannadkii 2006-<br />
diina, waxay awodeen inay qabsadaan qaybo badan oo ka<br />
tirsan koonfurta iyo badhtamaha Somalia. Khabiirka<br />
isna ku xeel-dheer arrimaha Somalia, Ronald Marchal<br />
(buuggiisii Somalia: a new front against terrorism,<br />
ee 2007), waxa uu ku doodayaa in ‘guushii maxkamadaha<br />
ee magaalada Muqdishu macnaheedu uu noqday<br />
dhammaadkii nidaamka kooxaha iyo kooxaysiga ee u<br />
jirey qaabab ah inay abaabulaan amma ka shaqeeyaan<br />
nidaam-siyaasadeedka nololosha Soomaalida,<br />
kaalintaasi oo ay ku jireen laga soo bilaabo<br />
sannadkii 1991-kii … Guushani maxkamaduhu waxa kale<br />
oo ay muujinaysay soo-ifbaxa faac amma nooc cusub oo<br />
siyaasiyiin ah.’ Roland Marchal waxa kale oo uu<br />
ifinayaa waxa uu ku tilmaamay xidhiidh ‘si weyn oo<br />
qeyra-caadi ah u murugsan oo noocyo badan’ oo ka<br />
dhexeeya maxkamadihii shareecada iyo beelaha: ‘dhinac<br />
ahaan, maxkamadaha laftoodu waxay yihiin hey’ado<br />
beeleed amma qabaa’il … Maxkamaduhu waxay siyaabo<br />
badan oo kala duwan ugu xidhan yihiin beelaha.<br />
Mararka qaar, awodda ay ku leeyihiin beeshu waa mid<br />
xaddidan oo kooban, mararka qaarna xidhiidhkoodu waa<br />
mid qota-dheer oo soo jireen ah.’ 7<br />
Muddadii koobnayd ee lixda bilood ahayd ee Midowgii<br />
Maxkamadaha Islaamiga ahi ay hayeen awodda xukunka,<br />
xaaladda nololeed ee Soomaali badan oo ku hoos jirtey<br />
150
xukunkooda, waxay u ahayd mid ka badaabdo iyo<br />
nabadgelyo badan xaaladihii ay ku soo jireen lix-iyotobankii<br />
sano ee la soo dhaafay. Iyaga oo ka<br />
duwanaaday nidaamyadii qabqablayaasha dagaalka,<br />
nabad-ilaaliyayaasha ajanebiga ah iyo dawladihii is<br />
xig-xigey ee ku-meel-gaadhka, Midowgii Maxkamadaha<br />
Islaamiga ahi waxay awodeen inay wax ka qabtaan<br />
ammaanka oo ay yareeyaan khatartii nolosha dadweynuhu<br />
ay mar walba ku sugnayd. Si ka bad-badis ah oo sare<br />
ayaa loo xiisaysiiyey oo loo ammaanay xilligii<br />
maamulka Maxkamadaha Islaamiga ah, laakiin haddana<br />
shaki kuma jiro in dadweynuhu ay markii ugu horreysey<br />
sannado badan ka dbacdi ay awodeen inay si xor ah u<br />
mari karaan amma u socon karaan jidadka iyo suuqyada<br />
magagaalada, iyaga oo aan wax cabsi ah qabin.<br />
Warqad ay wadajir u qoreen Cederic Barnes iyo Harun<br />
Hassan sannadkii 2007 oo ay cunwaan uga dhigeen ‘The<br />
Rise and Fall of Mogadishu’s Islamic Courts’, waxay<br />
kaga hadleen horumarka xiisaha leh ee cajiibka ee ay<br />
magaaladu samaysay:<br />
Maxkamaduhu waxay ku guulaysteen wax aan la<br />
malayn karayn, iyaga oo mideeyey Muqdishu markii<br />
ugu horraysey lix-iyo-toban sano, dibna u soo<br />
celiyey oo u soo nooleeyey nabaddii iyo<br />
badbaadadii. Maxkamaduhu waxay qaadeen oo ay<br />
fuliyeen tallaabooyin muhiim ah oo tusaale aad u<br />
fiican ah oo saamaynaya daryeelka dadweynaha.<br />
Waxa la qaaday isbaarooyinkii jidadka iyo xattaa<br />
qashinkii is dul-buuxiyey ee tuulna meel kasta<br />
magaalada ee kharribey, isna gaadhay muddo toban<br />
sano ah amma ka badan. Waxa dib loo furay<br />
dekeddii weyneyd iyo garoonkii diyaaradaha ee<br />
magaalada Muqdishu, dibna loo hagaajiyey markii<br />
ugu horraysay toban sano. Dadkii sida<br />
sharcidarrada ah ku degey guryihii iyo<br />
dhismayaashii dawladda ayaa laga raray, waxana la<br />
151
joojiyey boobkii dhulka ee sharcidarrada ahaa.<br />
Waxana la saaray maxkamado gaar ah oo wax ka<br />
qabta dacwadaha faraha badan ee ku saabsan<br />
hantida guryaha iyo dhulka la isku haysto oo<br />
tiro-dhaafay. 8<br />
Nabaddaasi waxy ugu kacday dadweynaha qiime sare,<br />
iyada oo ay ula timid waxyaaba badan inay maraan oo<br />
ay xammilaan. Waxa la soo rogey ciqaabo aad u<br />
qallafsan oo ku salaysan shareecada, waxana la<br />
mamnuucay cunista Qaadka. Dumarka ayaa waajib lagaga<br />
dhigay inay is-dedaan oo ay jidhkooda wada qariyaan,<br />
waxana loo diidey dadaweynuhu inay ku daawadaan<br />
filimmada goobaha furan ee dadku ay isku yimaaddaan,<br />
Laakiin sida ay sheegeen dadweynihii ku noolaa<br />
meelihii ay maamulayeen maxkamaduhu, haddana waxa wax<br />
laga qabtay oo si weyn u yaraaday dhibaatooyinkii<br />
dagaallada iyo dhacii iyo boobkii budhcadda, kuwaasi<br />
oo soo dishoodey, wax weynna u soo dhimay noloshoodii<br />
muddo shan-iyo-toban sano ah. Sida laga soo xigtey<br />
qoraallo ay samaysay Anna Lindley sanadkii 2007,<br />
waxyaabihii dadweynuhu ay tilmaameen waxa ka mid<br />
ahaa:<br />
Markii maxkamaduhu ay dalka yimaaddeen, mudnaanta<br />
koowaad waxay siiyeen nabadgelyada iyo badbaadada<br />
shacabka. Waxay hubiyeen in qof kasta oo mooryaan<br />
amma budhcad ah, in laga qaado qoriga oo uu soo<br />
dhiibo. Waxa la xidhay dhammaan goobihii lagu<br />
daawan jirey fiidiyayaasha. Dadkii Qaadka iibin<br />
jirey, qof walba waxa uu joojiyey iibinta<br />
geedkaasi sunta ah ee laga gadayo dadweynaha. Wax<br />
walba waxay noqdeen caadi oo xaaladihii way<br />
degeen. Waxyaabahanna waxay runtii ahaayeen waxa<br />
dadweynuhu ay rabaan, ka dib markii muddo lix-iyo<br />
toban sano ah ay ku soo jireen, kuna soo dhex<br />
152
noolaayeen, dagaallo. Waxay nooga dhignayd in<br />
Ilaahay uu aqbalay dhammaan ducadayadii. 9<br />
Meelaha ay xukumayeen Maxkamaduhu, waxay ugu<br />
guulaysteen wax-ka-qabashada nabadda iyo<br />
dhibaatooyinka kale si ka weyn oo ka badan meel kasta<br />
oo kale intii ka danbaysey xukunkii Siyaad Barre.<br />
Sababta oo ah maxkamadaha oo asalkoodii hoos ka soo<br />
abuurmay, dadweynaha dhexdiisa, si ay u fuliyaan<br />
hawlaha ugu muhiimsan ee adeegga dadweynaha ee ay<br />
qaban lahayd dawladi, mujtamac aan haatan lahayn<br />
dawlad qaran, waxa marba marka ka danbaysa<br />
maxkamadihii loo arkay kuwa sharci ah oo dadweynaha<br />
ay u adeegayaan aqbalsan yihiin amma ogol yihiin.<br />
Waxyaabah ugu muhiimsan ee ay soo kordhiyeen<br />
Maxkamadihii Islaamiga ahaa waxa ka mid ahaa sida ay<br />
u hubiyeen dhaqangalka sharciyada aasaasiga ah iyo<br />
nidaamka guud, oo ay ku jiraan hirgelinta heshiisyada<br />
iyo qandaraasyada, kuwaasi oo keenay in uu socdo<br />
ganacsigii iyo macaamilkii madaniga ahaa. Hawlaha iyo<br />
waajibaadka Islaamka waxa ka mid ah inay jiraan<br />
sharciyo iyo xeerar diyaar ah oo lagu dhaqmo oo ka<br />
dejisan amma ka yaalla dhinacyo badan oo ka mid ah<br />
nolosha ijtimaaciga ah, dhaqaalaha iyo siyaasadda,<br />
sharciyadaasi oo ogolaanaya, amma suurtogelinaya, in<br />
uu jiro qaab maamul iyo nidaam dadweyne oo lagu<br />
dhaqmo marka aanay jirin dawlad dhexe oo qaran.<br />
Qaar ka mid ah siyaasadihii Maxkamadaha Islaamiga ah<br />
waxay la kulmeen oo ka horyimid dhalliilo, sababta oo<br />
ah saamaynta siyaasadahaasi ay ku yeesheen<br />
dhaqaalihii dadweynha. Marba marka ka danbaysa ee<br />
Maxkamaduhu ay sii noqdaan amma u shaqeeyaan sidii<br />
qaab sugan oo ‘dawladeed’ oo kale, waxa hoos u sii<br />
dhacaysey sumcaddooda iyo taageerada dadweyne. Waxana<br />
ugu wacna, tusaale ahaan, waxyaabaha ay ka midka<br />
yihiin mamnuuciddii ka-ganacsiga Qaadka oo saamayn<br />
xun yeeshay. Saamayntaasi kuma yeelan oo qudha<br />
153
Soomaalidii badnayd ee ka ganacsan jirtey ee kala soo<br />
bixi jirtey wax ay ku noolaadaan, ee waxa kale oo uu<br />
ku yeeshay oo uu taabtay dadkii beeri jirey ee<br />
dhoofin jirey ee dalalka Kenya iyo Itoobiya.<br />
Maxkamaduhu waxa kale oo ay mamnuuceen dhoofinta<br />
dhuxusha, taasi oo ay sheegeen inay xaalufinayso<br />
dhirtii, una xun tahay fayo-qabka degaanka. Taasina<br />
waxay meel xun dhigtay oo ay uga sii dartay nolohii<br />
dadkii ku tiirsanaa ka-shaqaysiga iyo iibinta<br />
dhuxusha, iyo dadkii isticmaalayey ee wax ku<br />
karsanayey intaba.<br />
Markii Midowgii Maxkamadaha Islaamiga ahi ay soo<br />
rogeen cashuuro badan oo dheeraad ah bishii Oktoobar<br />
ee 2006, taasi waxay ku kicisay oo ay ku keentay<br />
maxkamadihii cadho iyo xiisado dadweyne. Waayo,<br />
dadweynuhu waxay u barteen meel aan nidaam ka jirin<br />
oo ay marmar wax u tuuraan amma u dhiibaan<br />
qabqablayaasha dagaalka iyo miliishiyooyinka oo ay<br />
laaluushaan. Laakiin umay baran beryahaas wax maamul<br />
dhexe ah oo cashuur ku soo roga dakhligooda.<br />
Marba marka ka danbaysa ee ay sii xoogeysato awodda<br />
Maxkamaduhu, waxa qabsanayey oo la wareegayey niman<br />
leh damac siyaasadeed, oo uu ugu weyn yahay Sheikh<br />
Hassan Dahir Aweys, oo ahaa hoggaamiyihii hore e al-<br />
Itixaad, isla markaasina ah nin si firfircoon ugu<br />
heellan oo ka shaqeeya horumarinta danaha beesha<br />
Cayr. Isaga oo kaashanay ninka kale ee ay isku beesha<br />
Cayr yihiin, Adan Hashi Cayro, oo ahaa horjooge<br />
tababarro milateri lagu soo siiyey dalka Afghanistan<br />
oo miliishiyooyinkii Maxkamadaha u bedeley ciidanka<br />
adag ee al-Shabaab oo dhisibiliin sare leh, Sheikh<br />
Hassan Dahir Aweys waxa uu meeshii ka saaray xubnihii<br />
qunyar-socodka ahaa ee Midowgii Maxkamadaha Islaamiga<br />
ah, waxanu fogeeyey xubno badan oo kale oo aan iyagu<br />
ka tirsanayn beesha Cayr. Adan Hashi Ayro, sida<br />
Hassan Dahir Aweys oo kale, wuxu sannado badan ku soo<br />
154
jirey ururradii Islaamiga ahaa ee dagaal-oogayaasha<br />
ahaa, isaga oo ka soo dagaallamay gobollada waqooyibari<br />
ee Somalia iyo gobolka Soomaalida ee Itoobiya<br />
sannadihii 1990-yadii. Ugu yaraan laba jeer ayuu<br />
tababar milateri ku soo qaatay Afghanistan. Sida laga<br />
soo xigtey Machadka Jamestown Foundation ee<br />
Maraykankana, waxa uu la kulmay Osama bin Laden<br />
markii uu halkaasi joogey. Adan Hashi Cayro waxa uu<br />
ku dhintay oo lagu diley weerar gantaal, nooca<br />
Tomahawk ee Maraykanka, gudaha Somalia bishii May ee<br />
2008. Isla markiibana, dilkaasi waxa uu ka dhigay<br />
Cayro geysi weyn oo shahiidey, waxanu ku kiciyey<br />
dagaalyahannadii al-Shabaab inay sii xoojiyaan<br />
hawlgalladoodii. Cajalad fiidiyow ah oo la sii daayey<br />
amma la faafiyey dhimashadiisii ka bacdi, Ayro waxa<br />
uu kaga hadlayey mudanka sharafta qiimaha sare iyo<br />
khayrka weyn ee ku jira in loo dhinto qaddiyadda:<br />
‘inteenna badan al-Shabaab in niyaddeenna iyo<br />
nafteennuba ay la jirto oo ay raacayso mujaahid kasta<br />
oo shahiida oo innaga tirsan … Waa sharaf weyn in aan<br />
noqoto shahiid. Guulo waaweyn ayaa ku kasban karnaa<br />
oo aan ku gaadhi karnaa in aan shahiidno, afkana<br />
ciidda ugu gurno gaaalada iyo munaafiqiinta la<br />
jirta.’<br />
Hassan Dahir Aweys waxa uu aad ugu foojignaa oo uu<br />
ku dedaalayey in uu siyaasaddiisa iyo waxa uu<br />
rumaysan yahay ee uu watto, in uu ku faafiyo xataa<br />
dhulalka ka baxsan xuduudaha Somalia, gaar ahaanna<br />
Itoobiya. Badhtamihii bishii December ee 2006,<br />
Midowgii Maxkamadaha Islaamiga ahi waxay ku<br />
dhawaaqeen dagaal Jihaad ah oo lagu qaado Itoobiya,<br />
taasi oo ka dhignayd inay saxeexeen xukunkii dilka<br />
ahaa ee iyaga lagu fulin lahaa amma lagu qaadayey.<br />
Dhawaqaasi Jihaadku waxa uu siiyey Ra’iisalwasaaraha<br />
Itoobiya Meles Zenawi, sababihii iyo<br />
marmarsiiyihii uu u baahna si uu dagaal ugu qaado<br />
Maxkamadaha. Waxana arrintaasi ku garab taagnaa oo<br />
155
caawiyey dawladda Maraykanka, oo iyadu rabtey in laga<br />
takhaluso oo laga tirtiro, lagana saaro Somalia<br />
Maxkamadaha Islaamiga. Qabanqaabadan dagaal ee<br />
Itoobiya waxay ahayd mid u cuntanta oo faa’iido u leh<br />
Maraykanka, waayo Itoobiya waxay ka dagaallami kartaa<br />
oo ay geli kartaa halkii Maraykanka, iyada oo aan loo<br />
baahan in mar kale lagu celiyo amma ay soo noqoto<br />
dhibaatadii weyneyd ee ka timid faragelintii<br />
Maraykanka ee horraantii sannadihii 1990-yadii.<br />
Maalin ku beegnayd maalinta Ciidda Masiixiga ah ee<br />
sannadkii 2006, diyaaradaha dagaalka ee Itoobiya<br />
waxay garaaceen garoonka diyaaradaha iyo dekedda<br />
magaalada Muqdishu. Maxkamadihii Islaamiga ahaa ma<br />
lahayn wax rajo ah iyo awod ay ugu babac dhigi karaan<br />
amma iskaga celin karaa xoogga milateri ee cududda<br />
weyn ee Itoobiya, gaar ahaanna awoddooda xagga cirka<br />
iyo gacanta xagga sahanka ee ay ka helayeen<br />
Maraykanka. Muddo toddobaad qudha ah ka bacdi,<br />
maalintii sannadka cusub ee 2007, Midowgii<br />
Maxkamadaha Islaamiga ahi waxay ka baxeen magaaladii<br />
ugu danbaysey ee ay haysteen oo ah magaalada dekedda<br />
leh ee koonfurta ee Kismayo. Hoggaamiyayaashi<br />
Maxkamaduhu intoodii badnayd waxay u carareen dalka<br />
Eritrea, miliishiyooyinkii dagaallamayeyna waxay<br />
galeen oo ay ku dhiinteen dhulka kaymaha ah ee ku<br />
dhaw xadka Kenya, kaymahaasi oo ay adag tahay in la<br />
galaa. In kasta oo Itoobiya ay ahayd ‘wejiga muuqada<br />
amma food-saaraha’ la adeegsanayo weerarradaasi<br />
maalintii Ciidda Masiixiga ah, Haddana Maraykanku si<br />
toos ah ayuu ugu jirey oo uu ugu lug lahaa<br />
dhacdooyinkaasi. 9-kii bishii January, diyaarad weyn<br />
oo ah nooca dagaalka ee AC-130 ee Maraykanka ayaa<br />
bambooyin la dhacday oo ku riddey dagaannada cidhifka<br />
koonfur-bari ee Somalia. Bartilmaameedka la sheegayna<br />
waxa uu ahaa in la khaarajiyo oo la tirtiro xubno<br />
amma kooxo al-Qaacida ah oo halkaasi ku sugnayd, iyo<br />
weliba in laga hortago waxa loo arkay khatar<br />
156
xagjirnimo ah oo ka soo fool leh Midowgii Maxkamadaha<br />
Islaamiga ah. Maraykanku waxa uu aaminsanaa in qaska<br />
iyo xaaladaha nidaamdarrada ah ee Somalia, inay<br />
sahlayaan in al-Qaacid ay ka dhigan karto meel ay ku<br />
gabbadaan oo hoy u noqota. Bartilmaameed weyn oo<br />
muhim ah waxa ahaa Fazul Abdalla Mohamed, oo ahaa nin<br />
u dhashay dalka Comoro, haystayna baasaaboor<br />
Kiiniyaan ah, ninkaasi oo maraykanku ku daba jirey<br />
kuna eedeynayey in uu ka danbeeyey qaraxyadii<br />
sannaddii 1998-kii lagula kacay safaaradihiisii<br />
Nairobi iyo magaalada Daresalam, iyo weerarradii kale<br />
ee bishii June ee 2002 lagu qaaday huteel ku yaal<br />
magaalada Mombasa, iyo diyaarad laga lahaa dalka<br />
Israel.<br />
Fazul Abdullah Mohamed, waxa aakhirkii lagu diley<br />
magaalada Muqdishu bishii June ee 2011, taxshiirado<br />
ay ku lug lahaayeen oo ay isweydaarsadeen ciidammo<br />
dawladda ka tirsani; waraaqo laga helay meydkiisiina<br />
waxay muujiyeen in uu qorshaynayey weerarro isdabajoog<br />
ah oo lagu qaado meelo ka tirsan dalka<br />
Ingiriiska, oo uu ku jiro machadka amma kulliyadda<br />
caanka ah ee aad loo qaddariyo ee Eton College.<br />
Wax yar ka bacdi gelitaankii Itoobiya, wasiirkii<br />
gaashaandhigga ee Somalia, Kornayl Barre Adan Shire,<br />
waxa uu ku dhawaaqay in si buuxda looga adkaaday oo<br />
gebi ahaanba la jebiyey kooxihii Islaamiyiinta.<br />
Iyadoo la xidhay xuduuddi Kenya, maraakiibta dagaalka<br />
ee Maraykankuna ay ilaalinayeen xeebaha, isla<br />
markaasina ciidamada Itoobiyaanka oo aad u hubaysan<br />
iyo kuwii dawladda ku-meel-gaadhka ahina ay ka soo<br />
durkayaan dhinac waqooyi, wasiirku waxa uu sheegay in<br />
kooxahaasi Islaamiyiinta ah aanay wax kale u furnayn<br />
oo aan ahayn ‘in amma ay badda ku qaraqmaan oo ay ku<br />
halligmaan, amma mitidaan oo ay dagaalka ku wada<br />
dhintaan.’ Markii weerarrada cirka ee Maraykanku ay<br />
bilaabmeen, ma ahayn waxa ku dhintay Islaamiyiintii<br />
oo qudha, waxa kale oo ku dhintay daraasiin ka mid ah<br />
157
eer-miyigii iyo xoolahoodii. Tani waxay keentay<br />
xamaasad iyo dareen nacayb oo loo qaado Maraykanka,<br />
sida qof Soomaali ahi uu u dhigay ee uu u yidhi,<br />
‘Maraykanku waxay garaacayaan dad meydad ah oo hore u<br />
dhintay’.<br />
Hoggaamiyayashii Maxkamaduhu waxay ku tilmaameen kabixitaankoodii<br />
magaalada Muqdisho ‘Xeel Dib-ugurasho’,<br />
waxayna sheegeen inay isticmaali doonaan<br />
xeeladaha jabhadaynta ee ku-dhifo-oo-ka-dhaqaaq ee<br />
‘nooca dagaalka Ciraaq’ oo kale. Istaraatijiyadan<br />
amma qorshaha noocan ah waxa kale oo dhiirrigelinayey<br />
Islaamiyiinta xagjirka ah ee meelaha kale ee<br />
adduunka, oo qaarkood ay u aqoonsadeen kana dhigteen<br />
miliishiyooyinkii maxkamadaha, jaallayaashoodii<br />
Jihaadka. Cajalad fiidiyow ah oo markaas laga soo<br />
duubay ninkii labaad ee hoggaanka al-Qaacida, Ayman<br />
al-Zawahiri, waxa uu ugu baaqay in dhammaan<br />
Muslimiintu inay u gurmadaan Soomaalida oo ay ku<br />
biiraan qaadista dagaallo ah ‘jid-goyn gaadmo,<br />
miinooyin dhulka lagu aaso, iyo weerarro is-miidaamin<br />
ah’ oo algu qaado ‘Saliibiyiinta weerarka ah ee<br />
ciidamada Itoobiya’, ‘loona raamsado sida libaaxu u<br />
cuno wixii u gacan gala ee u ugaadhsado’.<br />
Dhawaaqii tala-xumda ahaa ee aanay u midaan deyin<br />
Midowgii Maxkamadihii Islaamiga ee ahaa in Jihaad<br />
lagu qaado Itoobiya, waxa uu horseeday dhawaaqaasi<br />
jabkii milateri ee ku dhacay iyaga. Laakiin dhinaca<br />
kale waxay ku guuleysteen dagaalkii lagu kasbanayey<br />
maanka iyo qalbiga dadweynaha ee loogu jirey helidda<br />
taageeradooda. Somaalida badankeeda, joogitaanka<br />
ciidamada Itoobiya ee ciiddooda, iyo diyaaradaha<br />
dagaalka ee Maraykanka ee soo gelaya hawadoodu, waxay<br />
ahayd wax aan loo dulqaadan karayn. 6-dii bishii<br />
January, maalmo yar uun ka bacdi markii Maxkamadihii<br />
UIC laga saaray magaalada Muqdishu, dadaweynihii<br />
magaalo-madaxda degganaa waxay oogeen oo ay dhigeen<br />
muddaharaadyo aad u waaweyn oo qas keenay oo laga<br />
158
horjeedo Itoobiyaanka. Saddex qof oo ka mid ahaa<br />
dadkii muddaharaadayey ayaa la toogtey oo dhintay.<br />
Markii la gaadhasy toddobadii bisha January-na,<br />
muddaaharaayadii waxay ku faafeen oo ay gaadheen<br />
magaalada Beledweyn oo ku dhaw xadka Itoobiya.<br />
Nbadgelyo-darradii ayaa ku sii korodhay magaalada<br />
isla markii Maxkamaduhu ay ka baxeen Muqdishu. Waxa<br />
ugu horreeya ee la soo gudboonaaday dadweynihiina<br />
waxa uu noqday inay is-ilaaliyaan lafahooda. Waxay<br />
iska dhegatireen baaqii dawladda federaalka ah ee kumeel-gaadhka<br />
ah ee timid magaalada, ee ahaa in hubka-dhigis<br />
la sameeyo, waxana hawada ka buuxsamey<br />
taxshiirado ah qoryo cusub oo dadku suuqyada ay ka<br />
soo gateen oo la tijaabinayo. Sida uu u dhigay qof ka<br />
mid ah dadka ku nool Muqdishu, waxa uu ku tilmaamay<br />
oo uu yidh, ‘Waxannu dib ugu soo noqonnay halkii hore<br />
ee aannu taagnayn, halkii aannu maraynney 1991-kii’,<br />
isaga oo xusaya xilliyadii qaska iyo dagaallada ee ka<br />
danbeeyey dhicitaankii madaxweyne Mohamed Siyaad<br />
Barre.<br />
Qabsashadii Itoobiya ay qabsatay Somalia iyo<br />
duqayntii xagga cirka ee Maraykanku, kuma guulaysan<br />
in la khaarajiyo oo laga tirtiro Somalia<br />
dhaqdhaqaayada Islaamiga ah. Taasi cagsikeedii ayaa<br />
timid oo waxa abuurmay wax dhinaca kale ah.<br />
Maxkamadihii waxay soo noqdeen iyaga oo leh qaab kale<br />
oo ka sii khatarsan sidii hore, oo ah ururka al-<br />
Shabaab, kaasi oo qabsaday dhul ballaadhan oo ka<br />
tirsan gobollada dhexe iyo koonfurta Somalia, oo ay<br />
ku jirto magaalada Muqdishu inteeda badan. Meelo<br />
badan, miliishiyooyinkii beelaha, waxa bedelay oo<br />
halkoodii galay ciidamada kooxaha diiniga ah oo ay ku<br />
jiraan kuwa al-Shabaab, Xisbul Islaam, iyo kuwa<br />
dariiqada Suufiyadda ee Ahlu Sunna Wa Jamaaca, oo<br />
iyagu taageersan oo la saffan dawladda ku-meelgaadhka<br />
ah, dagaalka lagula jiro kooxaha<br />
Islaamiyiinta xagjirka ah.<br />
159
Al-Shabaab<br />
Al-Shabaab waxay ka kortay inay sii ahaato<br />
miliishiyo yar oo koban oo ka tirsan kooxdii<br />
Maxkamadaha Shareecada, waxayna noqdeen oo ay isku<br />
bedeleen dhaqdhaqaaqa ugu xoogga iyo awodda badan ee<br />
Islaamiyiinta Somalia. Sida aan ku soo fahfaahinnay<br />
bogaggii hore ee cutubkan, waxay isku baahiyeen oo ay<br />
ku soo rogeen xukunkodii iyo aragtidoodii qaybo badan<br />
oo dalka ka tirsan. Waxa laga bartay caalamka; waxana<br />
lagu daray liiska Maraykanka ee ururrada debadda ee<br />
argagixisada ah, sannadkii 2008, Boqortooyada<br />
Ingiriiskuna waxay mamnuucday ururkaasi sannadkii<br />
2010. Al-Shabaab waxay ku biireen kooxaha ku xidhan<br />
al-Qaacida, iyaga oo bishii February ee 2010-kii<br />
markii ugu horraysey ku dhawaaqay in ‘dagaalka<br />
Jihaadka ee Geeska Afrika ay waajib tahay in lagu<br />
xidhiidhiyo oo lala mideeyo Jihaadka caalamiga ah ee<br />
ay hoggaaminayso shabakadda al-Qaacida.’ 10<br />
Al-shabaab oo ah dhaqdhaqaaq sirtiisu aad u adag<br />
tahay oo si weyn u dhawrta arrimihiisa hoose, waxa<br />
adag in hubaal ahaan loo ogaado waxa run ahaantii ay<br />
u dagaallamayaan, iyo cidda dhab ahaan ay kala yihiin<br />
hoggaamiyayashoodu. Mabaadi’dooda idiyoolojiyadeed<br />
iyo hoggaankooduba, labaduba waxay u muuqdaan qaar<br />
caadi ahaan si joogto ah isku bedela, mana ahaa in<br />
ururkaasi loo arko mid gebi ahaan midaysan oo is wada<br />
leh amma meel ka soo wada jeeda. Warbixin uu soo<br />
saaray Golaha Ammaanka ee Qaramada Midoobay oo la<br />
faafiyey sannadkii 2010, waxay dhaqdhaqaaqaasi ku<br />
tilmaantay: ‘isbahaysi kooxo baahsan oo ka kala<br />
kooban kuwa Jihaad-doon ah, kuwa leh dano ganacsi,<br />
iyo miliishiyooyin beeleed, kuwaasi oo ay hasytaan<br />
dhibaatooyin ah khilaafyo ba’an oo gudaha ah oo<br />
dhexdooda ka jira, oo ku saabsan kaalinta<br />
dagaalyahannada ajanebiga ah ee ku dhex jira,<br />
160
adeegsiga dadka ismiidaaminaya ee samaynaya<br />
isqarxinta naftaa-hurista ah, iyo arrinta ku saabsan<br />
wada hadal siyaasadeed.’ 11<br />
Al-Sahabaab waxa kale oo ay ku kala qaybsan tahay<br />
xagga mabaadi’da fikirka idiyoolojiga ah amma<br />
ujeeddooyinka ay hiigsanayaan. Hoggaamiyayaasha qaar<br />
waxay aaminsan yihiin oo ay sheegaan inay u<br />
dagaallamayaan in laga dhiso Somlaia gudaheeda<br />
Jamhuuriyad Islaami ah, inta imika xududaheedu ay<br />
koobayaan. Qaarna waxay sheegaan in qorshahoodu uu<br />
yahay in la abuuro waxa ay ku tilmaameen<br />
‘Jamhuuriyadda Islaamiga ah ee Soomaali-Weyn’, qaar<br />
kalena waxay ku doodaan inay damacsan yihiin in<br />
Jihaadka la gaadhsiiyo meelo ka fogfog ‘Soomaali-<br />
Weyn’, oo la sameeyo dawlad weyn oo baaxad ballaadhan<br />
oo Islaami ah oo gaadha ilaa Afrikada Bari iyo ilaa<br />
Masar. Mararka qaar, al-Shabaab waxay u muuqdaan in<br />
damacoodu uu xattaa inta ka sii weyn yahay oo uu ka<br />
shisheeyo. Bishii May ee 2009, hoggaamiyaha<br />
ururkaasi, Sheikh Ahmed Abdi Godane, waxa uu ku<br />
dhawaaqay hadalladan: ‘Waannu sii wadaynnaa dagaalka,<br />
dagaalladuna ma joogsanayaan ilaa iyo inta Shareecada<br />
Islaamka laga hirgelinayo ee lagaga dhaqmayo dhammaan<br />
qaaradaha adduunka, iyo ilaa inta Muslimiintu ay<br />
xoraynayaan Jerusalem amma Beytul-Qudus.’<br />
Al-shabaab waxa kale oo ay ku kala duwan tahay<br />
qaababka xeeladaha milateri ee ay adeegsadaan. Waxay<br />
ku bilaabeen xeelado dagaal oo ah ku-dhifo-oo-kadhaqaaq,<br />
iyaga oo hadba tuulo amma magaalo qabsanayey<br />
muddo kooban, ka bacdina ka baxayey si ay u aadaan oo<br />
ay uga soo dagaallamaan meelo kale. Xeeladahaasi<br />
waxay argagax geliyeen oo cabsi ku faafiyeen qaybo<br />
badan oo ka tirsan Somalia. Al-Shabaab waxay markii<br />
danbe noqdeen xoog qabsada oo haysta dhulalka qaar,<br />
taasi oo keentay in dhulalkaasi ay ka hirgeliyaan<br />
deganaansho ilaa heer ah, una suutogeliyey inay ku<br />
161
soo rogaan sharciyo iyo xeerar aad u qallafsan oo<br />
adag.<br />
Bishii August ee 2011, ururka al-Shabaab waxa uu ku<br />
dhawaaqay in uu ka baxayo magaalo-madaxda Muqdishu.<br />
Dawladda ku-meel-gaadhka ahi waxay sheegatay in taasi<br />
guul u tahay ciidammada dawladda. Laakiin<br />
tallaabadani al-Shabaab waxay si kasta oo loo eegaba<br />
u muuqatay mid ay dhinaca kale u bedelaayaan<br />
xeeladahoogii dagaalka, iyada oo waqtigaasi ururka ay<br />
wiiqeen kala qaybsanaan hoggaanka dhexdiisa ah iyo<br />
ilihii muhimka ahaa ee dhaqaaluhu ka soo geli jirey<br />
oo qaar ay waayeen.<br />
5 Muqdishu, bixitaankii al-Shabaab ka dib, September<br />
2011 (Mohamed Moalimuu)<br />
Mid ka mid ah sababaha ay aad iigu adkaatay in aan<br />
helo amma ogaado waxa al-Shabaab ay damacsan tahay ee<br />
ay doonayso, waa iyada oo mar walba ay adag tahay oo<br />
162
aanay fududayn qof aad la hadasho oo ka tirsan<br />
dhaqdhaqaaqaasi, sababta oo gaar ahaan ah aniga oo ah<br />
qod dumar ah, isla markaana reer-Galbeed ah. Ka dib<br />
markii aan wax badan la xaajoonayey ee aan la<br />
hadlayey dad noo dhexeeya oo na xidhiidhiya, iyo<br />
kolba farriimo qoraal ah oo aan diro amma la iiga soo<br />
diro lambarro kala geddisan, iyo telifoonno aan diro<br />
oo markasta la ii sheeko in aan soo waco lambar kale,<br />
waxan aakhirkii ku guulaystay bishii March ee 2011 in<br />
telifoonka la iigu ballamiyo hoggaamiyaha<br />
Islaamiyiinta, Sheikh Hassan Dahir Aweys. Haddana<br />
waxa la bedelay waqtigii ballanta daqiiqaddii u<br />
danbaysey, waxanan u baahday in aan ku celceliyo<br />
dirista telifoonno iyo farrimo kale oo qoraal ah oo<br />
danbe, intii aanay run ahaantii ii suurtogelin in aan<br />
la hadlo hoggaamiyahaasi. Iyada oo la noo kala<br />
af-celinayo amma la noo kala tarjumayo, markii aan<br />
weydiiyey ujeeddada al-Shabaab ay u dagaallamayso,<br />
waxa uu iigu jawaabay jawaab gaaban, oo uu ka<br />
warwareegayo in uu wax faahfaain ah bixiyo, isaga oo<br />
kor u dhawaqaya, cod isku-kalsooni ku jirto, mararka<br />
qaarna ku qoslaya su’uaalaha, amma u muuqda in uu<br />
laba yaabay su’aalahayga oo uu ka boodey, una arkay<br />
wax meel-ka-dhac ah oo aan meesha qaban. Waxanu iigu<br />
jawaabay:<br />
Saddex sababood ayaa noogu wacan dagaalka. Marka<br />
hore, dalkayagii ayaa la soo weerary oo la soo<br />
galay. Mar labaadka, waxa la noo diidan yahay in<br />
aannu ku dhaqanno diintayada aannu rumaysannahay.<br />
Mar saddexaadka, waxannu la dagaallmaynnaa kuwa<br />
hortaagan ee carqaladda ku ah danaha dadkayaga,<br />
ee ka hortaagan inay samaystaan dawlad Islaami<br />
ah.<br />
Waxan imika loo yaqaan amma loogu yeedho<br />
‘dawladda Somalia’, ma aha dawlad run ah oo<br />
jirta. Waa dawlad been-been ah oo la asturayo<br />
amma loo xilqarinayo. Waxa la isku deyey in<br />
163
dadweynaha lagu siro amma lagu hodo, qaar ka<br />
tirsan mucaaradka oo lagu soo daray dawladda, si<br />
loo khaldo oo loo qaso ujeeddooyinkayaga iyo<br />
mabaadi’dayada. Laakiin taasi ma aqbalayno;<br />
waanannu sii wadaynnaa la-dagaallanka dawladdan<br />
been-beenta ah, Insha Allana waannu guulaysan.<br />
Aragtida amma nidaamka diimoqoraadiyada ee ka<br />
soo bilaabantay dalka Giriigga ayaa imika cid<br />
walba lagu khasbayaa oo dhuunta laga gelinayaa.<br />
Waxan rumaysanahay in Islaamku ka weyn yahay<br />
caalami ahaan habka dimoqoraadiyadda. Waxa aannu<br />
doonaynno in aanu abuurno oo aannu dhisnaa waa<br />
dawlad Islaami ah oo aannu ka samaynno halkan<br />
Somalia, ka sakow nidaamkan diimoqoraadiyadda ee<br />
la nagu khasbaayo.<br />
Wax kasta oo ka dhacay Somalia, Maraykanka ayaa<br />
hore u qorsheeyey oo ka danbeeyey. Maraykanku<br />
waxay isku deyayaan wax kasta oo ay kaga hortegi<br />
karaan in Somalia laga sameeyo dawlad Islaami ah.<br />
Waxa ugu horreeya ee aannu doonaynno in aannu ku<br />
dhaqaaqnaa waa in lga hirgeliyo xukun Islaami ah<br />
oo sax ah oo qumman gudaha xuduudaha haatan jira<br />
ee Somalia dhexdooda. Maadaama boqolkiiba-boqol<br />
ay Soomaalidu yihiin dad muslim ah, waa inay<br />
raacaan oo ay ku dhaqmaan mabaadi’da saxda ah ee<br />
Islaamka. Tallaabada labaad ee ololahayagu waa<br />
mid markaas ka bacdi iman doonta oo laga<br />
dhursugayo, taasina waxa u baahnaan doontaa isfahamka<br />
deriskayaga amma dalalka jaarka ah iyo<br />
mujtamaca caalamka.<br />
Al-Qaacida waxan wadaagnaa afkaar, laakiin<br />
dalkayagu waxa uu ahaa mid muddo dheer ku soo<br />
jirey xaalad milateri oo dagaallo ka socdeen,<br />
umana baahnin gacan amma kaalmo debadeed. Al-<br />
Shabaabna wax xidhiidh ah oo xagga maamulka ah<br />
lama leh al-Qaacida.<br />
164
In lala hadlo oo aad hesho hoggaanka iyo madaxda alshabaab,<br />
xataa waxa ka sii dhibaato badan inay kula<br />
hadlaan askarta hoose amma miliishiyada caadiga ah ee<br />
ururkaasi oo ay adag tahay in aad la xidhiidhi karto.<br />
In badan oo iyaga ka tirsan waxa la faraa oo lagu<br />
amraa inayna la hadal ajanebiga. Bishii April ee<br />
2011, waxa ii suurtogashay in aan la xidhiidho nin<br />
hore uga tirsanaan jirey miliishiyada dagaalka ee al-<br />
Shabaab, ninkaasi oo magaciisa loogu yeedho Al<br />
Ahzari. Ninkaas waxa uu ka tegey ururkaasi, waxanu<br />
haatan degganaa Muqdishu, nabadgelyadiisana waxa<br />
mas’uul ka ahaa oo ilaalinaysey dawladda ku-meelgaadhka<br />
ah. Waxanu yidhi:<br />
Waxan ku biiray al-Shabaab sannadkii 2006, waaayo<br />
waqtigaasi waxan aaminsanaa inay u dagaallamayaan<br />
diinta Islaamka. Waxan horjooge u ahaa unug amma<br />
koox aan hoggaaminayey, waxanan ka soo<br />
dagaallannay guud ahaan Somalia oo dhan: dhinaca<br />
koonfurta ee u dhaw xuduudda Kenya, Muqdishu<br />
gudaheeda, Kismaayo, iyo dhul badan oo kale oo ka<br />
kala tirsan koonfurta iyo badhtamaha Somalia.<br />
Maalmahan, dadka lama siiyo wax kharash ah amma<br />
mushahar ah oo ay ugu dagaallamaan al-Shabaab;<br />
waxa qudha ee loo sheekaa waa inay u<br />
dagaallamayaan diinta Islaamka. Xataa kuwa<br />
dagaalka ku jira ee leh caruur yaryar oo aan<br />
haysa wax ay cunaan amma cabbaan, lama siiyo wax<br />
mushahar ah – waxa loo sheegaa ‘Ilaahay ayaa wax<br />
idin siin doona’.<br />
Aad ayay u adkayd noloshu al-Shabaab dhexdeeda,<br />
sababta oo ah waxa qudha ee aan meesha ku haynney<br />
amma ku jirey waxa uu ahaa dagaal. Waxa la na<br />
fari jirey in aannu la dagaallanno ciidamada<br />
nabad-ilaalinta ee Midowga Afrika, kuaasi oo<br />
haysta hub culculus iyo baabuur milateri oo<br />
gaashaaman. Waxa qudha ee annagu aannu haysanney<br />
165
waxay ahaayeen qoryaha fudud ee AK-47. Marka<br />
arrintaas aannu ka cabanno ee aan weydiinno, waxa<br />
la nagu eedayn jiey in aannu noqonnay munafaqiin<br />
riddo ah amma xujoobey, waxana la na marsiin<br />
jirey ciqaab.<br />
Kuwa loo adeegsado inay is-miidaamiyaan oo ay<br />
is-qarxiyaan, dagaalka al-Shabaab daraaddiis,<br />
guud ahaan waa dad dhallinyaro ah oo aad u<br />
yaryar. Inta badan waxa la siiyaa tababar ilaa<br />
lix bilood ah, maalin kastana waxa lagu akhriyaa<br />
wacdi maskaxda ka bedela, waxana loo sheegaa inay<br />
tegi doonaan jannadii. Qaar ka mid ah madaxda<br />
sare ee al-Shabaab, waxay iska yeelyeelaan oo ay<br />
iska dhigaan inay qaadanayaan iyaguna<br />
tababarkaasi, si ay u noqdaan naftooda-huryaal<br />
is-qarxin raba. Waxay bilaabaan inay iska<br />
ilmaysiiyaan oo ay iska oohiyaan, iskana dhigaan<br />
dad doonayaan oo codsanayaa in iyagana lagu daro<br />
hawlgallada is-qarxinta; laakiin tabaarayaashu<br />
waxay u sheegaan, iyada oo dadka kale afka laga<br />
maqashiinayo, in markan la soo xulay dad kale oo<br />
diyaar ah, iyagana waqtigoodu iman doono oo la<br />
gaadhi doono. Arrimahani waxa loo isticmaala<br />
xeelado dadka maskaxda lagaga qabsado oo lagu<br />
duufsado, oo lagu khaldo dadka dhallinyarada ah<br />
ee qaadanaya tababarrada is-miidaaminta. Al-<br />
Shabaab had iyo jeer waxay diyaarisaa dad u<br />
jooga oo heeggan u ah inay fuliyaan hawlgallo isqarxin<br />
ah – tiro u dhaxaysa soddon ilaa<br />
tddobaatan qof mar kasta.<br />
Al-Shabaab waxay u foojigan tahay oo ay ku dadaashaa<br />
inay ka dhaadhiciso oo ay ku shubato dhallinyarada<br />
yaryar, afkaarta iyo mabaadi’da ay wattaan, oo<br />
dhallinyartu aaminaan, qaatanna afkaartaasi, iyaga oo<br />
aan wax su’aal ka keenin, waxna iska weydiin.<br />
166
Sida aan ku soo faahfaahinnay bilawgii cutubkan, al-<br />
Shabaab waxay ku wacdidaa caruurta dugsiyada inay<br />
galaan Jihaadka. Waxa kale oo ay adeegsadaan tabo iyo<br />
xeelado kale aan caadi ahayn, isla markaana argagax<br />
leh oo ay ku dagaalgeliyaan caruurta, kuna<br />
dhiirrigeliyaan inay ku kacaan inay isticmaalaan oo<br />
ay fuliyaan tabahaasi.<br />
Mid ka mid ah xeeladahaasi, oo gaar ahaan loo soo<br />
qaadan karo tusaalaha ugu qallafsan, waxa uu ka<br />
dhacay magaalada Koonfurta ku taal ee Marka bishii<br />
Oktoobar ee 2009, maalintaasi oo la diley laba qof oo<br />
lagu eedeeyey inay basaasiin yihiin. Al-Shabaab waxay<br />
ku amartay in la xidho dhammaan dugsiyada<br />
maalintaasi, si carurta iyo ardaydu u yimaaddaan<br />
goobta, marka la fulinayo dilalkaasi, una daawadaan.<br />
Hawlwadeennada ururkaasi waxay kula dhex wareegeen<br />
magaalada sameecado, waxayna dadweynaha ugu baaqeen<br />
in la soo baxo oo la soo aado fagaaraha amma garoonka<br />
dilalkaasi ay ka dhacayaan. Dadka halkaasi la soo<br />
tubay waxay u badnaayeen dumar iyo caruur, waxayna ku<br />
khasbanaayeen inay daawadaan dilka labadaasi qof ee<br />
lagu soo edeeyey inay ahaayeen ‘basaasiin’.<br />
Isla sannadkaasi, dhacdadaasi mid la mid ah ayaa ka<br />
dhacday magaalada Kismayo ee dekedda koonfureed.<br />
Bishii Ramadaan ee sannadkaasi, al-shabaab waxay soo<br />
abaabushay tartan hal-xidhaale ah, amma weydiin-iyowax-ka-dheh,<br />
oo ay u qabatay dhallinyarada magaalada.<br />
Su’aalaha kediska ah ee la isku xujeynayey waxay u<br />
badnaayeen kuwa la xidhiidha diinta Islaamka. Ninkii<br />
madaxda ka ahaa ee hoggaminayey abaabulka<br />
tartankaasi, Abdiweli Mohamed Adan, waxa uu sheegay<br />
in ujeedada tartanku ay tahay in lagaga joojiyo<br />
dhallinyaradu inay waqtigooda ku lumiyaan waxyaabo<br />
kale, isla markaasina xoogga la saaro oo loo soo<br />
jeesto arrimaha muhimka ah ee ay ka midka yihiin<br />
daafacaadda dalkooda iyo diintooda.<br />
167
Dhammaadkii bishii Ramadaan, boqolaal qof ayaa la<br />
iskugu yeedhay xaflad, munaasabad lagu bixinayey<br />
abaalmarintii tartankaasi cidda ku guuleysatey.<br />
Abdiweli Mohamed Adan, waxa uu dadweynihii u<br />
faahfaahiyey noocyada jaa’isadaha la bixinayo: ‘Qofka<br />
helay tartankii ee kowaad waxa la siinayaa abaalmarin<br />
ah qori cusub oo noociisu yahay AK-47, laba bam amma<br />
garnayl oo kuwa gacanta ah, miinada loo dhigo<br />
taangiyada dagaalka, qalab xafiis oo uu ku jiro<br />
kombuyuutar. Jaa’isadda labaadna waa qori duug ah<br />
amma aan cusbayn oo AK-47 ah, iyo qalab xafiis.<br />
‘Weligey anigu ma arag oo ima soo marin jaa’isad<br />
intaas lee amma abaalmarintaasi oo kale’, ayuu yidhi<br />
hogaamiyihii.<br />
Jaa’isadahaasi waxa lagu soo wareejiyey oo lala dhex<br />
maray dadweynihii daawanayey, iyadoo hawlwadeennadii<br />
al-Shabaab ay ku boorrinayaan waalidiintu inay u<br />
ogolaadaan caruurtoodu inay ku tababartaan oo ay<br />
isticmaalaan hubkaasi, una sheegaya in tani ay ka<br />
caawin doonto inay bartaan sida loola dagaallamao<br />
cadowga.<br />
Tusaale kale oo naxdin lihi waa cajaladaha amma<br />
suxuunta DVD ee filimada Bollywood (ee Hindiga ah) oo<br />
loo qaybiyo dhallinyarada loo tababarrayo hawlgallada<br />
ismiidaaminta amma inay is-qarxiyaan. Dhallinyarada u<br />
jajaban ee u debecsan fikradahaasi ayaa laga<br />
dhaadhiciyaan in filimadaasi ay yihiin Jannadii oo ay<br />
soo duubeen, soona direen, shuhadadii al-Shabaab ee<br />
janna-tegey kuwaasi oo wax kasta iyo raaxo kasta ku<br />
haysta halkaasi, ka dib markii ay fuliyeen weerarro<br />
is-qarxin ah ee ay naftooda hureen.<br />
Waxan weydiiyey Sheikh Hassan Dahir Aweys, bal waxa<br />
uu ku sababayn karo oo qiil u noqon karaa in caruurta<br />
maskaxdooda la bedelo oo waxyaabo kale laga<br />
dhaadhiciyo, loona qorto al-Shabaab. Waxanu iigu<br />
jawaabay: ‘Marka ay noqoto in la qorto caruurta,<br />
168
diinta Islaamku waxay qabtaan oo ku qeexan in qofku<br />
uu yahay qaan-gaadh qaadi kara masuuliyad, marka<br />
da’diisu ay gaadho shan-iyo-toban sano. Qof kasta oo<br />
ka yar shan-iyo-toban jir, kama qaybgalo dagaalka.<br />
Laakiin dadka waaweyn iyo dumarka iyagu doonayaa inay<br />
ka qayb galaan dagaalka, waa u furan tahay oo waa loo<br />
ogol yahay, waayo waa wax ku bannaan diintayada.’<br />
Waxan la kulmay wiilal ka soo baxsaday khassabka ay<br />
al-Shabaab wax ku qorato, waxayna u soo yaaceen<br />
dhinaca Kenya oo ay xadka ka soo tallaabeen, ilaa ay<br />
soo gaadheen xaafadda Eastleigh ee Nairobi. Lafteedu<br />
ma sahlana in aad hesho oo aad la kulanto<br />
dhallinyaradaasi, waayo waxay ka dhuumanayaan<br />
bileyska Kenya, sababta oo ah iyaga oo aan haysan wax<br />
waraaqo ah, dalkana ku jooga si sharci-darro ah. Waxa<br />
la i geeyey meel durugsan oo ka mid ah luuq-luuqyada<br />
qarsoodiga ah ee xaafadda Easleigh, halkaasi oo ah<br />
duni kale oo ay ku soo degaan dadka cusub ee dhawaan<br />
ka yimid Somalia, kuna yaallaan guryo burbursan oo<br />
xaaladdoodu aad u liidato. Waxay iga qaadatay waqti<br />
badan iyo dedaal weyn sidii aan ugu qancin lahaa<br />
dhallinyaradaasi inay soo baxaan oo ay ila kulmaan.<br />
Laakiin aakhirkii waxay yimaaddeen luuq-luuqii boodku<br />
madoobeeyey, iyaga oo isa soo dhex tubay<br />
bullaacadihii debadda yaalley iyo qashinkii is dul<br />
buuxiyey meehsa. Waqti ayay ku qaadatay inay ila<br />
hadlaan, laakiin marka ay bilaabaan hadal, ma kala<br />
joojinayaan. Wiilal aad u fara badan ayaa<br />
hareerahaygii ku soo xoomay oo soo buuxiyey, iyaga oo<br />
buuqaya, una garaabaya laba qof oo iyaguna hadda soo<br />
galay oo iiga warramayey nacaybka ay u hayaan alshabaab,<br />
iyaga oo cabsiyi ay indhahooda mar kasta ka<br />
muuqato. Wiilka ugu horreeyey ee ila hadlay waxa uu<br />
ahaa Mohamed. Waxa uu sheegay in da’diisu ay tahy<br />
shan-iyo-toban jir, kana soo cararay magaalada<br />
Baydhabo. Waxanu yidhi:<br />
169
Waxan ka soo cararay magaaladaydii, waayo<br />
dagaalyahannada al-Shabaab ee halkaasi joogaa<br />
waxay ku khasbaan dhallinyarada inay ku biiraan<br />
iyaga. Wiilasha reer Baydhabo, waxa qudha ee u<br />
bannaan waa laba midkood; inay amma al-Shabaab ku<br />
biiraan, amma meesha iskaga tagaan oo ay ka<br />
yaacaan dhulka al-Shabaab xukunto. Ururkani<br />
Islaamiyiintu waxay ciqaabaan dhallinyarada<br />
diidda inay iyaga ku biiraan. Waxay la dhacaan<br />
dhirbaaxo, karbaasha, iyo xadhig. Waxayna ku<br />
khasbaan inay ku biiraan miliishiyada. In badan<br />
oo ka tirsan dhallinayaradii aannu isku dugsiga<br />
amma fasalka ahayn, waxa lagu khabay inay ku<br />
biiraan al-Shabaab; imikadanna dagaalka ayay ku<br />
jiraan. Ma lihi wax qoys amma qaraabo ah, amma<br />
saaxiibbo ah oo ii jooga Kenya. Waana dhib<br />
miidhan halkani, waayo mar walba waxa ku<br />
caydhsanaya booliska Kenya. Laakiin waa ka<br />
sabata-bixi doonnaa.<br />
Wiilka labaad ee aan la hadlay si weyn ayuu u<br />
daldalmayey oo waxa uu jeedinayey khubad dheer oo uu<br />
wax kaga sheegayo al-Shabaab, isagoo u muuqda in uu<br />
dhiiradey oo uu ku dayday ka dib markii wiilkii isaga<br />
ka hoorreeyey ee Mohamed uu ila hadlay. Magaciisa<br />
waxa uu ku sheegay Abdirahaman, iyo in uu ka yimid<br />
isagu Muqdishu:<br />
Waxan uga soo tegey culayskii ay nagu hayeen ee<br />
aan kala kulmaayey al-Shabaab. Wadaaddada<br />
kooxdaasi ayaa yimaadda xaafadaha magaalada,<br />
goobaha dhallinyaradu iskugu yimaaddaan, waxayna<br />
na fari jireen in aannu ku soo biirno Jihaadka.<br />
Qaar ka tirsan saxiibaday waxay siiyeen lacag si<br />
ay ugu biiraan, qaar kalena waxay ka dhaadhicyeen<br />
in diinta awgeed ay ugu soo biiraan oo ay u<br />
dagaallamaan. Wadaaddadu waxay noo sheegeen inay<br />
170
waajib tahay in la galo dagaalka, jihaadkuna uu<br />
yahay waajib diini ah. Al-Shabaab waxay isku<br />
dayday inay naga dhaadhiciso in haddii aanannu<br />
iyaga ku biirin, in aanaan ahayn dad Muslin ah.<br />
Xataa halkan Kenya, mar walba cabsi ayaa igu<br />
jirta. Daqiiqad walba waxan ka baqanayaa in<br />
dawladdu ay i qabato oo dib la iigu celiyo<br />
Somalia. Ma haysto wax aqoonsi ah amma waraaqo<br />
ah, mar kastana waa la i xidhi karaa. Waxan arkay<br />
booliska oo dhex wareegaya Eastleigh, oo soo<br />
qabqabanaya, soona ururinaya Soomaalida. Marka<br />
taasi aan arkana, cagaha ayaan wax ka dayaa oo<br />
waan cararaa, inta karaankay ah.<br />
Kooxaha islaamiyiinta xagjirka ahi waxay mar walba<br />
soo rogaan qawaaniin cusub, oo mid walba sii<br />
cadaadinayo qaababkii dhaqanka iyo nolosha ee<br />
xuddunta u ahaa Soomaalida. Ugu horraantii,<br />
dadweynaha waxa laga mamnuucay inay goobaha furan<br />
amma fagaarayaasha ku daawadaan filimmada iyo<br />
tartanka ciyaaraha kubadda cagta. Waxa haddana ku<br />
xigey in laga mamnuuco codadka amma muusikada<br />
dhawaaqa telifoonnada moobiilka ah marka la soo<br />
garaaco. Markii danbana, waxa la soo rogey waxyaabo<br />
aad uga fog xaqiiqada, waxana ka mid ah miliishiyadii<br />
al-Shabaab ee joogtey magaalada Jowhar oo bishii<br />
April ee 2010, oo dugsiyadii magaalada ka mamnuucday<br />
in la tumo ama la garaaco jalas amma dawan, marka<br />
xiisadaha amma casharrada fasallady ay dhammaadaan.<br />
Waxayna sabab uga dhigeen in dawankaasi aad ugu dhaw<br />
yahay jalaska kaniisadaha Masiixig ah. Waxan amar<br />
lagu siiyey macallimiinta dugsiyada in hadda iyo<br />
wixii laga bilaabo, inay sacabka tumaan marka<br />
casharradu xiisaduhu dhammaadaan.<br />
Isla bishaasi, ururkii Xisbul Islam waxa uu isna<br />
amar ku bixiyey in idaacaduhu ay joojiyaan inay<br />
171
saaraan wax muusiko amma heeso ah, iyaga oo ku<br />
hanjabay in la dili doono kuwa u hoggaansami waaya<br />
ammarkan iyo sharcigan cusub.<br />
Maalin ka bacdi markii amarkani la soo rogey,<br />
dadweynihii ku noolaa magaalada Muqdishu waxay<br />
subaxnimadii ku soo tooseen oo ay ku waabariisteen<br />
idaacadihii oo saaraya shanqadh rasaas dhacaysa,<br />
halkii ay ka dhageysan jireen heeso caadi ah iyo<br />
muusik. Weriyayaasha joogey idaacaduhu waxay go’aan<br />
ku gaadheen inay saaraan qayladan rasaasta, si ay ugu<br />
ciyaaraan oo ay ugu dheel-dheelaan kooxaha<br />
Islaamiyiinta ah (ee soo rogey amarkan). Iyo weliba<br />
iyaga oo saaray cida raha, caadadaasi oo ah sida<br />
Soomaalidu iskaga maadsato amma iskugu dheel-dheesho.<br />
Ali Sheikh Yasin oo ka tirsan xarunta Elman ee ku<br />
taal magaalada Muqdisho oo ah urur u doodada xuquuqda<br />
banii’aadamka, waxa uu yidhi: ‘Halkan ayaan joognaa<br />
oo aan ka hadlaynnaa heesha iyo muusikada oo aan ku<br />
tilmaamaynno inay yihiin denbi ka dhan ah Islaamka,<br />
haddana maalin waxa la gala denbiga ugu weyn dunuubta<br />
ee ah dilka qofka banii’aadamka ah oo la galabsado<br />
saacad kasta maalin kastaba. Idaacaduhu waxay<br />
sameeyeen wax xiiso leh oo lagu qoslo, oo ay kaga<br />
hortagaan mamnuuciddan. Laakiin waxan ka baqayaan in<br />
kooxahani ay soo rogi doonaan amarro iyo xukunno kale<br />
oo kuwii hore ka sii daran.’ 12<br />
Waxay u muuqataa in aanay jirin wax xidhaya amma<br />
xaddidaya sida al-Shabaab ay iskugu deyeyso inay<br />
xakamayso dhaqanka iyo nolosha dadweynaha, iyaga oo<br />
tallaabo-tallaabo u cabbudhinaya amma u yaraynaya<br />
xorriyaadkii dadweynaha. Bishii January ee 2011, mar<br />
aan fadhiyey barxadda hudheel ku yaalla magaalomadaxda<br />
Somaliland ee Hargeysa, waxa la ii soo<br />
sheegay xukunkii ugu danbeeyey ee al-Shabaab ay soo<br />
rogto, kaasi oo ay kaga manuucday in raga iyo dumarku<br />
ay is gacan-qaadaan marka ay isa salaamayaan, dadka<br />
172
hortiisa amma dhexdiisa. Waxay ahayd galab amma fiid<br />
hore, oo dadka hareerahayga fadhiya oo dhammi<br />
hudheelka dhexdiisa, ee ahaa dhammaantood dad<br />
Soomaali ah oo iskugu jira rag iyo dumarba, oo wada<br />
cabbaya shaah, amma iskugu yimid inay ka sheekaystaan<br />
siyaasadda, amma telifishanka ka daawadaan ciyaaraha<br />
tartanka kubadda cagta. Raggu waxay xidhnaayeen<br />
macawiso midabbo badan leh, waxayna garbaha u saarnaa<br />
go’yaal shaal ah oo aad loo xardhay, iyaga oo<br />
salaamayaa dumarka sida bilicsan u lebbisan ee iska<br />
soo wada lulay qalabka iyo saanadda quruxda ee<br />
dumarku xidhaan. Marka raggu uu salaamaya dumarka, ma<br />
ahayn gacan-qaad qudha, ee si fudud ayay weliba u<br />
dhunkanayeen, sida caadada u ah Soomaalida.<br />
Maalintaasi lafteeda waxan ka imid Muqdishu,<br />
halkaasi oo dumarka qudha ee aan ku arkay ay ahaayeen<br />
qaar gabbanaya oo is-dedey, iskuna qariyey maryo amma<br />
shukooyin calculus oo madow; taaso oo ka geddisan<br />
xorriyaadka iyo qosolka amma farxadda halkan<br />
hudheelka Hargeysa taalla oo aan wax loo dhigo amma<br />
ka weyni aanay jirin. Jawiga galabtaasi waxa uu ahaa<br />
mid fiican oo xiiso iyo faraxad ka muuqato dadka oo<br />
wada mabsuud ah. Ragguna waxa si qurux badan u<br />
tirinayeen oo ay u soo xiganayeen tixo ka mid ah<br />
gabayada Soomaalida oo ay u marinayen dumarka.<br />
Hasaawe hoose oo reer-magaalnimo ayaa socdey, laakiin<br />
ku bannaan jawiga meesha ka jira.<br />
Waxan weydiiyey hogaamiyaha Islaamiyiinta, Skeikh<br />
Hassan Dahir Aweys, waxa ay uga go’an tahay ee sida<br />
weyn uu ugu doonayo in uu soo rogo qaab iyo nidaam<br />
Islaami ah oo buriya amma tirtira dhaqankii iyo<br />
caadooyinkii Soomaalida. Waxanu iigu jawaabay:<br />
Waxan aad ula yaabbanahay in aad i weydiiso<br />
su’aashaas oo kale. Marka ugu horraysa, waxa<br />
looga baahan yahay reer-Galbeedku inay noo<br />
sheegaan sababta ay u isticmaalayaan ee ay ugu<br />
173
fulinayaan tallaabooyinka iyo xukunnada<br />
qallafsan, ee ay ka midka yihiin sida xun ee<br />
loola dhaqmo maxaabiista ay ka qabteen al-<br />
Qaacida. Maxaad uga walaacsan tahay haddii aannu<br />
hirgelino shareecadayada Islaamka? Waa wax la<br />
wada og yahay in shareecada Islaamku ay tahay tan<br />
ugu fiican mujtamaca.<br />
Marka ay noqoto xagga anshaxa dharka amma<br />
lebiska ee Islaamka, waa wax Ilaahay xukumay,<br />
waxayna ku taal Quraanka. Xijaabku ma aha wax<br />
dumarka lagu khasbo, laakiin waa wax ay rabaan<br />
iyagu inay xidhaan, si ay u raacaan amarka iyo<br />
xukunka Eebbe. Waxan la yaabbanahay waxa weeye<br />
dalalka reer-Galbeedka ah oo doonaya inay nagu<br />
khasbaan sida iyagu ay u dhaqmaan ee ah in la<br />
is-qaawiyo. Taasi waa mid aad u xun oo khatar ah.<br />
Marka ay timaaddo ciqaabta ah in dadka la arjumo<br />
amma dhagax lagu dilo, marka ugu horraysa waa<br />
sharci diintu ay qabto oo waajib ah. Haddii reer-<br />
Galbeedku ay diidan yihiin in la raaco oo la<br />
dabbaqo shareecada Ilaahay, taasi iyaga ayay u<br />
taal amma ay khusaysaa. Laakiin annaga waxa naga<br />
go’aan oo waajib nagu ah in aannu hirgelinno kudhaqanka<br />
qawaaniinta diiniga ah. Dhaqannada iyo<br />
hirgelinta xukunnada ah dhagax-ku-diliddu waa<br />
qaar faa’iidooyin la taaban karo u leh mujtamaca,<br />
iyo guud ahaanba dadweynaha.<br />
Isla markaas ay al-Shabaab soo rogayaan mamnuucidda<br />
heesaha iyo muusiga idaacadaha, kuna amrayaan in la<br />
xidho telifishannada iyo idaacadaha, Al-Shabaab waxay<br />
dhinaca kale ka kordhinaysay mar kasta, oo ay<br />
keensanaysay iyadu, qalab cusub oo warbaahineed oo<br />
casri ah oo ay u adeegsato borobagaanada ay iyadu<br />
faafsanayso. Sannadkii 2011, waxay fureen telifishan<br />
ay iyagu leeyihiin, oo magaciisa la yidhaa al-<br />
174
Qaddaa’ib, kaasi oo isticmaalayey xaruntii iyo<br />
qalabkii telefishankii magaalada Muqdishu ee ‘Codka<br />
Nabadda’ oo ay qabsadeen.<br />
Telifishankaasi al-Qaddaa’ib waxa uu soo saari jirey<br />
muuqaallo iyo filimmo dad lagu sheego inay qiranayaan<br />
inay ahaayeen basaasiin, oo la soo tubo meel fagaare<br />
ah inta aan la dilin ka hor. Waxa kale oo laga sii<br />
deyn jirey waraysiyo laga soo qabto madaxda al-<br />
Shabaab oo khudbado dhaadheer u jeedinaya dadweyne<br />
aad u fara badan oo isku soo baxay. Sida caadada u ah<br />
ee lagu yaqaan dadka Jihaad-doonka ah,<br />
taliyayaashaasi waxa mar kasta ku xeeran oo<br />
ilaalinaya kooxo hubaysan oo xidhan tuutaha<br />
milateriga, oo lulaya calanka madow ee al-Shabaab,<br />
madaxa iyo weijiga ku qariyey dahaadh dheer amma oo<br />
ku soo duuduubtay cimaamado.<br />
Telifishankaasi waxa uu muujiyaa kulanno diini ah oo<br />
aad u ballaadhan, oo jidadka la isa soo buuxiyey ilaa<br />
inta ishu ay qabanayso, iyadoo dadweynuhu ay si jamac<br />
ah u tukanayaan, si nidaamsan oo isla haystana u<br />
rukuucayaan una sujuudayaan.<br />
Waxa kale oo ku jira muuqaalladaasi caruur aan qaangaadh<br />
ahayn oo tababar milateri lagu siinayo ayga<br />
miyiga, oo iyaga oo ku faraxsan kor u haya waraaqo<br />
amma kartoonno ay ku toogasho bartaan oo xabadihii ay<br />
ku dal-dalooliyeen.<br />
Waxa kale oo la saaraa qasaai’dka iyo heesaha<br />
Jihaadka ee kicinta, iyo sawirro farshaxan ah oo<br />
bixinayaa muqaallo argagax leh, iyo weliba muuqaallo<br />
si lama-filaan ah u muujinya dhallaan socsocda<br />
dadweynaha dhexdiisa, oo qoryo sitta, kuna soo<br />
fiiqaya kamarada.<br />
Al-Shabaab waxay ka faa’iideysatey sida soomaalidu u<br />
jecel yihiin ee ay u xiiseeyaan isticmaalka Internetka,<br />
waxayna bilaabeen website-yo aad u sarreeya oo<br />
175
casri ah. Marka mid laga xidhaba, isla markaaba mid<br />
kale ayay furaan oo ay bilaabaan. Bogagga websiteyadaasi<br />
waxa ka buuxay sawirrada dhul boodh badan oo<br />
al-Shabaab ay sheegaan inay dhawaan ‘qabsadeen’,<br />
sawirro naxdin leh oo ah meydad dad rayid ah oo<br />
jidkoodii la googooyey, ayna ku eedeeyaan falalkaasi<br />
ciidamada nabad-ilaalinta ee AMISOM iyo kuwa dawladda<br />
ku-meel-gaadhka ah. Waxa ku jira sawirro laga soo<br />
qaaday qof la sheegay inuu ka mid yahay ciidamada<br />
nabad-ilaalinta ee reer Uganda oo al-Shabaab ay<br />
qabatay, ninkaasi oo argagax ka muuqdo, indhihisuna<br />
kolba dhinac eegayaan. Ninkaasi waxa la haystey dhawr<br />
bilood oo weli lama sii deyn ilaa waqtigii la qorayey<br />
buuggan.<br />
Al-Shabaab waxa kale oo ay u isticmaasha internet-ka<br />
inay ku soo urursato lacagayow qaadhaan ah, oo si<br />
toos ah ay u abaabusho munaasabado ay ku codsanayso<br />
in lagu yabooho deeqo, munaasbadahaasi oo marar socda<br />
maalmo, kuna jira Internet-ka. Warbixin ay soo<br />
saartay Qaramada Midoobey ayaa waxay ka hadlaysaa mid<br />
ka mid ah munaasabadahaasi qaadhaan-ururinta ee<br />
noocaasi ah oo socotey muddo saddex cisho ah, bishii<br />
May ee 2009, iyo mid kale oo muddo laba toddobaad ah<br />
ku jirtey Internet-ka oo wax loogu ururinayey gaar<br />
ahaan kooxaha al-Shabaab ee gobollada dhexe ee<br />
Somalia. Waxayna tidhi warbixintu:<br />
Xarunta Salaaxuddiin ee magaalada Muqdishu ee<br />
al-Shabaab, waxay si toos ah xaruntaasi u<br />
xidhiidhisaa oo ay abaabushaa munaasabadaha<br />
noocan ah oo ay ka soo qayb galaan boqolaal qof<br />
oo ka tirsan qurbajoogta ... Hoggaamiyayaasha al-<br />
Shabaab ee gobolladuna waxay halkaasi kala<br />
hadlaan dadka, oo ay u sheegaan dhibaatooyinka<br />
soo waajaha mujaahidiinta iyo qoysaskooda ku<br />
sugan ee ku nool gobolladaasi oo abaaro iyo<br />
colaado haystaan. Dadkii ka soo qayb galay<br />
munaasbaddaasi ee baaqyada loo jeediyeyna waxay<br />
176
ku yabooheen lacag ka badan $40,000 oo doollar<br />
oo ay ku ballanqaadeen. 13<br />
Iyaga oo adeegsanaya qalabkan cariga ah ee xoogga<br />
weyn ee borobagaandada ee u furan, oo gaadhya qof<br />
kasta oo gala Internet-ka, al-Shabaab waxay soo<br />
jidataa oo ay ka heshaa dacallada adduunka oo dhan<br />
dad taageerayaal ah, gaar ahaanna Soomaalida qurbaha<br />
ku nool. Laakiin marka dadku ay ku soo biiraan<br />
ururkaasi, ee ay u soo galaan si ikhtiyaari ah ammaba<br />
la soo khasbo, waxa ku adkaata sidii marka danbe ay<br />
uga tegi lahaayeen, sida uu sheegay Al Ahzari oo hore<br />
uga tirsanaan jirey miliishiyada al-Shabaab:<br />
Sannadkii 2010, waxan goostay in aan iskaga tego<br />
al-Shabaab. Waxa lagu jebiyey dagaalkii kooxdii<br />
amma unuggii aan anigu wattey ee aan<br />
hoggaaminayey. Nimankii iga sarreeyey ee i<br />
xukumayey waxay shakhsi ahaan aniga i fareen in<br />
aan khaarajiyo dhammaan raggii iga dhaawacmay.<br />
Markaasi ayaan fahmay in al-Shabaab ay ka<br />
hojeeddo Soomaalida iyo diintoodaba, sidaa<br />
awgeedna waan ka goostay oo waan ka baxsaday.<br />
Waxa qudha ee ii suurtogeliyey in aan goostaana<br />
waxay ahayd dawladda oo i ilaalinaysey. Al-<br />
Shabaab mar kasta way gawracaan dadka ka taga ee<br />
ka goosta, waayo waxay ka baqayaan in dadkaasi ay<br />
kashifaan oo ay faafiyaan sirtooda. Waa wax aad u<br />
yar oo far-ku-tiris ah in qof uu awodo sidayda oo<br />
kale in uu ka baxsado. Si iskaa ah waad ugu biiri<br />
kartaa al-Shabaab, laakiin waa wax aan inta badan<br />
suurtogal ahayn in aad ka tegi karto.<br />
177
Dibad-ka-keenista iyo Dibad-u-dhoofinta Jihaadka<br />
(Importing and exporting jihad)<br />
Iyada oo ka duwan xaaladaha ka jira Somalia dhxdeeda<br />
oo dhallinyarada iyo wiilasha lagu khasbo inay ku<br />
biiraan al-Shabaab iyaga oo aan raalli ka ahayn,<br />
haddana qaar ka mid ah Soomaalida ku nool dalka<br />
dibaddiisa ayaa aad u doonaya inay ku biiraan<br />
kooxdaasi. Qaar ayaa iskaga tegey oo faraha ka qaaday<br />
noloshii ay ku noolaayeen dalalka Yurub iyo Maraykan,<br />
si ay iskugu soo qarxiyaan Somalia. Ilaa iyo intii<br />
Maraykanka iyo dalal kaleba ay al-Shabaab la<br />
xidhiidhiyeen ee ay ku magacaabeen inay kaalin weyn<br />
ka qaadato jihaadka caalamiga ah, isla markaasina ay<br />
qayb weyn ka tahay bahda al-Qaacida, al-Shabaab waxay<br />
soo jiidatey oo daneeyey dagaalyahanno badan oo aan<br />
Soomaali ahayn oo ajanebi ah, oo ay ku jiran kuwo u<br />
dhashay dalalka Aasiyada Koonfureed, Carab iyo<br />
Afrikaan, oo ka yimid meelo kale.<br />
Kaaliyaha Xoghayaha Arrimaha Debadda ee Maraykanka u<br />
qaabilsan Afrika, Jonnie Carson, waxa uu ka hadlay<br />
walaaca laga qabo dagaalyahannada ajnebiga ah ee laga<br />
yaabo inay ku xidhan yihiin al-qaacida ee ka garab<br />
dagaallamaya al-Shabaab. Waxanu yidhi: ‘Waxannu si<br />
weyn uga walaacsannahay wararkaasi oo u muuqda qaar<br />
khatar iyo xaqiiqo ah oo la rumaysan karo, in al-<br />
Shabaab ay ku dhex jiraan oo ay dagaalka kala qayb<br />
qaadanayaan dad asalkoodu yahay Aasiyada Koonfureed<br />
iyo Jajniyiin. Tani waa xaalad walaac weyn leh,<br />
waxayna muujinaysaa khatarta weyn ee ka soo fool leh<br />
dhibaatada Somalia.’<br />
Waxay u muuqataa in gaar ahaan xidhiidh khaas ahi uu<br />
ka dhexeeyo kooxaha jihad-wadayaashaaha ah ee Somalia<br />
iyo Yemen. Taasi ma aha waxa lala yaabo oo aan la<br />
filayn marka loo eego sida labada dal ay dhul ahaan<br />
iskugu dhaw yihiin iyo sida Maraykanku u arko iyaga,<br />
jaalliyadda amma qawiyadda ballaadhan ee Soomaalida<br />
178
ee ka jirta Yemen, iyo tan ugu muhiimsan oo ah in<br />
labada dawladood ee labadaasi dalba ay yihiin qaar<br />
daciif ah oo tag daran, amma ku dhaw burbur. Marka<br />
degaanaanshihii dalka Yemen uu sii kala jajabo ee uu<br />
sii xumaadaba, waxa suurtogal ah in dhaqdhaqaayada<br />
Islaamiga ah ee labadaasi dal ay isku sii dhawaadaan<br />
oo ay isku xidhmaan. Afhayeen u hadlay ururka alshabaab<br />
waxa uu sheegay 2009-kii, in labada dhinacba<br />
ay isweydaarsanayaan dagaalyahanno.<br />
Osama bin Laden oo isagu waqtigaasi ahaa<br />
hoggaamiyaha al-Qaacida, waxa uu ku ammaanay oo kor u<br />
qaaday magaca iyo heerka Somalia ee qadiyadda<br />
Jihaadka, mar uu kaga hadlay cajalad laga soo duubay,<br />
oo la sii daayey sannaddii 2009, oo 11 daqiiqo<br />
socotey, oo uu gebi ahaan kaga hadlayo dalkaasi.<br />
Dhambaalkaasna waxa cunwaan looga dhigay ‘Wada<br />
dagaalka, geesiyaasha Soomaaliyeedow’, waxanu u<br />
hibeeyey ‘ku walaalaha samirka badan ee muslimiinta<br />
Soomaaliyada Mujaahidka ah.’ Osama bin Laden waxa uu<br />
ugu baaqay Soomaalida in la afgenbiyo oo xukunka laga<br />
tuuro madaxweynihii cusbaa ee dalkaasi, Sheikh<br />
Sharif Sheikh Ahmed, oo hore u ahaan jirey madaxa<br />
Midowgii Maxkamadaha Islaamiga ah, waxanu ku eedeeyey<br />
in uu ka tegey diintiisii, ugana baxay si uu dawladda<br />
ugu biro, amma sida uu u dhigay ‘ in uu la<br />
shuraakoobo oo la rafiiqo gaalada.’ Waxa uu ku<br />
tilmaamay Islaamiyiinta Somalia, dhaqdhaqaaq weyn oo<br />
ka tirsan Jihaadka caalamiga ah, oo uu u aqoonsaday<br />
bah si wadaag ah uga qayb qaadanaysa halganka:<br />
‘Waxaad tihiin furinta koowaad amma safka hore ee<br />
difaaca dunida Islaamka ee aagga Koonfur-Galbeed,<br />
samirkiinna iyo qaddiyaddiinna weyn ee adagina waxay<br />
kaalmaynaysaa oo ay u gargaaraysaa walaalihiinna reer<br />
Falastiin, Ciraaq, Afghanistan, Muslimiinta reer<br />
Makhrib, Pakistan, iyo meelaha kale ee Jihaadku uu ka<br />
socdo.’<br />
179
Dilkii Osama bin Laden ee ay geysteen ciidamada<br />
gaarka ah ee Maraykanku bishii May ee 2011, siyaabo<br />
kala geddisan ayaa looga arkay Somalia. Dumar ayaa ku<br />
dabbaaldegey oo damaashaad iskugu soo baxay jidadka<br />
qaybaha dawladdu ay xukunto ee magaalada Muqdishu,<br />
iyaga oo ku faraxsan dhimashada ninka ay ku sheegeen<br />
ee ay u haystaan in uu mas’uul ka ahaa dilalka<br />
raggoodii iyo wiilashoodii ay jeclaayeen. Dhinaca<br />
kalena al-Shabaab waxay soo saartay odhaah ay ku<br />
sheegayaan inay u aargudi doonaan ninkaasi. Qaar ka<br />
mid aha dagaalyahannaduna waxay soo xidheen weer cad<br />
oo muujinaya, caalamadna u ah, sida ay ugu<br />
murugoonayaan.<br />
Waa adag tahay in si sugan loo ogaado tirada dhabta<br />
ah ee dagaalyahannada ajanebiga ah ee ku soo biiraya<br />
Jihaadka Somalia iyo dalalka ay ka kala yimaaddeen,<br />
laakiin aad ayay u joogaan halkaasi oo way ku badan<br />
yihiin. Al Ahzar oo isagu hore uga tirsanaan jirey<br />
al-Shabaab ayaa ka hadlay sida jihad-wadayaasha<br />
ajanebiga ahi ay uga hawlgalaan Somalia ee ay u<br />
yihiin kooxo gooni ah oo sidooda u taagan ururka<br />
dhexiida. Waxanu yidhi:<br />
Waxan dagaal wada galnay dhawr kooxood oo ka<br />
tirsan kooxahaasi ajanebiga ah. Tirada ajanebiga<br />
Jihaad-wadayaasha ah ee jooga Somalia waa<br />
qiyaasti ilaa 1,800. Marka siyaabaha qaar loo<br />
eegana, iyaga ayaa ah hoggaanka al-Shabaab. Waxay<br />
dagaalka u galaan koox-koox gaar ah oo goonidooda<br />
ah, saldhiggooda u weynina waa Muqdishu. Waxa ku<br />
jira Carab, Pakistaniin, iyo dad caddaan ah –<br />
xattaa Maraykan – iyo kuwa badan oo Afrikaan ah<br />
sida Kiiniyaan, Sudan, Itoobiyaan, iyo<br />
Eritrea-yaan.<br />
Qaar badan oo ka mid ah ajanebigani waxay<br />
dalalkoodii ka yihiin denbiilayaal. Mid u dhashay<br />
dalka Bangladesh waxa uu ii sheegay in uu xabsiga<br />
180
ku jirey muddo shan-iyo-toban sano ah, ka bacdina<br />
uu soo baxsaday oo uu yimid Somalia. Waxa uu<br />
sheegay in aanu doonayn in nabaddii iyo<br />
degganaanshihii ay ku soo noqdaan Somalia, waayo,<br />
waxa uu yidhi waa sahlantahay in halkan lagu<br />
dhuunto inta uu jiro ee uu socdo qaskani.<br />
Ajanebigu waxay doonayaan in Somalia ay sidaa sii<br />
ahaato, dal aan dawlad lahayn. Waayo waxay iyaga<br />
u noqonaysaa meel ku habboon inay u soo qaxaan oo<br />
ay hoy ka dhigtaan.<br />
Waxa kale oo ku soo biiray Soomaali badan oo<br />
qurbaha ka yimaadda oo la shaqeeya kooxahaasi<br />
ajanebiga ah, una ah dirawaliin, tarjumaanno iyo<br />
ciidan ilaaliya. Waxay u yimaaddaan ee ay ugu soo<br />
noqdaan Somalia inay shahiidaan. Soomaalida aan<br />
wax dhibaato ahi ka haysan qurbaha, ee aan wax<br />
tuhun amma shaki ah aan loo daba joogin, ayaa had<br />
iyo jeer loo soo diraa halkan, si ay u fuliyaan<br />
hawlgallo debadeed. Xataa waxay diyaar u yihiin<br />
inay sugaan sannado badan inta ay ka fulinayaan<br />
weerarro debadeed. Dan kama leh inta ay ku<br />
qaadanayso. Waxa jira unugyo qarsoodi ah oo<br />
jihaaad-wadayaal ah oo ka jira dhulalka ay ka<br />
midka yihiin Holland, Maraykanka iyo Ingiriiska,<br />
kuwaasi oo dejinaya amma samaynaya qorshayaal ku<br />
saabsan sidii weerarro loogu qaadi lahaa<br />
dalalkaasi.<br />
Hoggaamiyaha Islaamiyiinta, Hassan Dahir Aweys, waxa<br />
uu isna ka hadlay dagaalyahaniintan ajanebiga ah:<br />
Maxaa ku jaban in taageero aad ka hesho dadka<br />
kale, haddii cadowgaagu uu yahay mid kaa xoog<br />
badan oo haysta hub badan? Maxaa ku khaldan in<br />
aannu helno taageero? Haddii dadka jilicdasan ee<br />
saboolka ahi ay is habeeyaan, si ay ula<br />
dagaallamaan cadowgooda, maxaa ku jaban inay<br />
181
taageero ka raadsadaan meel kasta oo ay ka heli<br />
karaan?<br />
Ajanebiga ku jira al-Shabaab intooda badan asalkoodu<br />
wuxu ka soo jeedaa Soomaalida qurbaha deggan ee<br />
haysata dhalasho Maraykan amma reer Yurub ah. Waxay<br />
bilaabeen inay u soo kicitimaan Somalia ka dib markii<br />
Itoobiya ay soo gashay dalkaasi bishii December ee<br />
2006. Hey’adda mukhaabaraadka Maraykanka ee CIA waxay<br />
sheegtay in duullaankaasi uu ‘sii shiday’ oo uu<br />
dhaliyey in Soomaalidii debaddu ay ku biiraan<br />
ururrada xagjirka ah ee Islaamiyiinta. Marka lagu<br />
xisaabatamo in duullaankaasi Itoobiya uu haystay<br />
taageerada Maraykanka, waxay noqonaysaa mid sax ah in<br />
lagu doodo in uu ahaa hawlgalkaasi wadajirka ahaa, ka<br />
sii fogeeyey Soomaalida qurbajoogta ah ee ku kallifay<br />
inay dagaallo jihaad ah ka fuliyaan dalkoodii hooyo.<br />
Mid ka mid ah dadkaasi jihad-doonka ah ee ku soo<br />
guryo-noqday Somalia, waxa uu yahay Shirwac Ahmed, oo<br />
ah lix-iyo-labaatan jir asalkiisu Soomaali yahay<br />
laakiin qaatay dhalashada Maraykanka, oo ka yimid<br />
gobolka Minnesota, waxanu iskaga tegey waxbarashadii<br />
koolajka sii uu ugu biro oo uu ugu dagaallamo al-<br />
Shabaab. Waxa uu is-qarxiyey bishii Oktoobar ee 2008,<br />
isaga oo kaxaystay baabuur laga soo buuxiyey<br />
waxyaabaha qarxa, lana galay dhisme ay dawladdu<br />
lahayd oo ku yaalley gobolka Puntland ee Waqooyiga-<br />
Bari ee Somalia. Warbaahinta Maraykanku (sida laga<br />
soo xigtey qoraallada Andrea Elliot ee ‘A call to<br />
jihad, answered in America, New York Times 12 July<br />
2009) waxay ku tilmaantay ninkaasi ‘qofkii ugu<br />
horreeyey ee Maraykan ah ilaa hadda inta la og yahay<br />
ee is-miidaamiya amma is-qarxiya.’ 14<br />
Sirwac Ahmed waxa uu ka mid ahaa dhawr ah<br />
dhallinyaro Soomaaliyeed oo ka tegey magaalada ugu<br />
weyn gobolka Minnesota ee Minneapolis, si ay ugu<br />
182
iiraan ururka al-Shabaab. Hey’adda mukhaabaraadka<br />
Maraykanka ee FBI waxay ku qiyaastay in intii u<br />
dhaxaysey bishii September ee sannadkii 2007 ilaa<br />
bishii October ee 2009, in tiro ka badan labaatan qof<br />
oo Soomaali ahi inay ka tegeen Minnesota si ay ugu<br />
biiraan kooxda Islaamiga ah ee Somalia. Minneapolis<br />
waa magaalo-madaxda qurbajoogta Soomaalida ee<br />
Maraykanka. Qayb ka mid ah magaaladaasi degaannada<br />
gaboobey oo Soomaalidu aad u isticmaashana waxa loo<br />
yaqaan’Muqdishu-Yarey’; magacaasi oo la mid ah ka ay<br />
Kiiniyaanku u bixiyeen ee ay u yaqaanaan xaafadda<br />
Eatleigh ee Nairobi.<br />
Dawladda Maraykanku waxay aad uga walaacsan tahay<br />
xagjirnimada Soomaalida, walaacaasi oo keenay ilaa<br />
heer ay dawladdu ay ka samayso magaalada Minneapolis<br />
xafiis gaar ah iyo cutub ka tirsan heyadda<br />
mukhaabaraadka ee FBI oo la yidhaa Iskaashiga<br />
Hawlgalka Gaarka ah ee Ka-hortagga Argagixisada<br />
(Joint Terrorism Task Force). Warbixin arrintaasi ku<br />
saabsan oo FBI ay qortay sannadkii 2009, waxa ka mid<br />
ahaa:<br />
Ilaa dabayaaqadii 2006, waxan aragnay dhawr qof<br />
oo ka tirsan Maraykanka – oo qaar badani ay asal<br />
ahaan ka soo jeedaan Somalia, qaarna aanay la<br />
lahayn wax xidhiidh ah oo noocaasi ah – kuwaasi<br />
oo u safra Somalia, si ay u tababaraan amma ay<br />
uga qab qaataan dagaalka ay al-Shabaab ay waddo.<br />
Tirada dadka noocaasi ah ee aannu rumaysannahay<br />
inay tegeen Somalia, waxay ka badan tahay marka<br />
la barbar dhigo guud ahaan dadka ka tegey<br />
Maraykan ee tegey meelaha kale ee adduunka ee<br />
xiisaduhu ay ka jiraan, dhawrkii sano ee la soo<br />
dhaafay. Waxanan aragnay inay ka badan tahay<br />
tirada dadka ka taga Minneapolis marka loo eego<br />
qaybaha kale ee dalka mid kasta. 15<br />
183
Cabsida ugu weyn ee la qabaa waa inay dhici karto in<br />
maalin ka mid ah maalmaha ay Soomaalida deggan<br />
Maraykanku qaadaan waxa FBI ay ku tilmaantay<br />
‘hawlgallo argagixiso’ oo laga fuliyo ciidda amma<br />
dhulka Maraykanka dhexdiisa.<br />
Bishii February ee 2010, Agaasiimaha Heyadda<br />
Muklhaabaraadka Qaranka ee Maraykanka, Dennis Blair,<br />
waxa uu u sheegay guddi gaar ah oo ka tirsan aqalka<br />
sare ee odayaasha ee Senate, oo loo saaray inay<br />
dhageystaan oo ay dersaan warbixinno ku saabsan<br />
‘Kahataraha Haataan Taagan iyo Kuwa Meelo Kale Kaga<br />
Soo Fool leh Maraykanka’, waxa uu u sheegay in uu<br />
rumaysan yahay in qaar ka tirsan dagaalyahannada<br />
tababarka ka bixinaya Somalia iyo kuwa dagaalka ku<br />
jiraaba, inay dhici karto in hawlgalladooda ay ku soo<br />
jeediyaan oo la beegsadaan Maraykanka.<br />
Maraykanku waxay ka qaadeen tallaabooyin Soomaalida<br />
Maraykanka ah. Bishii August ee 2010-kiina, afar-iyotoban<br />
qof ayaa lagu soo oogey dacwado la xidhiidha<br />
falal argagixiso, falalkaasi oo ay ku jiraan<br />
lacagayow, dad iyo taakulayn kale oo loo fidiyey al-<br />
Shabaab. Laba qof oo dadkaasi ka mid ahaa ayaa la<br />
xidhay, laba-iyo-tobankii kalena waxa la rumaysan<br />
yahay inay mar horeba dalka ka baxeen oo ay tegeen<br />
Somalia. Sida laga soo xigtey Xeer-Ilaaliyaha Guud ee<br />
madaxda ka ah Waaxda Caddaaladda ee Maraykanka, Eric<br />
Holder, waxa uu sheegay in ‘dacwadahan iyo<br />
xidhitaanka dadkani ay sii ifiyeen oo la ogaadey<br />
jiritaanka hawlgallo khatar ah oo xidhiidhsan oo<br />
loogu ururiyo, looguna diro hanti iyo dad dagaallama<br />
labadaba ururka al-Shabaab, lagana soo ururiyo<br />
dhammaan magaalooyinka Maraykanka.’<br />
Bishii July ee 2011, wiil lix-iyo-labaatan jir ah oo<br />
Soomaali ah, oo magaciisa la yidhaa Omar Abdi<br />
Mohamed, oo deggan magaalada Minneapolis, waxa uu ka<br />
dhex qirtay maxkamad ah kuwa federaalka Maraykanka,<br />
184
in uu qabo denbi ah inuu ka qayb galay qaadhaan loo<br />
ururinayey in la geysto falal kala ah dil, afduub iyo<br />
dhaawacyo ah, kuwaasi oo laga fuliyo debadda.<br />
Xeer-Ilaaliyaha B. Todd Jones ee Maraykanku waxa uu<br />
isna sheegay (warbixintii FBI ee 2010):<br />
Dadka ku lug leh qorshayaashani la maleegayey, ee<br />
uu ka midka yahay Omar Abdi Mohamed, waxay<br />
jebiyaan sharciga, iyaga oo ku kacay tallaabooyin<br />
khaldan oo kahatar ah oo ay ku taageerayaan urur<br />
argagixiso ah. Aakhirkana taasi waxay keentaa<br />
inay kala geyso oo dhibaato ku abuurto qoysas<br />
badan oo Soomaalida Maraykanka ah. Waalidiinta<br />
ayaa ka cadhooda oo walaac ay ku abuurtaan<br />
caruurtoodii wiilasha ahaa oo la waayo, oo inta<br />
badan iska taga iyaga oo aan la ogeyn, oo aan isa<br />
sheegin amma is ogeysiin waalidkood. Mararka<br />
qaar, qoysasku waxay ka ogaadaan oo ay ka war<br />
helaan oo qudha meesha iyo waxa ay ku danbeeyeen<br />
caruurtoodii iyo dadkoodii marka ay ka arkaan oo<br />
keliya fiidiyayaasha Internet-ka ee al-Shabaab ku<br />
faafsato borobagaandada. 16<br />
Baadhitaan isna ay samaysay FBI oo loogu magic-daray<br />
hawlgalka ‘Operation Rhino’, oo ku waajahnaa<br />
dhallinyarada Soomaalidu ee deggan Minneapolis, waxa<br />
ka soo baxay in dhallinyaradaasi muddo dhawr sano<br />
ahba ay tegayeen oo ay ku noqonayeen Somalia si ay<br />
uga soo dagaallamaan halkaasi:<br />
Kooxihii ugu horreeyey ee la ogaado inay halkaasi<br />
u safreen, waxay ka ambabaxeen dalka Maraykanka<br />
bilihii October iyo December ee 2007, iyaga oo<br />
qaar kalena ka daba tegey bilhii February 2008,<br />
November 2008, iyo October 2009. Markii Somalia<br />
ay gaadheen, waxa la dejiyey guryo gaar ah oo ay<br />
leeyihiin al-Shabaab oo ku yaal koonfurta<br />
185
Somalia, ilaa iyo intii loo samaynayey xero<br />
tababar oo al-Shabaab ay leedahay oo<br />
dhallinyaradaasi lagu tababaro. Tababarkaasi waxa<br />
bixinayey saraakiil sarsare oo ka tirsan al-<br />
Shabaab iyo al-Qaacida qaybteeda qaabilsan<br />
Afrikada Bari.’ 17<br />
Qaar ka tirsam Soomaalida Maraykanka ee ku biiray al-<br />
Shabaab waxay ahaayeen dad dayro ah oo ka baxay<br />
mujtamaca jaalliyadaha Somaalida, ka dib markii ay ku<br />
biireen kooxaha dhallinyarada dibjirka ah ee noqda<br />
budhcad wax boobta, kooxahaaso oo ay ka mid yihiin<br />
kuwa la baxay magacyada ‘Rough Tough Somalis’ iyo<br />
‘Murda Squad’. Jihaadku, waxa uu si ahaan uga dhigan<br />
yahay qaab kale oo ay isku muujiyaan dhallinyarada<br />
caasiga ah ee ku caasigarooba qoysaskooda iyo<br />
nidaamyada mujtamaca ee jira. Waxa uu uga dhigan<br />
yahay sida balwadii Rock and Roll oo kale oo casri<br />
ah.<br />
Wararka iyo macluumaadka la xidhiiodha kooxha<br />
xagjirka ah ee Islaamiyiinta Somalia, waxa si sahal<br />
ah looga heli karaa Internet-ka; waxana jira websiteyo<br />
tiro badan iyo bogagga lagu sheekaysto oo ku<br />
xidhan al-Shabaab, kuwaasi oo u ah dhallinyarada<br />
Soomaaliyeed ee madluunka ah amma kacsan ee ku nool<br />
Minnesota, meel iyo goobo ay ka helaan agab iyo<br />
waxyaabo ay lab-raacaan amma la dhacaan, amma u<br />
arkaan qaddiyad habboon in la guto. Tusaalena waxa uu<br />
ah agabkaasi mid ka hadlaysa jihaadka oo al-Shabaab<br />
ay bogaggeeda internetka soo gelisay, oo u qornaa<br />
sidatan, ‘Ma garan kartid macaanka Jihaadka ilaa aad<br />
ku soo biirto oo aad soo gashid Jihaadka.’<br />
Adeegga Intyernetku waxa kale oo uu suurtogeliyaa in<br />
kuwii tegey Somalia ay la soo xidhiidhaan kuwii kale<br />
ee ka hadhay amma aan weli tegin, oo ay ugu baaqaan<br />
inay ku soo biiraan oo ka daba yimaaddaan, iyaga oo<br />
186
‘weyneynaya amma buunbuuninaya’ wanaagga iyo<br />
ahmiyadda hawlaha ay ku jiraan. Farriin amma dhambaal<br />
la soo geliyey adeegga Facebook oo uu soo geliyey qof<br />
Soomaali ah oo dhawaan ka tegey Maraykanka, tegeyna<br />
magaalada Muqdishu, waxa uu ku soo qoray, ‘Sup dawg,<br />
kaalaya halkan oo iskeena magaaladan M-Town ... oo ah<br />
meel raggu ay wada sittaan dhammaan noocyada hubka<br />
amma qoryaha.’ 18 Waxa jira dagaalyahannada kale ee ka<br />
tegey qurbaha oo iyagu ilaa heer mutacallimiin ah ka<br />
roon wiilkan, oo iskaga tegey koolajyadii<br />
waxbarashada ee ay ku jireen, tegeyna Somalia si ay<br />
uga qayb galaan dagaalka.<br />
Dhallinyarada Soomaalida ee iyaguna qaatay dhalasho<br />
reer-Yurub ah waxa kale oo iyaguna u tagaan si ay ugu<br />
biiraan al-Shabaab. Dalka Ingiriiska, oo ay deggan<br />
yihiin qamiyadda amma jaalliyadda ugu ballaadhan ee<br />
Soomaalida ee dalalka Yurub, hey’ahada nabadgelyadu<br />
waxay ku qiyaasaan daraasiin tirada dhallinyarada<br />
baxday. Mid ka mid ah waxa lagu sheegay inuu ahaa nin<br />
kow-iyo-labaatan jir ahaa oo ku noolaa xaafadda<br />
Ealing ee Galbeedka magaalada London, oo ka baxay<br />
halkaas bishii October ee 2007, iskuna qarxiyey goob<br />
kontorool oo ku taal magaalada koonfureed ee<br />
Baydhaba, halkaana ku diley ilaa labaatan askari oo<br />
ka tirsanaa ciidanka dawladda. Sida ay sheegtay<br />
dawladda Somalia-yana, qarax is-miidaamin ahaa oo<br />
lagula kacay sannadkii 2009 munaasabad xalaflad<br />
qalin-jebin ahayd magaalada Muqdishu, waxa fuliyey<br />
qof Soomaali ah oo ka yimid dalka Denmark, oo u soo<br />
lebbistey sidii qof dumar ah oo kale.<br />
Ma cadda sabata dadka intaas leeg ee is-miidaamiya<br />
iskuna qarxiya Somalia gudaheeda, sabata ay u yihiin<br />
badankoodu dhallinyaro ka timid qurbaha, ee ay u<br />
noqon waayeen dad gudaha laga qortay.<br />
Walaaca ugu weyn ee dawladaha debaddu ay qabaan waa<br />
cabsida laga qabo, iyo xaqiiqada sii kordhaysa, in<br />
187
Soomaalidu ay qaadaan weerarro ay ka fuliyaan<br />
Somaaliya debaddeeda. In kasta oo badiyaa meelaha ay<br />
aadaan dhallinyarada Soomaalida ee qurbaha ka tagtaa<br />
ay tahay Somalia, haddana waxa jirey weerarro<br />
Islaamiyiinta Somalia ay ka fuliyeen dalka<br />
debaddiisa. Ka ugu xumaa waxa uu ahaa kii lagu diley<br />
tiro ka badan toddobaatan qof dalka Uganda,<br />
weeraraasi oo ay fuliyeen dad is-qarxiyey oo ka<br />
tirsanaa ururka al-Shabaab.<br />
Waxa jira tusaalooyin kale, xataa meelo si weyn uga<br />
fog Afrika. Hey’adaha Nabad-Sugidda ee Australia<br />
waxay sheegeen bishii August ee 2009, inay ogaadeen<br />
oo ay heleen qorshe shirqool oo ay maleegayeen kooxo<br />
soo-galooti ah amma ajanebiga degey dalkaasi ka<br />
tirsan, oo ay ku jiraan saddex Soomaali ah oo haysta<br />
dhalashada Australia. Qorshaasi oo lagu damacsanaa in<br />
la fuliyo weerar is-qarxin ah oo lagu qaado saldhig<br />
milateri oo ku yaal magaalada Sydney.<br />
Saddex ka mid ahaa afar nin oo lagu helay denbi ah<br />
hawlgal la fashiliyey oo lagu damacsanaa in lagu<br />
qarxiyo tareennada iyo maxadadaha dhulka hoostiisa ee<br />
magaalada London 21-kii bishii July ee 2005, waxay<br />
noqdeen Soomaali. Wasiirkii hore ee Ingiriiska u<br />
qaabilsanaa Afrika, Lord Malloch Brown, waxa uu<br />
sheegay sannadkii 2009, in Somalia ay u taagan tahay<br />
oo ay kaga soo fool leedahay dalkan Ingiriiska khatar<br />
ka weyn tan Afghanistan.<br />
Sumcadda Somalia ee loo arkay aag amma meel weyn oo<br />
Afrika ah Dagaalka Argagixisada, iyo weliba meel laga<br />
soo abaabulo oo laga dhoofiyo weerarrada debadda,<br />
arrimahani waxay keeneen in Somaalida uu raaco oo uu<br />
u meelmaro ‘magac xun’ oo dalalkii kale ee adduunka<br />
ugu faafa, mararka qaarna si khalad ah loogu<br />
xidhiidhiyo oo loogu eedeeyo dad Soomaali ah inay ka<br />
qayb qaateen hawlaha dagaalka ee Islaamiyiinta.<br />
Sannadkii 2009, waxan la xidhiidhay nin Soomaali ah<br />
188
oo magaciisa la yidhaa Mohamed Suleiman Barre, wax<br />
yar ka bacdi markii ninkaasi laga soo sii daayey<br />
Xabsi ku yaal Guantanamo. Waxa uu halkaasi ku xidhnaa<br />
muddo dhawr sano ah intii aan la sii deyn ee aan loo<br />
mastaafurin Jamhuuriyadda la baxday Somaliland.<br />
Waxanu igu yidhi:<br />
Waxa la iga soo qabtay dalka Pakistan sannadkii<br />
2001, waxana la igu eedeeyey in aan ku lug lahaa<br />
hawlo argagixiso. Saraakiisha ciidamada<br />
sirdoonka ee Pakistan waxay i geeyeen xabsi ay ku<br />
ururiyaan oo lagu hayo dadka lagu tuhunsan yahay<br />
argagixisada. Muddo afar bilood ku dhawdhaw ayaa<br />
halkaasi la igu hayey. Markii danbe waxa ii<br />
yimid, oo saddex jeer igu soo noqnoqday,<br />
saraakiil Maraykan ah oo su’aalo baadhitaan i<br />
weydiiyey. Waxay ii sheegeen inay soo heleen oo<br />
ay soo ogaadeen telifoonno aan dirsaday iyo qaar<br />
aan helay, iyo in ay ila soo xidhiidheen<br />
hawlwadeenno sarsare oo lagu tuhusan yahay<br />
argagixiso. Waxay igu khasbeen in aan qirto<br />
waxyaabo aanan samayn oo aanan gelin.<br />
Ka dibna aniga iyo saddex qof oo kale ayaa loo<br />
qaaday oo loo wareejiyey xabsi ku yaal saldhigga<br />
gegida diyaaradaha ee Bagram ee Afghanistan,<br />
halkaasi oo jidh-dil aad u xun la nagula kacay<br />
Waxay nagu sameeyeen waxyaabo aad u xun. Markii<br />
danbe waxa la ii diray xabsiga Guantanamo,<br />
halkaasi oo aan ku jirey dhar sano, oo inta badan<br />
aan gooni u xidhnaa, cidlana ahaa. Waxana si weyn<br />
iiga xumaatay maskaxdii oo dhaawacantay.<br />
Haatan waxa dareemaa sidii nin xabaal ka soo<br />
baxay oo kale amma dib u soo noolaaday. Waxayna<br />
igu qaadanaysaa waqti in aan dib ula qabsado<br />
dunidii dhabta ahayd. Waxa qudha ee aan doonayaa<br />
amma jecelahay waa in aan u noolaado sida qof<br />
caadi ah. Ilaa hadda ma garanayo waxa markii<br />
189
horeba la ii xidhay ee aan geystey. Waxa la i soo<br />
daayey siddeed sano ka bacdi markii aan xidhnaa,<br />
iyada oo aan wax maxkamad ah la i geyn oo aan la<br />
igu soo oogeyn wax dacwad ah.<br />
Waxa suurtogal ah in dabagalka sii kordhaya ee<br />
bartilmaameedka laga dhiganayo Soomaalida adduunka ku<br />
kala dhaqan, in taasi ay keento, sidii duullaankii<br />
Itoobiya ee Somalia ee 2006-dii oo kale, inay sii<br />
fogeyso oo ay sii kiciso mujtamacyada Soomaalida, una<br />
horseeddo weerarro kale oo dheeraad ah oo ay ka<br />
geystaan gudaha iyo debaddaba.<br />
Waxay noqonaysaa arrin khalad ah in lagu doodo in<br />
intii ka horraysey soo-bixitaankii Midowga<br />
Maxkamadaha Islaamiga ah, in aanay ka jirin Soomalia<br />
dagaallo Islaami ahi. Sida ka lagu soo xusay<br />
cutubkani, waxa sannado badan ka jirey Somalia kooxo<br />
xagjir ah, in kasta oo ay ahaayen wax kooban oo aan<br />
sida u sii ridneyn.<br />
Dilkii sannadkii 2011 lagu diley magaalada Muqdishu<br />
madaxii qaybta al-Qaacida ee Afrikada Bari, Fazul<br />
Abdullah Mohamed, waxay caddaynaysaa in Somalia ay<br />
hoy u ahayd hawlwadeennada saresare ee caalamiga ah<br />
ee al-Qaacida. Weli ma kala cadda in Fazul Abdullah<br />
Mohamed uu soo degey oo uu xarun ka dhigtay Somalia<br />
intii ka horraysay soo-bixitaankii al-Shaab amma<br />
intii ka danbaysey.<br />
Laakiin xaqiiqada ah in ururkaasi uu ilaa sanadihii<br />
labada kun aakhirkoodiiba uu gacanta ku hayey qaybo<br />
badan oo ka tirsan koonfurta iyo badhtamaha Somalia,<br />
oo ay ku jiraan qaybo badan oo ku yaal magaalomadaxda<br />
Muqdishu, ayaa dalkaasi ka dhigtay meel soo<br />
jidata oo hoy u noqota hawlwadeenno sarsare oo ka<br />
tirsan dhaqdhaqaayada Islaamiyiinta caalamiga ah.<br />
190
Mar kale, Maraykanka iyo dawladaha isbahaysiga ay<br />
leeyihiin waxay khalad ka fahmeen xaaladaha ka jira<br />
Somalia. Waxay si degdeg ah u qaateen in Midowgii<br />
Maxkamadaha Islaamiga ahaa ay yihiin wax khatar ah.<br />
Fahamkaasi khaldani waxa laga yaabaa in uu si aan kutalo-gal<br />
ahayn oo kama’ ah kaalin uga qaatay soobixitaanka<br />
dagaallo Islaami ah oo ka dhaca dalkaasi.<br />
Waxa laga yaabaa inay ka roonaan lahayd in dawladaha<br />
debaddu ay aqoonsadaan, halkaasina ka sii<br />
ambaqaadaan, guulaha cumtama ee wax-ku-oolka ah ee<br />
Maxkamadihii Islaamiga ahaa (UIC) ay soo hoyeen, lana<br />
shaqeeyaan, kuna caawiyaan sidii loo dhisi lahaa<br />
qaran dawli ah. Laakiin halkii ay taasi ka samayn<br />
lahaayeen, xukunkii ayay ka tureen, waxayna<br />
baabiiyeen dedaalkii ugu weynaa ee lagu guulaystey<br />
laga soo bilaabo ilaa sannadkii 1991-kii, ee ku<br />
saabsanaa sidii dib loogu soo celin lahaa nidaamkii<br />
iyo deganaanshihii koonfurta iyo badhtamaha Somalia.<br />
Natiijada qudha ee ka dhalatay siyaasaddaasina waxay<br />
noqotay soo-bixitaanka ururka al-Shabaab oo ka sii<br />
fog, kana sii xagjirsan kuwii hore, yeeshayna weji<br />
caalami ah, soona jiitey dagaalyahanno ajanebi ah,<br />
siina kordhiyey cabsidii laga qabey in Soomaalidu ay<br />
qaadaan weerarro Islaami ah oo laga fuliyo Marykanka<br />
dhexdiisa.<br />
191
CUTUBKA 4aad: Qaran Fashilmay?<br />
Waxan hor taaganahay qaybta 'Somalia' ee aqalka<br />
kaydka buugaagta ee Machadka daraasooyinka Bariga iyo<br />
Arrimaha Afrika ee London (School of Oriental and<br />
African Studies library.) Markii aan sidaa isha u<br />
mariyey buugaagta taalla khaanadaha, waxa igu soo<br />
boodey noocyadan cunwaannada soo socda ee ku saabsan<br />
waxyaabihii laga qoray Somalia: Somalia: Dawlad<br />
Dagaal Kula Jirta Isla Dadkeedii, Qarankii Dumey, Ka<br />
soo Bilaw Siyaasad Xun ilaa Xaalad Wada Qasan Dalkii<br />
Somalia, Somalia oo Kala Burburtay, La-Haystayaal:<br />
Dadkii Iyaga Laftoodu Is-Afduubay, Khayaamayntii<br />
Somalia, Jidkii Eberka, Isbaabiintii Somalia ... waxa<br />
ka muuqda halkaas oo aad dareemaysaa in uu jiro<br />
burbur xad-dhaaf ah, guuldarro iyo rajo la'aan weyn.<br />
Sawirka amma muuqaalka guud ee laga qaadanayo<br />
Somalia waa dal 'fashilmay' oo aan dawlad lahayn,<br />
dadkiisii ku noolaana aan faraha waxba ugu jirin oo<br />
gacantooda ay ka baxday arrimaha la xidhiidha wax ka<br />
qabashada aayahooda danbe; meel wax walba ay<br />
burbureen, waxa guud ahaan jira ee caamka ahina ay<br />
yihiin iska horimaadyo, gacan-ka-hadal iyo macaluul.<br />
Ujeeddada cutubkani waa in uu su'aalo iyo dood ka<br />
keeno caadi ahaan sida loo arko iyo fikradaha laga<br />
haysto Somalia, dhinac kalena uu wax ka eego oo uu ka<br />
warbixiyo. La iskama indhatiri karo dhibaatada iyo<br />
khatarta ka jirta halkaasi, laakiin haddana waa in<br />
aan loo ogolaan in kuwaasi ay wada hadheeyaan oo ay<br />
si buuxda u qariyaan dhinacyada kale ee laga sameeyey<br />
dalkaasi horumar cuntama oo wax-ku-ool ah, laga soo<br />
bilaabo 1991-kii.<br />
Somalia waxay mar kasta ugu horraysaa liiska dalalka<br />
iyo dawladaha adduunka ee fashilmay, waxayna xagga<br />
sare kaga jirta dhinac kasta oo muujinaya qiyaasaha<br />
sare ee lagu asteeyo 'guuldarrooyinka' amma burburka<br />
xagga arrimaha ijtimaaciga ah ee bulshada, kuwa<br />
dhaqaalaha iyo siyaasadda intaba. 1<br />
Warbixin laga sameeyey sannaddii 2010 tirokoobka iyo<br />
xisaabinta sida ay iskugu xigaan 'dawladaha<br />
192
fashilmay' ee adduunku, oo uu sameeyey machadka<br />
daraasooyinka ee la yidhaa Sanduuqa Nabadda 'Fund for<br />
Peace' oo ka tirsan Maraykanka, Somalia waxay ka<br />
dhigantay sidii horyaal ku badiyey ciyaarihii<br />
Olombikada oo kale, waxayna keentay oo ay si sugan u<br />
heshay 'dhammaan 10-kii dhibcood' ee laga rabey,<br />
saddex ka mid ah 12-kii qaybood ee laga qiyaas<br />
qaadanayey burburka iyo guuldarrooyinka. Qaybihii<br />
kale badankoodana waxay heshay ilaa min '9 dhibcood'.<br />
2011-kiina, waxay sannad kasta mar afraadkii maraysay<br />
haddana dalka ugu horreeya liiskaasi guuldarrooyinka.<br />
Marka la eego warbixinnada warbaahinta, warbixinnada<br />
qaarkood iyo daraasooyinka dhaadheer ee baaxadda leh<br />
ee ay qoraan ururrada xuquuqda banii'aadamka,<br />
khubarada iyo machadyada baadhitaanka,<br />
akademiyooyinka iyo meelaha kaleba, waxay had iyo<br />
jeer u xusaan oo ay ku tilmaamaan Somalia 'qaran<br />
fashilmay', taasi oo horseedda in laga qaato dalkaasi<br />
fikrad ah in aanay ka jirin haba yaraatee wax si<br />
hagaagsan oo caadi ah u shaqeeya amma socda, in waxa<br />
qudha ee ka jiraa ay yihiin dhiig daadanaya, iyo dal<br />
ay qarqiyeen qas iyo nidaamdarro. Muuqaalka noocan<br />
ahi waa mid horseedaya fool-habaw amma khalad,<br />
waxayna taasi siyaabo badan oo suurtogal ah uga qayb<br />
qaatay siyaasadaha habawsan iyo mawqifyada<br />
jahawareersan ee ku aaddan Somalia, kuwaaso oo aan ku<br />
koobnayn oo qudha dawladaha ajanebiga ah ee debadda,<br />
laakiin sidoo kalena saameeyey hey'adaha, ururrada<br />
wax u ololeeya, maalgeliyayaashii la fili lahaa iyo<br />
dhinacyo kaleba.<br />
Sidii loola macaamili lahaa ee wax looga qaban lahaa<br />
dalalka loo arko 'qarannada fashilmay' ayaa ka mid<br />
noqotay qaybaha ugu muhiimsan siyaasadda arrimaha<br />
debadda ee dawladda Maraykanka. Sannaddii 2002-dii,<br />
Qorshaha Istraatijiyadeed ee Nabdsugidda Qaran ee<br />
dawladda Maraykanka waxa uu sheegayey in "haatan<br />
khatarta Maraykanka kaga soo fool leh dalalka awodda<br />
leh ee xoogga wax ku qabsan karaa, in ay ka yar tahay<br />
tan innagaga iman karta kuwa fashilmaya ee sii<br />
burburaya'. Qorshaha Istraatijiyadeed ee<br />
Gaashaandhigga Maraykanku waxa uu isna sanaddii 2008<br />
u arkay oo uu u aqoonsaday in 'fashilka amma<br />
193
guuldarrada' ku timaadda dawlad, inay la iman karto<br />
khatar weyn oo xagga nabadgelyada ah; waxana ka mid<br />
ahaa warbixintaasi: ' Awod-darrida dawlado badani<br />
aanay awodi karin inay si sugan u ilaaliyaan nabadda<br />
iyo deganaanshahooda, amma ay la shaqayn karaan<br />
jaararkooda si wax looga qabto oo loo hubiyo<br />
nabadgelyada iyo deganaanshaha goboleed, waxay<br />
arrimahani la imanayaan khatar iyo dhibaato ku timaad<br />
hannaankii caalamiga ahaa ... Haddii aan wax laga<br />
qabanna, deganaansho la'aanta noocaas ahi waxay noqon<br />
kartaa mid sii faafta, oo saamayn kartan, khatarna ku<br />
noqota gobollada ay ku xidhan yihiin danaha<br />
Maraykanka, dalalka aynnu la leenahay isbahaysiga,<br />
iyo saaxiibadeen.'<br />
Ereyada 'qaran fashilmay' ma aha qaar loo fasiri<br />
karo oo loo qaadan karo si dhexdhexaad ah oo aan<br />
dhinac u xaglinayn. Qoraaga Noam Chomsky, waxa uu<br />
sannaddii 2006 ka qoray buug dhan oo uu ku dabbaqayo<br />
ereyadan dawladda Maraykanka. 2 Tilmaamaha iyo<br />
fasiraadaha qaar ee lagu asteeyo 'qaran fashilmay',<br />
waxa ku jira kuwo lagu dabiqi karo marka laga doodayo<br />
xaaladda Somalia, laakiin waa in aanay noqon qaar si<br />
maldahan uun loo yidhaa oo loogu isticmaalo guud<br />
ahaan wax kasta. Waa in si sugan loogu isticmaalaa<br />
qaybaha iyo dhinayada ku bannaan in lagu sifeeyo<br />
weedhahaasi, xilliyada gaar ee taariikhda dalkaasi.<br />
Xarunta Baadhitaanka Dalalka Qalalaasuhu ka jiro ee<br />
Jaamicadda Culuunta Dhaqaalaha ee London, waxay ku<br />
macnaysaa weedhan ‘qaran fashilmay', dal amma dawlad<br />
' tahli waayey inay gutaan xilkii iyo waajibaadkii ka<br />
saarnaa daryeelka arrimihii asaasiga ahaa ee<br />
nabadgelyada iyo horumarinta, isla markaasina aan wax<br />
awod iyo maamul ah ku lahayn ilaalinta dhulkooda iyo<br />
xuduudihiisa'. Tani waa mid la xidhiidha oo lagu<br />
dabbiqi karo qaybo ka tirsan Somalia, gaar ahaanna<br />
gobollada koofureed iyo kuwa badhtamaha ee dalkaas.<br />
Waxa kale oo isna faa'iido leh oo halkan wax ku<br />
biirinaya qoraalka aqoonyahanka Maraykanka ah ee<br />
Robert Rotberg ee 2002, ee uu kaga hadlay 'Wejiga<br />
Cusub ee Faashilnnimada amma Guuldarraysiga Qaran<br />
Dawli ah'; kaasi oo uu ku macneeyey 'qaran fashilmay'<br />
in lagu tilmaami karo dal ' ku jira xaalado kacsan,<br />
aan xassiloonayn oo dagaallo iyo khilaafyo qota<br />
194
dheeri ka oogan yihiin, khatar ah, oo ay si xoog leh<br />
ugu looltamayaan kooxo dagaallamayaa' iyo in uu<br />
dalkaasi u noqon karo 'hoy iyo gabbaad martigeliya oo<br />
ay ku noolaan karaan kooxo iyo ururro aan ku xidhnayn<br />
amma matilin dawlad dhexe oo qaran - sida<br />
qabqablayaal dagaal iyo ururro argagixiso'. 3<br />
In kasta oo si kasta iyo dhinac kasta oo laga eegaba<br />
ay u 'burburtay' dawladdii dhexe ee Somalia, haddana<br />
waxay noqonaysaa arrin khalad ah in loo qaato in<br />
burburkii dawladdaasi uu horseeday in aakhirkii wax<br />
kasta oo kaleba ay iyaguna sidoo kale wada baaba'een<br />
dalka oo dhan. Sababaha warbaahinta iyo warbixinnada<br />
kaleba ay u bixiyaan muuqaalka amma fikradda ah in<br />
dhammaan Somalia oo idili ay tahay meel<br />
'guudarraysatay' oo burburtay, waxa ka mid ah<br />
sababahaasi in si weyn indhaha loogu hayo oo qudha<br />
xaaladda magaalada-madaxda Muqdisho, oo loo muujiyo<br />
in dalka oo dhammi sidaasi wada yahay; magaalada<br />
Muqdishu oo ku-dhawaad maalin kasta lagu laayo dad<br />
rayid ah, ayna ka jiraan xaalado qasan iyo dagaallo<br />
aan la sadaalin karin oo u dhexeeya dagaalyahanno ku<br />
xidhan al-Qaacida,, maleeshiyooyin beeleed, kooxo<br />
budhcad ah, ciidammo daacad u ah 'dawlad dhexe' oo<br />
aan tamar lahayn, iyo ciidammo nabad-ilaalineed oo ka<br />
tirsan Ururka Midowga Afrika. Waxa xaaladahaasi ku<br />
soo biiray budhcad-badeedda, dadka ajanebiga ah ee<br />
afduubka loo qabsado, iyo weerarrada kooxaha<br />
islaamiyiinta ah ee Soomaalidu ay ku qaadayaan<br />
dalalka kale, kuwaasi oo abuuray 'jawigii iyo<br />
xaaladihii aan caadiga ahayn ee ku habboonaa' in<br />
warbaahintu ay danayso oo ay soo jiidato. Somalia<br />
waxa laga helayaa oo ka buuxa agab kasta oo looga<br />
baahan yahay 'warka xun ee dhiillada leh'; sidaasi<br />
awgeedna waxay ilo fiican u tahay warbaahinta, taasi<br />
oo aad u wafaqsan amma ku bannaan cuqdadaha laga qabo<br />
iyo fikradaha laga aaminsan yahay Afrika. Tani waxay<br />
ka muuqataa maqaalad uu qoraaga Ian Birrel uu ku soo<br />
daabacay jariidadda The Observer, oo uu kaga hadlayey<br />
wararka iyo warbixinnada maanta ee Afrika, qayb ka<br />
mid ahina u dhignayd sidatan:<br />
Bal ka fikir Afrika. Dad badan waxay uga dhigan<br />
195
tahay marka la soo qaado magaceega iyo<br />
xaaladaheega oo madaxooga ku soo dhacaya<br />
macaluul, saboolnnimo, cudur , khilaafyo. Waa<br />
afarta astaamood ee rukunka u ah aafada iyo<br />
halaagga weyn ee ku habsadey Afrika. Suxufiyiinta<br />
ku daba jira ee raadinaya waxay wax ka qoraan<br />
amma ka sheekaan waxay eegeegayaan wararka iyo<br />
arrimaha la xidhiidha dhimasho, aafo amma<br />
masiibooyin iyo burbur, iyadoo dhinaca kale<br />
hey'adaha samafalku, si ay u helaan deeqo, ay sii<br />
xoojiyaan fikradaha aan qiilka lahayn iyo<br />
cuqdadaha laga qabo Afrika, iyaga oo soo bandhiga<br />
caruur la il daran nafaqa-darro iyo dadka waaweyn<br />
oo dhimanaya. 4<br />
Sababtuna waxa weeye in 'afartan astaamood'; iyo<br />
kuwa kaleba ay ka jiraan Somalia, sidaasi awgeedna ay<br />
u fududahay in suxufiyiintu ay si sahal ah uga gadi<br />
karaan tifaftirayaashooda wararka iyo warbixinnada la<br />
xidhiidha xaaladaha Somalia, iyaga oo u dhigaya amma<br />
ku tilmaamaya 'aafadii iyo halaaggii ugu weynaaa ee<br />
Afrika'. Dadweynaha kala ah dhageystayaasha,<br />
daawadayaasha, iyo akhristayaasha warbaahintu waxay<br />
si gaar ah ugu dhega nugul yihiin wararka iyo<br />
warbixinnada ku saabsan 'aafooyinka iyo darxumada<br />
Afrika', sababta oo ah in kuwaasi ay yihiin waxa la<br />
siiyey mudnaanta kowaad ee la baray inay ka filaan<br />
Afrika. Xaaladda Somalia-yana waa mid si sugan ugu<br />
bannaanaan karaysa oo loogu dabbiqi karo xaaladaha<br />
'dhimashada, burburka iyo halaagga' ee qalabka<br />
warbaahintu uu guud ahaan ka qoro amma ka faafiyo, in<br />
kasta oo ay ku danbayso in sawirka ay ka bixinayaan<br />
dalkaasi uu noqdo mid xaddidan oo aan dhammays ahayn,<br />
iyo xaqiiqada ka jirta gudaha oo dhalan rogan.<br />
Waxan qirayaa in marka aan qorayo wararka iyo<br />
warbixinnada ku saabsan dagaallada Muqdidishu, waxaan<br />
is arkaa aniga oo si aan u kas ahayn ay ii<br />
jiidanayaan oo ay ii hoggaaminayaan waxyaabihii iyo<br />
weedhihii caanka ahaa ee hore loogu bartay halkaasi<br />
oo farahaygu boobayaan marka aan wax qoraacayo ee aan<br />
qorayo. Waxan mar walba is arkaa aniga oo ku<br />
bilaabaya weedhaaha ay ka mid yihiin, ' Shaqaalaha<br />
caafimaadka ee jooga magaalo-madaxda Somalia ee<br />
196
Muqdishu waxay sheegayaan in ugu yaraan tiro ilaa X<br />
gaadhaysa ay ilaa hadda ku dhinteen dagaallada u<br />
dhexeeya kooxaha Islaamiyiinta ah iyo dhinaca kale<br />
ciidammada dawladda ku-meel-gaadhka ah oo ay<br />
taageerayaan ciidamada nabad-ilaalinta ee Midowga<br />
Afrika.' Waxan meesha u soo geliyey oo aan u<br />
adeegsanayaa ereygan ' ugu yaraan' ka hor inta aanan<br />
sheegin tirada dadka ilaa hadda lagu diley halkaas,<br />
sababta oo ah in tiradaasi dhimashado ay sii kordhi<br />
karto isla maalintaasi dagaalladu ay socdaan<br />
dhexdeeda.<br />
Iyada oo tafaasiisha iyo sifaha laga bixiyo Somalia<br />
ay inta badan ku kooban yihiin oo laga hadlo uun<br />
dhinacyo xaddidan oo ku kooban waxyaabaha laga<br />
aaminsan yahay iyo cuqdadaha laga qabo, ayaa waxa<br />
jira in dad badani aanay weli fursad u helin inay si<br />
dhab ah u fahmaan dalkasi, una arkaan in uu yahay wax<br />
amma si ka duwan qaran 'fashilmay' amma 'aan wax<br />
qabsan karayn oo aan lahayn xaddaarad iyo horumar',<br />
isla markaasina khatar weyn oo sii kordhaysa ku ah<br />
lafahiisa iyo caalamka kale. Hal-hayskani 'qaran<br />
fashilmay' waxa waxa uu noqday mid faa'iido u yeeshaa<br />
oo ay si ku-danaysi ah u isticmaalaan dhinacyada<br />
qaar, kuwaasi oo ay ku jirto dawladda Maraykanku,<br />
waxayna u adeegsatay inay ku bannaysato oo ay qiil<br />
uga dhigto siyaasadaheega ku waajahan Somalia. In loo<br />
sawiro oo loo soo bandhigo xaaladaha Somalia<br />
siyaabahaasi xaddidan ee ku kooban uun dhinacyada<br />
qaar, kama qarinayso oo keliya inay dadku arkaan amma<br />
ogaadaan sawirka iyo xaqiiqada runta ah ee ka jirta<br />
gudaha; laakiin waxa kale oo ay horseedday siyaasado<br />
jahawareersan oo aan sugnayn oo dhibaatada ka<br />
dhalatay aanay saamayn Somalia gudaheeda oo qudha,<br />
laakiin ay mararka qaar saamaysay iyana quwadaha<br />
debadda ee isku deyayey inay fuliyaan siyaasadahaasi.<br />
Somalia ma buuxinayso midna qaababka la yaqaan<br />
haatan ee u dhigmi karaa 'qaran dawli ah', hasse<br />
ahaatee taas macnaheedu ma ahaa inay tahay dhammaan<br />
meel si buuxda u wada baaba'day oo kala burburtay.<br />
Xattaa magaalada muqdishu oo dagaallo is dabajoog ahi<br />
ay waxyeelleeyeen labaatankii sano ee la soo dhaafay,<br />
haddan waxa ka jira dhinacyada qaar waxyaabo badan oo<br />
197
weli 'shaqaynaya', oo si ahaan u nidaamsan. Tusaale<br />
ahaan waxa jira adeegyada baabuurta gurmadka degdegga<br />
ah iyo shaqaalahoodii oo maalin kasta khatar ku<br />
gelinaya naftooda inay ku wareegaan oo ay kaga dhex<br />
shaqeeyaan baabuurtaasi magaalada, si ay u raadiyaan,<br />
una soo daadgureeyaan meydadka dadka ku dhinta<br />
dagaallada iyo kuwa ku dhaawacma.<br />
Mar aan tegey garoonka diyaaradaha ee magaalada<br />
Muqdishu bishii January ee 2011, waxay ahayd goob<br />
habaysan oo ranji cusub oo dhalaalayaa ka muuqdo. Rag<br />
buurbuuran oo caddaan ah, oo sitta lebbis shaqaale<br />
iyo shaadhadh gacmo-gaab ah oo ku dhejisan, una<br />
shaqeenayey shirkad magaceega la yidhaa SKA, ayaa si<br />
firfircoon oo milaterinnimo halkaas uga wadey<br />
hawlihii shirkaddaasi. Diyaaraddii aan ka soo raacay<br />
magalada Nairobi ee ku socotey Muqdishu-, waxa kale<br />
oo la socdey dad ganacsato ah oo Soomaali ah iyo<br />
goysas fara badan oo ka soo noqonayey fasaxyadoodii.<br />
Waxan fadhiistay meel ku xigtey kursi ay fadhiday qof<br />
dumar ah oo aad u bilicsan, oo deggan dalka Canada,<br />
laakiin halkan u timid si ay u soo eegto fursadaha<br />
ganacsi ee ka jira magaalada Muqdishu. 'Lacag aad u<br />
fara badan ayaa halkan laga samayn karaa,' ayay igu<br />
tidhi. Waxayna intaas raacisay, ' Waxan ku talo jiraa<br />
in aan qandaraasyo waaweyn oo lacag badani ku jirto<br />
la galo ciidamada nabad-ilaalinta ee Ururka Midowga<br />
Afrika oo aan u keeno waxyaabaha ay u baahan yihiin.'<br />
Dawlado yaryar (Mini-states)<br />
Qayb ka mid ah Somalia oo aan hubaal ahaan lagu<br />
dabbiqi karin ereyada ' qaran fashilmay', waxa weeye<br />
jamhuuriyadda la magacbaxday Somaliland, dalkaasi oo<br />
dib-u-dhis ka samaynaya burburkii dagaallada iyo<br />
dhismaha nidaam dawladnnimo oo shaqaynaya. In kasta<br />
oo aanay haysan aqoonsi caalami ah, haddana<br />
Somaliland waxay leedahay dhaqaale kobcaya iyo nidaam<br />
siyasadeed oo diimooqoraaddi ah oo u shaqaynaya si ka<br />
fiican dalal badan oo kale oo ka tirsan qaaraddaasi.<br />
Sida aan kaga hadli doono hadhow cutubkan dhexdiisa,<br />
waayo-aragnnimada iyo xaaladaha Somaliland waa qaar<br />
aad uga duwan in lagu tilmaamo dal 'faashil ah’ amma<br />
198
guuldarraystay, ilaa iyo intii ay ku dhawaaqday<br />
madaxbannaanideeda sannadkii 1991-kii.<br />
Somaliland waa tan ugu mudan ee loo soo qaadan karo<br />
tusaale xagga horumarka iyo deganaanshaha, laakiin<br />
waxa jira qaybo kale oo ka tirsan dhulka Soomaalida<br />
oo sidoo kale muujiyey inay yihiin qaybo siyaasadeed<br />
oo shaqayn kara, horumarna samayn kara, kuwaasi oo<br />
ilaa iyo heerar kala geddisan ku guulesyey waxqabadkaasi.<br />
Waxa jira maamul-goboleedka Puntland oo<br />
xuduud la leh Somaliland, oo ilaa iyo 1998-kii lahaa<br />
madaxweynahooga, dawlad iyo maamul-goboleed. May<br />
raacin iyagu tubta Somaliland oo iyadu ku dhawaaqday<br />
madaxbannaani, waxayse u shaqaysaa siddii 'dawladyar'<br />
oo kale oo ka tirsan Somalia. Puntland waxay la<br />
kulantay dhibaatooyin dhawr ah, waxay ku lug leedahay<br />
khilaaf dheer oo muddo soo socdey oo xagga xuduudda<br />
ah, mararka qaarna isku bedelayey gacan-ka-hadal, oo<br />
u dhexeya iyada iyo Somaliland. Waxa kale oo soo<br />
martay xisado dhawr ah oo waaweyn oo siyaasadeed, oo<br />
dagaallo ay ku jireen. Muddo sanado ahna, waxay u<br />
ahayd saldhig weyn oo ay ka ololaystaan budhcadbadeeddu.<br />
Laakiin xaaladaha ka jira dhulkaasi<br />
ballaadhan, lagama mid dhigi karo xaaladaha sida weyn<br />
u qasan iyo dagaallada ka taagan koonfurta shishe ee<br />
Somalia.<br />
Ku-dhawaaqidda maamul-goboleedyo hoose oo si ahaan u<br />
madaxbannaan oo ah 'dawlado-yaryar', waxay noqotay<br />
qaabab la xiiseeyo oo la daneeyo xilligan ilaa<br />
sanadihii u danbeeyey ee la soo dhaafay, gaar ahaanna<br />
ay wadeen siyaasiyinta Soomaalida ee ka tirsan qurbajoogto.<br />
Sannaddii 2011-kii, qaar ka tirsan<br />
'dawladahaasi yaryar' ayaa u shaqaynayey sidii qaybo<br />
ilaa heer goonidooda u kobci kara oo shaqayn kara,<br />
waxana ka mid ah gobollada dhexe ee Somalia ee Ximin<br />
iyo Xeeb, kuwaasi oo lahaa 'madaxweyne' ka yimid<br />
qurba-joogta Soomaalida ee deggan Maraykanka. Waxa<br />
kale oo ka mid ah Galmudug oo isna 'madaxweynaheedu'<br />
uu yahay Soomaali Ingiriis ah. Hasse ahaatee maamulgoboleedyadaasi<br />
waxay ahaayeem kuwa aad u jilicsan,<br />
halisna ugu jira weerarro kaga yimaadda al-Shabaab<br />
iyo kooxaha kale ee hubaysan.<br />
199
Dadweynaha ku nool gobolladaasi waxa ka muuqatey<br />
inay u arkayeen maamuladaasi gudaha kuwa<br />
sharcinnimadooda iyo aqabalaaddoodu ay ka badan<br />
tahay, kana mudan tahay tan dawladda dhexe ee Muqdihu<br />
fadhida, shaqadoodu iyo wax-qabadkooduna ka wax-kuoolsan<br />
yahay. Tusaale ahaan bishii november ee 2010<br />
markii la soo daayey lammaanihii Ingiriska ahaa ee<br />
Paul iyo Rachel Chandler, ee ay soo daayeen kooxdii<br />
budhcad-badeedda ahayd ka dib markii ay haysteen<br />
muddo sannad ka badan, 'maamulkii' markaasi loo<br />
dhiibey qoyskaasi waxa uu ahaa 'madaxweynihii'<br />
gobolka Cadaado, Mohamed Adan. Waxa uu ahaa mudane<br />
Mohamed Adan qofkii markii ugu horrayseyba telifoon<br />
iigu sheegay siideynta qoyskaasi reer Chandler, iyo<br />
meesha, goorta, iyo habka loo sii deyn doono. Mar<br />
danbe ayuu haddana i soo wacay oo uu ila socodsiiyey<br />
in lammaanahaasi la soo geliyey gactiisa iyaga oo bed<br />
qabaa oo fayow, lana siiyey adeeg uu ku tilmaamay<br />
'biyo ay ku qubeystaan oo ay ku nafisaan' iyo 'qureec<br />
aad u fiican oo dhandhamaysa'. Qoyskaasi reer<br />
Chandler, waxa markii danbe loo duuliyey xagga<br />
magaalada Muqdishu, si looga qaado sawirro ay kula<br />
jiraan xubno ka tirsan dawladda ku-meel-gaadhka ah.<br />
Tani uma muuqan ujeedadeedu inay tahay wax wax sidaas<br />
ah ka badan is-tus loogu talo galay warbaahinta, si<br />
loogu muujiyo adduunka indhaha ku hayey arrintani in<br />
dawladda dhexe ay masuul ka ahayd oo ay ka shaqaysay<br />
hawlgalladii siideyntan.<br />
Qaar ka tirsan 'dawladahan yaryar' ee Somalia, waa<br />
in aan loo qaadan si dhab ah oo tixgelin culus mudan,<br />
sababta oo ah iyaga oo aan wax sidaas ah ka badnayn<br />
amma u jira magac ahaan uun. Run ahaantiina waa wax<br />
asal ahaan dhalanteed ah, kana mid ah dhulalka riyada<br />
ah ee ay ku hammiyayaan siyaasiyiinta debadda ku nool<br />
ee u hamuumaya awod xukun oo ay helaan, laakiin<br />
awoddoodu aad u yar tahay. Abuurista mid ka mid ah<br />
dhulalka noocaas ah waxa lagu dhawaaqay bishii march<br />
ee 2011-kii, waxana ku dhawaaqay wasiirkii hore ee<br />
gaashaandhigga, Mohamed Abdi oo loo yaqaanno<br />
'professor Gandhi'. Waxa uu ku dhawaaqay gobolkaasi<br />
cusub oo loo bixiyey 'Azania', oo ka kooban dhul aad<br />
u ballaadhan oo ku fidsan koonfurta Somalia, laga soo<br />
bilaabo magaalada istaraatijigga ah ee dekedda<br />
200
koonfureed ee Kismayo ilaa iyo xadka Kenya. Xaqiiqada<br />
ah in 'professor Gandhi' uu kaga dhawaaqay arrintani<br />
Kenya dhexdeeda, iyada oo in badan oo ka tirsan<br />
gobolladaasi 'Azania', oo ay ku jirto magaalo-madaxda<br />
Kismayo, ay gacanta ku hayeen ururka Al-shabaab,<br />
tallaabadani waxay ka dhignayd mid aan wax macno ah<br />
iyo qiimo muuqda sideedaba aan ku fadhiyin.<br />
In kasta oo burburkii dawladdii dhexe uu ahaa<br />
sababta horseedday soo ifbixitaanka al-Shabaab iyo<br />
ururrada kale ee Islaamiyiinta ah iyo inay noqdaan<br />
ururro awod leh oo maamul kale samaysan kara, haddana<br />
qaybaha ay ka taliyaan laguma tilmaami karo qaar<br />
qasan oo aanu maamul iyo nidaam sharci ka jirin.<br />
Qaybaha badan ee ka tirsan koonfurta iyo badhtamaha<br />
Somalia ee ay ka taliyaan miliishiyooyinka<br />
Islaamiyiinta ah, waxay ku shaqeeyaan oo ka jira<br />
xukunno adag; oo ah qaab ka mid ah 'qaababaka aadka u<br />
qallafsan ee u adag', oo lagu soo rogey qaybahaasi.<br />
Hab-dhaqankii nolosha caadiga ah ayaa si aad u<br />
qallafsan loo xaddidey, waxa luntay oo meesha ka<br />
baxay xorriyaad badan. laakiin haddana meelaha ay<br />
sida buuxda u maamulaan al-Shabaab ayaa ka nabadgelyo<br />
iyo badbaado fiican qaybo badan oo kale oo ka tirsan<br />
dalka. Dad dhawr ah oo asaxaab iyo jaallayaal ah oo<br />
ka shaqeeya meelaha ay ka jiraan dagaallada iyo<br />
deganaansho la'aanta Somalia, gaar ahaanna Muqdishu,<br />
waxay u direen qoysaskoodii degaannada ay al-Shabaab<br />
ka taliyaan si ay ugu noolaadaan halkaasi, sababta oo<br />
ah in degaannadaasi ay ka badbaado badan yihiin<br />
meelaha kale, haddii dadkaasi ay dhawraan qawaaniinta<br />
lagu maamulo.<br />
Waayo-aragnnimada Somalia, laga soo bilaabo<br />
dhicitaankii Siyaad Barre, waxay tusaalooyin fiican u<br />
noqonaysaa sida mujtamaca uu u shaqayn karo ee uu u<br />
noolaan karo iyada oo aanay jirin dawlad dhexe oo<br />
shaqaynaysa oo wax ku filani. Waxa kale oo ay<br />
muujinaysaa awodda ay Soomaalidu u yeelan karto inay<br />
yeeshaan hal-abuur amma inay ikhtiraaca farsamooyin<br />
iyo habab kale oo ay ku noolaan karaan, iyo sida ay<br />
ugu adkaysan karaan, ugana soo waaqsan karaan<br />
dhibaatooyinka. Somaliland waa tusaalaha ugu weyn ee<br />
201
ugu mudan bislaanshaha iyo degganaanshaha ilaa<br />
heerkaas marka loo eego qaababka cusub ee siyaasadeed<br />
ee samaysmay, waxana soo raacda Puntland. Dhulalka ay<br />
ka taliso al-Shabaab waxa ka jira qaabab kale oo<br />
Islaami ah. Waxa iyaguna jira qaabab kale oo hoose oo<br />
gudaha ah oo noqon karaa tusaalooyin kale, in kasta<br />
oo inta badan ay yihiin qaar aan degganayn oo aan wax<br />
badan sii jirin, kuna kooban qaybo yaryar oo<br />
xaddidan. Waxa ka mid ah degaannada ay ka soo<br />
jeedaan, kana taliyaan qabqablayaasha dagaalka,<br />
hoggaamiyayaasha beelaha, isbahaysiyada amma<br />
danwadaagta ganacsatada, iyo kooxaha diintu. Sida<br />
aynnu ku eegi doonno cutubka soo socda, ururro bulsho<br />
oo yaryar, iyo suuqyare dhaqaale ayaa ka samaysmay<br />
xatta degaannada ay ka jiraan budhcad-badeeddu<br />
Dhaqaalaha (The Economy)<br />
Dhinacyada sida weyn ee layaabka iyo xiisaha leh<br />
loogu guulaystey xilliyadii 'guuldarrada iyo<br />
fashilka' qarannimadii amma dawladnnimadii Somalia,<br />
waxa ka mid ah dhinacydaasi xagga dhaqaalaha, oo<br />
muujiyey soo-kaabasho weyn oo qeyra-caadi ah,<br />
dhaqaalahaasi oo isku qaabeeyey, mararka qaarna ka<br />
faa'iideystey maqnaansha amma jiritaan la'anta dawlad<br />
dhexe oo xoog leh.<br />
Qoraaga Peter Little, waxa uu qoray 2003-dii buug<br />
xiiso leh oo la yidhaa, Somalia: Dhaqaale aan lahayn<br />
dawlad ka danbaysa, buuggaasi oo uu kaga hadlayo sida<br />
waaxyaha dhaqaale ee qaar, gaar ahaanna xoolaha nool,<br />
ay u kobceen, una tanaadeen, iyada oo aanay jirin<br />
dawlad dhexe. Waxa uu soo bandhigayaa sawir ku<br />
saabsan dalkaasi, laakiin aad uga duwan kan inta<br />
badan lagu soo badhigo warbaahinta iyo warbixinnada<br />
kale. Waxyaabha uu ku qoray buuggaasina waxa ka mid<br />
ah:<br />
Laga soo bilaabo burburkii dawladda dhexe iyo wax<br />
kasta oo ahaa hadhaageegii, waxa aad u adkayd in<br />
la isqabadsiiyo oo la isbarbar dhigo qaska,<br />
macaluusha, nidaamdarrada iyo iska-horimaadyada<br />
mar kasta ku soo baxayey ee laga daawanayey<br />
202
warbaahinta reer Galbeedka, iyo dhinaca kale<br />
warbixinnadaydii ku ladhnaa ee ku saabsan nolosha<br />
ijtimaaciga ah iyo tan dhaqaale ee Soomaalida.<br />
Waa wax u muuqda inay tahay arrin aan isqabanayn<br />
oo aan la isku xidhi karayn ... Iyadoo ku xidhan<br />
qof walba aragtidiisa iyo dhinaca uu wax ka<br />
eegayo, Somalia waxay yeelan kartaa laba weji oo<br />
kala ah yididiilo fiican oo dhaqaale - hab<br />
dhaqaale oo hantigoosi amma maalqabeennimo oo si<br />
xor ah u shaqaynaya, iskiina u socda, oo aan ku<br />
tiirsanayn jiritaan dawladeed, iyo dhinaca kale<br />
walaac iyo rajo-la'aan siyaasadeed. Caalami ahaan<br />
sida loo arko Somalia iyo muuqaalka guud ee<br />
yeelanaysa waa tusaalaha dalalka ' aan weligii<br />
iyo weligii ' noqon qaran dawli ah oo taabbagal<br />
ah, diblomaasiyad faashil noqotay, iyo inay u<br />
taagan tahay dawlad-la'aan tan ugu muddo dheer ee<br />
ilaa hadda la arkay inay soo martay qaran,<br />
taariikhdan casriga ah ee adduunka. 5<br />
Daraasooyin kale oo laga dheegtey baadhitaan<br />
tirokoobyo oo ay sameeyeen heydaha Jamciyadda<br />
Qaruumaha ka Dhaxaysa, Bangiga Adduunka, iyo<br />
hey'adaha kale ee caalamiga ah, waxa kale oo<br />
daraasooyinkaasi ay muujinayaan sida run ahaantii uu<br />
u koray dhaqaalaha Soomaalidu, taasi oo ka geddisan<br />
wixii laga filayey, sannadihii badnaa ee aanay jirin<br />
dawad dhexe oo wax ku filani. Warbixin uu soo saaray<br />
machad ku yaal dalka Maraykanka oo la yidha 'Machadka<br />
Madaxa Bannaan' 'the Independent Institute' sannaddii<br />
2006-dii, oo uu cunwaan uga dhigay 'Somalia Burburkii<br />
Dawladda ka Bacdi: Qas mise Horumar?', waxa uu<br />
faahfaahin kaga bixinya xaaladda koboca dhaqaale ee<br />
haatan:<br />
Iyada oo ah arrin aad uga fog xaalad qalalaase<br />
iyo burbur dhaqaale, waxa nooga soo baxay<br />
daraasooyinkan, oo aan aragnay in Somalia guud<br />
ahaan ay aad uga fiican tahay heerkii ay maraysey<br />
marka loo eego xattaa markii ay lahayd dawlad.<br />
Shaqaynta uu shaqaynayo nidaam iyo hab dhaqaale<br />
oo asaasi ahi, waxa suurtogal ka dhigaya<br />
jirintaanka xeerar ku dhisan habab dhaqan oo<br />
dadka u dhexeeya, oo lagu xalliyo khilafaadka,<br />
203
iyo nidaam lacageed oo dhaqaale oo aan ku<br />
xidhnayn dawlad. Marka sidaas loo eego ee<br />
asaaskaasi laga duulo, waxan arkaynnaa in<br />
ganacsiga madaniga ah ee magaalooyinka iyo<br />
dhaqdhaqaaqa baayacmushtariga, inay suurtogal<br />
tahay inay socdaan oo ay shaqeeyaan amma kobcaan.<br />
Waxa kale oo ballaadhay amma horumaray waaxyihii<br />
dhaqaalaha miyiga ... Ganacsigii madaniga ahaa ee<br />
magaalooyinka, Sharikadihii caalamiga ahaa, iyo<br />
dhaqaalihii miyiga ee reer-guuraaga daaqsatada ah<br />
iyo beeraleyda, waxay noqdeen qaar dhammaan<br />
shaqeeya oo ka dhex socda Somalia oo aan dawlad<br />
lahayn, taasi oo keentay in lagu guulaysto in la<br />
helo heer nololeed oo dalka ka jira, oo la mid ah<br />
amma ka sarreeya kan ummadaha dalal kale oo badan<br />
oo Afrikaan ah. 6<br />
Sida lagu sheegay isla warbixintaasi, Machadkaasi la<br />
yidhaa Machadka Madaxa Bannaan, waxa uu ka<br />
baaraandegey kana qiyaas qaatay ilaa saddex iyo toban<br />
hal-beegayaal oo qodob. Waxana ka mid ah heerka amma<br />
tirada dhimashada, qiyaasta la fili karo in cimriga<br />
qofku uu gaadhi karo waqtiyadani. Waxan u soo baxday<br />
in in kasta oo heerka nolosha caadiga ee Somalia uu<br />
noqon karo mid hooseeya marka la barbar dhigo kuwa<br />
reer Galbeedka, in haddana ay nolosho guud ahaan<br />
fiican tahay marka loo eego dalalka kale ee Afrika. 7<br />
Somalia waxay ka gashay oo ay ka mid ahayd 50%-ka ugu<br />
sarreeya dalalka Afrika qiyaastii lix qodob oo ka mid<br />
ahaa saddex iyo tobanka qodob ee hal-beegayaasha ahaa<br />
ee laga tilmaan qaadanayey. Waxayna kuwa ugu hoosseya<br />
ka mid ahayd saddex qodob oo keliya oo ay ku jiraan -<br />
heerka dhimashada dhallaanka, helitaanka biyo nadif<br />
ah oo faya qaba, iyo tallaalka. Dhinacyada qaar ee<br />
hal-beegayaashaasi oo ay ka mid yihiin isgaadhsiinta<br />
ayaa sameeyey horumar weyn, laga soo bilaabo<br />
dhicitaankii dawladda dhexe, iyada oo Somalia ka soo<br />
gudubtay kaalintii 29-aad ee ay ku jirtey, una<br />
gudubtay kaalinta 28-aad marka loo eego liiska<br />
heerarka dalalka Afrika.<br />
Baadhitaan uu Jaamicadda West Virginia uu sameeyey<br />
Peter leeson sannadkii 2006 oo warbixin uu ka soo<br />
saaray u cunwaan uga dhigay, 'Dawlad-la'aan ka<br />
204
Roonaatay Dawladnnimadii: Somalia ka hor iyo ka dib<br />
burburkii dawladnnimada', waxa uu ku eegayaa sida<br />
xaaladaha horumarku ay isku bedeleen marka loo eego<br />
ilaa siddeed iyo toban qodob oo lagaga qiyaas qaato<br />
heerarka horumarka, laga soo bilaabo burburkii dawlad<br />
dhexe oo shaqaysa. 8 Marka loo eego macluumaad la soo<br />
ururiyo sannadihii 1985 – 1990, ee haddana la barbar<br />
dhigo macluumad kale oo la soo ururiyey sannadihii<br />
danbe ee 2000 - 2005, Peter Leeson waxa u soo baxday<br />
in Somalia horoumarkeedu uu ka fiicanaa xilliyadan<br />
dawlad-la'aanta, waqtiyadii ay dawlad lahaan jirtey.<br />
Marka la eego inta ay ka keentay Somalia saddex iyo<br />
toban qodob oo ka mid ah siddeed iyo tobankii halbeege<br />
ee laga qiyaas qaadanayey, si muuqata ayay<br />
horumar uga samaysay saddex iyo tobanka qodob intii<br />
ka danbaysey burburkii dawladnnimo; waxayse hoos ugu<br />
dhacday laba dhinac oo qudha oo kala ah: waxbarashada<br />
dadka waaweyn ee heerka wax-qorista iyo wax-akhrinta,<br />
iyo heerka tirada caruurta gasha ee la qoro<br />
dugsiyada.<br />
Waxa loo baahan yahay in laga taxaddiro oo fiiro<br />
gaar ah loo yeesho daraasooyinka ku salaysan<br />
macluumaadka iyo tirokoobyada laga soo ururiyo<br />
Somalia. Waayo, waxa dhammaan adkayd oo dhibaato<br />
ahayd sida loogu kalsoonaan karo ee la iskugu hallayn<br />
karo sugnaanshaha macluumaadka laga soo ururiyo<br />
dalkaasi, laga soo bilaabo sannadihii 1980-kii, taasi<br />
oo sabab ay u tahay xaaladihii khatarta ahaa ee ka<br />
jirey dalka gudhiisa, iyo weliba xaqiiqada jirta ee<br />
ah in wasaarado iyo waaxyo badan oo dawladdu ay<br />
lahayd ay burbureen, wax alla wixii xog iyo diiwaanno<br />
amma dhakumantiyo qoraal ah ee yaalleyna ay la<br />
baaba'een.<br />
Daraasooyinkan laga sameeyey waxay ka bixinayaan<br />
Somalia sawirro cuntama oo wanaagsan, laakiin haddana<br />
waa in aan lagu dagmin oo aanay maldahin xaqiiqada ah<br />
in boqolaal kun oo Soomaali ah jiritaankoodii noloshu<br />
qarka u saaran yahay inay le'daan. Dadka rayidka ah<br />
ee lagaga tegey Muqdishu, badankoodu waa intii bixi<br />
kari weydey ee meelna u dhaqaaqi kari waayey. Sida<br />
laga soo xigtey warbixinnada Qaramada Midoobey,<br />
tirada dad ka badan 400,000 oo qof oo ku noolaa<br />
205
degaanno iyo guryo ku meelgaadh ah, agagaarka jidka<br />
isku xidha Muqdishu iyo magaalada Afgooye, ayaa<br />
warbixintu waxa ay ku tilmaantay in sannadkii 2010-<br />
kii uu degaankaasi noqday kan ugu weyn ee ay ku<br />
jiraan barakacayaasha gudaha ee ugu badan adduunka.<br />
Degaankaasi oo loo yaqaanno 'Jidka Afgooye', waxa uu<br />
noqday kan saddexaad ee ugu weyn degaannada cammiran<br />
ee Somalia, marka laga reebo Muqdishu iyo Hargeysa.<br />
Sawirrada qalabka sattelite-ku waxay muujinayaan sida<br />
degaankaasi oo ahaa mid si caadi ah oo teelteel loo<br />
degganaa 2007-dii, sida haatan uu u noqday magaalo<br />
weyn iyo xarun ay samaysteen oo ay cammireen<br />
dadweynihii barakacayaasha ahaa,, muddo saddex sano<br />
ah oo qudha ka bacdi. 9 Qaramada Midoobay waxay ku<br />
qiyaastaa in dadweynaha Somalia oo ku dhawdhaw guud<br />
ahaan ilaa 10 malyuun, in in ka badan 20% tiradaasi<br />
ay amma gudaha ku barakacsan yihiin, amma ay noqdeen<br />
qaxooti debadda ku nool. Iyadoo baayacmushtarka iyo<br />
ganacsatadu ay ka sameeyeen macaash aad u fara badan<br />
kana faa'iideysteen burburkii dawladda, ayaa haddana<br />
malaayiin qof oo kale ay yihiin kuwa qaba baahi weyn<br />
oo aan waxba haysan.<br />
Bishii January ee 2011, waxan la kulmay haweenay<br />
magaceegu ahaa Ubax oo waqtiyadaasi ka soo carartay<br />
Muqdishu, una soo carartay Nairobi. Waxay taagnayd<br />
waddo qarkeed, waddadaasi oo ahyd mid googo'an oo<br />
boholo badani ku yaallaan, baabuur guux badanna ay<br />
marayaan oo ay dhaafayeen. Waxa horyaalley miis<br />
jilicsan oo si xun lugihiisu u qotomaan oo ku dhaw<br />
inuu kala dhaco. Miiskaas waxa si nidaamsan u dul<br />
wadhnaa dhar waxoogaa ah oo duug ah oo ah dharka<br />
caruurta. Haweeneydu waxay xidhnayd xijaab madow oo<br />
dhammaan jidhkeeda qariyey, oo ay ku jiraan xatta<br />
gacmaha iyo lugaha oo sharabaaddo u gashan yihiin.<br />
Waxa qudha ee aan arki karaayey waxay ahaayeen<br />
indhaheeda bigbigta hayey.Waxay igu tidhi:<br />
Muqdisho waxan uga imid oo aan uga soo cararay<br />
xabbadihii, madaafiixdii iyo duqayntii ka socotey.<br />
Waxan uga imid dagaalka aan kala go'a lahayn ee<br />
maalinba maalinta ka danbaysa sii soconaya ee aan<br />
istaageyn. Waxan uga soo carararay aniga oo aan helin<br />
wax alla wax lacag ah oo aan caruurtaydii ku masruufo<br />
206
amma ku quudiyo. Ninkaygii waxa lagu diley<br />
dagaalladaasi, mana jirin qof kale oo aan ku<br />
tiirsanaadaa.<br />
Waxan ka soo tegey caruurtaydii oo aan kaga imid<br />
Muqdishu, waayo ma hayn wax aan ku soo kexeeyo oo aan<br />
halkan ku keeno. Waxa i diley warwarkoodii. Laakiin<br />
maxaaban u tari karayey ee aan u qaban kari lahaa<br />
markii aan halkaasi joogey? Noloshooda kama adkayn oo<br />
uma helayn waxa ay cunaan, sababta oo aha<br />
dagaalladaas dhan. Waxan bixiyey laba boqol oo<br />
doollar si aan halkan u imaaddo. Baabuur ayaan<br />
Muqdisho ka soo raacay ilaa xadka Kenya, haddana mid<br />
kale ayaa u soo raacay Nairobi. Waxan ilaahay ka<br />
baryayaa oo aan rajaynayaa in aan halkan ka helo<br />
waxoogaa lacag ah si aan caruurtaydii yaryarayd wax<br />
ugu diri karo.<br />
Maqnaanshaha ay meesha ka maqan tahay dawlad dhexe<br />
oo wax ku filan oo shaqaynaysaa, waxay keentay madax<br />
bannaani dhinacyada qaar ee dhaqaalaha iyo fursadaha<br />
oo laga faa'iideysto, laakiin hadda sida qof kasta oo<br />
Soomaali ahba uu ku sugan yahay ee xaaladaha dalku u<br />
saameeyeen, ayaa ganacsatadana waxa sidoo kale<br />
xakameeyey dagaallada iyo nabadgelyo la'aanta. Weli<br />
waxay ku khasban yihiin inay bixiyaan cashuuro iyo<br />
lacaga dulsaar ah oo ay siiyaan hoggaamiyayaasha<br />
kooxaha, maamullada gudaha, kooxaha Islaamiyiinta ah,<br />
miliishiyooyinka dekadaha iyo garoommada, iyo kooxaha<br />
hubaysan ee jidadka iyo isbaarooyinka. Laakiin, sida<br />
Peter little uu ku sheegay qoraalkiisii 'Somalia;<br />
Dhaqaale aan Dawlad lahayn', 'heerarka cashuuraha iyo<br />
xaddidaadda ganacsigu si weyn ayay uga hooseeyaan<br />
heerarkii ay ahaayeen wixii ka horreeyey 1991-kii.' 10<br />
Mujtamaca Soomaalidu waa mid sida muuqata kaga<br />
habboon mujtamacyada kale intooda badan inay la<br />
qabsadaan oo ay qabatimaan xaaladaha la'aanta iyo<br />
maqnaanshaha dawlad amma maamul dhexe. Waxa suurtogal<br />
ah in dalal badan oo kale oo adduunka ka tirsani ay<br />
la kulmi lahaayeen dhibaatooyin iyo burbur ka qota<br />
dheer, kana baaxad ballaadhan kan Soomaalida, haddii<br />
ay sidooda oo kale ku jiri lahaayeen sannado badan oo<br />
dawlad la'aan ah. Ku-sugnaanshaha mar walba halis iyo<br />
207
dagaallo soo fool yeelan kara, iyo dhaqdhaqaaq iyo<br />
guurguur joogto ah, waxay wax badan ka mid ahaayeen<br />
dhaqanka iyo nolosha asaasiga ah ee reerguuraannimada<br />
ee Soomaalida. Dhaqanka bixinta magta<br />
dhiigga ee loo yaqaan Diyada waa qaab caymis ah. Isna<br />
xeerka Soomaalidu waxa uu yahay nidaam sharci oo kale<br />
oo dadweynaha u dhexeeya.Iibsiga badeecadaha iyo<br />
isdhaafsiga lacagayowgu waa qaar iyaguna ku dhisan<br />
is-aamminaad, macaamil iyo xidhiidh-beeleedyo amma<br />
jilibbo. Maqaalad ay Anna Lindley ku soo saartay<br />
majalladda Africa Affairs bishii August ee 2009 oo ay<br />
ku eegaysey waxa u dhexeeya “Lacgayowga aan Xalaasha<br />
ahayn ee Musuqmaasuqa” iyo “Hantida Horumarineed”,<br />
ayaa waxa ay ku qortay:<br />
Dhinac ka mid ah dhinacyada cuntama ee‘dawladla’aanta’,<br />
waxa weeye Somalia oo ka faa’iideysatey<br />
maqnaanshaha sharciyadii wax xaddidayey iyo<br />
nidaamkii maamulka ee sida weyn u xakameynayey<br />
hawlaha ganacsiga iyo baayacmushtarka, sharciyadaasi<br />
oo si aad ah uga jira qaybaha kale ee Afrika,<br />
kuwaasi cunaqabateeya amma cabudhiya dhaqdhaqaaqii<br />
iyo danayntii ganacsiga iyo wax-rogrogista, iyo<br />
koboca dhaqaalaha … Dad badan oo ka faallooda<br />
arrimaha dhaqaalaha ayaa xusay in dagaalladii<br />
sokeeye ee Soomaalida natiijooyinkii ka dhashay ay<br />
si lama-filaan ah ugu ekaadeen amma u muuqdeen inay<br />
keeneen isbedel weyn oo ah qaab barnaamij dib-uhabayneed:<br />
Waxay si buuxda u xoreeyeeyeen<br />
dhaqaalihii oo waxay meesha ka saareen kontoroolkii<br />
iyo sharciyadii dawliga ahaa – waxa<br />
madaxbannaanaaday baayac-mushtarkii debadeed,<br />
heerarkii sarrifka lacagaha, waxayna meesha ka<br />
saareen dhaqaalihii kaabista ee dawladdu ku<br />
kaabaysey waaxyaha qaar, waxay baabiiyeen waaxyihii<br />
dhaqaalahii dawliga ahaa ee guud. Waxa abuumary<br />
sharikado gaar loo leeyahay oo waaweyn oo galay<br />
halkii waaxyaha amma kambaniyadii dawliga ahaa. 11<br />
Dhaqankooda reer-guraannimada ee Soomaalida ayaa u<br />
horseeday marka horeba inay samaeeyaan ganacsi ku<br />
bannaan qarnigan kow-iyo-labaatanaad. Waa dad had iyo<br />
jeer socda, safra oo ku xidhan caalamka. Waa dad u<br />
bartay inay guurguuraan oo ay qaataan hantidooda, la<br />
208
xidhiidhaan dad ku kala sugan meelo kala geddisan<br />
adduunka, una kala gudbiyaan lacagyowga iyo<br />
badeecadaha meelo kala geddisan, iyaga oo aan<br />
dhawrayn xuduudaha waddammada. In badani waxay<br />
leeyihiin ku-dhac iyo dhiiranaan gaar ah oo sida ay<br />
rabaan wax ugu takri fali kara iyaga oo aan<br />
habrab,haddii ereygan si cuntanta loo eego oo dhinaca<br />
fiican laga fiiriyo. Waxay ku dhiirradaan inay ku<br />
kacaan amma ku weydiiyaan waxyaabo dadka kale inta<br />
badan ay ka waabtaan. Waxan la fadhiistay nin<br />
ganacsade ah oo Soomaali ah hudheel ku yaalla<br />
magaalada London, isaga oo sameynayey xidhiidho iyo<br />
macaamil badan oo ganacsi oo adeegsanaya<br />
telifoonnadiisa mobiilka oo dhawrka kala<br />
geddisan,kana diraya kombuyuutarkiisa iPad emaillo<br />
badan oo aan kala go’ lahayn, cunayana sixni weyn oo<br />
baasto ah, nooca bolognaise. Waxa uu iga codsaday in<br />
aan u qoro email qof ka mid ah macmiishiisa, kana<br />
diro moobilkiisa BlackBerry, waxanu wacay qofkii<br />
hudheelka ka shaqaynayey ee samaynayey adeegga<br />
cunnada, isaga oo baadhbaadhaya oo soo saaraya<br />
waraaqo aad u fara badan. Waxanu ku amray shaaqigii,<br />
isaga oo si amar-ku-taaglayn iyo dhiirranaan ah u<br />
dhoolla-caddaynaya:’Waraaqahani iigu dir Fax, una dir<br />
lamabarkani.’ Shaaqigiina isla markiiba madaxa ayuu<br />
ruxay, waxanu si dhakhso ah ugu dhaqaaqay inuu fuliyo<br />
hawshaasi. Ninkan ganacsadaha ahi kuma xisaabtamo<br />
meesha uu joogo marka uu wax samaynayo amma qabanayo<br />
hawlihiisa. Waxa uu ka dhex shaqeeyaa oo uu<br />
hawlihiisa ka kala socodsiiya magaalooyinka Muqdishu,<br />
Dubai, London iyo Nairobi. Waxa uu la mid yahay sidii<br />
uu joogo gurigiisii oo kale, marka uu hoos fadhiyo<br />
geed ku yaal Soomaaliya hadhkiisa ee uu ku hoos<br />
cunayo qaad, lana qayilayo geel-jiraha ilmaadeerradiis<br />
ah, sidii wuxu fadhiyo oo kale qolkii<br />
amma xafiiskii shirarka ee London. Waa reer-guuraa<br />
casri ah oo koontadiisa lacageed ee baankuna ay aad u<br />
ladan tahay.<br />
Sabab kale oo ugu wacan Soomaali badan oo baayacmushtar<br />
ah in dhaqaalahoodu guuleysto oo ay ilaa heer<br />
najaxaan marka loo eego heerarka kuwa kale, waxa ka<br />
mid ah iyaga oo u badheedha khatarta ganacsiga.<br />
Ganacsade Soomaali ah oo fadhigiisu yahay magaalada<br />
209
Nairobi, lana yidhaa Sheikh Shakuul, ayaan weydiiyey<br />
in uu ii sheego sirta ka danbaysa amma sababta keenta<br />
guusha Soomaalida ee xagga ganacsiga. Waxanu iigu<br />
jawaabay:<br />
Waxan u malaynayaa in aad u baahantahay in aad<br />
ahaato qof Soomaali ah, si aad u fahamto<br />
arrintani! Waxyaabaha Soomaalida u gaarka ah waxa<br />
ka mid ah is-aaminaadda. Dadku way kuu imanayaan,<br />
waxay kuu dhiibanayaan lacagtooda iyada oo aan la<br />
kala qaadan wax qoraallo ah iyo wax saxiix ah<br />
midna, waxayna ku odhnayaan, ‘waa tan lacagtaydii<br />
ee waxan kaa rabaa in aad gacan I siiso’, waxana<br />
kuu imanaya shan ilaa lix qof oo wada socda,<br />
iyaga oo dhammaan kugu qaba aamin. Tani waxay ka<br />
mid tahay hantida iyo qaniimadaha waaweyn ee<br />
aannu qabno. Haddii qof uu doonayo in uu meherad<br />
amma tukaan ka furto meel, waxa uu la hadlayaa<br />
ilma-adeerradiisa kala jooga London,, Koonfur<br />
Afrika, Muqdishu amma Mombasa, dhammaanna waxbay<br />
ku soo tarayaan. Waxay u suurtogelinayaan in uu<br />
furto meheraddii, isna sidoo kale waxa uu wax<br />
tarayaa kuwii kale. Is-aaminaaddu waa sirta amma<br />
tiirka guuleysiga Soomaalida. Haddana Soomaalidu<br />
waa dad si layaab leh u firfircoon oo hawlkar ah.<br />
Sababta oo ah dagaalladii Somalia, ma jirto<br />
dawlad dhexe, ma jiraan hey’ado caawiya<br />
dadweynaha. Sidaa awgeed, waxay noqotay in qof<br />
walba uu isagu qabsado arrimihiisa iyo<br />
hawlihiisa, waana in aad adigu isku tashataa. Qof<br />
walba waxa haysata qaraabadiisii oo dhibaataysan,<br />
sidaa awgeedna qof walba waxa uu dareensan yahay<br />
masuuliyadda ka saaran in uu wax u qabto inta<br />
kale. Dagaalladii ayaa ka mid ah sababaha ugu<br />
waaweyn ee dhaliyey dhammaan firfircoonidan iyo<br />
dhaqdhaqaaqan ganacsiga.<br />
Ka sakow maqnaanshaha dawlad wax-ku-ool ah oo<br />
shaqaynaysa, haddana waxa jira heshiisyo ganacsi oo<br />
lala sameeyey dalalka deriska ah iyo baayacmushtarka<br />
caalamiga ah. Mar aan diyaarad u raacay magaalada<br />
Muqdishu xilliyadii dagaalladu ay ugu sarreeyeen<br />
sannadihii 1990-dii, dadka keliya ee kale ee saarnaa<br />
diyaaraddaasi waxay ahaayeen laba qof oo<br />
210
Filibiiniyiin ah oo ganacsato ah, kana socdey<br />
shirkadda weyn ee caalamiga ah ee Dole Fruit ee ka<br />
ganacsata khudaarta. Waxay u socdeen wadahadallo ku<br />
saabsan sida ay suurtogal u tahay inay heshiisyo<br />
ganacsi la sameeyaan hoggaamiyayaasha kooxaha ee<br />
xukuma dhulka iyo beeraha uu ka baxo muuska iyo<br />
khudaarta kale. Peter Little, qoraalkiisa ‘Dhaqaale<br />
aan dawlad lahayn’, waxa uu ku soo bandhigayaa<br />
tusaalooyin kale oo ku saabsan ganacsiga caalamiga ah<br />
ee ka jira Somalia:<br />
Jiritaan la’aanta aanay jirin dawlad la aqoonsan<br />
yahay iyo hey’ado qaran, sida hey’adihii<br />
maaliyadda amma sharciyada iyo caddaaladda, taasi<br />
kama mancin sharikadaha caalamiga ah ee<br />
sharciyaysani inay la macaamilaan Somalia, oo ay<br />
ku jiraan dawladaha gooni-u goosiga ah ee<br />
waqooyigu. Sharikadda Dole Fruit Inc waxay ku<br />
lahayd maalgelin beerah Somalia sannadihii 1990-<br />
yadii, waxa kale oo iyaguna maalgelin ku lahaa<br />
sharikadaha xagga beeraha ee Talyaaniga. Waxa<br />
kale oo iyaguna haatan adeegyo ka sameeya<br />
Somalia, sharikadaha caalamiga ah ee buqshadaha<br />
iyo waraaqaha degdegga ah ee tooska ah, ee ay ka<br />
mid yihiin DHL, iyo weliba sharikadaha baabuurta,<br />
sida sharikadda General Motors ee Kenya. 12<br />
Xoolaha Nool(Livestock)<br />
Ganacsiga xoolaha nool,oo ah waxa ugu qiimo badan<br />
Somalia, ayaa si weyn u koray ilaa intii ay burburtay<br />
dawladnnimadii. Tani waxa qayb ahaan ugu wacan dadka<br />
reer-guuraaga ee dhaqda adhiga, riyaha, lo’da iyo<br />
geela oo noloshoodu aanay weligood wax weyni kaga<br />
xidhmin amma uga baahan dawlad dhexe. Qaabka ay u<br />
nool yihiin ee ay u dhaqmaan ayaan dhinacyo badan la<br />
qabsan karayn oo aan la soconayn nidaam rasmi ah oo<br />
dawli ah oo dhexe; waxay caado u leeyihiin inay iska<br />
indhatiraan xuduudaha dalalka oo aanay hawrin,waxayna<br />
leeyihiin hababkooda dhaqanka ee mujtamaca iyo<br />
xidhiidhada ijtimaaciga ah, kuwa xeerarka iyo<br />
nidaamyadooda dhaqaale. Reer-miyigu waxay<br />
211
korodhsadeen wax ka badan wixii ay ku waayeen<br />
dhicitaankii xukuumaddii Siyaad Barre oo iyadu ahayd<br />
mid dadka dhici jirtey oo ku dul noolayd, isla<br />
markaasina carqaldaynaysey horumarkooda. Waxa<br />
suurtogal ah in hab-dhaqankii caadada ahaa ee nolosha<br />
reer-miyigu uu sii xoogeystey oo uu ka sii<br />
faa’iideystey jiritaan la’aanta dawlad leh nidaam;<br />
dadkuna waxay dib ugu noqdeen hababkoodii iyo<br />
sidoodii hore ee fududayd ee caadada u ahayd, ee ay<br />
arrimahooda u qabsan jireen, una maamulan jireen<br />
danahooda.<br />
Hasse ahaatee waa wax cajaa’ib ah oo aan la malayn<br />
karayn in,in kasta oo ay jireen sannnado badan oo<br />
dagaallo iyo qas uu socdey,in haddana sida uu Peter<br />
Little uu ku sheegay qoraalladiisa, dhaqaalaha reerguuraannimada<br />
ee Somalia uu ahaa mid hoggaan u ah<br />
gobolkaas, kana xoog badan kan dalaka kale ee la<br />
deriska ah ee Ethiopia iyo Kenya oo deganaansho<br />
dheeraad ahi uu ka jiro marka la barbardhigo Somalia.<br />
Waxana ka mid ahaa qoraalladaasi Peter Little:<br />
‘Somalia (oo ay ku jirto Somaliland) waa mid kaalin<br />
weyn kaga jirta weli ganacsiga xoolaha nool, heer<br />
gobol iyo mid caalami ah intaba, waxana ka yimid 60%<br />
dhammaan xoolaha laga dhoofiyey dalalka Afrikada Bari<br />
sannadihii 1990-meeyaadkii.’ 13<br />
Peter Little waxa kale oo uu sheegay in xoolaha ka<br />
dhoofayaa Somalia ee la geeyo Kenya iyo suuqyada kale<br />
ee debadda inay si weyn ay tiradoodu kor ugu kacday<br />
intii ka danbaysay dhicitaankii Siyaad Barre. Cutub<br />
ka mid ah qoraalladiisa oo uu si ku bannaan ugu<br />
magacdaray ‘Xilliyadii tanaadka iyo kor-u-kaca weyn<br />
ee dhaqaale dal si buuxda u burburay dhexdiisa’, waxa<br />
uu kaga hadlayaa sida la-yaabka leh ee kor-u-kaca<br />
degdegga ah uu u sameeyey ka-ganacsigii xoolaha nool<br />
ee ka gudbyey xadka Kenya. Waxanu gaar ahaan indhaha<br />
ku hayey iibka xoolaha nool magaalada Garissa ee<br />
Kenya ee ku dhaw xadka Somalia:’Qiimaha guud ee iibka<br />
lo’da magaalada Garissa, waxa uu sameeyey kor-u-kac<br />
layaab leh oo ah 400% intii u dhaxaysey 1991 ilaa<br />
1998, iyo 600% sannadihii u dhexeeyey 1989 ilaa 1998-<br />
kii. Peter Little waxa uu mar kale qoraalladiisa ku<br />
sheegay in marka la eego tirada guud ee sannadkiiba,<br />
212
lo’da iib gashay inay kor uga kacday 24,395 neef<br />
sannadkii 1989, waxayna gaadhay ilaa 100,000 oo neef<br />
sannaddii 1998-kii. 14<br />
Waxa kale oo aad u firfircoonaa tirade amma xaddiga<br />
ganacsiga aadayey ee loo dhoofiyey dalalka Khaliijka.<br />
Peter Little waxa kale oo uu sheegay:<br />
Ganacsiga debadda ee dhexe (riyaha iyo idaha) ee<br />
laga dhoofiyo Somaliland iyo Puntland oo la deris ah<br />
ayaa iyaguna sannadkii 1999 ka badnaa tiro ahaan<br />
intii dhoofi jirtey ka hor dhicitaankii dawladda.<br />
Sannadihii 1980-meeyadii, Somalia waxay ka mid ahayd<br />
dalalka debadda u dhoofiya xoolaha nool kuwa ugu<br />
badan adduunka … Sannaddii 1999, dekadaha ku yaalla<br />
waqooyiga ee Boosaaso iyo Berbera waxa ka dhoofay<br />
xoolo gaadhaya 2-9 malyuun oo neef, nooca ganacsiga<br />
dhexe. Haddana labadaasi dekadood ee Soomaaliyeed,<br />
tirada xoolaha ka dhoofay waxay guud ahaan u<br />
dhigamayeen 95% dhammaan riyaha laga dhoofiyey<br />
gobolka Afrikada Bari oo dhan, iyo 52% idaha. Waana<br />
guul la-yaab leh oo uu gaadhay mujtamac ‘aan dawlad<br />
lahayni.’ 15<br />
Ka sakow kor-u-kacaasi, haddana ganacsigaasi xoolaha<br />
nooli waxa uu ahaa mid aan sugnayn oo ku jira khatar<br />
iyo dammaanad la’aan. Xoola-dhaqatada reer-guuraaga<br />
ah, ma aha qaar ka reebban oo ka bed qaba saamaynta<br />
dagaallada, kuwaasi oo mararka qaar ku kallifay inay<br />
bedelaan meelihii ay mari jireen amma wax ku raaci<br />
jireen qarniyaal badan. Dhallinyarada ragga ah ee<br />
reer-guuraaga oo iyagu leh xoog, awod adkaysi oo heer<br />
sare ah iyo aqoon ay u leeyihiin degaannada ay u nool<br />
yihiin, waxa inta badan ilaashada oo indhaha ku haya,<br />
si ay ciidan uga qortaan, ururka al-Shabaab iyo<br />
kooxaha kale ee hubaysan. Qaar ayaa si khasab ah<br />
loogu qortay miliishiyooyin, qaarna iskood ayay ugu<br />
biireen, iyaga oo u xilanaya dhaqaale amma lacag<br />
loogu ballan qaado, arrimo diimeed amma dano kale.<br />
Dadweynaha ku tiirsan iibka xoolahoodu, waxay<br />
dhibaato kala kulmayeen mamnuucidda mararka qaar<br />
dawladda Sucuudigu ay ku soo rogeysey xoolaha laga<br />
keensado ee laga soo dhoofiyo dhulalka Soomaalida, si<br />
looga hortago faafitaanka cudurka loo yaqaanno Rift<br />
213
Valley Fever. Waxa kale oo gobolkaasi uu halis u<br />
yahay marar badan abaaro iyo jiilaallo rob la’aan ah,<br />
kuwaasi oo keena dhimasho ku dhacda tobannaan kun oo<br />
xoolo ah iyo waxyaabihii ay ku tiirsanayd nolosha<br />
dadweynahaasi oo baaba’a. Qaybo ka mid ah Somalia<br />
ayaa sannaddii 2011 waxa saameeyey xaalado ay<br />
Qaramada Midoobey ku tilmaantay abaarihii ugu xumaa<br />
ee ka dhaca muddo lixdan sanadood ah dalkaasi,<br />
kuwaasi oo ku kallifay dadweynihii inay barakacaan oo<br />
mararka qaar ay lugeeyaan muddo toddobaadyo ah, iyaga<br />
oo ka sii gudbaya boqolaal mayl oo ka mid ah dhulalka<br />
colaadaha iyo dagaalladu ay ragaadiyeen, si ay u<br />
gaadhaan xeryaha qaxootiga ee ku yaal Kenya iyo<br />
Ethiopia oo horeba u buux-dhaafay. Qaar kalena waxay<br />
u qaxeen dhinac Muqdisho, oo in kasta oo ay iyana la<br />
degeen dagaallada maalin kasta ka dhacayey<br />
magaaladaasi, haddana ay u arkeen meel u dhaanta<br />
dhulkii qallalay ee ay ka yimaaddeen.<br />
Xawaaladaha iyo Isgaadhsiinta (Money transfer and<br />
telecommunications)<br />
Dhinacyo kale oo si weyn loogu guulaystay<br />
hirgelintooda waa waaxyaha xawaaladaha lacagaha iyo<br />
isgaadhsiinta oo si dhakhso ah u baahay laga soo<br />
bilaabo horraantii sannadihii 1990-naadkii. Sabatana<br />
waxa qayb ahaan lagu sheegi karaa maqnaanshaha<br />
sharciyadii iyo xeerarkii dawliga ahaa ee kontorooli<br />
lahaa amma habayn lahaa, iyo baahida dadweynaha ku<br />
kala baahsan dacallada adduunk ay u qabeen inay wada<br />
xidhiidhaan oo ay isla socdaan, waxna is taraan.<br />
Ka dib burburkii dawladdii dhexe, dadweynaha<br />
Soomaalidu waxay mar kasta sii noqonayeen qaar iyagu<br />
isku tashada oo ku tiirsanaada hababkoodii dhaqanka<br />
ee caadada ay u lahaayeen ee ay isku dhaafsan jireen<br />
lacagaha, qaabakaasi oo loo yaqaanney xawaalad.<br />
Waxana xawaaladuhu ay u hirgaleen si ka geddisan kan<br />
ka-ganacsiga xoolaha nool, qaabkaasi oo aan wax weyni<br />
iska badelin faacyo badan, marka laga reebo<br />
telifoonnada mobiilka ah oo soo biiray, lagana yaabo<br />
in uu ka mid noqday adeegyada muhimka ah ee ku soo<br />
kordhay reer-miyiga, una suurtogeliyey inay meelo fog<br />
214
ka hubiyaan qiimaha suuqyada xoolaha nool lagu kala<br />
iibsado. Xawaaladuhu waxay noqdeen qaab adeeg oo<br />
casri ah oo sare oo caalami ah. Xawaaladaha<br />
Soomaalidana, waxa lagu doodi karaa inay yihiin kuwa<br />
ugu casrisan ee ugu horumarsan ee qaaraddaas, iyaga<br />
oo adeegsada tiknoolojiyadii ugu danbaysey ee lagu<br />
xawilo lacagayowga loo kala dirayo guud ahaan<br />
caalamka.<br />
Isku-darka qaababka dhaqanka ee macaamilka iyo<br />
adeegyada tiknoolojiyada casriga ah, waxay noqdeen<br />
kuwo si fiican uga shaqeeyey, uguna bannaanaaday gaar<br />
ahaan qaybtani xawaaladaha. Qaab-beeleedka haybta ee<br />
macmiishu waxa uu noqday nidaam la iskaga ilaaliyo<br />
khayaamada iyo dhuumashada marka laga hadlayo<br />
macaamilka lacagaha. Waxa uu suurtogelinayaa qaabkani<br />
in si sahal ah loo aqoonsado amma loo raadiyo dadka<br />
aan daacadda ahayn ee wax khayaamaynaya amma is<br />
qarinaya. Waxa kale oo uu suurtogelinayaa in si<br />
dadban loo hubiyo dadka wax idin dhex mari karaan ee<br />
noqon karaa shuraake baayac-mushtar amma wakiillo.<br />
Xeerarka Soomaaliduna waxay noqon karaa qaar loo<br />
adeegsado dammaanad-qaadka qandaraasyada iyo xallinta<br />
khilaafyada xagga lacagaha amma ganacsiga. Anna<br />
Lindsey ayaa si weyn wax uga qortay xawaaladaha<br />
Soomaalida:<br />
Iyada oo ka fog xeelado ay adeegsadaan tiro yar<br />
oo qurbajoog ah oo samaynaya hab ay lacag ku<br />
helaan, adeegyada xawaaladuhu waxay noqdeen<br />
qaabab ballaadhan oo muhiim ah. Marka la eego<br />
jiritaan la’aanta nidaam bangiyo amma baanan ka<br />
shaqaynaya dalkaasi, adeegyadani xawaaladuhu<br />
waxay noqdeen kuwa xidhiidhiya dhaqdhaqaaqa iyo<br />
socodsiinta macaamilka dhaqaale iyo waxisdhaafsiga<br />
gobollada Soomaalida iyo adduunka<br />
kale – xidhiidhinta xawaaladaha, baayacmushtarka,<br />
maalgelinta, gargaarka, iyo lacagyowga<br />
siyaasadeed. 16<br />
Jamciyadda Qaruumaha ka Dhaxaysaa waxay ku qiyaastay<br />
in sannad kasta tirade lacagaha xawaaladaha ee loo<br />
diro Somalia iyo Somaliland ay ka badan tahay $1.5<br />
bilyan oo doollar. Waqtigii la samayanayey qoraalkan,<br />
tiro badan oo ka mid ah lacagahaasi xawaaladda, waxa<br />
215
laga diray oo la sii mariyey Shirkadda xawaaladda<br />
lacagta ee Dahabshiil. Waana wax lama-filaan ah in<br />
shirkadda Dahabshiil, oo ka mid ah sharikadaha ugu<br />
waaweyn ee xawaaladaha ee Afrika, in haddana<br />
saldhiggeedu uu yahay Somaliland oo ah dal gooni u<br />
goostay oo aan weli madaxbannaanidiisa cidina<br />
aqoonsan. Dahabshiil runtii waa shirkad ganacsi oo<br />
caalami ah, waxayna ka shaqaysaa ilaa 150 dal oo<br />
adduunka ah, waxayna leedahay shaqaale iyo hawlwadeenno<br />
gaadhayaa ilaa laba kun oo qof, ilaa<br />
labaatan kun oo laamood iyo wakiillo oo qaarkood ku<br />
kala yaallaan magaalooyinka London, Sydney,<br />
Minneapolis iyo Toronto. Qaar kalena waxay ka furan<br />
yihiin tukaamada iyo meherado ku kala baahsan meelaha<br />
fogfog ee miyiga ah ee Somalia, Ethiopia iyo<br />
Koonfurta Sudan.<br />
Shirkadda Dahabshiil waxay ganacsigeeda ka soo<br />
bilawday meel hoose, waxayna ka bilawday magaalada<br />
Burco oo ku taalley gobolkii Waqooyi Galbeed ee<br />
Somalia, halkaasi oo sannadkii 1970-kii uu ka furay<br />
milkiilaha Maxamad Siciid Ducaale meherad lagu iibiyo<br />
bakaashka iyo badeecado uu ka keeno Yemen iyo dalal<br />
kale oo adduunka ka kala tirsan. Waxa uu u baahday<br />
lacag-yamani uu ku soo iibsado badeecadahaasi uu ka<br />
keensanayey Yemen. Sida awgeedna waxa uu heshiis la<br />
galay Soomaalidii ku noolayd magaalada Cadan, waxanu<br />
kula heshiiyey inay lacag yamani ah u dhiibaan marka<br />
hore isaga oo uu ka qaado, si uu u geliyo bakaashka<br />
iyo badeecadaha uu uga baahan yahay Yemen, ka dibna<br />
uu lacagtaasi ku siiyo lacag-Soomaali, inta ay ku<br />
noqoto, qoysaska iyo qaraabada dadkaasi ay wax u<br />
dirayeen ee deggan Burco. Sidaasina waxa ku abuurmay<br />
qaab-xawaaladeed kooban oo aan sugnayn.<br />
Dagaalki sokeeye ee 1980-naadkii, Maxamad Siciid<br />
Ducaale waxa kaga baaba’ay wax kasta oo uu haystey.<br />
Waxayna ku kalliftay in uu lug kaga baxo magaalada<br />
Burco, isaga iyo qoyskiisii, una baxaan dhinaca<br />
miyiga, ka bacdina ay galaan xeryihii qaxootiga ee ku<br />
yaalley Ethiopia. Halkaas, waxa uu arkay inay ku<br />
jirto fursad weyn oo ganacsi oo laga faa’iidaysan<br />
karo. Soomaalida qurbajoogta ahi waxay doonayeen inay<br />
lacagayow u diraan qoysaskooda iyo qarabadooda ku<br />
216
jirtey xeryahaasi qaxootiga, sidaas awgeed ayuu dib<br />
uga bilaabay halkaasi ganacsigiisii oo hadda yeeshay<br />
qaab kale oo xawaaladeed. Wiilka uu dhalay milkiilaha<br />
aasaasay shirkaddaasi Dahabshiil, wiilkaasi oo haatan<br />
ah Maamulaha Guud ee shirkadda, Cabdirashiid Ducaale,<br />
ayaa iiga sheekeeyey sida dagaalladii ay u horseedeen<br />
koboca soo-ifbixitaan ganacsi oo aan caadi ahayn:<br />
In Kasta oo aan wax walba luminay oo ay nagaga<br />
dhex baaba’een dagaalladii sokeeye, haddan<br />
qaybtii debadda ee ganasigayaga xawaaladda<br />
lacaguhu waxay noqotay mid kor u kacda, taasi oo<br />
ka timid dagaalladii. Qaxootigii Soomaalida ayaa<br />
ku kala baahay adduunka, haddii ay tahay Yurub,<br />
Maraykanka, Australia, iyo Aasiya. Mar walba<br />
waxay naga codsanayeen oo ay na weydiinayeen,<br />
‘maxaad xafiis uga furi weydeen Sweden, Canada,<br />
Soomaali fara badan ayaa joogta halkan?’, sidaasi<br />
awgeed ayaa waxa ay noqotay in aannu aniguna ku<br />
baahinno xafiisyadayadii adduunka oo dhan. 17<br />
Shirkadda Dahabshiil waxay si dhakhso ah u soo<br />
jiidatey oo kale hey’adaha gargaarka iyo ururrada<br />
kale ee caalamiga ah ee danaynayey inay hanti u<br />
diraan meelaha fogfog ee adag ee Geeska Afrika,<br />
kuwaasi oo u arkay adeegyadaasi xawaaladda ee<br />
Dahabshiil inay yihiin adeegyo dhakhso badan, la isku<br />
hallayn karo oo lagu kalsoonaan karo, oo aan<br />
khidmaddoodu ahayn mid qaali ah. Xafiiska weyn ee<br />
Dahabshiil ee magaalada Nairobi, waxan ku arkay hawlwadeenno<br />
ka socda Qaramada Midoobey oo halkaasi ka<br />
diraya lacgayow aad u buuran, una diraya<br />
barnaamijyada iyo mashaariicda ay ka wadaan Somalia.<br />
Shirkaddu waxa kale oo ay adeegyo u fidisaa<br />
mujtamacyada kale ee gobolka, oo ay ku jiraan<br />
dadyowga reer Rwanda iyo Koonfurta Sudan, kuwaasi oo<br />
iyagana ay saameeyeen dagaallo, si weyn oo baahsanna<br />
u barabaxay.<br />
Xarunta weyn ee maamulka Dahabshiil, oo ka kooban<br />
dabaqyo badanina, waxay ku taallaa badhtamaha<br />
magaalada Hargeisa, waxana ku hareeraysan meherado<br />
kala nooc ah oo is dhex yaalla. Hareeraheeda, dumar<br />
ayaa ku iibiya xidhmooyin qaad ah oo daray ah, oo ay<br />
ku hayaan maqsinno iyo meherado yaryar. Qaar kalena<br />
217
waxay ku haystaan maqaaxiyo lagu iibiyo shaah macaan,<br />
oo ay fadhiistaan raggu saacado badan oo ay kaga dhex<br />
doodaan arrimo siyaasadeed maqaaxiyahaasi yaryar ee<br />
wax lag cuno, kuna fadhiyaan kuraas daxaleysatey,<br />
boodhka dhexdiisa iyo hadhka sandaqado kookooban oo<br />
jiingado yaryar ah. Wajahadda tooska ah ee<br />
dhismahaasi Dahabshiil hortiisa, waxa tuban oo ku<br />
yaal ‘baananka jidka’, oo ah sarriflayaal haya<br />
khaanado shabag ah oo lacagayaw tuulani ka buuxaan,<br />
lacagahaasi oo isugu jira noocyada shilin-soomaaliga,<br />
doollarka maraykanka, iyo kuwa kale ee qalaad. Marka<br />
ay rabaan sarriflayaashu inay qado tagaan, waxay<br />
lacagtaasi kaga tagaan isla khaanadihii uun oo ay ku<br />
qufulaan, kagana dhaqaaqaan sidaasi.<br />
6 ‘Sarriflayaal’ Hargeysa (Mary Harper)<br />
Marka aad gasho gudaha dhismahaasi Dahabshiil, waa<br />
adduun gebi ahaan ka duwan wixii hore. Qolka weyn ee<br />
kombuyuutarrada, waxa ka guuxaya mishiinno waaweyn oo<br />
shaqaynaya, iyo nalal bigbiglaynaya, iyadoo<br />
kombuyuutarradu ay lagacaha u kala dirayaan adduunka.<br />
Dabaq kale, maqsinku waxa uu u kala qaybsan yahay<br />
218
qaybo kala qaabilsan gobollada kala geddisan. Mid ka<br />
mid ah qaybahaasi, ninka fadhiya oo qaabilsan gobolka<br />
‘Aasiyada Koonfyreed’, waxa uu mashquul ku ahaa<br />
dirista farriin qoraal ah oo uu u gudbinayey qof ku<br />
sugan degaan fog oo ka tirsan miyiga Somaliland oo uu<br />
ku ogeysiinayo in uu tago amma la xidhiidho laanta<br />
ugu dhaw ee degaankiisa ee Dahabshiil, si uu uga<br />
qaato lacag dhan $200, lacagtaasiu oo uu soo diray<br />
qof qaraabadiisa ah oo jooga dalka Bangladesh. Muddo<br />
daqiiqado ah gudahood ayaa lacgayowga lagu diri karaa<br />
oo lagu xawilaa; shirkadduna waxay shaqaysaa afariyo-labaatanka<br />
saacadood maalin kasta, toddobada<br />
cishaba toddobaadkii, 365 maalmood sannadkii.<br />
Xafiis kale, waxan kula kulmay oo i qaabilay nin si<br />
fiican oo xarrago leh u lebbisan, oo xidhan suudh<br />
madow, shaadh cad, iyo tay cagaaran oo ah astaanta<br />
Dahabshiil. ‘Weligaa ma aragtay hal malyuun oo<br />
doollar oo naqad ah?’ ayuu i weydiiyey. Ka bacdina<br />
inta uu foorarsaday ayuu furay oo uu i tusay khasnad<br />
lacagi ka buuxdo, waxanu soo saaray kolba xidhmo<br />
lacag ah oo ka kooban doollar wada cusub oo waraaqo<br />
ah,oo boqol-boqol dollar ah oo si adag iskugu<br />
xidhxidhan. Xidhmo kasta waxay ka koobnayd kun-kun<br />
doollar, amma $100,000 oo dollar; waxanu ka soo<br />
saaray khasnaddii in ka badan toban xidhmo oo kale.<br />
Noocyada lacagayowga kala duwan ee halkaasi lagu soo<br />
bandhigay ayaa iyaguna ahaa wax aan caadi ahayn oo<br />
aan la malayn Karin, taasi oo muujinaysey dhinacyada<br />
run ahaantii caalamiga ah ee Soomaalida. Ka sakow<br />
doollarka Maraykanka iyo shilinka Soomaaliland, waxa<br />
kale oo halkaasi yaalley lacagayow ay ka mid yihiin<br />
lacagta Euro-ga, Doollarka Australia, Giniga<br />
Ingiriiska, lacagta Dirhamka ee Dubai, Shilinka<br />
Kenya, Riyaalka Yemen, iyo noocyo kale oo badan.<br />
Dabaqa hoose waxa tuban safaf dhaadheer oo isugu<br />
jira rag ganacsato ah, dumar xidhan diricyo midabbo<br />
badan, reer miyi leh timo dabiici ah oo aan soo<br />
feedhan, oo gashan kabo sandhal ah iyo qamiisyo<br />
dhaadheer, iyo dad reer Somaliland ah oo fasax ku<br />
yimid Hargeisa, kana kala yimid Maraykanka iyo dalal<br />
kale. Dhammaan dadkani waxay u yimaaddeen oo ay<br />
219
halkan u joogaan inay diraan amma ka qaataan lacag.<br />
Nin ka mid ah dadkaasi waxa hadda loo dhiibay oo uu<br />
qaatay lacag dhan $140 doollar, lacagtaasi oo uu u<br />
soo diray qof qaraabadiisa ah oo deggan xaafadda<br />
Southall ee magaalada London. Haweenay meesha joogtey<br />
waxay iyana lacag u diraysey qof saaxiibkeed ah oo<br />
jooga Puntland. Nin kale waxa uu isna lacag ku<br />
shubanayey koontadiisa uu ku leeyahay Dahabshiil.<br />
Sharikadaha xawaaladaha qaar ee Soomaalida ayaa lagu<br />
eedeeyey inay qayb ka qaataan oo ay sii huriyaan<br />
colaadaha, iyada oo la sii mariyo lacagaha u socda ee<br />
loo dirayo kooxaha dagaal-oogayaasha ah sida al-<br />
Shabaab oo kale. Wax yar ka bacdi weerarkii 9/11 ee<br />
lagu qaaday Maraykanka, dawladda Maraykanku waxay<br />
albaabada u xidhay sharikaddii waqtigaasi ugu weyneyd<br />
sharikadaha xawaaladda ee Soomaalida ee Barakaat, oo<br />
ay ku eedaysay in sharikaddaasi ay hanti amma lacago<br />
u gudbiso al-Qaacida. Tallaabadani waxay saamayn xun<br />
ku yeelatay Soomaalidii ku tiirsanayd xawaaladdaasi<br />
ee debadda looga soo diri jirey lacagaha, markii ay<br />
istaageen ee la joojiyey masaariiftii ay heli jireen<br />
ee noloshoodu ku xidhnayd.<br />
Abdirashid Duale oo ka tirsan shirkadda Dahabshiil<br />
waxa uu ku nuuxnuuxsanayaa in shirkaddoodu ay raacdo<br />
oo ay ku dhaqanto xeerar aad u sugan oo ka yaal<br />
rogrogga iyo xawilaadda aan sharciga ahayn ee<br />
lacagaha xaaraanta ah, ilaalisana habab lagaga<br />
hortago oo u dejisan, isla markaasina ay ka hubiso<br />
macmiisheeda inayna magacyadoodu ku jirin liiska<br />
caalamiga ah ee dadka looga shakisan yahay denbiyada<br />
noocaasi ah, amma inay xubno ka yihiin ururrada la<br />
mamnuucay. Waxanu yidhi:<br />
Waxan ku dedaallaa in aan hubinno in macmiisha<br />
isticmaalaya adeegyadayadu ay yihiin dadkii saxda<br />
ahaa ee habboonaa; waxan ogaannaa haybtooda,<br />
annaga oo raacaynna habka iyo dhaqanka Soomaalida<br />
ee belaha iyo qofka qoladiisa. Waxa kale oo aan<br />
hubinnaa macluumaadka iyo waraaqaha qofka lagu<br />
aqoonsan karo. Waa in aannu dhawrnaa oo aannu<br />
raacnaa xeerarka caalamiga ah. Annaga iyo<br />
wakiilladayaduba waxannu ruqsad iyo ogolaansho ka<br />
220
haysannaa hey’adaha caalamiga ah ee dejiya,<br />
hubiyana ku-dhaqanka xeerarkani, oo ay ku jiraan<br />
Waaxda Lacagaha ee Maraykanka (US Treasury<br />
Department), Hey’adda Adeegyada Lacagaha ee<br />
Ingiriiska (British Financial Services<br />
Authority), Bangiga Dhexe ee Dubai (Dubai Central<br />
Bank), iyo dhawr heyadood oo ka mid ah hey’adaha<br />
lacagayowga ee Afrikaanka ah.<br />
Horumarka sare ee ay sameeyeen sharikadaha waaweyn<br />
ee xawaaladaha Soomaalidu wuxu dhinaca kale keenay<br />
inay soo baxaan oo ay iyaguna horumar sameeyaan<br />
qaybaha iyo sharikadaha kale ee dhaqaaluhu, sida ay<br />
qortay mar kale Anna Lindley:’Qaybtani waxay si<br />
dhakhso ah u soo biirisay oo ku ladhmay tiknoolojiyo<br />
cusub oo gudbisa macluumaadka lacgayowga xawaaladaha<br />
la dirayo, lana bixinayo, tiknoolojiyadaasi oo isugu<br />
jira Raadyowyo lagu wada hadlo ilaa qalabka FAX-yada<br />
lagu diro, telifoonnada moobiilka iyo kuwa satelliteka,<br />
email-lada, iyo borogaraamyada kale ee<br />
kombuyuutarrada ee sharikaduhu u baahan yihiin si ay<br />
u socodsiiyaan hawlahooda. Maalgelinta ballaadhan ee<br />
ay sameeyeen xawaaladaha Somaalidu waxay gacan ka<br />
geysatey isbedelka isgaadhsiinta Somalia.’ 18<br />
Somalia waxay qaadday tallaabo weyn xagga<br />
mustaqbalka isgaadhsiinta, waxayna dhaaftay dalal<br />
badan oo ku yaal Afrika oo siyaasi ahaan ka deggan,<br />
dhaqaale ahaanna ka horreeya. Sida Jamhuuriyadda<br />
Diimoqoraaddiga ah ee Congo oo kale, oo lafteedu<br />
lahayd xukuumad dhexe oo awoddeedu ay kooban tahay<br />
sannadihii 1990-yadii, Somalia waxay si degdeg ah ula<br />
qabsatay oo ka hirgalay telifoonnada gacanta ee<br />
moobiilka, iyadoo dad badani ay iska dhaafeen gebi<br />
ahaanba telifoonnadii caadiga ahaa ee dhulka ee la<br />
soo gashan jirey. Ma aha wax iska dhacay oo sideeda<br />
iskugu soo beegmay uun ‘isbedelka amma kacaanka xagga<br />
isgaadhsiinta’ ee Somalia iyo isla waqtigii ay<br />
burburaysay dawladnnimadii. Maqnaanshihii sharciyo<br />
iyo nidaam dawli ah oo habeeya isgaadhsiinta oo<br />
meesha ka baxay, waxay noqotay mid si weyn u<br />
dhiirigelisa oo badhitaageerta horumarka degdegga ah<br />
ee qaybtani ay samaysay. Looma baahan in la dalbado<br />
oo la qaato wax ruqsad amma liisan ah oo lagu xidho<br />
221
furashada sharikadahaasi. Waxana jirey oo kale suuq<br />
xor ah. Magaalada Muqdishu, xilliyo ay burburayeen<br />
kaabayaashii kale ee dhaqaalaha intooda badani, oo<br />
jidadku ay baaba’ayeen dayactir la’aan awgeed,<br />
madaafiicda iyo xabbaduhu ay burburiyeen<br />
dhismayaashii, la bililiqaystay xadhkihii korantada<br />
iyo dhuumihii biyaha oo go’ay, ayaa dhinaca kale waxa<br />
soo baxay oo meel walba laga taagey magaalada<br />
tiirarka dhaadheer ee anteenooyinka telifoonnada<br />
moobiilka. Maamule ka tirsan Shirkadda Telesom ee<br />
Somalia, oo la yidhaa Abdullahi Mohamed Hussein, ayaa<br />
faahfaahiyey sida maqnaanshihii dawlad dhexe oo<br />
meesha ka baxday ay u sahashay in la sameeyo shirkado<br />
telifoon: ’Wasaaraddii boosaha iyo isgaadhsiinta ee<br />
dawladdu, kelideed ayay qandaraas iyo monobooliyad ku<br />
haysatey hawshan oo cidina kulama tartamayn. Laakiin<br />
markii dawladdii la ridey ka bacdi, waxannu xor u<br />
noqonnay oo aanu u madaxbannaanaanay in aannu abuurno<br />
sharikadahayaga ganacsiga. Waxaannu aragnay in suuqii<br />
uu ka bannaanaaday faraq-fursadeed weyni, waayo waxa<br />
baab’ay dhammaan adeegyadii hore. Baahi weyn ayaa<br />
jirtey.’ 19<br />
Jiritaan la’aanta sharciyo xaddida ganacsigan, iyo<br />
suuqa oo uu ka jiro tartan kululi, waxay keeneen in<br />
Somalia ay ka mid noqoto dalalka Afrika ee leh<br />
adeegyada ugu jaban xagga qiimaha ee telifoonnada<br />
mobiilka, iyada oo sharikadaha isgaadhsiintu ay<br />
sameeyaan adeegyo kala geddisan oo noocyo badan, oo u<br />
suurtogelinaya macmiishooda telifoonnadu inay kula<br />
hadli karaan ehelkooda jooga debadda qiime wax yar oo<br />
qadder ah ka badan kan telifoonnada gudaha. Tayada<br />
addeegyada telifoonnadu waa qaar fiican oo la isku<br />
hallayn karo, waxanad si sahal ah ula xidhiidhi<br />
kartaa meelo fogfog oo miyi ah Somalia, oo ka sahlan<br />
sidii aad ula xidhiidhi lahyd xataa caasimadaha<br />
waaweyn ee meelaha kale ee Afrika qaarkood. Waxa kale<br />
oo jira noocyo badan oo kala geddisan madaxyada<br />
telifoonnada gacanta ee moobiilka oo lagu iibiyo<br />
Somalia, qaarkoodna waxay leeyihiin oo la gelin karaa<br />
isla madaxii laba Sim-kaadh isla mar. Waxa laga helaa<br />
oo kale madaxyo waaweyn oo u eg kuwa dhulka amma<br />
xafiisyada iyo guryaha, laakiin ah runtii moobiillo<br />
xoog badan oo lagu isticmaalo xafiisyada, guryaha iyo<br />
222
goobaha kale ee joogtada ah. Dhaqan-afeedka xoogga<br />
leh ee Soomaalida ayaa kaalin weyn ka qaatay<br />
socodsiinta qaybtani isgaadhsiinta. Maqalka codka ee<br />
afka-ka-hadalku waa mid muhiim ka ah Somalia, sidaasi<br />
awgeedna waxa caan ah oo laga helaa ku-hadalka iyo<br />
dhageysiga telifoonnada iyo raadyowyada. Qaar ka mid<br />
ah asaxaabta iyo macaariiftayda Soomaaliyeed, waxad<br />
mooddaa inay rabaan in cid kasta oo ka ag dhawiba ay<br />
maqasho waxa ay ku hadlayaan iyo sheekadooda<br />
telifoonnada ee labada dhinacba, marka ay telifoon<br />
diraan ee ay cid kale la hadlayaan. Waxayna furaan<br />
sameecadda telifoonka oo ay meel durugsan iska<br />
dhigaan, kalana hadlaan qofka kale ee ku jira, iyaga<br />
oo kor u qaylinaya. Sheekada iyo jawaabaha qofka<br />
kalena waxa maqli kara oo la socon kara qof kasta oo<br />
halkaasi ka ag dhaw.<br />
Sannadihii dheeraa ee dagaalladu ay ka socdeen<br />
Somalia, iyo barakacii ka dhashay oo Soomaalidii ay u<br />
kala qaxday dhammaan dacallada adduunka, arrimahani<br />
waxay keeneen baahida ah in la helo adeegyo muhim ah,<br />
sida telifoonno dhakhso badan oo xoog leh, Internet<br />
iyo xawaalado. Xiisadihii iyo dagaalladii ayaa noqday<br />
xoog weyn oo socodsiiya qaybahani ganacsi.<br />
Soomaaliduna waxay u baahan yihiin inay ku<br />
xidhnaadaan adduunka iyaga oo adeegsanaya qaababkani<br />
tiknoolojiyada elektaroonikada ah, si ay u<br />
socodsiiyaan ganacsigooda, ula xidhiidhi karaan<br />
asaxaabtooda iyo ehelkooda, iyo si ay ula socdaan<br />
waxyaabaha ka dhacaya Somalia. Waxay si weyn ula<br />
qabsan og yihiin oo ay isla markaaba baran karaan<br />
adeegsiga tiknoolojiyadii ugu danbaysay ee casriga<br />
ahayd, waxayna i tuseen sida xeel-dheerida ah iyo<br />
dhammaan farsamooyinka loo isticmaalo Internetka iyo<br />
telifoonnada moobillada.<br />
Somaliland<br />
Marka la soo qaado Somalia ee ay maskaxdooda ku soo<br />
dhacdo dadka intiisa badan, waxay u maleeyaan guud<br />
ahaan meel ay ka jiraan qas iyo xiisado aan lahayn<br />
dhammaad, gaajo, budhcad-badeed, iyo dagaallo ku<br />
xidhan oo al-Qaacida ay ku lug leedahay. Laakiin waxa<br />
223
jirta arrin kale, sida uu u sharraxayo Mark Bradbury,<br />
waxyaabihii uu ka qoray Somaliland, 2008-dii:<br />
Somaliland oo ku taal dhinaca ugu shisheeya ee<br />
waqooyi ee Geeska Afrika, waxay noqotay mid ka<br />
mid ah xukuumadaha ugu deggan Geeska Afrika,<br />
waxayna sannadka 2006 muujin kartaa oo ay ku<br />
faani kartaa inay samaysatay dawlad dadweynuhu ay<br />
soo doorteen, iyo nidaam sugan oo diimoqoraaddi<br />
ah oo la tartami kara mid kasta oo kale oo ka<br />
jira dalalka gobolka iyo dawladaha muslimka ah<br />
intooda badan. Sidaas awgeed, Somaliland waxay<br />
gooni ka ahaanaysaa oo ay ka baxsanaanaysaa<br />
muuqaalka laga haysto qaybta gobolkan ee Afrika<br />
ee ah meel ay wada aafeeyeen dagaallo, burbur iyo<br />
cadaadis ijtimaaci ah, kuwaasi oo lala<br />
xidhiidhinayey gobolkan ilaa 1990-yadii. 20<br />
Ali Mazrui, aqoonyahanka reer Tanzania, waxa uu isna<br />
ku doodayaa inay haatan jiraan laba Soomaalyieed:<br />
Ka dib markii Soomaaliyadii Waqooyi ay ka noqotay<br />
midnnimadii sannaddii 1991, Geeska Afrika waxa uu<br />
arkay oo ka soo baxday “ Arrin ah laba<br />
Soomaaliyeed”. Soomaaliyada Muqdishu waxa ka sii<br />
jirta xaalad ah qas iyo jahawareer nidaamla’aaneed,<br />
iyadoo Soomaaliyada Hargeisa ay sii<br />
xoogeysanayso oo ay ka jirto xaalad ‘dhisme qaran<br />
oo min hoos ilaa kor ah’, oo salka ku haysa habdhaqanka,<br />
gudahana laga wado oo ka dhalatay. 21<br />
In aad isku marto ‘Labada Soomaaliyeed’ isla maalin<br />
qudha, waxaad ka kasbanaysaa waayo-aragnnimo xiiso<br />
leh. ‘Soomaaliyada Muqdishu’, ma aha meel aad ku<br />
nasan karto oo la joogi karo; magaaladu waa meel kala<br />
qaybsan oo ay ka buuxaan ciidammo milateri, oo<br />
aagaggeega dagaalku ay mar kasta isbedelayaan. Dadka<br />
rayidka ahi marnaba ma haystaan badbaado amma<br />
nabadgelyo, xataa haddii ay tahay tii ay ka heli<br />
lahaayeen ciidamada nabad-ilaalinta ee Ururka Midowga<br />
Afrika oo ururrada xuquuqda aadamigu ay ku eedeeyaan<br />
inay madaafiic culus ku garaacaan xaafadaha ay<br />
dadweynuhu deggan yihiin. Waxaa si weyn u xaddidan<br />
dhaqdhaqaaqa iyo isku socodka dadweynaha iyo sida ay<br />
224
u dhaqmi karaan. Si xor ah uma socon karaan;<br />
degaannada ay xukumaan ururrada islaamiyiinta ahina,<br />
dumarku waxay ku khasban yihiin inay is-dedaan oo ay<br />
xidhaan xijaab dhammaan jidhkooda saran,<br />
caruurtooduna waxay halis ugu jiraan in al-Sahabaab<br />
iyo miliishiyooyinka kale ay khasab ku qortaan.<br />
‘Soomaaliyada Kale’ waa mid aad uga fog taas.<br />
Sanaddii 2011, waxan diyaarad ka raacay magaalada<br />
Muqdishu, waxanan tegey magaalada dekedda leh ee<br />
Berbera ee Somaliland, waxan lugeeyey xeebta. Waxan<br />
halkaas ku arkay dumar dhallinyaro ah oo baashaalaya,<br />
kuna daansha-daanshoonaya badda, ku dabbaalanay<br />
biyaha oo kolba dhinac isku qalaama-rogaya, lugaha<br />
circa u saydhaya, qosol dhagdhagta haya, oo farxad la<br />
qaylyaya. Waxay ka dhignayd sidii dheri biyo ka<br />
karayaan oo daboolka laga qaaday oo kale. Dadka waxa<br />
loo ogolaaday oo ay fursad u heleen inay neefsadaan<br />
oo ay nafisaan, si xor ahna u dhaqmaan. Iyada oo ka<br />
geddisan xaaladda ‘Soomaaliyada Muqdishu’, halkan ma<br />
joogaan ciidammo nabad-ilaanineed oo ka tirsan Ururka<br />
Midowga Afrika, waxa ka jirtey nabad iyo deganaansho.<br />
Looma baahna in aad wadato ciidammmo hubaysan oo ku<br />
ilaaliya. Dadka qudha ee aan arkay inay hubaysan<br />
yihiin oo qoryo siteyna waxay ahaayeen askar ka<br />
tirsan ciidammada nabadgelyada. Xaaladdan imiku, aad<br />
ayay uga duwaneyd markii ka horraysay xilligan ee aan<br />
booqday Somaliland oo ahayd badhtamihii 1990-kii.<br />
Waqtigaasi, dhallinyarada intooda badani waxay wateen<br />
hub, sidii waxay dareemayaan inay yihiin qof qaawan<br />
oo kale haddii aanay sidan qori.<br />
Intii danbe ee sannadihii 1980-aadkii iyo horraantii<br />
1990-aadkii, Somaliland waxay hubaal ahaan ahayd<br />
qaybta sida ugu weyn ee ugu ballaadhan loo burburiyey<br />
dhulka Soomaalida. Marka la isku eego faraqa u<br />
dhexeeya dalkaasi burbursanaa ee waqtigaasi iyo<br />
xaaladda ka jirtey sannadkii 2011, waxay ahayd mid<br />
aan guud ahaan la malayn karayn oo aan la rumaysan<br />
Karin. Waxan fuulay oo aan is dul taagey buur<br />
magaalada hoos loo eegi karo; waxa ka jirey<br />
dhismayaal ilaa inta ishaydu ay qabatay dhinac kasta.<br />
Jidadku waxay ahaayeen kuwa aad dareemayso ammaan iyo<br />
badbaado; waxa jirtey saxmad waddada baabuurta, dad<br />
225
iixaya karyoonayaal ka buuxa lacagta shilinka ah ee<br />
Somaliland, dumar waxoogaa khudaar ah oo ay iib<br />
geynayaan ku sida denbiillo amma sallado ka samaysan<br />
caag, oo leh midabbo dhalaalaya – qof walba waxa uu u<br />
muuqday inuu ku foofsanaa danihiisa iyo hawshiisa oo<br />
uu qabsanayey. Waxa halkaas ka jira macraddo badan oo<br />
ay yaallaan baabuurro duug ah amma hore loo<br />
isticmaalay, qof samaystay tukaan ah laybareeri<br />
buugaagta laga helo, iyo maqaaxiyo iyo huteello wax<br />
laga cuno, waxna laga cabbo oo waddada ku yaal oo u<br />
furan cid kasta oo reer Somaliland ah. Waxa jira<br />
maqaaxiyo shaaha laga cabbo oo ay fadhiistaan dadkii<br />
joogey halkaas ee ku hadhay ilaa xilliyadii<br />
dagaallada, kuwii ka soo noqday Ethiopia, iyo kuwa ka<br />
yimid meelo fogfog oo kale. Mid ka mid ah hudheellada<br />
waxa inta badan yimaadda qurba-joogta reer Somaliland<br />
ee deggan Canada, gudahana waxa loo yaqaan oo loogu<br />
yeedhaa ‘reer Canada amma Kanadiyaankii’, mid kale<br />
waxa loo yaqaannaa ‘reer Australia amma<br />
Austraaliyaankii’, kuwa kalena ‘reer Sweden’, ‘reer<br />
Denmark’, iyo ‘Ingiriis’. Waxa kale oo jira maqaaxiyo<br />
ay gaar u leeyihiin dadka ka soo yaacay dagaallada<br />
Muqdishu iyo meelaha kale ee Somalia.<br />
Inta badan isbedelka ka jira Somaliland, waxa ugu<br />
wacan dadka qurba-joogga ahaa ee debadda ka soo<br />
noqonaya, kuwaasi oo la soo noqda aqoon, waayoaragnnimo<br />
xirfadeed, imkaaniyaad amma hanti<br />
maalgelineed. Iyaga oo la soo noqday aragti ah inay<br />
wax qabsan karaan, kuna dhiirran karaan, waxan ka<br />
fikiray inay yihiin ‘Halyeyadii Somaliland’ ee<br />
horseedayaasha u ahaa. Waxay gacan ka geystaan<br />
socodsiinta dhaqaalaha, waxayna kaalin mudan ka<br />
qaataan siyaasadda. Dawladdii la soo dooratay 2010-<br />
kii, waxa lagu eedeeyaa inay si aad ah u tahay<br />
‘ajanebi’, sababta oo ah mansabyo badan oo muhim ah<br />
waxa la geeyey oo jooga dad ka yimid qurba-joogta.<br />
Mid ka mid ah dadka ‘Halyeyada Somaliland’, waxa<br />
weeye Abdulqadir Xaashi Cilmi, oo ah ganacsato<br />
hudheel leh, oo ku soo noqday dalka, ka dib markii<br />
sannado badan uu ka soo shaqeeyey sharikadaha<br />
saliidda ee Kuwait. Waxa uu ka hadlay sida isaga iyo<br />
saaxiibbadii ay ugu soo gurmadeen dawladdii<br />
226
Somaliland, wax yar ka bacdi markii dalkaasi uu ku<br />
dhawaaqay madaxbannaanidiisa:<br />
Markii aan ku soo noqday Somaliland, qof walba<br />
qori ayuu sittey. Dalku waxa uu ku jirey oo<br />
marayey meeshii ugu hoosaysey. Waxa jirtey dawlad<br />
magac ahaan uun u jirta, laakiin wax muuqda oo la<br />
taaban karayaa ma jirin. Sida awgeed waxay<br />
noqotay oo nala soo gudboonaatay in aannu wax<br />
qabanno. Waxannu gacan ka geysanney dhismihii<br />
ciidammada bileyska oo aannu bixinno<br />
mushaharkoodii, u iibinno raashin iyo shidaalka<br />
baabuurta. Waxannu sidoo kale ka yeellay<br />
qaadiyada maxkamadaha, culimada diinta iyo<br />
macallimiinta. Markii uu awodda xukunka qabtay<br />
madaxweynihii labaad, Maxamad Ibraahim Cigaal,<br />
sannaddii 1993-kii, ma jirin wax agab iyo waraaqo<br />
ah oo yaalley xafiiskiisa, xattaa qalin ha<br />
noqdee. Waxan ku noqday Kuwait, waxanan la<br />
socodsiiyey asaxaabtaydii reer Somaliland ee<br />
halkaasi joogey, in aanay jirin hal warqad ah<br />
amma qalin ah oo yaalley miiskii madaxweynaha.<br />
Laba toddobaad gudahood, ayaa waxannu ka soo<br />
buuxinney qol ka mid ah qolalkii gurigeyga agabxafiiseed,<br />
kuwaasi oo aannu u soo dirnay<br />
Madaxweyne Cigaal oo joogey magaalada Hargeysa.<br />
‘Halyeyada Somaliland’, waxay mar walba ku<br />
dedaalayaan inay ballaadhiyaan danahooda ganacsi,<br />
iyaga oo isla markaana gacan ka geysanaya horumarinta<br />
dalka. Abdulqaadir Xaashi Cilmi waxa uu i tusay sahan<br />
qorshe oo ay dalbadeen isaga iyo koox kale oo<br />
ganacsato ah oo ku saabsan waddo ay doonayaan inay<br />
sameeyaan oo si toos ah uga baxda una kicitinta<br />
dhinaca waqooyi ee magaalada Hargeisa ilaa iyo badda,<br />
waddadaasi oo furaysa iskuna xidhaysa dhul fog oo ay<br />
adkayd in la maro oo ka tirsan waddankaasi:<br />
Dadka deggan gobolkaasi, waxa dhibaato ka<br />
haysataa sidii ay ugu xidhmi lahaayeen qaybaha<br />
kale ee Somaliland. Dhulku waa dhul masno ah oo<br />
wax laga beeri karo, waxa ku dhaqan xoolo badan<br />
oo nool, baddana waxa ka buuxa kalluun. Laakiin<br />
dhulkaasi waa go’doon oo lama mari karo, oo waxa<br />
227
ku yaal buuro adag oo dhibaato ku ah dadweynaha,<br />
kana xannibaya inay soo raraan oo soo mariyaan<br />
badeecdahoodii iyo waxyaabihii ay u iib geyn<br />
lahaayen Hargeysa iyo magaalooyinka kale. Waxay<br />
si weyn ugu baahan yihiin waddo ay wax soo<br />
mariyaan. Ma sugi karno ilaa inta ay dawladdu ka<br />
helayso dhaqaale ku filan oo ay ku samayso<br />
waddadaas; lacagtu waa in ay annaga naga<br />
timaaddaa. Marka aannu qorshaha sahanka<br />
dhammaynno, waxannu la xidhiidhi doonnaa oo aannu<br />
u tegi doonnaa dadweynaha gobolkaasi, waxanannu<br />
ka codsan doonnaa inay ku deeqaan wax kasta oo<br />
qaadhaan ah oo ay kari karaan inay ku soo<br />
biiriyaan dhismaha jidkaasi. Ha noqoto hal<br />
doollar, neef adhi ah, wax kasta. Kuwa Somaliland<br />
aan aqoonsanayni, nama yaqaanaan. Somaliland way<br />
jiraysaa, wayna soconaysaa oo sare ayay u<br />
kacaysaa, haddii la na aqoonsado iyo haddii<br />
kaleba. Faa’iidooyinka aqoonsi la’aantu ay noo<br />
keentay waxa ka mid ah in aanu annagu isku<br />
tashannay lafahayaga. Waxannu ka dhigannay diinka<br />
guguurta oo kale. Waxan u gurguuranna oo aan u<br />
soconna si gaabis ah, laakiin waannu naqaan halka<br />
amma meesha aannu u soconno.<br />
Mashruuc kaasi la mid ah, waxa haddaba laga<br />
hirgeliyey magaalada Burco, halkaasi oo laga dhisay<br />
biriij amma buundo ka tallowda doox weyn oo waqtiga<br />
jiilaalkii ee uu madhan yahay dhexdiisa ay ka<br />
muuqdaan hadhaagii baabuurta gaashaaman iyo kuwii<br />
kale ee milateriga ee lagaga yaacay waqtiyadii<br />
dagaalladii sokeeye oo daxalaystey; dooxaasi oo<br />
laakiin waqtiga roobabka aad u soo rogamada oo ay soo<br />
maraan daadad laxaad leh oo kala xidha magaalada,<br />
qaadana xoolaha iyo dadka isku daya inay ka<br />
tallaabaan. Biriijkaasi waxa lagu dhisay lacagayow ay<br />
bixiyeen dadku, inta baddanna ay ku deeqeen<br />
ganacsatada waaweyn, oo ay ku jirto Shirkadda<br />
Xawaaladda ee Dahabshiil, iyo weliba dadweynaha<br />
degaanka oo iyagu helayey ka-faa’iideysiga<br />
dhismahaasi. Dadweynuhu waxay ku deeqeen wax kasta oo<br />
ay helayeen – ha noqoto waqtigooda, xirfaddooda,<br />
228
waxoogaa lacag ah oo Shilin-Somaliland ah, digaagad,<br />
ri’ amm neef geel ah.<br />
Huteelka Abdulqaadir Xaashi Elmi, waxa uu ahaa oo<br />
kale meesha aan kula kulmay ‘Halyeyo’ dhawr ah oo<br />
kale, dhallinyaro iyo waayeel intaba, dadkaasi oo ku<br />
soo noqday Somaliland, kana soo kala noqday dalalka<br />
Malaysia, Canada, Norway, Sweden, Britain amma<br />
Ingiriiska, Khaliijka, iyo dalalka kale ee adduunka.<br />
Waxa joogey dhallinyaro hangooda iyo hammigoodu badan<br />
yahay oo si weyn wax u xiisaynaya oo xirfadda<br />
kombuyuutarku si heer sare ah u kasbaday, lana<br />
dhacsan fursadaha badan ee ganacsi ee ka jira<br />
halkaas, lagana heli karo dalka. Waxa jirey qof<br />
dhallinyaro ah oo aqoonyahan ah oo doonayey inuu<br />
sameeyo urur khubaro ah oo la-taliyaal ah, iyo<br />
injineer ka yimid Norway oo aqoon u leh saliidda<br />
batroolka, una yimid in uu eego sida ay suurtogal u<br />
tahay in la qodo saliid la soo saaro.<br />
Galab ka mid ah galbaha, waxan la kulmay nin<br />
Somaliland u dhashay laakiin haatan ah Kanadiyaan<br />
‘Canadian’, oo magaciisa la yidhaa Abdillahi Farah.<br />
Wuxu ii sheegay in uu isagu bilaabay beertii ugu<br />
horraysay Somaliland ee nooceedu yahay ta l’oda lagu<br />
xannaaneeyo, laguna dhaqo si caano iyo subag badan<br />
looga helo (diary farm). Marka la eego degaankan oo<br />
ah mid aad u qallalan, aan lahaynna daaq iyo nabaad<br />
badan, waxan u sheegay in aanan hadalkiisaa<br />
rumasanayn. Waxa uu ii soo jeediyey inuu i geeyo oo<br />
uu i soo tuso beerta. Waxanannu ambabaxnay<br />
aroornnimadii hore maalintii danbe, annaga oo xawli<br />
sare ku soconna, sii maraynna oo ka gudbaynna dhul<br />
aan sinnayn oo ciid ah, dhexda ku sii dhaafaynna<br />
geel, dundumooyin iyo dhir-qodaxeed. Mar qudha, ayaa<br />
sidii dhalanteed ka muuqda meel lama-degaan ah oo<br />
kale, waxa naga soo hor baxay, dhul doog ah oo cagaar<br />
la widhwidhaya. Waa ‘Dooxadii Doogga ahayd ee Beerta<br />
Lo’da’, halkaasi oo Abdilahi Farah uu ku rakibay<br />
qaabka iyo qalabka casriga ah ee beeraha lagu<br />
waraabiyo, qaabkaasi oo awodsiiyey in uu beeri karo<br />
noocyada kala duwan ee daaqa, caleen iyo raashin kala<br />
duwan oo loo dhigo lo’da beerta lagu dhaqo, waxanu<br />
midho iyo iniin tijaabo ah ka soo iibsaday Kenya iyo<br />
229
Sudan. Nooca lo’da loo yaqaan Holstein ee midabkeedu<br />
iskugu dhafan yahay madow iyo caddaan, oo kuula<br />
ekaanaysa sidii waxay dhex tuban tahay beerihii daaqa<br />
cagaaran ee Yurub oo kale, waxa uu ka keenay Ethiopia<br />
oo dhulka la soo mariyey, waxanu lagu tallaalay oo<br />
lagu mudey meni amma biyo laga keenay Maraykan.<br />
Faransiiskana waxa looga keenay qalabkan casriga ah<br />
ee farsamada sare ee yaalla dhismahan nadiifta ah ee<br />
dhalaalaya ee lo’da lagaga lisso caanaha.<br />
Markii aan weydiiyey Cabdillaahi oo aan isagu hore<br />
ugu lahayn khibrad iyo waayo-aragnnimo xirfadda<br />
beeraha halka iyo sida uu ku keenay fikraddan iyo<br />
farsamadan qaabkan waraabinta dhulka, qodista<br />
ceelasha, beerista iyo kaydinta raashinka lo’da ee<br />
nafaqada leh, iyo samaynta beer-lo’aaddani, waxa uu<br />
kaga kacay qosol, waxanu ii sheegay inuu inta badan<br />
ka ogaadey, kana bartay Internet-ka. Jawaabtiisu<br />
waxay u taagnayd oo ka muuqatey dareenka<br />
halyeynnimada ee sida qayaxan caadada u ah reer<br />
Somaliland. Waxa uu ii sheegay in fikraddan ah inuu<br />
sameeyo beer-lo’aad ay markii ugu horraysay ku soo<br />
dhacday markii aabbihii ay ku soo baxday cilladda<br />
lafo-jajabka oo ka timaadda macdanta loo yaqaan<br />
Calcium oo jidku waayo amma ka yaraata, cilladdaasi<br />
oo ku badan Somaliland. Waxanu intaasi ku daray in<br />
hammiga iyo ujeeddada weyn ee ku dhaqaajisay<br />
hawshani, inay ahyd inuu wax ka hagaajiyo caafimaadka<br />
dadweynaha dalka, oo uu u helo caano lo’aad. Waxa<br />
kale oo suurtogal ah in Abdillahi Faarax uu<br />
rajaynayey inuu lacag badan ka heli doono hawshan uu<br />
u badheedhay ee beer-lo’aadda.<br />
Qaar kale oo reer Somaliland ah, waxa suurtogal ah<br />
in hammigooda iyo ujeeddadoodu ay u badan tahay in ay<br />
ka imanaysa damiir banii’aadminnimo iyo dareen<br />
baraarug oo ah inay mas’uuliyad iska saaraan wax-kaqabasho<br />
dhibaato dadweyne. Adan Ismail, oo ah<br />
dhakhtar xagga cudurrada maskaxda iyo dhimirka ah, oo<br />
ka shaqeeya dalka Canada, waxa uu u huraa waqitigiisa<br />
muddo toddobaadyo ah inuu halkan yimaaddo sannad<br />
kasta, oo uu lacag la’aan ku daaweeyo dadka maskaxda<br />
amma dhimirka wax ka qaba ee jooga Somaliland, waayo<br />
dalkan ma joogaan dhakhaatiir dabiibta canuunnada<br />
230
maskaxda iyo dhimirka. Afadii hore ee uu qabi jirey<br />
Madaxweyne Cigaal, Edna Adan Ismail, oo ah dhakhtarad<br />
umuliso ah, waxay ka fadhiisatay shaqadeedii ay ka<br />
haysey Qaramada Midoobey, waxayna Hargeysa ka<br />
samaysay cusbitaal haweenku ku umulaan, halkaasi oo<br />
ay weliba ku tababarto dhakhtarro iyo kalkaaliyayaal<br />
caafimaad oo umulisooyin ah. Waxyna igu tidhi:<br />
Waxan ku hammiyi jirey in aan dhiso cusbitaal<br />
ilaa markii aan 11 jir ahaa. Mid waxan ka<br />
bilaabay dhismihiisii magaalada Muqdishu, laakiin<br />
waxa la burburiyey markii dagaalladu ay qarxeen.<br />
Markii aan gaadhay da’dii hawlgabka ee shaqada<br />
laga fadhiisanayey, ayaa waxan goostay in aan mar<br />
kale isku dayo dhisme cusbitaal oo markan aan ka<br />
sameeyo dalkayga hooyo ee Somaliland. Waxa la i<br />
siiyey dhul aad u ballaadhan oo ahaan jirey<br />
xabaalo iyo qashin-qub, markii danbena meel wax<br />
lagu laayo oo lagu toogto dadka dilka lagu<br />
fulinayo ee maxaabiista siyaasadda. Dadku aad<br />
ayay u necbaayeen oo ay u karhi jireen goobtan,<br />
laakiin immika way jecel yihiin. Lacagtaydii xaqa<br />
iyo gunnada hawlgabka iyo hantidaydii kale ayaan<br />
ku kharash-gareeyey dhismihii cusbitaalkan,<br />
halkii aan meel kale degi lahaa ee aan iska<br />
ciyaari lahaa turub ilaa inta aan ku dawakhayo.<br />
Iyada oo ay socdaan dhammaan mashaariicdan gaarka<br />
ahi, dawladda Somaliland waa mid kooban oo taag<br />
daran. Sabatuna waa dalkani oo aan haysan aqoonsi<br />
caalami ah. Ma heli karo deyn debadeed oo buuran oo<br />
uu ku bixiyo kaabayaasha dhaqaalaha iyo qaybaha kale<br />
ee horumarinta. Dhibaatadanna waxay madluun ka<br />
dhigtay, oo warwar ku haysaa Madaxweynaha, Ahmed<br />
Siilaanyo, oo yidhi:<br />
Waxannu u baahannahay aqoonsi dibadeed, waayo waa<br />
sida qudha ee aannu xubin buuxa uga noqon karno<br />
mujtamaca amma duwalka caalamka. Kama qaybgeli<br />
karno shirarka ay soo abaabulaan ee ay qabanayaan<br />
Qaramada Midoobey iyo ururrada kale. Kama<br />
faa’iidaysan karo barnaamijyada iyo mashaariicda<br />
Baanka Adduunka iyo hey’adaha kale ee caalamiga<br />
ah. Wax badan ayaa nagu seega aqoonsi la’aanta.<br />
231
Samir badan ayaannu arrintani u yeelannay,<br />
waxanan rajeynayaa in aannu u aayi doonno<br />
samirkaasi oo aanu abaalkiisa heli doonno. Haddii<br />
aannu helno aqoonsi caalami ah inta aan anigu<br />
madaxweynaha ahay, waxannu samayn doonnaa<br />
dabbaldeggii ugu weynaa ee weligii soo mara<br />
adduunka.<br />
Reer Somaliland waxay u muuqdaan inay aad uga roon<br />
yihiin oo ay ugu badinayso ka maqnaanshaha shirarka<br />
caalamiga ah, amma haddii si kale loo dhigo, inay u<br />
aayeen oo ay u fiican tahay inayna ka mid noqon<br />
hababka ku tiirsan mucaawanada. Waxay ka midaysan<br />
yihiin, sida weyn ee ay ugu dhegan yihiin , una<br />
doonayaan inay helaan aqoonsi caalami ah. raallina<br />
kuma aha inay sidan ku sii jiraan, ka sakow<br />
carqaladaha badan ee ka hortaagan, oo ay sii ahaadaan<br />
mujtamac shaqaynaya oo ka jira dal aan la qoonsanayn.<br />
Waa wax suurtogal ah haddaii la aqoonsan lahaa, in<br />
Somaliland ay ka bilaabanto kala daadsanaan oo hanti<br />
lagu khasaariyo waxyaabo dheeraad ah oo magaca<br />
dawladnnimo amma qarannimadu ay la imanayso oo ku<br />
ladhan. Tusaale ahaan, waxa laga yaabaa inay damcaan<br />
inay safaarad weyn ka furtaan meel ka mid degaannada<br />
bilicdasan ee heerka sare ah, ee qaaliga ah ee<br />
magaalada London, halka imika uu ka yahay maqsin<br />
qudha oo ku dhex yaal suuq aan bilic lahayn oo ka<br />
tirsan xaafad gabowdey oo ka mid ah xaafadaha Bariga<br />
London. Mark Bradbury, buuggiisa uu ka qoray<br />
Somaliland, waxa uu ku sheegayaa inay jiri karaan<br />
dhinacyo badan oo laga eegi karo doodda ku saabsan<br />
bal in Somaliland ay wax ka taransan lahayd iyo in<br />
kale, mucaawanooyin dheeraad ah oo debadeed oo ay<br />
hesho:<br />
Sababta oo ah faragelinta xagga milateri iyo tan<br />
banii'aadminnimo ee Koonfurta ee natiijada xumi<br />
ka timid, waxa timid dood odhanaysa in Somaliland<br />
ay u ayday oo ka faa'iidaysatay inay ahaato mid<br />
bannaanka ka joogta oo 'ka madaxbannaan kuxidhnaansho<br />
mucaawano'. Dood taasi ka duwan ayaa<br />
iman karta, oo ah in mujtamaca caalamiga ah ay<br />
seegtay fursadda ah in uu ka shidaal qaato habka<br />
muwaafaqada amma heshiiska siyaasadeed ee<br />
232
Somaliland ee xoojinta mabaadi'da maamulwanaagga.<br />
Haddii heerka kooban ee caalamiga ah<br />
amma mucaawanooyinka xaddidan ee loo fidiyo<br />
somaliland ay dib u dhigeen dib-u-soo-kaabashadii<br />
muuqan lahayd ee xagga dhaqaalaha iyo siyaasadda<br />
ee dalkaasi, markaasi waxa la odhan karaa dhinaca<br />
kale inay ku kacday qiime amma la timid saamayn<br />
banii'aadminnimo. Mana aha wax sahlan oo<br />
suurtogal ah in si sugan loo xisaabiyo<br />
saamayntaasi. Haddana maqnaanshaha faragelin weyn<br />
oo debadeed waxay keentay in siyaasadda guduhu ay<br />
hoos ka soo dhisanto, iyada oo aanay hageyn<br />
saamayn ka timaadda imkaaniyaad, amma taageero<br />
iyo ajandooyin debadadeed. 22<br />
waxa jira sabab Somaliland qiil uga dhiganayso inay<br />
xaq u leedahay madaxbannaani. Sida uu qabo xeerka<br />
Ururka Midowga Afrika, xuduudaha dalaku waa inay ku<br />
ekaadaan xuduudihii ay lahaayeen ee loo qeexay<br />
waqtigii ay gobannimada qaateen ee ay madax<br />
bannaanadeen. Maxmiyaddii hore ee Ingiriiska ee<br />
Somaliland waxay dhawr maalmood ahayd dal<br />
madaxbannaan oo leh xuduudo gooniya oo sugan, ka hor<br />
intii aanay la midoobin dalkii loo yaqaanney Somalia<br />
italiana ee Koonfurta oo ahayd mustacmarad Talyaani.<br />
Hasse ahaatee waxa carqalad weyn oo aan la dhaafi<br />
karin ku noqotay mawqifka Dawladda Ku-meel-gaadhka ah<br />
ee Muqdishu oo si aan leexleexad lahayn uga horjeedda<br />
madaxbannaanida Somaliland. Dawladaha ajanebigu waxay<br />
beryahan danbe wax ka bedeleen mawqifkoodii hore ay<br />
ugu dhegganaan jireen ee ku aaddanaa Somaliland.<br />
Maraykanku waxa uu ku dhawaaqay sanadkii 2010 inuu<br />
taageero dheeraad ah siinayo dalkaasi. Ingiriiska<br />
ayaa isna bedeley mawqifkiisii amma sidii uu ula<br />
macaamilayey. Inta badan dalalka aduunku waxay ku<br />
doodaan in uu yahay Ururka Midowga Afrika kan ay la<br />
gudboon tahay in uu go'aan ka gaadho waxa laga<br />
yeelayo Somaliland ee arrinteedu ay noqonayso. Marka<br />
loo eego awod-darrida iyo guud ahaan inta badan waxku-ool<br />
la'aanta ururkaasi, lagama yaabo dadweynaha<br />
Somaliland inay beryahaasi arkaan wax isbedel ah oo<br />
dhakhso ah oo ku yimaad sida ay haatan yihiin amma<br />
xaaladda ay ku sugan yihiin.<br />
233
Sabata ay dad sidaas u badan oo reer Somaliland ah<br />
oo qurba-jooga ahaa ay ugu noqonayeen dhulkoodii, una<br />
awodeen inay ku dhiiradaan bilaabidda mashariic xiiso<br />
leh oo lafahooda iyo guud ahaanba dalka ay wax ugu<br />
qabanayaan, waxa weeye in ilaa 1991-kii ay Somaliland<br />
dib u dhisaysey dhaqaalaheeda, mujtamaceeda, iyo<br />
dawladdeedaba, taasi oo ka duwan xaaladaha ka jirey<br />
Somalia. Dib-u-dhiskani waxay u samaynaysay oo uu u<br />
socda si gaabis ah oo qun-yar-socod ah, kuna salaysan<br />
habkooda iyo qaabkooda, si xeelad ahna looga guurayey<br />
nidaamkii siyaasadeed ee ku dhisnaa qaab-beeleedka,<br />
loona gudbayey qaab ugu danbayntii ah hab<br />
diimoqoraadi ah oo soomaaliyeed oo ku dhisan axsaab<br />
badan. Sababta oo ah in aan Somaliland debadda<br />
lagaga keenin qaababka reer-Galbeedka ee nabadaynta<br />
iyo dib-u-dhiska, Somaliland waxay siyaabo badan uga<br />
badbaaddey waxa ku dhacay ee ay ku danbeysey Somalia.<br />
Waayo-aragnnimada tusaale ee Somaliland waxay<br />
muujisay oo ay soo bandhigtay in haddii dadka loo<br />
dhaafo inay iyagu maamushaan arrimahooda, in<br />
Soomaalidu ay awod u leedaay inay samysantaan qaran<br />
dawli ah oo isagu isku tiirsan oo iskii wax u qabsan<br />
kara.<br />
Ka bacdi markii Somaliland ay ka goosatay Somalia,<br />
18-kii bishii May ee 1991-kii, taasi oo sabab u<br />
noqotay inay ka sabata baxdo fargelin debadeed, dadka<br />
reer-Somaliland waxay dib ugu noqdeen oo ay hoos ugu<br />
dhaadheceen dhaqankoodii, iyaga oo dhisay nidaam<br />
bilawgii ku qotomey siyaasad hab-beeleed iyo<br />
qaddarinta hoggaanka iyo talada odayaasha, laakiin<br />
marba marka ka danbaysa la sii waafajinayo oo la isla<br />
qabadsiinayo qaababka casriga ah ee siyaasadda. Waxa<br />
la qabtay shirar badan oo is-xigxigey oo ay yeesheen<br />
beeluhu, shirarkaasi oo ergooyinku ka kala socdey<br />
dhammaan qaybaha mujtamacaasi ay ka doodeen, kana<br />
wada tashadeen, qaab-siyaasadeedka la qaadanayo, iyo<br />
sida loo qaybsanayo awodda xukunka. Iyadoo ka duwan<br />
'shirarkii dib-u-heshiinta' ee faraha badnaa ee<br />
debadaha laga soo abaabulay ee loo qabtay Somalia<br />
laga soo bilaao 1991-kii, kuwan Somaliland ee hoos<br />
iyo gudaha ka soo asaasmay ee cidda qabsatay iyo<br />
cidda loo qabtay ay soomaali ahaayeen, waxa ka soo<br />
baxay hab lagu dhaqmi karo oo wax-ku-ool ah oo<br />
234
cuntama, ficil ahaanna runtii shaqaynaya oo la<br />
dabbiqi karo. Shirarkaasi siyaaasadeed ee Somaliland<br />
waxay iskugu soo biyo shubteen aakhirkii,<br />
shirweynihii magaalada Borama sanadkii 1993, kaasi oo<br />
socdey muddo afar bilood ah, kuna dhammaaday<br />
magacaabidda madaxweynihii labaad ee Somaliland,<br />
uguna xilli dheeraa, Mohamed Ibrahim Egal. Mark<br />
Bradbury waxa uu qabaa in ahmiyadda shirkaasi<br />
saamayntiisu aanay ku ekayn oo qudha xuduudaha<br />
Somaliland, laakiin ay aad uga durugsan tahay: '<br />
Shiiirweynihii Borama ee 1993 ma koobayn astaynta<br />
xaaladaha siyaasadeed ee Somaliland oo qudha,<br />
laakiin waxa kale oo uu tusaale u ahaa hab<br />
nabadayneed oo dadweyne oo dhaqan ah oo gudaha ka soo<br />
asaasma, qaabkaasi oo wax u dhigmaa ay ku yar yihiin<br />
Afrikada maanta. 23<br />
Bradbbury waxa uu ku doodayaa in tiirka aasaasiga u<br />
ah guulaysiga Somaliland uu yahay in dawladnnimadu<br />
ay ka soo bilaabantay aasaaska hoose ee mujtamaca<br />
amma dadweynaha, taasi oo si weyn uga geddisan qaabka<br />
Somalia ay ku socotey: ' Haddii aynnu dib u xusno<br />
sifihii ay Virginia Luling ka bixisay Somalia 1980-<br />
yadii, ee ay ku tilmaantay " dawlad ka dul laallaadda<br />
dadweyne aan weligood dhisan lahayn dawlad noocaas<br />
ah, amma aan dalban lahayn iyada oo kale oo aan ku<br />
iman rabitaankooda", haddii sifahaasi la barbardhigo<br />
oo loo eego , tan Somaliland waxay u muuqanaysaa mid<br />
ku dhisan, kana timid dadweynaha, ee aanay ahayn mid<br />
dusha lagaga keenay." 24<br />
Waxa loo dejiyey Somaliland nidaam dawli ah oo<br />
iskugu dhafan noocyo kala duwan. Waxa la isku milay<br />
oo uu iskugu jiraa qaababka dawliga ah ee reer-<br />
Galbeedka iyo kuwa dhaqanka ee arrimaha ijtimaaciga<br />
iyo siyaasadda. Tani waxay ka muuqataa oo laga dhex<br />
arki karaa hey’addaha sharci-dejinta amma golayaasha<br />
Somaliland oo iskugu jira qaababka dhaqanka iyo kuwa<br />
casriga ah. Golaha Guurtidu waxa uu ka kooban yahay<br />
Odayaasha beelaha, halka aqalka baarlamaanka amma<br />
golaha wakiilladu uu ka kooban yahay mudanayaal la<br />
soo doorto. Is-waafajinta qaababkani dhaqanka<br />
Soomaalida ee golaha odayaasha ee loo yaqaan Guurtida<br />
235
ee lagu daray qaabkii dawliga ahaa, lana siiyey<br />
golahaasi guurtida kaalin cad oo hawlaha iyo<br />
mas’uuliyaadka ay gudanayaan, kuwaasi oo ay ku jirto<br />
xallinta khilaafaadka gudaha, arrimahani waxay u<br />
suurtogeliyeen in Somaliland ay ka faa’iidaysato oo<br />
ay adeegsato qaababkii hore u jirey ee dhaqanka ee<br />
is-maamulka, oo aanay iska indha-tirin amma burinin<br />
habakaas. Golaha Guurtida ee lagu soo daray nidaamkii<br />
siyaasiga ahaa, waxay suurtogelisay in si wax-ku-ool<br />
ah oo cuntanta loo adeegsado odayaasha ugu mudan<br />
mujtamaca ee laga danbeeyo, lana maqlo talooyinkooda<br />
waayo-aranimo ee xallinta khilaafaadka. Tani waxay ka<br />
mid tahay sababaha keenay in aanay khilaafaadkii<br />
faraha badnaa ee gudaha ee dalkaasi inta badan aanay<br />
isku rogin, amma ay far-ku-tiris ahaayeen, dagaallo<br />
buuxa oo dhex mara beelaha. Haddana golaha guurtida<br />
ee mudanka odayaashaa dadweynaha ee lagu soo daray<br />
nidaamkii dawliga ahaa, waxa kale oo si sugan loo<br />
habeeye in qaabka siyaasiga ahi uu matilo oo ay ka<br />
dhex muuqdaan beelaha dalkaasi. Aasaasi ahaanna,<br />
habka dawliga ahi waa isbahaysi awod-qaybsi oo ka<br />
kooban beelaha waaweyn ee dalkaasi, iyada oo beeluhu<br />
ay kuraas amma wakiillo ay ku leeyihiin aqalka sare<br />
iyo kan hoose labadaba, kuraastaasi oo tiradoodu ku<br />
salaysan tahay qorshe amma qaab hore loo dejiyey oo<br />
loo cayimay.<br />
Si haddaba qaabkaasi isku-jirka ah ee Somaliland uu<br />
u hirgalo, una xuubsiibto nidaam dawli ah oo loo dhan<br />
yahay laguna wada jiro, tani waxay u baahatay in la<br />
helo hoggaan adag oo isku kalsoon. Tani waxa aad<br />
loogu sii baahday gaar ahaan xilliyadii hore ee ay<br />
jilicsanayd ee halistu ay jirtey, markii Somaliland<br />
ay bilawga ahayd ee ay iskeed ugu dhawaaqday<br />
jamhuuriyad socod-barad ah, Somalia oo si weyn liddi<br />
ugu ahyd gooni-u-goosashada Somaliland-na ay ka<br />
holcayeen dagaallo sokeeye.<br />
Ninka haddaba yeeshay geesinnimadii uu ugu badheedhi<br />
lahaa in uu hoggaamiyo Somaliland sannadihii ay<br />
dhallaanka ahayd ee ay debecsanayd waxa uu noqday<br />
madaxweyne Mohamed Ibrahim Egal oo ahaa siyaasi leh<br />
waayo-aragnnimo iyo heybad shakhsiyadeed, oo<br />
waqtigaas looga baahnaa oo muhim u ahaa si Somaliland<br />
236
ay u sii jirto oo ay u hanaqaaddo. Waxa uu yaqaanney<br />
sida looga hortago ee la iskaga caabbiyo kuwa iska ka<br />
soo horjeeda ee dhallila ee debadda iyo gudahaba.<br />
Waxa uu ka badbaadi karayey siyaasadihii Soomaalida<br />
ee qasnaa, isagoo hore u soo kala qabtay mansabyo<br />
siyaasadeed oo sarsare, oo ay ku jirto ra’iisalwasaare,<br />
iyo isagoo waqti badan ku jirey xabsiga<br />
xilligii xukunkii Mohamed Siyaad Barre. Waxa uu ahaa<br />
nin xariif ah oo xeelado badan, toos ah oo aan u<br />
habran cidna, oo hadallo iyo kaftan qayaxan. Ma ahayn<br />
nin u dhaqma hadba sida laga filayo ee ay tahay<br />
munaasabadda lagu jiraa. Mar aan la kulmay sannaddii<br />
1994 oo lagu jirey xilliyo gaar ahaan adag, oo<br />
miliishiyooyin ka soo horjeedaa ay joogeen agagaarka<br />
magaalo-madaxda, dagaallo qabaa’ilna ay ka socdeen<br />
qaybo ka tirsan Somaliland, waxa uu u dhaqmayey sidii<br />
nin aan waxaasba danaynayn oo aanay damqayn, una<br />
muuqda in isku-kalsoonidiisa oo qudhihi ay ku filan<br />
tahay cadowgiisa oo meesha ka baxa.<br />
Cigaal waxa uu joogey muddo ku filan in uu soo saaro<br />
Somaliland, dadweynaheedana ku beero isku-kalsooni ah<br />
inay iyagu wax qabsan karaan oo ay istaagi karaan.<br />
Markii uu dhintay 2002-dii, Somaliland waxay jirtey<br />
11 sano, waxayna muddadaasi noqotay dal iskii wax u<br />
qabsan kara oo isku tiirsan, iyada oo dib ay ugu soo<br />
noqdeen boqollaal kun oo qaxooti ahaa oo ka yaacay<br />
dagaalladii 1980-maadkii, haatanna dib ugu soo noqday<br />
si ay u helaan nolol fiican.<br />
Habkii loogu gudbayey madaxtooyo cusub waxa uu ahaa<br />
mid si caadi oo aan dhib lahayn u dhacay, sababta oo<br />
ah in marka horeba uu jirey qaab hore loo dejiyey oo<br />
ku saabsanaa qofka xilka qabanaya ee loo magacaabi<br />
karo, go’aankaasi oo ka mid ah awodaha waaweyn ee la<br />
siiyey aqalka sare ee Golaha Guurtida.<br />
Markii loo magacaabay Dahir Riyaale Kaahin<br />
madaxweynannimada, dalku wuxu galay marxaladdii<br />
labaad xagga horumarka siyaasadda, waxana si caadi ah<br />
loogu gudbay hab xaddidan oo ku dhisan nidaamka<br />
diimoqoraadiyadda axsaabta badan. Somaliland waxay<br />
dabbaqday oo ay u gurguuranaysay sida ‘diinka’ oo<br />
kale, si ay u gaadho nidaam siyaasadeed oo loo dhan<br />
237
yahay, waxayna u socotay si tartiib-tartiib ah,<br />
laakiin ay hubto halka ay u socoto. Laba iyo tobankii<br />
sano ee ugu horreeyey intii ay jirtey Somaliland,<br />
gebi ahaanba ma jirin wax axsaab ah oo siyaasadeed.<br />
Ka dibna, si looga hortago ururro siyaasadeed oo ku<br />
abtirsada beelo dabadana ku haya dano qabaa’il, waxa<br />
la xaddidey tirada axsaabta oo lagu koobay saddex;<br />
kuwaasi oo kala ahaa Kulmiye, Ururka Diimoqoraadiga<br />
ah ee Ummadaha Bahoobey (UDUB), iyo Ururka<br />
Caddaaladda iyo Daryeelka Dadweynaha (UCIDD).<br />
Dastuurka dalkaasi waxa uu ka mamnuucayaa axsaabtu<br />
inay ku dhisnaadaan qabyaalad amma gobolaysi. Markii<br />
la gaadhay sanaddii 2011, waxa socdey doodo ku<br />
saabsan in la sameeyo hab kordhinaya ka wada<br />
qaybgalka siyaasadda. Qaabkani waxa uu dhinacyo badan<br />
kala mid yahay kii Uganda oo kale, oo madaxweyne<br />
Yuweri Museveni oo markii ugu horraysay ku bilaabay<br />
inuu soo rogo hab aan sidiisaba ku dhisnayn wax<br />
axsaab ah, kaasi oo markii danbe la ogolaaday in uu<br />
si tartiib-tartiib ah iskugu bedeley oo looga gudbo<br />
nidaamka dimoqoraaddiyada ee axsaabta badan, iyada oo<br />
dalkaasi uu ka soo baxayey sannado badan oo ay ka<br />
jireen khilaafyo iyo naxariisdarro siyaasadeed.<br />
Tijaabadan Uganda waxay ahayd mid bilawgii si fiican<br />
loogu guulaystay, laakiin markii danbe kharribantay,<br />
markii uu Museveni xukunka ku sii dhegganaaday.<br />
Dawladda Somaliland, mararka qaar ururrada xuquuqda<br />
aadamigu waxay ku eedeyn jireyn dulqaad la’aan iyo<br />
inay ku kacayso wax-cadaadin. Bishii July ee 2007-<br />
dii, waxa la qabqabtay madaxdii urur siyaasadeed oo<br />
marakaasi samaysmay, ururkaasi oo la odhan jirey<br />
Qaran. Waxana wasaaradda arrimaha guduhu ay ku<br />
eedaysay inay khatar gelinayaan nabadgelyada qaranka.<br />
Saddex ka mid ah madaxdii ururka Qaran ayaa markii<br />
danbe la xidhay iyada oo aan maxkamad la geyn.<br />
Doorashadii madaxweynennimada ee bishii April 2003,<br />
Dahir Riyaale Kaahin waxa uu ku helay aqlabiyad aad u<br />
yar oo ahayd siddeetan cod oo qudha oo uu dheeraaday<br />
qofkii ugu weynaa dadkii isaga la tartamayey, oo ahaa<br />
musharraxii ka socdey xisbiga Kulmiye. In kasta oo ay<br />
jireen eedaymo ku saabsan musumaasuq iyo falal wax-<br />
238
isweydaarin ah, haddana Somaliland kama dhicin qas<br />
iyo dhiig daataa. Riyaale waxa uu sii ahaaday<br />
madaxweynihii dalka xilli labaad. Doodo kulul ayaa ka<br />
dhacay baarlamaanka, mararka qaarna gacan-ka-hadal.<br />
Laakiin hadda Somaliland waxay awoddey inay daboolka<br />
ku hayso oo ay halkaa ku ekaadaan khilaafyada<br />
siyaasadeed, taasi oo macnaheedu noqon karo in ay soo<br />
baxayso oo looga gudbayo diimoqoraadiyad caafimaad<br />
qabta oo xoog leh, oo afkaarta kala geddisan<br />
macnaheedu aanay ahayn inay isku rogaan dagaal gacanka-hadal<br />
ah.<br />
Waxa jirey xilliyo ay taagnaayeen xiisado waaweyn oo<br />
siyaasadeed, laga soo bilaabo sannaddii 2008-dii ilaa<br />
2010-kii, markii doorashooyinkii la filayey ay kolba<br />
dib u sii dhaceen, sababta oo ahayd dhibaatooyin la<br />
xidhiidhey liiskii diiwaangelinta cod-bixiyayaasha<br />
iyo arrimo kale oo murugsanaa. Markii aakhirkii ay<br />
suurtowdey in la qabto doorashadii sanadkii 2010-kii,<br />
dadweynaha waxa ka go’naa inay dhiibtaan codkooda,<br />
waxayna galeen safaf dhaadheer oo ay tubnaayeen<br />
milicda saacado badan, iyaga oo aan waxba ka soo<br />
qaadin oo iska indhatiray hanjaabadihii iyo<br />
digniintii ururka al-Shabaab ee ahaa in aan loo soo<br />
bixin oo aan laga qayb geli doorashooyinkaasi.<br />
Hoggaamiyihii xisbiga mucaaradka ah ee Kulmiye ayaa<br />
doorashadaasi ku helay aqlabiyad kooban. Iyada oo ka<br />
geddisan sida ay yeeleen hoggaamiyayaashii dalal kale<br />
oo Afrikaan ah oo ka horumarsan Somaliland, lehna<br />
nidaamyo diimoqoraddi ah, sida Ivory Coast, Zimbabwe<br />
iyo Kenya, madaxweynihii waqtigaasi waxa uu aqbalay<br />
natiijadii ka soo baxday doorashadaasi, waxanu<br />
awoddii xukunka ku wareejiyey Ahmed Mohamed Siilaanyo<br />
oo noqday madaxweynihii afraad ee dalkaasi muudadii<br />
labaatanka sano ahayd ee Somaliland ay jirtey.<br />
Somaliland ma aha meel aan lahayn mashaakilkeeda.<br />
Gobollada Sool, Sanaag iyo Cayn ayaa ah kuwa uu ka<br />
jiro khilaaf ka dhexeeya Puntland, mararna ay ka<br />
dhacaan dagaallo goosgoos oo dhex mara labada dhinac.<br />
Waxa kale oo gobolladaasi ka jirta kooxda mucaaradka<br />
ah ee SSC, kuwaasi oo u dagaallamaya sidii<br />
gobolladaasi ay dib ula midayn lahaayen Somalia.<br />
Somaliland waxa kale oo wax ka soo gaadheen<br />
239
dagaallada ay wadaan kooxaha Islaamiyiintu.<br />
Hoggaamiyaha al-Shabaab, Ahmed Abdi Godane, waa nin<br />
reer Somaliland ah. Hey’adaha nabad-sugidduna waxay<br />
sheegaan inay jiraan xubno qarsoon oo ka tirsan<br />
taageerayaasha al-Shabaab oo ku dhex dhuumanaya dalka<br />
dhexdiisa. Bishii October ee 2008, al-Shabaab waxay<br />
magaalada Hargeysa ka dhex fulisay sadderx qarax oo<br />
ismiidaamin ahaa oo ay mar ku wada qaadday qasriga<br />
madaxtooyada, xarumaha Barnaamujka Horumarinta ee<br />
Qaramada Midoobey (UNDP), iyo xafiiskii ilaalinta<br />
danaha Ethiopia. Isla markaasi waxay ka dhex fulisay<br />
Puntland laba weerar. Waxa ku dhintay weerarradaasi<br />
oo lagu diley dad ilaa soddon qof ah.<br />
Sarkaal sare oo ka tirsan waaxda nabadgelyada ee<br />
Somaliland waxa uu ii sheegay in bileyska iyo<br />
milateriga dalku ay yihiin kuwa taag daran oo aan wax<br />
ka qaban karayn khataraha waaweyn ee ku iman kara<br />
nabadgelyada. Waxa uu sheegay in ciidamada<br />
nabadgelyadu ay yihiin kuwa la lumiyey oo musuqmaasuq<br />
kharribey: ‘sharciga halkan ka shaqeeyaa waa konton<br />
doollar oo Maraykan ah’, ayuu yidhi. Hargeisa waxa uu<br />
ku tilmaamay inay tahay ‘albaabka loo sii maro<br />
Muqdishu’, waxanu intaasi ku daray in Islaamiyiinta<br />
xagjirka ah qaarkood ay ka soo galaan gobolka dhinaca<br />
Somaliland oo ay marin ka dhigtaan, halkaasi oo aan<br />
inta badan laga yaabin in laga shakiyo. Dhibaato kale<br />
oo sarkaalkaasi ii sheegay waxa weeye in Somaliland<br />
ay haatan ku sugan yihiin dhallinyaro Soomaaliyeed oo<br />
mashaakil kala kulmay xagga sharci, gaar ahaan<br />
mukhaadaraadka amma maandooriyayaasha, dalalkii ay<br />
joogi jireen ee Ingiriiska, Holland, Denmark, iyo<br />
dalalka kale ee Yurub. Waxa uu yidhi dhallinyaraasi<br />
waxay ku dhex milmeen ddweynihii halkan ee gudaha,<br />
iyaga oo la yimid falal-denbiyeedyo ay dalka soo<br />
geliyaan.<br />
Arrinta ah jiritaanka ‘laba Soomaaliyeed’ waxay<br />
keenaysaa su’aalo muhiim ah oo la isweydiiyo. Maxay<br />
ku dhacday in in ka badan labaatan sano ka bacdi, in<br />
Qaramada Midoobey iyo dawladaha ugu awodda badan<br />
adduunku ay weli sii wadaan inay siiyaan hanti,<br />
aqoonsi, iyo taageeraba dawladda ‘dhexe’ ee Muqdishu<br />
oo mararka qaar maamulkeedu aanu dhaafsiisnayn wax<br />
ka baxsan dhawr degmo oo ka tirsan magaalo-madaxda,<br />
240
weligeedna aan wada gaadhin Somalia oo dhan? Maxay<br />
uga gaabiyeen inay ka shidaal qaataan tusaalaha iyo<br />
waayo-aragnnimada Somaliland, oo ay u garan waayeen<br />
in, halka la samaynayo faragelin debadeed oo fara<br />
badan, in malaha ay habboon tahay in la yareeyo, oo<br />
sidaasi ay tahay sida loogu qaatey?<br />
7 Dumar ka tirsan booliska Somaliland (Mary Harper)<br />
Iyada oo imika Ingiriiska iyo Maraykanu ay siinayaan<br />
Somaliland iyo gobollada kale ee deggan ee<br />
Soomaaliyeed taageero dheeraad ah, waxa iman karta<br />
khatar kale oo soo biirta oo ah in laga yaabo in<br />
lacagayowga la geynayo dhulalkaasi ay keenaan<br />
dhibaatooyin kale.<br />
Somaliland waxa qarqiyey oo ka buuxa hey’adaha aan<br />
dawliga ahayn (NGOs). Markii aan baabuur ku dhex<br />
maray magaalada Hargeisa, calaamadaha iyo boodhdhka<br />
aan arkay waxay u badnaayeen, marka laga reebo<br />
xayeysiisyada sharikadaha isgaadhsiinta iyo<br />
241
kambaniyada telifoonnada gacanta ee moobiillada,<br />
boodhadka shaacinaya magacyada hey’adaha aan dawliga<br />
ahayn ee gudaha (NGOs) iyo kuwa caalamiga ah, iyo<br />
hey’adaha Jamciyadda Qaruumaha ka dhaxaysa ee jooga<br />
dalka. Waxan qoray liis koobaya magacyada aan ku<br />
arkay laba jid amma waddo oo qudha: Action Against<br />
Poverty, Somaliland Youth Peer Education Group,<br />
Handicap International, UNESCO, Mercy Corps, FAO,<br />
UNDP … Markii aan dhex luugeeyey xaafadaha kale ee<br />
liita ee saboolka ah ee magaaladana, dadku inta ay i<br />
joojiyaan, ayay i weydiinayeen, ‘NGO-gee ayaad ka<br />
tirsan tahay amma ka socotaa? Maxaad noo siddaa?’<br />
Dhibaato kale oo walaac leh oo ay la imanayaan<br />
hey’adahan caalamiga ah ee horumarintu ee soo<br />
badanayaa waa dadkii aqoonta iyo kartida lahaa ee<br />
Somaliland oo ku qulqulaya hey’adahaasi, kana tegaya<br />
hey’adihii gudaha iyo ururradii waddaniga ahaa, iyaga<br />
oo u xilanaya mushaharka sare, iyo magaca laga yaabo<br />
inay ku helaan inay u shaqeeyaan Qaramada Midoobey<br />
(UN), amma hey’ad kale oo caalami ah. Dad dhawr ah oo<br />
reer Somaliland ah, oo sannado badan ku qaatay dib-udhiskii<br />
dalkooda, iyaga oo aan helin mucaawano<br />
sidaaya oo debadeed, waxay ii sheegeen inay ka<br />
baqayaan in NGO-yadan badan ee dalka qarqiyeen ay<br />
dhici karto inay tirtiraan niyaddi iyo isku-tashigii<br />
ahaa in dadku ay iskood ‘wax u qabsan karaan’, kuna<br />
bedelaan dhaqan ah in aad cid kale ku tiirsanaatid oo<br />
aanad adigu waxba qabsan.<br />
Waxyaabaha cuntama ee Somaliland ay dhaqan gelisey,<br />
gaar ahaanna abuuritaanka nidaam siyaasi ah oo<br />
shaqaynaya, waa wax ay kaga dayan karaan gobollada<br />
kale ee Somalia ee ismaamulka hoose lihi. Laakiin<br />
haddii taasi lafteeda lagu sii talax tago oo lagu<br />
fogaado, waxay keeni kartaan inay samaysmaan dhawr<br />
dawladood oo kale oo Soomaaliyeed, iyo in guud<br />
ahaanba Somalia ay si rasmi ah u kala burburto amma u<br />
kala qaybsanto. Waxa kale oo suurtagal ah in<br />
Somaliland ay ka mid noqoto dawlad Soomaaliyeed oo<br />
laakiin ku dhisan hab guud oo federaal qaab sare ah,<br />
oo nidaamka siyaasadeed ee Somalilandna uu noqdo mid<br />
ay kaga daydaan oo ay qaataan maammullada gobollada<br />
kale. Laakiin tani lagama yaabo inay dhacdo, waayo<br />
242
Somaliland ma doonayso inta suurtogal ah inay wax ku<br />
sidaaya ku darsato Somalia, ugu yaraan marka loo eego<br />
sida xaaladdeedu ay haatan tahay. Ismail Mohamed<br />
Hurre, oo lagu naanayso Boobaa, horena u ahaan jirey<br />
wasiirka arrimaha debadda ee dawladdii ku-meelgaadhka<br />
ahayd ee Somalia, waa nin asalkiisu ka soo jeeda<br />
Somaliland.. Laakiin markii aan la kulmay sannaddii<br />
2010-kii, waxa uu dhawr sannaba degganaa huteelka<br />
Andalus ee magaalada Nairobi. In kasta oo uu asal<br />
ahaan ka soo horjeedo fikradda gooni-isku-taagga amma<br />
madaxbannaanida Somaliland, haddana waxa uu qabaa in<br />
magaala-madaxda Hargeisa ay noqon karto xaruntii<br />
awodda xukunka ee Somalia oo dhan:<br />
Somaliland waxay immika taagan tahay heer ay<br />
xukumi karto Somalia oo dhan. Somaliland haatan<br />
waa meel nabad ah oo bed qabta, laakiin haddii<br />
xaaladda Muqdishu ay sidaas ku sii jirto oo ay ku<br />
sii socoto, qaskaas iyo dagaalladaasi waxa uu<br />
aakhirka saamayn doonaa oo uu gaadhi doonaa<br />
Hargeisa, ha noqoto xilli dhaw amma xilli danbe.<br />
Qayb keliya kama jiri karto nabad iyo<br />
degganaansho aan ka jirin kuwa kale. Soomaalidu<br />
waxay noqonaysaa mid amma wada dhibaataysan, amma<br />
wada tanaadda oo horumar wada samaysa. Waxannu<br />
nahay ummad qudha oo qaran ah. Qolooyinka amma<br />
beeluhu ma noqon karaa qaran. Ummadda<br />
Soomaaliyeed ee Geeska Afrika waa dal gebi ahaan<br />
mid ah. Kama rajo qabno oo ma sugeynno in dib loo<br />
abuuro qaran Soomaaliyeed oo ka kooban shantii<br />
xiddigood. Taasi waxay noqonaysaa riyo fog oo<br />
cirka jirta. Waa in aan ku xisaabtanna xaqaa’iqa<br />
maanta jira, labada qaybood ee dadweynaha deggani<br />
ay boqolkiiba-boqol yihiin Soomaali. Labadaas<br />
qaybood mustaqbalkooda iyo aayahooda danbe waa<br />
isku mid oo waa mid ay wadaagaan, nabad iyo nabad<br />
la’aan labadaba.<br />
Sannadkii 2011, xubno ka tirsan baarlamaanka<br />
fahdigiisu yahay magaalada Muqdishu iyo Soomaali kale<br />
oo reer-Koonfureed ah oo muhim ah, ayaa waxa ka<br />
muuqatay inay ka gunuunacayaan amma ka murmayaan<br />
suurtogalnnimada in Somlia oo dhan laga xukumo<br />
Hargeisa. Tiro yar ayaa xataa sheegtay inay jeclaan<br />
243
lahaayeen in madaxweynaha Somaliland, Ahmed Silaanyo,<br />
in uu la wareego xukunka dhammaan dhulka Soomaalida.<br />
Sida uu ugu tilmaamay Michael Walls qoraalkiisii<br />
‘Soo-ifbixitaanka Somaliland’ ee 2009, Somalia waxa<br />
horyaal waxyaabo badan oo ay ka baran karto<br />
Somaliland, oo ku saabsan sida ay uga gudbi karto<br />
meel dagaallo ay burburiyeen, una gudbi karto qaabdawladeed<br />
shaqaynaya oo wax-ku-ool ah:<br />
Xilligan xaaladaha ka jira dhulalka Koonfurta iyo<br />
Badhtamaha Somalia ay yihiin qaar ugu wacnaan<br />
kara in quus laga taagnaado, waxa muhiim ah in la<br />
aqoonsado oo la isku dayo in wax laga barto<br />
xaqiiqada taal Somaliland ee ka duwan<br />
xaaladahaasi, halkaasi oo imkaaniyaadkii gudaha,<br />
si habboon oo wax-ku-ool ah loogu adeegsadey<br />
sidii loo heli lahaa nabad waarta iyo hab u<br />
muuqada nidaam diimoqoraadi ah oo shaqaynaya. 25<br />
Guusha Somaliland waxa xuddun u ah qaababkeeda<br />
siyaasadeed ee isku-dhafka ah ee sida firfircoon u<br />
shaqaynaya, kuwaasi oo meelaynaya oo tixgelinaya habbeeleedka<br />
iyo hoggaankii dhaqanka, laakiin aan u<br />
ogolaanayn inay yeeshaan awodda buuxda iyo gacanta<br />
sare ee siyaasadda. Suxufiga Raage Omaar oo ah nin ka<br />
soo jeeda Somaliland, sida uu ku qoray maqaalad ku<br />
soo baxaday jariidadda the Guardian 6-dii July ee<br />
2010 oo cunwaankeedu ahaa ‘Jihaad-doonka albaabka<br />
kugu xiga jooga’, waxa uu isna qabaa inay tahay wax<br />
lala yaabo in dawladaha debaddu aanay ilaa hadda si<br />
buuxda ugu soo jeesan Somaliland, marka loo eego<br />
siyaasadahooga ku aaddan Somalia, laakiin ay ka door<br />
bideen inay xoogga saaraan dalalka kale ee la deriska<br />
ah Somalia:<br />
Dawladda go’doonka ah ee Muqdishu ee Qaramada<br />
Midoobay ay ilaaliso, ma haysato cid kale oo ay<br />
iskaashadaan oo leh ciidan nabadgelyo oo xoog<br />
leh, hey’ado iyo waaxyo ku dhisan hab<br />
dimoqoraaddi ah, iyo aqoon dheer xagga dhaqanka<br />
Soomaalida, luqada, nidaamk beelaha iyo<br />
siyaasadda intaba. Ilaa hadda, dawladaha reergalbeedku,<br />
waxay ka dhawrayeen dalalka Ethiopia,<br />
244
Kenya, Uganda iyo kuwa kale inay noqdaan bahda<br />
ugu weyn ee ay iskaashadaan, iyaga oo indhaha ka<br />
lalinaya oo aan tixgelinayn cidda ay kaashan<br />
lahaayeen ee dan toos ahi ay ugu jirto in nabad<br />
iyo xassillooni laga sameeyo Muqdishu, lana<br />
joojiyo faafitaanka caaddifadda waddaniyadda ee<br />
is-ballaadhinta. 26<br />
Waaya-aragnnimada Somaliland waxay ugu yaraan<br />
keenaysaa tusaale rajo oo ay yeeshaan, kana<br />
fii’deystaan qaybaha kale ee Somalia ee ku<br />
guuldarraystay inay ka sabatabaxaan dagaallo iyo<br />
deganaansho la’aan aan dhammaad lahayn oo soo<br />
noqnoqonaya. Dhinacyada ay iskaga midka yihiin ee ay<br />
wadaagaan gobolladaasi ayaa ka badan oo ka weyn<br />
waxyaabaha ay ku kala geddisan yihiin; haddii<br />
Somaliland ay wax qabsatayna, sidoo kale Somalia<br />
iyana waxbay qabsan kartaa. Labadaba waxa burburiyey<br />
dagaallo, labadaba waxa si qoto dheer oo murugsan uga<br />
ka jira hab-beeleedyo dhaqan ah oo loo kala qaybsamo,<br />
labadabana waxa ka jira dadweyne leh hal-abuur, kudhac<br />
iyo dhiirranaan. Xaqiiqada ah in xataa qaybihii<br />
Somalia ee ay ugu badnaayeen qaska iyo dagaalladu, in<br />
haatan ay awodeen inay horumar dhaqaale oo degdeg ah<br />
ka sameeyaan dhinacyada qaar oo ay ku jiraan xoolaha<br />
nool, sharikadaha xawaaladaha lacagaha iyo kuwa<br />
isgaadhsiinta, waxay noqonaysaa oo soo kordhinaysaa<br />
in dawladnnimo ‘fashilanta’ amma guudaraysta aan loo<br />
qaadan Karin in macnaheedu yahay dal fashilmay.<br />
245
CUTUBKA 5aad: Budhcad-badeedda (Piracy)<br />
Magacaygu waa Geeddow Cali. Waxan ku noolahay<br />
meel ka mid ah xeebaha Soomaaliyeed ee Badweynta<br />
Hindiya. Waxan jecelahay in aan la iigu yeedhin<br />
‘budhcad’ ee la iigu yeedho xubin ka tirsan<br />
‘ciidanka ilaalada xeebaha’.<br />
Dhulkayaga si fiican ayaannu ugu noolaan jirney,<br />
laakiin duruufaha ayaa nagu kallifay in aannu<br />
noqonno waxa haatan aannu nahay. Waxannu ahaan<br />
jirney kalluumaysato, noloshayadiina waxa khatar<br />
geliyey ajanebi soo galay badahayagii oo<br />
kalluunkayagii qaatay. Sidaa awgeedna, waxan<br />
go’aansannay in aannu arrintaasi wax ka qabanno,<br />
waana sababtaa ujeedadaa aannu u samaynnay<br />
ururkan ‘Ciidamada Ilaalada Xeebaha’.<br />
Waxannu soo qabannaa maraakiibta soo gasha<br />
badahayaga. Waxannu ka qaadnnaa ‘khidmad amma<br />
cashuur’, waxanannu ka codsannaa in aanay dib<br />
noogu soo noqon. Lacagtaas waxannu ku<br />
isticmaalnaa in aannu dib ugu soo iibsanno<br />
qalabkii ay naga burburiyeen ajanebiga nagu soo<br />
duuley, iyo in aannu magdhaw ka siinno qoysaskii<br />
dadkii naga tirsanaa ee ay dileen amma<br />
dhaawaceen. Aniga noloshaydu aad ayay u fiican<br />
tahay imika, laakiin waxa jira dad ka tirsan<br />
‘Ilaalada Xeebaha’ oo ku nool xaalado aad u<br />
liita.<br />
Waxan maqlay in la nagu sheego in aannu ku<br />
xidhannahay ururro waawaeyn oo caalami ah oo<br />
dembiilayaal ah. Waxaas waa wax aan waxba ka<br />
jirin gebi ahaan oo been ah, in kasta oo aannu<br />
jecel nahay in aannu taageero ka helno cid kasta<br />
oo dhinacayaga ah oo ka horjeesata gardarrada<br />
Maraykanka.<br />
246
Hadda ka hor waxannu ogaan jirney oo keliya<br />
meesha ay joogaan maraakiibta ajanebiga ah ee<br />
maraya agagaarka xeebahayaga, laakiin maalmahani<br />
ciidamadan soo duuley ayaa aad u kordhiyey<br />
ilaaladii. Laakkiin dan kama lihin taas oo kama<br />
werwerno, waayo waxannu samaynay farsamooyin kale<br />
oo aannu ku ogaan karno, kuna soo qabsan karno<br />
maraakiibta maraysa meel kasta, xattaa kuwa<br />
maraaya agagaarka Cummaan, India, iyo Madagascar.<br />
Adduunka intiisa kale waxa ka dhaadhacsan oo ay<br />
noo haystaan in aannu nahay dad xun. Waxay noo<br />
haystaan denbiilayaal in aannu nahay. Laakiin ma<br />
jirto cid qudha oo inta ay noo timid wax na<br />
weydiisey. Duruufahan waxa keenay, ma jirin wax<br />
kale oo aanu samayn karanney amma ku bedelanno;<br />
waxa la nagu khasbay in aannu noqonno ‘Ciidamada<br />
Ilaalada Xeebaha’, waxana noogu wacan ajanebigan<br />
nagu soo duuley. Sidaas ayaanan ku sii wadeynna<br />
oo ku jireynna ilaa inta la noo imanayo ee wax la<br />
na weydiinayo, dhibaatooyinkayagana la<br />
garawsanayo. (Geeddow Cali, February 2011).<br />
Soo-ifbixitaanka budhcad-badeedda ka dillaacday<br />
Somalia, laga soo bilaabo badhtamihii sannadkii 2000,<br />
waxay soo jeedisey adduunka oo ku baraarugay<br />
dhibaatadani, una daneeyey si ka weyn oo ka badan<br />
sidii loo danayn jirey wax kasta oo kale oo ka mid ah<br />
xaaladaha dalkaasi. Jaraa’idka ayaa ka qoray<br />
maqaalado iyo bogaga aad u fara badan, qalabka<br />
warbaahintuna waxa uu siiyey waqti dheeraad ah oo ka<br />
badan inta la siiyo mawaadiicda kale, in kasta oo<br />
falalkani budhcad-badeeddu ay yihiin hawlgallo ay ku<br />
lug leeyihiin qayb yar oo keliya oo ka tirsan<br />
dadweynaha, haddana ay yihiin arrimahaasi oo dhammi<br />
kuwo guud ahaan ka bixinaya Somalia sawir amma<br />
muuqaal aan sax wada ahayn.<br />
247
Warbaahinta reer-Galbeedku waxay harraad weyn oo aan<br />
la haqabtiri karayn u qabaan wararka iyo sheekooyinka<br />
la xidhiidha ee ka hadlaya arrimaha budhcad-badeedka.<br />
Waa arrin yeelan karta waxyaabo la daneeyo oo si<br />
lab-la-kac ah oo caruurnnimo loo xiiseeyo, laakiin<br />
dhinaca kalena ah naxarii-darro xanuun badan oo kutalax-tag<br />
ah.<br />
Doonyo yaryar oo dheereeya oo ay saran yihiin kooxo<br />
Soomaali ah oo dhuudhuuban oo wada caato ah, oo la<br />
luudaya qoryo ku culus iyaga, ayaa ku wareega<br />
badweynta Hindia, si ay u ugaadhsadaan maraakiibta.<br />
Waxay qaataan oo ay adeegsadaan qalab yaryar oo<br />
fudud, sida xadhko wata qadhabatooyin la sudho<br />
meelaha la rabo in la fanto amma la fuulo, sallaan<br />
amma jaranjarooyin, si ay u fuulaan oo ay u qabsadaan<br />
maraakiibta waaweyn ee raran iyo shaqaalaha la socda,<br />
ugana qaataan lacag madax-furasho ah oo malaayiin<br />
doollar ah, madax-furashadaasi oo marka la bixiyo oo<br />
keliya ka bacdi ay sii daayaan dadkii la-haystayaasha<br />
ahaa iyo maraakiibtii. Waxa dhacda is-rasaasayn iyo<br />
taxshiirado la is-weydaarsado, weerarro iyo hawlgallo<br />
la isku dayo in dadkaasi iyo maraakiibtaasi lagu soo<br />
furto, iyo hawgallo ku danbeeya khasaare iyo<br />
dhibaatootin naxdin iyo murugo leh oo ka yimaadda.<br />
Waa wax u ekaan kara filimada Hollywood ee la jilo<br />
iyo sheekooyinka khatarta ah ee qar-iska-xuurnnimada,<br />
laakiin waa wax run ah oo jira. 1<br />
Budhcad-badeedda Soomaalida, waxa ka abuurmay<br />
dhaqaale cusub, kaasi oo aan u keenin budhcadda<br />
afduubta maraakiibta oo keliya lacagyow aad u fara<br />
badan, laakiin sidoo kale dhakhli badan iyaguna ka<br />
hela oo ay ku qabaan kuwa soo abaabula ee ka danbeeya<br />
hawlgalladaasi iyo kuwa gacanta dhexe amma<br />
dillaaliinta ah ee u qaabilsan gorgortanka. Qaar<br />
kalena waxay siyaabo kale lacago uga helaan<br />
farsamooyinka noqday shaqo iyo xirfad lagu xoogsado<br />
oo wax lagu helo ee hawlaha la xidhiidha budhcad-<br />
248
adeedda iyo sidii wax looga qaban lahaa<br />
dhibaatadaasi.<br />
Waxa la abuuray sharikado cusub oo xagga<br />
nabadgelyada ah oo ka ilaaliya maraakiibta weerarrada<br />
budhcad-badeedda. Waxa lagu dhaqaaqay sidii loo<br />
samayn lahaa, loona iibgelin lahaa, qalabka kahortagga<br />
budhcadbadedda, kuwaasi oo ay ku jiraan<br />
xayndaabyo silig amma taar ah oo koranto lagu xidho<br />
oo lagu wareejiyo dheegga maraakiibta, tuunbooyin<br />
amma dhuumo waaweyn oo lagu furo budhcadda iyo qoryo<br />
madaafiic ah oo qaylo dheer oo aan loo adkaysan<br />
Karin, oo lagaga sasiyo, la iskaga waabiyo ciddii<br />
looga shakiyo inay weerar yihiin ee ku soo dhawaata<br />
maraakiibtaasi. Waxa soo baxay noocyo cusub oo ah<br />
khubaro, la-taliyayaal, caymis, qareenno, wakiillo,<br />
shaqaale iyo ciidammo gaar ah oo xagga nabadgelyada<br />
ah, iyo dillaaliin qaabilsan wada hadallada<br />
gorgortanka lacagta madax-furashada, dhammaan<br />
kooxahaasi oo budhcad-badeedda Somalia ay u noqotay<br />
shaqo ay lacagayow fiican iyo nolol ka heli karaan.<br />
Heerarka caymiska ee maraakiibta ka gooshaysa<br />
xeebaha Somalia, waxay kor u kaceen toban-laab markii<br />
budhcad-badeeddu ka bilaabantay soohdimahaasi. 2<br />
249
Khariidad 4.1 Meelaha ay gaadheen weerarrada budhcadbadeedda<br />
Soomaalidu, 2005 – 2010<br />
Ka sakow dhammaan khubaradan cusub, iyo joogitaanka<br />
ciidammo caalami ah ee ilaaliya xeebaha Somalia,<br />
haddana waxa sii korodhay budhcad-badeeddii<br />
250
gobolkaas, in kasta oo tirada weerarrada ay qaadaan<br />
ay yihiin qaar isbedelaya oo ku xidhan hadba xilliga<br />
lagu jiro. Bishii Oktoobar ee 2009, waxa la afduubay<br />
siddeed markab iyo 170 shaqaale ah oo ay qafaasheen<br />
budhcad-badeeddu. Bishii April ee 2011-kiina, sida<br />
laga soo xigtay tirakoob ay samaysay hey’adda<br />
caalamiga ah ee ka-hortagga budhcad-badeedda ee<br />
Ecoterra, tirada maraakiibta la qabsaday waxay<br />
gaadhay ilaa konton, iyo shaqaale ka badan siddeed<br />
boqol oo qof. 3<br />
Soomaalidu waxay noqdeen kuwa ugu firfircoon, uguna<br />
badan xagga ku-guuleysiga hawlgallada qafaalashada,<br />
marka loo eego budhcad-badeedda adduunka. Sida uu<br />
sheegay Xafiiska Badaha Caalamiga ah (International<br />
Maritime Bureau), guud ahaan tirada maraakiibta<br />
adduunka oo dhan laga afduubay sannadkii 2010 waxay<br />
dhammayd 53 markab, 49 kuwaas ka mid ahna waxa<br />
qabsaday budhcad-badeed Soomaali ah. Isna machad<br />
Maraykan ah oo la yidhaa One Earth Future, waxa uu<br />
2010-kii ku qiyaasay in falalka budhcad-badeedda, oo<br />
intooda badan ka dhaca xeebaha Somalia, inay ku<br />
kacaan kharash dhan inta u dhaxaysa toddoba ilaa<br />
laba-iyo-toban bilyan oo dollar oo kaga baxa<br />
dhaqaalaha caalamiga ah. 4<br />
Waxay u muuqataa in sida qudha ee looga hortegi<br />
karo, loona hubin karo in budhcad-badeeddu aanay soo<br />
weerarin maraakiibta ka gooshaysa xeebaha Somalia,<br />
inay tahay in maraakiibtaasi la raaciyo ciidammo iyo<br />
maraakiib ah kuwa dagaalka ee badda oo la oo<br />
ilaaliya. Hawgallada noocan ah, waxa gaar ahaan loo<br />
abaabulay maraakiibta Barnaamijka Cunnada Adduunka ee<br />
Qaramada Midoobey (WFP) ee raashinka gargaarka ah u<br />
qaada Somalia, kana taga dekadda Mombassa ee Kenya,<br />
maraakiibtaasi oo ilaa hadda ka badbaadey weerarrada<br />
budhcad-badeedda. Laakiin ma noqonayso wax suurtogal<br />
ah in markab kasta oo ka mid ah tobannaanka kun ee<br />
251
markab ee sannad kasta mara soohdimahaasi, in loo<br />
sameeyo oo la raaciyo ciidammo ilaaliya.<br />
Ciidamada caalamiga ah ee ilaalinta badahaasi, ayaa<br />
ka sameeyey Khooriga Cadmeed aag marin ah oo bedqaba<br />
amma ka fayow budhcad-badeedda oo ay mari karaan<br />
maraakiibtu, khoorigaasi oo la sii mariyo boqolkiibashan-iyo-soddon<br />
saliidda adduunka. Khoorigaasina waxa<br />
loo yaqaan meel halis ah oo u nugul budhcad-badeedda<br />
amma ‘Hoygii Budhcad-badeedda’, sababta oo ah<br />
weerararda badan ee ay halkaasi ka soo qaadaan.<br />
Tallaabooyinkani, budhcad-badeeddu waxay kaga<br />
jawaabeen iyaga oo bedeley xeeladihii iyo hababkii ay<br />
adeegsan jireen ee ay wax ku soo qafaalan jireen.<br />
Halkii ay awal ka isticmaali jireen doonyo yaryar oo<br />
ay ka soo kaxaystaan Somalia oo ay wax ku weeraraan,<br />
waxay sameeyeen inay marka hore soo qabsadaan<br />
maraakiib heer dhexe ah oo ay ku rartaan qalabka iyo<br />
doonyaha dheereeya, kuna tagaan meelo fogfog oo ah<br />
badweynta Hindiya, ilaa Sychelles, India iyo<br />
Madagascar, kana qaadaan duullaankooda hakaasi.<br />
Sannadkii 2011, hawlgallada budhcad-badeedda<br />
Soomaalidu waxay gaadheen dhul iyo meelo aad u<br />
ballaadhan oo baaxad weyn – ilaa afar milyan oo<br />
kiiloomitir oo dhinac walba iska leeg oo badweynta<br />
ah. Dhulka baaxaddaasi lihina waa mid aad ugu culus<br />
oo aan suurtogal ahayn in ciidamada caalamaiga ah ee<br />
ilaalada baduhu inay la wada socdaan oo ay ka<br />
warhayaan, iskaba daa inay ilaaliyaan oo ay<br />
kormeeraane. Adeegsiga maraakiibtaasi heerka dhexe ah<br />
ee ay marka hore soo qabsadaan budhcad-badeeddu, kuna<br />
shaqaystaan inta badan isla shaqaalihii<br />
maraakiibtaasi, waxay awodsiisay budhcad-badeeddu<br />
inay sii wadan karaan hawgalladooda sanadka oo dhan,<br />
sababta oo ah maraakiibtaasi waaweyni waa qaar u<br />
adkaysan kara badaha kacsan iyo hawada kharriban.<br />
252
Markabkii Sirius Star (The Seirius Star)<br />
Mid ka mid ah weerarradii ugu cajiibsanaa, uguna<br />
dhiirranaa waxa uu dhacay bishii November ee 2008,<br />
markii koox yar oo ah budhca-badeed Soomaaliyeed ay<br />
afduubeen markabkii Sirius Star, marabkaasi oo ahaa<br />
nooca ugu waaweyn ee qaada saliidda, lagana lahaa<br />
dalka Saudi Arabia, oo dhererkiisa iyo baaxaddiisa<br />
lagu qiyaasay iuu le’egaa ilaa sadex garoon oo kuwa<br />
kubada cagta ah oo la isku wada daray. Waxaa la<br />
weeraray isaga oo marayaa meel 450 mayl-badeed u jira<br />
oo kaga beegan dhinaca koonfur-bari ee xeebta Kenya.<br />
Waxanu waqtigaasi ahaa markabkii ugu weynaa ee<br />
weligii budhcad-badeed u gacan-gala ee ay qabsato.<br />
Markabkaasi Sirius Star, oo ka soo kicitimay dalka<br />
Saudi Arabia una socdey Maraykan, waxa uu sidey<br />
saliid qiimaheedu dhan yahay $100,000,000 (boqol<br />
milyan oo doollar oo Maraykan ah), taasi oo ka badan<br />
rubuc, amma afar meelood marka loo qaybiyo meel<br />
ahaan, guud ahaan saliidda Saudi Arabia ay soo saarto<br />
maalintii. Wararkii ku saabsanaa afduubka markabkaasi<br />
waxay saameeyeen suuqyadii dhaqaalaha ee adduunka,<br />
waxayna sababeen in qiimihii saliidda qaydhiin ee<br />
suuqyada adduunku ay kor u kacaan.<br />
Weerarradaasi qaawan ee noocan ah, waxa<br />
suurtogelinaya budhcad-badeedda oo mararka qaar awodi<br />
kara inay fuulaan maraakiibta, iyada oo aan laga<br />
warhelin oo aanay ogaan shaqaalaha maraakiibtaasi.<br />
Waxay eegtaan meesha ugu gaaban dheegga markabka ,<br />
mara uu biyaha ku dhex jiro ee ay ka fanan karaan,<br />
iyaga oo watta marka ay u soo dhawaadaan maraakiibta,<br />
doonyo yarar oo aad u dheereeya, inta badanna ku soo<br />
dhex duunta xilliyada habeenkii ee madowga ama<br />
gudcurka ah. Waxayna sudhaan dheegga markabka, xadhko<br />
leh qadhabatooyin iyo sallaan amma jaranjarooyin,<br />
waxayna si degdeg a u fantaan oo ay u fuulaan<br />
markabka. Iyada oo aanay sideedaba hubaysnayn<br />
253
shaqaalaha maraakiibku, budhcad-badeeddu waxay<br />
yeelanayaan gacanta, sare marka ay fulaan ee ay<br />
tagaan markabka dhexdiisa, waayo iyagu waxay sitaan<br />
hubkoodii iyo qoryohoogii.<br />
Waxa ii suurtogashay in aan helo lambarka telifoon<br />
aan kala xidhiidhi karo markabkaasi Sirius Star,<br />
laakiin waxa dhacday in mar kasta oo saaxiibadayda<br />
Soomaalidu, ama aniga laftaydu, in mar kasta oo aanu<br />
isku dayno in aannu garaacno oo uu noo galo lambarkii<br />
telifoonka ee markabku, in budhcad-badeeddu ay nagu<br />
jarayeen oo ay gooyaan, isla marka aannu u sheegno in<br />
aannu ka tirsannaay oo aannu ka soo wacanno BBC-da.<br />
Waxannu isku daynay in aannu kula hadalno af-<br />
Ingiriisi, af-Soomaali, iyo af-Carabi intaba, laakiin<br />
kumaannu guulaysan in la nala hadlo.<br />
Waxay noqotay arrin madaxa iga qabsatay oo ay igaga<br />
dhegtay in aan mar uun la hadlo budhcad-badeedda,<br />
lambarkoodiina waxan gashaday telifoonkayga<br />
moobiilka, maalin kastana waxan garaaci jirey oo aan<br />
wici jirey dhawr jeer. Gabadh aan dhalay ayaa aragtay<br />
sida aan ugu xiiqay ee aan ugu dedaalayo in aan<br />
garaaco oo aan la xidhiidho. Galab roon da’ayo oo<br />
Axad ah magaalada London, ayaa waxan ka doonay<br />
gabadhii xaflad dhalasho oo ay tagtay, oo aan ka soo<br />
qaaday, waxase dhexda naga helay saxmad weyn oo aan<br />
socon kari weyney waddadii. Gabadhii waxay bilawday<br />
inay kolba iga cadhaysiiso, iyada oo i weydiinaysa<br />
inay ii garaacdo oo ay wacdo budhcad-badeeddii.<br />
Markii aan khaati iska taagey, ayaan aakhirkii isdhiibay,<br />
telifoonkiina xaggeyda u tuuray, iyadoo<br />
fadhida xagga danbe ee baabuurka. Waxanan ku<br />
idhi:‘Wuxu ku jiraa lambarkoodu oo aad ka heli kartaa<br />
liiska magacyada xarafka “P” oo u taagan Budhcadbadeed’.<br />
Lambarkii ayay garaacday, waxayna bilawday<br />
sheeko-baraley. Sheeko xiiso leh oo mucjiso ah ayaa<br />
254
la sii wadey, halkaasi oo aakhirkii ay ku guulaysatay<br />
inay ku qanciso budhcad-badeeddii inay ila hadlaan,<br />
waxayna u sheegtay in aan anigu soo wici doono<br />
maalinta soo socota ee berri ah.<br />
Subaxii danbe, aniga iyo qof Soomaali ah oo aannu<br />
wada shaqaynno ayaa garaacay lambarkii. Budhcadbadeeddu<br />
way filayeen telifoonkayagan, waxayna naga<br />
codsadeen in aannu ku soo celinno, si ay noogu<br />
dhiibaan oo aanu ula hadalno horjoogaha kooxda oo ay<br />
noo sheegeen in uu hurdo, sababta oo ah inuu soo<br />
jeeday habeennimadii oo dhan oo uu gaadh ka hayey<br />
amma ilaalinayey dadkii la-haystayaasha ahaa. Waxan<br />
garaacnay waqtigii la nala ballamay ee la noo qabtay,<br />
waxana na salaamay horjoogihii kooxdaas budhcadbadeedda,<br />
kaasi oo magaciisa noogu sheegay ‘Dubbad’.<br />
Waxa uu u hadlayey sidii nin deggan, qabana isku<br />
kalsooni, aadna ugu faraxsan in uu nala hadlo. Waxa<br />
uu u muuqdey in uu ku wareeray buugga diiwaagelinta<br />
markabka iyo agab kale ee uu ka dhex helay markabka.<br />
Sida ka muuqatay hadalladiisiina, waxa caddaan ah in<br />
isaga iyo kooxdiisa budhcad-badeeddu ay la yaabeen<br />
inta uu le’eg yahay markabkan u soo gacan galay,<br />
weynida baaxaddiisa iyo dhererka xad-dhaaf.<br />
Dubbad waa uu sheegay in aanu isagu si toos ah ugu<br />
dhex jirin wax wadahadallo amma gorgortan ah oo ku<br />
saabsan siideynta markabkani Sirius Star, iyo sidoo<br />
kale in aanu la socon oo wax fikrad ah ka haysan<br />
tirada lacagta madax-furashada ah ee lagu xidhay.<br />
Waxaa uu noo sheegay in sababta qudha ee ay u<br />
qabsadeen markabkani saliidda inay tahay lacag, iyo<br />
in uu raalli ku noqonaya waxa uu ku tilmaamay<br />
‘qiimaha caadiga ah’ ee madax-furashada laga bixiyo<br />
siideynta markab kasta, qiimahaasi oo waqtigaas ahaa<br />
ilaa laba milyan oo doollar. Waxa uu ku nuuxnuuxsaday<br />
in shaqaalaha markabka saaran oo dhan shan iyo<br />
labaaan qof oo isugu jira Polish, Croatian, Sucuudi,<br />
Filipino iyo Ingiriis, inay yihiin badeecad agtooda<br />
255
qaali ka ah, oo qiime sare ugu fadhida, oo faa’iidada<br />
ugu jirta ee ay ka helaaan shaqalahaasi oo nool, ay<br />
aad uga badan tahay tan ay ka heli lahaayeen iyaga oo<br />
dhintay amma meyd ah. Wanu yidhi: ’Shaqaaluhu ma aha<br />
maxaabiis meel ku xidhan. Way socsocon karaan oo<br />
kolba goob ayay tegi karaan, meel kasta iyo mar kasta<br />
oo ay doonaan. Xattaa waxay ku seexan karaa<br />
sariirahoodii caadiga ahaa, waxanan u ogolaannay inay<br />
haystaan furayaashoodii. Waxa qudha ee ka maqani waa<br />
xorriyaddoodii, inay ka daadegi karaan amma ka tegi<br />
karaa markabka dhexdiisa.’<br />
Dubbad waxa uu faahfaahin ka bixiyey in, in kasta oo<br />
uu ogsoon yahay saamaynta xun ee caalamiga ah ee ay<br />
yeelatay falalka budhcad-badeedda ka soo baxday<br />
xeebaha Somalia, in haddana aanay jirin wax kale oo<br />
ay ku bedelan karayeen amma samayn karayeen. Waxanu<br />
yidhi:<br />
Si buuxda ayaan u ognahay cawaaqibka ka<br />
dhalanaya, laakiin waxa loo baahan yahay in<br />
adduunku fahmo dhibaatada na haysata ee na<br />
hortaal, halkan Somalia. Siddeed iyo toban sano,<br />
halkan kama jirin wax nabad ah. Ma jirto wax<br />
nolol ah oo lagu haysto halkan. Khayraadkii ugu<br />
danbeeyey ee Soomaalidu haysteen waxa uu ahaa<br />
badda, laakiin maraakiib shisheeye ah ayaa<br />
boobtay oo guratay dhammaan kalluunkayagii. Waana<br />
taasi ta na badday ee nagu kalliftey in aannu ku<br />
kacno budhcad-badeednnimo, si aannu u noolaanno.<br />
Ka dibna waxa telifoonkii loo dhiibey kabtankii<br />
markabka, Marek Nishky, oo ah nin Polish ah. Waxanu<br />
yidhi: ’Waannu iska fiicanahay, guud ahaan. Dhammaan<br />
shaqaalihii iyo saraakiishuba, xaaladdoodu waa fiican<br />
tahay. Ma jirto wax amma sabab aannu u cabannaa. Waxa<br />
la noo ogolaaday oo la na siiyey fursad aanu kula<br />
xidhiidhno oo aannu kula hadalno qoysaskayagii. Sida<br />
256
aad adiguba garan kartana, taasi waa waxa noogu<br />
muhiimsan ee noogu weyn immika.’<br />
Lacag madax-furasho ah oo dhan $25 milyan oo doollar<br />
oo Maraykan ah ayay markii hore dalbadeen in loo<br />
bixiyo baadifad, si loo sii daayo markabaas Sirius<br />
Star, laakiin laba bilood ka bacdi markii afduubkaasi<br />
uu dhacay, waxa markabkii lagu sii daayey, sida la<br />
sheegay, $3 milyan oo doollar oo Maraykank ah.<br />
Lacagtaasi madax-furashada ah waxa la sii saaray<br />
diyaarad nooca fudud ah, waxa loo duuliyey xaggii uu<br />
joogey markabkii. Lacagtii naqadka ahayd oo ku jirta<br />
jawaan lagu xidhay baarashuudka hawada, nooc yar oo<br />
midabkiisu cassaan yahay, ayaa diyaaraddii ay ka soo<br />
tuurtay xagga sare ee cirka, kuna soo riddey markabka<br />
dushiisii.<br />
Hasse ahaatee arrintii ma noqon mid ay calfadaan oo<br />
aahkirkii ay u aayaan budhcad-badeeddii. Sida laga<br />
soo xigtay qaraabadoodii, duufaanno ayaa dhexda ka<br />
helay intii ay ku soo socdeen Somalia, iyaga oo<br />
wattey doonni yar. Doonnidii ayaana la rogmatey,<br />
waxana la sheegay in shan ka mid ah budhcad-badeeddii<br />
ay hanfadeen oo baddu liqday, saddexdii kalena ay soo<br />
gaadheen xeebta, iyaga oo aan waxba ka haysan<br />
saamigii iyo qaybihii ay ka heleen lacagtii<br />
baadifadda ahayd, lacagtaasi oo la sheegay in baddii<br />
kacsanayd ay qaadday. Nin adeer u ah qof ka mid ah<br />
budhcad-badeeddi baddu liqday ayaa sheegay in<br />
meydkiisii aakhirkii laga helay xeebta oo uu ku soo<br />
caaryey, jeebkiisiina laga soo saaray bac ay ku jirto<br />
lacag dhan $153,000 oo doollar oo Maraykan ah, taasi<br />
oo ahayd waxa qudha ee ka hadhay amma laga arkay<br />
saddexdii milyan ee doollar ee madax-furashada ahaa.’ 5<br />
257
Khuraafaadka iyo Khaladaadka (Myths and<br />
misconceptions)<br />
Waxa jira sheekooyin badan oo aan waxba ka jirin iyo<br />
khuraafaadkh la faafiyey oo la xidhiidha budhcadbadeedda<br />
Soomaalida. Sheekooyinkaas qaar ka mid ah<br />
waxa abuuray oo faafsaday budhcad-badeedda laftooda,<br />
qaarna warbaahinta, oo inta badan meelo soke oo fudud<br />
wax ka eegta, una dhigtay arrimaha taagan, qaab<br />
xasaasi ah oo buunbuunis ah, iyo weliba qaybo kale oo<br />
ay faafiyeen khubarada xagga nabadgelyada ee<br />
ajanebiga ah iyo dhinacyada kale ee ka faa’iidaysta<br />
dhibaatadan, kuna tiirsan sii-jiritaankeeda.<br />
Sheekooyinka khayaalka ah ee la sameeyey ee hadda<br />
socda waxa ka mid ah in dhammaan budhcad-badeeddu ay<br />
ahaayeen dad kalluumaysato ah oo lagu kallifay inay<br />
bedelaan mihnaddoodii amma shaqadoodii, sababtuna ay<br />
tahay maraakiibta kalluumaysiga ee ajanebiga ah oo<br />
kalluunkii ka dhammeeyey biyaha Soomaalida. In kasta<br />
oo shaki la’aan kalluunkii Somalia ay muddo dheer<br />
bililiqaysanayeen oo ay yareeyeen amma madhiyeen<br />
kalluumaysato debadda kaga timid, haddana<br />
‘biliiliqadaasi ay ku kacayaan maraakiibta<br />
shisheeyuhu’, waxay noqotay jawaabta caadada ay ka<br />
dhigteen budhcad-badeedda Soomaalidu marka ay ka<br />
hadlayaan sababaha ugu wacan falalka ay ku kacaan,<br />
iyaga oo guud ahaan isku deyaya inay qiil u raadiyaan<br />
waxyaabaha ay samaynayaan.<br />
Sida Geeddow Cali oo kale, kaasi oo lagu xusay<br />
bilawgii cutubkan, budhcad-badeed badan ayaa isku<br />
tilmaama inay yihiin ‘Ilaalada Xeebaha’, oo ay<br />
daafacayaan xeebahooda, kana daafacayaan doonyaha<br />
kalluumaysiga iyo maraakiibta shisheeyaha ee wasakhda<br />
suntan ah ku aasaya badda, iyo in wixii ku soo xadgudba<br />
ay ka qaadaan ‘lacag’ ganaax ah. Marka loo eego<br />
afkan ay ku hadlayaan, waxay u muuqdaan inay isku<br />
deyayaan inay ka dhigaan falalka ay ku kacayaan qaar<br />
258
aan denbi ahayn ee bannaan. Mid ka mid ah budhcadbadeedda<br />
oo magaciisa ku sheegay ‘Xassan’, waxa uu ka<br />
hawlgeli jirey dekedda Xaradheere, intii aanay<br />
xoogagga Islaamiyiinta ahi ka qabsan magaalada<br />
sannadkii 2010-kii, waxanu yidhi:<br />
Waxan ahaan jirey nin kalluumaysato ah, laakiin<br />
waxa biyahayagii soo galay maraakiib kalluumaysi<br />
oo naga qaatay dhammaan kalluunkayagii. Dhawr<br />
sano ka hor, waxa halkan iman jirey in ka badan<br />
toddoba boqol oo markab oo ajanebi ah, kuwaasi oo<br />
kalluunka kala bixi jirey biyaha Soomaalida.<br />
Hadda, wax kalluun ah oo ku hadhay halkani ma<br />
jiro oo laga helayaa – waxba noogamay tegin.<br />
Markii ay waxaasi nagu sameeyeen, annaguna<br />
waxannu go’aansannay in aannu iyaga caydhsanno oo<br />
aannu ugaadhsanno, taasi midhaheedii ayaannu<br />
imika guranaynnaa oo aan u aynay. Shaqa fiican<br />
ayaannu runtii ka qabannay ajanebigan khaatarta<br />
iyo cidhiidhiga ku hayey noloshayadii, waayo<br />
imika waxannu helnay faa’iidadii go’aankii aannu<br />
ku gaadhnay in aannu iyaga ku jeesanno oo wax ka<br />
qabanno.<br />
Waxannu go’aansannay in ajanebiga aannu ka<br />
waabinno oo ka celinno kalluunkayagii, haatanna<br />
iyaga ayaannu kalluumaysanaynaa. Hadda, dadka<br />
qudha ee ka faa’iideysta ‘kalluumaysiga’ waa<br />
annaga oo ah ‘Ilaalada Xeebaha’, waayo waxannu<br />
‘kalluumaysannaa’ oo soo dabanna dad aannu madaxfuarsho<br />
u qabsanno oo la-haystayaal noo noqda.<br />
Budhcad-badeed badan oo Soomaali ah ayaa xumaan u<br />
qaata oo ka xanaaqa in loogu yeedho magaca ‘budhcadbadeed’.<br />
Qaarkood waxay rumaysan yihiin in magacaasi<br />
ku bannaan yahay maraakiibta shisheeyaha ee soo gasha<br />
259
iyaha Soomaalida. Waxan la hadlay oo kale bishii<br />
July ee 2011, nin budhcad-badeed ah, amma sida uu<br />
isku tilmaamay ka tirsan ciidamada ‘Ilaalada<br />
Xeebaha’, oo magaciisa la yidhaa Daahir, oo joogey<br />
magaalada Hobyo ee ku taal xeebta, ninkaas oo igu<br />
yidhi:<br />
Horta, adduunka su’aal ayaan weydiinayaa. Yaa<br />
budhcad-badeed ah? Ma maraakiibta kalluumaysiga<br />
iyo kuwa dagaalka ee badahayaga soo galay ee wax<br />
kasta naga gurtay, kalluunkayagii,<br />
khayraadkayagii, xorriyaddayadii iyo wax kasta?<br />
Misse annaga, dadkan ilaashanaya xeebahoodii?<br />
Su’aasha aan weydiinayo caalamku waa taas. Waana<br />
taasi su’aasha u baahan in laga jawaabaa.<br />
Maamullada ka jira Somalia laftoodu, waxay mararka<br />
qaar ka qayb qaateen sheekooyinka khuraafaadka ah ee<br />
laga faafiyey waxyaabaha ka dhacaya xeebaha Somalia<br />
oo loo ekeysiiyey wax aan u dhigmin amma u qalmin<br />
budhcad-badeednnimo. Bishii January ee 2011,<br />
baarlamaanka Soomaalidu waxa uu diidey in uu ansixiyo<br />
sharci mamnuucayey budcad-badeednnimada. Qaar ka mid<br />
ah xubnaha mudanayaasha baarlamaanka ayaa ku sifeeyey<br />
budhcad-badeeddu inay yihiin ‘geesiyaal’ ka celinaya<br />
biyaha Soomaalida maraakiibta shisheeye; waxayna<br />
sheegeen inayna ahayn budhcad-badeed, laakiin ay<br />
yihiin ciidammo aan rasmi ahayn oo ilaalada xeebaha<br />
ah.<br />
Warbaahinta qaar ayaa iyaguna ku tilmaamay in<br />
budhcad-badeeddu ay la mid yihiin oo ay u dhigmaan<br />
maanta sheekooyinkii ‘Robin Hoods’ oo kale (waa<br />
sheekooyin khayaal ahaa oo la abuuray, kuna saabsanaa<br />
nin Ingiriis ah oo dayro ah, oo qarnigii 12-aad dhici<br />
jirey dadka taajiriinta amma maalqabeennada ah, si uu<br />
u caawiyo dadka saboolka); waxana lagala mid dhigay<br />
falalka budhcad-badeedda in wixii ay ka dhacaan<br />
260
maalqabeenka, inay ku taageerayaan fuqarada, iyada oo<br />
run ahaantii sida ka sii sugani ee ka sii habbooni ay<br />
noqon karto in loogu yeedho denbiilayaal. Qof<br />
budhcad-badeed ah oo la yidhaa Aadan, ayaa isagu ka<br />
daacadsanaa kuwa kale ee saaxiibadiis ah, mar uu ka<br />
hadlayey ujeeddooyinkiisa: ‘Budhcad-badeeddu dhammaan<br />
waa dad xun oo kharriban. Waa kooxo heshiis ku ah oo<br />
qudha inay dhacaan maraakiibta badaha.’ 6<br />
Baadhitaan uu sameeyey 2009-kii aqoonyahan u dhashay<br />
dalka Norway, oo mgaciisa la yidhaa Stig Jarle, oo uu<br />
ku sameeyey budhcad-badeedda Soomaalida, waxa uu ku<br />
doodayaa in haddii ujeedada keliya ee hawlgallada<br />
budhcad-badeeddu amma ‘Ilaalada Xeebuhu’ ay tahay<br />
inay ka ilaaliyaan biyaha Soomaalida maraakiibta<br />
kalluumaysiga ee sharcidarrada ah oo keliya, in<br />
markaasi ay weerari lahaayeen oo kelia doonyaha<br />
kalluumaysiga oo qudha, ee aanay beegsadeyn<br />
maraakiibta ganacsiga ee sidda shixnadaha iyo<br />
badeecadaha, saxiimadaha amma doonayaha yaryar ee<br />
tamashalaha iyo dalxiiska, iyo maraakiibta sidda<br />
saliidda. Waxanu ku yidhi qoraalkiisa:<br />
Iyada oo ay dhici karto in budhcad-badeeddu ay<br />
run ahaantii cabsi geliyaan maraakiibta<br />
kalluumaysiga, oo ay iska hortaagaan<br />
kalluumaysiga aan sharciga ahayn, haddana<br />
bartilmaameedyada ay beegsadaan budhcad-badeeddu<br />
waxay si cad u muujinayaan in waxa ay u xishaan<br />
ee muhiimka u ahi uu yahay faa’iidada lacageed ee<br />
ka soo gelaysa falalkaasi, kaasi oo uga muhiimsan<br />
wax kasta amma ujeeddo kale oo kasta oo la<br />
xidhiidha ka-hortagga kalluumaysiga sharcidarrada<br />
ah. Guud ahaan Maraakiibta ay qabsadeen budhcadbadeeddu<br />
ma ahayn maraakiib kalluumaysi oo si<br />
sharcidarro ah u kalluumaysanayey, laakiin waxay<br />
ahaayeen maraakiib caadi ah oo xamuul ah, oo<br />
261
marayey biyaha Somalia, kuwa Yemen, amma biyaha<br />
caalamiga ah. 7<br />
Marka siyaabaha qaar loo eego, hawlgallada budhcadbadeeddu<br />
waxay ka xannibeen oo ay horjoogsadeen<br />
shaqadii kalluumasatadii gudaha ee Soomaalidu, halkii<br />
ay ka celin lahaayeen maraakiibta iyo doonyaha<br />
kalluumaysiga ee ajanebiga, una suurtogelin lahaayeen<br />
in Soomaalidu ay si nabad ah u kalluumaysato.<br />
8 Nin Soomaali ah oo budhcad-badeed ah, Ismaaciil<br />
Elix (Mary Harper)<br />
262
Mararka qaarna, waxayba ka cabsiiyaan oo ay didiyaan<br />
kalluumaysatada Soomaalida, mararna ciidamada<br />
caalamiga ah ee ilaalada badaha iyo maraakiibta kale<br />
ayaa ku khaldama kalluumaystada Soomaalida oo mooda<br />
inay yihiin budhcad-badeed, iyaga oo ku fura dhuumo<br />
aad u xoog weyn iyo taxshiirado, amma kala wareega oo<br />
ka qaada qalabkooda, amma xidhxidha, amma ka dhex<br />
gala oo joojiya shaqadoodii iyo meheradoodii. Waxa<br />
kale oo jirta in lacagta faraha badan ee madaxfurashada<br />
ah ee ay helaan budhcad-badeeddu, inay la<br />
weynaato oo ay soo jiidato kalluumaysatada kale, oo<br />
ay damac iyo hunguri geliso, iskagana tagaan<br />
shaqooyinkoodii hore ee kalluumaysiga, si ay ugu<br />
biiraan budhcad-badeedda oo iyaga lagtoodu ka mid<br />
noqdaan. Wararka laga helo tuulooyinka ay joogaan<br />
budhcad-badeeddu ayaa sheegay doonyo kalluumaysi oo<br />
lagaga tegey xeebaha oo halkaas ku burburay, kuwaasi<br />
oo ay iskaga tegeen dadkii hore u lahaan jirey oo<br />
imika helay doonyo dheereeya oo casri ah oo ay u<br />
kaxaysataan badda, kuna ugaadhsadaan dad ay soo<br />
qafaashaan oo ay soo afduubtaan, halkii ay ka raadsan<br />
lahaayeen kalluun. Xabsiga magaalada Hargeysa, waxan<br />
kula kulmay nin budhcad-badeed ahaan jirey oo la soo<br />
qabtay, oo la yidhaa Ismaaciil Elix. Waxa uu iiga<br />
sheekeeyey sida uu maalin qudha isku bedeley ee uu u<br />
go’aansaday in uu joojiyo shaqadiisii ahayd<br />
kalluumaysato, waxanu tegey suuqa Boosaaso oo uu ka<br />
soo iibsadey qori AK-47 ah, qori baasuuke ah, iyo<br />
doonni nooca dheereeya ah. Hawgalkii ugu horreeyey ee<br />
budhcad-badeednnimo ee uu galo ayaa lagu soo qabtay,<br />
waxana lagu xukamay shan-iyo-toban sano oo xadhig ah.<br />
Kama muuqan wax murugo ah oo ii muujinaya in uu ka<br />
xun yahay waxyaabaha uu sameeyey, in kasta oo uu<br />
lumiyey dhammaan xidhiidhka qoyskiisa iyo<br />
qaraabadiisa, sannado badan oo ka mid ah<br />
cimrigiisiina uu ku jiri doono xabsi ku yaal meel<br />
guud ahaan ahaan loo arko dhul shisheeye.<br />
263
Dhaqaalaha Budhcad-badeedda (Pirate economy)<br />
Budhcad-badeednnimadu waxay noqotay wax laga helo<br />
lacag badan oo malaayiin doollar ah,oo laga bixiyo<br />
sii-deynta maraakiibta iyo shaqaalaha, taasi oo in<br />
muddo ahba soo jiidanaysay dad badan oo aan ahayn<br />
iyagu kalluumysato, siina noqonaysay hawl iyo farsamo<br />
aad u heer sarraysa oo denbiilannimo oo lagu<br />
shaqaysto. Hasse ahaatee, kalluumaysatada lafteedii<br />
ayaa noqotay qayb weyn oo muhim ah oo ka qayb gasha<br />
hawlgal kasta oo ay fulinayaan kooxaha budhcadbadeedku,<br />
sababta oo ah aqoonta iyo waayo-aragnimada<br />
ay u leeyihiin badda, kaxaynta iyo ku shaqaynta<br />
doonyaha iyo qalabka kale ee badda. Budhcadbadeednnimadu<br />
waxay noqotay shaqo weyn oo la<br />
doorbido, iyada oo laga heli kara lacagayow badan oo<br />
xad-dhaaf ah. Dadka ku ladnaaday ee ka helay wax<br />
bandan, waxa ka mid ah ninkan budhcad-badeedka ah ee<br />
magaciisa la yidhaa Xassan oo yidhi: ‘Xaaladdayda<br />
dhaqaale waa mid aad iyo aad u fiican. Xattaa<br />
sannadkan oo dhan uma baahni in aan ku noqdo baddii,<br />
waayo waxan qabsaday kal-hore, hal markab. Lacagtii<br />
aan ka helayna waxan gashaday meel kale oo runtii aad<br />
u fiican. Arrimahayguna aad ayay u fiican yihiin.<br />
Noloshayduna aad iyo aad ayay uga roon tahay oo ay<br />
uga fiican tahay imika markii aan ahaan jirey<br />
kalluumaysatada.’<br />
In kasta oo la bixiyo sannad kasta tobannaan milyan<br />
oo dollar oo madax-furasho ah, haddana waxa aad u<br />
adag oo aan suurtogal ahayn in la helo tiro sugan<br />
amma xisaabta saxda ah ee lacgta soo gasha guud ahaan<br />
kuwa ku lug leh budhcad-badeednimada Soomaalida, iyo<br />
sida lacagtaasi loo qaybsado. Waxa aad loo adkeeyey<br />
in la dabageli karo oo la raadraaci karo lacagayowga<br />
madax-furashada ah, iyadoo ay jirto xaqiiqada ah in<br />
budhcad-badeeddu ay isticmaalaan habab wax badan soojireen<br />
ahaa oo la mariyo lacagahaasi, loona yaqaan<br />
xawaaladaha, kuwaasi oo ku dhisan is-aaminaad iyo<br />
264
wada-xidhiidh afka ah, iyada oo aanay jirin wax<br />
qoraal ah oo waraaqo ah oo la kala qaato, amma<br />
kombuyuutar la geliyo oo la tixraaci karaa.<br />
Madaxa Xafiiska Dalalka Afrikada Bari u qaabilsan<br />
Barnaamijka Gacansiinta Badmareennada, oo ah ninka la<br />
yidhaa Andrew Mwangura, waxa uu la socda hadba<br />
hawlgallada budcad-badeedda ee xeebaha Soomaalida,<br />
waxanu la xidhiidhaa oo waanwaan la gala budhcadbadeedda.<br />
Waxa uu ii soo diraa farriimo amma<br />
dhambaallo qoraal ah oo uu si sugan iigu sheegayo<br />
meesha iyo waqtiga la afduubay markab, xattaa saacado<br />
badan ka hor inta aanay wararkaasi helin wakaaladaha<br />
wararku, ee aanay baahin. Waxanu sheegay ninkaasi in<br />
budhcad-badeedda iyagu fuliya weerarka ee qabsadaa<br />
maraakiibtaasi, in ayna run ahaantii iyagu ka wada<br />
war hayn oo aanay wada helin dhammaan lacagyowga<br />
madax-furashada ah ee la bixiyo. Waxanu yidhi: ‘Iyagu<br />
waxay yihiin oo qudha askartii amma ciidankii lugta.<br />
Waa dhallinyaro, inta bandanna aan ahayn rag muddakar<br />
ah, hubaal ahaanna ma wada helaan oo gacmahooda kuma<br />
wada danbayso dhammaan kacagtaasi.’ 8<br />
Suuq dhaqaale oo yar ayaa ka abuurmay hawhlahaasi<br />
budhcad-badeednimada, oo wax ka soo galaan dadweynaha<br />
ku nool tuulooyinka xeebaha waqooyi-bari iyo<br />
badhtamaha Somalia, iyo weliba kuwa ka sii shisheeya.<br />
Waxay u muuqataa inayna jirin wax xeerar ah amma<br />
nidaam ah oo laga siman yahay oo ku saabsan sida<br />
lacagtaasi loo qaybiyo ee ay ku kala danbayso, iyo<br />
wararka amma macluumaadka la xidhiidha arrimahani oo<br />
aad loo ilaaliyo, loona qariyo, sababta oo ah dadka<br />
ku lug leh falalkan denbiilannimada ah oo aan doonayn<br />
inay bixiyaan xog sugan iyo macluumaad buuxa oo<br />
faahfaahsan. Sida loo kala qaybiyo lacagayowga loo<br />
qaato madaxfurashada, waxa lagu xusay warbixin ay soo<br />
saartay Jamciyadda Qaruumaha ka Dhaxaysaa,<br />
warbixintaasi oo ku dhisnayd warar laga soo ururiyey<br />
265
oo laga soo xigtey budhcad-badeed joogta magaalada<br />
Eyl ee ku taal dhinaca waqooyi-bari ee gobolka<br />
Puntland, magaaladaasi oo wax badan saldhig weyn u<br />
ahayd budhcad-badeedda. Waxayna u dhignayd sidatan:<br />
Miliishiyada badda (Budhcad-badeedda tooska wax u<br />
afduubka ee hawshaasi fuliya) – boqolkiiba 30<br />
Miliishiyada berriga/dhulka (kooxaha hubaysan ee<br />
jooga amma kontoroola degaannada berriga ee<br />
budhcad-badeedd u ah saldhig ay ka soo<br />
lollaystaan amma duulaan) – boqolkiiba 10<br />
Dadweynaha degaanka (odayaasha iyo saraakiisha<br />
maamulka ee degaanka) – boqolkiina 10<br />
Maalgeliyayaasha laga sii qaato lacagaha deymanka<br />
ee iyo biilasha – boqolkiiba 20<br />
Hoggaamiyayaasha iyo dillaaliinta waaweyn ee ka<br />
danbeeya budhcad-badeedda – boqolkiiba 30<br />
Sida uu soo xigtey ee uu qoray isna Jeffrey<br />
Gettleman oo qoraalkiisaas lagu soo saaray jariidadda<br />
New York times bishii Oktoobar ee 2008, nin la yidhaa<br />
Faarax Ismaacii Iid, oo lagu xukumay shan-iyo-toban<br />
sano oo xabsi ah, oo uu ku galabsaday falal budhcadbadeednnimo,<br />
waxa uu isagu sheegay oo uu bixinayaa<br />
sawir waxoogaa ka duwan taasi, sida loo kala qaybiyo<br />
lacagtaasi:<br />
Miliishiyada badda (Budhcad-badeedda tooska wax u<br />
afduubka ee hawshaasi fuliya) – boqolkiiba 30<br />
Horjoogaha hoggaamiya kooxda budhcad-badeedda –<br />
boqolkiiba 20<br />
266
Maalgeliyayaasha hawlgallada soo socda, oo ay ku<br />
jiraan hubka, shidaalka, iyo sigaarka –<br />
boqolkiiba 20<br />
Saraakiisha dawladda – boqolkiiba 30, 9<br />
Qofka ugu horreeya budhcad-badeedda ee ugu hor-fuula<br />
markabka la afduubayo, waxa la sheegay inuu helo oo<br />
la siiyo amma libin-laab qaybtii saami ahaan uu u<br />
heli lahaa lacagtaas, amma baabuur; kuwa kalena waxay<br />
qaataan saamiyo isleeg. Haddii la dilo amma la<br />
dhaawaco qof ka mid ah budhcad-badeeddaasi,<br />
qoyskiisii waxa la siiyaa magdhaw dhaqaale amma<br />
lacageed.<br />
Waxa jirey eedaymmo la xidhiidha in qaar ka tirsan<br />
saraakiisha dawladdu inay wax ka helaan<br />
lacagayowgaasi budhcad-badeednimada, gaar ahaanna<br />
Puntland, halkaasi oo la sheego in dakhliga soo gala<br />
budhcad-badeedda ee sannad kasta ka soo gala lacagaha<br />
madax-furashad ahi, in uu ka badan yahay<br />
miisaaniyadda gobolka oo dhan oo ilaa $20 milyan oo<br />
doollar oo Maraykan ah. Agaasiimaha guud ee<br />
wasaaradda kalluumaysiga iyo dekedaha, Cabdi-Waxiid<br />
Jowhar, ayaa qiray sannadkii 2008 oo sheegay ‘inay<br />
jiraan dad dawladda ka tirsan oo la shaqeeya budhcadbadeedda.’<br />
10 Waxa la eryey oo shaqadii laga<br />
fadhiisiyey ku-xigeenkii taliyaha ciidanka booliska<br />
ee Puntland, sababo la xidhiidha eedaymo loo soo<br />
jeediyey oo ahaa in uu ku xidhan yahay budhcadbadeedda.<br />
Warbixin ay soo saartay guddida Qaramada<br />
Midoobey u qaabilsan la-socodka arrimaha Somalia,<br />
sannadkii 2010, waxa lagu sheegay in:<br />
Ka bacdi laba iyo toban sano oo horumar ilaa heer<br />
cuntamaa uu ka jirey Puntland, marka loo eego<br />
267
gobollada kale, in haddana maamulka cusub ee<br />
dhawaanta la sameeyey ee Abdirahman Mohamed<br />
‘Faroole’, in uu ku wado oo uu ku sii riixayo<br />
Puntland sidii iyo habkii ay ku noqon lahayd dal<br />
iyo maamul denbiile ah. Baadhitaannada ay<br />
sameeyeen guddidaasi la-socodka arrimaha Somalia,<br />
oo salka ku haya waraysiyo lala yeeshay dad<br />
xogogaal ah oo u dhuun-daloola arrimaha budhcadbadeedda,<br />
wada-hadallada iyo gorgortanka lacagaha<br />
madax-furashada ee la bixiyo iyo sida loo kala<br />
qaybiyo amma loo kala bixiyo, waxay xaqiijiyeen<br />
in mas’uuliyiin sarsare oo ka tirsan Puntland, oo<br />
uu ku jiro Madaxweyne Faroole iyo xubno ka tirsan<br />
golihiisa wasiirrada oo uu ka mid yahay gaar<br />
ahaan wasiirka arrimaha gudaha, General Abdullahi<br />
Ahmed Jama ‘Ilkajiir’ iyo wasiirka xagga amniga<br />
gudaha General Abdillahi Ahmed Saiid Samatar,<br />
inay wax ka helaan lacagyowga budhcad-badeedda<br />
amma madax-furashada afduubyada. 11<br />
Lacagta madax-furashada waxa kale oo waxoogaa ka mid<br />
ahi uu gaadhaa dadku ku nool tuulooyinka ay joogaan<br />
budhcad-badeeddu. Sida ay sheegtay wakaaladda wararka<br />
ee AP bishii November ee 2008, haweeney magaceeda la<br />
yidhaa Shamso Moalim oo deggan magaalada Xaradheere<br />
oo hore u ahaan jirtey saldhig budhcad-badeed, waxay<br />
ka hadashay sida budhcad-badeddu ay wax uga bedeleen<br />
duruufihii nololeed ee qoyskeeda, waxayna tidhi: ‘Ka<br />
sakow halka iyo meesha lacagtaasi ka timaaddo, amma<br />
ha ahaato xaaraan sharcidarro ah amma yayna ahaane,<br />
waxan odhan karaa nolol ayay soo gelisey oo ka<br />
bilawday magaaladayada. Caruurtayadu haatan kama<br />
warwaraan waxay cunaan, Subaxdii waxay tagaan dugsiquraanka<br />
islaamiga ah, galabtiina waxay dheelaan<br />
ciyaarta kubadda cagta. Waa mabsuud oo waa faraxsan<br />
yihiin.’ 12<br />
268
Dadka deggan tuulooyinka ay joogaan budhcadbadeeddu,<br />
waxay ka hadleen sida markasta oo lala<br />
yimaaddo xeebahooda markabka la soo afduubay, sida<br />
suuqu ugu cammirmo ee budhcad-badeeddu ay u<br />
yimaaddaan ee ay ugu soo degaan, si ay u iibsadaan<br />
shidaal, biyo, cabbitaan fudud, riyo, ido amma wanan,<br />
bariis, baasto, iyo sigaar. Haweeney tukaan ku haysta<br />
Xaradheere, oo la yidhaa Sahra Sheikh Dahir, ayaa<br />
iyana tidhi:’Budhcad-badeeddu annaga ayay nagu<br />
tiirsan yihiin, annaguna waxannu ku qabnaa<br />
faa’iido’. 13 Meel kale oo iyana dakhli ka soo galo<br />
dadweynaha degaannada ay ka taliyaan budhcad-badeddu,<br />
waxa weeye diyaargaraynta iyo iibka cunno gaar ah oo<br />
loo sameeyo dadka la-haystayaasha ah ee madaxfurashada<br />
loo haysto, kuwaasi oo inta badan aan<br />
jeclaysan amma aan ka helin cunno-Soomaalida.<br />
Heerka-nolosha (Lifestyle)<br />
Wax badan ayaa laga sheegay sida budhcadbadeednnimadu<br />
ay bashbash iyo barwaaqo ugu keentay<br />
nolosha dadweynahaha iyo tuulooyinka ku yaal xeebaha<br />
ay joogaan. Hasse ahaatee, iyadoo ay ku kallifto in<br />
budhcad-badeeddu mar kasta ay bedelaan<br />
saldhigyadoodii oo ay ka guurguuraan, tuulooyinkaasi<br />
waxay noqdaan marka danbe kuwa ay ka dhacdo busaarad<br />
iyo baaba’, lacagtii inteeda badan la gashadu<br />
magaalo-madaxyada gobollada iyo magaalooyinka kale ee<br />
waaweyn. Dakhliga ka soo baxa budhcad-badeednnimada<br />
Soomaalida, waxa kale oo la sheegay in uu qayb ka<br />
qaatay horumarka weyn ee la-yaabka leh ee uu sameeyey<br />
ganacsiga iyo hantida kale ee xaafadda Eastleigh ee<br />
magaalada Nairobi, xaafaddaasi oo inta badan ay<br />
Soomaalidu degaan, iyo weliba lacagta naqadka ah ee<br />
Soomaalidu ku iibsato guryo qaali ah oo ku yaal<br />
xaafadaha ugu fiican caasimadda ee heerka sare ah ee<br />
269
lagu raaxaysto. Qawmiyadda Soomaalida ee Kenya ayaa<br />
si weyn u beenisa wararkani.<br />
Kor-u-kaca hantida magaalo-madaxda Puntland ee<br />
Garoowe, iyo magaalada kale ee ugu weyn ee dekadda ah<br />
ee Boosaaso oo cammirmay, waxa loo aanayn karaa oo si<br />
cad loogu xidhiidhin karaa hantidaasi inay tahay mid<br />
ka timid budhcad-badeedda. Guryo waaweyn oo cusub oo<br />
fillooyin ah, oo Soomaalidu ugu yeedho ‘qasriyo’,<br />
ayaa la dhistay oo lagu soo wareejiyey deyrar waaweyn<br />
oo dhaadheer. Budhcad-badeedda qaar ayaa jecel inay<br />
si muuqata amma is-tus-ah oo xad-dhaaf oo aan<br />
xisaabtan lahayn, inay wax u kharash-gareeyaan, una<br />
noolaadaan, iyaga oo iibsadaa baabuurta xarrakada iyo<br />
Land Cruiser-ro qaali ah. Ragga Soomaalidu waxay ku<br />
cawdaan in budhcad-badeeddu ay qaali-gareeyeen oo ay<br />
sicir-barar ku rideen guurkii, iyaga oo gabdhaha<br />
cusub ee ay guursanayaan ka bixiyaa yarad iyo<br />
gabbaati aad u fara badan, isla markaasin sameeya<br />
xaflado aroos oo socda dhawr maalmood, oo la<br />
martiqaado fannaaniinta iyo kooxaha muusikada ee ugu<br />
fiican, casuumado raashin ah iyo waxyaabo kale.<br />
Dad badan ayaa ii sheegay in budhcad-badeeddu ay si<br />
xun u cabbaan khamriga, si weynna u cunaan qaadka iyo<br />
mukhaadaraadka kale ee adag oo ay qaataan, ulana<br />
yimaaddaan fusuq iyo balwado dhaqan-xumo ah oo<br />
kharribaya mujtamaca ay ku dhex noolyihiin. Waxase<br />
dhici karta in eedaymahani ay ka mid yiihin cuqdadaha<br />
iyo ‘sheekooyinka khurafaadka’ ah ee laga faafiyo<br />
budhcad-badeedda, iyo hab ay Soamaalida aan iyagu ku<br />
lug lahayn hawlaha budhcad-badeeddu ay iskaga<br />
fogeeyaan oo isku barraxaan.<br />
Ka sakow baabuurta casriga ah, guryaha cusub, iyo<br />
xafladaha aroosyada ee ka-badbadiska ah, lacagtaasi<br />
waxa badh dib loogu maalgeliyaa hawlgallada budhcadbadeednnimada<br />
lafteeda. Budhcad-badeeddu waxay ka<br />
qalin-jebiyeen oo ay ka dallaceen inay sii ahaadaan<br />
270
kalluuaysato caadi ah oo masaakiin ah, oo watta<br />
doonyo xunxun oo kharaab ah iyo qoryo daxalaystay,<br />
waxayna u dallaceen inay helaan qalab farsamo sare<br />
iyo hub casri ah, iyo doonyo qaali ah oo ay<br />
kaxaystaan. Mid ka mid ah sababaha u suurtogeliya in<br />
budhcad-badeeddu ay gaadhaan boqolaal kiloomitir oo<br />
badda gudaheeda ah, waxa weeye inay heli karaan<br />
qalabka lagu helo adeegyada Sattelite-ka ee wax<br />
lagula socdo, iyo doonyo dheereeya oo ka xoog badan<br />
kuwii hore. Ka sakow cunaqabataynta xagga hubka ee<br />
Qaramada Midoobey ay ku soo rogtay Somalia, haddana<br />
budhcad-badeeddu wax dhibaato ah kalamay kulmin inay<br />
helaan oo gacmahooda uu soo galo hub aad u fara badan<br />
iyo rasaas. Dagaalladii sokeeye ee labaatanka sano<br />
iyaguna ka socdey dalkaasi, waxay keeneen in hub<br />
badan uu ku faafo dalka. Dalka Yemen oo isna waxoogaa<br />
xagga Khooriga Cadmeed ka xiga, ayaa laga helaa hub,<br />
shidaal, iyo qalab kale oo muhiim u ah budhcadbadeedda.<br />
Marba marka ka danbaysa ee budhcadbadeeddnimadu<br />
ay sii daba-dheeraataba, budhcadbadeeddu<br />
waxay sii helayaan khibrad iyo waayoaragnnimo<br />
dheeraad ah, waxayna la imanayaan tabo iyo<br />
xeelado hor leh oo ay ku soo qabsadaan maraakiibta<br />
waaweyn, shaqaalaha iyo badeecadaha qaaliga ah ee<br />
maraakiibtaasi ay sidaan.<br />
Qaab-dhismeedka (Structure)<br />
Horumarka sii kordhaya ee budhcad-badeeddu ay ka<br />
samaynayaan xagga qalabka casriga ah ee ay<br />
adeegsadaan iyo qaababka heerka sare ah ee<br />
hawlgalladoodu u abaabulan yihiin, ayaa dhaliya<br />
tuhunka ah inay suurtogal tahay inay ku xidhan yihiin<br />
kooxo caalami ah oo dembiilayaal ah.<br />
Bishii February ee 2011, haweeneyda madax ka ah<br />
hey’adda mukhaabaraadka ee ka-hortagga budhcadbadeedda<br />
ee dawladda Maraykanka, Donna Lee Hopkins,<br />
271
shir jaraa’id oo ay ku qabatay magaaladan London,<br />
waxay ku sheegtay in isbedel dib-u-habayneed oo<br />
buuxaa uu ku dhacay budhcad-badeeddii Soomaalida oo<br />
ay si buuxda ugu xuub siibteen abaabul heer sare ah,<br />
sannadahan danbe. Waxayna tidhi: ‘Budhcad-badeedda<br />
Soomaalidu way ka koreen sidii hore ee ay haayeen<br />
kooxo kala geddisan oo teelteel ah, oo iyaga iyo<br />
dhibaatadooduba ku kooban tahay gudaha oo keliya, oo<br />
ku eg uun dadka xeebaha oo diiddan kalluumaysiga<br />
sharci-darrada ah ... waxayna noqdeen shabakad si<br />
weyn iskugu xidhan oo awod leh, oo ka shishaysa<br />
xeebahaasi oo caalami ah, oo abaabulan, noqotayna<br />
shirkad qawlaysato oo ay ku bahoobeen denbiilayaal.’ 14<br />
Waxayna intaasi ku dartay in deganaansho la’aanta ka<br />
jirta gobolkaasi iyo marinnada baayacmushtarka oo<br />
halis ku jira, in labadaasi dhibaato oo isbiirsaday<br />
ay abuureen xaalad ah ‘jawigii qasnaa ee ku<br />
bannaanaa’ budhcad-badeedda Soomaalida ee ay u<br />
baahnaayeen, waxayna digniin ku bixisay in khatar<br />
loogu jiro in dhibaatadani ay noqoto oo ay ku<br />
dambayso mid waxba laga qaban kari waayo.<br />
Tilmaanta haweeneydani waxay si weyn oo fog uga<br />
duwan tahay tii uu soo bandhigay ee uu bixiyey Stig<br />
Jarle Hansen ee uu ku dooday in budhcad-badeedda<br />
Soomaalidu ay yihiin kooxo yaryar oo aan sidaa u sii<br />
ridneyn oo ku kooban gudaha oo keliya:<br />
Khuraafaadka ka jira ee laga faafiyey budhcadbadeedda<br />
Khooriga Weyn ee Cadmeed ayaa ah wax<br />
fara badan, laakiin kooxa caadiga ah ee budhcadbadeeddu<br />
waa qaar ku dhisan jufo-jufo amma<br />
jilibbo, oo si liidata oo heer hoose ah u<br />
qalabaysan, kana kooban kalluumaysatadii hore.<br />
Sidaa awgeed, budhcad-badeeddu waa qaar baahsan<br />
oo aan lahayn abaabul iyo maamul dhexe oo aan ishaysan<br />
amma aan xidhiidhsanayn, kana fog sida ay<br />
qabaan ee ay soo jeediyaan dad badani, oo ah in<br />
272
udhcad-badeeddu ay yihiin kooxo si heer sare ah<br />
u dhisan amma u abaabulan oo u hawl gala. Dadka<br />
maalgeliya ee iyaga ka danbeeyaana waxay u dhisan<br />
yihiin qaab u eg qaababka ay u dhisan yihiin uun<br />
maalgeliyayaasha Soomaalida ee adduunku. 15<br />
Hansen waxa uu soo jeedinayaa oo ay la tahay in<br />
budhcad-badeeddu aanay lahayn qaab rasmi ah amma<br />
nidaamsan oo ay ku dhisan yihiin, iyo in ‘kooxda<br />
budhcad-badeedda’ ahi ay mararka qaar ka kooban tahay<br />
wax aan ka badnayn hal qoys:<br />
Koox kasta oo ah budhcad-badeed, caadi ahaan waa<br />
koox aan sidaa u midaysnayn oo la socota qofka<br />
watta ee soo urursaday, badiyaana qofkaasi<br />
hoggaamiyaha ahi waxa uu hore u ahaan jirey oo uu<br />
soo maray budhcad-badeed, kaasi oo lacagtii hore<br />
ee uu soo helay haatan dib u maalgelinaya<br />
hawlgallo cusub oo budhcad-badeednnimo.<br />
Shaqadiisuna inta badan waa ninkii dhaqaalaha<br />
hayey ee kharaska keenyayey ... Baaxadda iyo<br />
tirada kooxaha budhcad-badeedkuna waa kala<br />
geddisan yihiin oo waxay noqon karaan qaar ka<br />
kooban min hal-hal qoys oo keliya, oo kala ah<br />
odaygii amma aabbihii, wiilkii, iyo doonni yar,<br />
kuwaasi oo raadinaya masruufkii iyo wax ay ku<br />
nollaadaan, amma kooxo ballaadhan oo gaadhaya<br />
ilaa 200 oo xubnood. 16<br />
Ka sakow sida uu u dhigayo Hansen ee ugu tilmaamayo<br />
in budhcad-badedduu aanay lahayn wax nidaam ah oo<br />
habaysan, waraysiyo baadhitaan oo aan sameeyey<br />
sannadkii 2011, oo aan la yeeshay qaar ka tirsan<br />
kooxo kala geddisan oo budhcad-badeed ah, waxa iiga<br />
soo baxay inay leeyihiin xeerar anshax oo adag oo<br />
qoraal ah oo ay ku dhaqmaan. Xeerarkaasi waa kuwa<br />
kala geddisan oo ku xidhan hadba kooxda samaysatay ee<br />
ay khuseeyaan. Waxa ku jira xeerarkaasi kuwa ku<br />
273
saabsan sida loola dhaqmayo dadka la haystayaasha ah<br />
ee la qabsado, iyo qaababka kala geddisan ee loo<br />
weerari karo maraakiibta, iyada oo maraakiibta qaar,<br />
gaar ahaanna kuwa Kuuriyada Waqooyi, la ogol yahay in<br />
weerarro kulul oo dheeraad ah loo adeegsado oo lagu<br />
qaadi karo. Sida uu ii sheegay nin ka mid ah budhcadbadeedda<br />
oo la yidhaa Dahir, oo igu yidhi: ‘waxannu<br />
leenahay xeerar kala geddisan oo aannu ugu talagalnay<br />
dalalka kala geddisan. Tusaale ahaan haddii aannu la<br />
kulanno markab laga leeyahay Kuuriyada Koonfureed,<br />
waxannu ku qaadnaa weerar ba’an oo kulul. Waxay ku<br />
xidhan tahay hadba sida ay noola macaamilaan ee ay<br />
noola dhaqmaan maraakiibtaasi shisheeyuhu. Si xun<br />
ayay noola dhaqmaan Kuuriyaanka Koonfureed iyo<br />
Hindidu oo way nala dagaallamaan, si ka daran kuwa<br />
kale. Annaguna waxannu ku qaadnaa dagaal adag oo xoog<br />
leh oo ah waxa ay naga galabsadeen.’<br />
Dhammaan kooxaha budhcad-badeeddu waxay leeyihiin<br />
xeerar iyo qaabab lagu ciqaabo xubnaha iyaga ka<br />
tirsan ee jebiya anshaxa u yaalla, waxana ku jira<br />
xadhig la xidho qofka, khasiraad amma ganaax iyo eri<br />
laga caydhiyo kooxda oo laga saaro. Kuwa dhawra ee<br />
sida daacadnnimada ah ugu hoggaansama sharciyadaasi,<br />
waxa la siiyaa abaalmarin, iyaga oo mutaystay magac<br />
iyo sharaf lagu ixtiraamo, iyo weliba mararka qaar<br />
hadiyado iyo lacag dhiirrigelin ah. 17<br />
Xidhiidhka Kooxaha Islaamiyiinta ee xagjirka ah<br />
(Links with radical Islamists)<br />
Warbaahinta qaar iyo warbixinno kale ayaa sheega in<br />
budhcad-badeeddu ay ku xidhan yihiin ururrada al-<br />
Shabaaab iyo kooxaha kale ee xagjirka ah, una yihiin<br />
kooxaha Islaamiyiinta ah ilo muhiim ah oo dhaqaale<br />
amma lacageed. Waa laga yaaba in budhcad-badeeddu ay<br />
siiyaan khidmad amma cashuuro kooxaha Islaamiyiinta<br />
ah ee ka taliya degaannada ay ka hawlgalaan, laakiin<br />
274
xidhiihdhka ka dhexeeyaa uma muuqdo mid ka sii fog<br />
intaasi.<br />
Marka qudha ee wax laga qabtay budhcad-badeedda ee<br />
la kontoroolay waxay ahayd sannadkii 2006, markaasi<br />
oo Midowgii Maxkamadaha Islaamiga ahi (UIC) ay hayeen<br />
awodda xukunka ee goboollada Koonfurta iyo badhtamaha<br />
Somalia intooda badan. Midowgii Maxkamaduhu (UIC)<br />
waxay sheegeen oo ay soo rogeen in budhcadbadeednnimadu<br />
ay tahay shay xaaraan ah oo ka<br />
horjeedda shareecada iyo caqiidada Islaamka. Waxayna<br />
weerarro ku qaadeen dekedaha ay ka ololaystaan<br />
budhcad-badeeddu, waxayna ku guulaysteen inay guud<br />
ahaan iyo gebi ahaanba ka tirtiraan budhcadbadeednnimada<br />
dalka oo dhan. Koox kale oo Islaamiyiin<br />
ah oo iyana weerar ku qaadday budhcad-badeeddu waxay<br />
ahayd kooxdii Xisbul Islaam. Sannadkii 2010, waxay ka<br />
saareen oo ay ka caydhiyeen budhcad-badeeddii,<br />
magaalada Xaradheere oo ka mid ahayd meelaha<br />
saldhigyada waaweyn u ah ee haystaan, iyaga oo ku<br />
eedeeyey in falalkooda iyo waxyaabaha ay ku<br />
dhaqmayaan ay yihiin kuwa ka baxsan diinta oo ka soo<br />
horjeeda Islaamnimada. Waxa jirey warar xiiso leh oo<br />
ka hadlayey budhcad-badeed fara badan oo gaadhaya<br />
inta u dhaxaysa saddex boqol ilaa afar boqol oo<br />
baxsad ah, oo dhinaca miyiga amma kaymaha u yaacay,<br />
iyaga oo ku raran hubkoodii, oo qaarkood ay<br />
lugaynayaan, qaar kalena ay wataan baabuur Land<br />
Cruiser-ra ah. Markii danbe waxay degeen magaalada<br />
dekedda ah ee Hobyo oo waqooyiga ka xigta Xaradheere.<br />
Inta ay xaaladda Soomaaliya tahay mid qasan oo aan<br />
degganaynna, waxa suurtogal ah in budhcad badeeddu ay<br />
helaan saldhig kale oo kolba ay u guuraan oo ay<br />
degaan, oo ka mid ah xeebta dheer.<br />
275
Ma ahayd sida kale ee ugu habboon? (The best option?)<br />
Dawladaha waaweyn ee adduunka, waxay ku noqotay<br />
arrin aanay filayn oo ku-soo-booddo ah sooiftixibaankii<br />
budhcad-badeedda ka bilaabantay<br />
Somalia. Ma jirin markaasi qaab iyo hab la adeegsado<br />
oo loogu talo galay in si wax-ku-ool loogaga hortago<br />
dhibaatadaas, taasi oo macnaheedu noqday in budhcadbadeeddu<br />
ay fulin karaan hawgalladooda iyaga oo aan<br />
ka werwerin wax khatar ah oo ay la kulmi karaan, isla<br />
markaasina ay ogyihiin in meesha ay ugu jirto fursad<br />
weyn oo ay wax badan ka heli karaan. Sida ay<br />
wakaaladda wararka ee Reuters ka soo xigatey bishii<br />
November ee 2008, Taliyaha guutada shanaad ee<br />
Ciidammada Badda ee Maraykanka, Vice-Admiral William<br />
Gortney, waxa uu gartay amma aqoonsaday sababaha<br />
budhcad-badeednimadu ay u noqotay wax si weyn u soo<br />
jiidata Soomaalida, waxanu yidhi:‘Ma jirto sabab aad<br />
ugu biiri weydo oo aad u noqon weydo budhcad-badeed.<br />
Markabka aan doonayo in aan qabsado oo aan weerara,<br />
ma aha mid isagu aniga i soo tuukanayo oo xabad igu<br />
soo ridaya, waana mid aan lacag ku heli doono. Ima<br />
xidhi karaan oo maba hayaan meeshii la igu xukumi<br />
lahaa ee maxkamad la igu saari lahaa.’ 18<br />
Vice-Admiral Gortney aragtidiisan, waxa kale oo isna<br />
la qaba Patrick Cullen oo ah khabiir dhinaca arrimaha<br />
nabadgelyada, oo ka tirsan Jaamicadda Culuunta<br />
Dhaqaalaha ee London:‘Budhcad-badeednnimadu waa shaqo<br />
iyo xirfad heer sare ah oo fiican haddii aad ka hawl<br />
gelayso dal faqiir ah oo aan nidaam iyo sharci lahayn<br />
sida Somalia oo kale. Marka la isbarbar dhigo<br />
khatarta, iyo dhinaca kale faaii’dada ka soo gelaysa<br />
ee meesha ku jirta ee loogu badheedhayaana waa mid<br />
aad u badan oo weyn.‘ 19<br />
Budhcad-badeeddnimada, waxa si toos ah iyo si dadban<br />
labadaba u kaaliyey deeqaha debadda. Barnaamijyada<br />
276
iyo mashaariicda loogu talo galay in wax lagaga qabto<br />
oo lagu yareeyo saboolnimada haysata dadka ku nool<br />
xeebaha, ayaa ugu dedaalay sidii ay ugu heli<br />
lahaayeen ee ay ugu keeni lahaayeen dadkaasi saboolka<br />
ah doonyo kalluumaysi, doonayahaasi oo laakiin ay si<br />
kastaba u dhacday in aan lagu isticmaalin amma aan<br />
loogaga faa’iideysan ujeedooyinkii loogu talo galay.<br />
Waxa kale oo la sameeyey amma la hagaajiyo kaabayaal<br />
ay ka mid yihiinka dekado yaryar oo macmal ah,<br />
kuwaasi oo iyagana laga yaabo in laga faa’iideyteen<br />
oo ay caawiyeen. Tusaalaha ugu fiican ee la soo<br />
qaadan karo sida khaldan ee loo leexiyey mucaawanadii<br />
debadda ee marka hore laga lahaa ujeedada fiican, ee<br />
ay aakhirkii uga faa’iideysteen dad khalad ah oo aan<br />
ahayn kuwii loogu talo galay, waxa ka mid ah arrin ka<br />
dhacday Puntland, halkaasi oo shirkad Ingiriis ah oo<br />
xagga ammaanka qaabilsan, oo la yidhaa Hard Security<br />
UK ay ka waddey tababarro la siinayo ciidanka<br />
ilaalada xeebaha ee gudaha, doonyo iyo qalab kale oo<br />
ay ku hawl galaan ciidamadaas, una adeegsadaan<br />
ilaalinta badda oo ay ka ilaaliyaan budhcad-badeedda<br />
iyo maraakiibta kalluumaysiga sharcidarrada ah ee<br />
ajanebiga ah. In kasta oo bilawgii uu mashruucaasi<br />
ahaa mid lagu guulaystay oo si fiican u hirgalay,<br />
haddana shirkaddii Hard UK waxay degaannadaasi ka<br />
baxday sannadihii 2000, ka dib markii halkaasi uu ka<br />
qarxay khilaaf dagaal oo gudaha. In badan oo ka<br />
tirsan ‘ilaaladii xeebaha‘ ee cusbaa ee sida fiican<br />
loo tababaray, ayaa si dhakhso ah u bedeley<br />
shaqooyinkoodii oo noqday budhcad-badeed, una<br />
adeegsaday qalabkoodii cusbaa iyo khibraddii ay<br />
heleen, si ka geddisan oo aad uga duwan ujeedadii<br />
markii hore laga lahaa ee loogu talo galay.<br />
277
Maxaa lagu samayn karaa marka la soo qabto qof<br />
budhcad-badeed ah? (What do you do with a pirate when<br />
you catch one?)<br />
Dihbaatooyinka waaweyn ee la xidhiidha budhcadbadeedda<br />
Soomaalida, waxa ka mid ah sida la odhan<br />
karo ee loo maarayn lahaa budhcad-badeedda marka la<br />
soo qabto. Xeerka caalamiga ah ee Qaramada Midoobey<br />
ee ka dejisan sharciyada baduhu waxa uu dhigayaa oo<br />
ku macnaynayaa budhcad-badeednnimadu inay tahay denbi<br />
caalami ah meel kasta, waxanu u ogolaanayaa dal kasta<br />
amma qaran kasta oo madaxbannaan oo dawli ahi, xaqa<br />
uu u leeyahay in uu soo qabqabto, dacwadan ku soo<br />
oogo oo uu maxkamad saaro budhcad-badeedda. Laakiin<br />
dalal badan waxa ka maqan oo aanay lahayn sharciyadii<br />
gaarka ahaa ee loo adeegsan lahaa arrimahani.<br />
Waxa kale oo jahawareer ka jira dalka xaqa u<br />
yeelanaya in uu sharciyadiisa iyo awoddiisa ku fuliyo<br />
oo uu ku qaado budhcad-badeeddaasi; waayo waxa laga<br />
yaabaa in markabku uu sito oo uu ku dal-maraayo calan<br />
gooni ah, laakiin isla markabkaasi in dal kale laga<br />
leeyahay, iyo in uu sito badeecado iyo shixnado loo<br />
wado dalal kale oo dhawr ah, iyo in shaqaalaha saaran<br />
dhalashadoodu ay iskugu jirto dalal kala gooni ah.<br />
Waxa kale oo iyana meesha ku jirta oo muhim ah dalka<br />
laga leeyahay ee uu ka tirsan yahay markabka dagaal<br />
ee soo qabtay budhcad-badeeddaas.<br />
Bilawgii, waxa dhici jirtey in la iska sii daayo<br />
badankooda budhcad-badeedda ay qabtaan maraakiibta<br />
dagaalka ee shisheeyuhu. Dalal badan oo ku jira<br />
hawlgalka caalamiga ah ee ilaalinta badaha ayaa raaci<br />
jirey oo ku dhaqmi jirey siyaasadda ah ‘soo qabo oo<br />
sii daa’, sababta oo ah in la qaso oo la curyaamiyo<br />
budhcad-badeedda, halkii la marin lahaa qaabab iyo<br />
habab adag oo dhibaato badan oo maxkamado lagu saaro.<br />
Tusaale ahaan, bishii September ee 2008, markab<br />
dagaal oo laga leeyahay dalka Denmark ayaa soo qabtay<br />
278
toban qof oo lagu tuhmey inay yihiin budhcad-badeed,<br />
iyaga oo maraya Khooriga Cadmeed, oo sitta<br />
garnayllada basuukayaasha iyo sallaan dheer. Ka dib<br />
markii la hayey muddo toddobaad ah, mas’uuliyiintii<br />
reer Denmark waxay go’aansadeen inayna haysan wax<br />
awod sharciyeed ah oo ay ku maxkamadeeyaan dadkaasi,<br />
sida awgeedna waxay kala wareegeen qalabkii ay<br />
siteen, waxayna geeyeen dadkii xaggaa iyo xeebaha<br />
Somalia oo ay ku daadiyeen.<br />
Bishii April ee 2009, ciidammo ka socda dalka<br />
Holland oo ka tirsan ciidamada ilaalada ee<br />
gaashaabuurta NATO, ayaa soo qabtay toddoba budhcadbadeed<br />
ah oo Soomaali ah, hasse ahaatee way iska sii<br />
daayeen, iyaga iyo doonnidoodiiba, iyo weliba shidaal<br />
ku filan oo ay sii siiyeen, si ay iyaga oo bedqaba oo<br />
nabad ah ay u gaadhaan dhulkoodii oo ay dib ugu<br />
noqdaan. Afhayeen u hadlay ciidamada badda ee NATO oo<br />
la yidhaa Taliye Chris Davies, waxa uu sheegay in<br />
sharci ahaan aanay jirin wax kale oo la samayn<br />
karayey: ’Waa arrin la xidhiidha xagga sharciyadda<br />
iyo sharci-dejinta. Budhcad-badeeddu waxay ahaayeen<br />
qaar bilawgii la soo qabtay oo rumaan ahaan loo<br />
hayey, waxana laga qaaday hubkii oo waxa laga dhigay<br />
dad aan waxba samayn karayn oo aan lahayn awod. Dib<br />
ayaana loo celiyey budhcad-badeeddaasi oo la sii<br />
saaray doonnidoodii, lana sii siiyey raashin iyo<br />
daruuriyaad kale oo taakulayn ah.’ 20<br />
Laakiin waxa jirey budhcad-badeed kale oo aan iyagu<br />
sidaa u sii nasiib badnayn. Qaar ka mid ah kuwaasi,<br />
waxa loo dhiibay oo lagu wareejiyey maamulka<br />
Puntland, halkaasi oo lagu xidhay xabsiyo buuxdhaafay.<br />
Mid ka mid ah budhcad-badeeddaasi, muddo<br />
toddoba bilood ah ayuu ku qaatay oo lagu dhex hayey<br />
markab dagaal oo Maraykan ah, waayo ma jirin cid<br />
go’aan ka gaadhi karaysay waxa ay tahay in lagu<br />
sameeyo amma sida la odhanayo. Qaar kale, waxay u<br />
gacan galeen ciidamada ilaalada badda ee Yemen oo<br />
279
qabqabtay, maxkamadna lagu saaray dalkaas Yemen, oo<br />
lagu xukumay dil.<br />
Markii muddo laga soo wareegey, waxa jirtey haddana<br />
in qaar ka tirsan budhcad-badeeddaasi in loo qaaday<br />
xabsiyo ku kala yaal dalalka Faransiiska, dalalka<br />
Netherlands, Maraykanka iyo meelo kale, halkaasi oo<br />
qaarkood bilo ay ku sugayeen in maxkamad la geeyo,<br />
iyada oo la diyaarinayey shariciyadii loo baahnaa.<br />
Kiiskii amma dacwaddii maxkamadeed ee ugu horraysay<br />
ee lagu qaado qaaradda Yurubna, waxa laga furay<br />
maxkamad ku taal dalka Holland, bishii May ee 2010.<br />
Sida ay ku tilmaantay jaridadda Daily Telegrah oo soo<br />
xiganaysa Collin Freeman oo wax ka qoray dacwaddaasi<br />
maxkamadeed, bishii June ee 2010, dadkaasi oo ahaa<br />
shan qof oo Soomaali ah, waxa la soo fadhiisiyey<br />
qolka maxkamad ku taal magaalada Rotterdam, iyaga oo<br />
‘xidhan dhar la soo ergisey, una muuqda in si weyn ay<br />
iskugu buuqsan yihiin oo ay jahawareersan yihiin, oo<br />
dhinacna u muuqda inay caajisan yihiin oo ay ka<br />
jajaban tahay, dhinacna faraxsan.’ 21 Shantaasi qof ee<br />
Soomaalida ah, waxa loo haystay oo lagu soo ogay<br />
dacwad, iyaga oo loo cuskanayo sharciyo ‘budhcadbadeednimada’<br />
oo markii hore la dejiyey qarnigii<br />
toddoba-iyo-tobnaad. Dadkan la heystey ee<br />
eedaysanayaasha ahaa waxay ku doodeen inay<br />
kalluumaysanayeen, wax xabbado ahna in aanay ridin.<br />
Hasse ahaatee qaar ka tirsan shaqaalihii markabka oo<br />
Turki ah, oo saarnaa markabkaasi Holland oo ah nooca<br />
xamuulka oo ka diiwaan-gashan jasiiradaha Antilles,<br />
ayaa waxa ay ku fureen markhaati ah in raggaasi ay u<br />
soo dhawaadeen markabka, iyaga oo watta doonni aad u<br />
dheeraynaysa oo si xawli leh u socota, soona ridaya<br />
taxshiirado iyo basuukayaal ay la soo eegteen dheegga<br />
sare ee markabka. Soomaalidii waxa lagu helay inay<br />
galeen denbigaasi, mid kastana waxa lagu xukumay shan<br />
sanadood oo xabsi ah.<br />
280
Dalka Maraykanka, intii ka danbaysay sannadkii 1820-<br />
kii, dadkii ugu horreeyey ee xeer-beegti Maraykan ahi<br />
ay ku qaaddo kuna hesho denbi ah fal dudhcad-badeed,<br />
waxa ay noqdeen shan Soomaali ah, oo bishii March ee<br />
2011-kii lagu xukumay xabsi-daa’im amma madaxaa-ha-ku<br />
furo. Waxay sameeyeen khalad xun oo halis weyn ah, oo<br />
ay ku khaldameen markab dagaal oo Maraykan ah oo ku<br />
jira hawlgal ah ka-hortag budhcad-badeed, una qaateen<br />
in uu yahay markab xamuul oo ganacsi.<br />
Dalalka reer-Galbeedka, waxa kale oo ay dhibaato ka<br />
haysataa cabsida ay ka qabaan in budhcad-badeeddaasi<br />
marka ay dhamaystaan xukunkii xabsida, inay isku deyi<br />
doonaan inay is-dhiibaan oo ay dalbadaan magangelyo.<br />
Budhcad-badeeddii ku xidhnayd dalka Holland, waxa la<br />
sheegay inay aad ugu faraxsanaayeen inay markii ugu<br />
horraysay noloshooda helaan musqulo biyo leh, laydh<br />
amma koranto afar-iyo-labaatanka-saacadood ah, iyo<br />
furaashyo raaxo badan. Looyar amma qareen u doodayey<br />
mid ka mid ah budhcad-badeedda, waxa uu ka hadalay<br />
nolosha raaxada ah ee xabsiyada Holland dhexdeeda,<br />
marka loo eego xaaladihii hore ee nololeed ee<br />
budhcad-badeeddan: ‘Markii ugu horraysay ee aan la<br />
hadlo amma wax weydiiyey eedaysanihii aan wakiilka ka<br />
ahaa ee aan daafacayey, waxa uu ii sheegay in<br />
joogitaanka halkan ee imiku ay tahay jannadii oo<br />
kale. Markii ugu horraysey noloshiisa, marna ma uu<br />
dareemin wax khatar ah oo uu ka cabsado halkan,<br />
Waxanu ku jirey xabsi casri ah oo leh suuli amma<br />
musqul iyo meel lagu qubeysto oo casri ah, kuwaas oo<br />
ah noocii ugu horreeyey ee uu abidkii helo<br />
noloshiisa.’ 22<br />
Iyaga oo qaba noloshaasi raaxada leh, marka loo eego<br />
sidii hore ee ay ahaan jireen, ee ay helayaan shanto<br />
sano ee ay ku jiraan xabsiyadan Holland, kuna<br />
haystaan qolal amma maqsinno gaar u ah oo leh<br />
telefishankii, musqushii iyo meeshii qubeyska ee ay<br />
ku maydhan lahaayeen, haddana budhcad-badeeddaasi<br />
281
waxa si kastaba suurtogal u ah inay xaq u yeeshaan<br />
inay is-dhiibaan oo ay codsadaan in la siiyo<br />
magangelyo, isla marka muddadii xukunka xabsigu ka<br />
dhammaato.<br />
Bishii March ee 2010, tirada guud ee maxaabiista<br />
budhcad-badeedda Soomaalidu waxay kor u dhaaftay<br />
siddeed boqol oo ku kala jira xabsiyada lix-iyo-toban<br />
dal oo kala duwan. Waxa jirey dedaallo badan oo kala<br />
geddisan oo la isku deyey in la sameeyo hab lagu<br />
midaynayo nidaamyada dacawadaha maxkamadeed ee la<br />
saarayo budhcad-badeedda iyo xabsiyada lagu haynayo,<br />
laakiin ilaa iyo hadda midna laguma guulaysan.<br />
Sannadkii 2009-kii, dalalka Marayknka, Midowga<br />
Yurub, Canada iyo dalal kale ayaa heshiis la gaadhay<br />
dawladda Kenya, heshiiskaasi oo ahaa in dadka loo<br />
haysto budhcad-badeednimada loo wareejiyo magaalada<br />
Mombasa ee xeebta ku taal, halkaasina lagu hayo,<br />
laguna maxkamadeeyo. Hasse ahaatee bishii April ee<br />
2010 ayay dawladda Kenya sheegtay in aanay aqbali<br />
doonin cid danbe oo loo haysto budhcad-badeednimo oo<br />
loo keeno, sababta oo ah in aanay haynin kharashkii<br />
iyo dhaqaalihii ku bixi lahaa ee loo baahnaa. Waxa<br />
kale oo ay intaasi ku dareen in hey’adaha caddaaladda<br />
ee Kenya imikaba ay qabaan kullays badan oo haysta oo<br />
aanay wada qaadi Karin, waxayna tibaaxeen in aanay<br />
doonayn in Kenya ay noqoto ‘Guantanamo-dii Budhcadbadeedda’.<br />
Ka dibna, lacagayow dheeraad ah oo debadda<br />
ah ayaa loo qoondeeyey maxkamad u gaar ah budhcadbadeedda<br />
oo laga sameeyey Mombasa, laakiin ila hadda<br />
hawshaasi ma noqon mid u hirgasha sidii laga rabey.<br />
Sannadkii 2010-kii, dalka Sychelles oo budhcadbadeedda<br />
Soomaalidu si xun u saamaysay ayaa heshiis<br />
la saxeexday Jamciyadda Qaruumaha ka dhaxaysa,<br />
heshiiskaasi oo dhigaya in halkaasi lagu maxkamadeeyo<br />
dadka loo haysto falalka budhcad-badeednnimada. Hasse<br />
ahaatee jasiiraddaasi waxay leedahay oo ku yaalla hal<br />
282
xabsi oo qudha, umana qalabaysan xabsigaasi si qaadi<br />
kartaa oo ku filan daryeelka dhibaato iyo culays<br />
baaxaddaas weyn leh.<br />
Waxa jirey talooyin la soo jeediyey oo ku saabsanaa<br />
in laga dhex sameeyo Somaliland iyo Puntland<br />
maxkamado iyo xabsiyo budhcad-badeed oo caalamku<br />
maalgeliyo, laakiin waqtigii la qorayey buuggani,<br />
kuwasi laftooda waxa ka horyimid carqalado amma<br />
dhibaatooyin.<br />
Marka ay sii daba dheeraataba... (The longer it goes<br />
on...)<br />
Mar kasta oo la sii xoojiyo raadcaysiga lagu soo<br />
qabqabnayo budhcad-badedda xeebaha Soomaalida, iyo<br />
mar kasta oo budhcad-badeed kale oo dheeraada la sii<br />
xukumo oo xabsiyada loo diro, waxa kale oo iyaguna<br />
sii kordhaya noocyada falalka iyo weerarrada budhcadbadeerddu<br />
ay ku kacayaan. Bilawgii, waxa aad u yaraa<br />
dilka amma dhaawaca loo geysto dadka la-haystayaasha<br />
ah ee la qafaasho, sababta oo ah inay uga faa’iido<br />
badan yihiin oo qiimo weyn ay ugu fadhiyaan budhcadbadeedka,<br />
inta la-haystyaashaasi nolol lagu hayo ee<br />
ay bedqabaan amma nool yihiin, ka sakow halkii laga<br />
dili lahaa amma ay noqon lahaayeen wax dhintay. Hasse<br />
ahaatee waxa dhacday in sannadihii u danbeeyey ay sii<br />
korhdaysay tirada dadka la-haystayaasha ah ee dhinta.<br />
Bishii February ee 2011, waxa la diley afar qof oo<br />
Maraykan ah oo la haystey, mar ay ciidammo Maraykan<br />
ahi ay qaadeen hawlgal ay doonayeen inay dadkaasi ku<br />
soo furtaan. Waxa khatar kale la sii geliyey<br />
xaaladihii xasaasiga ahaa ee awalba taagnaa, kuwaasi<br />
oo maraakiibta iyo dadka saaran ee shaqaalaha ah la<br />
soo deyn jirey ka dib marka madax-furasho la bixiyo,<br />
iyo budhcad-badeedda ay qabtaan ciidamada ilaalada<br />
badda ee caalamiga ahi oo la iska sii deyn jirey oo<br />
loo suurtogelin jirey amma loo ogolaan jirey inay dib<br />
283
ugu noqdaan dhulkoodii. Marka oo ay sii kordhaan<br />
tirooyinka budhcad-badeedda la dilo ee ay dilaan<br />
ciidammo nabadgelyo oo gaar ah amma ciidamada<br />
komaandoosta ee badda ee qaada weerarrada ay ku soo<br />
furanayaan maraakiibta, waxa dhinac kale suurtogal ah<br />
inay iyaguna sii kordhaan dilalka budhcad-badeeddu ay<br />
kula kacaan dadka la-haystayaasha ah.<br />
Waxa kale oo sii kordha cadhada iyo gaca-ka-hadalka<br />
budhcad-badeedda, mararka wadahadalka iyo gorgortanka<br />
lacagta madax-furashadu ay sii jiitamaan amma<br />
burburaanba. Bishii January ee 2010, nin la yidhaa<br />
‘Caddow’ oo ka mid ahaa budhcad-badeeddii haysatey<br />
lammaanihii Ingiriiska ahaa ee Paul iyo Rachel<br />
Chandler, waxa uu ii sheegay in waxa uu ku tilmaamay<br />
‘wiilal yaryar’ oo ka tirsan kooxdihii, inay ‘ku<br />
qabteen lammaanahasi qoryihii ay haysteen, kuna<br />
garaaceen’, sababtana waxay ahayd ayuu yidhi inay<br />
‘aad uga xanaaqeen oo ay ka cadhoodeen wadahadalladii<br />
lacagta madax-furashada oo wax horumar ah laga samayn<br />
waayey’.<br />
Warbixin uu soo saaray machadka loo yaqaan One Earth<br />
Future Foundation sannadkii 2011-kii, waxa uu<br />
faafiyey oo kashifay sheekooyinka aan waxba ka jirin<br />
ee la isla dhex maro ee sheega in budhcad-badeedda<br />
wax qabsataa ay yihiin dad leh naxariis<br />
banii’aadminnimo. Waxayna tusaale u soo qaadanaysaa<br />
oo ay eegaysaa warbixintaasi, waayo-aragnimada<br />
argagaxa leh ee ay soo mareen iyo waxyaabaha la baday<br />
ee lagula dhaqmay shaqaalaha maraakiibta ee la<br />
qabsado, kuwaasi oo sharikadaha maraakiibta ee ay ka<br />
tirsan yihiin mar walba u sheegaan oo amar ku siiyaan<br />
shaqaalaha, in aanay bixin wax warar ah oo ku saabsan<br />
sidii loola dhaqmay iyo dhibaatooyinkii ay soo<br />
mareen. Sababtuna waxa weeye in sharikadahaasi ay ka<br />
baqanayaan in taasi ka cabsiiso oo ay ka joojiso in<br />
dadku ay shaqooyin u doontaan maraakiibta.<br />
284
Warbixintu waxay ku tilmaamaysa wax ‘layaab leh’ oo<br />
laga argagaxo dhaawaca iyo dhibaatooyinka<br />
banii’aadminimo ee soo gaadha shaqaalaha maraakiibta<br />
ee la qafaasho, kuwaasi oo intooda badani ka yimaadda<br />
amma u kala dhashay dalalka Philippines, India iyo<br />
Bangladesh, oo warbaahinta caalamku aanay iyaga sidaa<br />
u danayn, si la mid ah sida ay u daneeyaan lahaystayaasha<br />
reer-Galbeedka ah. Kaija Hulburt oo<br />
bishii June ee 2011 wax ka qoray dhibaatooyinka<br />
banii’aadminnimo ee ay geystaan budhcad-badeedda<br />
Somaalida, waxa qoraalladaasi ka mid ahaa:<br />
Weerarrada (soo-furashada ah) lagu guuleysto iyo<br />
kuwa aan lagu guulaysan labaduba waxay khatar<br />
gelinayaan badmareennada oo halis ugu jira inay<br />
la kulmaan dhibaatooyin xanuun iyo argagax leh oo<br />
muddo dheer ku dhaca jidhkooda iyo maskaxdoodaba.<br />
Budhcad-badeedda Soomaalidu waa qaar si weyn u<br />
hubaysan, oo inta badan sitta qoryo, noocyada<br />
boobaha ah ee otomaatigga ah, gantaallo<br />
baasuukayaal ah, iyo waxyaabaha qarxa. Budhcadbadeeddu<br />
waxay weerar ku qaadaan maraakiibta,<br />
waxay faraxumeeyaan amma ku dacatiyaan oo ay<br />
gacan ula tagaan badmareennada, dadka lahaystayaasha<br />
ahna, waxay hoos-geeyaan oo ay u<br />
sameeyaan rag aad u hubaysan oo si buuxda u<br />
kontoroola, gaadhna ka haya oo waardiyeeya.<br />
Dhammaan xaaladahani oo dhammi waa qaar keeni<br />
karaa inay sababaan dhaawacyo halis ah oo soo<br />
gaadha iyo xattaa dhimasho ku timaad<br />
badmareennada. Waxa intaasi dheer, saamaynta<br />
dhibaatooyinkaasi muddada dheer ay ku jiraan ay<br />
ku yeelanayaan ee ay u dhaawacayaan maskaxda iyo<br />
dareenka badmaaxyada, oo in kasta oo dhaawacaasi<br />
uu yahay mid aan isla markaaba si sahal ah loo<br />
ogaan Karin oo aan u muuqan, haddana ah mid<br />
riiqdiisa danbe ee uu ku reebayaa ay aad u xun<br />
tahay. 23<br />
285
Warbixintu waxay sheegtay in sannadkii 2010 oo<br />
keliya gudihiisii, in dad ka badan afar kun oo qof oo<br />
badmareenno ah lagula kacay weerarro hubaysan, qaar<br />
kalena laga dhigtay gaashaan banii’aadan. Waxana<br />
warbixintu intaasi ku dartay in marka la isku<br />
celceliyo, muddada la haysto dadkaasi ay noqonayso<br />
ilaa shan bilood. Waxa kale oo ay ka hadashay<br />
noocyada ciqaabta kala geddisan ee jidh-dilka ah ee<br />
lagula kaco, waxana ka mid ah ayay tidhi:<br />
Dhuumo xoog leh oo biyo ah oo lagu furo lahaystayaasha,<br />
iyaga oo lagu dhex xidho<br />
qaboojiyayaasha markabka oo dusha lagaga qufulo,<br />
dadkaas oo lagu xidho dheegga sare ee markabka oo<br />
ay ku dhacdo qorrax amma milic aad u kulul oo<br />
lagu gubanayo, iyo la-haystayaasha oo inta la<br />
dedelo oo la foorariyo, madaxa hoos loogu rido oo<br />
la quusiyo badda ... iyada oo laga soo deldelo<br />
tiirarka markabka iyo biraha qadhabatooyinka ah<br />
ee la sudho hilibka ... la-haystayaasha oo inta<br />
la wada qaawiyo oo dharka laga dhigo, la iskugu<br />
keeno oo la soo tubo meel ka mid ah markabka<br />
dhexdiisa ... iyo iyada oo lagula kaco dilal<br />
beenbeen ah oo ku-dheeldheelis ah. 24<br />
Warbixintu waxay soo xiganaysaa nin ah farsamayaqaan<br />
xagga matoorrada, oo lagu qabsaday markabkii MV<br />
Marida Marguerite ninkaasi oo yidhi: ‘Maalin ka mid<br />
aha maalmaha, ayaa waxay i geeyeen xagga dusha ee<br />
markabka, waxayna iga xidheen gacmaha iyo lugaha oo<br />
ay garba-duub iskugu kay jebiyeen dhabarka, sidaasina<br />
aan ku jirey muddo laba saacadood ah. Waxa kale oo<br />
xiniinyaha ay igaga xidheen oo ay igu kiijiyeen<br />
waayir amma xadhig caag ah.’ 25<br />
Sida ay ka soo xigatey jariidadda The Guardian, nin<br />
isna Hindi ah, oo hore loo qabsaday, magaciisana la<br />
yidhaa Dipendra Rathore, ninkaasi oo saarna markab la<br />
286
qabsaday bishii April ee 2010, waxa uu sheegay in<br />
weli ay sii haysato dhibaatada raadkii uu ku reebay<br />
argagixii uu soo maray:<br />
Mar walba waxay nagu hayeen xaalad argagax iyo<br />
naxdin ah – si isdaabajoog ah ayay noo garaaci<br />
jireen, iyaga oo nala dhacaya biro dhaadheer ...<br />
waxan arkay shaqaalihi saxiibaday ahaa oo lala<br />
dhacayo ulo, iyo xadhkaha korantada oo xiniinyaha<br />
lagaga xidhay, nin inta xadhko lagu xidhay laga<br />
soo deldalay tiirka sare ee markabka, halkaasina<br />
ka soo deldalnaa dhawr saacadood. Xattaa haddii<br />
aanan indhahayga ku arag oo aanan goobjoog ka<br />
ahayn ciqaabaha jidh-dilka ah, waxan maqlayey<br />
qaylada. Welina qayladii dhegahayga ayay ka sii<br />
yeedhaysaa ilaa maantadani. 26<br />
Marka loo eego waayo-aragnimada dhibaatooyinkani<br />
laga soo kasbaday, haddana talooyinka ay soo saaraan<br />
ciidamada badda ee Midowga Yurub ee ku qoran qoraalka<br />
cunwaankiisu uu yahay Sida looga badbaado amma looga<br />
sabatabaxo budhcad-badeedka xeebaha Somalia<br />
(Surviving Piracy off the Coast of Somalia),<br />
talooyinka halkaasi ku yaal ayaa u muuqda wax kooban<br />
oo xaddidan. Waxana ka mid ah: ‘Haddii markabkaaga ay<br />
budhcad-badeed qabsato, waa in aad ku talo gashaa<br />
inay dhici karto in lagu haysto muddo dheer.<br />
Caadiyan, inta dadka la haystaa waxay u dhaxaysaa lix<br />
ilaa laba-iyo-toban toddobaad, laakiin waxa laga<br />
yaaba in intaasi ay wax badan ka sii dheeraato, iyada<br />
oo ku xidhan hadba sida loogu guulaysto wadahadallada<br />
gorgortanka.’ 27<br />
Iyada oo aanay dawladda ku-meel-gaadhka ah ee<br />
Somalia aanay xukumin oo aanay gaadhsiisnay<br />
degaannada ka tirsan dalka ee budhcad-badeednimadu ka<br />
jirto, suurtagal uma aha in dawladdu ay ka qaaddo<br />
tallaabooyin wax ku filan, oo wax lagaga qabanayo<br />
287
dhibaatadaas. Bishii Oktoobar ee 2009, ra’iisalwasaarihii<br />
waqtigaas, Omar Sharmarke, waxa uu ii<br />
xaqiijiyey oo uu ku ballanqaaday in xukuumaddiisu ay<br />
ka dhammayn doonto oo laga tirtiri doono budhcadbadeedda<br />
xeebaha Somalia oo dhan, labada sano ee soo<br />
socda gudahooda. Waxa uu ku gacansaydhay oo aanu<br />
waxba ka soo qaadin soo-jeedintaydii ahayd in laga<br />
yaabo in taasi ay ku noqoto hawl aad u cuslus oo<br />
dhibaato ku ah dawladda, maadaama ay awodda<br />
dawladdiisu xaddidan tahay, oo ay ku kooban tahay uun<br />
jidad yar oo ka tirsan magaalo-madaxda Muqdishu.<br />
Waxanu igu yidhi:’ Ma ahin waxa aan karti iyo awod<br />
lahayn, laakiin imkaaniyaadkii aannu wax kaga qaban<br />
kari lahayn dhibaatadani ayaanaan haysan oo aan<br />
dhammaan halkan wada ool. Waa sababtaa, sababta aannu<br />
debadda uga raadinaynno taageero iyo maalgelin.<br />
Waannu titiri doonnaa budhcad-badeedda, annaga oo u<br />
adeegsanaynna dadweynaha iyo olole waci-gelineed,<br />
kuna xoojinaynna quwad milatetr.’<br />
Sidii aan horeba u soo sheegnay, Midowgii<br />
Maxkamadaha Islaamiga ahi waxay awodeen inay wax ka<br />
qabtaan oo dhibaatadii budhcad-badeeddu ay aad u<br />
yaraato. Hansen waxa uu isna ka hadlayaa sida<br />
xukuumadda la magacbaday Jamhuuriyadda Somaliland ay<br />
guulo uga soo hoysey la-dagaallanka budhcad-badeedda:<br />
Guulaha Somaliland ka gaadhay la-dagaallanka<br />
budhcad-badeednnimada ayaa ah wax weyn oo loo<br />
bogo oo aan la filayn ... ka sakow ciidamadooda<br />
ilaalada xeebaha oo aad u taag daran, haddana<br />
weerarrada budhcad-badeedda ee ka dhacay qaybaha<br />
ku aaddan iyaga ee aagga dhaqaale ee badaha<br />
Soomaaliyeed, ayaa ahaa weerarro tiradoodu ay ka<br />
yar tahay qiyaastii mid amma hal labadii sanaba<br />
mar ka dhaca halkaasi, marka la eego guud ahaan<br />
tobankii sano ee ugu danbeeyey. Somaliland waxay<br />
si degdeg ah uga hortagtaa kooxaha budhcadbadeedda<br />
ee la soo sheego, ee wararkooda la isla<br />
288
dhex maro, kooxahaasi oo ay soo qabqabtaan amma<br />
gacanta ku soo dhigaaan ka hor inta aanay isabaanulin,<br />
amma xilliga ay diyaargaroobayaan ee<br />
weli aanay ku kicin wax hawlgal ah oo ay<br />
fuliyaan. 28<br />
Waa wax xiiso leh in Midowgii Maxkamadaha Islaamiga<br />
ah iyo xukuumadda Somaliland ay ku guulaysteen in wax<br />
laga qabto oo la yareeyo dhibaatada kaga timaadda<br />
budhcad-badeednnimada, si ka badan heerka waxqabashada<br />
ciidamada caalamiga ah ee ilaalada badda<br />
xeebaha Soomlia oo kharsha aad u badani ku baxo,<br />
kuwaasi oo aan samayn oo qudha hawgallo wadajir ah oo<br />
ay iska kaashadaan ciidamada hawlgallada gaarka ah ee<br />
Ururka Midowga Yurub iyo gaashaanbuurta NATO,laakiin<br />
ay ka qaybqaataan maraakiib dagaal oo goonida ah, oo<br />
ka kala socda dalal ay ka mid yihiin Ruushka, Iran,<br />
India, China iyo Japan.<br />
Tani waxay daliil amma caddayn u tahay in sida ugu<br />
habboon ee waxa lagaga qaban karo dhibaatada budhcadbadeedda,<br />
inay tahay xagga dhulka, iyada oo loo<br />
adeegsanayo inta badan qaababka iyo tabaha wax lagu<br />
xalliyo ee gudaha ee Soomaalida, kuwaasi oo lagu<br />
ladhi karo gacansiin iyo taageero debadeed.<br />
Budhcad-badeeddu waxay keentay in caalamku uu fikrad<br />
khaldan oo aan wada sax ahayn uu ka qaatto Somalia.<br />
Sawika guud ee laga haystaana waa dal ay abaaro ku<br />
habsadeen oo la degeen, oo ay haystaan kooxo ku<br />
xidhan al-Qaacida, oo budhcad-badeed gashay oo ay ku<br />
faaftay biyahooga amma badahooga.<br />
Lama dafiri karo in kooxo marka sidaas loo eego ilaa<br />
heer koobani, in ay horseedeen oo ay sababeen<br />
dhibaatooyin khasaare oo ballaadhan. Laakiin haddana<br />
xaqiiqada ah in maamullo gudaha ah oo yaryar, oo<br />
awoddoodu ay kooban tahay marka la barbar dhigo kuwa<br />
kale, in ay keeneen oo ay heleen xal iyo farsamooyin<br />
wax-ku-ool ah oo shaqaynaya, taasi ayaa manaheedu uu<br />
289
yahay in dhinac kale looga wareegi karo, iyada oo<br />
laga shidaal qaadanayo amma wax laga baranayo<br />
tusaalooyinka waayo-aragnnimada Midowgii Maxkamadaha<br />
Islaamiga ah iyo Somaliland.<br />
290
CUTUBKA 6aad: SOMALIA IYO ADDUUNKA DEBADDA<br />
Faragelinta debadeed ee lagu samaynayey Somalia,<br />
laga soo bilaabo dhicitaankii Siyaad Barre ee 1991-<br />
kii, waxay noqdeen qaar aan inta badan lagu gaadhin<br />
ujeeddooyinkii laga lahaa, sida aan loogu guulaysan<br />
ee ay ku danbeeyeen dedaalladii kale ee debadda ee<br />
isku deyayey in dib loogu dhiso dawladnnimadii, amma<br />
wax lagaga qabto dhibaatooyinka dalkaasi. Qaar maba<br />
yeelan wax saamayn ah, qaarna waxay uga sii dareen oo<br />
ay sii xumeeyeen xaaladihii halkaasi ka jirey. Sida<br />
ay tilmaamayso qoraaga Anna Lindley, ka sakow<br />
dhammaan wixii faragelin ahaa ee lagu sameeyey<br />
Somalia, haddana Soomaalidu marna ma ogolaan inay<br />
noqdaan oo keliya madiidin ay ku adeegtaan ajanebigu:<br />
Faragelinta debadeed waxay marar badan kaalin<br />
weyn ka qaadatay abuurista xaalado dagaal iyo<br />
burbur dawladnnimo. Somalia, waxa jirey<br />
xilliyadii dagaalkii qaboobaa oo la maalgelinayey<br />
dhismaheeda milateri (taasi oo marna la<br />
bedeleyey, mararna lagala noqonayey oo la<br />
joojinayey), mucaawano caalami ah (oo marna si<br />
xad-dhaaf ah loo siinayey, mararna laga<br />
joojinayey), iyo dib-u-habayn koboca dhaqaalaha<br />
oo ku salaysan afkaarta casriga ah ee<br />
furfurnaanta amma liberaalka (oo ay ku jirto<br />
khaladaadka aragtidani laga fahmay). Dhammaan<br />
arrimahani waxay gacan ka geysteen inay<br />
deganaansho la’aan ku keenaan dawladnnimadii iyo<br />
qarannimadii, faragelintii caalamiga ahaydna<br />
waxay si cad ugu guuldarraysatay inay xal u hesho<br />
khilaafka Somalia ilaa bilawgii muddo labaatan<br />
sano ah. Laakiin, ka sakow guuldarrada<br />
qorshayaashii loo dejiyey in isbedel lagaga<br />
sameeyo Somalia, haddana nolosha Soomaalida ee<br />
gobolkaasi waxay ahayd mid socota, soona martay<br />
qaabab kala duwan oo ijtimaaci iyo dhaqaale,<br />
habab cusub oo siyaasadeed iyo isbedello. 1<br />
291
Dadka leh awodda siyaasadeed, ma aqbalaan in<br />
siyaasadahoogii ku aaddanaa Somalia inay fashilmeen.<br />
Ra’iisal-wasaarihii hore ee dawladda Ingiriiska, Tony<br />
Blair, mar la weydiiyey bishii September ee 2010-kii<br />
in uu u arko in siyaasadihii reer-Galbeedka ee ku<br />
aaddanaa Somalia iyo Yemen ay dhibaato ku keeneen<br />
reer-Galbeedka oo ay sii xoojiyeen uun ururka al-<br />
Qaacida iyo ururrada kale ee xagjirka ah, halkii ay<br />
ka daciifin lahaayeen, waxa uu ku jawaabay Tony<br />
Blair:<br />
Marka kooxahan jooga Yemen iyo Somalia ay<br />
gumaadayaan dadweynaha aan waxba galabsan, ma aha<br />
annaga kuwa ugu wacan ee ku kicinaya inay<br />
falalkaasi ku dhaqaaqaan. Waxa nala gudbooni waa<br />
in aannu ka qabanno. Waa dood aan qiime iyo macne<br />
ah lahayn in la yidhaado annaga ayaa ugu wacan oo<br />
ku kallifaynna inay sidaas sameeyaan....Ma<br />
waafaqsanin oo ma aqbalayo hadalladan odhanaya<br />
siyaasadaha dalalka reer-Galbeedka ayaa sii<br />
xoojiyey ururradan Yemen iyo Somalia. Siyaasadaha<br />
reer-Galbeedku waxay u qaabaysan yihiin oo loogu<br />
talo galay in laga hortago oo wax laga qabto<br />
xumaha iyo wixii khalad ah, wixii dib-usocodnnimo,<br />
dammiir-xumo iyo dib-u-dhac ah. 2<br />
Somalia waxay dhibaato weyn oo madax-xanuun ah ku<br />
ahayd quwadaha waaweyn ee debadda, xilliyo badan oo<br />
ka tirsanaa taariikhdeeda. Laga soo bilaabo<br />
horraantii 1900-kii, ciidamadii daraawiishta ee<br />
wadaadkii ‘Mad Mullah’, waxay qas kala hortegeen<br />
qorshayaashii isticmaarka, gaar ahaanna kuwii<br />
Ingiriiska. Faragelintii Maraykanka iyo Jamciyadda<br />
Qaruumaha ka Dhaxaysa ee 1990-yadii waxay noqdeen<br />
kuwa gaar ahaan yeeshay saamayn xun iyo xanuun weyn.<br />
Hawlgallo loogu talo galay bilawgii inay noqdaan<br />
292
gurmad banii’aadminnimo, ayaa waxa ay ku danbeeyeen<br />
ciidamadii Maraykanka iyo Qaramada Midoobey inay ka<br />
mid noqdaan dhinacyadii dagaallameyey ee is-hayey,<br />
kuwaasi oo in badan oo ka tirsan dadkii loogu talo<br />
galay in ciidamadaasi ay u gurmadaan oo ay u<br />
gargaaraan, ay u arkeen isla ciidamadaasi qaar cadow<br />
ah. Waa markaas marka uu soo baxay hal-hayska amma<br />
ereyada ah ‘hawlgal leexday/isbedely’. Ereyadaas waxa<br />
soo saaray qoraaga Jim Hoagland oo wax ku qori jirey<br />
jariidadda the Washington Post, isaga oo wax ka qoray<br />
faragelintii Maraykanka ee 1993; waxana ugu<br />
horraantii lagu isticmaalay in lagu tilmaamo sida<br />
faragelin debadeed ay ugu danbayn karto wax gebi<br />
ahaanba ka geddisan, kana murug iyo mashaakil badan,<br />
wixii hore ee loogu talo galay amma ujeeddooyinkii<br />
marka hore laga lahaa in hawgalkaasi uu guto. 3<br />
Xilliyadii faragelintaasi debadeed ee burburku ka<br />
yimid, xoghayaha guud ee Qaramada Midoobey waxa ahaa<br />
Boutros Boutros-Ghali. 1996k-kii, waxa uu ka hadlay<br />
sida xaaladaha Somalia ay u noqdeen kuwa ugu fool<br />
adag ee weligood la soo gudboonaaday Jamciyadda<br />
Qaruumaha ka Dhaxaysa, waxanu yidhi: ‘dedaalkii<br />
Qaramada Midoobey ee ku saabsanaa sidii wax looga<br />
qaban lahaa dhibaatooyinka banii’aadminnimo ee<br />
Somalia, sidii kor loogu qaadi lahaa dib-uheshiisiinta<br />
kooxaha dagaallamaya iyo hroumarinta<br />
dib-u-heshiisiinta qaran, dedaalladani waxay<br />
horseedeen oo ay keeneen dhinaca kale hawlgalladii<br />
ugu qallafsanaa ee ugu fool adkaa, ugu hawl badnaa<br />
taariikhda Jamciyadda Qaruumaha ka Dhaxaysa kontonkii<br />
sano ee ay soo jirtey.’<br />
Ka dib markii lagu guuldarraystay hawlgalladii<br />
kharashka badani ku baxay ee Qaramada Midoobey iyo<br />
Maraykanka, oo weji-gabax ku danbeeyey, quwadihii<br />
shisheeyaha iyo hey’adihii caalamiga ahaa intoodii<br />
badnayd waxay ka baxeen Somalia. Qaybo ka tirsan<br />
dalkaasi waxay galeen xaalado nabadgelyo-la’aan amma<br />
293
deganaasho la’aan ah oo joogto ah, waxayna u kala<br />
jajabeen qaybo iyo kooxo kala geddisan oo mar walba<br />
isbedelaya, inta bandanna midba midka kale dagaal<br />
kula jiro. Qaybo kale oo dalkaasi ka tirsanaa<br />
goonidooda ayay u baxeen, qaybta ugu fogaatey ee<br />
tusaale loo soo qaadan karaana waxay noqotay<br />
Somaliland oo ku taal Waqooyi Galbeed oo iyadu ku<br />
dhawaaqday madaxbannaani, oo in kasta oo aanay helin<br />
guud ahaan wax mucaawano ah oo debadeed oo muuqda,<br />
haddana samaysay dib-u-dhis gaadhay in uu abuurmo hab<br />
siyaasadeed iyo mid dhaqaale oo shaqaynaya.<br />
Sidii nabad iyo deganaansho waara looga dhalin lahaa<br />
Somalia, waxay noqotay hawl aad u weyn, ilaa haddana<br />
aan maare loo helin oo hortaal dawladaha debadda ee<br />
siyaasadaha hoggaamiya. Sideedaba, labada waxa fudud<br />
in laga hadlo oo la tiriyo waxyaabaha ka qabsoomi<br />
waayey arrimaha Somalia, marka loo eego wixii<br />
qabsoomay. Waxa guuldarraystay fargelintii<br />
ballaadhnayd ee milateri. Waxa kale oo fashilmay<br />
shirarkii durugsanaa ee dib-u-heshiisiinta ee lagu<br />
qabanayey dalalka debadda. Haddana lama hayo ilaa<br />
hadda wax dammaanad-qaad ah oo lagu kalsoonaan karo<br />
in hababka ka shaqeeyey Somaliland, iyo Puntland iyo<br />
maamul-goboleedyada kale oo ilaa heer ka yar marka la<br />
barbar dhigo Somaliland, in lagu dayan karo oo sidoo<br />
kalena lagu dabbiqi karo meelaha kale oo ay habakaasi<br />
ka shaqayn karaan. Waayo waxa dhici kartaa in haddii<br />
habkani la wada raaco, aakhirka ay suurtogal noqoto<br />
in dalku gebi ahaanba uu kala qaybqaybsamo, oo uu<br />
lumiyo guud ahaan jiritaankii qaran dawli ah.<br />
Somalia iyo ‘la-Dagaallanka Argagixisada’(Somalia and<br />
the ‘War on Terror’)<br />
Kor-u-kicitaankii dagaallada Islaamiyiinta ee<br />
gobolkaasi iyo meelaha kale ee adduunka ka tirsan,<br />
waxay Somalia dib ugu soo celiyeen raadaarka amma<br />
294
indhaha caalamka. Dhacdooyinka ugu waaweyni waxay<br />
ahaayeen sanaddii 1998-kii, markii la duqeeyey ee la<br />
qarxiyey safaaradihii Maraykanka ee ku kala yaalley<br />
dalalka Kenya iyo Tanzania, iyo weerarlki al-Qaacida<br />
ay ku qaadday Maraykanka 11-kii bishii Sept 2001,<br />
weerarradaas oo wax weyn ka bedeley sidii adduunku u<br />
dhaqmayey. Ururkii Islaamiyiinta Soomaalida ee al-<br />
Itixaad ayaa waxa lagu daray liiska Maraykanka ee<br />
ururrada lala xidhiidhiyo argagixisada. Waxa sidoo<br />
kale liiskaasi lagu daray shirkaddii xawaaladaha<br />
lacagta ee Soomaalida ee al-Barakaat. Laba bilood ka<br />
bacdi weerarkii 9/11, dawladda Maraykanku waxay amar<br />
ku bixisay in la xidho shirkaddii al-Barakaat.<br />
Maraykanku waxay ku eedeeyeen milkiilihii<br />
shirkaddaasi, Ahmed Ali Jimale, in uu yahay nin ay<br />
saaxiib yihiin oo taageera Osama Bin Laden, oo<br />
maamula lacagihiisa, una gudbiya lacagahaasi ururka<br />
al-Qaacida meel kasta oo adduunka looga baahdo. Sidii<br />
aan horeba u soo sheegnay, waxa la fadhiisiyey amma<br />
la xayiray koontooyinkii baananka ee shirkaddaas,<br />
taasi oo macnaheedu noqday in Somaalidii qurba-joogta<br />
ahayd aanay awodi Karin inay lacagayow u diraan<br />
qaraabadoodii iyo qoysaskoodii joogey Somalia ee<br />
noloshoodu ku xidhnayd xawaladahaasi. Madaxweyne<br />
George W Bush waxa uu si weyn uga faa’iideystey<br />
adeegsiga siyaasadda hal-hayska ‘la-Dagaallanka<br />
Argagixisada’, markii bishii November ee 2001 uu ku<br />
dhawaaqay xidhitaankii al-Barakaat:<br />
Xidhitaanka shabakadahan amma adeegyadani waxay<br />
keenayaan kala-dhantaalinta iyo joojinta hawlaha<br />
ururradan dilaaga ah. Tallaabadan maanta la<br />
qaaday waxay kala dhantaalaysaa isgaadhsiintii<br />
iyo taakulayntii al-Qaacida oo ay ka xannibayso<br />
hanti muhim ah oo ay heli jireen. Waxay inna<br />
siinaysaa xog iyo macluumaad muhim ah, waxayna<br />
farriin adag oo cad u diraysaa hey’adaha iyo<br />
sharikadaha lacagayowga ee adduunka; farriintaasi<br />
295
oo ah – in aad amma annaga nala jirtaan, amma la<br />
jirtaan argagixisada. Haddii ay noqoto in aad la<br />
jirtaan argagixisadana, waxad heli doontaan oo la<br />
idin marin doonaa abaalkiinna. Waxan la<br />
dagaallamaynnaa cadow ku dhuumanaya hogag ku yaal<br />
Afghanistan, iyo kuwo noo soo hoos gelaya<br />
mujtamacayaga amma dadweynahayaga. Waa cadow<br />
jiritaankiisu ku xidhan yahay oo qudha inay<br />
dhuumasho ku jiraan meel mugdi ah. Maanta waxan<br />
qaadnnay tallaabooyin kale oo muhim ah oo aan ku<br />
fashilinaynno cadowgaasi, bannaankana ku soo<br />
dhigaynno, kuna wiiqaynno awoddiisa uu khatar ku<br />
noqon karo Maraykanka iyo nolosha dadka aan<br />
denbiga lahayn. 4<br />
Muddo sannad ka yar ka dib, al-Barakaat waxa laga<br />
saaray liiskii argagixisada ee Maraykanka, markii la<br />
waayey xaqaa’iq amma caddaymo ku filan in loo cuskado<br />
inay marin u yihiin lacagayowga al-Qaacida. Laakiin<br />
tallaabadani waxay noqotay ciyi waa ka beryey oo<br />
waqtigii loo baahnaa la soo dhaafay. Maraykanku waxa<br />
uu fogeeyey oo uu dayriyey dad badan oo jooga<br />
Somalia, isaga oo ka jaray amma joojiyey ilihii ay<br />
noloshoodu ku xidhnayd ee ay ku tiirsanayeen boqolaal<br />
kun oo ka tirsan dadweynuhu, iyo isaga oo israaciyey,<br />
una dhigay in xidhiidh dhow oo sokeeye ka<br />
dhexeeyo al-Itixaad, al-Barakaat, iyo dhinaca kale<br />
al-Qaacida. Xidhiidhinta ururradani lala xidhiidhiyey<br />
argagixisnnimada, Maraykanku waxa uu kaalin ka qaatay<br />
in haatan Somalia si kale loo arko oo looga fikiro.<br />
Waxyaabaha ka dhaca dalkaasina waxa marba marka ka<br />
danbaysa laga dhex arkayey al-Qaacida iyo dagaallo<br />
Islaami ah. Taariikhdii ayaa dib loo qoray, waxana<br />
dib u qoray qaar ku dooday in al-Qaacida ay masuul ka<br />
ahayd oo ka danbaysey dilkii 18 askari oo ka tirsanaa<br />
milateriga Maraykanka ee magaalada Muqdishu sannadkii<br />
1993. Dhacdooyinkii 9/11 iyo waxyaabihii ka dhashay<br />
296
ee ‘la-Dagaallanka Argagixisada’ waxay wax ka<br />
bedeleen oo ay qaabeeyeen siyaabihii Maraykanka iyo<br />
kuwa kaleba ay u arkayeen ee ay u waajahayeen<br />
Somalia. Siyaabo bandanna, waxay noqotay meel lagu<br />
bilkeediyo amma tijaabiyo sida quwadaha adduunku ay<br />
wax uga qaban karaan ee ay uga hortegi karaan<br />
Islaamiyiinta xagjirka ah, gaar ahaanna<br />
joogitaankooda Afrika.<br />
Istaraatijiyadii Hey’adda Nabad-Sugidda Qaranka ee<br />
Mraykanka ee 2002, ee xilliyadii maamulkii madaxweyne<br />
Bush, waxay muujinaysay wejiga cusub ee siyaasadda<br />
Maraykanka ee ku fool leh Afrika wixii ka danbeeyey<br />
dhacdadii 9/11; siyaasaddaasi oo xoogga saaraysay<br />
dedaallada la xidhiidha la-dagaallanka iyo kahortagga<br />
argagixisada: ‘Afrika, rajada iyo fursadaha<br />
ka jiri kara waxa barbar yaal cudurro,, dagaallo, iyo<br />
saboolnnimo ba’an. Kuwani waxay khatar ku yihiin laba<br />
arrimood labadaba, kuwaasi oo kala ah qiyamka suubban<br />
ee Maraykanka ee ah in la daryeelo heybadda<br />
bani’aadamka, iyo dhinaca kale mudnaanta<br />
istaraatijiyada Maraykanka ee ah la-dagaallanka<br />
argagixisada caalamiga ah.’ 5 Afar sano ka bacdi,<br />
istaraatijiyadii Maraykanka waa la sii baradheeraysiiyey<br />
oo kor ayaa loo qaaday. Afrika waxa<br />
lagu asteeyey amma tilmaamay inay tahay mid leh<br />
‘mudnaan sare’. Qoraalkii qorshaha istaraatijiyadeed<br />
ee Nabad-Sigidda Qaranka ee Maraykanka ee sanaddii<br />
2006-dii, waxa ku yaalley: ‘Nabadgelyada iyo<br />
badbaadadeennu waxay ku xidhan tahay in lagala<br />
shaqeeyo Afrikaanka, xoojinta dawladaha jilicdasan ee<br />
sii fashilmaya oo la dabaqabateeyo iyo meelaha aan<br />
lahayn maamul dawli ah oo loo sameeyo hab iyo nidaam<br />
diimoqoraadi ah oo shaqeeya.’ 6<br />
Soo-ifbixitaankii awodda Midowga Maxkamadaha<br />
Islaamiga ah (UIC), waxay ka dhignayd oo calaamad ay<br />
u ahayd isbedel kale oo ku yimaad siyaasaddii debadda<br />
ee ku waajahnayd Somalia. Maraykanka iyo kuwa kaleba<br />
297
waxay u muuqdeen inay ku adkaatay inay fahmaan asalka<br />
maxkamadahaasi oo ku bilaabmay isbahaysi debecsan<br />
amma heer hoose ah oo ay samaysteen maxkamadihii<br />
shareecada oo ka dhashay gudaha. Maraykanku waxay u<br />
arkeen oo qudha khatar ku xidhan al-Qaacida.<br />
Ururradii gudaha iyo dawladihii debadda ee ka soo<br />
horjeedey maxkamadahaasi UIC, gaar ahaann<br />
qabqablayaashii dagaalka ee Soomaalida iyo Ethiopia,<br />
waxay u isticmaaleen oo ay uga faa’iideysteen<br />
walaacaasi uu maraykanku ka qabey dhaqdhaqaqaasi<br />
maxkamadaha, sidii iyaga maslaxaddoodu ay ku jirtey.<br />
Qabqablayaashii dagaalka oo cabsi weyn ka qaaday<br />
awodda iyo sumcadda sii ballaadhanaysa ee<br />
maxkamaduhu, waxay sii huriyeen cabsidii Maraykanka<br />
ee ku saabsanayd khataraha Islaamiyiinta Somalia ka<br />
iman kara oo sii kordhaya, iyaga oo u dhigaya in<br />
maxkamadaha Islaamiga ah ee UIC ay yihiin qaar soo<br />
saara oo lagu abuuro xagjirnnimada, iyo meel ay dhici<br />
karto inay iskugu tagaan oo ay ku ololaystaan kuwa<br />
jihad-doonka ahi. Maraykanku waxay qaateen<br />
fikraddaasi, waxayna taageereen abuuritaankii ay<br />
qabqablayaasha dagaalku samaysteen Isbahaysigii la-<br />
Dagaallanka Argagixisada iyo Dib-u-soo-celinta<br />
Nabadda. Isticmaalka ereyada ‘nabadda’ iyo ‘ladagaallanka<br />
argagixisada’ ee magaca Isbahaysigaasi,<br />
waxay ahaayeen qaar xeelad iyo ujeeddooyin aan daacad<br />
ahayn ay ka wateen qabqablayaasha dagaalku, sida<br />
muuqatana ay ugu talo galeen inay ku helaan<br />
taageerada Maraykanka. Qabqablayaasha wax u darnaa<br />
iyaga oo ay si weyn u danaynayey inay dib u soo<br />
ceshadaan awoddii xukunka ee Maxkamadihii UIC ay la<br />
wareegeen, taasi ayaana runtii kala weyneyd ladagaallanka<br />
‘argagixiso’ amma dib-u-soo-celinta<br />
nabadda.<br />
Si ahaan, waxa loo qaadan karaa in Maraykanka iyo<br />
dalalka ay isbahaysiga leeyihiin ay hore u<br />
go’aamiyeen in Somalia ay tahay aag cusub oo al-<br />
298
Qaacida ay ku jirto, dhawr sano ka hor xataa intii<br />
aanay taasi dhaboobin. Aragtidani waxa laga yaabay<br />
inay kaalin ka qaadatay soo-ifbixitaanka dhaqdhaqaaq<br />
islaami ah oo xagjir ah oo ka hanaqaada Somalia.<br />
Aragtida loo arkay iyo la-dhaqanka loola dhaqmay<br />
Soomaalida sidii waxay yihiin argagixiso oo kale,<br />
waxa laga yaaba in taasi lafteedu ay gayeysiisay oo<br />
ay ku kalliftay in dadka qaar ee dalkaasi ay noqdaan<br />
xagjir. In Somalia lagu shaabadeeyo magacaasi oo lala<br />
xidhiidhiyo argagixisadana, waxa laga yaabay in taasi<br />
lafteedu ay si dadban ugu noqotay xayeysiis iyo<br />
iidheh soo jiidata, kuna baraarujisa oo ay ku soo<br />
hirtaan dagaalyahannada jihad-doonka ah ee ajanabiga<br />
ah, ee doonaya inay hawlgalladooda ku faafiyaan<br />
adduunka, kuna yeeshaan lug iyo galaangal gobollada<br />
Afrika ee ka hooseeya Saxaaraha. Sida uu qoray<br />
caalimka culuunta Anthrooboolojiyada, Markus Virgil<br />
Hoehne, sananddii 2009, baadhitaan la sameeyey waxa<br />
ka soo baxay in laga yaabo in Maraykanku uu ku<br />
khaldanaa in uu ku degdego in Somalia lagu tilmaamo<br />
amma laga dhigo meel soo dhaweysa oo ay ku gabbadaan<br />
argagixisada Islaamiyiinta ahi:<br />
Iyadoo ka geddisan aragtidii laga qaatay iyo sida<br />
loo haysto Somalia oo ah ‘meel madow oo khatar<br />
ah’ oo aan maamul iyo nidaam ka jirin, sida ay ku<br />
dhawaaqeen ee ay ku doodeen siyaasiyiinta iyo<br />
aqoonyahannada qaar, Barnaamijka Harmony ee<br />
Xarunta xog-baadhka la-Dagaallanka Argagixisada<br />
ee West Point (Akademiyada Sare ee Milateriga<br />
Maraykanka ee gobolka New York), waxa<br />
barnaamijkaasi uu dhawaan muujiyey in<br />
maqnaanshaha amma jiritaan la’aanta dawladeed ee<br />
Somalia aanay ka dhignayn in si toos ah dalkaasi<br />
u noqday meel ay ku beeranto argagixisnnimada al-<br />
Qaacida. Xog-baadhayaashii warbixintaasi, oo ka<br />
duulayey warbixinno xagga mukhaabaraadka aha oo<br />
sir ahaa oo markan la ogolaaday in la akhristo<br />
299
amma la faafiyo, oo la xidhiidhey hawlgalladii<br />
al-Qaacida ee Geeska Afrika ee sannadihii 1990-<br />
yadii, waxay ku soo gabagabeeyeen in hawlgallada<br />
Islaamiyiintii ajanebiga ahaa ay kala kulmeen<br />
Somalia dhibaatooyin la mid ah kuwii ka hor yimid<br />
hawlgalladii Qaramada Midoobey iyo faragelintii<br />
Maraykanka ee milateri iyo gargaarka<br />
banii’aadminnimo ee Somalia, sanadihii u<br />
dhexeeyey (1992 – 1995): Dhinac ahaan waxa shaki<br />
iyo aammin-darro ku keenay inay yihiin ‘ajanebi’<br />
wata dariiqooyin iyo mad-habo Islaami ah laakiin<br />
loo arko wax bidci ah oo aan caan ka ahayn amma<br />
aan laga aqoon Somalia. Waxa kale oo dhibaato ku<br />
noqday nidaamka isbahaysiga beelaha iyo<br />
qabaa’ilka ee mar kasta isbedelaya, kaabayaasha<br />
iyo adeegyada dalka ee jilicdasan amma burbursan,<br />
badbaado la’aanta, iyo iyaga oo khatar ugu sugnaa<br />
faragelin debadeed, maadaama aanay jirin dawlad<br />
ilaalinaysa qarannimada dalkaasi iyo in aan la<br />
soo faragelin. Waxa kale oo ay halis ugu jireen<br />
in la sheego oo ashkhaas hoose oo denbiilayaal ah<br />
amma Soomaalida kaleba ay ‘lacag kaga qaataan’<br />
cadowga (Maraykanka). 7<br />
Soo-gelitaankii Itoobiya (The Ethiopian Invasion)<br />
Isaga oo ka digtoon in mar kale la sameeyo faragelin<br />
burbur ka yimaaddo sidii tii horraantii 1990-yadii oo<br />
kale, Maraykanku waxa uu ka foojignaa in uu isagu<br />
qaado tallaabo weyn oo milateri oo toos ah oo uu ka<br />
qaado waxa loo arkayey khatarta al-Qaacida ee ka soo<br />
socota Somalia. Waxase uu helay saaxiib kale oo u<br />
qummin kara danihiisa oo ah Ethiopia oo uu ka dhigay<br />
dal muhim ah oo qayb ka ah iskaashiga ‘la-Dagaallanka<br />
Argagixisada’, Ethiopia oo iyada lafteedu lid ku<br />
ahayd oo ka horjeeddey Midowgii Maxkamadaha Islaamiga<br />
ah. In kasta oo Ethiopia iyada lafteedu ay diyaar u<br />
300
ahayd iskaashigaasi, haddana waxay ahayd tan gaar<br />
ahaan ugu liidata ee la doorbidi karo amma ku<br />
bannaanaan karta ka qaybgalka iskaashigaasi, sababta<br />
oo ah cadaawadda taariikhda dheer ee ka dhaxaysa<br />
Somalia iyo Ethiopia, oo faragelin kasta oo Ethiopia<br />
ay ku jirto ay dadweynaha Somalida intooda badani u<br />
arkayaan arrin xassaasi ah oo daandaansi weyn ah.<br />
Iyadoo haysata taageerada Maraykanka, Ethiopia waxay<br />
si buuxda weerar ugu qaadday oo ay gashay Somalia<br />
bishii December 2006, waxayna halkaas u dirtay oo<br />
galay ciidamo gaadhaya 14,000, waxayna duqayn xagga<br />
cirka ah ku qaadday goobo istaraatiji ah oo ku dhex<br />
yaalley magaalada Muqdishu. Isla markaasi, Maraykanku<br />
waxa uu isna xagga cirka ka garaacay dhawr jeer oo uu<br />
bartilmaameedsaday dad lagu tuhunsanaa inay yihiin<br />
saraakiil sarsare oo ka tirsan al-Qaacida iyo<br />
Islaamiyiinta kale oo uu sheegay inay ku dhuumanayaan<br />
Somalia. Weerarradaas intooda badani ma asiibin oo la<br />
lama helin bartilmaameedyadii ay beegsanayeen, haddii<br />
ay xilligaasi kuba sugnaayeen dadkaasi la<br />
raacdaysanyey gudaha Somalia. Waxase ku dhintay dad<br />
rayid ah oo ay ka mid yiihin reer-guuraa iyo<br />
xoolahoodii. Hawlgalladani waxay sii didiyeen oo ay<br />
sii fogeeyeen dadweynihii, waxana laga yaabaa inay<br />
qaar kale oo ka mid ah Soomaalidii ay ku sii riixeen<br />
amma ku kallifeen inay ku biiraan kooxihii xagjirka<br />
ahaa ee diinta ee dagaallamayey.<br />
Kaaliyihii xoghayaha arrimaha debadda ee Maraykanka<br />
ee waqtigaas, Jendayi Frazer, ayaa gacan weyn ka<br />
geysatay qaabaynta iyo meelmarinta siyaasaddan,<br />
waxayna siyaasaddani ka mid noqotay dedaalladii ugu<br />
waaweynaa ee lagu hungoobay ee ku aaddana Somalia,<br />
dhibaatada ugu weynina ka timid sanadihii la soo<br />
dhaafay ee u danbeeyey. Jendayi Frazer waxay sheegtay<br />
in Maxkamidihii Islaamiga ahaa (UIC) ay aad ugu<br />
xidhnaayeen Islaamiyiinta xagjirka ah, iyada oo ku<br />
eedaysay in al-Qaacida ay fogeysey oo ay meesha ka<br />
301
saartay xubnihii qunyar-socodka ahaa ee ururkii<br />
Maxkamadaha, isla markaasina ay al-Qaacida qabsatay<br />
oo ay la wareegtey hoggaankii dhaqdhaqaqaasi. Waxay<br />
sheegtay in Maxkamaduhu ay dhaqaale ka helaan<br />
Eritrea, Yemen, Masar, iyo Saudi Arabia. Waxayna ku<br />
eedaysay Eritrea inay jebisay qaraarkii<br />
cunaqabataynta caalamiga ah ee hubka ee lagu soo<br />
rogey Somalia, iyadoo hub u dirtay Maxkamadihii<br />
Islaamiga ahaa (UIC). Mararka qaar waxay u muuqatey<br />
inay isku deyeyso in ay iyadu maamusho xaaladaha<br />
Somalia oo ay si sii hoosaysa oo ku-talax-tag ah ay<br />
faraha ula dhex gelayso. Waxay si joogto ah uga<br />
hadlaysey wax kasta, waxayna ugu baaqi jirtey xubnaha<br />
qunyar-socodka ah ee ururku inay ku soo biiraan<br />
wadahadallada dib-u-heshiisiinta oo ay iska fogeeyaan<br />
kuwa ay ku tilmaami jirtey xagjirka.<br />
Jendayi Frazer waxay noqotay qofka u taagan ee<br />
matila siyaasadda reer-Galbeedka ee ku aaddan<br />
Somalia, taasina waxay keentay in hoggaamiyayaasha<br />
Islaamiyiintu ay weerar xagga afka ah ku qaadaan<br />
iyada. Sannaddii 2009, waxa Internetka la soo geliyey<br />
farriin amma cajalad cod ah oo la sheegay inay ka<br />
timid Osama bin Laden. Cajaladdaasi, waxa uu ku<br />
baaqayey in la rido madaxweynihii cusbaa ee markaas<br />
la doortay, Sheikh Sharif Sheikh Ahmed, oo uu ku<br />
tilmaamay aalad uu maraykanku ku adeeganayo. Bin<br />
Laden waxa uu sheegay in doorashada Sheikh Sharif ay<br />
ka danbaysay waxa uu ku tilmaamay ‘olole iyo<br />
talooyin’ ka yimid ‘haweeneydaas Maraykanka ah’.<br />
Gelitaankii Ethioipia waxa uu ku guuleystay in uu<br />
awoddi xukunka ka tuuro Midowgii Maxkamadaha<br />
Islaamiga ah (UIC), laakiin halkii uu ka tirtiri<br />
lahaa xagjirnnimada Islaamiga ah, waxa uu horseeday<br />
inay abuurmaan oo ay soo baxaan kooxo kale oo ka sii<br />
fog, kana xagjirsan Midowgii Maxkamadaha. Kooxahaasi,<br />
kan ugu weyni waxa uu noqday garabkii miliishiyada<br />
maxkamadaha ee al-Shabaab ee uu hoggaaminayey Adan<br />
302
Xaashi Ceyro oo lagu soo tababaray dalka Afghanistan.<br />
Halkii ay miliishiyadaasi iyaguna u carari lahaayeen<br />
dalka Eritrea, oo ay u baxsadeen xubno badan oo ka<br />
tirsanaa Midowgii Maxkamaduhu, waxay ku dhex milmeen<br />
oo ay ku kala dhex dhuunteen kaymaha ku yaal<br />
agagaarka xadka Kenya oo ay ku baaheen, halkaasi<br />
ayayna dib isaga soo abaabuleen iyaga oo ah xoog soo<br />
qaadi kara dagaallo ba’an. Al-shabaab, aakhirkii<br />
waxay qabsadeen gobolladii koonfurta iyo badhtamaha<br />
Somalia intoodii badnayd, oo ay ku jiraan qaybo badan<br />
oo ka tirsan magaalada Muqdishu.<br />
Waxa la barbar dhigi karaa Jabhaddii Islaamiga ahayd<br />
ee Badbaadinta ee Algeria (FIS)ee milaterigu iska<br />
hortaagey inay xukunka la wareegaan ka dib<br />
doorashooyinkii 1991-kii. Hawlgalladii ku saabsanaa<br />
in la tirtiro oo meesha laga saaro jabhaddaasi FIS,<br />
waxa ka dhalatay dhibaato weyn oo waxyeello hor leh<br />
la timid. Halkii laga filayey inay baaba’do, waxay<br />
isku bedeshey abaabul ka sii xagjirsan sidii hore.<br />
Waxa xigey toban sano oo ay socdeen dagaallo islaami<br />
ahi, kuwaasi oo lagu diley tobannaan kun oo qof,<br />
kuwaasi oo qaar badan oo ka mid ahaa la gawrcay.<br />
Arrimahani waxay keeneen in markii danbe ay soo baxdo<br />
oo ay abuuranto qaybta al-Qaacida ee dalalka Afrikada<br />
Waqooyi, ee loo yaqaan al-Qaacidada Gobolka Islaamiga<br />
ah ee Maghreb.<br />
Gelitaankii Ethiopia iyo dagaalladii ka dhashay ee<br />
magaalada Muqdishu, waxay keeneen mid ka mid ah<br />
dhibaatooyinkii banii’aadminnimo ee ugu xumaa ee abid<br />
soo mara Somalia. Intii u dhaxaysey sannadihii 2007 –<br />
2008, qiyaasti saddex-meelood labo ahaan dadweynihii<br />
magaaladu waxay noqdeen kuwa barabaxa oo ka qaxa<br />
halkaasi, in badanina waxay u yaaceen oo tegeen<br />
xerooyin xaaladdoodu ay aad u liidato oo ku yaal<br />
agagaarka amma duleedka magaalada Muqdishu, halkaasi<br />
oo mar kasta khataro waaweyni ka jireen sidii<br />
taakulayn gargaar loo gaadhsiin. Qaar kalena waxay u<br />
303
yaaceen oo ay ku biireen xeryaha qaxootiga awalba<br />
buux-dhaafka ahaa ee dalalka Kenya, Djibouti,Yemen,<br />
Somaliland iyo Puntland. Qaybo dhan oo ka tirsan<br />
magaalada Muqdisho waxay noqdeen qaar gebi ahaanba<br />
haawanaya oo dadkii rayidka ahaa iskaga wada baxay,<br />
waxayna qaybahaasi noqdeen meelo magaalada dhexdeeda<br />
ah ay ku dagaallamaan ciidamada Ethiopia, kuwa<br />
dawladda ku-meelgaadhka ah, miliishiyooyinka beelaha,<br />
iyo dagaalyahannada Islaamiyiinta ahi. Warqad<br />
warbixin ah oo loo diyaariyey sanadkii 2010 Machadka<br />
Daraasooyinka Siyaasadda Debadda ee xaruntiisu tahay<br />
dalka Maraykanka, ayaa qoraaga warbixintaasi, Bronwyn<br />
Bruton, waxa uu kaga hadlayaa sida gelintaankii<br />
Ethiopia uu u horseeday hawlgalladii Islaamiyiinta oo<br />
si dhakhso ah kor ugu kaca:<br />
Joogitaankii TFG (Dawladda ku-Meel-gaadhka ah ee<br />
Federaalka) iyo gaar ahaan ciidamada Ethiopia<br />
waxay mar qudha dhaliyeen kacdoon kooxo xoog leh<br />
oo ka hawlgala magaalada Muqdishu.<br />
Maliishiyooyinkii al-Shabaab waxay heleen<br />
taageero ballaadhan oo dadweyne, iyagoo noqday<br />
dhaqdhaqaaq wax-iska-caabbin ah. Dagaalyahannada<br />
jihad-doonka ah ee ajanebiga ah, oo al-Qaacida ay<br />
ku jirto, waxay markiiba dareemeen in halkaas ay<br />
ku jirto fursad aan hore u soo marin oo ay ka<br />
faa’iidaysan karaan, kagana dhigi karaan<br />
dagaallada Somalia kuwa caalami ah, waxayna si<br />
dhakhso ah taageero ula soo gaadheen al-Shabaab.<br />
Daraasiin ka kooban ajanebi jihad-doon ah ayaa<br />
soo galay Somalia, oo soo waaridey amma la yimid<br />
xeeladihii dagaalka ee al-Qaacida. Waxa joogto<br />
noqday qaraxyada meelaha fogfog laga<br />
dhiraandhirriyo amma laga daaro, iyo kuwa ismiidaaminta<br />
ee is-qarxinta, ilaa labadii sano ee<br />
ku xigeyna, al-Shabaab waxay qabsadeen guud ahaan<br />
Koonfurta Somalia badankeedii. 8<br />
304
Hawlgalkii oo Dhibaato ka timid (The mission<br />
backfires)<br />
Waxa lagu doodi karaan inay ka roonaan lahayd haddii<br />
quwadaha ajanebigu ay la shaqayn lahaayeen Midowgii<br />
Maxkamadaha, halka ay ku dedaaleen inay meesha ka<br />
saaraan oo ay burburiyaan. Waayo, si kastaba ha<br />
ahaatee maxkamaduhu waxay suurtogeliyeen in<br />
dadweynuhu helo xassillooni iyo deganaansho ilaa heer<br />
ah iyo nidaam, muddadii koobnayd ee lixda bilood<br />
ahayd ee ay xukunka hayeen. Maxkamadaha waxa ku jirey<br />
xubno qunyar-socod ah iyo kuwa xagjir ah labadaba.<br />
Sinaba umay ahayn arrin la hubo in cabsida Maraykanku<br />
uu ka qabey Midowgii Maxkamadaha inay noqon lahayd<br />
wax aakhirka dhabowda oo soo baxda, haddii la<br />
baxnaani lahaa oo la sii ogolaan lahaa in<br />
Maxkamadahaasi ay sii jiraan oo ay xukunka sii<br />
hayaan, siina xoogeystaan. Sida uu qabo Professor<br />
Abdi Samatar oo ah aqoonyahan Soomaaliyeed, Midowgii<br />
Maxkamadaha Islaamiga ahaa (UIC) ‘waxay ahaayeen qaar<br />
diyaar u ah, doonayana inay la shaqeeyaan dawladda<br />
Maraykanka’ 9 , laakiin taasi umay suurtoobin waayo waxa<br />
carqalad ku noqotay mawqifkii Jendayi Frazer iyo<br />
saraakiisha kale ee Maraykanka oo il colaadeed ku<br />
eegayey Maxkamadahaasi.<br />
Waa wax aan la filayn in Sheikh Sharif Sheikh Ahmed,<br />
oo isagu ahaa hoggaamiyihii hore ee Midowgii<br />
Maxkamadaha Islaamiga ah, in loo doortay 2009-kii<br />
madaxweynaha dawladdii ku-meel-gaadhka ahayd ee<br />
Somalia ee caalamku taageerayey. Haddii haddaba<br />
mujtamaca caalamku ay diyaar u noqdeen inay la<br />
shaqeeyaan haatan isla Sheikh Sharif-kii oo weji<br />
cusub loo yeelay, loona dhiibay mansabkan cusub, waxa<br />
la isweydiin karaa sababta aan loo rabin in lala<br />
shaqeeyo markii uu hoggaaminayey Midowgii<br />
Maxkamadaha? Suurtogal ma noqon lahayd in<br />
Maxkamadihii Islaamiga ahaa inay raaci lahaayeen oo<br />
ay qaadan lahaayeen mawqif qunyar-socod ah oo dhexe<br />
305
haddii ay heli lahaayeen kalsoonida taageerada<br />
Qaramada Midoobey, Dawladda Maraykanka iyo quwadaha<br />
kale? Laakiin Sheikh Sharif Sheikh Ahmed waxa markan<br />
loo arkay in uu khayaameeyey qaddiyaddii oo la gatay,<br />
waxana xukunkiisii ku gacansaydhay Soomaali badan oo<br />
u arkay nin uun reer-Galbeedku wato oo uu ku<br />
adeeganayo.<br />
Sida uu ku doodayo Bronwyn Bruton, waxa adag in la<br />
garowsado sababaha caalamku u sii wadey in uu siiyo<br />
aqoonsi caalami ah maamulladii ku-meel-gaadhka ahaa<br />
ee is-xigxigey, ee loogu aqoonsaday inay yihiin<br />
xukuumadaha sharciga ah ee Somalia:<br />
Siyaasadda hadda ee la siinayo dawladda ku-meelgaadhka<br />
ah ee federaalka ah (TFG) taageeri<br />
milateri iyo mid diblomaasiyadeed, ma aha mid<br />
midho dhal ah. Haddana siyaasaddani waa hawl adag<br />
oo ku kacaysa qiime sare iyo kharash badan.<br />
Hawgallada milateri ee taagnaa ilaa bishii May<br />
2009, hase ahaatee aan wax horumar ah laga<br />
samayn, waxay keeneen inay ka barakiciyaan<br />
magaalada Muqdishu dadweyne ka badan laba boqol<br />
oo kun – tanina waxay sii daba dheeraysay<br />
dhibaatooyin soo noqnoqonayey oo dadweyne iyo<br />
xagjirnnimo sii korodha. Waxa kale oo ay sii<br />
kordhisay culayskii iyo dhibaatooyinkii foosha<br />
xumaa ee argagaxa lahaa ee qaxootiga xadka Kenya.<br />
Hawlahani waxay noqdeen qaar ay ka imanayaan<br />
dhibaatooyin waaweyn oo ku kacaya qiime sare oo<br />
aan u qalmin in loo galo daafacaadda iyo<br />
badbaadinta dawlad ay yar tahay taageerada ay ku<br />
haysato gudaha, oo aan maamulin dalka, oo in<br />
kasta oo caalamku uu la dedaalay shantii sano ee<br />
u danbaysay, aan haddana ka samayn wax horumar ah<br />
xagga dhismaha hey’ado wax-ku-ool ah iyo awod<br />
milateri, si ay dalka u xukunto. Haddii aan la<br />
helin awod siyaasadeed oo gudaha ah oo wax-ku-ool<br />
ah oo badhi-taageerta, hawlgallada nabad-<br />
306
ilaalineed ee hadda ka jira halkaasi waxa laga<br />
yaaba inay ku danbeeyaan qaar aan midho dhalin oo<br />
aan wax-ku-ool noqon, sidii hawlgalladii hore ee<br />
gelitaankii ciidamada Ethiopia ee Somalia, waxana<br />
dhici karta in aakhirka ay ku danbayso in<br />
ciidamadan imiku ay uga baxaan halkaasi si<br />
foolxun oo la mid ah sidii kuwii hore. 10<br />
Warbixin Guddiga la-Socodka Arrimaha Somalaia uu u<br />
diyaariyey Golaha Ammaanka ee Qaramada Midoobey<br />
sannadkii 2010, ayaa ahayd mid si weyn u duraysay oo<br />
u dhaliilaysey gaar ahaan hey’adaha iyo ciidamada<br />
nabadgelyada ee dawladda ku-meel-gaadhka ah: ‘In<br />
kasta oo la siinayey tababarro debadeed iyo kaalmo,<br />
haddana ciidamada nabadgelyada ee dawladdu waxay<br />
yihiin qaar aan wax ku fillayn oo aan ahayn hawlqabad,<br />
oo aan habaysanayn oo kala daadsan, oo ku<br />
dhaqma musuqmaasuq – ciidamadaas oo isugu jira<br />
miliishiyooyin madaxbannaan oo kala taabacsan<br />
saraakiisha sare ee dawladda, iyo saraakiil milateri<br />
oo faa’iido ku qaba dagaallada, kana dhega-adayga in<br />
la mideeyo ciidamada oo loo sameeyo hoggaan amma<br />
talis meel qudha ah.’ 11<br />
Qaar ka mid ah dhibaatooyinka soo waajaha ciidamada<br />
dawladda Soomaalida, waxay ka muuqatay oo lagu soo<br />
qaaday dhambaal taar ah oo diblomaasiyiin Maraykan<br />
ahi ay direen 2009-kii, dhambaalkaas oo ay heshay<br />
wakaaladda wararka qarsoodiga ah ee Wikileaks, kuna<br />
faafisay bogagga Internetka ee website-keeda.<br />
Dhambaalku waxay uu ka hadlayaa ‘kulan kooban oo ka<br />
dhacay garoon diyaaradeed oo ku yaal magaalada<br />
Nairobi’, oo dhexmaray diblomaasi Maraykan ah iyo<br />
ra’iisal-wasaarihii hore ee Somalia, Omar Abdirashid<br />
Ali Sharmarke. 12 Arrinta weyn ee lagaga wada hadlay<br />
kulankaasi waxay ku saabsanayd baahida loo qabo<br />
qalabka raadiyayaasha isgaadhsiinta ee lagu wada<br />
307
hadlo. Mudane Sharmarke waxa uu u faahfaahinayaa<br />
diblomaasigaasi, dhibaatada ka timid la’aanta amma<br />
yaraanta qalabkaasi milateri ee baahida weyn loo<br />
qabey, oo keentay in lagu fashilmo weerar rogaalcelin<br />
ahaa oo weynaa oo ciidamada dawladda iyo kuwa<br />
nabad-ilaalinta ee Midowga Afrika ee jooga Muqdishu<br />
ay ku qaadi lahaayeen al-Shabaab. Waxa qudha ee<br />
ciidamadu ay ku wada xidhiidhi karayeen waxa uu ahaa<br />
telifoonnada moobiilka, taasi oo keentay is-fahmid<br />
la’aan weyn oo khatar ah. Ciidamadii Ururka Midowga<br />
Afrika waxa la soo gudboonaatay inay sameeyaan dib-ugurasho<br />
degdeg ah, waayo waxay heleen xog iyo warar<br />
aan sugnayn oo jahawareersan, iyaga oo khalad fahmay,<br />
una qaatay in la go’doomiyey oo ciidamadii mucaaradka<br />
ee ka soo horjeeday ay ku xeeran yihiin. Dhambaalku<br />
waxa uu ka hadlayaa sida mudane Shramaarke uu u<br />
baryayo amma u tuugayo diblomaasigaasi ee uu uga<br />
doonayo qalabkaasi haloo-halooda iyo kuwa kale ee<br />
isgaadhsiinta milateri ee goobaha dagaalka.<br />
In muddo ah, dawladda Somalia ma awodin in ay xataa<br />
ka hawlgasho magaalada Muqdishu dhexdeeda, sababta oo<br />
ah nabadgelyo-darrada halkaas ka jirta iyo colaadda<br />
ay u hayaan dadweynaha magaaladu. Markii ay<br />
dawladdaasi ka soo guurtay magaalada Baydhaba ee ay<br />
ku soo noqotay caasimadda, jiritaankeedu waxa uu ku<br />
tiirsanaa markii hore ciidammadii Ethiopia, intii<br />
danbana joogitaanka ciidamada nabad-ilaalinta ee<br />
Uganda iyo Burundi. Mudanayaasha baarlamaanka iyo<br />
saraakiisha kale ee dawladdu, waqtigooda inta badan<br />
waxay ku qaataan oo ay ku nool yihiin hudheello ku<br />
kala yaal Kenya iyo meelo kale, sababta oo ah<br />
magaalada Muqdishu oo ah meel ay weli ka taagan<br />
yihiin dhibaatooyin iyo xaalado colaadeed. Wasiirkii<br />
hore ee dawladda Ingiriiska u qaabilsanaa arrimaha<br />
Afrika, Chris Mullin, waxa uu ku qoray buuggiisii<br />
xusuusqorka, shir uu sannadkii 2004 kula yeeshay<br />
magaalada Nairobi madaxweynihii dawladdii ku-meel-<br />
308
gaadhka ahayd ee Somalia, Abdullahi Yusuf: ‘Qodobka<br />
ugu horreeya hawlo badan oo qorshaha maanta iigu<br />
jirey: booqasho gaaban oo aan ugu tegey Abdullahi<br />
Yusuf, “madaxweynaha” cusub ee Somalia. Dabcan hadda<br />
ma aha nin waxaas oo kale (madaxweyne) ah amma lagu<br />
tilmaami karo. Waa nin uun ku jira huteel ku yaal<br />
Nairobi. Ka bacdi, huteel kale, waxan kula hadlay<br />
“baarlamaanka” cusub ee Somalia, oo ay ka mid yihiin<br />
qaar ka tirsan dadkii laftoodu ka dhigay ee<br />
geyeysiiyey Somalia inay noqoto meel burbur ah.’ 13<br />
Nin hore u ahaan jirey wasiirka arrimaha debadda ee<br />
Somalia, Ismail Mohamed Hurre Buubaa, marka aan kula<br />
kulmay qolka uu kaga jiro Huteelka Andalus ee<br />
magaalada Nairobi, waxa uu iiga sheekeeyeyn nolosha<br />
siyaasiyiinta Soomaalida ee ku sugan debadda oo si<br />
ahaan u muuqda inay ku jiraan mustaafuris debadeed:<br />
Nairobi si kastaba waxay u tahay xarunta dhexe ee<br />
ay isugu yimaaddaan Soomaalidu. Qof kasta oo<br />
doonaya in uu la socdo waxyaabaha ka dhacaya<br />
Soomaaliya waa in uu joogaa amma Somalia<br />
dhexdeeda amma Nairobi, gaar ahaanna meesha ugu<br />
fiican oo ah huteelkan, waayo maalin kasta waxaad<br />
ka helaysaa oo ku soo dega qof ka yimid Somalia<br />
oo sida dhammaan wararkii ugu danbeeyey.<br />
Siyaabaha qaar, huteelkani waxan u arkaa inuu<br />
yahay hoygeygii. Marka aad ku jirto hudheel kani<br />
oo kale ah, hudheel Soomaaliyeed oo dadka deggan<br />
ugu yaraan boqolkiiba sagaashan ay Soomaali<br />
yihiin, maba dareemaysid in aad sidaa uga ka fog<br />
tahay dalkaagii. Waxyaabaha annu huteelkan<br />
dhexdiisa kaga sheekaysannaa waa kuwii aannu kaga<br />
sheekaysan jirney maqaaxiyada muqdisho dhexdooda.<br />
Hubaal ahaan waxan dareemaa sidii waxan dalkii<br />
joogo oo kale; waxan ku noolaa sidan muddo toban<br />
sano ku dhawdhaw oo aan ku jirey huteelada Kenya.<br />
Siyaabaha qaar, aad ayaan uga xumahay, aniga iyo<br />
309
siyaasiyiinta kale ee Soomaaliyeed ee ku nool<br />
halkan Kenya intuba. Waxan moodnaa in aan dalkii<br />
joogno, laakiin ma joogno. Wararka ka yimaadda<br />
Somalia waa qaar inaba dhiillo ah, sidaa awgeedna<br />
mar kasta waa na dhibaan oo waxay nagu hayaan<br />
walaac xanuun leh.<br />
Xaqiiqada ah in waxa qudha ee suurogeliyey in<br />
dawladda ku-meel-gaadhka ahi ay ku soo noqoto<br />
magaalada Muqdishu, in ay ahayd faragelintii milateri<br />
ee Ethiopia ee Maraykanku uu ka danbeeyey, ayaa waxay<br />
keentay in Soomaali badani ay u arkaan dawladdu inay<br />
tahay mid laga keenay debadda oo aan lahayn sharciyad<br />
amma aan haysan ogolaanshaha dadweynaha. Dawladda kumeel-gaadhka<br />
ah ee federaalka ah waxa loo yaqaan oo<br />
loogu yeedhaa daba dhilif, taasi oo ah naanays aad u<br />
liidata, loogana jeedo inay tahay ‘dawlad loo<br />
samaystay inay fuliso dano iyo ujeeddooyin ajanebi’<br />
amma lagu adeegsado. Maraykanka, Qaramada Midoobey<br />
iyo dawladaha iyo ururrada kaleba waxay ku<br />
guuldarraysteen inay fahmaan taas, in si dawladdu ay<br />
u hesho aqbalaadda sharcinnimo ee dadweynaha<br />
Soomaalida, inay tahay in aan lala xidhiidhin oo aan<br />
loo arag mid ajanebi ka danbeeyo oo uu wato.<br />
Hubka Maraykanku uu siinayey Dawladda Somalia, sida<br />
kuwii bilihii May iyo June ee 2009 oo kale oo la<br />
siiyey 94 tan oo hub iyo rasaas ah 14 – iyo<br />
tababarradii khubarada ajanebigu ay u samaynayeen<br />
ciidamada dawladda ku-meel-gaadhka ah, arrimahani<br />
waxay siiyeen qiil iyo sababo xoogagga ka soo<br />
horjeeda dawladda dhexe ee dalkaas, waxayna heleen<br />
sababo ay ugu tilmaami karaan dawladdaasi inay tahay<br />
mid daba-dhilif ah oo ajanebi wato, jiritaankeeduna<br />
ku xidhan yahay taageerada iyo ilaalada ay ka hesho<br />
xoogag debadeed oo qudha.<br />
310
Waxa jirey khilaaf u dhaxeeyey dawladda Maraykanka<br />
dhexdeeda oo ku saabsan sida ugu habboon ee wax looga<br />
qaban karo dhibaatada Somalia. Qaarkood, sida Johnnie<br />
Carson oo ah mas’uulka ugu sarreeya ee xafiiska<br />
arrimaha debadda u qaabilsan Afrika, waxa uu u<br />
muuqdaa inuu aad uga foojigan yahay oo uu iska<br />
ilaalinayo in wax ciidamo ah oo Maraykan ah si toos<br />
ah loo geeyo dhulka Somalia dhexdiisa, isaga oo ka<br />
cabsi qaba in taasi ay keeni doonto taageero dheeri<br />
ah oo ay helaan kooxaha al-Shabaab iyo kooxaha kale<br />
ee ka soo horjeeda reer-Galbeedka. Sidatan ayaanu<br />
Johnnie Carson u dhigay badheedhihiisa, ‘ma doonaynno<br />
wax ah raad milateri amma ciidammo ah oo aannu geynno<br />
gudaha’ Somalia.<br />
Hasse ahaatee milateriga Maraykanka iyo hey’adaha<br />
mukhaabaraadkuba waxay kordhiyeen hawlgalladoodii ay<br />
ka wadeen Somalia gudaheeda, oo mararka qaar si aan<br />
toos ahayn ay uga fulinayaan halkaasi. Sannadkii<br />
2011, maamulka Pentagon ee gaashaandhigga Maraykanku<br />
waxay ogolaadeen in hub qiimihiisu gaadhayo $45<br />
milyan oo doollar in loo raro ciidamada nabadilaalinta<br />
ee Midowga Afrika ee jooga Muqdishu. Bishii<br />
August ee 2011, jariidadda New York Times waxay<br />
qortay in askar hore uga tirsanaan jirtey ciidamada<br />
dalalka Faransiiska, Koonfur Afrika iyo dalalka<br />
Scandinavian-ka, oo u shaqeeya haatan sharikad gaar<br />
ah oo deggan Maraykanka oo qaabilsan xagga<br />
nabadgelyada, lana yidhaa magaceega Bancroft Global<br />
Development, inay askartaasi ka hawgalaan xero aad<br />
loo adkeeyey loona ilaaliyo oo ku taal magaalada<br />
Muqdishu, halkaasina ay ciidamada Afrikaanka ah ku<br />
siiyaan tababarro ku saabsan xeeladaha dagaalka<br />
dhuumaalaysiga ee magaalooyinka dhexdooda. Jariidaddu<br />
waxa kale oo ay sheegtay in hey’adda mukhaabaraadka<br />
Maraykanka ee CIA ay ku lug leedahay xarun weyn oo<br />
saldhig ah oo laga sameeyey garoonka diyaaradaha ee<br />
Muqdishu dhexdiisa, dhismahaasi oo Soomaalidu u<br />
311
taqaan ‘Pink House’ amma ‘Sarta Cas’, taasi oo loola<br />
jeedo midabka dhismayaashaa, amma haddii si sahal ah<br />
loo dhigo,‘Guantanamo’. Jariidadda New York Times<br />
waxa kale oo ay sheegtay in saraakiisha CIA ay si<br />
wadajir ah u fulinayeen oo ay gacan ka geysteen<br />
maraanmarka iyo baadhitaanka dadka lagu tuhunsan<br />
yahay argagixisada ee ku xidhan xabsi ku yaal<br />
Somalia, iyo inay si qarsoodi ah u tababaraan hawlwadeennada<br />
mukhaabaraadka iyo nabad-sugidda:<br />
Iyaga oo ka duwan ciidamada caadiga ah ee<br />
dawladda, ciidamadan sida gaarka ah u tababaran<br />
ee kamaandoosta Soomaaliyeed ee CIA-du tababartay<br />
waxay ku qalabaysan yihiin hub cusub, qalabka iyo<br />
funaanadaha aan xabbaddu Karin ee la xidho,<br />
muraayado madow iyo dahaadhka amma koofiyadaha<br />
madaxa la gashado ee wejiga qariya, si aan loo<br />
aqoonsan. Ciidamadani waxay ka mid yihiin<br />
hey’adda nabad-sugidda Somalia – waana hey’ad<br />
qaabilsan xagga mukhaabaraadka oo inta badan CIAdu<br />
ay maalgeliso – waxayna hoos timaad dawladda<br />
ku-meel-gaadhka ah ee federaalka ah. Hase ahaatee<br />
dad badan oo jooga Muqdishu ayaa rumaysan in<br />
hey’addan nabad-sugidda Soomaaliyeed ay<br />
samaysanayso awod ka madaxbannaan dawladdan<br />
taagta daran. 15<br />
Waxa lagu doodaa in horumarka xeeladaha dagaalka ee<br />
ciidamada Ururka Midowga Afrika iyo kuwa Soomaalida<br />
ee keenay in dagaalyahanno badan oo ka tirsan al-<br />
Shabaab laga saaro oo ay ka baxaan magaalada Muqdishu<br />
sannadkii 2011, in horumarkaasi uu ka yimid inta<br />
badan kaalmada tooska ah iyo midda dadban ee<br />
Maraykanka. Ma kala cadda in jabhaddaasi<br />
Islaamiyiinta ah si kama-danbays ah loo wiiqay, iyo<br />
inay galeen uun marxalad iyo xeelado kale oo<br />
argagixisnnimo oo ah ku-dhifo-oo-ka-dhaqaaq. Marka la<br />
312
eego taariikhdii hore ee faragelinta Marykanka ee<br />
Somalia iyo waxyaabihii ka dhashay oo lagu tilmaamo<br />
‘xabaasha hawlgallada Maraykanka’, waxa halkaas laga<br />
dhadhansan karaa in taasi macnaheedu uu yahay in la<br />
qaatey oo ay roon tahay in faragelintu ay noqoto mid<br />
aan sidaa u muuqan oo aan toos ahayn. Wax kasta oo<br />
laga dhex arko ‘Maraykan’ in uu ka danbeeya, waxay u<br />
noqonaysaa kooxaha Islaamiyiinta ah dacaayad weyn oo<br />
ay ka faa’iideystaan, waxayna keenaysaa colaad ka<br />
timaad Soomaali badan oo kale.<br />
In kasta oo dawladda Maraykanku ay ku adkaysanayso<br />
in aanay filayn oo ay ku noqotay arrin ku-soo-booddo<br />
ah gelitaankii Kenya ay ku gashay Somalia bishii<br />
Oktoobar ee 2011, haddana Maraykanku waxa uu Kenya la<br />
wadaagaa danta ah in la jebiya al-Shabaab, waxanu<br />
muddo dheer la lahaa Kenya is-bahaysi xagga<br />
nabadgelyada ah. Kordhintii la kordhiyey adeegsiga<br />
weerarrada diyaaradaha loo yaqaan Drones ee<br />
Maraykanka isla waqtigii milateriga Kenya uu ku<br />
dhaqaaqay hawlgalkani, dad badan oo Somalia joogaa<br />
waxay u arkeen oo u macnaysteen in weerarkani Kenya<br />
uu yahay mashruuc amma qorshe uu Maraykanku ka<br />
danbeeyo. Meelo dhawr ah oo ka tirsan Somalia, gaar<br />
ahaanna meelaha lagu diley dad rayid ah oo ku dhintay<br />
weerarada ciidamada ‘soo-galootiga’ ah, waxay<br />
dhalisay nacayb dheeraad ah oo loo qaado Maraykanka<br />
iyo dhinaca kale u-garaabis iyo taageero loo hayo al-<br />
Shabaab. Gelitaankii Kenya waxa kale oo uu si weyn u<br />
qasay oo kala gooyey hawlihii gargaarka<br />
banii’aadminnimo, xilli ay macaluuli taagnayd.<br />
Dadka danaynaya in Somalia ay ka hirgasho dib-u-dhis<br />
qaran iyo xaaladaha nabagelyo oo hagaaga, waxa laga<br />
yaabaa in waxa ugu habbooni ay tahay inay dersaan oo<br />
wax ka kasbadaan waayo-aragnnimada tijaabooyinka<br />
siyaasadeed ee ka shaqeeyey dalka, oo labada ugu<br />
door-rooni ay yihiin Somaliland iyo Midowgii<br />
Maxkamadaha Islaamiga ah. Labaduba waxay ka soo<br />
313
dhismeen ‘hoos’, iyada oo la adeegsanayo qaababkii<br />
dhaqanka ee Soomaalida iyo kuwa casriga ah oo la iswaafajiyey.<br />
Maraykanka iyo Ingriisku arrimahani waxay<br />
garawsadeen oo ay ku baraarugeen mar danbe. Sannadkii<br />
2010, Maraykanku waxay ku dhawaaqeen in Somalia ay<br />
kula dhaqmayaan siyaasad laba dhinac ka kooban,<br />
labadaas oo kala ah inay sii wadayaan aqoonsiga iyo<br />
taageerda dawladda fadhigeedu yahay magaalada<br />
Muqdishu, iyo dhinaca kale inay kordhinayaan lashaqaynta<br />
iyo taageerada gobollada kale ee deggan ee<br />
waqooyiga, gaar ahaanna Somailand iyo Puntland.<br />
Ingiriisku waxa uu isna bilaabay inuu kordhiyey oo uu<br />
dardar dheeraad ah geliyo wada-shaqayntii uu la lahaa<br />
labadaas gobol. Dhambaal kale oo qarsoodi ahaa oo<br />
diblomaasi Maraykan ahi uu diray 2009-kii, ayna<br />
faafisay wakaaladda Wikileaks, waxa uu ka hadlayey<br />
sida ‘Ingiriiska u qorshaynayo in uu “sii-xoojiyo”<br />
taageerada uu u fidiyo Somaliland, in kasta oo<br />
dawladda Ingiriisku aanay ka fikiraynin inay aqoonsi<br />
siiso marxaladdan hadda la joogo.’ 16<br />
Madaxweyne Obama waxa uu isna isla markaas sii wadey<br />
siyaasaddii maamaulkii Maraykanka ee isaga ka<br />
horreeyey, ee loo arkayey Somalia dal ay ka jirto<br />
khatar argagixiso. Tani waxa uu caddeeyey oo uu u ku<br />
dhawaaqay markii uu booqashada ku tegey Afrika<br />
sannadkii 2009, oo uu yidhi: ‘Marka xasuuq dadweyne<br />
uu ka socdo Darfur, amma argagixiso ay ka jirto<br />
Somalia, arrimahani ma aha dhibaatooyin u gaar ah<br />
Afrika oo qudha, waa dhibaatooyin nabadgelyo oo<br />
caalami ah, waana in si caalami ah looga jawaabaa oo<br />
wax looga qabtaa.’<br />
Waxyaabihii aakhirkii ka dhashay gelitaankii<br />
Ethioipia ee Somalia, ma ahayn oo keliya inay geysey<br />
magaalada Muqdishu dawlad tag daran oo aan haysan<br />
taageero dadweyne, barakac ku dhacay boqolaal kun oo<br />
qof, iyo dagaalladii oo si weyn u kodhay. Laakiin<br />
waxa kale oo ay xagjir ka sii dhigeen koox yar oo ay<br />
314
ka go’an tahay mintidnnimada jihaadku. Waxayna<br />
kooxdani noqotay laxaadka asaaska u ah xoogagga<br />
dagaalka Islaamiyiinta ee al-Shabaab, kuwaasi oo<br />
sanado kooban gudahood ku qabsaday koonfurta iyo<br />
badhtamaha Somalia inteeda badan, si khasab ahna ugu<br />
soo rogey dadweynihii, nidaamyo amma habab iyo dhaqan<br />
aanay weligood caado u yeelan oo aanay hore u aqoon,<br />
weligoodna aanay diyaar u noqon inay aqbalaan. Virgil<br />
Hoehne, waxa uu mar kale qoraalladisii 2009 ku<br />
faahfaahinayaa sida siyaasaddii Maraykanka iyo<br />
Ethiopia ay iyada lafteedu u abuurtay, marka laga<br />
eego dhinacyo badan, bahalkii amma baalayadii cabsida<br />
weyn laga qabey ee ay isku deyayeen inay ka hortagaan<br />
oo ay dilaan:<br />
Sannaddii 2009, ka dib saddex sano oo ay ku soo<br />
jireen jabhadnnimo iyo dagaal, Islaamiyiinta<br />
mitidka ah ee Somalia, gaar ahaanna al-Shabaab,<br />
run ahaantii waxay u ekaadeen oo ay la maqaam<br />
noqdeen heerkii uu marayey ururkii Taliban<br />
xilligii 1996, ee uu ahaa urur ku soo ad-adkaaday<br />
oo ku soo xoogeystey dagaallo, iyo idiyoolojiyo<br />
amma mabda’ aan laalaabad lahayn, una diyaar ah<br />
in uu dal xukumo. Marka sidaas loo eego,<br />
dacaayadihii lagaga hotagayey Islaamiyiinta ee<br />
sannadkii 2006 waxay noqdeen kuwa wixii laga<br />
baqayey inay keenaan run ahaantii keenay oo<br />
Islaamiyiintii sii fogeeyey, siina xoojiyeyey,<br />
halkii ay wax ka yeeli lahayd. Laga soo bilaabo<br />
2006-dii, Somalia waxay ahayd tusaalaha ugu<br />
fiican ee la soo qaadan karo marka laga hadlayo<br />
guuldarrada siyaasadda Maraykanka (iyo Ethiopia)<br />
ee la-dagaallanka argagixisada, siyaasaddaasi oo<br />
run ahaantii abuurtay iyadu dhibaatadii markii<br />
hore loogu talo galay inay ka hor tagto oo ay wax<br />
ka qabato. 17<br />
315
Islaamiyiintii oo hoggaankii qabsaday (The Islamists<br />
take hold)<br />
Itoobiyaanku waxay rasmi ahaan ka baxeen Somalia<br />
bishii January ee 2009, laakiin ciidamadoodu waxay<br />
weli ku sii jireen dalka, gaar ahaan gobollada ku<br />
yaal xuduudda. Ethiopia waxa kale oo ay taageero u<br />
fidinaysay kooxaha ka soo horjeeda Islaamiyiinta,<br />
sida xarakada Suufiyadda ee Ahlu Sunna Wa Jamaaca,<br />
dhaqdhaqaaqaasi oo isbahaysi aan sugnayn la leh<br />
dawladda ku-meel-gaadhka ah, dagaalna kula jira<br />
ururka al-Shabaab, koonfurta iyo badhtamaha Somalia.<br />
Maraykanku waxa uu isna sii wadey in uu Somalia ka<br />
soo weerarro xagga cirka, isaga oo diyaaradihiisa<br />
milateriga iyo kuwa loo yaqaan drones-ku ee is-wadaa<br />
ay duqaynayaan bartilmaameedyo mucayan ah. Bishii May<br />
ee 2008, hoggaamiyihii miliishiyada al-Shabaab, Adan<br />
Xaashi Cayrow, ayaa lagu dilay weerar noocani ahi.<br />
Dhambaal ay direen diblomaasiyiin Maraykan oo cunwaan<br />
looga dhigay ‘dhimashadii Cayro’, ayaa waxa lagu<br />
saadaaliyey in dhimashadiisaasi uu meesha ka baxay ay<br />
yeelanayso ‘saamayn dhawr ah oo cuntama’ amma fiican,<br />
oo ay ku jirto weerarradii al-Shabaab oo marka hore<br />
qas ku yimaaddo oo kala go’a, looltan xagga<br />
madaxtinnimada ah oo ka dhex bilaabma xarakadaasi<br />
gudaheeda, iyo rajadii dib-u-heshiisiinta Soomaalida<br />
oo sii korodha. Hasse ahaatee, xarakadaasi oo had iyo<br />
jeer kala jajabnayd, waxa ay noqotay, haddii wax<br />
saamayn ah ay tani ku yeelatay, inay xoog iyo awod ka<br />
sii qaadeen dilkii Cayro. Cadhadii iyo ficilkii ay ka<br />
qaadeen arrintani waxay sii midaysay xubnihii<br />
ururkaasi, waxayna ku kicisay dagaal ay ku qaadaan<br />
waxa ay u arkeen ‘gaalada’ dawladda ku-meel-gaadhka<br />
ah iyo koox kasta oo kale oo shisheeye ka danbeeyo.<br />
Ahmed Abdi Godane oo ka soo jeeda Somaliland, oo sida<br />
Cayro oo kale ahaa nin isna ugu yaraan xagjir ah,<br />
ayaa loo magacaabay hoggaamiyaha cusub ee xarakada.<br />
316
Si la mid ah sidii madaxweyne Bush uu u adeegsanayey<br />
hal-ku-dhegga ‘la-dagaallanka argagixisada’ markii uu<br />
ku dhawaaqayey xidhitaanka shirkad Soomaaliyeed oo<br />
xawaaladeed, al-shabaab waxay iyana isticmaashay halku-dhegyada<br />
jihaadka ee ay caadada u leeyihiin oo ay<br />
ugu hanjabaan kuna baqdin geliyaan Maraykanka. Bishii<br />
January ee 2010, afhayeenka al-Shabaab Sheikh Ali<br />
Mohamed Raage, waxa uu soo saaray digniin uu u<br />
jeedinayo madaxweynihii cusbaa ee la doortay ee<br />
Maraykank, Barack Obama, waxanu ku yidhi<br />
digniintaasi:<br />
Haddii uu Obama cidamadiisa u soo diro Somalia,<br />
waxay ku danbayn doonaan halkii ay ku danbeeyeen<br />
kuwii 1993, markii meydkoodii la jiid-jiidey<br />
jidadka magaalada Muqdishu, burburkii<br />
diyaaradahooguna uu buuxiyey wadooyinka<br />
caasimadda. Haddii Maraykanku ay rabaan in<br />
ciidamadooda ay u soo diraan Somalia, waxannu u<br />
dhigi doonnaa cashar. Waxan ku ballan qaadayaa in<br />
aan ula dagaallami doonno si ka daran sida aan<br />
ula dagaallanno ciidamada Afrikaanka ah ee imika<br />
jooga halkan. Farriinta aan u dirayo Obama waxa<br />
ay tahay, ha u soo dirin halkan wiilasha<br />
Maraykanka, hana ku bixin maalkiinna iyo<br />
hantidiinna dagaal aydaan weligiin ku guulaysan<br />
doonin.<br />
Dhibaatada Gargaarka (The challenge of aid)<br />
Dhibaatada kooxaha Islaamiyiinta ee Somalia waa mid<br />
ka ballaadhan oo aan ku waajahnayn siyaasadaha<br />
debadda oo qudha. Waxa kale oo ay noqotay dhibaato<br />
saamaynaysa gudaha dalalka ay joogaan qaxootiga<br />
Soomaalidu, kuwasi oo ay ka mid yihiin Kenya, Yemen,<br />
Maraykanka, Ingiriiska, Australia iyo dalalka<br />
317
Scandinavia, dalalkaasi oo dhalinyarada Soomaalida ee<br />
la qabsan kari weyda nidaam ka jira dhulalkaasi ay<br />
dib ugu soo noqdaan Somalia, si ay ugu biiraan<br />
dagaallada jihaadka, amma ay ka qayb qaataan<br />
shirqoollo iyo qorshayaal argagixiso oo lagu weeraro<br />
dalalka ay joogaan ee martigeliyey. Caalamiyeyntan<br />
sii kordhaysay ee hawlgallada kooxaha Soomaalida, iyo<br />
weliba marka lagu daro joogitaanka Somalia ay joogaan<br />
dagaalyahanno aan Soomaali ahayn oo ku dhex jira al-<br />
Shabaab, ayaa taasi macnaheedu uu yahay in<br />
dhibaatadii ay noqotay mid caalami ah.<br />
9 – Mid ka mid ah ciidammada al-Shabaab oo cunno baco<br />
ku jirta u qaybinaya dad jooga Shabeellada Hoose oo<br />
ka tirsan meelaha macaluushu ka jirto, September 2011<br />
(al-Shabaab)<br />
318
Ka sakow jiritaanka kooxaha Islaamiyiinta ah ee<br />
Somalia, iyo khatarta ay ku hayaan adduunka debadda,<br />
haddana waxa dhinaca kale dhibaato weyni ay ka<br />
haysataa dalalka debadda hawlaha gargaarka<br />
banii’aadminnimada ee dalkaasi ka socda. Hey’adaha<br />
gargaarka ayaa dhibaato weyn kala kulma sidii ay u<br />
gaadhsiin lahaayeen taakulayn degdeg ah dadka u<br />
baahan gargaarkaasi. Waxana dhacda in la dilo, lana<br />
afduubo shaqaalaha hey’adaha gargaarka iyo in lagaga<br />
qaato lacagyow fara badan oo baad ah goobaha<br />
isbaarooyinka. Waxa kale oo jirtey in ururka alshabaab<br />
uu marar badan ka mamnuucay hey’adaha<br />
gargaarku inay ka hawlgalaan gobollada ay ka<br />
taliyaan. Dhibaatadani waxay sii cuslaatay gaar ahaan<br />
bishii July ee 2011, markii Qaramada Midoobey ay ku<br />
dhawaaqday xaalad macaluuleed oo ka jirtey laba gobol<br />
oo ay al-Shabaab ka taliso, oo kala ahaa Bakool iyo<br />
Shabeellada Hoose. Hase ahaatee iyaga oo si deggan oo<br />
xeelad leh u maaraynaya, ayaa Qaramada Midoobey iyo<br />
hey’adaha gargaarka ee kaleba ay waxoogaa horumar ah<br />
ka sameeyeen inay kala xaajoodaan al-Shabaab sidii<br />
gargaarka loo gaadhsiin lahaa gobolladaasi. Ka<br />
bacdina Maraykanka ayaa ku dhawaaqay in uu isna<br />
taakulayn u dirayo dhulalka ay al-Shabaab haystaan,<br />
ilaa inta Qaramada Midoobay ay dammaanad qaadayso<br />
nabadgelyada hawlaha gargaarkaas banii’aadminnimo.<br />
Wax yar ka bacdi hadalkaasi Maraykanka, al-Shabaab<br />
waxay ku dhawaaqday in aanay ogolaan doonin cid<br />
ajanebi ah oo timaadda gobolladaasi. Waxana suurtogal<br />
ah in al-Shabaab ay ka booddey mawqifka iyo<br />
hadalladan qaawan ee Maraykanka. Mar kale Maraykanku<br />
waxa uu qiimayn khaldan ku sameeyey xaaladaha ka jira<br />
Somalia, iyada oo sida uu u dhaqmay ay wax u dhintay<br />
dadkii dhibaataysnaa ee baahnaa oo gargaarkii ka kala<br />
go’ay, iyo hey’adihii gargaarka banii’aadminnimada oo<br />
uu qas ku keenay dedaalkii ay ku suurtogeliyeen inay<br />
hawlahooda ka fulin karaan oo ay sii wadi karaan<br />
shaqooyinkii ay ka hayeen meelaha ay al-Shabaab<br />
319
xukumaan intii ay mamnuucidda gargaarku taagneyd oo<br />
dhan.<br />
Sida Jamciyadda Qaruumaha ka Dhaxaysaa ay sheegtay,<br />
waxa kale oo jirtey dhibaato ah musumaasuq ka dhex<br />
jira isla hawlaha gargaarka iyo qaybintiisa. Warbixin<br />
uu soo saaray Golaha Ammaanka ee Qaramada Midoobey<br />
ayaa waxa lagu sheegay in la ogaadey sannaddii 2010,<br />
in ilaa kala-badh raashinkii gargaarka ee loogu talo<br />
galay in la gaadhsiiyo dad laba milyan iyo badh<br />
gaadhaya oo Soomaali ah, inay leexsadeen kooxo<br />
musumaasuq ah oo ka kala kooban qandaraaslayaal,<br />
kooxaha Islaamiyiin ah, iyo shaqaale ka tirsan<br />
hey’adaha gargaarku. Warbixintu waxay inaasi ku<br />
dartay in hey’adda Qaramada Midoobey u qaabilsan<br />
barnaamijka cunnada adduunka ee WFP ay 80% siisay<br />
qandaraasyada rarista iyo geynta raashinkaasi<br />
gargaarka meelihii looga baahnaa, qandaraasyadaasi oo<br />
dhammaa ilaa $200 oo milyan oo dollar, inay siisay<br />
saddex nin oo keliya oo ganacsato Soomaali ah,<br />
kuwaasi oo iyaguna si sharcidarro ah u sii iibiyey<br />
raashinkaasi, si ay macaash badan uga sii helaan.<br />
Waxa kale oo warbixintu ay sheegtay in in ka tirsan<br />
gargaarkaasi lagu isticmaalay dagaallada: ‘Qaybo ka<br />
tirsan taakulayntii banii’aadminnimada, gaar ahaanna<br />
raashinkii gargaarka ahaa, ayaa waxa loo leexiyey<br />
ciidamada oo lagu isticmaalay ujeeddooyin milateri.<br />
Qaar badan oo ka tirsan qandaraaslayaasha Soomaalida<br />
ee la shaqaynayey hey’adaha gargaarka ayaa haddana<br />
samaystay isbahaysi dhexdooda ah iyo shuraake kooxaha<br />
ah, awod weynna yeeshay – kuwaasi oo qaar ka mid ahi<br />
ay si toos ah ugu gudbiyaan macaashka ay helaan,<br />
ammma raashinka gargaarka laftiisaba, kooxaha<br />
hubaysan ee mucaaradka.’ 18 WFP iyadu way ku<br />
gacansaydhay eedaymahaasi, laakiin waxay sheegtay<br />
inay ka joojinayso qandaraasyadii saddexdaasi qof<br />
inta la samaynayo baadhitaanno.<br />
320
Ma aha ganacsatada awodda badan ee Soomaalida oo<br />
qudha kuwa ka faa’iideysta hey’adha gargaarka. Waxa<br />
jira Soomaali badan oo kale oo waayo-aragnnimo iyo<br />
khibrad badan ka soo helay ku-xidhnaanshaha iyo<br />
helidda gargaarka debadda, kuwaasi oo bartay, kuna<br />
noqday khubaro sida looga faa’iideysto hey’adaha<br />
gargaarka. Tani waxan ku soo arkay Somaliland<br />
sannadkii 1994, markaasi oo wakiillo ka kala socda<br />
hey’adaha Qaramada Midoobey iyo kuwa kale ee<br />
gargaarka banii’aaminnimadu ay halkaasi tegeen si ay<br />
ugu gurmadaan dadkii ku dhex tabaaloobey dagaallo<br />
qabaa’il oo xilliyadaasi ka dhacay dalka. Waxan u<br />
safray magaalada Oodweyne, aniga oo sii raacay koox<br />
gurmad ah oo ka kooban khubaro ka socota hey’ado<br />
gargaar oo ajnebi ah. Waxa ugu horreeyey ee aannu ku<br />
dhaqaanay waxay ahayd in aannu la kulanno duqii<br />
magaaladaasi. Wuxu noo akhriyey liis dheer oo ah<br />
waxyaabaha ‘sida degdegga ah loogu baahan yahay’, ee<br />
ay u baahan yihiin dad uu ku tilmaamay inay u soo<br />
qaxeen magaalada, kana soo qaxeen dagaallo ka socda<br />
meelo kale oo ka tirsan dalka. Waxanu yidhi:’ Guud<br />
ahaan waxan halkan ku haynnaa dad dhan 6,100 qof oo<br />
ah dad u baahan gargaar oo in badani ay<br />
macaluulayaan, nafaqa-darrana ay hayso, isla<br />
markaasina aan haysan wax hoy ah. Ilaa hadda shan<br />
boqol ayaa u dhintay dhaawacyadii dagaalka ka soo<br />
gaadhay, gaajo iyo cudurro.. Waxan u baahannahay<br />
baco, bustayaal, dhar, raashin ay ka mid yihiin<br />
digir, saliidda cunnada, weelkii wax lagu karsan<br />
lahaa, iyo daawooyin.’<br />
Laakiin markii aan magaalada soo dhexmaray ee aan ku<br />
soo wareegey, waxa markiiba ii caddaatay inayna jirin<br />
dad u dhawdhaw tiradaasi 6,100-ka ah ee lagu sheegay<br />
‘dadka u baahan gargaar degdeg ah’. Waxa dhici kartaa<br />
inay yihiin wax kooban oo daraasiin ah. Kuma jirin<br />
wax macaluul hayso, amma cudurro u jiifa, amma hoy<br />
la’ oo bannaanka yaal, waayo, dhammaantood waxay la<br />
321
joogeen qoysas magaalada deggan. Hey’adaha gargaarku<br />
wax badan oo caynkaas ah kama qaban sidii ay wax uga<br />
qaban lahaayeen khaladaadka noocaas ah; waayo in laga<br />
hadlo oo la wadwado dhibaato banii’aadminnimo oo ka<br />
jirta Somaliland, ayaa iyada lafteeda macnaheedu ay<br />
tahay in la helo fursado qandaraasyo iyo lacagayow<br />
dheeraad ah – waxa la helayaa oo sii soconaya<br />
shaqooyinkii lagu adeegsan jirey.<br />
Saamaynta Goboleed (Regional Implications)<br />
Dhibaatooyinka Somalia waxay saameeyeen dalal badan<br />
oo kale oo ka tirsan dalalka Afrikada Bari iyo Geeska<br />
Afrika. Qaxootigii ayaa ku qulqulay oo ka tallaabaday<br />
xuduudaha. Xiisadaha iyo dagaallada Somalia waxa kale<br />
oo ay aafeeyeen oo deganaansho la’aan ku abuureen<br />
dalalka deriska ah, oo qaarkood si toos ah u galeen<br />
dagaalladaasi, iyaga oo leh weji ah ciidammo nabadilaalineed,<br />
amma ilaalinaya danahooda. Dhibaato<br />
markii hore ahayd kooxo gudaha ah oo Islaamiyiin<br />
xagjir ah, ayaa waxay isku rogeen oo ay noqdeen<br />
dhibaato goboleed, iyo xataa mid caalami ah.<br />
Tusaalooyinka ifinaya sida dalalka gobolku ay uga<br />
walaacsan yihiin xaaladaha Somalia, waxa ka mid ah<br />
dalalka Uganda, Kenya, Ethioipia, iyo Djibouti oo<br />
ogolaaday in ciidammo Somali ah lagu tababaro<br />
dhulkooda, kuwaasi oo mararka qaar ay ku gacansiinayaan<br />
khubaro milateri, amma naba-sugid, oo reer-<br />
Galbeed ahi. Uganda iyo Burundi waxay halkaasi<br />
geeyeen ciidammo nabad-ilaalineed. Urur-goboleedyada<br />
IGADD iyo Midowga Afrikana, shirar aan dhammaad<br />
lahayn ayay ka yeesheen xaaladaha Somalia. Laakiin<br />
kuwani ma yeelan wax saamayn ah oo cuntanta, sida<br />
iyaguna aanay u yeelan wax saamayn ah oo buuran kuwii<br />
Jamciyadda Qaruumaha ka Dhaxaysa, kuwii Ururka<br />
Midowga Yurub, iyo ururrada kale ee calamiga ah<br />
intuba.<br />
322
Saamaynta Uganda iyo Burundi kuma koobna oo qudha in<br />
ay halkaasi u direen ciidammo nabad-ilaalineed,<br />
kuwaasi oo daraasiin ka mid ahi ay ku dhinteen.<br />
Laakiin waxa kale oo ku soo fool yeeshay hawlgallo<br />
aar-gudasho ah oo kaga yimaad al-Shabaab iyo kooxaha<br />
kale ee mucaaradka ah, taasi oo ka dhalanaysa<br />
joogitaanka ciidammadoodaasi ee Somalia. Bishii July<br />
ee 2010, al-Shabaab waxay laba weerar oo wax-qarxin<br />
ah isku mar ku qaadday magaalo madaxda Uganda ee<br />
Kampala, halkaasi oo ay ku dhinteen dad ka badan<br />
toddobaatan qof.<br />
10 – Barakacayaal safaf ugu jira cunno loogu<br />
qaybinayo magaalada Muqdishu (Mohamed Moallimu).<br />
Ka sakow deganaansha ka jira gobollada Somaaliyeed<br />
ee Puntland iyo Somaliland, haddana iyaga laftoodu<br />
kamay wada bed-qabin amma fayoobayn weerarrada<br />
Islaamiyiinta. Bishii Oktoobar ee 2008, saddex qarax<br />
oo is-miidaamin ah ayaa isku mar lagu wada qaaday<br />
323
goobo ku yaal magaalada Hargeysa, kuwaasi oo dad<br />
badani ku dhinteen. Isla maalintaasi waxa iyana la<br />
weeraray Puntland. Hawlgalladani waxay tilmaamayaan<br />
awodda ay al-Shabaab u leedahay inay qaaddo weerarro<br />
xidhiidhsan oo heer sare ah.<br />
Ethiopia iyo Eritrea (Ethioipia and Eritrea)<br />
Gaar ahaan Ethiopia, lagama saari karo khilaafyada<br />
iyo dagaallada Somalia. Labada dal, waxay faacyo<br />
badan ahaayeen deris aan xidhiidhkoodu fiicnayn oo<br />
aanu caadi ahayn, oo waqtiba-ka-waqti ay colaado iyo<br />
dagaallo buuxa ka dhex dhacaan. Sababta weyn ee<br />
dhalisay xidhiidhka xun iyo colaadda joogtada ahina<br />
waa ‘gobolka Soomaalida’ ee Itoobiya, kaasi oo xuduud<br />
dheer la wadaaga Somalia oo ay ka jireen muddo dheer<br />
jabhado mucaarad ah oo gudaha ah oo saameeyey.<br />
Ethiopia waxay ka hirgelisay Somalia dhexdeeda wax u<br />
muuqan kara dhul ka caaggan milateri oo aan loo soo<br />
dhaafi Karin. Joogitaanka ciidamada Ethiopia ee<br />
gudaha Somalia ayaa noqotay wax joogto ah oo mar<br />
walba la sheego, ilaa aakhirkii ay noqotay wax iska<br />
caadi ah oo aan ahayn ‘war cusub’ oo soo kordhay.<br />
Haddana Ethiopia oo qayb weyn ka ah isbahaysiga ree-<br />
Galbeedka ee ‘la-Dagaallanka Argagixisada’,<br />
fagargelinteeda Somalia waxay yeelatay weji iyo<br />
kaalin caalami ah, sida kaalintii ay lahayd<br />
xilliyadii dagaalka qabow ee 1970-yadii.<br />
Dal kale oo isna si weyn faraha ugula jira arrimaha<br />
Somalia waa dalka Eritrea. Waana in la fahmo oo loo<br />
arkaa in faragelintaasi waxa salka u ah ee keenayaa<br />
inay yihiin khilaafka soo-jireenka ah ee ka dhexeeya<br />
iyada iyo Ethiopia, oo dagaal qadhaadhi u ka dhex<br />
dhacay sannadihii 1998 ilaa 2000, wax yar uun ka dib<br />
markii Eritrea ay ka madaxbannaanaatay Addis Ababa.<br />
Eritrea waxay u aragtaa dawladda federaalka ah ee kumeel-gaadhka<br />
ah ee Somalia, mid Ethiopia ay wadato oo<br />
324
danaheeda ay ku fushanayso, sida awgeedna Eritrea<br />
waxay caawisaa kooxaha mucaaradka ah ee ka soo<br />
horjeeda dawladda Somalia. Qaramada Midoobey,<br />
Maraykanka iyo dawladaha kaleba waxay mar walba ku<br />
eedaynayeen Eritrea inay siiso kooxaha Islaamiyiinta<br />
ah ee Somalia taageero siyaasadeed, mid dhaqaale, mid<br />
diblomaasiyadeed iyo mid milateri intaba, iyadaoo<br />
jebinaysa qaraaradii caalamiga ahaa ee<br />
cunaqabatayntii xagga hubka Somalia ee lagu soo<br />
rogey. Waxa kale oo lagu eedeeyey inay u fidiso<br />
kooxaha Islaamiyiinta ah ee Soomaalida, tababarro ay<br />
ku siiso Cassab oo ku taalla bariga Eritrea iyo<br />
Teseney oo galbeedka ah. 19 Madaxdii Midowga<br />
Maxkamadaha ee Somalia waxay u carareen magaalada<br />
Asmara, ka dib markii ciidamada Ethiopia ay galeen<br />
Soomalia sannadkii 2006, waxayna halkaasi ka<br />
sameeyeen hoggaan iyo maamul debadda jooga oo ka<br />
horjeeda dawladda caalamku aqoonsan yahay ee ku-meelgaadhka<br />
ah ee Somalia.<br />
Dhambaal qarsoodi ahaa oo ay dirtay safaaradda<br />
Maraykanka ee Asmara sannadkii 2009, laakiin si u<br />
dusey oo ay faafisay wakaaladda Wikileaks, ayaa waxa<br />
uu ka hadlayaa sida Etritrea ay u bilawday inay<br />
qaaddo olole diirran oo saaxiibtinnimo oo ay u<br />
muujiso Maraykanka, wax yar ka bacdi markii Barack<br />
Obama uu la wareegey xafiiska ee uu noqday<br />
madaxweynaha Maraykanka. Ololahaasina waxa ka mid<br />
ahaa casuumad maalin ah oo loo fidiyey safiirka<br />
Maraykanka iyo marwadiisa, ayna u fidiyeen saraakiil<br />
ka tirsan dawladda Eritrea, waxana lagu casuumay beer<br />
uu leeyahay agaasiimaha waaxda dhaqaalaha ee Eritrea.<br />
Dhambaalkaasi waxa uu ku tilmaamayaa agaasiimahaasi<br />
in uu yahay ‘farsamayaqaanka dhaqaalaha sii dumaya ee<br />
dalka’. Dhambaalka intiisa kale waxay si quudhsi ah<br />
oo ku-dheel-dheel ah uga hadlaysaa nooca martiqaadka<br />
iyo qadadii loo sameeyey: ‘Qadada waxa la keenay<br />
geed-qodaxeed sogsog ah hoostii oo ku yaal laag doox<br />
325
ah oo dhagax badan. Safiirka iyo marwadiisii waxa loo<br />
keenaya hilib ka kooban uur-ku-jirta adhiga oo la soo<br />
shiilay, lana soo marmariyey malab iyo basbaas kulul.<br />
Laakiin lama soo raacin weelkii maamuuska ee macdanta<br />
ahaa ee wax lagu cuni lahaa, suxuun wax lagu gurto,<br />
koobab wax lagu cabbo, amma qalab wax lagu googoosto.<br />
Waxa kale oo la soo raaciyey qadadaasi sharaab iyo<br />
cabbis fara badan oo ka kooban khamri adag oo<br />
qadhaadh, oo nus ahaan la khamiiriyey, ahna nooca<br />
waddaniga ah ee loo yaqaan magac ku bannaan oo ah<br />
“sewa”.’ 20<br />
Qadadaasi uma muuqan inay wax badan ka tartay<br />
hagaajinta xidhiidhkii Maraykanka iyo Eritrea.<br />
Dhambaalkaasi waxa uu intaasi sii raaciyey walaaca<br />
weyn ee Maraykanku ka qabo xidhiidhka Eritrea ay la<br />
leedahay ururka al-Shabaab, waxanu soo qaaday sida<br />
sarkaal ka tirsan Eritrea uu u qiray xidhiidh ilaa<br />
heer ah oo ay la leeyihiin ururkaasi. Waxanu<br />
dhambaalkaasi intaas ku sii daray in Maraykanku u soo<br />
saaray digniin cad oo toos ah oo uu siinayo Eritrea,<br />
ugana digayo cawaaqib xun oo ay mutaysan doonto<br />
haddii ay ku sii waddo taageerada ay siinayso<br />
ururkaas al-Shabaab.<br />
Eritrea waxay iyana dhinaceeda ku taagnayd oo ay<br />
dhaliilo waaweyn u soo jeedinaysey dawladda<br />
Maraykanka. Bishii August ee 2007, madaxweynaha<br />
Eritrea, Isaias Afewerqi, waxa uu ku eedeeyey<br />
Maraykanku in uu ku dedaalayo inu waxyeello u geysto<br />
danaha dalkiisa Eritrea, waxanu ugu baaqay dawladda<br />
Maraykanku inay joojiso waxa uu ku tilmaamay falalka<br />
iyo siyaasadda qar-iska-xuurnnimada ah. Waxa uu ka<br />
digay siyaasadda arrimaha debadda ee Maraykanka oo uu<br />
sheegay inay adduunka u horseedayso jid khatar ah.<br />
Wax yar ka hor hadalladaasi madaxweyne Afewerqi, waxa<br />
jirtey odhaah iyana ka soo yeedhay Kaaliyihii<br />
Xoghayaha Arrimaha debadda ee Maraykanka u<br />
qaabilsanaa Arrimaha Afrika, Jandayi Frazer, oo<br />
326
sheegtay in Maraykanku uu ka fikirayo in Eritrea lagu<br />
daro liiska dawladaha abbaaniya ee taageera ee<br />
argagixisada.<br />
Kooxaha Islaamiyiinta ee Somalia ma dafiraan inay<br />
taageero ka heleen Eritrea. Hoggaamiyaha<br />
Islaamiyiintaasi, Hassan Dahir Aweys, waxa uu 2011-<br />
kii si cad u qiray gacanta iyo kaalinta Eritrea.<br />
Waxanu yidhi:<br />
Abaal weyn ayaannu u haynnaa Eritrea, laba<br />
sababood awgood. Waxay diidey inay taageerto<br />
dagaalladii gardarrada ahaa ee la nagu soo<br />
qaaday, waxayna soo dhaweysey dadkayagii. Waxa<br />
kale oo ay na siisay taageero siyaasadeed.<br />
Eritrea waa dal faqiir ah oo saboolnnimo weyni ka<br />
jirto, waxana lagu soo rogey ciqaab iyo<br />
cunaqabatayn, sababta oo ah naxariista iyo<br />
taageerada yar ee ay noo fidisay. Qof kasta oo<br />
sidoo kale nagu eega il naxariiseed oo noo<br />
dhoolla-caddeeya, waxa loo ciqaabaya si<br />
naxariis-darro ah. Haatan Eritrea waxa ay ku<br />
jirta xaalad adag. Waannu ka xunnahay arrintaasi,<br />
waayo Eritrea waxay ciqaabtaasi ku mutaysatay<br />
annaga awgayo. Qaramada Midoobey waxay ku<br />
canaananaysaa Eritrea sababta keliya ee ah inay<br />
gacan siisay oo ay u gargaartay dad khalad lagu<br />
sameeyey oo meel laga dhacay. Imika Eritrea<br />
lafteeda ayaa la cambaaraynayaa. Waa wax aan la<br />
qaadan karin oo maskaxdu aanay aqbali karin in la<br />
cambaareeyo dad u gargaaray dad jilicsan oo<br />
dhibaato loo geystey, la soo weeraray oo la<br />
qabsaday.<br />
Yemen<br />
Xiisadaha iyo dagaallada Somalia waxa kale oo ay<br />
saameeyeen dalka Yemen. Waxa jooga oo ay haysaa<br />
327
qaxooti badan oo Soomaaliyeed, oo in badano oo<br />
daraasiin ah ay ku dhintaan sannad kasta doonyaha soo<br />
qaada dadka tahriibta ah ee ku dega Khooriga Cadmeed.<br />
Kooxaha Islaamiyiinta ah ee ka dagaallamaya labadaasi<br />
dal, waxay lugaha kula kala jiraan dagaallada ka kala<br />
socda labada dalba. Al-Shabaab waxay u dirtaa Yemen<br />
dagaalyahanno iyaga ka tirsan, sidoo kalena kooxaha<br />
Yemen waxay iyaguna u diraan Somalia dad dagaalo<br />
jihad ka fuliya halkaasi. Tani waxa isna qiray<br />
afhayeenka al-Shabaab, Sheikh Ali Mohamed Raage, oo<br />
yidhi sannaddikii 2010: ‘Arrinta ku saabsan Yemen,<br />
ciidammada aannu halkaasi u dirno iyo dagaalyahannada<br />
ay noo soo diraan, waxay ka mid yihiin xidhiidhka<br />
sokeeye ee ka dhexeeya labada dhinac. Waa intaas inta<br />
aan hadda ka sheegi karaa arrintaasi, iyada oo aannu<br />
go’aan ku gaadhnay in aan warbaahinta lagala hadal oo<br />
aan loo bandhigin arrimaha noocan ah.’<br />
Wax yar ka bacdi hadalkaasi, isna ku-xigeenka<br />
hoggaamiyaha qaybta ururka al-Qaacida ee Gacanka<br />
Carbeed, Saeed al Shihri, waxa uu ammaan u soo<br />
jeediyey kooxda al-Shabaab, cajalada laga soo duubay<br />
oo la soo geliyey Internetka. Waxanu yidhi:<br />
Waxan u sheegayaa oo aan ku leeyahay<br />
walaalahayaga qaaliga ah ee jooga Somalia,<br />
Ilaahay ha idinka raalli ahaado, hana idinka<br />
jasaa’i siiyo, waanad ku mahadsan tihiin<br />
ciidammadiinna aad noo soo dirteen...Ka sakow<br />
dhibaatooyinka idin haysta iyo cagajugleynta la<br />
idiin geysanayo ee la idinku maagayo jihaadka aad<br />
waddaan, haddana weli waxaad awoddeen in aad noo<br />
soo dirtaan ciidammo na caawiya... dhinac<br />
kastana, midba midka kale, waynnu iska<br />
kaashanaynna dagaallada soo socda ee aan kula<br />
jirno Maraykanka oo ah kan horseedka ka ah<br />
fusukha adduunka.<br />
328
Kenya<br />
Dal kale oo si weyn ay iyana u saamaysay dhibaatada<br />
Somalia waa dalka Kenya. Tobannaan kun oo qaxooti<br />
Soomaali ah ayaa ku qulqulayey dalkaasi dhawrkii sano<br />
ee u danbeeyey, gaar ahaanna markii ay sii<br />
xoogeysteen dagaalladii Koonfurta Somalia. Haddana<br />
waxa xaladdihii uga sii daray abaarihii ba’naa iyo<br />
macaluushii 2011-kii. Xerada qaxootiga ee Dhadhaab ee<br />
waqooyiga Kenya, oo ay ku jiraan inta badan qaxootiga<br />
Soomaalidu, waa xerada ugu balladhan ee qaxooti ee<br />
adduunka. Ma wada qaadi karto qaxootiga sida joogtada<br />
ah ugu soo qulqulaya mar kasta. Markii hore xeradaasi<br />
waxa loogu talo galay ilaa 90,000 oo qof oo keliya.<br />
Laakiin bishii November ee 2011, qaxootiga soo galay<br />
xerooyinkaasi ee la dejiyey waxay kor u dhaafeen<br />
500,000, kuwaasi oo buux-dhaafiyey, kana dhigay<br />
xeradii meel xaaladaha noloshu ay cidhiidhi yihiin,<br />
cagajuglayn iyo naxariis-darro xunna kala kulmay<br />
ciidamada nabadgelyada ee Kenya, sida lagu sheegay<br />
warbixin uu soo saaray ururka u dooda xuquuqda<br />
aadanaha ee Human Rights Watch sanadkii 2009. 21 Iyana<br />
Qaramada Midoobay, waxay sheegtay in sannadkii 2011<br />
oo keliya dadka soo galay xeradaasi Dhadhaab ay<br />
ahaayeen 200,000 oo qof.<br />
Dhibaatada dhex taalla Kenya iyo Somalia, waa mid<br />
iyana soo taxnayd faacyo badan oo hore. Xataa ka hor<br />
xornnimadii 1960-kii, Somalia waxay daba joogtey<br />
Degmada Aagga Waqooyi(NFD) ee Kenya xilligii<br />
isticmaarka, degmadaasi oo soomaalidu ay rabtey in<br />
lagu soo daro oo ay qayb ka noqoto dhulka Somalia.<br />
Gobolkani waxa uu xuduud la leeyahay koonfurta<br />
Somalia, waxan dega oo u badan dadweyne asalkoodu<br />
Soomali yahay. Ka dib wada hadallo iyo gorgortan daba<br />
dheeraaday, Ingiriisku waxa uu go’aan ku gaadhay in<br />
gobolkaasi uu ka sii mid ahaado oo uu ku hadho Kenya,<br />
taasi oo ka keentay Somalia inay xidhiidhkii<br />
diblomaasiyadeed u jarto Ingiriiska. Marka la eego<br />
329
dhibaatooyinka joogtada ah ee had iyo jeer ka haysta<br />
gobolkaasi, Kenya waxa laga yaabo in siyaabo badan<br />
awgood ay u qoomamaynayso in aanay uga hadhin dhulkan<br />
oomanaha ah ee kulul in uu raaco Somalia.<br />
Sanadihii aynnu soo dhaafnay, gobolka Waqooyi-Bari<br />
ee Kenya waxa uu ahaa mid xaaladaha ka jiraa ay si<br />
gaar ah u kacsan yihiin, ka dib markii al-Shabaab ay<br />
qabsatay gobollada ku dhawdhaw ee Somalia intooda<br />
badan. Ciidamada ilaalada xuduudda ee Kenya, waxay<br />
deggan yihiin meelo ay iska gaadhi karaan<br />
miliishiyooyinka Islaamiyiinta. In kasta oo rasmi<br />
ahaan uu xadkaasi xidhan yahay, haddana suurtogal ma<br />
aha in la wada kontoroolo, sababta oo ah xuduudda oo<br />
aad u dheer, si sahal ahna la iskaga gudgudbi karo.<br />
Soomaalida Kenya ee gobolkaasi deggani waxay ku<br />
cawdaan in al-Shabaab ay ka qorato degaannadooda<br />
dhalinyaro ay ka tallaabiyaan xadka, si ay uga qayb<br />
galaan dagaallada ka socda Somalia. Dawladda<br />
Maraykanku waxay sheegaysaa inay hayso ‘sababa lagu<br />
rumaysan karo inay dhacday in al-Shabaab ay dad ka<br />
qorato, ilaa heer xaddidan, xerada qaxootiga ee<br />
Dhadhaab.’ 22<br />
Mararka qaar, dagaallada Somalia waxay u tallaabaan<br />
dhinaca Kenya. Bishii October ee 2010, dagaal ayaa ka<br />
dhex qarxay miliishiyo-beeleed iyo al-Shabaab<br />
magaalada xuduudda ku taalla ee Beled-Xaawo. Boqolaal<br />
qof oo ka yaacaya dagaalladaasi ayaa ka tallaabay<br />
xuduudda, una tallaabay magaalada Mandera ee Kenya oo<br />
saddex kiloomitir oo qudha u jirta Beled-Xaawo.<br />
Iyada oo xiisadaha iyo dagaallada Somalia ay noqdeen<br />
qaar aad ugu dhaw, Kenya waxay go’aan ku gaadhay inay<br />
mudnaanta kowaad siiso inay is-daafacdo oo ay<br />
ilaaliso nabadgelyadeeda, waxayna qayb ka qaadatay<br />
barnaamij laga wado gobolka oo lagu tababarayo<br />
ciidammo Soomaaliyeed oo milateri iyo booliis ah.<br />
Waxan jirey warar sheegayan in ciidamadaasi oo dhan<br />
330
2,500, in badh ka tirsani aanay wada ahayn Soomaali<br />
laga soo qortay Somalia, laakiin inay ku jiraan dad<br />
Kiiniyaan ah oo asalkoodu Soomaali yahay. Kenya waxay<br />
kaalin firfircoon oo taageero ah ku lahayd ‘dagaalka<br />
dhulka Juubbooyinka’, qorshaasi oo ku saabsana in al-<br />
Shabaab dib looga qabsado gobollada ugu hooseeya ee<br />
koonfurta Somalia, lagana sameeyo halkaasi wax u<br />
dhigma dhul milateriga ka caagan, oo aan la soo<br />
dhaafin, oo u dhexeeya labada dal. Dawladda Kenya,<br />
tallaabo weyn oo kale oo muhim ah ayay sii qaadday<br />
bishii Oktoobar ee 2011, markaas oo ay u dirtay<br />
gudaha Somalia boqolaal ka tirsan ciidamadeeda,<br />
ka dib markii kooxo Soomaali ahi ay ka afduubeen<br />
gudaha Kenya afar qof oo ajanebi ah. Kenya waxay<br />
afduubkaasi dusha ka saartay al-Shabaab, waxayna<br />
sheegtay inay sii wadayso weerarrada xagga cirka iyo<br />
dhulka ee ay la beegsanayso kooxdaasi, ilaa iyo inta<br />
Kenya ay nqonayso meel ka bed qabta waxa ay ku<br />
tilmaantay ‘khatarta al-Shabaab’. Al-Shabaab waxay<br />
diiddey inay wax lug ah ku leedahay afduubyadaasi,<br />
waxayna intaasi ku dartay in milatery Kenya oo aan<br />
lahayn wax waayo-aragnnimo ah ‘uu dhandhamin doono<br />
xanuunka xabadda mujaahidiinta.’<br />
Kenya, waxay ku dhex qabsatay xaalad iyo marxalad<br />
adag. Iskama indhatiri karto dhibaatada Somalia,<br />
haddana gelitaanka ay weerartay Somalia, kama keenin<br />
oo keliya colaad dheeraad ah oo kaga timaad al-<br />
Shabaab, waxase sidoo kale ay cadownnimo kaga<br />
kasbanaysaa Soomaali badan oo kale. Iskaashiga Kenya<br />
ay la leedahay dalalka Maraykanka iyo ururk Midowga<br />
Yurub ee la xidhiidha ‘la-Dagaallanka Argagixisada’,<br />
iyo weliba magaalada dekedda ah ee Mombasa oo ay ku<br />
yaallaan maxkamad iyo xabsi gaar ah oo debadda laga<br />
maalgeliyo, oo lagu xukumo laguna xidho budhcadbadeedda,<br />
arrimahaasi macnahooda waxa uu noqonayaa oo<br />
ay keenayaan in Soomaali badani ay u aragto Kenya dal<br />
cadow ah.<br />
331
Kenya, waxa jira sababo badan oo ugu wacan walaaca<br />
ay qabto. Bishii September ee 2010, booliska Kenya<br />
waxa uu faafiyey oo uu si qarsoodi ah ugu gudbiyey<br />
warbaahinta, jiritaanka xubno iyo laan ka tirsan al-<br />
Qaacida oo ka jirta gobolka Afrikada-Bari, kaasi oo<br />
ay ku eedeeyeen labadii weerar ee isku mar lagu<br />
qaaday goobo ka tirsan dalka Uganda. Sida ku qornayd<br />
qoraalladaasi qarsoodiga ah, daraasiin dhalinyaro ah<br />
oo jooga Kenya oo la qortay, kuna biiray xubnahaasi<br />
laanta al-Qaacida, ayaa al-Shabaab ay ku soo<br />
tababartay Somalia dhexdeeda, kuwaasi oo qorshaynaya<br />
weerarro lagu qaado Kenya. Bishii November ee 2010,<br />
lix qof oo dhallinyaro ah oo u sii jeedey dhinaca<br />
Somalia ayaa lagu qabtay magaalada xeebta ku taal ee<br />
Lamu, kuwaasi oo looga shakiyey inay ka mid yihiin<br />
taageerayaasha al-Shabaab, una socdeen halkaasi si ay<br />
uga qayb galaan dagaallada Somalia. Maalmo ka bacdi<br />
markii ciidammada Kenya ay galeen Somalia bishii<br />
October ee 2011, laba weerar oo ahaa bambooyin lagu<br />
qarxiyey goobo ku yaalla magaalada Nairobi, waxa lagu<br />
diley hal qof, in badan oo kalena way ku dhaawacmeen.<br />
Qof Kiiniyaan ah oo sheegtay in uu ka tirsan yahay<br />
ururka al-Shabaab, ayaa waxa lagu xukumay xabsidaa’im<br />
madaxaa-ha-ku-furo ah, ka dib markii uu qirtay<br />
in uu ka qayb qaatay weerarkaasi.<br />
Hey’adaha dawladda waxa la gudboon inay<br />
foojignaadaan, laakiin haddana waa inay ka<br />
digtoonaadaan inay kiciyaan oo ay ka cadhaysiiyaan<br />
Soomaalida, iyada oo ay jiraan gaar ahaan dad badan<br />
oo ah muwaadiniin Kiiniyaan ah oo asalkoodu Soomali<br />
yahay, amma Soomaali qaxooti ahaan ku joogta<br />
dalkaasi. Al-Sahabaab waxay sheegtay inay rumaysan<br />
tahay in ay si durduro ah ku gaadhi karto oo ay socon<br />
karto ilaa magaalada Nairobi, iyada oo aan wax<br />
dhibaato ah la kulmin. Sababtana waxay ku sheegtay in<br />
Kenya aanay lahayn xoog iyo tamar ay wax iskaga<br />
celiyaan, marka la barbar dhigo Ethiopia oo loo arko<br />
332
mid milateri ahaan iyo xukuumad ahaanba ka awod weyn.<br />
Somaalidu waxay dhexdooda ku kaftamaan in<br />
ciidamadooda milateriga loo hayo inay la dagaallamaan<br />
Ethiopia, laakiin Kenya in boolisku ku filan yahay.<br />
Warbixin Qaramada Midoobay ay soo saartay 2010-kii,<br />
ayaa lagu sheegay in hawlgallada Islaamiyiinta<br />
Somalia ay gudaha u sii galeen oo xoog ku yeesheen<br />
Kenya dhexdeeda. Waxan ka mid ahaa warbixintaasi<br />
waxayaabaha ku qoran:<br />
Jaalliyadaha ballaadhan ee Soomaalida ah ee ku<br />
dhaqan Kenya, ku-dhawaanshaha Kenya ay ku<br />
dhawdahay Somalia, iyo xuduudda sida sahalka la<br />
iskaga gudgudbi karo ee labada dal u dhaxaysa,<br />
dhammaan arrimahani waxay gacan ka geysanayaan in<br />
Kenya ay noqoto saldhig amma xarun weyn oo laga<br />
taageero kooxaha hubaysan ee mucaaradka ah ee<br />
Somalia. Xubnaha ururrada al-Shabaab iyo Xisbul<br />
Islam, waxay si sahal ah oo xor ah u tagaan,<br />
ugana soo noqdaan magaalada Nairobi, halkaasi oo<br />
ay ka soo urursadaan qaadhaan lacageed, kana soo<br />
qortaan dad, kana helaan in lagu daaweeyo<br />
dagaalyahannadooda dhaawacma. Xidhiidhkani waxa<br />
rukun weyn u ah oo suurtogeliya wadaaddo<br />
maalqabeenno ah oo halkaasi ku jooga kuna<br />
shaqeeya ganacsato ahaan, kuwaasi oo ku xidhan<br />
machadyo diimeed oo kooban oo caan ku ah<br />
xidhiidhka ay la leeyihiin ururada iyo<br />
hawlgallada xagjirka ah...Shabakadaha ururradani<br />
waxay ahaayeen kuwo muddo dheerba u fidinayey<br />
kooxaha xagjirka ah ee Soomaaliyeed taagerooyin<br />
dhaqaale iyo kuwa fikri ah oo hoggaamineed. 23<br />
Dhambaal kale oo diblomaasiyiin Maraykan ahi ay<br />
direen sannadkii 2009, oo ‘Sawir ka bixinaya sida Al<br />
Shabaab ay dad uga qorato Kenya dhexdeeda’, ayaa waxa<br />
uu ka hadlayaa sida dalkaasi uu u noqday ‘meel fiican<br />
oo laga qoran karo wiilal dhalinyaro ah’ oo ku biira<br />
333
ururrada ay ka midka yihiin al-Shabaab. Waxanu u<br />
yaalley sidatan:<br />
Nin ganacsato ah oo deggan Isiolo (Siiyalow) ayaa<br />
sheegaya in lixdan dhallinyaro ah oo Soomaali<br />
kiinyaan ah oo ka tirsanaa magaalada, in la<br />
waayey ilaa bishii January ee 2008 oo ay ku<br />
biireen dagaallada Somalia, iyo in laba ka tirsan<br />
dhallinyaraadsi, oo qof ahaan uu yaqaanney, ay ku<br />
dhinteen dhawaan weerarro is-miidaamin ah oo ay<br />
ka fulinayeen magaalada Muqdisho. Waxa uu intaasi<br />
ku daray in qoritaanka dhalinyaraadaasi laga<br />
qoranayo magaalada Isiolo, in laga abaabulo oo<br />
laga hoggaamiyo masaajid ku yaalla xaafadda<br />
Eastleigh (magaalada Nairobi) oo ay leeyihiin<br />
wadaaddo xagjir ah, laakiin in fulinta hawshani<br />
in ay u xilsaaran yihiin xubno ka tirsan afar<br />
masaajid oo xagjir ah oo ku yaal magaalada<br />
Isiolo. Waxanu raaciyey in waalidiinta<br />
dhallinyaraasi ay si hoose oo qarsoodi ah u<br />
sameeyaan tacsida iyo xusaska geerida<br />
dhallinyaradaasi, iyaga oo ka baqaya inay hadlaan<br />
oo la maqlo. Xataa haddii dawladda Kenya ay isku<br />
hawsho inay wax ka qabato shabakadahaasi qoranaya<br />
dhallinyarada, ayuu yidhi ninkaasi, ma aha<br />
dhibaatooyinkani kuwa loo heli karo xal sahal ah<br />
oo degdeg ah. Waxan sii wadi doonnaa in aannu<br />
eegno bal in iyo sida Maraykanku uu noogu soo<br />
gurman karo ee uu arrimahani nooga caawin karo. 24<br />
Wararkani waxay cadho weyn ka keenayaan Soomaali<br />
badan oo joogta Kenya oo uu ka mid yahay ganacsadaha<br />
weyn ee xaafadda Eastleigh, Sheikh Mohamed Ibrahim<br />
Shakuul. Waxanu yidhi isaga oo arrintani ka<br />
faalloonaya:<br />
Wax badan ayaannu maqalnay warar ku saabsan<br />
lacagyow budhcad-badeed iyo kuwa argagixiso oo la<br />
334
sheego in la soo geliyo xaafaddan Eastleigh.<br />
Arrimahan waa in la kala saaraa oo la kala<br />
qeexaa, mid walbana goonideeda loo eegaa. Annagu<br />
lacagtayada waxannu ka helnaa maalgeliyayaal gaar<br />
ah iyo deyman aannu ka qaadanno bangiyada<br />
Islaamiga ah. Dacaayadaha iyo cuqdadaha<br />
warbaahintu faafinayso ee sheegaya in lacagayow<br />
budhcad-badeed iyo kuwa argagixiso in halkani ay<br />
yimaaddaan, waa wax aan jirin.<br />
Qof kasta oo waxaas sheegaya, waxan ku xujeyn<br />
karaa oo aan weydiin karaa bal in uu i tuso qof<br />
keliya oo baayac-mushtar ah oo jooga halkan<br />
xaafadda Eastleigh, oo faraha kula jira hawlo<br />
sharci-darro ah. Bal waa qofka i tusa taas.<br />
Waannu naqaan dadka aannu la macaamilno. Waannu<br />
naqaan dadka wax naga dhexeeyaan ee aannu<br />
shuraakaha nahay. Nasiibdarro, dacaayadahan la<br />
faafinayaa waa kuwa salka ku haya takrooris iyo<br />
midab-kala-sooc, iyo cunsuriyad lagaga horjeedo<br />
qawmiyado gaar ah iyo hawlahooda..<br />
Ma lihi oo kuma doodayo in wax kasta oo ka jira<br />
xaafadda Eastleigh amma qawmiyadda Soomaalida<br />
dhexdeeda, in wax walba ay boqolkiiba boqol sax<br />
yihiin oo ay si hagaagsan u socdaan, mana wada<br />
ogi oo ma lihi awoddii aan kula wada socon lahaa<br />
arrimahaasi. Laakiin aniga oo ka mid ah xubnaha<br />
odayaasha ee qawmiyaddan, aadna ugu dhex jira<br />
hawl-maalmeedkooda iyo nolosha dadweynaha, waxan<br />
kuu xaqiijinayaa in aanay halkan ka jirin falal<br />
noocaas ahi, haddii ay dhacdo inay jiraanna, inay<br />
yihiin wax aan sidaa u sii ridneyn.<br />
Qaybaha kale ee baayac-mushtarka qawmiyaddaasi<br />
Soomaalida ee deggan Kenya, waxay ka hadleen dulmiga<br />
ay kala kulmaan booliska Kenya. Waxan la sheekaystay<br />
nin ganacsade weyn ah oo Somaali ah, oo aan kula<br />
kulmay xafiiskiisa ku yaal badhtamaha magaalada<br />
335
Nairobi. Ma rabin oo diyaar uma ahayn ninkaasi in<br />
magaciisa la sheego. Waxase uu sheegay oo uu igu<br />
yidhi:’Ma ogtahay waxa booliska Kenya ay u yaqaannaan<br />
ee ay ugu yeedhaan Soomaalida? Waxay noogu yeedhaan<br />
mashiinnada amma khasnadaha ATM ee lacagta lagala<br />
baxa. Sababtuna waxa weeye sida qudha ee aannu u<br />
socon karno ugana dabbaalan karno ee aanu u qabsan<br />
karno hawlahayagu, waa in aannu laaluush siinnaa<br />
booliska, wax kastaba.’<br />
Ninkaasi ganacsada ahi, waxa uu had iyo jeer<br />
isticmaalaa magaca iyo wejiga nin kale oo aan<br />
Soomaali ahayn oo ay ku wada jiraan ganacsiga oo ay<br />
shuraake yihiin, marka ay arrimahooda ka soo<br />
dhammaysanayaan wixii kaga xidhma xafiiyada dawladda<br />
iyo hey’adaha. Magaca Soomaali iyo in laguu aqoonsado<br />
sidaasi, ayuu yidhi, waa mid ‘ganacsi ahaan ismiidaamin<br />
ah’ oo dilaysa ganacsigaagii. Waxa jira<br />
sababo caqli gal ah oo ugu wacan in uu sidan u hadlo.<br />
Sideedaba xaaladaha nololeed ee Soomaalida joogta<br />
Kenya, waxay marba marka ka danbaysa sii noqonayaa<br />
kuwa sii adkaada oo ay dhibaato kala kulmaan. Had iyo<br />
jeer shaki weyn ayaa laga qabaa, in kasta oo qaar<br />
badani ay u dhasheen dalkaasi. Badhtamaha magaalada<br />
Nairobi, waxan ku arkay oo aan goobjoog ka ahaa, qof<br />
kasta oo u muuqda in uu yahay Soomaali – kuwaasi oo<br />
ciidamada nabadgelyadu ay si sahal ah u garan karaan,<br />
uguna soo sooco karaan muuqoooda gaarka ah – in la<br />
joojiyo oo la baadho, korkoodana la marmariyo qalabka<br />
wax lagu baadho, mar ay gelayeen dhismayaal xafiisyo<br />
ah. Dadka aan Soomaalida ahayn, lama baadhayn oo waa<br />
la iska dhaafayey. Bishii August ee 2010, Bangiga<br />
Dhexe ee Kenya, waxa uu ku amray dhammaan baananka<br />
kale iyo hey’adaha dhaqaalaha iyo maalgelinta ee<br />
dalka, in ay la socdaan dhaqdhaqaaqa ganacsi iyo<br />
lacagaha Soomaalida ku sugan dalka Kenya gudihiisa ee<br />
looga shakisan yahay inay xidhiidh la leeyihiin<br />
kooxaha Islaamiyiinta xagjirka ah ee Somalia.<br />
336
Cuqdadda laga qabo Soomaalidu waxay ka dex jrta<br />
heerar iyo qaybo badan oo ka tirsan mujtamaca Kenya.<br />
Dhinac ahaan waa dad laga cabsado oo la neceb yahay;<br />
dhinaca kalena waa dad lala dhaco oo la jecel yahay<br />
xirfadda iyo waayo-aragnnimada ay u leeyihiin<br />
ganacsiga. Fikradaha uu qabo qof taksiile ah oo ii<br />
qaaday dhinaca xaafadda Eastleigh, waxay muujinayaan<br />
oo ay u taagan yihiin sida ay in badan oo ka tirsan<br />
dalkaasi ay u arkaan Soomaalida. Waxanu igu yidhi<br />
taksiilahaasi:’Soomaalidu waa dad aad iyo aad u xun.<br />
Waxay ku iibiyaan Eastleigh wax kasta, xattaa hub.<br />
Waa dad musumaasuq badan oo kharriban, mar kastana<br />
dagaallamaya oo is laynaya, waayo, dhaqan ahaan iyo<br />
dabeecad ahaan ayay yihiin dad xaruuri ah oo kacsan<br />
oo gacantu ka soo horrayso. Budhcad-badeedda<br />
Soomaalidu waxay yimaaddaan halkan, magaalada Narobi.<br />
Waxayna ka iibsadaan guryo qaali ah xaafadaha ugu<br />
wanaagsan. Kiiniyaanku way neceb yihiin Soomaalida,<br />
laakiin waa dad ku fiican ganacsiga.’<br />
Ganacsadaha Sheikh Shakuul waxa uu isna iiga<br />
sheekeeyey sida ganacsiga Soomaalidu uu faa’iidooyin<br />
waaweyn ugu leeyahay Kenya. Waxan kula kulmay<br />
xafiiskiisa ku yaal sariibad amma suuq cusub oo uu ka<br />
dhisayo xaafadda Eastleigh, halkaasi oo shanqadha iyo<br />
buuqa shaqadu ay ka socdeen. Waxanu yidhi:<br />
Waa in qof kastaa uu u bogaa oo uu soo dhaweeyaa<br />
ganacsiga iyo meheradaha noocan ah. Hawlahani<br />
waxay abuureen shaqooyin badan, dadweynaha ayaa<br />
wax ka helayaa oo dakhli ka soo gelayaa, dawladda<br />
ayaa dakhli cashuureed ka helaysa. Dad badan ayaa<br />
hawlaha ku tiirsan oo ay caawiyaan – ha ahaadaan<br />
Kiiniyaan, Soomaali, iyo dad kaleba.<br />
Waxay ila tahay in Soomaalidu ay yihiin hanti<br />
amma xoog wax-ku-ool ah, oo wax ugu filan Kenya<br />
oo wax ku soo kordhinaya, ee aanay ahayn dad<br />
culays ah oo dulsaar ah, sababtuna waxa weeye<br />
337
waxay abuuraan oo laga helaa shaqooyin. Bal fiiri<br />
inta qof ee halkan ka shaqaynaya, dhismahan<br />
halkan ka socda oo keliya. Boqolaal qof oo<br />
kiinayaan ah ayaan siinayaa oo iga helaya nololmaalmeedkoodii.<br />
Dawladdu waxay ka qaadataa<br />
cashuur dhammaan meheradaha iyo tukaammada ku<br />
yaal xaafaddan Eastleigh. Waxay ka heshaa dakhli<br />
dhammaan cashuuraha la saaro badeecadaha ay<br />
keenaan ee ay soo dejiyaan Soomaalidu. Waxay ila<br />
tahay in cuqdaddan laga qabo Soomaalidu, inay<br />
tahay uun xaasidnnimo lid ku ah kartidooda tartan<br />
ee suuqa. Soomaalidu waxay kor u qaadeen nolosha<br />
boqolaal qof, haddii aanay ahaynba malaayiin, oo<br />
Kiiniyaan ah, kuwaasi oo ay u abuureen, siiyeenna<br />
shaqooyin kala ah agaasiimayaal, xisaabiyayaal,<br />
gabdhaha boo’isooyinka ee qabta adeegyada<br />
guryaha, shaqaale, horjoogayaal goobaha shaqada<br />
iyo dhismayaasha, iyo wixii la mid ah. Waa in aan<br />
labada dhinacba dhinac kasta wax ka fiirinna.<br />
Colaadda loo qabo Soomaalida, ee ay u qabaan<br />
Kiiniyaanku, waxa laga yaabay inay ka imanayso sida<br />
ay ugu guuleysteen ganacsiga, ee aanay ahayn inay ku<br />
xidhan yihiin budhcad-badeed iyo Islaamiyiin xagjir<br />
ah. Soomaalidu waxay awalba ahaayeen kuwa heer fiican<br />
jooga, Kenya dhexdeeda, xattaa intii ka horraysay<br />
soo-bixtaankii budhcad-badeedda iyo al-Shabaab. Ma<br />
jiro meel uu kaga badan yahay baayac-mushtarkoodu<br />
xaafadda Eastleigh, degaankaasi oo loo yaqaan af-<br />
Sawaaxiliga ‘Mogadishu Kidogo’ oo macnaheedu yahay<br />
‘Muqdisho-yar’. Waa meel cammiran oo ay ka buuxaan<br />
hudheello, sariibado, tukaammo iyo suuqyo waaweyn oo<br />
laga adeegsadaa. Waxa ku yaalla dhismayaal iyo xarumo<br />
waaweyn oo daraasiin ah oo wada tukaammo ah, lehna<br />
magacyada: Day to Day Center, Bangkok Shopping Mall,,<br />
Prestige Center,, Towhid Shopping Complex, Emirates<br />
338
Shopping Mall,, Olympic Shpping Center, Sunrise<br />
Shopping Mall ...<br />
Qiimaha jaban iyo noocyada badan ee badeecadaha kala<br />
duwan ee yaalla suuqyadaasi, ayaa soo jiita dad badan<br />
oo u yimaadda inay wax iibsadaan, kana kala yimaad<br />
guud ahaan Kiiniya oo dhan, iyo dalalka kale ee<br />
Afrikada Bari. Waxa jira dhismayaal badan oo cusub oo<br />
hadda halkaasi ka socda, oo qaarkood dusha lagaga<br />
dheehay marmar iyo muraayado qaali ah oo aad iska<br />
dhex arkayso, iyo qaar kale oo dabaqyo badan ah.<br />
Xaafadda Eastleigh, waa meel isku dhex daadsan oo<br />
aan u nidaamsanayn sida xaafadaha kale ee badhtamaha<br />
Nairobi ee u dhawdhaw. Adeegyadeeduna waa qaar aad u<br />
liita. Waxa ka jira boholo iyo dhul googo’an meel<br />
kasta, jidadkuna waa qaar badankoodu ay burbursan<br />
yihiin oo aan la samayn. Dadka lugaynaya, waxay ku<br />
kalliftaa inay dhex maraan oo ay kolba ka tallaabaan<br />
dhul wasakh ah oo ay ku soo jabeen biyihii<br />
bullaacadaha, iyo buuro qashin tuulan ah oo aan cidna<br />
qaadin. Waxa mar walba googo’a korantada iyo biyaha.<br />
Waxa aad u xun adeegyada bulshada, taasi oo ku<br />
kalliftay dadweynaha xaafaddaasi inay joojiyaan<br />
sannaddii 2010, cashuurihii gudaha ee dawladda hoose<br />
ee ay bixin jireen; go’aankoodaasina waxa taageertay<br />
maxkamad.<br />
Huteelka Andalus, oo hoy u ah siyaasiyiin oo<br />
Soomaaliyeed oo debadda ku nool, waxa uu ku<br />
dhexyaalla oo uu ka mid yahay sakadaha suuqa weyn ee<br />
Eastleigh Mall. Suuqaasi oo ka duwan sariibadaha<br />
tukaanleyda kale badankooda, ma aha meel mugdi ah oo<br />
cidhiidhi ah oo buuq badan oo ay buux-dhaafiyeen<br />
meherado is dabayaal. Waa duni yar oo gooni ah oo<br />
sideeda u jirta. Waxa ku yaal meelaha lagu jimicsado<br />
oo casri ah, xarumo caafimaad, hudheel wax laga cuno,<br />
bangi iyo masaajid. Waxa kale oo ku taal saldhig ay<br />
leedahay Idaacadda FM Star oo ku hadasha af-Soomaali<br />
339
iyo goob Internet ah, labadaasi adeeg oo muhiim u ah<br />
xidhiidhinta iyo u-tebinta wararka Somalia, dadka<br />
jooga gudaha iy kuwa qurbaha labadaba.<br />
11 Ganacsade Soomaali ah oo jooga suuqa weyn ee<br />
Eastleigh (Mary Harper)<br />
Firfircoonida iyo hawlkarnimada ka jirta xaafadda<br />
Eastleigh, deganaanshaha Somaliland, iyo nabaddii<br />
ilaa heer ay suutogeliyeen Midowgii Maxkamadaha<br />
Islaamiga ahi, dhammaan waxay tusaale u yihiin sida<br />
Soomaalidu ay wax u qabsan karto ee ay ‘ u toosin<br />
karto’ arrimaheeda, iyaga oo adeegsanaya qaababkooda<br />
u gaarka ah iyo talooyinkooda. Malaha rajada ugu<br />
fiican ee Somalia ay yeelan karto, waxay noqon kartaa<br />
in loo daayo oo loo raaco si la mid ah qaababkoodaasi<br />
iyaga u goonida ah, oo in kasta oo aanay ahayn nidaam<br />
340
adduunku wada yaqaan oo caadi ah, in hadda loo<br />
adeegsan karo qaab gaar ah oo Soomaaliyeed oo keeni<br />
kara deganaansho.<br />
Sida immika ay tahay, Somalia waxay u taagan tahay<br />
mid ka mid ah dhibaatooyinka ugu wawaweyn ee ugu<br />
cadhada iyo madax-wareerka badan ee horyaalla<br />
dawladaha dejiya siyaasadaha caalamiga ah.<br />
Faragelintii debadeed ee dagaallada Somalia, haddii<br />
ay ahaayeen kuwa milateri oo toos ah amma si kale ah,<br />
ilaa iyo hadda ma shaqayn oo waxa ka yimid<br />
dhibaatooyin. In Somalia faraha laga qaado amma la<br />
iska fogeeyo oo aan loo dhawaan, waxay noqotay sidoo<br />
kale arrin aan lagu guulaysan. Iyada oo ay sii<br />
korhdayso tirada dadka Soomaalida ee ka tirsan<br />
qurbajoogta, ee dib ugu noqonaya Somalia si ay ugu<br />
biiraan dagaallada ay wadaan kooxaha Islaamiyiinta<br />
ahi, iyo weliba inay suurtogal tahay in dadkaasi ay<br />
ka qayb qaataan qorshayaal ku saabsan weerarro lagu<br />
qaado dhulalka ajanebiga ee debadda, ‘dhibaatada<br />
Soomaalidu’ waxay u muuqataa inay sii xoogeysanayso,<br />
siina noqonayso dhibaato caalami ah. Islaamiyiinta<br />
xagjirka ah ee aan Soomaalida ahayn, iyagana Somalia<br />
waxay ugu jirtaa hadda xagga hore liiska dalalka ay<br />
doonayaan inay tagaan oo ay ka soo dhex dagaallamaan.<br />
341
GABAGABO(Conclusion )<br />
Murugsanaanta xaaladaha Somalia iyo xilliga dheer ee<br />
khilaafyada iyo iska horimaadyadeedu ay qaateen, iyo<br />
weliba faragelinta joogtada ah ee debadeed ee dalkaas<br />
ee aan xal iyo wax-ku-ool noqon, waxay badeen<br />
arrimahani jahawareer ay ka qaadeen in badan oo ka<br />
mid ah dadka gudaha iyo kuwa debaddu intuba, iyo<br />
xattaa mararka qaar inay ka magaan oo ay ka cabsadaan<br />
halkii looga wareegi lahaa ee danbe.<br />
Sawirka had iyo jeer laga bixiyo Somalia, iyo sida<br />
loo soo bandhigo ee ah inay tahay dalka adduunka<br />
dhinac kasta qarannimadiisii si weyn u fashilantay, 1<br />
(eeg warbixintii Guddida La-socodka iyo Talo-kabixinta<br />
Dhibaatooyinka Caalamia ah e ICG ee 2008), ee<br />
hoy u noqday budhcad-badeed, Islaamiyiin xagjir ah,<br />
iyo dad macaluulaya, xaaladahani waxay sii xumeeyeen<br />
dhbaatooyinkii, waxayna si kasta qayb ka qaateen<br />
siyaasadaha habawsan ee lagu waajahayo dalkaasi.<br />
Sababta oo ah in Somalia lagu tilmaamo oo lagu<br />
magcaabo sifooyin badan oo ay ka mid yihiin qaran<br />
'fashilmay', 'jilicsan', amma 'burburay', taasi waxay<br />
keentay in kuwo badan iyo meelo badan oo ka mid ah<br />
kuwa siyaasadda dejiyaa amma qorsheeyaa ay go'aan ku<br />
gaadhaan in Somalia ay u taagan tahay wax khatar ku<br />
ah nabadgelyada iyo badbaadada adduunka.<br />
La-xidhiidhinta lala xidhiidhiya 'burbur qaran' inay<br />
keenayso argagixiso caalami ah ayaa xoogeysatay gaar<br />
ahaan intii ka danbaysey weerarradii 9/11. Hasse<br />
ahaatee fikradda adduunku uu qaatay ee ah in khatar<br />
caalami ahi ay ka soo fool leedahay Somalia oo aan<br />
dawlad xukunta lahayn, ayaa ah wax marka horeba la<br />
buunbuuniyey. Tanina waxay horseedday in la qaato<br />
go'aanno siyaasadeed oo dibadeed oo liita oo ku<br />
aaddan dhinacyada khataruhu ka iman karaan, iyo in<br />
wejiyada xunxun oo qudha loo fiirsado ee aan la<br />
342
danayn dhinacyada wanaagsan ee cuntama ee rajo fiican<br />
yeelan kara. Dabbaqaadda go'aannadani iyo fahamkaasi<br />
laga qaatay Somalia ayaa siyaabo badan u dhaliyey in<br />
si khaldan hoggamiyaasha siyaasaduhu ay u arkaan<br />
Somalia inay tahay wax laga cabsado oo aan la fahmi<br />
karin.<br />
Siyaabaha loola dhaqmayo Somalia waxa lagu daray oo<br />
lagala mid dhigay xaaladihii ka dhashay dhacdooyinkii<br />
9/11 iyo tallaabooyinkii laga qaadayey, taasi oo<br />
keentay in si aragti-gaabnaan ah laga eego dhinac<br />
qudha oo aan waaqici ahayn, waxayna Somalia ka mid<br />
noqotay sheekadii amma siyasaddi'Dagaalka<br />
Argagixisada'. Xattaa dhicitaankii Siyaad Barre ka<br />
hor, Somalia waxay ahayd dal arrimihiisu fool adag<br />
yihiin, marar badanna khatar ah, laakiin burburkii<br />
dawladda dhexe macnaheedu ma ahayn in isla markaaba<br />
si toos ah ay khatar degdeg ah ay ugu noqotay dalalka<br />
reer Galbeedka, iyo hoy ay yeeshaan<br />
ururrada Islaamiyiinta xagjirka ah.<br />
Khubarada siyaasadda ee debadda ee darsa Somalia<br />
guud ahaan kuma baraarugin arrimahan, xilliyadii ay<br />
'fashilmaysey' dawladdii dhexe. Inta baddanna,<br />
sababta oo ah in dawladnnimadii ay ahayd mid<br />
fashilmaysey amma sii burburaysey, Soomaalidu waxay<br />
samaysatay qaabab xiiso leh oo cajaa'ib ah oo ay<br />
adeegsato, una bedela hawlihii ijtimaaci ahaa ee<br />
dawlad dhexe qaban lahayd, kuwaasi oo qaar ka mid ah<br />
laga dhigan karo tusaale ay ku dayan karaan dalalka<br />
kale ee dagaallada iyo noocyada kale ee deganaansho<br />
la'aantu ay saameeyeen. Xaqiiqada ah in dhinacyo<br />
badan oo ka mid ah xaaladaha nololeed ee Somalia ay<br />
yihiin kuwa aan caadi ahayn, macnaheedu ma aha inay<br />
khaldan yihiin, amma yihiin dad xun, amma khatar uuni<br />
ka soo fool leedahay.<br />
343
Guulaha ugu badan tijaabooyinka laga arkay Somalia,<br />
waxay ahaayeen 'kuwo ka dhashay gudaha', kana yimid<br />
aasaaska hoose ee mujtamaca amma dadweynaha, ee ma<br />
ahayn kuwa dusha lagaga keenay oo ka yimid debadda.<br />
Khabiirka Bronwyn Bruton, (buuggiisa uu ka qoray<br />
arrimaha Somaalia ee uu u bixiyey Somalia: A New<br />
Approach,2010), waxa uu soo jeedinayaa inay la<br />
gudboon tahay dawldda Maraykanku inay cashar ka<br />
barato waayo-aragnnimada laga helay in la iska<br />
fogeeyo Somalia oo faraha lagala baxo, waxanu ku<br />
doodayaa: 'Waxa lagu magacaabi karo "ka-maqnaansho<br />
iyo in la eegto uun oo aan masuuliyad la iska saarin<br />
inay tahay ta habboon", waxa laga yaabaa inay u<br />
muuqato arrin ka duwan oo ka horiman karta sidii loo<br />
arkayey amma laga rajaynayey inay noqon doonto.<br />
Laakiin in haba yaraatee wax uun la qabto ayaa ka<br />
roon in waxyeello la eegto amma la geysto.’ 2<br />
Xukunkii Isbahaysiga Maxkamadaha Islaamiga ah ee<br />
koonfurta iyo badhtamaha Somalia iyo Jamhuuriyadda la<br />
Magac Baxday Somaliland ee qaybihii waqooyi galbeed,<br />
waa labada tusaale ee ugu mudan, lagana faa'iidaysan<br />
karo; laakiin haddana ma aha in si aan waaqici ahayn<br />
loola dhaco uun. Qoraaga Mark Bradbury, (buuggiisa ku<br />
saabsan Somaliland ee 2008, 'Becoming Somaliland,<br />
2008), waxa uu ku doodayaa in midka ka mid ah<br />
sababaha ilaa hadda aan Somaliland arrimaheeda loo<br />
qaadan si weyn oo culus oo laga dhigan karo tusaale<br />
lagu daydo, waxa weeye in arrinteedu aanay lahayn<br />
meel ay ka soo gelayso amma kala qabsanayso qaababka<br />
iyo sharciyada hadda la yaqaan ee dejisan ee loo eego<br />
ahaansha ummad gooni ah amma qaran dawli ah oo iskii<br />
u taagan. Waxana ka mid ah dooddiisa:<br />
Somaliland waxay ka mid tahay dalal dhawr ah oo<br />
soo baxay laga soo bilaabo dhammaadkii<br />
Dagaalkii Qaboobaa, kuwaasi oo aan lahayn meel ay<br />
kala qabsan karaa qaababka sharciyeed ee<br />
344
dawladnnimo gooni ah ee ilaa hadda adduunku ku<br />
dhaqmo ee caadiga. Waxana kuwaasi loo sifeeyaa<br />
siyaabo kala duwan oo kala ah 'maamullo gaar ah<br />
oo aan ahayn qaran dawli ah', 'maamul-u-yaal amma<br />
dawlad-u-yaal', iyo 'maamul amma dawlad maaul<br />
kale oo dawladeed ku hoos jira amma hoos<br />
yimaadda.’<br />
Qaybahani siyaasadeed waa qaar dood iyo su’aalo<br />
ka keenaya nuxurka ay ku fadhiyaan xeerarka amma<br />
sharciyada caalamiga ah, iyo mid ahaansha dhuleed<br />
ee dalalka adduunka, iyadoo qurbajoogta faraha<br />
badan ee qaybahaasi ay wax ka bedelayaan<br />
fikradihii laga qabay muwaadinnimada, isbedelna<br />
ku keenayaan noocyadii xidhiidhka dalalka iyo<br />
muwaadiniintooda, iyo weliba sidoo kale siyaabaha<br />
ay u dabbiraan una soo saaran dhaqaalaha<br />
noloshooda. Marka la eego xaaladda dadweyne badan<br />
oo ku nool dalalkan aan loo aqoonsanayn qaran<br />
dawli ah oo iskii u taagan, maamulladaasi gudaha<br />
ee siyaasadeed ee ay samaysteen waxay hirgeliyaan<br />
nidaam iyo adeeg nabadgelyo oo ka fiican kuwii<br />
ay qaban jireen dawladihii hore ee rasmiga ahaa.<br />
Somaliland waxay su'aalo ka qabtaa qaabka<br />
dedaalka caalamiga ah ee ku saabsan dib-u-dhiska<br />
Somalia, iyada oo wax iska weydiinaysa asaasi<br />
ahaan qaabka iyo nooca dawladnnimadaasi dib loo<br />
dhisayo, iyo dhinaca kale iyada oo soo banhigtay<br />
hab kale oo loo mari karo dib-u-dhiskaasi, kaasi<br />
oo ka duwan, laguna bedeli karo qorshaha qaabka<br />
dib-u-dhiska ee ilaa maanta ay wadeen<br />
diblomaasiyiinta ajanebiga iyo barnaamijyada<br />
hey’adaha gargaarku. 3<br />
Mid ka mid ah 'guuldarrooyinka' ugu waaweyn ee ku<br />
dhacay siyaasadaha ku aaddanaa Somalia waxay noqotay<br />
345
in lagu dhegganaa uun oo dabada la sii hayey shirar<br />
dhaadheer oo 'nabadeed amma dib u heshiisiineed', oo<br />
caaalamku abaabulo, kharash badanina ku baxo, laguna<br />
qabto dalka debaddiisa. Ilaa imikana waxa la qabtay<br />
in ku dhawdhaw labaatan shir oo noocaasi ah oo aan<br />
midna lagu guulaysan. Shirarkaasi waxa ka dhashay<br />
dawlado daciif ah oo kala danbeeyey oo ku-meel-gaadh<br />
ahaa, oo mid walba guuldarro ku danbeysey.<br />
Dawladahaasi waxay ka jireen oo keliya oo ay<br />
maamulayeen qaybo kooban oo ka tirsan dalka, mararka<br />
qaarna awoddoodu maba gaadhsiisnayn wax ka badan<br />
dhismayaal amma sakado dhawr ah oo madhan oo ka<br />
tirsan magaalo-madaxda Muqdishu.<br />
Arrinta ku saabsan in lagu dhaqmayo hab federaal<br />
ah, waxay iyana noqotay mid afka uun laga yidhaa oo<br />
hadal ah, laakiin habka maamulka iyo awoddo waxay u<br />
janjeedhsameen inay si weyn ugu koobnaadaan meel<br />
qudha oo dhexe oo ay iskugu soo ururaan, ahna<br />
magaalada Muqdishu oo keliya. Mararka qaar<br />
maamulladaasi waxa sadhig u ahaa oo ay fadhiyeen<br />
magaalooyin kale oo Soomaaliyeed, amma xattaa dalka<br />
debaddiisa, sababta oo ahayd dagaalladii socdey, iyo<br />
colaaddii iyo nacaybkii weynaa ee joogitaankoodu uu<br />
ka kiciyey caasimadda. Waxa ka maqnaa sharciyaddii,<br />
aqoonsigii iyo aqbalaaddii loo baahnaa ee dadweynaha<br />
ay ka helin lahaayeen. Sababta oo ah in Soomaali<br />
badani ay u arkayeen wax debadda lagu soo dhoodhoobay<br />
oo ajanebi ka keenay. Dawladahaasi waxa kale oo ku<br />
adkaatay inay jebiyaan oo ay ka adkadaan kooxihii ay<br />
iska soo horjeedeen ee ay cadowgooga ahaa, waxan<br />
sabab u ah khilaafyada jira oo ah qaar qoto dheer oo<br />
si weyn u kala qaybsan, una murugsan. Warbixin<br />
Qaramada Midoobay xafiiskeeda qaabilsan la socodka<br />
arrimaha Somalia ay ka soo saartay bishii March ee<br />
2010-kii, ayaa si cad u tilmaamaysa xaaladdani<br />
taagan:<br />
346
Xiisadaha iyo dagaallada socda waxay tusaale xun<br />
u yihiin oo ay u taagan yihiin qaab xun oo isugu<br />
jira 'dagaal-jabhadeed noocyo kala geddisan ka<br />
kooban': noocyo dagaallo milateri ah, xeelado<br />
dagaal iyo qaabab aan caadi ahayn, iyo weliba<br />
gacan-ka-hadal iyo dil aan waxba loo aabbo<br />
yeelayn, xoog-ku-muquunin arxan darro iyo<br />
denbiilannimo jahawareersan - kuwaasi oo weliba<br />
ay soo raacdo, marka xaaladda Soomaalida la eego,<br />
faragelin kaga timaadda dawladaha deriska la ah.<br />
Dawladda taagta daran ee ku-meel-gaadhka ah ee<br />
federaalka Somalia waxa si aan wax-ku-ool ahayn<br />
ula daalaadhacaysey dagaallada ay rabtey inay<br />
kaga hortagto kooxo kala geddisan oo isku milan,<br />
iskuguna jira kuwo diimeed oo xagjir ah, kuwa<br />
siyaasadeed, kuwa leh dano dhaqaale oo fursado ay<br />
ka faa'iideystaan eegeeganaya, iyo kuwa dano<br />
beeleed amma qabiil watta. 4<br />
Quwadaha reer Galbeedku, gaar ahaanna Maraykanka iyo<br />
Ingiriisku, waxay sannaddii 2010 dib-u-eegis ku<br />
sameeyeen habka loo waajahayo ee wax looga qabanayo<br />
arrimaha Somalia. Waxana la sii wadey taageerada iyo<br />
aqoonsiga dawladda ku-meel-gaadhka ah ee muqdishu<br />
fadhida, waxase dhinaca kale aad loogu soo jeestey,<br />
oo sidii hore si ka badan loo daneeyey, qaybaha kale<br />
ee deganaansha dheeraadka ahi uu ka jiro, gaar<br />
ahaanna Puntland iyo Somaliland. Waxayna dabbaqeen<br />
siyaasad ah 'laba toobiye oo isbarbar socda',<br />
labaatan sano ka bacdi dhicitaankii dawladdii dhexe.<br />
Tallaabadani waxay hubaal ahaan ahayd mid lala soo<br />
daahay si ay wax saamayn ah oo badan ugu yeelato<br />
gobollada koonfureed iyo kuwa badhtamaha dalkaasi,<br />
gobolladaasi oo dagaallada iyo xiisaduhu ay u noqdeen<br />
wax si joogto ah u socda oo caado amma dhaqan noqday.<br />
Dawladaha shisheeyuhu waxay aakhiritaankii<br />
347
ilaabayaan inay ku dhaqaaqaan taageerada gobollada<br />
uu ka jiro degganaansha dheeraadka ahi ee dhulalka<br />
Soomaalida; waxa kale oo ay si dhaw indhaha ugu<br />
hayaan dhinacyada cuntama ee horumarka laga<br />
samaynayo, qaybaha kale ee dalka ee dagaalladu sida<br />
ba'an u saameeyeen.<br />
Dhinacyadaasi waxa ka mid qaybaha sameeyey koritaan<br />
dhaqaale oo dheeraad ah oo ku dhisan habab dhaqan iyo<br />
kuwa casriga ah intaba. Waxana wax badan laga<br />
korodhsan karaa sida layaabka leh ee loogu guulaystay<br />
ganacsiga xoolaha nool sanadihii colaaduhu ay<br />
socdeen, iyo abuuritanka lama-filaanka ah ee waaxyo<br />
kale oo dhaqaale oo cusub, oo ay ka mid yihiin<br />
isgaadhsiintu. Sabaha ay u hirgaleen waaxyahanina<br />
waxa ka mid ah iyada oo aanay jirin faragelin iyo<br />
kontorool dawladeed.<br />
Soomaalidu waa dad firfircoon oo karti leh, waxayna<br />
si dhiirranaan leh u dabbaqeen tiknoolojiyada casriga<br />
ah. Kartidan iyo dhiirranaantan awgood, ayaa ka sakow<br />
sannadihii badnaa ee dagaallada iyo dawlad la'aanta<br />
oo lafteedu dhinaca kale sabab u noqotay inay la<br />
yimaaddaan kartidan, ay haddana sameeyeen horumar<br />
muhim ah oo dhaqaale oo saamayn ku yeeshay qaybo<br />
badan oo ka tirsan Afrika iyo adduunka kaleba. Sida<br />
kartida leh ee ay ula qabsadeen, una adeegsadeen<br />
tiknoolojiyada Internet-ka iyo telifoonnada mobiilka,<br />
ayaa gaadhsiisey Soomaalidu in ay si buuxda oo dhab<br />
ah uga qayb galaan dhaqaalaha caalamiga ah, in kasta<br />
oo siyaabo badan ay u yihiin dad aan lahayn dawlad<br />
qaran oo wakiil ka ah amma ka mas’uul ah. Waxay ku<br />
kala baaheen adduunka, laakiin waxay noqdeen oo ay<br />
yihiin xoog dhaqaale oo is-haysta. Waxay si buuxda<br />
ugu xidhan yihiin gudaha, gobollada iyo ganacsiga<br />
caalamiga ah, he'yadaha iyo suuqyada dhaqaale, ha<br />
noqoto ka-ganacsiga xoolaha nool ee dhaqanka u haa,<br />
amma ganacsiga casriga ah ee xawaaladaha lacagta.<br />
348
Waxay ka dhigan tahay sidii wax mujtamaca Somaalidu<br />
uu si ahaan u dul maaxayo adduunka, oo uu gaadhay<br />
marxalad iyo heer horumar oo ah kan ugu casrisan,<br />
kana sare maray heerkii ku koobnaa dawlad qaran.<br />
Sabaha Soomaalida u suurtogeliyey inay ilaa<br />
heerkaasi wax qabsadaan iyada oo aanay jirin dawlad<br />
dhexe oo awod leh, waxa ka mid ah hab-dhaqankooda oo<br />
aan ku dhisnayn nidaam dawli ah. Qaabka ah dawladqaraneed<br />
ma aha mid Soomaalidu u aragto in uu wax<br />
macne ah oo faa'iido ah u leeyahayhay. Waxay<br />
leeyihiin qaababkooda dhaqan ee ay isku habeeyaan,<br />
mana aha in hoggaamiyaasha siyaasadda ee caalamku ay<br />
taasi la yaabaan amma ku gacansaydhaan, hab ay dhici<br />
karto inay u arkaan wax lagu tilmaami karo nidaam aan<br />
qeexnayn oo aan mug lahayn in laga dhigto habsiyasadeed<br />
lagu dhaqmo. Dhaqanka reer-guuraannimada<br />
ee ku dhisan habka abtirsiinta beelnnimo ee<br />
Soomaalida ayaa ahaa mid soo-jireen ah oo ay ku<br />
dhaqmi jireen, mujtamcuna si wax-ku-ool ah iskugu<br />
maamuli jirey, wax badan ka hor intii aanay dusha<br />
kaga iman nidaamyadii dalalkii isticmaarka ee<br />
qabsaday Somalia. Soomaaliduna muddo qarniyaal ah<br />
ayay la macaamili jirtey, lana lahayd baayacmushtar,<br />
dalal leh dawlado dhexe oo ka mid ah dalalka Carabta,<br />
Aasiyada Koonfureed iyo Yurub.<br />
In ka badan labaatan sano ayay dawladaha debaddu ku<br />
hawllanaayeen inay xal u helaan dhibaatooyinka<br />
Somalia. Fargelin milateri, hawlgallo gargaar oo<br />
banii'aadminnimo iyo kuwii diblomaasiyadeed, waxay ku<br />
guuldarraysteen inay keenaan isbedel waxtar ah, amma<br />
xal waara oo laga hirgeliyo dalkaasi. Waxana laga<br />
yaabaa in loo baahan yahay in la qaado tallaabooyin<br />
horleh oo cusub oo dhiirranaani ay ku jirto, sida<br />
Soomaalida lafteedu ay u dhiirradaan oo kale.<br />
Adduunka intiisa kalena, waxay u baahan yihiin oo<br />
kale inay aqoonsadaan oo ay gartaan in Soomalidu ay<br />
349
karti fiican u yeelan karaan inay lafahooda wax u<br />
qabsadaan.<br />
350
Xusas Tixraac (Notes)<br />
Hordhac (Introduction)<br />
1 www.foreignpolicy.com/failedstates<br />
(Markii ugu danbaysay ee la eegay August 2011).<br />
2 Antonio Guterres, United<br />
Nations High Commissioner for<br />
Refugees, July 2011.<br />
3 www.transparency.org/policy_<br />
research/surveys_indices/cpi/2010/<br />
results (Markii ugu danbaysay ee la eegay August 2011).<br />
4 Economist, 371, 2004, p. 58.<br />
5 Weedhaan amma ereyadan waxay had iyo jeer ku soo baxaan oo lagu<br />
arkaa warbixinnada warbaahinta, tusaale ahaan, Peter<br />
Hughes, Daily Telegraph, 13 May 2011.<br />
6 www.foreignpolicy.com/articles/<br />
2009/02/16/the_most_dangerous_<br />
place_in_the_world (Markii ugu danbaysay ee la eegay<br />
August 2011), www.bbc.co.uk/news/<br />
uk-politics-14558721 (Markii ugu danbaysay ee la eegay<br />
August 2011).<br />
7 Richard Burton, First Footsteps<br />
in East Africa (New York: Dover, 1987<br />
[1856]), vol. 1, p. 122.<br />
8 Ioan Lewis, Understanding<br />
Somalia and Somaliland (London:<br />
Hurst and Co., 2008), p. 25.<br />
9 James Rennell Rodd, Social and<br />
Diplomatic Memories 1894–1901, 1923.<br />
10 Scott Peterson, Me Against My<br />
Brother (New York: Routledge, 2002),<br />
p. 1.<br />
1 Beelaha iyo Dalka (Clan and country)<br />
1 Richard Dowden, Africa: Altered<br />
States, Ordinary Miracles (London:<br />
Portobello, 2008), p. 93.<br />
2 www.facebook.com/#!/pages/<br />
Somali-Camel/111689282692 (Markii ugu danbaysay ee la eegay January<br />
2011).<br />
3 John Drysdale, The Somali Dispute<br />
(New York: Praeger, 1964), p. 10.<br />
4 Ioan Lewis, A Modern History of<br />
Somalia (Oxford: James Currey, 2002),<br />
p. 8.<br />
5 Martin Murphy, Somalia: The<br />
New Barbary? (London: Hurst and Co.,<br />
2011), p. 18.<br />
6 Ioan Lewis, Understanding<br />
Somalia and Somaliland (London:<br />
Hurst and Co., 2008), p. 3.<br />
7 Ibid., p. 56.<br />
8 Lewis, A Modern History of<br />
351
Somalia, p. 10.<br />
9 Michael Walls, ‘The emergence<br />
of a Somali state’, African Affairs,<br />
108(432), 2009, p. 377.<br />
10 Nuruddin Farah, From a<br />
Crooked Rib (London: Heinemann,<br />
1970), p. 13.<br />
11 Nuruddin Farah, Gifts (Cape<br />
Town: Kwela Books, 2001), p. 197.<br />
12 Lewis, Understanding Somalia<br />
and Somaliland, p. 23.<br />
13 B. W. Andrzejewski and Sheila<br />
Andrzejewski, An Anthology of Somali<br />
Poetry (Bloomington: Indiana University<br />
Press, 1993), p. 32.<br />
14 Ibid., p. 78.<br />
15 www.bbc.co.uk/news/<br />
world-africa-12246627 (Markii ugu danbaysay ee la eegay<br />
August 2011). Si aad u aragto Cabdirashiid Cumar oo af-Soomaali ku<br />
tirinaya gabygiisa, eeg www.youtube.com/watch?v=MrXh3ceV_MA.<br />
16 Si aad u hesho faahfaahin ku saabsan naanaysaha Soomaalida, fiiri<br />
qoraallada ‘Somali (nick)names and their meanings’ ee Marcus<br />
Hoehne iyo Muuse Cali Faruur<br />
iyo Axmed Cabdullahi Du’aale ee<br />
Marcus Hoehne iyo Virginia Luling<br />
(eds), Peace and Milk, Drought and<br />
War ( London: Hurst and Co., 2010),<br />
pp.8345–63.<br />
17 Qayb ka mid ah waraysigan waxa markii hore laga sii daayey<br />
idaacadda caalamiga ah ee BBC-da sannadkii 2011. Qaybo lagu xusay<br />
buuggan waxa lagu sii daayey barnaamijyo aan u sameeyey BBC-da;<br />
qaybo kalena waa agab assal ah oo aan xigasho ahayn.<br />
18 Lewis, A Modern History of<br />
Somalia, p. 1.<br />
19 UNDP, Somalia’s Missing Million:<br />
The Somali Diaspora and Its Role<br />
in Development, 2009.<br />
20 Virginia Luling, ‘Genealogy as<br />
theory, genealogy as tool: aspect of<br />
Somali “clanship”’, Social Identities:<br />
Journal for the Study of Race, Nation<br />
and Culture, 12(4), July 2006.<br />
21 Drysdale, The Somali Dispute,<br />
p. 8.<br />
22 Lewis, Understanding Somalia<br />
and Somaliland, p. 23.<br />
2 Taariikhda (History)<br />
1 John Drysdale, The Somali Dispute<br />
(London: Pall Mall Press, 1964),<br />
p. 21.<br />
2 Ioan Lewis, A Modern History of<br />
Somalia (Oxford: James Currey, 2002),<br />
352
p. 5.<br />
3 Harold Nelson (ed.), Somalia:<br />
A Country Study (Washington, DC:<br />
American University Press, 1982), p. 7.<br />
4 Tom J. Farer, War Clouds on the<br />
Horn of Africa: A Crisis for Détente<br />
(New York: Carnegie, 1976), p. 54.<br />
5 War Office, Official History of<br />
the Operations in Somaliland, vol. 1,<br />
1907, p. 192.<br />
6 Abdi Sheikh-Abdi, Divine Madness<br />
(London: Zed Books, 1993), p. 55.<br />
7 Douglas Jardine, The Mad Mullah<br />
of Somaliland (London: H. Jenkins,<br />
1923), p. 249.<br />
8 Sheikh-Abdi, Divine Madness,<br />
p. 77.<br />
9 Farer, War Clouds on the Horn of<br />
Africa, p. 62.<br />
10 B. W. Andrzejewski and I. M.<br />
Lewis, Somali Poetry: An Introduction<br />
(Oxford: Clarendon Press, 1964), p. 57.<br />
11 Dr Abdirashid Ali Sharmarke,<br />
The Somali Peninsula: A New Light on<br />
Imperial Motives, London, 1962.<br />
12 The Issue of the Northern Frontier<br />
District, White Paper issued by the<br />
Somali government, Mogadishu, 1963.<br />
13 Drysdale, The Somali Dispute,<br />
p. 162.<br />
14 Sir Gerald Reece, The British<br />
Survey, Main Series no. 98 (London:<br />
Colonial Office, 1952), quoted in Said<br />
Samatar, Somalia: Nation in Search of<br />
a State (Boulder, CO: Westview Press,<br />
1987).<br />
15 Iqbal Jhazbhay, Somaliland:<br />
An African Struggle for Nationhood<br />
and International Recognition (South<br />
Africa: Institute for Global Dialogue<br />
and South African Institute for International<br />
Affairs, 2009), p. 13.<br />
16 Ioan Lewis, Making and Breaking<br />
States in Africa (Lawrenceville, NJ:<br />
Red Sea Press, 2010), p. 89.<br />
17 Mark Bradbury, Becoming<br />
Somaliland (London: Progressio,<br />
2008), p. 73.<br />
18 Ibid., p. 48.<br />
19 Ibid., p. 92.<br />
20 Warbixin guddida la-socodka arrimaha Somalia ee UN, 10 March<br />
2010.<br />
21 Said Samatar, in Marcus Hoehne<br />
and Virginia Luling (eds), Milk<br />
and Peace, Drought and War (London:<br />
353
Hurst and Co., 2010), p. 217.<br />
3 Xarakada Islaamiyadda (Islamism)<br />
1 Human Rights Watch, Harsh<br />
War, Harsh Peace, April 2010, www.<br />
hrw.org/reports/2010/04/13/harshwarharsh-peace<br />
(Markii ugu danbaysay ee la eegay,<br />
August 2011).<br />
2 Ioan Lewis, Saints and Somalis:<br />
Popular Islam in a Clan-based Society<br />
(London: Haan, 1998), p. 25.<br />
3 Stig Jarle Hansen and Atle<br />
Mesoy, The Muslim Brotherhood in<br />
the Wider Horn of Africa, NIBR, p. 40,<br />
www.nibr.no/uploads/publications/<br />
06d76b6e0d14594c9a753c487ed50e51.<br />
pdf ( August 2011). Markii ugu danbaysay ee la eegay<br />
4 International Crisis Group,<br />
Somalia’s Islamists, 2005, p. 1, www.<br />
crisisgroup.org/en/regions/africa/<br />
horn-of-africa/somalia/100-somaliasislamists.<br />
aspx (Markii ugu danbaysay ee la eegay August<br />
2011).<br />
5 Ibid., p. 7.<br />
6 Ken Menkhaus, Somalia: State<br />
Collapse and the Threat of Terrorism,<br />
IISS Adelphi Paper 364, p. 56.<br />
7 Roland Marchal, ‘Somalia: a new<br />
front against terrorism’, SSRC blog,<br />
2007, www.hornofafrica.ssrc.org/<br />
marchal/index1.html (last accessed<br />
August 2011).<br />
8 Cedric Barnes and Harun Hassan,<br />
The Rise and Fall of Mogadishu’s<br />
Islamic Courts, Chatham House, 2007,<br />
www.chathamhouse.org/publications/<br />
papers/view/108453 (Markii ugu danbaysay ee la eegay August 2011).<br />
9 Lagu xusay Anna Lindley,<br />
‘ Leaving Mogadishu: towards a<br />
sociology of conflict-related mobility’,<br />
Journal of Refugee Studies, 2010.<br />
10 Odhaah Al-Shabaab soo saartay, February<br />
2010.<br />
11 Warbixin guurtida khubarada UN,<br />
2010, p. 6, www.un.org/ga/search/<br />
view_doc.asp?symbol=S/2010/91 ( March 2011).<br />
12 IRIN, Markii ugu danbaysay ee la eegay April 2010.<br />
13 Warbixin khubarada UN,<br />
2010, p. 30.<br />
14 Andrea Elliot, ‘A call to jihad,<br />
answered in America’, New York Times,<br />
12 July 2009.<br />
15 FBI report, 2009.<br />
16 FBI report, 2010.<br />
354
17 Ibid.<br />
18 Elliot, ‘A call to jihad’.<br />
4 Qaran Fashilmay? (A failed state?)<br />
1 www.foreignpolicy.com/failedstates<br />
(Markii ugu danbaysay ee la eegay August 2011).<br />
2 Noam Chomsky, Failed States:<br />
The Abuse of Power and the Assault on<br />
Democracy (New York: Metropolitan,<br />
2006).<br />
3 Robert I. Rotberg, ‘The new<br />
nature of nation-state failure’, Washington<br />
Quarterly, 25(3), 2002, p. 85.<br />
4 Ian Birrell, ‘It’s time the world<br />
listened to new stories out of Africa’,<br />
Observer, 20 February 2011.<br />
5 Peter Little, Somalia: Economy<br />
without State (Oxford and Bloomington:<br />
James Currey and Indiana<br />
University Press, 2003), p. xv.<br />
6 Benjamin Powell, Ryan Ford and<br />
Alex Nowrasteh, ‘Somalia after state<br />
collapse: chaos or improvement?’,<br />
Independent Institute, November<br />
2006.<br />
7 Ibid.<br />
8 Peter Leeson, Better Off<br />
Stateless: Somalia before and after<br />
state collapse, West Virginia University,<br />
2006.<br />
9 www.unhcr.org/4ca602a66.html<br />
(Markii ugu danbaysay ee la eegay August 2011).<br />
10 Little, Somalia: Economy without<br />
State, p. 8.<br />
11 Anna Lindley, ‘Between “dirty<br />
money” and “development capital”’,<br />
African A!airs, August 2009, p. 528.<br />
12 Little, Somalia: Economy without<br />
State, p. 166.<br />
13 Ibid., p. 37.<br />
14 Ibid., p. 91.<br />
15 Ibid., p. 131.<br />
16 Lindley, ‘Between “dirty<br />
money” and “development capital”’,<br />
p. 539.<br />
17 Focus on Africa, April–June<br />
2011.<br />
18 Lindley, ‘Between “dirty money”<br />
and “development capital”’, p. 523.<br />
19 news.bbc.co.uk/1/hi/world/<br />
africa/4020259.stm (Markii ugu danbaysay ee la eegay<br />
August 2011).<br />
20 Mark Bradbury, Becoming<br />
355
Somaliland (London: Progressio,<br />
2008), p. 1.<br />
21 Iqbal Jhazbhay, Somaliland:<br />
An African Struggle for Nationhood<br />
and International Recognition (South<br />
Africa: Institute for Global Dialogue<br />
and South African Institute for International<br />
A9airs, 2009), p. 14.<br />
22 Bradbury, Becoming Somaliland,<br />
p. 93.<br />
23 Ibid., p. 106.<br />
24 Ibid., p. 242.<br />
25 Michael Walls, ‘The emergence<br />
of a Somali state’, African Affairs,<br />
108(432), 2009, p. 389.<br />
26 Rageh Omaar, ‘The jihadists<br />
next door’, Guardian, 6 July 2010.<br />
5 Budhcad-Badeedda (Piracy)<br />
1 Waxa jira buugaag iyo sheekooyin badan oo sii kordhaya oo laga<br />
qoray budhc-badeedda Soomaalida, iyo weliba sheekooyin si toos ah<br />
looga soo xigtey dadkii la qabsaday ee budhcad-badeeddu afduubka u<br />
haysatey. Waxa ka mid ah qoraalladaasi: Paul iyo Rachel Chandler,<br />
iyo Sarah Edworthy, Hostage: A Year at Gunpoint<br />
with Somali Gangsters (Edinburgh:<br />
Mainstream, 2011), Colin Freeman,<br />
Kidnapped: Life as a Somali Pirate<br />
Hostage (Wolvey: Monday, 2011), iyo<br />
Elmore Leonard, Djibouti (London:<br />
Weidenfeld iyo Nicolson, 2011).<br />
2 business.timesonline.co.uk/<br />
tol/business/industry_sectors/banking_<br />
and_2nance/article4727372.ece<br />
(Markii ugu danbaysay ee la eegay August 2011).<br />
3 Ecoterra International Counter-<br />
Piracy Updates.<br />
4 oneearthfuture.org/images/imagefiles/The%20Economic%20Cost%200f<br />
%20Piracy%20Full%20Report.pdf (Markii ugu danbaysay ee la eegay<br />
August 2011).<br />
5 news.bbc.co.uk/1/hi/7824353.<br />
stm (Markii ugu danbaysay ee la eegay August 2011); www.<br />
guardian.co.uk/world/2009/jan/10/<br />
sirius-star-somalia-pirates-drown (Markii ugu danbaysay ee la eegay<br />
August 2011).<br />
6 Stig Jarle Hansen, Piracy in<br />
the Greater Gulf of Aden: Myths,<br />
Misconceptions and Remedies, NIBR,<br />
2009, p. 12.<br />
7 Ibid., p. 8.<br />
8 news.bbc.co.uk/1/hi/world/<br />
africa/8061535.stm (Markii ugu danbaysay ee la eegay<br />
August 2011).<br />
9 Je9rey Gettleman, ‘Somalia’s<br />
pirates flourish in a lawless nation’,<br />
356
New York Times, 30 October 2008.<br />
10 Ibid.<br />
11 Warbixintii Golaha ammaanka ee UN, March 2010, p. 39.<br />
12 AP, November 2008.<br />
13 Ibid.<br />
14 Shir Jaraa’id, Safaaradda Maraykanka,<br />
London, February 2011.<br />
15 Hansen, Piracy in the Greater<br />
Gulf of Aden, p. 41.<br />
16 Ibid., p. 34.<br />
17 Macluumaadka la xidhiidha anshaxa hawlgalka waxan helay mar aan<br />
samaynayey xog-baadh bishii July ee 2011, aanan u samaynayey guddida<br />
la socodka hubka yaryar.<br />
18 Reuters, November 2008.<br />
19 Ibid.<br />
20 BBC, April 2009.<br />
21 Colin Freeman, ‘Somali pirates<br />
on trial in Holland’, Daily Telegraph,<br />
138June 2010.<br />
22 Ibid.<br />
23 Kaija Hulburt, The Human<br />
Cost of Somali Piracy, June 2011, p.813,<br />
oceansbeyondpiracy.org/cost-ofpiracy/<br />
human-cost-somali-piracy (Markii ugu danbaysay ee la eegay August<br />
2011).<br />
24 Ibid., p. 17.<br />
25 Ibid., p. 17.<br />
26 Dipendra Rathore, ‘Experience:<br />
I was kidnapped by Somali pirates’,<br />
Guardian, 11 June 2011.<br />
27 www.marad.dot.gov/<br />
documents/EUNAVFOR_Surviving_Piracy_<br />
Seafarers_Lea:et_v2.pdf (Markii ugu danbaysay ee la eegay August<br />
2011).<br />
28 Hansen, Piracy in the Greater<br />
Gulf of Aden, p. 30.<br />
6 Somalia iyo Adduunka Dibadda (Somalia and the outside<br />
World)<br />
1 Anna Lindley, ‘Between “dirty<br />
money” and “development capital”‘,<br />
African A!airs, 108(433), 2009, p. 539.<br />
2 BBC, 3 September 2010.<br />
3 Ereygan waxa bixiyey qoraaga Jim Hoagland oo wax ku qora<br />
jariidadda the Washington Post columnist Jim, waxanu ka hadlayaa<br />
faragelintii Marayanka ee Somalia ee sannadkii 1993.<br />
4 Odhaah ka soo baxday Aqalka Cad ee Maraykanka, Washington, DC, 7<br />
November 2001.<br />
5 Qorshaha Istaraatijiyadeed ee Dawladda Maraykanka, White House,<br />
September 2002.<br />
6 Qorshaha Istraatijiyadeed ee Maraykanka, White House,<br />
March 2006.<br />
7 Marcus Virgil Hoehne, African<br />
Arguments blog, SSRC, 2009,<br />
357
hornofafrica.ssrc.org/somalia/ (Markii ugu danbaysay ee la eegay<br />
August 2011).<br />
8 Bronwyn Bruton, Somalia: A<br />
New Approach, Council on Foreign<br />
Relations, 2010, p. 8.<br />
9 BBC, 13 September 2011.<br />
10 Ibid., p. 19.<br />
11 Warbixintii Guurtida la-socodka arrimaha Somalia ee UN, 10 March<br />
2010, p. 6.<br />
12 Taar ay direen dibloomaasiyiinta Maraykanku, ‘Somalia<br />
– TFG prime minister worried about<br />
rival organization, anxious for USG<br />
help’, Wikileaks, 2009.<br />
13 Chris Mullin, A View from the<br />
Foothills (London: Pro2le, 2009),<br />
p.8503.<br />
14 Warbixin guddida la-socodka arrimaha Somalia ee UN,, 10 March<br />
2010, p. 54.<br />
15 Jeffrey Gettleman, Mark Mazzetti<br />
iyo Eric Schmitt, ‘U.S. relies on<br />
contractors in Somalia con:ict’, New<br />
York Times, 10 August 2011.<br />
16 Taar ay direen diblomaasiyiin Maraykan ahi, ‘Carter<br />
informed that UK to increase Somalia<br />
engagement’, Wikileaks, 2009.<br />
17 Marcus Virgil Hoehne,<br />
Africa Arguments blog, SSRC, 2009,<br />
hornofafrica.ssrc.org/somalia/ (Markii ugu danbaysay ee la eegay<br />
August 2011).<br />
18 Warbixin guddida la-socodka arrimaha Somalia ee UN, 10 March<br />
2010, p. 7.<br />
19 Ibid., p. 24.<br />
20 Taar ay direen diblomaasiyiin Maraykan ahi, ‘An Eritrean<br />
overture to the United States’,<br />
Wikileaks, 2009.<br />
21 Human Rights Watch, Welcome<br />
to Kenya, June 2010.<br />
22 Taar ay direen diblomaasiyiin Maraykan ahi, ‘A<br />
portrait of Al Shabaab recruitment in<br />
Kenya’, Wikileaks, 2009.<br />
23 Warbixin guddida la-socodka arrimaha Somalia ee UN, 10 March<br />
2010, p. 25.<br />
24 Taar ay direen diblomaasiyiin Maraykan ahi, ‘A<br />
portrait of Al Shabaab recruitment in<br />
Kenya’, Wikileaks, 2009.<br />
Gabagabo (Conclusion)<br />
1 Guddida ICG ee International Crisis Group,<br />
Somalia: To Move Beyond the Failed<br />
State, 2008.<br />
2 Bronwyn Bruton, Somalia: A<br />
New Approach, Council on Foreign<br />
Relations, 2010, p. 5.<br />
358
3 Mark Bradbury, Becoming<br />
Somaliland (London: Progressio,<br />
2008), p. 6.<br />
4 Warbixin guddida la-socodka arrimaha Somalia ee UN, 10 March 2010,<br />
p. 6.<br />
359
Buugaagta tixraaca iyo qoraallada aan soo akhriyey<br />
(Bibliography)<br />
Ali, A. H. (2007) Infidel, London:<br />
Simon and Schuster.<br />
Andrzejewski, B. W. and S. Andrzejewski<br />
(1993) An Anthology of Somali<br />
Poetry, Bloomington: Indiana University<br />
Press.<br />
Andrzejewski, B. W. and I. M. Lewis<br />
(1964) Somali Poetry: An Introduction,<br />
Oxford: Clarendon Press.<br />
Bowden, M. (1999) Black Hawk Down:<br />
A Story of Modern War, New York:<br />
Atlantic Monthly Press.<br />
Bradbury, M. (2008) Becoming Somaliland,<br />
London: Progressio.<br />
Chomsky, N. (2006) Failed States: The<br />
Abuse of Power and the Assault<br />
on Democracy, New York: Metropolitan.<br />
De Waal, A. (2004) Islamism and Its<br />
Enemies in the Horn of Africa,<br />
London: Hurst and Co.<br />
Dowden, R. (2008) Africa: Altered<br />
States, Ordinary Miracles, London:<br />
Portobello.<br />
Drysdale, J. (1964) The Somali Dispute,<br />
New York: Praeger.<br />
— (1994) Whatever Happened to<br />
Somalia, London: Haan.<br />
Elmi, A. E. (2010) Understanding the<br />
Somali Conflagration, London:<br />
Pluto.<br />
Farah, N. (1970) A Crooked Rib,<br />
London: Heinemann.<br />
— (1986) Maps, London: Penguin.<br />
— (1998) Secrets, New York: Arcade.<br />
— (2001) Gifts, Cape Town: Kwela<br />
Books.<br />
Farer, T. (1976) War Clouds on the Horn<br />
of Africa: A Crisis for Détente, New<br />
York: Carnegie.<br />
Hoehne, M. and V. Luling (eds) (2010)<br />
Peace and Milk, Drought and War,<br />
London: Hurst and Co.<br />
Warbixinnada ICG (International Crisis Group) ee ku saabsan Somalia,<br />
www.crisisgroup.org/en/regions/<br />
africa/horn-of-africa/somalia.aspx<br />
(markii ugu danbaysay ee la eegay August 2011).<br />
Jardine, D. (1923) The Mad Mullah of<br />
Somaliland, London: H. Jenkins.<br />
360
Jhazbhay, I. (2009) Somaliland: An<br />
African Struggle for Nationhood<br />
and International Recognition,<br />
South Africa: Institute for Global<br />
Dialogue and South African Institute<br />
for International Affairs.<br />
Leonard, E. (2011) Djibouti, London:<br />
Weidenfeld and Nicolson.<br />
Lewis, I. (1961) A Pastoral Democracy,<br />
Oxford: James Currey.<br />
— (1998) Saints and Somalis: Popular<br />
Islam in a Clan-based Society,<br />
London: Haan.<br />
— (2002 [1980]) A Modern History of<br />
Somalia, Oxford: James Currey.<br />
— (2008) Understanding Somalia and<br />
Somaliland, London: Hurst and Co.<br />
— (2010) Making and Breaking States<br />
in Africa, Lawrenceville, NJ: Red<br />
Sea Press.<br />
Lindley, A. (2010) The Early Morning<br />
Phone Call: Somali Refugees’<br />
Remittances, New York: Berghahn<br />
Books.<br />
Little, P. (2003) Somalia: Economy<br />
without State, Oxford and Bloomington:<br />
James Currey and Indiana<br />
University Press.<br />
Menkhaus, K. (2004) Somalia: State<br />
Collapse and the Threat of Terrorism,<br />
International Institute<br />
for Strategic Studies and Oxford<br />
University Press.<br />
Mohamed, N. (2010) Black Mamba<br />
Boy, London: HarperCollins.<br />
Mullin, C. (2009) A View from the<br />
Foothills, London: Profile.<br />
Murphy, M. (2011) Somalia: The New<br />
Barbary?, London: Hurst and Co.<br />
Nelson, H. (ed.) (1982) Somalia: A<br />
Country Study, Washington, DC:<br />
American University Press.<br />
Omaar, R. (2006) Only Half of Me,<br />
London: Viking.<br />
Peterson, S. (2002) Me Against My<br />
Brother, New York: Routledge.<br />
Samatar, A. (1994a) Socialist Somalia:<br />
Rhetoric and Reality, London: Zed<br />
Books.<br />
— (ed.) (1994b) The Somali Challenge:<br />
From Catastrophe to Renewal?,<br />
Boulder, CO: Lynne Rienner.<br />
Samatar, S. (1987) Somalia: A Nation<br />
in Search of a State, Boulder, CO:<br />
Westview Press.<br />
361
— (1991) Somalia: A Nation in Turmoil,<br />
London: Minority Rights Group.<br />
Sheikh-Abdi, A. (1993) Divine Madness,<br />
London: Zed Books.<br />
362